Уште локација да дознаевме.......!

Според министерката за култура, за наредната 2009 година буџетот наменет за проекти од областа на културата ќе биде поголем за 54 отсто во однос на минатата година

.......

Кон крајот на јануари 2009 година, во Крушево ќе биде поставен камен-темелник на спомен-куќата на Тоше Проески, поточно на неговиот роденден.

........

-За спомен-куќата на Тодор Проески изработени се сите проекти и избрана е фирмата која ќе ја гради.

..........

- Си поигрувате со ликот на Тоше, бидејќи споменикот требаше да биде готов на 31 јули, а досега нема ништо. Нехумано е да се скратат средства за најголемата личност што ја имала Република Македонија. Најостро се спротиставуваме на оваа одлука и мислам дека може да се пренаменат средства од други владини проекти за доизградба на споменикот, рече пратеникот од СДСМ, Јани Макрадули, кој посочи дека за доизградба на овој меморијален споменик во предвидениот рок недостигале уште 15.000 евра.

На ова спикерот Трајко Вељановски, одговори дека битно е што има одлука за подигање на споменик на Тоше, а причините за негово пролонгирање се добро познати и сето тоа е оправдано, бидејќи ова е долг и не така едноставен процес.

Министерката за култура Елизабета Канческа-Милевска посочи дека никој не го злоупотребува ликот на Тоше, бидејќи, како што истакна, покрај изградбата на меморијалниот споменик, Владата донела одлука и за изградба на негова спомен-куќа.

- Треба да се гордеете што Владата донесе таква одлука за изградба на спомен-куќа, чија промоција се очекува до крајот на оваа година. Владата го изгради и патот до манастирот „Св.Преображение“, а даде поддршка и за осветлување на манастирскиот комплекс, рече Канческа-Милевска.

http://www.kirilica.com.mk/vest.asp?id=51509 - http://www.kirilica.com.mk/vest.asp?id=51509

Спомен куќата на Тоше ќе биде отворена на 24 јануари...

Спомен куќата на балканската поп ѕвезда Тоше Проески што се гради на Гумење во родното Крушево ќе биде отворена на 24 јануари. Ден потоа во Скопје ќе се одржи големиот концерт. Со ова ќе се одбележи роденденот на трагично загинатиот македонски пејач. Официјална потврда за отворање...то на спомен куќата се уште нема, но крушевчани веќе се подготвуваат за 30-от роденден на ѕвезденото момче.

Мала исправка.Ктитор на манастир или црква може да биде некој што манастир или црква изградил сам,со свои средства и тоа нема врска со посветеноста кон религијата.

http://www.netpress.com.mk/vestiimages/81743/spomen-kuka-Tose.jpg">

Во пресрет на триесеттиот  роденден на македонската музичка икона Тоше Проески, завршена е изградбата на Спомен-куќата во неговото родно Крушево, се вели во соопштението на Министерството за култура.

Спомен-куќата ќе претставува материјализација на целиот животен пат на Тоше и низ своите содржини ќе обезбеди хронолошки  приказ на неговото детство, на тинејџерските години, на периодот кога Тоше го достигна врвот во својата уметничка кариера. Поставката на Спомен-куќата ќе биде збогатена со автентични експонати кои се сопственост на семејството Проески, се додава во соопштението.

Сите градежни работи околу објектот што ќе сведочи за животот и делото на трагично згаснатата македонска ѕвезда биле комплетно завршени, а како што наведуваат од министерството Спомен-куќата ќе биде отворена за посетителите откако семејството на Тоше Проески ќе ги внесе во неа неговите лични предмети кои се дел од автентичната збирка на експонати.

Во чест на Тоше Проески, кој со својата креативност и непосредност, низ целиот Балкан и пошироко, ја афирмираше културата на нашата држава и остави траен белег во севкупното културно живеење, на 25-ти јануари сите почитувачи на неговите лик и дело ќе го прослават неговиот триесетти роденден.

Во изградбата на Спомен-куќата инвестираа и Владата и Министерството за култура од каде велат дека ова е “искрен придонес и благодарност од сите граѓани во негувањето на  неговиот лик и дело”.

На овој голем ден, Велигден, Тоше секогаш се враќаше дома и пееше во црковниот хор на „Св. Богородица“, во која беше и крстен

На 25 април (понеделник), вториот ден на големиот христијански празник Велигден, и официјално ќе биде отворена Спомен-куќата на Тоше Проески, сместена на Гумење во неговото родно Крушево.

„Каде и да беше, што и да правеше, за Велигден Тоше секогаш си доаѓаше дома. Не пропушташе година и редовно за овој голем празник пееше во црковниот хор на ’Св. Богородица‘“, ни изјави Славен Ристовски од семејството на Проески. Станува збор за истата црква во која Тоше бил крстен и која се наоѓа во близина на неговата семејна куќа во Крушево.

До 25 април треба да бидат завршени сите ентериерни уредувања на објектот, изграден во чест на македонската пејачка ѕвезда Тоше Проески, кој настрада во сообраќајна несреќа кај Нова Градишка, Хрватска, на 16 октомври 2007 година, а со цел да се зачува бесмртноста на неговиот лик и дело. Камен-темелникот на Спомен-домот, со одлука на Владата, беше поставен на 24 јануари 2009 година, еден ден пред неговиот роденден, а во присуство на голем број гости од цела Македонија и со благослов на архиепископот г.г. Стефан.

Идејното решение на објектот е заедничко дело на Дејан Секуловски и Дејан Спасеновски во соработка со Илија Божиновски, а како изведувач на градежните работи се потпишува „Конструктор инженеринг ДД СПЛИТ“.

Спомен-куќата претставува материјализација на целиот животен пат на Тоше Проески, а прошетката низ неа овозможува да се помине низ целокупниот живот на Тоше, кој е поделен во неколку целини: животен пат, музичка кариера, секојдневје, Тоше како хуманист и верник, Тоше и фановите и Тоше засекогаш. Во центарот на вниманието ќе бидат и две восочни фигури на Тоше во природна големина: едната во стоечка позиција со микрофон во негов препознатлив став при пеење, а другата во неговото музичко студио, седнат на клавир. Се работи за реплика на неговото студио во кое музицираше и компонираше, просторија за преслушување на музика наменета за посетителите, а во продолжение и кафетерија која е поврзана со горното ниво преку тераса и повеќе висински платформи од кои се протега одлична панорама на градот и „Македониумот“.

Посетителите ќе може да ја видат и автентичната реплика на неговата дневна соба од домот во Злокуќани, а низ целиот објект ќе се слушаат „Игри без граници“, „Боже, чувај од зло“, „Цреша“, „Мајка на Марика думаше“, „Јовано, Јованке“, „Јас не сум виновен“, „Има ли ден за нас“, „Го лажам секој нов рефрен“, „Тајно моја“... Ликот на Тоше ќе биде присутен и на ЛЦД-екрани на кои постојано ќе се емитуваат неговите концерти и спотови, но и преку соодветно сценско светло. Заради запазување на најновите технолошки достигнувања, освен неколкуте инфоточки со екрани осетливи на допир каде што ќе можат да се добијат сите интересни информации поврзани со Тоше, предвиден е и таканаречен систем за дигитален отпечаток, кој претставува стаклено платно со димензии 2х2 м, исто така, осетливо на допир на кое ќе се проектираат соодветна интерактивна содржина и информации по желба на посетителот. Функционалното обликување на просторот се одвива на две нивоа.

Покрај подготовките за отворање на Спомен-куќата, во тек е и постапката за изградба на меморијален споменик на Тоше во Крушево, која е во фаза на разгледување на понудените идејни решенија

http://www.utrinski.com.mk/?ItemID=00A8A3E9EFD92741B3F64E82DF44481C

Значи сепак куќата не била отворена овој период, се опремувала внатрешноста. Има низ цел град(Скопје) билборди(од тие помалите) со постер на кој се објавува оваа вест. Така да кој планира да оди, нека сликне. Само пазете се, ќе има милион луѓе

па и за Тоше има и фонтана и парк во Аеродром и + музеј во крушево.. има и крст, а можда и уште нешто што сум пропуштил.. ааа црквата му ја доградија.. што има тука недолично или несоодветно. Максимално е испочитуван. Мене баш ми се свиѓа куќава, на прва остава без здив пошто е специфична градба, не заради спектакуларноста колку заради необичноста.

Отворена спомен куќата на Тоше

http://a1.com.mk/vesti/novinar-email.asp?NovinarID=87&VestID=137124 - Дарко Штаргоски	http://a1.com.mk/vesti/default.aspx?VestID=137124#komentari - Коментари (0)

Пред илјадници посетители од земјава и странство денеска во Крушево беше отворена спомен куќата на Тоше Проески на Гумење.

Музејот се простира на површина од 870 метри квадратни и е во форма на крст, изграден е од стакло и бетон, а околу него се направени базени низ кои постојано тече вода. Во куќата се сместени сите негови лични работи од детството, па се до денот кога трагично замина од овој свет.

Тука се неговиот мотор и омилениот автомобил Буба, првата гитара, облеката, сувенирите. На ЛЦД монитори постојано се пуштаат неговите песни и концерти, а на еден од ѕидовите на над 100 светски јазици е напишана познатата реченица од Тоше „Сите ве сакам“.

„Каде што сега се наоѓа спомен куќата Тоше сакаше на тоа место да направи свое музичко студио. Спомен куќата сега е во форма на крст каков што Тоше носеше на градите, но сега насочен нагоре кон небото, кон рајот, од каде Тоше најубаво ќе може да го види“, изјави Анастас Проески, чичко на Тоше.

„Со отворањето на оваа Спомен куќа на Гумење на светот уште еднаш му ја отвораме душата на Тоше, одново и несебично. Онака како што тој не учеше и како што постојано се даваше, бескрајно и несебично“, рече Андреј Николоски, извршен директор на „Фондација Тоше Проески“.

Карактеристични се и двете восочни фигури на Тоше кои даваат чувство дека тој и денес е тука присутен во музејот. Во еден дел од Спомен куќата се наоѓа и студиото каде што Тоше ги компонираше своите мелодии.

„Имаме во куќата околу 20-тина витрини со експонати од Тоше, тие се секоја за себе посебна приказна и покажуваат посебен дел од животот на Тоше“, вели Дејан Спасеноски, архитект на објектот.

Денеска во Крушево беа присутни и неговите фанови од сите простори на поранешна Југославија.

„Оваа Спомен куќа го кажува тоа дека Тоше не беше некој кој само постоеше и потоа почина. Зад него останаа сите добри дела кои ги правеше, сите држави од поранешна Југославија добија по некој дел од тоше“, Индира Фазлија, Интернационален „Тоше фан клуб форум“.

Во чест на Тоше, неговиот бенд заедно со Влатко Стефановски и актерот Раде Шербеџија промотивно ја изведоа песната „Крушево“ која е компонирана од Тоше, а текстот е на Мирослав Рус.

Имав можност пред 1-2 години да го посетам Крушево и нормално бевме на гробот на Тоше. Гробот се наоѓа на влезот на гробиштата веднаш спроти гробот на Питу Гули. Со сета должна почит кон Тоше, и како музичар, уште повеќе како човек, сметам дека е предимензиониран неговиот третман како небаре да е светец. Гробот на Питу Гули, беше ништо повеќе од обичен стар подзаборавен гроб, преполн со коров и понекое овенато цвеќе којзнае од кога. Гробот на Тоше грижливо чуван (веровтно од неговото семејство и фондацијата), со доста посетители кои како и нас беа дојдени да му оддадат почит на Тоше. Се прашувам, кој повеќе заслужува споменик, спомен дом, Питу Гули кој херојски загинал бранејќи ја првата република на Балканот, на која сите ние сме толку горди, или музичката икона која сепак на добро светло ја претставуваше Македонија, барем регионално? Крушево и Македонија не смеат  поради Тоше да заборават на славното минато и останатите херои кои ги дал овој град.