Print Page | Close Window

Станбени и станбено-деловни згради (општо)

Printed From: build.mk
Category: Главни теми
Forum Name: Станбени
Forum Discription: Станбени згради, станбено-деловни комплекси, резиденцијални објекти и населби...
URL: http://www.build.mk/forum/forum_posts.asp?TID=52
Printed Date: 25-Jun-2022 at 23:49


Topic: Станбени и станбено-деловни згради (општо)
Posted By: pbanks
Subject: Станбени и станбено-деловни згради (општо)
Date Posted: 19-Jan-2008 at 19:20
објектот кај подвозникот накај Црниче гледан од страната на Јужен булевар Puke

1

2




Replies:
Posted By: pbanks
Date Posted: 02-Mar-2008 at 13:47
Позади Кинг Бургер, одма до куќата на Белопета.

1

2



Posted By: pbanks
Date Posted: 14-Jun-2008 at 14:32
Каде е точно ова?

Аеродромци се противат на изградба на станбено-деловен објект

Граѓаните и општинарите одржале средба на која бил постигнат компромис

Станарите од зградите на улиците „Владимир Комаров“ и „Ангел Димовски“ од населбата Аеродром се противат на планираната изградба на станбено-деловен објект на аголот меѓу булеварот „Јане Сандански“ и улицата „Владимир Комаров“. Реагираат против предложениот ДУП, бидејќи сметаат дека со неговата реализација ќе се уништи единствената зелена површина во реонот на која има над педесетина дрвја стари неколку децении. Наедно, велат жителите, ќе мора да се затвори и блискиот паркинг, кој и така не ги задоволува сегашните потреби на населението од реонот.

„Некои општински функционери сакаат меѓу овие згради да градат дополнителни станбени згради, односно да ги натераат луѓето да живеат спакувани како сардини. Имам доволно техничко искуство и знам дека во тој случај воопшто нема да функционира нормално ниту електриката, ниту водоводот, ниту, пак, канализацијата, греењето, паркирањето. Ќе се јават секакви тешкотии“, смета Ванчо Врангалов, еден од шестоте потписници на петицијата против изградбата на планираниот станбено-деловен објект, кој е предвиден со последните измени и дополнувања на деталниот план „Црква“ -Урбана единица А. Планот токму на последната седница на Советот на Општина Аеродром требаше да биде ставен на гласање. Но, тој беше повлечен од дневен ред, со образложение дека се' уште се чека мислење за него од Министерството за транспорт и врски.

Во меѓувреме, претставници од Иницијативниот одбор на граѓаните кои се противат на изградбата на објектот одржаа средба со заменик-градоначалникот Југослав Зиберовски и претседателот на Советот на Општина Аеродром, Сашо Петковски. Според Ѓорѓи Ѓоргиев, претставник од Одборот, бил изнајден компромис во интерес на граѓаните. (Дс.Т.)



http://www.utrinski.com.mk/?ItemID=90A723EA9BDB73489F8EFD730BB45FEC - http://www.utrinski.com.mk/?ItemID=90A723EA9BDB73489F8EFD730BB45FEC


Posted By: se_manda
Date Posted: 14-Jun-2008 at 15:29
moze da e toa parkceto so e kaj ulickata nakaj tinex


Posted By: Cloverstack
Date Posted: 14-Jun-2008 at 15:56
Originally posted by pbanks

Каде е точно ова? http://www.utrinski.com.mk/?ItemID=90A723EA9BDB73489F8EFD730BB45FEC -


Улицата Ангел Димовски е дакеку од аголот меѓу булеварот Јане Сандански и улицата Владимир Комаров, така да од текстот ништо не ми е јасно и само сум повеќе збунет...


Posted By: vardar
Date Posted: 09-Oct-2008 at 04:12
Лани биле изградени 306 стана во државна сопственост

Лани државата изградила 306 стана, со што бројот на станови во државна сопственост е заокружен на 5.691 со површина од 283.592 квадратни метри, соопшти Заводот за статистика. Ова е занемарливо во однос на вкупниот број државни станови на крајот на осумдесеттите. Тогаш, во државна сопственост се изградиле 87.452 стана со вкупна површина од над 4,6 милиони квадратни метри. Триста стана изградени лани се ништо во однос на „златното“ време од 1980-тите години. (МИА)

http://www.utrinski.com.mk/?ItemID=876B4234A0802E488C5BD0B9AA679F9E - http://www.utrinski.com.mk/?ItemID=876B4234A0802E488C5BD0B9AA679F9E  


Posted By: lslcrew
Date Posted: 24-Oct-2008 at 00:07
Овде се попунува просторот, почнува да се гради зграда.
41°58'49.36"N  21°26'22.95"E




Posted By: my Macedonia
Date Posted: 24-Oct-2008 at 10:53
so kolku kata ?


Posted By: lslcrew
Date Posted: 24-Oct-2008 at 11:24
Ееее точно не сум избројал, ваљда исто колку и соседните. Одприлика 5-6.


Posted By: pbanks
Date Posted: 15-Nov-2008 at 16:49
Знае ли некој каде е оваа улица Чедомир Миндеровиќ Dunno

1

2



Posted By: Cloverstack
Date Posted: 15-Nov-2008 at 17:20

Улицата е оваа

41°59'59.12"N  21°25'30.66"E


Posted By: my Macedonia
Date Posted: 15-Nov-2008 at 17:25
da seka ni treba samo objektot da go najdeme kade se naoga


Posted By: pbanks
Date Posted: 19-Mar-2009 at 17:21
Почнува да се гради кај матично

1

2



Posted By: pbanks
Date Posted: 05-Apr-2009 at 19:44
Ова е на уличката паралелно со Орце Николов позади Руска амбасада.



Културно направено спрема мене

На истава оваа уличка го имаме во најава и овој проект

Originally posted by pbanks



1

2






Posted By: pbanks
Date Posted: 05-Apr-2009 at 19:46
Во сличен фазон нов објект позади ДНК Код/Стоун дизајн

Дали е ова некоја нова мода или се работи за истиот проектант? Сепак претходниот објект далеку повеќе ми се допаѓа.

1

2




Posted By: lslcrew
Date Posted: 30-Apr-2009 at 21:23
41°58'35.91"N 21°26'24.75"E




Posted By: 46&2
Date Posted: 30-Apr-2009 at 22:44
Позади Соборна.


Posted By: lslcrew
Date Posted: 29-May-2009 at 15:50
Ова е сликано од раскрсницата партизанска-рузвелтова. Погледнете го она зновонасадено зградиче-куќиче (што и да е) измеѓу.

И ај сега на што личи ова?! Катастрофа! Мораме под-хитно да си ставиме ред во хаосов! Нити максимална висина се знае, нити минимална. А досега не сум забележал две соседни згради потполно да се склапаат една со друга! А камо ли па уште мансрадните кровови да се слагаат, научна фантастика! Па како што ми изгледа, уште некоја квази-купола стаиле! Вчера на интевјуто (ќе го има и на build.mk уште не е качено на нет) со проефесорот Грчев, тој убава споредба направи за силувањето на просторот... "Тоа е исто како силувачот што силува немоќно суштество да прашаме дали кажал добровечер кога пристапил!" Е така и тука! Куполава е "добровечер" у силувањето на околниот простор.


Posted By: lslcrew
Date Posted: 18-Jun-2009 at 13:52
ЌЕ СЕ УРБАНИЗИРААТ ЗАПУСТЕНИТЕ ДЕЛОВИ ВО АЕРОДРОМ
Наместо ниви и депонии, ќе никнат 18 згради

Осумнаесет нови станбени згради е предвидено да се изградат во наредниот четиригодишен период на територијата на општина Аеродром. Според програмата за работа на градоначалникот Ивица Коневски, ќе се градат четиринаесет објекти со вкупно 770 нови стана, коишто ќе бидат наменети за продажба. Дополнително, во соработка со Владата ќе се подигнат уште четири згради со 193 стана наменети за млади брачни двојки. За граѓаните од Аеродром, ваквата програма на Општината е добар начин да се урбанизираат оние делови, кои во моментов се запустени и претворени во ниви, во диви депонии или простори обраснати со трева. Тие сметаат дека на тој начин ќе се зголеми бројот на жители во и така најмногубројната скопска општина, што ќе резултира со поголеми инвестиции, па ќе треба да се изградат нови болници, училишта, градинки, трговски центри и пазари кои ќе придонесат за подобрување на квалитетот на животот на сите граѓани. - Дел од територијата на општината се уште не е доволно урбанизирана. На некои места се садат житни култури, се ораат ниви, се чуваат домашни животни. Се надевам дека со изградбата на овие станбени објекти во целост ќе се искоренат нивите, ливадите и пластениците, коишто на општината и даваат лош изглед “ вели Ката од Ново Лисиче. Сепак, надлежните општински служби се уште не ги имаат дефинирано точните локации каде ќе се градат осумнаесетте нови објекти. - Зградите ќе мора да бидат изградени во согласност со деталниот урбанистички план на општината како и со ГУП на град Скопје. Засега е познато дека дел од новите згради ќе се градат во Реонски Центар Аеродром и тоа во соработка со Владата “ велат од Одделението за односи со јавност на Општина Аеродром. Тие објаснуваат дека градежните работи за објектите ќе му бидат доверени на Јавното претпријатие за стопанисување со станбен и деловен простор. - Во понатамошниот период со етапно донесување на ДУП ќе се предвиди изградба на станови и во други населби, со што во целост ќе се реализира предвидениот проект “ додаваат од Аеродром.

http://www.vreme.com.mk/DesktopDefault.aspx?tabindex=0&tabid=1&EditionID=1734&ArticleID=115957


Posted By: lslcrew
Date Posted: 10-Jul-2009 at 12:57
Јавен тендер за изградба на 14 згради и три висококатници во скопската општина Аеродром

http://netpress.com.mk/vestiimages/58980/min_trasport_vrski.jpg">

Министерството за транспорт и врски денеска распиша јавен повик за  јавно наддавање за отуѓување на државно градежно земјите, наменето за изградба на 14 станбени згради во скопската општина Аеродром.
 
Исто така, се планира и јавно наддавање за отуѓување на градежно земјите за изградба на високотаници.
 
Ресорниот портпарол Драган Симоновски, рече дека предмет на електронско јавно наддавање е градежно државно неизградено земјиште кое е наменето за изградба на 14 станбени објекти, земјиште со вкупна површина од 22.180 квадратни метри. Почетната цена на јавното наддавање ќе изнесува 4.200 денари од квадратен метар.
 
“Предмет на јавното електронско наддавање е градежна парцела, предвидена со ДУП, со намена за изградба на три висококатници, кои согласно планот претставуваат објекти за времено апартманско сместување, големи трговски единици и катни гаражи. Вкупната површина на градежната парцела изнесува 21.247 квадратни метри со површина за градење од 10.000 м2. Минималната висина на висококатницата ќе треба да изнесува 25 катови“, вели Симоновски.
 
Почетната цена за ова ќе изнесува 7.000 денари од квадратен метар.

Најповолниот понудувач треба во рок од шест месеци да ја обезбеди потребната документација од општината и рок од три години да ја комплетира изградбата.

Симоновски подвлече дека објавите за учество на јавните електронски наддавања се објавени во домашните печатени медиуми, на интернет страницата на министерството и во весникот “Фајненшл Тајмс“.

http://netpress.com.mk/vest.asp?id=58980&kategorija=1



Posted By: lslcrew
Date Posted: 10-Jul-2009 at 13:20
Еве малку подетално. Првата локација е дел од реонски центар, а втората е земјиштетот до бензинската макоил, позади средното хемиуско училиште.
На јавно наддавање две локации на државно градежно земјиште во општина Аеродром - 10.7.2009
Државно градежно неизградено земјиште на две локации во општина Аеродром ќе биде дадено на јавно наддавање за изградба на станбени објекти и висококатници.

Земјиштето со вкупна површина од 22.180 метри кадратни, што се наоѓа на булеварот „АСНОМ“,  е наменето за изградба на 14 станбени објекти и почетната цена на јавното наддавање е 4.200 денари од метар квадратен. 

Втората градежна парцела на булеварот „Србија“ е наменета за изградба на три висококатници. Вкупната површина на парцелата е 21.247 метри квадратни со површина за градење од 10.000 метри квадратни, а почетната цена на јавното наддавање е 7.000 денари од метар квадратен. Минималната висина на висококатницата ќе треба да изнесува 25 катови.

Јавното електронско наддавање за првото земјиште ќе се одржи на 2 септември, а пријавите за учество треба да се достават најдоцна до 18 август, додека аукцијата за втората градежна парцела ќе се одржи на 18 септември, а понудите треба да се достават до 4 септември.

Најповолниот понудувач ќе треба во рок од шест месеци да ја обезбеди потребната документација од општината, а во рок од три години да ја комплетира изградбата на објектите.

- Со реализацијата на овие проекти ќе се овозможи раздвижување на пазарот на недвижности, поточно со зголемување на капацитетот на станбени единици ќе се овозможи намалување на продажната цена на становите во Скопје, но исто така ќе се овозможат нови инвестиции, нови вработувања, рече на денешната прес-конференција портпаролот на Министерството за транспорт и врски, Драган Симоновски.

Тој посочи дека се очекува инвестициите да изнесуваат приближно 50 милиони евра, а од оттуѓувањето на градежното земјиште би се обезбедиле 4.300.000 евра од кои 80 отсто ќе се слеат во буџетот на локалната самоуправа, а 20 отсто во државниот буџет.

Објавите за учество на јавните наддавања се објавени во домашните печатени медиуми, во Financial Times и на интернет страницата на Министерството за транспорт и врски, а  испратени се и до економските промотори на Република Македонија.

www.mtc.gov.mk


Дискусија за висококатниците во нишката http://www.build.com.mk/forum/forum_posts.asp?TID=89 - Облакодери во Скопје .


Posted By: Cloverstack
Date Posted: 10-Jul-2009 at 13:26
lsl, првата локација не може да биде во Реонски Центар доколку е точна информацијата дека се работи за Бул. АСНОМ


Posted By: lslcrew
Date Posted: 10-Jul-2009 at 13:29
Се збркав со локацииве. Ги мешам двата булевара, асном и всбато. Мене па ова асном ми дфојде како потврда на сомнешот дека се работи за реонски. Question Инаку каде точно се сега па овие локации?!


Posted By: alexgizh
Date Posted: 02-Sep-2009 at 21:26
од денеска

1. објектот до броз кафе е при крај со карабината


2.Незнам дали го имаме евидентирано овој објект, на ќошето кај апче



Posted By: lslcrew
Date Posted: 14-Sep-2009 at 13:25

Пропадна аеродромскиот Менхетн

Иако некои градежни фирми сметаа дека изградбата на трите висококатници во Аеродром е поатрактивна од земјиштето во Горно Лисиче наменето за 14 станбени згради, сепак најверојатно и двете парцели ќе почекаат уште пред да станат реалност

%20
Пропадна и јавниот повик на државата за продажба на парцела во општината Аеродром, наменета за изградба на три висококатници покрај булеварот Србија, бидејќи не се пријавиле заинтересирани купувачи. Земјиштето се простира на 21.247 метри, а според деталниот план објектите може да бидат високи и до 500 метри. Ова е втора објава на Министерството за транспорт и врски да продаде земјиште на лицитација, која не привлече ниту еден инвеститор. Пред само две недели не се продаде ни земјиштето во Горно Лисиче, веднаш до населбата Ново Лисиче, каде што беше предвидена изградба на 14 станбени згради, па мораше да се повтори објавата и да им се даде втора шанса на купувачите.

Иако некои градежни фирми сметаа дека изградбата на трите висококатници во Аеродром е поатрактивна од земјиштето во Горно Лисиче наменето за 14 станбени згради, сепак најверојатно и двете парцели ќе почекаат уште пред да станат реалност.

Од Министерството за транспорт и врски, кое требаше да ги изврши јавното наддавање и продажбата, истакнаа дека до крајниот рок, односно до 4 септември оваа година, не се пријавила ниту една фирма за да го купи неизграденото земјиште до булеварот Србија, кое е во државна сопственост.

- Нема пристигнато пријави за учество на повикот, со што автоматски се откажува електронско јавно наддавање закажано за 18 септември. Во наредниов период повторно ќе распишеме објава за отуѓување на оваа градежна парцела – објаснија од Министерството.

Земјиштето што се покажа како неатрактивно за потенцијалните инвеститори се нудеше со почетна цена од 7.000 денари за квадрат, односно за два и пол милиона евра за целата површина.

Од Министерството очекуваа дека продажбата на овој плац и изградбата на висококатниците ќе донесе нови инвестиции, со што би се отвориле работни места, како и ќе се раздвижи пазарот на инвестиции и ќе се зголеми капацитетот на станбени единици и намалување на цените на становите.

Во тек е објавата за плацот, пак, што се наоѓа зад бензинската пумпа и спроти ресторанот „Мирко 919“ во Горно Лисиче, кој се продава со почетна цена од 4.200 денари за квадратен метар или за вкупно еден и пол милиони евра. Кандидатите ќе можат да се пријавуваат до 16 октомври оваа година, а јавното наддавање е закажано за 29 октомври.

За првиот оглас не помогна ниту тоа што продажбата беше објавена во познатиот британски весник „Фајненшл тајмс“, во македонските медиуми, на интернет-страницата на Министерството, а им бил даден и на економските промотори на Македонија. Според условите во огласот, ако некој го купи земјиштето ќе треба за шест месеци да ги обезбеди сите потребни дозволи, а во рок од три години да ги изгради објектите

http://novamakedonija.com.mk/NewsDetal.asp?vest=9149109324&id=14&prilog=0&setIzdanie=21787


Posted By: gorco
Date Posted: 22-Nov-2009 at 14:27
Originally posted by pbanks

објектот кај подвозникот накај Црниче гледан од страната на Јужен булевар Puke

1

2



Перфектно направен објект.

Сум бил во неколку станови внатре... Ко да не сум во Скопје!


-------------


Posted By: pbanks
Date Posted: 23-Nov-2009 at 12:01


Хм, не сум бил внатре, веројатно си во право штом вака тврдиш. Но екстериерно зградиве се Puke


Posted By: гитардемон
Date Posted: 23-Nov-2009 at 15:29
Ужасно се грди, ама мислам дека со подобар избор на бои барем 50% би изгледале. Ама навистина е за повраќаница шарата.

-------------
Arguing on the internet is like running at the special olympics. Even if you win, you're still retarded.


Posted By: gorco
Date Posted: 25-Nov-2009 at 15:20
Originally posted by pbanks



Хм, не сум бил внатре, веројатно си во право штом вака тврдиш. Но екстериерно зградиве се Puke


Да идам да сликам, ќе стаам по некоја фотка од левиот жолт дел. ))




-------------


Posted By: alexgizh
Date Posted: 26-Jan-2010 at 09:36
Се руши куќата на крајот од ул.Славка Недиќ, таа на ќошот што гледа директно на Партизанска. Најверојатно ќе се прави зграда. Уште оваа и 2-3 куќи и ќе се "покрие" поголемиот дел од Партизанска.

http://maps.google.com/?ie=UTF8&hq=&hnear=Skopje,+Macedonia+&t=h&ll=42.000389,21.415274&spn=0.001339,0.002411&z=19 - http://maps.google.com/?ie=UTF8&hq=&hnear=Skopje,+Macedonia+&t=h&ll=42.000389,21.415274&spn=0.001339,0.002411&z=19


Posted By: my Macedonia
Date Posted: 28-May-2010 at 19:52

Станбен објект со деловна намена на ул. “Никола Тримпаре” бр.33

17 February, 2010 01:19:00
Големина на фонт: javascript:tsz%28article_body,12px%29">Decrease%20font javascript:tsz%28article_body,16px%29">Enlarge%20font
image

Објектот преставува станбен објект со деловна намена ,лоциран на градежна парцела бр. 4.2.4. со катност од Подрум+Приземје+Галерија+4ката+Поткровје, со габарит со дим.

11,50м /12,00 м  и се наоѓа на ул. “Никола Тримпаре” бр. 33, КО ЦЕНТАР 1, КП 11427, Општина Центар, Скопје.Пристапот до објектот е од улица “Никола Тримпаре” и од ул. “Рајко Жинзифов”. До влезот во објектот  постои пешачка патека- тротоар, пристапна рампа до дворното место–локацијата, каде што се предвидени одреден број паркинг места, како и вертикална комуникација – теретен лифт наменет за спуштање на делот од возилата кои треба да се паркираат на ова локација.

a) Архитектонско урбанистичко обликување

Проектираниот објект со својата содржина е дефиниран како станбен со деловен простор во приземјето и галеријата, и станбени единици различни по структура  и големина  и на катовите и тоа:
• во приземје и галеријата деловен простор со магацини,
• на катовите  и поткровјето се предвидени по две станбени единици
Вкупно се предвидени 10 станбени единици.
• во сутерен се предвидени заеднички простории- подруми како и топлотна подстаница, водоводна потстаница и лифт куќичка и е предвиден паркинг простор за одреден број возила.

До овој паркинг простор се доаѓа преку теретен лифт кој е лоциран на дел од дворното место, затворен и покриен 
Во објектот се предвидени заеднички комуникации- лифт, скали и ходници. Завршетокот на новопроектираниот објект  ќе биде со кос мансарден кров.Во состав на новопроектираниот станбен објект предвидени се следните простории и тоа

http://akcelikbuilding.com/mk/index.php?news=17 - http://akcelikbuilding.com/mk/index.php?news=17


-------------


Posted By: axel
Date Posted: 12-Jul-2010 at 15:17

Весели војнички згради


Згради со многу бои и со ѕидови обвиткани во зеленило предлагаат архитектите што учествувале на конкурсот за идејни решенија за проектот „АРМ мој вистински дом“, со кој треба да се обезбедат станови за припадниците на армијата по поволни услови

 
 
%20  
Министерството за одбрана ги претстави избраните решенија. Неговата комисија не избрала првонаграден труд, туку од десетте пристигнати одлучила еден да се откупи и да им се додели трета награда на авторот Ѓорѓи Константиновски и втора на тимот архитекти предводени од професорите Минас Бакалчев и Митко Хаџи Пуља.

- Кога ја претставивме оваа идеја, многумина не ни веруваа дека ќе ја оствариме. Но оваа презентација го докажува спротивното. Идејните решенија се добра основа за да се изработи проектната документација. Се надевам дека и општината Карпош наскоро ќе го усвои деталниот урбанистички план за касарната „Илинден“, каде што треба да се гради, и проектот ќе се одвива според планот - рече министерот Зоран Коњановски.

Вкупно треба да се направат 1.464 стана. За да добијат еден од нив, припадниците на АРМ треба да платат 30 отсто од вредноста, а остатокот да го исплаќаат на 10 години без камата, бидејќи ќе ја покрива Министерството. Од буџетот ќе се финансира и изработката на проектите. Министерот Коњановски нагласи дека ќе се гради исклучиво на локации што се чисти, целосно во државна сопственост, за кои не се води ниту постапка за денационализација, ниту, пак има други имотноправни проблеми.




Армијата штеди, но мора

Министерот за одбрана Зоран Коњановски потврди дека има намалувања на трошоците за Армијата, но истакна дека тие мерки биле неопходни да се спроведат поради Светската економска криза и дека воопшто нема да го загрозат функционирањето на АРМ.

Независниот синдикат на војниците неодамна се пожали дека не се исплаќаат дневниците за терен и надоместоците за дежурства, а се штедело и на автобускиот превоз, па дури имало и препораки за тоа како да се користат електричната енергија и водоводот во армиските објекти, за трошоците да се сведат на минимум.

- Ако може некоја работа да се заврши со два автобуса, зошто би требало да се плаќа и трет? Намалени се само несуштинските трошоци, за да се постигне подомаќинско работење. Наместо да се плаќа за дежурства, се доделуваат слободни денови. Намалена е и мојата плата за 10 отсто, како и платите на другите министри - рече Коњановски.

http://www.novamakedonija.com.mk/NewsDetal.asp?vest=71210102777&id=9&prilog=0&setIzdanie=22031


Posted By: axel
Date Posted: 04-Aug-2010 at 05:08

Пеце Наумовски сепак ќе гради на Водно?

вторник, 03 август 2010, 17:32

Жители на елитниот дел од населбата Водно се во шок, откако дознале дека поранешниот кошаркар и пратеник Петар Наумовски повторно се обидува да гради на падините на Водно. Соседите на Наумовски побарале објаснување од Министерството за транспорт, чии службеници ја дооформувале парцелата. На средба со министерот Јанакиески, им било кажано дека ќе се гради, но немало да се сече шумата, туку само џбунчиња на падините на Водно. Соседите се вознемирени и исплашени дека поранешниот пратеник со благослов од власта сака да узурпира дел од шумата на Водно.

Наумовски во телефонски разговор за Алфа изјави дека нема намера да гради на спорната парцела, која ја купил во 2002. Тој вели дека парцелата е законски чиста, но до локацијата сè уште не е изграден пристапен пат, од кој зависи и евентуалната инвестиција.

Наумовски е сопственик на неколку атрактивни парцели на Водно, од кои две ги купил во 2002, а една, како на заслужен граѓанин му ја подари Владата, во време кога премиер беше Љубчо Георгиевски.

Градежните активности на фирмата на Наумовски во повеќе наврати предизвикаа контроверзи во јавноста. На една од неговите парцели на Водно, каде се најавуваше изградба на спортски терени, никнаа луксузни станбени згради. Пред неколку месеци, Наумовски на аукција, наддавајќи сам со себе, доби локација во општината Аеродром, каде најави изградба на Аква парк.

http://www.vesti.alfa.mk/default.aspx?mId=36&egId=6&eventId=25929


Posted By: lslcrew
Date Posted: 15-Aug-2010 at 12:41
Кај Илинден некаде...



Posted By: lslcrew
Date Posted: 31-Aug-2010 at 10:44
На Ристо Шишков позади "МСМ" кај парк. 42° 0'9.00"N 21°25'27.15"E


Posted By: Raisinloaf
Date Posted: 02-Sep-2010 at 23:25
Становите се од 35, 51 и 68 метри квадратни. Идејното решение предвидува чардаци и мали водени површини околу зградите. Дел од становите ќе се градат на еден дел од земјиштето каде сега е сместена касарната Илинден во Скопје



Становите за војската ќе се продаваат по 500 евра за метар квадратен. Ова е највисоката цена која би ја добиле припадниците на АРМ во случај да се одлучат да купат стан од проектот  „АРМ мој вистински дом“. Становите се од 35, 51 и 68 метри квадратни.  Идејното решение предвидува чардаци и мали водени површини околу зградите.



Дел од становите ќе се градат на еден дел од земјиштето каде сега е сместена касарната Илинден во Скопје. Овде според идејниот план, треба да се изградат над 1.400 станови, но предвиден е луксузен дел за амбасади, за чија изградба веќе имало заинтересирани влијателни држави-членки на Советот за безбедност на Обединетите нации.
 
„Решение кое што е моментално во светски рамки, се промовира од сите влади во ЕУ. Така што, таков рамен покрив како што го предвидуваме, кој што е градина, практично е нешто што е посакувано, императив во повеќе држави“, изјави Митко Хаџи-Пуља, универзитетски професор.



Предвидено е  овој проект да се реализира во сите градови каде што има касарни на АРМ односно во Тетово, Куманово, Штип, Велес и во Кичево. Припадниците на АРМ ќе имаат право да аплицираат за добивање стан во местото каде се распоредени на служба.
 
На презентацијата, министерот за одбрана, Зоран Коњановски најави дека професионалните војници ќе имаат поголема можност за напредување во подофицерски чин.



„Едно решение кое во блиска иднина ќе биде на некој начин преточено во измена на законот за служба во АРМ, а тоа е да ја подигнеме границата од 33 на 38 години, за лицата кои од професионални војници можат да аплицираат за подофицери“, вели  Коњановски.




-------------
www.realmadrid-mk.blogspot.com


Posted By: lslcrew
Date Posted: 02-Sep-2010 at 23:28
http://kirilica.com.mk/vest.asp?id=55586


Posted By: alexgizh
Date Posted: 03-Sep-2010 at 08:37
Ми се допаѓа проектот, се надевам дека ќе ги изведат како што се замислени, без компромиси и кратења на буџетот. Многу се eco-friendly, незнам дали воопшто досега сме виделе вакво нешто кај нас. Браво!

-------------
The only thing necessary for the triumph of evil is for good men to do nothing.


Posted By: axel
Date Posted: 03-Sep-2010 at 11:36

Војниците не сакаат покриви со трева


Во планот за становите за припадниците на АРМ се предвидени простори чија намена тие самите ќе треба да ја определат, но токму можностите за да направат избор им предизвикаа најмногу забуни

 
 
%20  
Што ќе ни е трева на покривот, зошто со ќесите од продавница да шетаме низ дневната соба за да стигнеме во кујната, како две деца од различен пол ќе делат една детска соба, згора на сé и непреградена со ѕидови и со врати? Ова беа само дел од дилемите на припадниците на АРМ откако вчера го видоа идејното решение за војничките станови, изработено од тим предводен од професорите Минас Бакалчев и Митко Хаџи Пуља.

Авторите предвиделе три димензии, еднособен стан од 25 квадратни метри, двособен од 51 квадрат и трисобен од 68 квадрати. Во нивниот план се предвидени повеќе простори што идните сопственици самите треба да ги уредат, на пример дали еден дел ќе го користат како тераса, работен простор или како уште една соба, потоа како ќе ги преградат спалните соби и слично. Токму тие можности предизвикаа најмногу забуни.

- Ова е идејно решение. Сакаме во сите фази на спроведувањето на проектот да се консултираме со вас, затоа и ја правиме презентацијата. Некои забелешки ќе влезат во конечниот проект - рече министерот за одбрана Зоран Коњановски.

Архитектот Хаџи Пуља ја отвори презентацијата, нагласувајќи дека било исклучително тешко да се проектира за Армијата на Република Македонија, но тие сериозно го прифатиле предизвикот.

- Армијата е олицетворение на напредокот. Припадникот на АРМ секој ден мисли како да стане подобар, затоа и просторот во кој ќе живее треба да биде напреден - истакна тој.

По низата забелешки за тревата, за терасите, за преградните ѕидови, како и за изборот меѓу подземен паркинг и визба за ајвар, но и по прашањата дали тие што не им се допаѓа планот можат да се откажат, една припадничка на Армијата, изреволтирана од дискусијата, стана и го пофали проектот.

- По 20 години првпат се прави вакво нешто. Толку време седам во воениот хотел, а сите знаеме колку се лоши условите таму, па затоа мене ова ми изгледа одлично и пресреќна сум што ќе почне да се реализира - заклучи таа.

Сите војници го поздравија нејзиното излагање со големо ракоплескање, коментирајќи меѓусебе дека тоа што им е прикажано е сепак многу подобро од тоа што сега го имаат.

Решението на архитектите предвидува да се изградат најмногу 1.464 стана за 4.644 жители во касарната „Илинден“, но ако нема интерес за толку, ќе се прават помалку. Досега околу 1.000 војници биле заинтересирани, речиси 900 за Скопје и помал број за Куманово, Тетово и за Велес. Но министерот Коњановски појасни дека нема да имаат право на избор, ќе можат да купат стан во местото каде што се распоредени. Ако, на пример, купат стан во Штип, а во меѓувреме ги прекомандуваат во Кичево, ќе мораат или повторно да патуваат, или да го продадат тој и да си купат нов.

За војничката населба во „Илинден“ треба да се изработи детален урбанистички план до октомври. Потоа три месеци ќе се прави проект, па изградбата би можела да почне во март, а би траела од 16 до 18 месеци. Идејното решение е правено за да овозможи цената за квадратен метар да не надмине 500 евра, но точната сума ќе се одреди на тендер. Припадниците на АРМ ќе треба да платат 30 отсто од сумата во готово, а другите 70 отсто да ги отплатуваат на 10 години, без камата.


http://www.novamakedonija.com.mk/NewsDetal.asp?vest=93101020567&id=9&prilog=0&setIzdanie=22075


Posted By: alexgizh
Date Posted: 03-Sep-2010 at 12:16
Се надевам дека лаичкото противење на војниците за "тревата на покривот" (нека ми простат, ги почитувам, ама...) нема да ги поколеба надлежните за реализација на овој прекрасен комплекс.

-------------
The only thing necessary for the triumph of evil is for good men to do nothing.


Posted By: Mr.Edmund
Date Posted: 04-Sep-2010 at 01:27
За жал, на нашиве простори е малку тешко да се истуркаат понапредни идеи. Се надевам дека зелениот кров во идејново решение нема да се претвори во кров од зелен пластифициран лим во основниот проект. А, може ли некаде да се најде некоја основа, па да можеме поаргументирано да зборуваме? А и да ги видиме и другите наградени решенија, па да споредиме?

-------------
СМРТ ЗА ФАШИЗМОТ-СЛОБОДА ЗА НАРОДОТ


Posted By: lslcrew
Date Posted: 04-Sep-2010 at 03:12
Алекс не е туку така генеричко лаичко противење. Неможе како општество да им протнеме општествени станови да бидат тие што ќе ја голнат кнедлата за некој тука на форум да може да се пофали дека ете и во Македонија имало зелен кров. Таква политика сме виделе ние тука пред неколку децении кога Скопјани требаше да ја голтнат кнедлата за Југославија да има да се пофали надвор со супер модерен град, кој патем никогаш не се оствари, а и се протна концептот со изговор од земјотресот. Уствари не ми е целта да ревидираме историски ставови за Скопје 63-та, туку да укажам дека ако веќе се знае целната група на која ќе се доделат (продадат) овие станови, мора да бидат консултирани и тие потреби сериозно земени во предвид. Неможе една фаца или една комисија што бира проект, да го моделира животот на илјадници луѓе. Па макар што сака нека било модерно во свет, ќе си гледаме ние за дома. Тие слики што ги гледаме по нет не се од луѓе што крпат цел живот за еден стан. Тој тревник бара изолација, бара наводнување, оддржување, не е тоа туку така. На крај сите знаме дека ќе се запусти, па ако не никне и некоја бавча горе. И на крај кој ќе биде крив за таквата слика. Сигурно не војниците, зашто некој под закрилата за станбено прашање им протнал свој сци-фи идеи. Целта не е од овие станови да се прави саем за архитектура, биенале. Работа е да се консултираат со нив и најголем број од нивните барања да се инкорпорираат во проектот. И згора на се, тоа туку така проаѓа, па уште е одбрано како финално решение. Нека ги консултираат идните станари, им треба спална соба, не чалам тераса. Вакви тревници и сите други естетски елементи природно е прво да се појават по некоја приватна куќа, па на некоја државна институција па дури многу потоа да станат општествен тренд. И не сакам ова да звучи како бесна орда што фрла дрва и камења по светските модерни трендови во архитектурата, напротив и јас кога би градел сопствена куќа би сакал да имам вакви елементи, ама исклучиво ако сакам. Работата е колку и да се полни предрасуди тие барања на војниците треба во голема мера да се поразговара да им се објасни дека тоа се светски трендови, дека добиваат повеќе, а не помалку. Всушност на страната на архитектите и воопшто нема никаква "одговорност", макар што овој збор одговорност е претежок да се каже, недостоен е. Сепак таму некоја комисија ли којзнае која инстанца донела одлука, архитектот не донел никаква одлука, едноставно поднел проект. И не смее во никој случај да се донесат идните станари да се осетат како да се ставени во теснец "ако сакаш купувај го каков што е, ако не сакаш не". Зборот ми е што од ситуација што треба да биде крајно пријатна за сите, после децении се градат воени станови за прв пат можеби во независна Македонија и се создава една адреналинска ситуација, апсолутно непотребно.


Posted By: OKA
Date Posted: 07-Sep-2010 at 02:45
Originally posted by alexgizh

Се надевам дека лаичкото противење на војниците за "тревата на покривот" (нека ми простат, ги почитувам, ама...) нема да ги поколеба надлежните за реализација на овој прекрасен комплекс.
Хм, кој служел во Армија, особено онаа СФРЈ-овската, знае дека генералите пред битка, никогаш, ама баш никогаш, не се консултираат со војниците, за тоа од која страна, на пример, „ќе тргне коњицата”. Нејсе, ова се модерни времиња, па демократизацијата на Армијата, ете, подразбира и тоа дека војниците треба да го дадат своето стручно мислење за еден од најбрзорастечките, градежни концепти во Светот. Наречен, зелен, или „жив” покрив. На македонски, ете гледаме, познат уште и како „треви на покриво”.

И така, сега, по нејзиното обелоденување, акцијава „стан за секој војник” влезе во, таканаречената, фаза на фобичен отпор од страна на оние кои утре треба да живеат во споменатите станови. Што е разбирливо, ако се има во предвид, како би реагирале ХаџиПуља и остала архитектонска фела, кога би се нашле во некаква си, обратна, незгодна ситуација. На пример, да добијат задача да разминираат противтенковска мина, за четириесет секунди, со прирачен алат кој се состои од пенкало, запалка и две три парчиња кредитни картички. Несомнено, кога архитективе ќе станат разминирци, односно, кога ќе останат живи по расклопување на мина, тогаш и војниците ќе разберат што мајка си бараат „треви на покриво”. Особено на начинот на кој архитективе тргнале тоа да им „го доближат”.

За почеток, како јак тизер, убаво било, некој да се присетел да им каже на војниците дека нивниот иден стан со зелен покрив, ќе им овозможи во текот на годината „да примат” и 13-та плата. И тоа без да ја чекаат од државата, таа да им ја исплати. Оти, новите студии покажуваат дека зелениот покрив заштедува и до 20% од трошоците за струјата, која оди на греење и ладење.
Па, да објасни дека зелениот покрив го сопира УВ зрачењето и максимално го продолжува рокот на траење на покривната конструкција, ја подобрува апсорбцијата на градската врева, ја амортизира разурнувачката сила на водата при екстремните количини на врнежи на дожд и снег, ја штити фасадата, плочникот и околината од истите, дека не треба да се коси и наводнува и е самоодржлив, оти е составен од специјално одбрани растенија кои виреат на композитна подлога која им создава резерви од вода, etc, etc... Да, неопходно е во јавноста да се расчистат сите стереотипии дека „тревите на покриво” се помодарство, тренд од типот на венге боја, кој проаѓа правопропорционално брзо со потребата за богатење на холивудските дизајнери. И да се пренесе на луѓето дека концептот на зелен покрив е жива пролегомена во идејата дека веќе не е ниту мудро, ниту практично, а ниту етички, за живеењето во градот, да се размислува како за нешто што е апсолутно спротивно на природата.

Новите технологии, чија комерцијализација доби worp забрзување од актуелнава економска криза, овозможуваат градежниот концепт на зелен или „жив покрив”, полека да прерасне во вообичаен стандард за архитектите. Па дури и во МКД. Оти, непостоењето на know how за „жив” покрив во Македонија, не мора да е несовладлива пречка. Особено што природните ресурси во МКД се прилично „наклонети” кон концептов. На пример, растението познато под името „пазикуќа”, е многу чест избор на проектантите, при одлуката што да се употреби за најгорниот, вегетативен слој на живиот покрив. Ова растение, кое има својство добро да апсорбира вода, многу успешно вирее на Баба Планина, Пелистер. Потоа, архитектите, за да ја намалат тежината на живиот покрив, наместо слој од класична почва, користат компилација од разни видови земја, што како суровина апсолутно не недостасува во Македонија. Истото важи и за чакалот, кој е филтер за дренажата.

Останатите компоненти од четириесетина сантиметри „дебелиот” зелен покрив, се всушност шанса за усвојување на глобално курентно производство во еден Охис, да речеме. Во кого, наместо со години безуспешно да го продаваме, лесно можевме да лиценцираме технологија за производство на семипермеабилни композитни мембрани, кои на живиот покрив „ја управуваат” дождовницата и ја инхибираат пенетрацијата на корењата од растенијата кон покривот.

Проектов на ХаџиПуља & Co, e пионерски за Македонија и од тој аспект е многу круцијално да ја преживее првата лаичка критика, првиот фобичен отпор од непознато, едноставно да ја доживее својата реализација.

„Човекот подига разни згради и на природата и го краде тлото. Живиот покрив, несомнено, е одлична можност да ú го надомести украденото.



-------------
Врзи два поста без СК2014 и освој трет гратис!!!


Posted By: Мартин
Date Posted: 07-Sep-2010 at 03:11
Прекрасен пост ОКА! Содржи интересни информации кои прв пат во својот живот ги слушам, околу "тревите на покривот". Big%20smile Инаку, од тоа што сум успеал да го видам на глобалнава мрежа, таквиот тип на кровови изгледа одлично, и навистина би сакал да го видам кај нас. Ако не се лажам, први кои го користеле биле Скандинавците, односно Лапонците кои ги населуваат најсеверните делови на Скандинавскиот полуостров, поради сите горенаведени позитивни нешта кои ги носат.


Posted By: OKA
Date Posted: 07-Sep-2010 at 03:17
Originally posted by Мартин

...Ако не се лажам, први кои го користеле биле Скандинавците, односно Лапонците кои ги населуваат најсеверните делови на Скандинавскиот полуостров, поради сите горенаведени позитивни нешта кои ги носат...
Стара мудрост се зелените покриви. Во битолски Брусник, на пример, или во Мариово, ден денес си има куќи со „треви на покриво”. Факт е, порано живеевме покомплементарно со природата. Подоцна се изаљазивме, хахахах....


-------------
Врзи два поста без СК2014 и освој трет гратис!!!


Posted By: lslcrew
Date Posted: 07-Sep-2010 at 03:20
ОКА ми се допаѓа твоево размислување,освен што не се работи за идење во војна па да не се консултираат војниците туку за купување стан, прашање апсолутно надвор од воената дејност. Технологијата е новитет и не се сомневаме во нејзините благодети, но проблемот останува што никој не им објаснил на војниците и се создаде една крајно конфузна ситуација. Подобро ќе биде да им објаснат да не се доведеме во ситуација да некој "не знае", или "подзаборави" за што се "тревите на покриво". Во Скопје едно чудо станбени блокови пред триесетина години се изградени со жардињери на терасите. Денеска во тие жардињери се чува праз. Тоа се обидувам да го кажам. Да не се доведеме во нови ситуациии "ни су жваке за сељаке", а лошото во овој случај што "сељаке" ќе излезат војниците, а најмалку сакаме да се случи тоа. едноставно да се едуцира, објаснува, покажува и колку што ќе се успее да се протне на збор, малку повеќе и на терен. Да не им биде од нула едукација на идните станари ова како од небо паднато, непознато, непријатно да се осеќаат во сопствен дом.


Posted By: Gradinarot
Date Posted: 07-Sep-2010 at 06:43
Oka, dobar primer kako losite raboti moze da se gledaat od vedra strana. Vsasnost sekogash ima otpor kon novoto pogotovo ako nesto novo nemalo so decenii, razbirlivo. Odlicen post.



-------------
.....   .......


Posted By: lslcrew
Date Posted: 07-Sep-2010 at 13:51
41°58'51.21"N 21°27'29.25"E





Posted By: lslcrew
Date Posted: 07-Sep-2010 at 13:52
41°58'54.12"N 21°27'21.81"E



Posted By: Mr.Edmund
Date Posted: 07-Sep-2010 at 13:58
ЛСЛ, кога веќе ги спомна празовите......па, на крајот на краиштата, нема ништо лошо да бидне ако тие кровови се претворат во бавчи, па тие што си се повеќе мераклии на домаќинлуци да си одгледуваат пиперки, домати, праз......Big%20smile....само тоа добро просторно да се изартикулира, и празовите на покрив можат да бидат бонбона  Naughty

-------------
СМРТ ЗА ФАШИЗМОТ-СЛОБОДА ЗА НАРОДОТ


Posted By: Swimmer
Date Posted: 07-Sep-2010 at 14:09
донт пуш ит едмунд Smile 
 
има веројатно пар селанчиња меѓу војнициве, што решиле да искористат 5 минути слава и да го омаловажат сето она што им се чини поинакво, нејсе трева расте на земја, не на покриво'.. брда, долини, планини... овци, кози, крави, гот д поинт...
 
Во секој случај неопходно е/било да им се објаснат бенефитите од замислата, а после постов на ОКА, можат комотно да им го препорачаат. Убеден сум дека за помалку од 2 минути (време на читање), ќе го сменат мислењето за 180 степени.


-------------


Posted By: axel
Date Posted: 13-Sep-2010 at 11:29

Идната година ќе почне изградбата на евтините станови за војниците

  • http://www.sitel.com.mk/dnevnik/biznis - Бизнис
  • Кон средината на 2011 година треба да почне изградбата на становите кои воените лица ќе можат да ги купат по повластени цени.

    Како што рече денеска премиерот Никола Груевски, овој проект е во длабока фаза на подготовка, а наскоро треба да се отворат и тендерите.

    - Ова е проект кој од осамостојувањето на Македонија практично замре. Во последниве 19 години луѓето кои работат во Армијата заборавија што значи да добијат поевтин стан. 

    Никој не помисли да им помогне во однос на решавањето на нивното станбено прашање. Затоа на многумина сега не им се верува, истакна Груевски, одговорајќи на новинарско прашање по посетата на Геронтолошкиот завод „13 Ноември“ – Скопје.

    Воените станови ќе се продаваат по 450 до 500 евра за еден метар квадратен.

    http://www.sitel.com.mk/dnevnik/biznis/idnata-godina-ke-pochne-izgradbata-na-evtinite-stanovi-za-vojnicite


    Posted By: lslcrew
    Date Posted: 07-Oct-2010 at 18:02
    Се руши старата куќа до http://www.build.com.mk/forum/forum_posts.asp?TID=497 - ДНК Код . Функционираше како некоја кафана до скоро. 42° 0'1.91"N 21°24'53.74"E




    Posted By: pbanks
    Date Posted: 07-Oct-2010 at 18:04


    Значи кај и да е ќе се поврзе (помалку или повеќе) новиов блок згради со оној кај Апче  Cheers


    Posted By: lslcrew
    Date Posted: 07-Oct-2010 at 18:05
    На раскрсницата Партизанска/Рузвелтова оваа зграда незнам дали ја имаме евидентирано. 42° 0'0.04"N 21°24'48.15"E




    Posted By: Makedonij
    Date Posted: 14-Oct-2010 at 18:01
    Едно питање,пред неколку години се думаше дека ќе се стопира разширувањенто на Скопје. Зане некој нешто за тоа? Епа зошто тогаш толку ногу нови станови? Зашо дел од нив не се градат по другите градови, бар тие социалните, таму кај шо најногу се стагнира, Пробиштип, Крива Паланка,Велес, Кочани....

    Без препукавање, молам само за конкретен одговор ако некој знае нешто за тоа?


    -------------
    ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ


    Posted By: FT
    Date Posted: 14-Oct-2010 at 18:28
    Originally posted by Makedonij

    Едно питање,пред неколку години се думаше дека ќе се стопира разширувањенто на Скопје. Зане некој нешто за тоа? Епа зошто тогаш толку ногу нови станови? Зашо дел од нив не се градат по другите градови, бар тие социалните, таму кај шо најногу се стагнира, Пробиштип, Крива Паланка,Велес, Кочани....Без препукавање, молам само за конкретен одговор ако некој знае нешто за тоа?

    Во Кочани се гради..во последните година дена има 1 социјална зграда и 2 обични згради изградено..а во градба се и други 2 згради..


    Posted By: FoSsiL
    Date Posted: 17-Oct-2010 at 19:42

    на Водњанска.... 



    Posted By: Cloverstack
    Date Posted: 17-Oct-2010 at 20:19


    Однадвор симпатично... го имаме регистрирано пред некој месец во фаза на изградба поназад во нишкава:
    http://www.build.com.mk/forum/forum_posts.asp?TID=52&PID=60631#60631 - http://www.build.com.mk/forum/forum_posts.asp?TID=52&PID=60631#60631


    Posted By: Mr.Edmund
    Date Posted: 18-Oct-2010 at 21:35
    Мене моментот „мансарда“ веќе ми станува смешен. Целото поткровје е една голема „баџа“...и на едно место направен кос кров, колку да се рече дека го има.....кога е веќе таква работата, нека им дадат на луѓето да си направат нормален кат (и онака нема да има некоја разлика), барем да не комплицираат непотребно, и да не никнуваат накази по градовите, па нека им наплатат за тој последен кат комуналии како за поткровје, ако општиниве сакаат да бидат толку пресретливи (за поткровје се плаќа само 10% комунална такса). Иако, морам да речам дека конкретниов пример ми се допаѓа.

    -------------
    СМРТ ЗА ФАШИЗМОТ-СЛОБОДА ЗА НАРОДОТ


    Posted By: lslcrew
    Date Posted: 18-Oct-2010 at 22:17
    Многу никакви ново-изградени станбени згради всушност се никакви зашто се со поткровјето. Да го немаше тоа поткровје многу поубаво ќе изгледаа многу згради. Всушност и проблемот не е во тоа што општините се недоволно пресретливи, напротив општините ги планираат тие полу-висини. Или нека има планирано цел кат помалку или цел кат повеќе.


    Posted By: toasumjas
    Date Posted: 19-Oct-2010 at 11:38
    Зградава ја глеам секој ден и мене ми е стварно ок.


    Posted By: xnx
    Date Posted: 27-Oct-2010 at 10:18
    i mene mi se dopaga, samo malku sum skepticen za kvalitetot na celata nadvoresna konstrukcija i kolku dolgo ke funkcionira... inaku e najubavata zgrada na vodnjanska definitivno


    Posted By: OKA
    Date Posted: 27-Oct-2010 at 14:18
    Originally posted by xnx

    i mene mi se dopaga, samo malku sum skepticen za kvalitetot na celata nadvoresna konstrukcija i kolku dolgo ke funkcionira...
    Интересен објект. Чинам, вака на прв поглед, архитектот се обидел да извлече некој вид на, делумна, double skin фасада. Односно, ролетни ли се, прозори ли, исфрлени на 60 мм од примарната столарија, најверојатно со цел подобри енергетски перформанси и дополнителна заштита од бучноста и загаденоста на Водњанска.
    Естетски, екстериерно сето тоа е во малку „гужва” стил, ама не е толку декадентно. Барем за мене.



    -------------
    Врзи два поста без СК2014 и освој трет гратис!!!


    Posted By: fichot
    Date Posted: 04-Nov-2010 at 03:57

    Мене ми е баш кул зградичкава.


    Негоо... сакав да прашам, разгледувам нешто и налетав на „јапонски експериментални згради“ во К3. Знае некој кои се тие? Фала.



    -------------


    Posted By: lslcrew
    Date Posted: 06-Nov-2010 at 15:33
    [tube]2LkAGjYvcsk[/tube]

    http://sitel.com.mk/video/biznis/sitel-storija-kako-se-gradi-vo-skopje


    Posted By: pbanks
    Date Posted: 08-Dec-2010 at 17:20
    Еден неодамна завршен станбен објект во близина на раскрсницата Орце Николов-Рузвелтова




    Posted By: pbanks
    Date Posted: 08-Dec-2010 at 17:21
    Под претпоставка дека се работи за станбени објекти следуваат 2 мини апдејта....


    Posted By: pbanks
    Date Posted: 08-Dec-2010 at 17:22
    Објект кој се гради веднаш до ДНК Код на Партизанска. Нема никаква табла на градилиште (колку што знам ова е илегално)




    Posted By: pbanks
    Date Posted: 08-Dec-2010 at 17:22
    Објект во изградба на Рузвелтова во близина на раскрсницата со Партизанска




    Posted By: FoSsiL
    Date Posted: 08-Dec-2010 at 21:41
    Да, и јас сум го забележал. Многу брзо ја работат. Секој ден се зебележува по нешто ново. Навечер кога се враќам од школо околу 7 и пол работат под рефлектори. Незнам до кога остануваат.




    И оваа зградичка е скоро завршена.



    Posted By: G.I. Joe
    Date Posted: 09-Dec-2010 at 01:18
    na nisto ne lici zgradata .. em so kjosot izlegva na partizanska em ne e vovlecena kako drugite da se nadovrzi.. barem zaoblena da bese ili preksena so preden del paralenen na ulicata .. a za fasadata ne treba komentar


    Posted By: lupo
    Date Posted: 09-Dec-2010 at 18:36
    Za taa gore sto se gradi do DNK molam boga da se vklopuva so estetikata kako tie dve zgradi. Izdanie po moznost sivo belo kremasto, a ne kako ovaa malku sto se gleda rozevava. Noznam stvarno tolku utepana boja, a tolku mnogu zgradi osakatuvaat so nea.
    Apel do arhitektite da pripazuvaat na fasatide sprema okolinskite. A istoto vazi i za visinata.

    -------------
    ...kaj si kapelo pak ke si kape...


    Posted By: alexgizh
    Date Posted: 12-Jan-2011 at 11:02
    Незнам дали некој спомнал, но куќата до ДНК Код е одамна срушена (до пола) и зградата залепена до ДНК Код е веќе во напредната фаза:



    Исто така, карши, скоро до ќошот на Ангелковски, конечно привршува карабината на зградата која долго време стоеше со половина спрат изграден.



    -------------
    The only thing necessary for the triumph of evil is for good men to do nothing.


    Posted By: axel
    Date Posted: 01-Mar-2011 at 14:17

    Катастарот ги „заклучи“ армиските станови

    Општина Карпош веќе еден и пол месец ги чека катастарските податоци потребни за продолжување на постапката за ДУП-от

    Деспина Трајковска



    Проектот за армиските станови е закочен во Катастар, а не во Општина Карпош. Според градоначалникот Стевчо Јакимовски, токму Катастарот неразбирливо се' уште не ги доставил податоците за сопствениците на дел од парцелите кај касарната за да продолжи постапката за донесување на предметниот урбанистички план. Иако од Карпош уплатиле 3.500 денари, средства на кои инсистираше Катастарот за да ги достави информациите, општинарите и по еден и пол месец немаат добиено ништо повратно.

    „Ова сега е уште еден момент на необјасниво забавување на ДУП. Иако Катастарот се вадеше на неуплатени пари за податоци на сопствениците на парцели, сепак, и по нашата уплата уште на 12 јануари се' уште не ни се проследени податоците за да се продолжи постапката околу донесувањето на ДУП ’Илинден‘. Се прашувам, кој брза пред јавноста, а на мала врата го кочи процесот“, вели Јакимовски.

    Од Агенцијата за катастар на недвижен имот вчера не ни беше одговорено на нашето прашање зошто Катастарот се' уште не и' ги доставил на Општина Карпош бараните катастарски податоци, кои се неопходни за да изврши излагање на земјиштето од ДУП, а со цел претходно да биде информиран секој граѓанин што има имот во атарот за кој се носи планот.

    Токму на таква транспарентност, која не е вообичаена за сите донесени планови, инсистираа од советничката група на ВМРО-ДПМНЕ во Советот на Карпош. По излагањето, планот во постојната нацрт-фаза треба да ја помине јавната анкета и по разгледувањето на евентуалните забелешки, „спакуван“ во предлог-фаза, треба да оди на конечно одобрување пред Советот.

    Инаку, овој ДУП, приоритетен за државата поради владиниот проект „Станови за АРМ“, беше причина за разгорување на страстите меѓу двете најголеми партии во Советот на Карпош. ВМРО-ДПМНЕ го обвинуваше Јакимовски дека свесно го кочи проектот, додека, пак, од СДСМ потенцираа оти токму коалицијата уште од старт стави сопка на ДУП од нејасни причини. Иако Општината експресно пред Советот го стави на разгледување планот во нацрт-фаза, тој на барање на советниците од ВМРО-ДПМНЕ беше симнат од дневен ред со образложените дека, наводно, треба да се доработи.

    Од друга страна, пак, за да докаже дека токму Владата е таа што го кочи проектот од само за неа познати причини, Јакимовски го посочува фактот дека ДУП бил на ревизија седум месеци и во меѓувреме се пропуштила можноста за негово донесување во скратена постапка.

    „Момент што Владата до неодамна го криеше во крајна конспирација, наспроти сите наводни залагања околу проектот, е дека планот го чувала во фиока седум месеци, односно од јули 2009 година до 5 февруари 2010, и тоа очигледно од нејасни причини. За да биде злото поголемо, иако ДУП ’Илинден‘ беше на приоритетната листа проекти што требало да се донесат со законот за итна постапка, односно во една фаза, таа (не)свесно го промаши терминот на важење на тој Закон - до 20 јануари 2010 година. Проектот ни го вратија 15 дена подоцна од тој термин, со што сама си ја ‘минираше‘ брзината на донесување на ДУП, па сега е принудено тој да се донесе побавно, поточно во две фази“, објасни Јакимовски.

    http://www.utrinski.com.mk/?ItemID=DE34DFC3724F1A4796747ABCF05223F5


    Posted By: toasumjas
    Date Posted: 03-Apr-2011 at 16:49
    еве неколку фотки од мене дур се шетав низ маало:

    1

    2

    3

    4

    5

    6

    7

    8

    9

    10

    11


    овој што следи се прави на мое место и на ова што ќе го кажам повеќето од вас ќе ми се смеат али како фушерајски почнаа да го прават и не излезе до толку лош ко што очекував(само ја утнеа бојата на крај). Сепак не е баш за фалење
    1

    2

    3

    4

    5

    6

    7

    8




    Posted By: alexgizh
    Date Posted: 03-Apr-2011 at 18:05
    За последнава зграда: да беше бојата таква сива како крајниот лев ќош од последната слика, наместо розева, можеби и ќе личеше на нешто. Вака е тотално утната. Како и да е, ќе се среди тој дел, и конечно ќе прекинат локалците да ја третираат локацијата како депонија.


    -------------
    The only thing necessary for the triumph of evil is for good men to do nothing.


    Posted By: fichot
    Date Posted: 03-Apr-2011 at 22:00

    Онаа малецкана сива коцкаста и таа пред неа со дрвото ми се џам.

    Последнава - катастрофа.. колку лошо само може да ги истераат работите тоа чудо едно... тоа стаклениот агол со врвот + бојата - бљак.  



    -------------


    Posted By: toasumjas
    Date Posted: 03-Apr-2011 at 22:25
    Па шпицот горе, па сивана лента од страна. Тоа ти е стандард братче


    Posted By: nouseforname
    Date Posted: 07-May-2011 at 12:23
    dali znae nekoj sto ke se pravi kaj novolisice,regionalen cenat aerodrom,odma na bul. srbija bas sea pominuvav i go zagrdauvaa so metalna ograda??


    Posted By: Ljubopitko
    Date Posted: 08-May-2011 at 23:23
    Originally posted by nouseforname

    dali znae nekoj sto ke se pravi kaj novolisice,regionalen cenat aerodrom,odma na bul. srbija bas sea pominuvav i go zagrdauvaa so metalna ograda??

    според дуп -от тука ке има 8 згради (сите П + 6ката+ Пк) и предпоставувам дека ке бидат како и тие до нив веке направени за млади брачни парови.


    Posted By: my Macedonia
    Date Posted: 03-Jun-2011 at 14:02
    Postaven e kamen temelnik na sedum stanbeni zgradi vo Aerodrom.
    Aerodromci, ajde na teren so aparati


    Posted By: N23
    Date Posted: 04-Jun-2011 at 01:10
    Значи колку неплански и сега се гради во Аеродром. Па колку ниви и почви има во најурбаните делови на Аеродром, а они континуирано ги избегнуваат тие места како погодни за некакви објекти. Од друга страна, може малце градоначалникот и да престане да се грижи за тоа колку згради ќе се изградат, затоа што сообраќајната инфраструктура во Аеродром е благо речено очајна, па може со централната власт да се договорат за реновирање на булеварите, а не само лопати за згради да се фрлаат. Се е тоа ок, барем ќе се доурбанизира општината, али после тоа новите луѓе треба некаква сообраќајница да користат. Можда забегав малце офф-топик, ама деновиве сум претерано револтиран од масовната желба за градење згради у Аеродром, а суштинската потреба улиците, паркинзите и булеварите се оставени да зјаат со огромни кратери и долги пукнатини.


    Posted By: lslcrew
    Date Posted: 04-Jun-2011 at 13:45
    Токму за аеродром фрустрации нема потреба да имаш. Тук аи се испланирани сообраќајниците да издржат таква гужва, има на многу други места каде што треба да се отвара оваа дискусија.


    Posted By: N23
    Date Posted: 04-Jun-2011 at 18:06
    Лсл не би рекол, сабајле од 8 до 9 и пол се прави колона од километар на јане сандански, а ако ги додадеме на тоа и новите неколку иљади што ќе се вселат, сигурно уште поголема гужва ќе има. Од друга страна и нека можат да издржат таква гужва, ипак нивната состојба станува очајна. Може со парите за комуналии од новите згради да се поправи цела сообраќајна инфраструктура во Аеродром за месец дена.


    Posted By: alexgizh
    Date Posted: 04-Jun-2011 at 18:10
    Јас би рекол дека таа колона во Јане Сандански е директна последица од неизградениот тунел под плоштадот (оној вистински потребниот, од НБРМ до Тифани).

    -------------
    The only thing necessary for the triumph of evil is for good men to do nothing.


    Posted By: Cloverstack
    Date Posted: 04-Jun-2011 at 18:15


    Мислам дека причината уште повеќе лежи во неповрзаноста на булеварите АВНОЈ и Гоце Делчев.


    Posted By: axel
    Date Posted: 06-Jul-2011 at 17:27

    Скопје доживува градежен бум

    mailto:s.jovanova@kapital.com.mk - Соња Јованова


    Повеќе од 4.000 живеалишта ќе се изградат за две години

    Градежен бум се случува во Скопје, кој не е само резултат на владиниот проект “Скопје 2014“. На многу локации во главниот град се градат станбени комплекси (стандардни и луксузни) и деловни објекти, така што се очекува за две години да има 4.000 нови живеалишта. Тоа е речиси еден мал македонски град. Во секторот на недвижности се истакнаа неколку главни инвеститори. “Капитал“ истражуваше кој сe гради низ Скопје и во која насока се движи градежниот бум, односно дали може да премине во криза на пазарот на недвижности?

    Засега економската криза и слабата ликвидност на стопанството не ги натераа градежните компании да забават со активностите. Не ги плаши ни колапсот во градежништвото во некои земји од регионот и во развиените, каде што бизнисот со недвижности стагнира или забразано паѓа. Напротив, поради нивните инвестиции главниот град во последните неколку години рапидно се шири и речиси нема слободна локација на која не се гради.

    Ванчо Чифлиганец, сопственик на градежната компанија Адора инженеринг, вели дека изградбата на нови станбени комплекси е работа на која треба сите да се радуваат, бидејќи ќе повлече развој во сите сфери. Адора инженеринг, во моментот освен во Скопје гради и во Охрид и Струмица. Во Скопје гради резиденцијален станбено–деловен комплекс под Водно и само станбени комплекси во Аеродром и Ново Лисиче. Станува збор за вкупно 500 нови станови.

    “Сите станови се во различна фаза, дел во завршна, дел во карабина. Но, сите 500 ќе бидат готови најдоцна до мај 2012 година. Финансиската конструкција се уште не можеме да ја дефинираме бидејќи зависи од големината на самиот објект, а и од локацијата. Само 50.000 евра чинат плочките што ги ставаме по ходниците на секоја зграда. Фотоволтажниот систем за производство на струја за заедничкото осветлување е нешто што Адора прва го вооведе во колективно станбено домување. Во секој влез има електрични лифтови, а становите се опремени со оптички Интернет, ТВ и кабелска инсталација, имаат сопствен современ паркинг со 24-часовен видеонадзор“, објаснува Чифлиганец.

    Кога станува збор за станбен компекс кој нуди колективно домување во затворен простор, неизбежно е да се спомене инвестицијата на бизнисменот Фијат Цановски, кој најави изградба на 1.000 нови и луксузни станови во населбата Ќерамидница, на околу 500 метри зад Универзитетот ФОН. Комплексот, познат како Космос, треба да има сопствен базен, фитнес-центри и ротирачки ресторан од 600 метри квадратни на горниот спрат. Ардијан Амзовски, управител на Космос инженеринг, фирмата која ги проектираше, градеше и ќе ги продава становите, вели дека првата зграда со 580 стана ќе биде готова до крајот на идната година.

    “Во план е изградба на уште една зграда со приближно толкав број станови. Значи вкупно ќе изградиме 1.000 станови со вградени кујни, италијански плочки и санитарија. За првата зграда веќе е изградена карабината и треба да биде готова до крајот на идната година, иако 40% од становите ни се веќе продадени во изградба“, вели Амзовски.

    Тој тврди дека заинтересираноста кај граѓаните се должи на поволните услови кои ги нудат за купување стан во Космос, како и можноста становите уште во изградба да се стават под хипотека. Инвестицијата само за првата зграда чинела близу 30 милиони евра, а цените по метар квадратен се движат од 950 до 1.190 евра.

    До каде ќе оди градежниот бум?

    Зоран Азманов, директор на градежната компанија Настел, иако е активен со градење станбени згради, сепак смета дека на Скопје моментално му се случува градежна експанзија која личи на балон што набрзо ќе издише. Според него, начинот на “шиткање“ маркици и градежни локации, кој е прилично лесен и евтин, може да доведе до колапс, кој ќе ги урне цените на недвижностите, со што Македонија ќе го доживее американското сценарио.

    “Ако тргнат цените надолу, нема запирање. Ако пуштите во оптек премногу локации, вие го обезвреднувате имотот на другите, кои поскапо го платиле. Може да се случи сите да чекаат да паднат цените затоа што премногу станбени згради се изградија во последниот период. Кризата во САД почна токму од хиперпродукцијата на недвижности, а кај нас е неизбежно таквото сценарио, кое предвидувам дека ќе се случи за две години. Дури тогаш ќе видиме каде ќе оди нашата економија“, објаснува Азманов.

    Настел во моментот гради четири нови згради на површина од 1.800 метри квадратни, кои треба да бидат готови до 2012 година. Лоцирани се во населбата Ново Лисиче, а нивната изградба чини осум милиони евра, заедно со земјиштето и комуналиите. Азманов вели дека заработката од оваа инвестиција е околу 1,5 милиони евра.

    “Но, мора да напоменам дека имаме заработка затоа што не земаме кредити од домашните банки, туку од швајцарските, со 2% камата на годишно ниво“, истакнува тој.

    Повеќето од познавачите на градежниот бизнис, градежната експанзија ја оценуваат како потребна, а за понудата на станови во Скопје коментираат дека е помала во однос на побарувачката. Според нив, во земјава веќе ја нема средната класа, што придонело да се продаваат само два типа станови. Помали, до 50 метри квадратни, и луксузни од 120 метри квадратни па нагоре. Агенциите за недвижности оценуваат дека во Македонија расте побарувачката за луксузни станови.

    Токму ваков тип гради и Соравија, која во моментот е ангажирана на Водно, на местото познато како Олимписко село. Таму се гради резиденцијален комплекс од затворен тип, а во тек е изведба на седум објекти во кои има 80 стана. Во комплексот Соравија ресорт е предвиден независен и индивидуален систем за греење и ладење, комплетна грижа за заедничкиот простор и спа-центар. Цените се движќат од 1.450 до 1.600 евра по метар квадратен, а околу 60% од становите кои се во изградба се веќе продадени.

    “Проектираниот буџет за изградба на комплексот е околу 30 милиони евра, во што се вклучени набавката на земјиштето, сите такси, градежни дозволи и изградбата. Со падот на светските берзи, токму во периодот кога берзанските транскации станаа хит и кај нас, луѓето се свртеја кон недвижностите како единствен сигурен пласман за слободниот капитал. Се донесе и Закон за намалување на ДДВ од 18% на 5%, со што нормално овој пазар доби посебна стимулација и на страната на понудата и на страната на побарувачката“, смета Васко Давитковски, менаџер за маркетинг и продажба во Соравија.

    Изградба на луксузен станбен комплекс планира и градежната компанија Бортас, која има купено локации на 18 парцели покрај Вардар, во близина на хотелот Александар Палас. Сопственикот Љупчо Бораниев објаснува дека тоа ќе биде прв луксузен комплекс со многу содржини кој ќе почне да се гради од септември. Становите нема да се продаваат по цена пониска од 1.800 евра за метар квадратен.

    “Чекаме за две згради, вкупно 150 станови, плус локалите на приземје. Едната е во Расадник, во Кисела Вода, а другата е во Аеродром кај поликлиниката Јане Сандански. Но, тоа што е различно и ново ќе биде просторот на 5.000 метри кавдратни наменет за ексклузивни станови со тениски игралишта и базени од затворен тип. Само за двете згради во Кисела Вода инвестицијата н$ чинеше 4,6 милиони евра“, вели Бораниев.

    Нема застој во продажбата

    Агенциите за недвижности потенцираат дека во Скопје нема непродаден стан и дека 50% се продавале уште во изградба. Инвеститорите во градежниот бизнис уште на почетокот од годината коментираа дека во втората половина ќе следува градежна експанзија, која ќе биде придружена со раст на цената на становите, која, пак, ќе биде резултат на инфлаторниот притисок, односно на поскапените суровини, како што се градежните материјали.

    Кои се потенцијални нови локации?

    Центар, Водно, Дебар Маало, Карпош и Капиштец се уште се најатрактивни локации за изградба на станбени згради. Но, овде поради малкуте слободни локации инвеститорите градат на места каде што веќе постојат куќи. Како инвеститори најчесто се јавуваат мали градежни фирми или човек-фирма, која со здружени средства со купувачите ја гради зградата.

    Дебар Маало, Ново Маало (населбата кај Олимписки базен) и Маџир Маало, каде што има стари згради, се интересни за инвеститорите за да се трансформираат во модерни станбени населби, со надградба на зградите.

    Зајчев рид, Сончев Град, Соње, Волково, Радишани и Ќерамидница треба да прераснат во град, односно луксузни живеалишта, каде што се очекува да никнат големи станбени комплекси со придружни објекти и целосна инфраструктура.

    http://www.kapital.mk/MK/dneven_vesnik.aspx/70764/skopje_dozhivuva_gradezhen_bum.aspx?iId=2263


    Posted By: Superman
    Date Posted: 06-Jul-2011 at 18:37
    Во Македонија се повеќе се градат станови, најмногу во Скопје

    Мартин Пушевски

    Во Македонија се повеќе се градат станови. Во мај двојно е зголемен бројот на предвидените станови за градба, споредено со претходните месеци од годинава. Најинтересна локација за инвеститорите е Скопје и општината Аеродром. Се очекува за две години во главниот град да има 4 илјади нови живеалишта.


    Куќите излегуваат од мода. Во Скопје се повеќе се градат станбени згради. Граѓаните велат - помали се трошоците за одржување на станот, помалку пари одат за сметки, но сепак, куќа си е куќа. Кога би можеле да избираат би се решиле за второто, бидејќи комфорот е поголем.   

    “Трошоците за одржување се помали за станот, тоа и ги принудува луѓето да живеат во стан. Во куќата има многу повеќе обврски, многу повеќе потреби, но куќата дава други задоволства, сигурно дека не е исто стан и куќа”

    “Двор си е двор, куќа си е куќа, сам си, никој не ти тропа, на никого не му тропаш”, велат граѓаните

    Во мај годинава се издадени 231-едно одобрение за градење, што претставува зголемување од 4,1 процент во однос на истиот месец лани – соопшти Државниот завод за статистика.

    Двојно е зголемен бројот на предвидените станови за градба, споредено со претходните месеци од годинава. Во мај, предвидено било да се градат 729 станови. Евидентно е зголемувањето, ако се знае дека изминативе месеци просекот се движеше од 300 до 400 станбени единици. Речиси 80 проценти од вкупниот број на издадени дозволи за градење се наменети за објекти од високоградба. За истиот период, зголемена е и вредноста на предвидените објекти за градба и тоа за цели 230 проценти.

    “Ова е многу позитивно. Тоа влева огромен оптимизам кај нас стопанствениците, се раздвижува градежниот сектор, а тоа треба да влее надеж и кај граѓаните, бидејќи ќе се дојде до поконкурента цена на чинење на становите. Една од заслугите е и тоа што на почетокот на годината државата се одлучи да продаде добар дел од државното градежно неизградено земјиште”, изјави Сеад Кочан, претседател на градежната комора при ССК

    Интересни се податоците за 2010 – та. Деловните субјекти изградиле 871 стан. Повеќе од половината се во скопскиот регион, а становите биле со просечна површина од 64 квадратни метри. За градежните компании најинтересна локација за градба на станови била општината Аеродром, каде што се изградени 205. Интересно е што лани за Охрид, интересот на деловните субјекти за изградба на станови бил мал – биле завршени само 39.

    Скопскиот регион минатата година предничел и по бројот на станови градени во индивидуална режија.

    http://mtv.com.mk/mk/vesti/ticker.css/19576/vo_makedonija_se_povekje_se_gradat_stanovi,_najmnogu_vo_skopje.aspx - http://mtv.com.mk/mk/vesti/ticker.css/19576/vo_makedonija_se_povekje_se_gradat_stanovi,_najmnogu_vo_skopje.aspx

    -------------
    The One Whose Name Cannot Be Spoken...


    Posted By: my Macedonia
    Date Posted: 06-Aug-2011 at 15:45
    Ima nekoj povekje informacii za ova zgrada?
    http://www.youtube.com/watch?v=I86k-m95wTo&feature=related


    Posted By: antiuser
    Date Posted: 10-Aug-2011 at 17:45
    Originally posted by phenomenon


    И ајде сега некој нека ми каже, нека ме просветлат урбаните генијалци:
    " Кај ќе се паркираат автомобилите овде?"   


    Нека му ја мислат тие што ќе купуваат станови..дали треба да купат во оваа зграда


    Posted By: OCB
    Date Posted: 09-Sep-2011 at 17:15


    Извор: Државен завод за статистика
    Публикација: http://www.stat.gov.mk/Publikacii/20GodiniRM.pdf - 20 години независна Македонија


    Posted By: pbanks
    Date Posted: 10-Sep-2011 at 07:48
    Интересно, листава укажува пред се на тоа колку рипнале цените на становите.

    Ме изненадува тоа дека реализираната квадратура се движи помалку или повеќе во исти рамки во последниве 20 години. Навистина имам впечаток дека во последниве години доста повеќе (и побрзо) се гради, но статистикава говори друго.


    Posted By: Cloverstack
    Date Posted: 03-Nov-2011 at 00:26
    Ова е до локацијата што беше предвидена за турскиот театар

    41°59'28.27"N  21°26'37.80"E





    Posted By: axel
    Date Posted: 14-Dec-2011 at 15:55

    Станови за побогата клиентела

    Станови%20за%20побогата%20клиентела

    Тренд во подем

    Агенциите за недвижности велат дека во Скопје расте побарувачката за луксузни станови, а такви ексклузивни резиденцијални комплекси веќе почнаа да се градат на Водно, на местото на поранешната фабрика Алумина, во населбата Орман

    1.500 евра е просечната цена на станбен квадрат во новите луксузни ресорти во Скопје

    Повеќето од познавачите на градежниот бизнис сметаат дека поради тоа што во земјава веќе ја нема средната класа, на пазарот практички се нудат само два типа станови. Помали, до 50-60 метри квадратни, со стандардна градба и луксузни, од 120 метри квадратни па нагоре. Агенциите за недвижности велат дека во Скопје расте побарувачката за луксузни станови, а такви ексклузивни резиденцијални комплекси веќе почнаа да се градат на Водно, на местото на поранешната фабрика Алумина, во населбата Орман.

    На Водно, во близина на некогашното Олимписко село, се гради резиденцијален комплекс од затворен тип од страна на австрискиот инвеститор Соравија. Подолу е ресортот Панорама резиденс, кој е замислен како луксузно-апартмански комплекс. Веќе се знаат и новите станари, кои веќе уплатиле за становите, само што нивните имиња се чуваат во тајност. Инвеститорите велат дека продале голем број станови на приватни бизнисмени, доктори и спортисти. На нашето прашање што нудат посебно овие комплекси и колку го подобруваат квалитетот на домувањето, одговорот беше дека овие ресорти во буквална смисла значат every day is a holiday („секој ден е одмор“). Соравија ресорт е името на елитниот кварт на местото на некогашното Олимписко село. Замислата на инвеститорот е комплексот, освен домување, да им понуди разни содржини на станарите за да не мора често да го напуштаат домот. Таму ќе се градат базени, спортски игралишта, спа-центри, ресторан, продавници. Ќе функционира како цела населба од затворен тип, затоа што овој кварт ќе има и приватно обезбедување на самиот влез.

    “Нудиме далечина од градскиот метеж и брзо стигнување до центарот на Скопје за само две минути“, објаснува Питер Рот, менаџер на Соравија. Тој вели дека во фаза на изградба се седум објекти (вили) со вкупно 95 станбени единици, од кои 55 се веќе продадени. Просечната цена на становите се движи околу 1.500 евра за метар квадратен, а вкупната инвестиција го чини инвеститорот 30 милиони евра.

    Слична е замислата и на комплексот Панорама резиденс, лоциран на местото на некогашниот хотел Панорама. На сопствениците на овие станови им се нуди фантастичен поглед кон главниот град, од двособни апартмани, до дуплекси и пентхаус. Но, немојте да мислите дека двособните апартмани имаат површина од 50 или 60 метри квадратни, како што е вообичеаено во земјава. Во ресортите на Водно има двособни станови од 200 или повеќе метри квадратни, во кои само дневната соба може да има големина од 100 метри квадратни.

    Малку подолу од Водно, до поранешната фабрика Алумина, полека финишира изградбата на уште еден луксузен комплекс. Гранд престиж е насловот на објектот, а го гради градежната фирма Импексел 2. Комплексот ќе биде целосно изграден за три години, а содржи шест луксузни ексклузивни станбени згради со над 1.000 станови. За потребите на новиот комплекс општина Карпош предвидела изградба на две нови сервисни улици.

    “Инвестицијата на овој грандиозен проект е 50 милиони евра и сигурен сум дека е една од најголемите инвестиции. Свесни сме дека е ова мегаломански проект, но веруваме дека ќе ги продадеме становите, затоа што не сме многу скапи, а се наоѓаме на одлична локација. Околу 25% од становите уште во изградба ни се продадени и целосно платени“, вели Неим Хусеини, сопственик на Импексел 2. Карактеристика на луксузната градба е личната сигурност и безбедноста на станарот. Компанијата Архипро Македонија, чија дејност е изведба на јакострујни и слабострујни електрични инсталации, нуди и производ таканаречен паметна куќа, односно смарт систем кој нуди ефикасно решение за автоматизација на домот преку мобилен телефон или интернет-конекција од секаде во светот. Еколошки е, штеди енергија и нуди можност да го извести станарот ако гаражната врата му е отворена, управува со светлата, со ролетните, со завесите, а менаџира и со светилките и со надзорните камери.

    http://www.time.mk/read/NONE/950a26b81a/index.html


    Posted By: axel
    Date Posted: 14-Dec-2011 at 16:23

    Пет илјади нови станови стигнуваат на пазарот

    mailto:s.jovanova@kapital.com.mk - Соња Јованова
    Пет%20илјади%20нови%20станови%20стигнуваат%20на%20пазарот

    Скопје се гради!

    Економската криза и слабата ликвидност на економијата не ги спречуваат градежните компании да „растураат“ со бизнисот во Скопје. Нивните проценки се дека околу 5.000 нови станови во моментов се градат во метрополата 

    Во екот на градежната експанзија меѓу главните играчи, приватните фирми, од неодамна се јави и Јавното станбено претпријатие, кое преку изградба на комерцијални станови за продажба се наметна како сериозен конкурент на градежниците

    ---------------------------------------------------------------------------------------------------------------------------------------
    350 милиони евра е пазарната вредност на становите што моментално се градат во Скопје
    1.050евра е просечната цена на станбен квадрат во новоградба во Скопје
    ---------------------------------------------------------------------------------------------------------------------------------------

    Градежен „бум“ се случува во Скопје и тоа не е само поради владиниот проект „Скопје 2014“. На многу локации во главниот град се градат станбени комплекси, стандардни и луксузни, а во последните неколку години очигледна е и експанзија на деловни и трговски центри. Засега, економската криза и слабата ликвидност на стопанството не ги натера градежните компании да забават со активностите. Не ги плаши ни колапсот во градежништвото во некои земји од регионот и во развиените земји, каде што бизнисот со недвижности стагнира или забрзно паѓа. Напротив, поради нивните инвестиции, главниот град во последните неколку години рапидно се шири и речиси нема слободна локација на која не се гради.

    Во екот на градежната експанзија се појавија неколку главни играчи, приватни инвеститори, а од неодамна се наметна и Јавното станбено претпријатие, кое преку изградба на комерцијални станови за продажба се позиционираше како сериозен конкурент на градежниците. Но, се чини дека и покрај тоа што има интензивна изградба и на цели станбени комплекси, во Скопје побарувачката с$ уште е поголема од понудата. Така барем велат во градежните стопански комори, од каде што анализирале дека годишно во цела држава се градат од 5.000 до 5.500 станови, наспроти реалната побарувачка и до 10.000 станбени единици годишно. „Капитал“ го анализираше моменталниот сооднос на понудата и побарувачката на станбен простор, но и трендот на изградба на ексклузивни станбени комплекси, кои евидентно поставуваат нови стандарди во домувањето.

    Адора инженеринг, Бетон, Соравија, Панорама резиденс, Бортас, Настел, Импексел 2, Никоб инженеринг се само дел од имињата на главните инвеститори на новите станбени објекти во Скопје. „Капитал“ разговараше со нив и според трендот на изградба, нивна слободна проценка е дека за две години Скопје ќе добие околу 5.000 нови живеалишта, што практички е еден мал македонски град. Ако се земе предвид дека просечната цена на еден метар квадратен за становите во Скопје е околу 1.050 евра во моментов, а нивната просечна големина е 65 м2, се работи за бизнис вреден околу 350 милиони евра.

    Ванчо Чифлиганец, сопственик на градежната компанија Адора инженеринг, вели дека изградбата на нови станбени комплекси е работа на која треба сите да се радуваат, бидејќи повлекува развој во сите сфери. Адора инженеринг во моментов, освен во Скопје, гради и во Охрид и во Струмица. Во Скопје лани почна, а веќе привршува со изградба на 143 станови под Водно, два станбено-деловни објекти во Аеродром, а доколку се соберат заедно со становите што Адора ги гради во Струмица и во Охрид, излегува дека само за една година оваа компанија изградила 561 стан.

    „Цените по кои се продаваат нашите станови се од 700 евра во Струмица до 1.400 евра за најскапите во Скопје. Ние нудиме квалитет, но не претеруваме со луксуз, а долгорочно, становите на Адора се поевтини и до 40%, затоа што се изградени со енергетски ефикасни материјали“, објаснува Чифлиганец.

    Во меѓувреме, во Аеродром се чисти теренот и за изградба на уште три нови згради кај поранешните воени бараки, наспроти Воената амбуланта. Ќе ги гради градежната компанија Бетон на површина од околу 18.000 метри квадратни. Според проценките на инвеститорот, продажбата на становите ќе оди лесно, водејќи се од тезата дека се голема градежна компанија со искуство зад себе. „Имаме три договорени локации со сопствениците на бараките и ќе почнеме станбена изградба. Земјиштето го имаше Акционерското друштво за стопанисување со станбен и деловен простор, па државата им го одзеде корисничкото право и сега сопствениците, според новиот закон, можат да си го купат земјиштето за едно евро за метар квадратен, по што ќе почнеме да градиме. Проектите се готови, чекаме само да го откупиме земјиштето. Секогаш кога ние сме граделе станбена зграда сме немале проблеми со продажбата на становите, затоа што с$ уште владее мислењето дека големите фирми градат најквалитетни станови“, смета Трајко Трпевски, генерален директор на Бетон.

    Градежниците поделени во однос на цените на становите

    Ако се земе предвид податокот дека во Скопје се градат двојно помалку станови од побарувачката, тогаш е логично зошто цените на станбен метар достигнуваат цени како во некои европски метрополи.

    Во Македонија цените нагло пораснаа во 2007 година, најмногу поради оптимизмот кој завладеа дека земјава ќе стане членка на НАТО, за последнава година да паднат и сега се со тенденција на дополнително благо опаѓање поради зголемената понуда. Градежниците пак, тврдат дека и покрај зголемената понуда на станови, нема простор за намалување на цената, најмногу поради поскапувањето на градежните материјали, но и поради тоа што Владата не ја продолжи мерката за намален ДДВ при продажба на станови.„Не се согласувам со констатациите дека цените на становите се високи, затоа што во земјава се плаќаат истите цени за градежни материјали како и во Европа. Во иднина очекуваме понудата да порасне не само од нови, туку и од стари станови кои ќе се продаваат од сегашните сопствениции притиснати од кризата. Ќе се градат и социјални станови со поддршка на хуманитарни организации и со поддршка на европски фондови, така што реално, само најквалитетните и најдобрите ќе можат да прават бизнис во градежништвто“, објаснува Чифлиганец.

    Трпевски од Бетон пак, смета дека во моментов на пазарот на недвижности продажбата на станови не оди толку лесно, што може да доведе до благ пад на цените за станбен метар. „Сакале или не сопствениците, становите ќе поевтинат. Само за пример, во Ново Лисиче приватни фирми ги купија локациите и се направија можеби 8-10 згради. Колку што знам, продажбата тешко оди, а цената ја држат на 1.000 евра за метар квадратен. Мислам дека ќе мора да ја спуштат цената ако сакаат да ги продадат. Ми се чини дека цената на становите нема да се качува. Дури сметам дека треба да се спушти. Според мене, за да можат да се продадат сите новоизградени станови, цените, генерално, ќе се спуштат за минимум 10% до 15%“, додава Трпевски.

    Државата со градежна офанзива ќе ги руши цените на становите!

    И Акционерското друштво за изградба и стопанисување со станбен и деловен простор (ЈПССДП) влезе во комерцијалениот дел од градежниот бизнис. Освен социјални станови и станови за млади брачни парови, од септември годинава почна со интензивна изградба на станови за комерцијална продажба. Директорот Цветко Грозданов за „Капитал“ вели дека во иднина очекува пад на цените, како резултат на намалениот ДДВ, но и поради најавените проекти „Купи куќа, купи стан“ или „Пола пола рата“.

    „Становите кои претпријатието ги продава во моментов се за 15%-20% поевтини од тие што моментално ги нудат приватните градежни компании. Сега сме фокусирани на изградба на комерцијални станови на атрактивни локации во Скопје. Прво почнуваме со една зграда кај Католичка црква, приближно околу 56 станови, понатаму ќе следува изградба на уште една зграда кај Педагошки факултет, а се размислува и за градење во Ѓорче Петров, што севкупно е околу 300 станови“, вели Грозданов.Тој додава дека цените на овие станови ќе бидат повисоки од вообичаените по кои досега продаваше ЈПССДП, поради тоа што ќе се градат на атрактивни локации каде што комуналиите се поскапи. Грозданов објаснува дека е неопходно приоритет на претпријатието да биде изградба на комерцијални станови со цел добивката да се реинвестира во градење социјални станови, но и бидејќи како државна компанија имаат обврска да го раздвижат пазарот и преку зголемена понуда да ја намалат цената на станбен квадрат.

    Во Реонскиот центар во скопската населба Ново Лисиче веќе почна изградба на комплекс од седум станбени згради со 350 станови и подземна гаража, што е вкупна инвестиција на ЈПССДП од 13 милиони евра. Цената на овие станови нема да биде повисока од 850 евра за квадратен метар, велат од ЈПССДП.

    Агенциите за недвижности моменталната сотојба на пазарот за недвижности ја оценуваат како летаргична. Оттаму велат дека граѓаните кои сериозно биле заинтересирани да купат нов стан сега најавуваат дека ќе ги чекаат ветените државни субвенциии и поевтините станови. „Очекуваме пазарот на недвижности да стагнира, затоа што мерките притискаат цените на становите да се намалат. Секако дека тоа психолошки ќе делува на луѓето и тие ќе почекаат за купување стан“, вели Сашо Поп Илиевски од агенцијата Хепинес.

     

    Домашните производители апелираат

    Да се користат квалитетни градежни материјали!

    Компаниите што ги снабдуваат градежниците со материјали сметаат дека сите инвеститори кои сакаат да имаат квалитетна градба мора да внимаваат на материјалите што ги користат. Во компанијата за производство на адитиви во градежништвото Адинг сметаат дека во Македонија се почеста е нелојалната конкуренција.

    „Правило е градежните компании да користат материјали кои се тестирани и кои имаат атестна документација. Ние како фирма такви продаваме и во земјите од Европската унија. Но, во Македонија има мали фирми-инвеститори кои за пониски цени набавуваат неквалитетни градежни материјали и со тоа сакаат да заработат, но не ја поевтинуваат цената на становите. Тоа значи дека држат цена како злато, а продаваат ѓубре. И на крај се случува отпосле да дојдат и да купат поквалитетни материјали за санација на истата градба. Во принцип, за сево ова си постои закон, меѓутоа треба и почести контроли за да се види како се гради“, смета Александар Делев, директор на технички сектор и институт во Адинг.

     

    ---------------------------------------------------------------------------------------------------------------------------------------

    Васко Давидовски, менаџер за маркетинг и продажба во Соравија

    „Луѓето се свртија кон недвижностите како единствен сигурен пласман на слободен капитал. Се намали и ДДВ од 18% на 5%, со што пазарот доби дополнителна стимулација и на страната на понудата и на страната на побарувачката. Во исто време зголемената миграција кон Скопје исто така предизвикува пораст на побарувачката. Ова се дел од причините што оваа гранка доживува експанзија токму во овој период.“

    Неим Хусеини, сопственик на Импексел 2

    „Свесни сме дека изградбата на големи станбени комплекси носи големи ризици, но имаме поддршка од банките. Лошо е што во моментов поради проектот на Владата за субвенционирани станбени кредити се јави застој во продажбата и се притиска и за намалување на цената на становите. Одговорно тврдам дека нема простор за пад на цената, затоа што цените на градежните материјали се отидени нагоре.“

    Ванчо Чифлиганец, сопственик на Адора инженеринг

    „Пазарен закон е поголема побарувачка да резултира со пораст на цени и обратно, но не смее да се заборави дека цената е збир од трошоци на градба, што значи дека колку и да е ниска побарувачката на станови, цената на метар квадратен не може да падне под цената на градба на станбен простор. Повеќе сум убеден дека во случај да нема побарувачка, едноставно ќе се намали изградбата на станови, a капиталот ќе се пресели од градежништвото во некој подоходовен сектор.“

    http://www.kapital.com.mk/mk/prilozi_edicii.aspx/77640/pet_iljadi_novi_stanovi_stignuvaat_na_pazarot.aspx?iId=2510



    Posted By: axel
    Date Posted: 20-Dec-2011 at 12:09

    Чао скопска зградо, отидов на село

    Сé додека има купувачи на станови во Скопје по високи цени, и тоа претежно од луѓе од другите градови, ќе има и пазарна логика да продадете скап стан за да направите солидна куќа

     
     
    %20  

    Градежниот бизнис го чека пресврт

    Градежниот бизнис во иднина сé повеќе ќе се врти околу изградбата на индивидуални куќи за живеење. Ова го тврдат и самите градежници, но и поголем број општини, чија администрација се подготвува за нов градежен бум, различен од оној што досега беше препознатлив - да се гради само во центарот на градовите, и тоа колку е можно повисоко и пошироко. Слободни парцели во и околу центарот на градовите веќе нема, а поради зголемувањето на семејствата, сé почесто се прифаќа одлуката да се продаде стан за да се купи или изгради куќа.

    - Сé додека има заинтересирани купувачи на станови во Скопје по високи цени, и тоа претежно од луѓе од другите градови, ќе има и пазарна логика да продадете скап стан за да направите солидна куќа. Оваа тенденција ќе продолжи и понатаму, а може и да се засили и поради тоа што семејствата се прошируваат и едноставно станува претесно да се живее во становите. Ако можете да продадете стан од околу седумдесет квадрати за околу 75.000 евра, тогаш со тие пари можете да купите плац и да изградите куќа што ќе биде барем со двојна површина, а можеби и повеќе, во зависност од големината на плацот - ни изјави Никола Велковски од Групацијата за градежништво при Стопанската комора на Македонија.
    Тој појаснува дека помалите комуналии во приградските населби и поевтиниот градежен материјал овозможуваат ваквите пресметки да се остваруваат во практиката.

    За разлика од него, пак, дел експерти во градежништвото велат дека, наместо ниската и средната класа, во иднина токму богатата класа на граѓани ќе биде таа што ќе гради свои домови на периферијата од градовите, и тоа во вид на индивидуални станбени куќи, а не згради за колективно живеење.

    - Ако до пред десетина години беше престиж да бидете жител во Дебар Маало или во центарот во Скопје, сега тоа е казна. Квалитетното урбано живеење е само минато. Токму поради ова прогнозирам дека во иднина поимотните наши сограѓани ќе бегаат надвор од градските средини, кои се задушуваат во својот урбанистички хаос и ќе бараат поквалитетен живот во периферните населби. Неизбежна е тенденцијата што во западните земји се практикува веќе неколку децении, а тоа е да се градат куќи, и тоа со поголема вредност настрана од градот. Ова, се разбира, би било пристапно само за побогатите, бидејќи ваквото живеење може да биде и поскапо. Постојано ќе ви треба автомобил за превоз до градот, училиштето, градинката или до болницата, но за тој што може да си го дозволи тоа и не е проблем - вели Горан Марковски, професор на Градежниот факултет од Скопје.

    Тој појаснува дека ако досега се градеа куќи во периферните места поради избегнување комуналии, а со тоа никнуваа и огромни населби формирани од дивоградби, сега тоа ќе се намали и легално ќе го прават новопечените бизнисмени и докажаните имотни елити трагајќи по поквалитетен живот.

     

    Ѓорче Петров во иднина ќе се полни со куќи и со населби
     Празните делови на општината Ѓорче Петров, особено делот околу обиколницата, Ново Село, Волково, Стопански Двор се местата што сé уште дозволуваат ширење на градот со населби од индивидуални објекти. Освен куќи, овој дел од Скопје станува сé поатрактивен и за големите инвеститори што градат населби од затворен тип со екстра-луксузни објекти за живеење. Еден таков е комплексот „Верина“ на компанијата „Никоб инженеринг“, кој е во изградба, а кој содржи неколку хациенди поврзани во целина, која прави комплекс за живеење на многу повисоко ниво од она што е стандард кај нас.

     

     

    Во Гази Баба ќе никне населба Хиподром 2
     Во општината Гази Баба изминатиов период се работеше на изработка планска документација и завршување на детален урбанистички план за изградба на нова населба – Хиподром 2 за 4.000-5.000 жители. На празниот простор, во непосредна близина на населбата Хиподром, кој во моментов претставува земјоделско земјиште, ќе никне оваа нова населба. Со урбанистичкиот план „Маџари-Хиподром“, кој беше усвоен од советот на општината Гази Баба, на вкупниот просторот од 36 хектари се предвидува изградба на 1.345 стана. Земјиштето, кое во моментот претставува обработлива површина, ќе се трансформира во градежно земјиште, а во тек е и решавање на имотноправните односи.

     

     

     Лисиче е следна градежна мета во општината Аеродром

    Според деталните урбанистички планови на општината Аеродром, предвидени се неколку локации каде што се планира изградба на над 100 семејни згради и станбени објекти со десетина деловни објекти и комерцијални комплекси.
    Според последниот попис од 2002 година, во општината Аеродром се регистрирани 72.009 жители, но според најновите процени од општината, нивниот број е зголемен и изнесува над 80.000.


     

     Во Бутел очекуваат градежен бум
     Едно од местата каде што во иднина ќе се почувствува градежниот бум е и општината Бутел, каде што први на удар ќе бидат местата Визбегово, Радишани, Љуботенски Пат. Тие веќе се сметаат за најатрактивни потенцијални градилишта. Во оваа општина во тек е изградба на населбата Хот и Хот 1, која се простира на површина од 18.000 квадратни метри и има 34 ексклузивни куќи за живеење. Населбата е од затворен тип и е комплетно приватна инвестиција, за која општината обезбеди услови за градење уште пред да се активираат градежните зафати. Од оваа општина најавуваат неколку нови градилишта, за кои заинтересираност има уште сега.

     

    Нови населби во Кисела Вода
     Општината Кисела Вода со пописот од 2002 година брои околу 58.000 жители. Се претпоставува дека во 2007 година овој број се зголемил на околу 61.800 жители. Според податоците од општината, минатата година имало пријавено околу 64.000 жители. Населбите што е во план да се изградат во оваа општина во најголем дел се за градба на индивидуални станбени куќи, кои претежно ќе се простираат околу постојните села.

     

     

    -Припор-Сопиште: предвидена е површина за изградба на населби за домување, и тоа на 122 хектари, со можност за живеење на 18.228 жители
    -Пинтија: на 109 хектари населби за 16.428 жители

    -Драчевска зона: на 114 хектари ќе се гради населба за околу 17.000 жители

    -Потстаница: на 20 хектари населби за околу 3.000 лица

    -Село Драчево: на 188 хектари во околината на селото Драчево се планира изградба на станбена населба од индивидуални куќи за околу 28.000 жители

     

    http://www.novamakedonija.com.mk/NewsDetal.asp?vest=122011813393&id=9&prilog=0&setIzdanie=22460


    Posted By: axel
    Date Posted: 09-Jan-2012 at 13:48

    Живот на покривот од градот

    Семејството Плавевски, кое живее на 16-от кат во една од трите највисоки згради во Скопје, вели дека погледот од оваа височина е вистинска привилегија, како и пиењето кафе на тераса и гледањето во брканиците на соколите

     
     
    %20  

    Шеснаесеттиот кат нуди прекрасен поглед, мир и тишина

    Ни на небо ни на земја. Така некако живеат станарите од највисоката зграда во градот. Впрочем, не е една, туку се три. Идентични. Станува збор за Трите убавици во Карпош 4. Високи се 53 метри. До реализација на проектот за изградба на најавуваните стокатници овие згради се врвот на Скопје.

    Интересен е фактот што речиси никој со сигурност не можеше да потврди која станбена зграда е највисока во главниот град. Консултиравме голем број архитекти, професори од Градежниот факултет, одредени министерства, градската управа, како и општините... Во најтесна конкуренција влегоа - воената заграда во Автокоманда, трите згради во Карпош 4 покрај Вардар, воените згради во Аеродром... Во едно сите беа сигурни - највисока деловна зграда е онаа на Македонската телевизија, ама не знаеја со сигурност која е онаа во која има редовни жители. По многу дилеми, повеќето сепак се согласија дека станува збор токму за овие убавици. При нашата посета, тамошните станари убедливо и гордо тврдеа дека нивната зграда е токму таа - највисоката.

    Кога ќе пристигнете, веднаш ќе забележите дека и не можете тукутака да влезете. Мора или да одиш кај некого на гости, па да те пушти откако ќе му се пријавиш на домофонот или, пак, да имаш клуч. Ретко чиста внатрешност. Се гледа дека се води сметка за културна живејачка. Лифтовите, пак, три на број, обложени со таписерија. Качувајќи се нагоре, случајно налетавме на тричленото семејство Плавевски, кое живее на 16-от кат. Нé примија топло во нивниот дом. Станува збор за домот на писателот Владимир Плавевски (таткото), Снежана Плавевска (мајката) и синот, фоторепортер во еден од дневните весници, Ѕвонко Плавевски.

    - Некои гости се плашат да излезат и на тераса кога ќе дојдат кај нас. Оние, пак, што се плашат од височина им е страв да се доближат и до прозорецот. Се доближуваат и веднаш прават чекор назад - раскажува Ѕвонко.

    Привилегија ли е да се живее на таква надморска височина или, пак, слабост. Ова семејство вели дека е привилегија, ако се земе предвид погледот што се нуди, како и загарантираниот мир и тишина.
    Слабостите се, секако, немањето струја и одењето пеш 16 ката.

    - Се случувало неколкупати, особено кога се враќам од излегување во доцните ноќни часови, да не работи лифтот. И тогаш вистина ми е мака. Инаку, вообичаено немам проблем, се искачувам без тешкотија. Потребни ми се околу 7-8 минути. Исто, слабост е и кога има некој мал земјотрес, па не може ни да се спореди колку повеќе се чувствува на оваа височина отколку таму долу - вели фоторепортерот.
    Како една од главните привилегии ги наведува пиењето кафе на тераса и гледањето во брканиците на соколите.

    - Кога е потопло задолжително пијам кафе на тераса, ама претежно наутро, зашто лете е многу топло, а терасата ми е на запад. Многу е добро на тераса. Има едни соколи, кои летно време редовно се бркаат со гулаби и чавки, ептен интересна глетка е. Ветрушки ги викаат. Тоа е најмалиот сокол кај нас. Пискаат специфично, сум пробал и да ги сликам, ама ептен се тешки за добро да ги фатиш. Светлопортокалови се, накај окер - раскажува Плавевски. Кулите се изградени во 1978 година. Нивниот татко, архитектот Александар Смилевски, вели дека кога се граделе, идејата не била да бидат највисоки, туку урбанистички добро издржани.

    - Трите се идентични. На две од нив главната фасада им гледа кон исток-запад, а третата гледа кон југ-север. Ги правеше градежното претпријатие „Маврово“. Објектот има приземје, мезанин и 16, односно 17 ката. Секој кат има по четири еднакви трособни стана. Има едно главно скалило, и две помошни-противпожарни. Зградите се стари 33 години и досега сериозни проблеми не се јавиле. Сé уште изгледаат убаво. Во однос на името - Трите убавици, па не им го дадов јас. Народот така ги завика, зашто, најверојатно, им се допаѓале - вели архитектот.


    http://www.novamakedonija.com.mk/NewsDetal.asp?vest=19121015508&id=14&prilog=0&setIzdanie=22475


    Posted By: goran222
    Date Posted: 22-Feb-2012 at 18:01
    Што се гради сега,на кој локации кој објекти се градат,кој објекти се прикраи???


    Posted By: FoSsiL
    Date Posted: 22-Feb-2012 at 18:14
    За каде?



    Print Page | Close Window