Иако Талески и финансиски и временски досега имал доволно можност да го уреди Тумбе кафе тој тоа не го сторил, реагираше денес кандидатот за градоначалник од СДСМ.

 Со 20 милиони буџет на годишно ниво, актуелниот градоначалник досега требаше да го направи Тумбе кафе како спортско рекреативен центар како што вети на граѓаните во својата изборна програма пред 4 години, а што е уште пострашно тој за овој повторен свој мандат ја бара довербата кај сограѓаните и допрва ќе ги прашува што ќе се случи со Тумбе кафе, вели Дијана Ѓорѓиевска, кандидат за градоначалник од СДСМ

Тумбе кафе набрзо ќе добиело нов лик, доколку СДСМ ја добиела локалната власт:

 Тоа што ние ќе им понудиме пак на граѓаните е дека веруваме со предлозите наши и максимално учество затоа што ние граѓанската вклученост ја промовирме во секој наш проект е дека се надеваме шеталиштето, паркот, Тумбе кафе ќе ги ставиме повторно на туристичката мапа во нашата држава и надвор од неа, вели Дијана Ѓорѓиевска, кандидат за градоначалник од СДСМ

Нив дополнително сондирање на мислењето на граѓаните не им било потребно затоа што тие тоа го сториле многу одамна, а граѓанските иницијативи и предлози за Тумбе кафе веќе биле дел од нивната изборна програма.

Кај паркот покрај техничкиот факултет денеска градоначалникот Владимир Талески ги презентира резултатите од неговата зелена агенда во изминатите години. Направени се нови паркови, но и обновени се старите и запуштени како паркот кај техничкиот факултет и средношколскиот дом „Мирка Гинова".

- Паркот „Александар Турунџев", комплетна реконструкција на централниот парк кај Саат кулата со систем за автоматско наводнување со техничка вода, а не вода за пиење, реконструиран детскиот парк, уредување и поставување на жардинерии кај Безистенот, парк во населбата Ушици, реконструкција на парк пред Центарот за култура, паркот кај „Ѓорѓи Сугарев", „Јонче Мурџевски", парк споменик во селата Породин, Долно Оризари, Горно Оризари, Кукуречани - вели градоначалникот.

Талески, кој е кандидат за градоначалник на ВМРО-ДПМНЕ и на овие локални избори, најавува нови проекти за раззеленување на Битола.

- Паркот во Довлеџик, западен влез во Битола, комплетно хортикултурно решение за Тумбе кафе, паркот кај Тера телевизија, комплетно хортикултурно решение за западен дел од Градскиот парк, нов парк во Породин, кај селата Кравари, Бистрица, парк непосредно до спортската сала и така натаму, секаде каде ќе се појават нови моменти. Ова зеленило ја исполни сликата на градот - вели Талески.

Поддршка за ваквите активности на општината и понатаму ќе биде јавното претпријатие „Комуналец".

- И во иднина ќе настојуваме што повеќе да имаме зелени површини и паркови. Тада да на градот Битола му дадеме лик на европски град - вели Јовко Крстевски, директор на ЈП.

И градоначалникот и директорот на јавното комунално претпријатие велат дека секој граѓанин може да предложи идеја кој дел од градот да се раззелени. Граѓаните ќе добијат помош, а нивно ќе биде само да се грижат таа локалији да се одржува зелена.

„ Нашата определба е во буџетската ставка од 80 милиони денари да ја заголемиме на 160 милиони денари во наредниот период, се разбира доколку ја добиеме поддршката од граѓаните. Ова овде што денеска му создава сериозен проблем не само на граѓаните, туку и на ранливата категорија, како што се децата во специфичниот период од годишните доба каде што се извор на зараза и епидемии" вели Томе Наумов носителот на советничката листа на СДСМ.

Ако ја добијат локалната власт вети дека ќе се грижат и за граѓаните на Битола кои живеат на периферијата, а не само за оние од центарот на градот, како што сега правела локалната власт.

„ Исто така би претставувало затворен систем во кој што ќе немаат допир граѓаните, се разбира дека тоа не е крајното решение. Крајното решение се и пречистителните станици кои што треба да се постават на влезот на реката драгор, друго она што значи колекторски систем, зафаќање на сите води кои што се фекални" вели Наумов.

И жителите од оваа населба се жалат на пробемот што го имаат со години.

„ Живеам тука 40 години, досега комуналното претпријатие води сметка постепено ова го прочистува, меѓутоа не е решен проблемот целосно" реагира Цветанка Беговска жителка на населбата.

Веруваат дека за нив повеќе слух ќе има новата локалната самоуправа на Битола.

 Над 2 милиони евра вложени во образованието, компјутер за ској средношколец, 14 спортски игралишта, обновена инфраструктура во сите основни и средни училишта, санација и реновирање на неколку селски училишни згради, три нови градинки во Кукуречани, Бистрица и Кравари, санација и опремување на сите градинки во Битола, вели Анита Ангелевска, портпарол на ВМРО ДПМНЕ

Тоа давало можност да проговорат и за она што ќе го направат. Ќе богато со бројки и предвидливи факти:

 1863 компјутери за основните училишта, продолжување со реконструкција и реновирање на основните и средните училишта, продолжување со санација на санитарните јазли, дотраната дограма, инфраструктурата, котлите за парно греење. Иако како што гледате, мора и натаму да се занимаваме со санирање на она што со години било запоставувано, не ја забораваме и вистинската суштина на образованието, кое треба да асоцира на иднина, модернизација и просперитет, вели Анита Ангелевска, портпарол на ВМРО ДПМНЕ

Преку проектот професионална ориентација младите ќе добијат насока за препознавање на сопствениот капацитет и ориентација според потребите на пазарот на трудот, а најавуват и донесување на официјална стратегија за уписна политика во средно образование, како и стипендирање на најдобрите ученици, средношколци и спортисти.

- Се надеваме во изборот нема да бидат вклучени и нивните или нивни поранешни пратеници кои љубовта кон животните ја покажуваат со убивање забранет дивеч. А, тоа во оваа земја се казнува со закон кој како што самите велат не треба да биде селективен кон никој. Нам ни е многу жал дека своите предизборни активности ги сообразиле со сопствениот рејтинг, ама и во тоа не внеле инвентивност. Најверојатно им е јасно дека и нема зошто, вели Горан Таскоски од ВРМРО ДПМНЕ.

Целокупната работа на општинскиот совет била со видливи и реални резултатите, а граѓаните го препознавале тоа. Но, честопати советот се претворал во поле за политичка борба што на моменти ја попречувало децентрализацијата која мораше да се заврши. Денеска реакција и на претседателката на Советот, носител на советничката листа на ВМРО ДПМНЕ.

Но, и покрај сите тие искушенија успеавме да ги реализираме зацртаните програми. Многу ми е жал што опозицијата чии претставници беа дел од досегашниот состав на советот сеуште ненајде сили да ги согледа придобивките кој што граѓаните на Битола треба да ги засметаат за свои. Сметам дека да се зборува за сиромашна и економски скршена Битола и за нереализирани ветувања во најмала рака не е фер кон граѓаните, сопствената општина, па дури и за нивните советници затоа што таква скршена и сиромашна Битола најдовме пред 4 години.

Сепак, се надевам дека ќе направат напор да ја најдат соодветната диоптрија за да ја согледаат разликата меѓу ветеното и стореното што го направи Советот и градоначалникот која за сите други граѓани на Битола е повеќе од очигледна.А, оној кој нешто и направил има право и да се пофали, да го покаже тоа, да биде транспарентен пред граѓаните што го избрале и што му ја дале довербата. Да се води еден град како што е Битола е многу покомплексна и посериозна работа од навистина намалени фирмарини кои патем ние и ги реализиравме досега и затоа ве молам: Оставете ги работите да ги решаваат оние кои досега покажале дека заслужуваат да го направат тоа, вели Лилјана Кузмановска, носител на советничката листа на ВМРО ДПМНЕ.

Горан Савевски, кандидат за градоначалник на ЛДП денес во посета на битолската зоолошка. Зборуваа за иднината на оваа институција која била за витален карактер за Битола. Целта на посетата била презентација на програмата, а не гола кампања, вели Савевски, кој за разлика од тоа како завршија неговите колеги е задоволен од денешниот прием.

-Одлично бев примен, во зоолошката сеум секогаш добредојден секогаш како човек, вели Савевски.

Главна точка ставаат на дислокацијата на зоолошката.

-Комплетно градежното земјиште да премине во сопственост на Советот на Општина Битола, зашто тука касниме. Доколку премине во сопственост на Општина Битола јас ви гарантирам дека и знаеме и имаме доволно стручни луѓе кои што ќе внимаваат на сите аспекти во избирањето на новиот простор, вели Савевски.

Планираат да инвестираат во нови кафези за животните според светски стандарди.

- Знаеме колку општината инвестирала во зоолошката градина, Мислам дека нема инвестирано никакви средства и дека зоолошката градина се наоѓа моментално во тешка ситуација. Сето она што е направено од постоечкото раководство и директорот Калаповски е со голем ентузијазам, со самофинансирање, изјави Савевски.

Савевски покрај неколку денови пауза се враќа во кампањата покрај здравствените проблеми со гласот.

„ Подобрување на автобускиот сообраќај во градот, приградските населби, воведување на централно греење во Битола, реконтрукција на фасадите на старите објекти во Битола, прогласување за споменици на културата, обновување на старата чаршија, помагање за враќање на старите занаети кои ќе придонесат кон културна промоција на Битола. Реконструкција на пругата и стартување на железничката линија Битола-Лерин" изјави Емилија Котевска портпарол на ВМРО НП.

И досега ги имаше во битолскиот совет. Самостојно настапуваат на овие избори само со листа за советници.

„ И досега немавме коалиција имавме некаков договор за соработка. Дали ќе го продолжиме значи ќе зависи после изборите, да видеме каков резултат ќе оствариме, колку ќе бидеме моќни " рече носителот на советничката листа на оваа партија Оливер Цветковски.

Пред првиот круг не даваат подршка на ниту еден од кандидатите за градоначалник.

„ Во првиот круг ќе оставиме граѓаните да одлучат сами, за во вториот ќе видме" изјави Цветковски.

Прашавме со кој постизборно ќе коалицираат.

„ Па видете во моментот нема партија што идеолошки е блиска до нас" вели тој.
- А ВМРО ДОМНЕ ?
„ Па неверуваме повече дека идеолошки се блиску до нас, некако го фатија центарот" изјави Цветковски од ВМРО НП.

Зад Цветковски на советничката листа се и кандидатите Томе Блажевски, Валентина Николовска, Тони Вељановски, Николче Јовевски и други.

-Се што побаравме градоначалникот оствари и поплочувањето и паркиралиштата - вели Снежана Јанчевска, жител од оваа улица.

Талески за периодот од 2009 до 2013 година најавува нови паркиралишта.

-Планирани паркиралишта со ДУП кај стара автобуска, кај „Јавор", пред и позади Домот на културата, паркинг во дворот позади училиштето „Таки Даскало", подземен паркинг на две нивоа, подземен паркинг пред Домот на културата на плоштадот „Гоце Делчев" , катна гаража над бавчата на кино „Македонија" и кај Ат пазар, паркиралишта по должината на улиците „Иван Милутиновиќ", „Борис Кидрич" и „Едвард Кардељ", слепата уличка кај училиштето „Коле Канински" - вели градоначалникот.

Според планот за работа се најавуваат и нови пешачки патеки по должината на главните сообраќајници во градот.

-Пешачки патеки по должината на реката Драгор, централното градско подрачје, по должината на улица „Железничка", по сите булеварски пристапи во градот, на влезот од Горно Оризари, од Довлеџик и на влезот преку Ушици и улицата „Кукуш", пешачки патеки покрај локалниот пат за Пелистер од пумпата „Макпетрол" до Црвени петли и пешачки патеки на сите улици во градот на кои ќе вршиме реконструкција - вели Талески.

Градоначалникот меѓу комуналните, урбанистики инфраструктурни работи ги спомена партерните уредувања и подобрувањата на пристапите кон градинките и училиштата.

„ Со 20 милиони евра годишен буџет, Битола денеска требаше да блеска. Каде и за што се потрошија овие големи пари. Со 20 милиони евра годишен буџет, во околните рурални населби одамна требаше да бидат асфалтирани сите улици, да има водовод, канализација, улично осветлување" рече Томе Наумов носителот на советничката листа на СДСМ.

Наместо тоа, велат од СДСМ, Талески милувал да се слика на прескапите општински информатори.

„ Зошто Талески од говорницата во неделата, јавно и транспарентно, не им објасни на фармерите кој ги украде нивните пари од млекарницата Сведмилк, кога веќе до него беа и премиерот Груевски и министрите од владата? Зошто Талески, како висок функционер во ВМРО ДПМНЕ, не се загрижи и ангажира за проблемите на фармерите?" праша Наумов.

Наместо да им помогне на млекарите, тој сега не ги примал, а за неговата безбедност се грижела 24 полицијата. И критикуваа за ветената топлификација на Битола.

„ Носењето на евтин гас до стопанските субјекти и до домовите во Битола е само една од нашите мерки за надминување на тешката економска криза во која не донесе оваа владеачка гарнитура" рече тој.

СДСМ имала таков комплетен проект за гасификација на Битола и ќе го доставела до владата.

Нека биде чисто, за почиста Битола и уште многу други активности се направија во изминатиот период со цел чистење и зазеленување на Битола. Зелена агенда е процес на комуникација со граѓаните надвор од општината за што на Биосфера, општината и обезбеди просторија. Биосфера очекува помош и за плановите за оваа година:

 Отворање на првата ботаничка градина и првиот еколошки едукативен центар. Во план е да иницираме формирање, креирање на еден еколошки план на ниво на Општина Битола, вели Александра Стојановска, Биосфера

До крајот на годината Талески очекува да го добие планот за стратешко делување во насока на еколошки чист и убав град:

 Со Биосфера работиме одлично и тие подготвуваат еден акционен план ЛЕАП, локален план за екологија кој со идниот совет на општина Битола ќе го имаме предвид и ќе го изгласаме за да може општината да има своја програма според која што ќе ги прави сите активности во делот на екологијата, вели Владимир Талески, кандидат за градоначалник на Битола

Досега инцидентно се чистеле депонии, се поставувале информативни табли, а акцијата денар за пластично шише прераснала во успешен проект:

 Поставивме 32 контејнери за отпадна пластика и од донатород УСАИД бевме прогласени за најкреативна општина во однос на едукативната компонента со која ги опфаќаме сите деца на територијата на општина Битола до 10 годишна возраст, ќе ги едуцираме што значи да се чува Битола, затоа што Битола е нивниот дом, вели Емилија Геровска, ВМРО ДПМНЕ

За резултатите од успешната соработка помеѓу Биосфера и Општина Битола говореле видливите резултати низ нашиот град.

-Пазарџиите се многу разочарани затоа што економската криза во која попаднавме тие ја чуствуваат на дневниот промет. Тоа што направивме со нив е дека ги запознавме со нашата изборна програма. Иако се ситно производители сепак се заинтересирани за училиштата затоа што имаат деца, за социјалната програма и за изградбата на патиштата затоа што поголем дел од нив доаѓаат од рурални средини, односно од село - вели д-р Дијана Ѓоргиевска, кандидатит за градоначалник на СДСМ.

Што им ветија ако ја добијат нивната доверба, односно ако ја освојат локалната власт?!

-Намалување на фирмарината за 20%, ослободување од фирмарината за една година за занаетчиите и ослободување од комуналии за уредување на градежното земјиште до 30%. Се ова што ние ѓе овозможиме како предуслов за развој на стопанството затоа што сите се сложуваме дека парите треба да вртат, ако има во стопанството ќе има и кај граѓаните и кај пазарџиите - вели Ѓоргиевска.

Таа додава дека со план на општината за амортизација може да не се почуствува намалување на општинскиот буџет за сметка на овие чекори, а со цел создавање на услови за економскии раст, нови работни места и поквалитетен живот за граѓаните.

Обнова на „Кино Манаки“ на Широк Сокак! Ова е само едно од предизборните ветувања на актуелниот градоначалник на Битола, Владимир Талески. Проектот беше најавен вчера на чествувањето по повод 55 години од смртта на Јанаки Манаки и 45 години од смртта на Милтон Манаки, доајените на филмската уметност на Балканот.  
 Идејата на градоначалникот за реконструкција на киното, за СДСМ е плагијат, од причина што пред шест години екс-министерот за култура Благоја Стефановски-Баге, има изготвено елаборат кој се' уште чека маркичка за градба од општината.

  „Браќата Манаки ја впишаа Битола на мапата на светската филмска историја. Сега собираме скици, собираме материјали, ги проверуваме димензиите, локацијата... Сакаме да направиме чест на едно големо дело. Да го обновиме киното кое беше можеби најголемото на Балканот. Убеден сум дека ќе ја најдеме потребната документација и ќе се направи напор токму таму да го изградиме“, најави Талески, без да прецизира рокови кога оваа идеја би можела да се претвори во реалност. „Не знам колку време ќе ни треба, се надевам дека ќе се снајдеме и со финансии. Но, сакаме да изградиме иста таква зграда во која ќе направиме кино кое ќе го користиме за фестивалот, но ќе има и музеј. Спомен соба посветена на браќата Манаки, нивни фотографии, правата филмска камера, односно сето она што тие го работеле да биде достапно за сите нас и за туристите“, рече Талески, додавајќи дека за овој проект ќе побара помош од Министерството за култура. Проектот на власта за обновата на киното Манаки предизвика револт кај опозицискиот СДСМ. Од таму обвинија дека Талески краде туѓи идеи. Од друга страна, самиот Талески зачудено рече дека не се сеќава дека Стефановски некогаш промовирал ваква идеја. Од таму тој со прашање - зошто кога Баге имал елаборат за киното, тоа не го изградил додека бил министер? Благоја Стефановски, одговарајќи му на прашањето на Талески, ни рече дека тоа е така зашто проектот и натаму чека маркичка за градба од општината. Според Стефановски, обновата на „Кино Манаки“ во 2003 година, ја преточил во елаборат. Сега, како што вели, подготвен е истиот да му го предаде на Талески и тоа без надоместок, само идејата конечно да стане реалност. „Јас сум подготвен да се откажам од авторскиот хонорар за елаборатот ако Талески мисли да гради. Но, иако сме во кампања, Талески треба да издржи на овие зборови и како што е редот да се заблагодари и да биде доблесен да каже чија е идејата. А јас, одвреме- навреме ќе го потсетувам што ветил“, возврати Стефановски. Од Кинотека на Македонија, пак, потврдуваат дека обновата на киното Манаки била заедничка иницијатива со градот Битола. Но, каде заглавиле работите и за филмските работници е непознато. „Кај нас има обичај да се почне со нешто, а потоа едноставно да се заборави. Не сакам да користам лоши зборови како што е перење на пари, но мислам дека конкретно за тој проект беше само да се каже една идеја да се соопшти, но не требаше да запре таму. Сега е момент кога треба повторно да се турка таа иницијатива заради актуелната ситуација со киноприкажувањето. Македонија нема кина“, рече Илинденка Петрушева, филмски критичар. Еден од најстрасните вљубеници на филмот во Битола, Стефан Хаџиантоновки, потсетува дека киното Манаки било лоцирано на Широк Сокак наспроти поранешното кино „Трудбеник“. Тоа функционирало до триесетте години на минатиот век кога изгорело до темел во силен пожар. Сега просторот е шетачка зона, врз темелите има изградено трафостаница, а како што вели Хаџиантоновски, со години се влече проблемот околу отуѓувањето на земјиштето.

-Знаат луѓето дека тука еден подолг период интервениравме, имаше тука герис и имаа проблем со водоснабдувањето.
Тоа е проект кој ќе трае подолг период, но изминатиов период се обидовме барем една петтина до една четвртина да го средиме. Со почетокот на градежната сезона сите овие улици кои ги гледате раскопани ќе ги санираме и мислам дека ќе биде голема придобивка. Тука во близина е и улица Железничка и игралиштето, изјави Талески.

Граѓаните од овој дел на градот задоволни од она што се сработило.

Од 1974 година како почна Железничка никако не се доврши, дури сега градоначалникот и тоа се најубаво е направена. Благодарение на градоначалникот на младите ни направија спортски терени, парток се осветли, велат граѓаните.

Талески одговори и на обвинувањата дека општината ништо не работела. Ги наброи улиците кои се асфалтирани, направени се водоводни мрежи и канализација во повеќе делови од градот и околината.

-Водоводна мрежа во село Бистрица, Кукуречани, регионален водовод во Меџитлија, улица Дебарска, Девејани, Магарево, Кузман Јосифовски, Довлеџик, Безистен, Сремска Митровица, Матија Губец, Солунска, Борис Кидриќ, Трифун Пановски улица, наброја Талески.

Талески рече дека општината користела комбиниран начин за реализација на овие проекти, ставката во буџетот на опшштината која од година во година се зголемувала, донации и дел од фондовите на Владата.

„ Иако веројатно се нови луѓето па не знаат дека буџетот се состои од повеќе сегменти, а дека основниот буџет е сосема друг" одговори Талески на обвинувањата на опозицијата.

Главната сообраќајница во Брусничката населба за општината е голем проект заради експанзијата на ширење на нова Битола.

„ Ова е улица Социјалистичка која што ја направивме во еден здив, а пред тоа се сеќавате дека направивме една прекрасна пешачка патека која што всушност претходно не постоеше. Значи од првото свртување во десно кај Веро натаму се договоривме да ја направиме прво пешачката патека, за да овозможиме поголема безбедност на нашите граѓани и се разбира бидејќи цениме дека овој дел на градот и понатаму ќе се развива, нормално ценевме дека и оваа улица Социјалистичка дека треба да се направи" изјави Владимир Талески актуелен градоначалник на Битола и кандидат за ВМРО ДПМНЕ.

Слично решение понудија и ја Довлеџик. Влезови на градот со три коловозни ленти.

„ Во иднина планираме покрај продолжување на целиот дел кај Стрчин да ја направиме и улица Довлеџик. Значи малку подолу е влезот на Битола од страната на Ресен и Охрид каде што ќе се обидеме во идниот период идниот мандат да направиме нов влез заедно со оној од Прилеп и Скопје, влез кој ќе има три ленти, значи се разбира дека и таму ќе има пешачка патека, за поголема безбедност на нашите граѓани" вели Талески.

Неговата листа за асфалтирање на улици е долга, ама смета дека за време на новиот мандат ќе ја реализира.