Print Page | Close Window

Булевар Илинден

Printed From: build.mk
Category: Главни теми
Forum Name: Градска инфраструктура
Forum Discription: Улици, булевари, сигнализација, јавен превоз...
URL: http://www.build.mk/forum/forum_posts.asp?TID=58
Printed Date: 28-Mar-2024 at 15:15


Topic: Булевар Илинден
Posted By: Cloverstack
Subject: Булевар Илинден
Date Posted: 08-Oct-2007 at 12:11
http://www.utrinski.com.mk/?ItemID=DE5DDE1A283969428B48CEC206078B37 - http://www.utrinski.com.mk/?ItemID=DE5DDE1A283969428B48CEC206078B37


Градот ќе прави проект за проширување на „Илинденска“ до Карпош 4

Улицата треба да има најмалку 4 ленти, по две во двата правци


Ќе се изработува проект за проширување на „Илинденска“ на потегот од раскрсницата со булеварот „8 Септември“, кај „Александар палас“ до Карпош 4

САЊА НАУМОВСКА

Градските власти ќе изработуваат проект за проширување на улицата „Илинденска“, на потегот од раскрсницата со булеварот „8 Септември“, кај „Александар палас“ до Карпош 4, поточно до местото каде што сега завршува улицата. Според планот, „Илинденска“ треба да има најмалку четири ленти, по две во двата правци, а доколку не се јават поголеми проблеми при експропријацијата на земјиштето, на овој потег е можно и да се направи булеварско решение. Градот веќе има изработен проект за делот од раскрсницата со „8 Септември“ до мостот „Гоце Делчев“, кој треба, исто така, да има четири ленти. Во Градот најавуваат дека ќе бараат измена на решението во ГУП, според кое во тој дел две ленти во правец кон центарот треба да се спуштаат во тунел, бидејќи е компликувано да се направи, а на површината има доволно простор за проширување на улицата.

Новиот проект треба да биде готов најдоцна до пролет, кога и ќе биде направена финансиската конструкција за реализацијата на проширувањето на улицата. Проектот, како што нагласуваат во Градот, ќе биде основа и за аплицирање до европските фондови од каде што, најверојатно, ќе се бараат пари за изградбата.

„Во моментов се разговара со неколку проектантски куќи, меѓу кои и ’Пела проект‘, која го правеше проектот за делот од Владата до ’Александар палас‘. Идеите на архитектите ќе ги имаме до март кога и ќе се знае колку би не' чинело проширувањето на оваа важна сообраќајница“, вели Мичо Поповски, заменик-раководител на Секторот за урбанизам во Град Скопје.

Тој нагласува дека „Илинденска“, заедно со „Гологанов - Циборовски“, „Партизанска“ и особено со новата улица „Словенечка“, треба да биде една од носечките сообраќајници во центарот на Скопје, но и пошироко кон населбите Бардовци и Визбегово. Градските власти информираат и дека во текот на проектирањето нема да се води сметка за подземните инсталации на овој потег за кои нема одобрение од градските власти. Градот нема да преземе одговорност доколку настане оштетување на тие инсталации при изведбата на реконструктивните работи на „Илинденска“. Трошоците за евентуално оштетување, односно дислоцирање на подземните инсталации кои се поставени без соодветното одобрување од страна на градските стручни служби ќе паднат на сметка на лицата што ги поставувале.




Replies:
Posted By: Cloverstack
Date Posted: 08-Oct-2007 at 13:50
Очигледно нема спас од глупостите на градските власти... Во основа е добро тоа што ул. Илинденска треба да стане бул. Илинден, ама како ја туркаат работава тоа е друга приказна.


Најпрво да кажам зошто толку се брзаат со Илинденска. Добро сега „брзаат“ не е баш најприкладен збор зашто уште Пенката се силеше долго време на оваа тема, а и на Трифке му е многу драго да ЗБОРУВА што ќе и направел... Ама земајќи во предвид колку не бомбардираат со приказни, човек добива впечаток дека се многу посветени на проектов и во рамките на нивната (не)способност навистина брзаат.

Добро значи вака - Илинденска треба да се продолжи преку Вардар, па после спрема север да се поврзе со обиколницата (клучката кај Лепенец). Ова е многу значајно од повеќе аспекти:
- корисна врска со обиколницата за жителите на неколку населби
- ефикасна втора врска за истите спрема центарот на градот и растоварување на досега единствената врска преку надвозникот кај Ѓорче и понатаму преку мостот Обединети Нации
- создавање услови за развој на планираната индустриска зона покрај Лепенец

Со ова, веќе закрчената Илинденска ќе добие и дополнителен голем пораст во обемот на сообраќај, па автоматски се наметнува и потребата за проширување (барем на најкритичниот дел што гравитира повеќе накај центар).

Главни прашања што се наметнуваат се:
- до каде да се прошири
- колку и како да се прошири
- што да се прави со најпроблематичниот сегмент, влада-фонтана

Во целиот хаос, на градските власти очигледно уште не им е јасно што точно ќе прават, ама продолжуваат да не бомбардираат со најшарени информации за Илинденска секој пола месец. А обиколницата е веќе скоро готова... Дури од фондот засега одбија да ја градат клучката кај Лепенец затоа што нема да поврзува ништо како што стојат работиве. Не знам дали нешто се сменило во меѓувреме на тоа поле.

Туку ај да кажам што точно ми боде очи во овој најнов напис.

1. Многу ме иритира начинот на кој што сакаат да го решат тесното грло (фонтана-влада). Секогаш кога имаат лоши замисли, а ГУП-от им смета да ги спроведат, се посегнува по измена на ГУП-от. Одвратно... Речиси илегално однесување... Па ГУП-от е тука точно за да не можат да го сакатат градот како ќе им прдне! План се прави за да се гради според него, а не обратно!

Инаку го гледам ГУП-от и тој тунел е долг ~500м (излегува одма кај фонтана). Мерев кај влада и го сменив моето мислење дека ќе е многу проблематично да се изведе понирањето таму - сепак има доволно простор.  Ама за жал тоа е далеку од способностите на нашите градски власти (не само финансиски). Па наместо долгорочно и ефикасно решение, тие повторно се решија за лоша импровизација која ќе направи доста штета.
Има место за 4 ленти, ама едвај. Најверојатно ќе мора да ги стеснат и лентите и тротоарите (веројатно барем едното од нив до субстандарни димензии). За дрворед не станува ни збор. Ќе упропастат и нагрдат еден убав дел од градот, а на луѓето ќе им ги донесат автобусите буквално до прозор. И нормално се поставува прашањето зошто двојни аршини? За оние на Теодосиј Гологанов иако немаше никаков проблем, ирационално ја поместија улицата во бестрага, а овие тука треба да се помират со нешто вакво??? Па и трамвајот се мислат да поминувал по таа траса и тоа како замена за главната линнија (што е глупост само по себе). И уште едно прашање ми се наметнува знаејќи како се одвиваат работите кај нас - дали ќе има трага од сообраќајна полиција кога дополнителните ленти на големо ќе почнат да се користат за застанување и паркирање?

2. Што треба да значи ова:

„Илинденска“ треба да има најмалку четири ленти, по две во двата правци, а доколку не се јават поголеми проблеми при експропријацијата на земјиштето, на овој потег е можно и да се направи булеварско решение.

2x2 не е само по себе булеварско решение? Или можеби мислат на централно раздвојување? Се надевам не мислат да ја направат како Првомајска... Брза улица со повеќе ленти, без средишно раздвојување значи само едно - многу страотни сообраќајки со бројни жртви. Ако ова не го знаеа, требаше барем да го научат од Првомајска.

3. Зошто се предимензионира таму каде што не е потребно? 6 ленти кај Карпош 4 ми е надвор од паметот. Сето тоа во време кога има уште милион други проблеми низ градот за кои хронично фали внимание и финансии.

4. Кај се затрчуваат??? Демек завршија со останатото, па сега кројат планови за проширување на дополнителна делница од Илинденска??? Смешно... Згора на се викаат дека проектот ќе бил готов дури на пролет. Тоа би значело дека во нивниот мандат може само театрално да почнат со изградба. Кога навистина ќе биде сето ова готово - којзнае... А обиколницата е скоро готова и напролет треба да се отвори.

5. И за ова ќе барале Европски пари. Пази да не добијат... Не знам од кај им е идејата дека ЕУ ќе ни ги финансира сите проекти (и тоа без разлика колку се лоши). И друго прашање е каде се НАШИТЕ пари. Навистина не сме многу богати, ама сигурно има доволно за во рок од 4 години да се направи повеќе од една бедна импровизирана клучка (Континентал) и проширување на влезот во градска болница...


Со ова темпо сигурен сум дека уште долго нема ништо да биде од оваа работа, освен сеење магла нормално... Во мандатот на Трифун може само да глумат дека нешто навистина прават околу ова. Ама тоа е добро! Трифун што и да фати упропасти до сега. Навистина има малку направено, ама сепак подобро ни тоа да не го правеше. Исто и со Илинденска. Ми останува да се надевам дека наредниот градоначалник ќе биде навистина на ниво и дека меѓудругото ќе ги ревидира глупостите на Трифун па и на Пенов.

На Скопје очајно му треба добар градоначалник во наредниот мандат.


Posted By: dejan
Date Posted: 14-Oct-2007 at 09:09
Se izjasnile li nekoj kandidati?? Zaboraviv koga beshe poslednoto glasanje.


Posted By: Cloverstack
Date Posted: 16-Oct-2007 at 00:57
Nema uste...

Poslednite izbori bea pred dve i pol godini. Ke mora da izdrzime so Trifke uste godina i pol. Ke bide tesko ama mora...


Posted By: Cloverstack
Date Posted: 30-Oct-2007 at 21:50
Морам сепак да се повлечам од моето противење за четири ленти во делот фонтана-влада. На тој простор очигледно нема идеално решение. Двете потенцијално конечни решенија (1.проширување 2.тунел) имаат доста слабости.

Според ГУП-от таму треба да има тунел, тоа е неоспорно. Имам потрошено доста време анализирајќи дали пред влада може добро да се изведе влез во тунелот. Дојдов до заклучок дека може, но дека не е баш сосема добро решение... Главен проблем би претставувало престројување на многу кратко растојание. Голем дел од сообраќајот би имал потреба од такво престројување. Тоа не само што е небезбедно, туку и ќе го намали нормалнот проток на сообраќај таму. Исто така под знак прашалник се градиентите. Можеби не толку многу, но сепак ете уште една потенцијална слабост. Посебно ако се земе во предвид дека ако се остави повеќе простор за престројување (повторно недоволно), ќе се зголемат градиентите на влезот од тунелот. Уште еден помал проблем е дека пожелно е мало проширување на коридорот таму, а тоа најверојатно ќе ги наруши стандардите во димензиите на околните решенија (влез во гаража на влада, тротоари и сл.)

Од друга страна проширувањето на тесното грло до 4 ленти има веќе очигледни слабости. Прво проблем е просторот, а второ проблем е изгледот на тој дел од градот.
Просторот е многу ограничен - 19м вкупна ширина, на некои места малце повеќе. Значи одма мора да се намали ширината на лентите за да може било што да се планира. Ова може да биде и добро зашто ќе влијае на смирување на сообраќајот, а таму навистина треба да се вози поспоро. Но под 3 метри не би смеело да се оди по никоја цена! Еве да земеме скоро 3,1м и плус тоа нешто ситно во средина доаѓаме до вкупно 12,5 метри. Ова остава 6,5 метри за тротоари и дрвореди на најтесните делови (по 3,25м на секоја страна). Претпоставувам ова би можело да помине, а сепак да не биде премногу лошо решен тој дел. Нормално отпаѓаат велосипедски патеки... А и дрворедите би биле со дрва со помали крошни. За глупости какви што се предлагаат (алтернативна трамвајска траса 1, или дозволено паркирање на тротоар) нормално не станува ни збор. Други лоши работи што ќе произлезат од ова решение е тоа што еден дел од градот кој има потенцијал да биде навистина убав, ќе биде прилично нагрден засекогаш. Исто така не треба да се заборава дека таму не се само деловни објекти, туку има и доста луѓе што живеат. На нив константно ќе им поминува голем обем на сообраќај буквално до прозори и тераси. Најлошо нормално ќе биде со автобусите... Постојано спуштени ролетни сигурно не е баш некое добро решение. Како на нив ќе им се објасни зошто се игнорираат нивните легитимни интереси, а во минатото се удоволувало на сосема ирационални барања на жители во други ситуации?


Ете, накратко тоа се двете можни решенија. Јас лично некое трето не гледам. Значи мора да се одбере помалото „зло“, зашто од сообраќаен аспект, капацитетот таму мора да се зголеми. Но бидејќи тунелот чини многу повеќе (а сепак креира нови проблеми), дојдов до заклучок дека ќе треба да „проголтаме“ проширување... Исто така проширувањето може да го добиеме многу многу побрзо отколку тунел. Пари и онака фалат за многу поургентни интервенции, па би било несериозно тука да се размислува за тунел. Не ми се допаѓаат бројни аспекти на проширувањето, ама негде мора да се прави компромис и мислам дека во овој случај тоа е оправдано и неопходно.


Posted By: pbanks
Date Posted: 31-Oct-2007 at 18:05
Хм, веројатно си направил многу подлабока анализа од мојата (непостоечка) пред да го напишеш ова но јас сеуште тежнеам кон опцијата тунел и покрај аргументите кои ги наведе.
 
Друга опција со која би се согласил е еднонасочност во делот од Влада до Александар палас (со Орце Николов по истата должина како другиот правец). Но оваа варијанта ствара некои други проблеми и побарува одредени импровизации.
 
Како и да е со моменталниот профил на Илинденска, посебно во делот Влада-Фонтана не би си играл


Posted By: Cloverstack
Date Posted: 31-Oct-2007 at 18:09
Originally posted by pbanks

Друга опција со која би се согласил е еднонасочност во делот од Влада до Александар палас (со Орце Николов по истата должина како другиот правец). Но оваа варијанта ствара некои други проблеми и побарува одредени импровизации.



Ухххх.... Многу лоша идеја... Поготово на Орце Николов ситуацијата ќе биде катастрофа.

Suicide




Posted By: pbanks
Date Posted: 31-Oct-2007 at 18:12
 
Originally posted by pbanks

Хм, веројатно си направил многу подлабока анализа од мојата (непостоечка) пред да го напишеш ова но јас сеуште тежнеам кон опцијата тунел и покрај аргументите кои ги наведе.
 
Друга опција со која би се согласил е еднонасочност во делот од Влада до Александар палас (со Орце Николов по истата должина како другиот правец). Но оваа варијанта ствара некои други проблеми и побарува одредени импровизации.
 
Како и да е со моменталниот профил на Илинденска, посебно во делот Влада-Фонтана не би си играл
 
Свесен сум за тоа што го викаш, пред се сакав да доловам колку многу сум против проширување на профилот на Илинденска.


Posted By: Cloverstack
Date Posted: 31-Oct-2007 at 18:44
Да и јас реков дека проширувањето е далеку од идеално. Но според мене еднонасочно водење на сообраќајот е многу полошо.


Posted By: pbanks
Date Posted: 31-Oct-2007 at 18:57

 

...и токму затоа мислам дека тунел е најдобро решение



Posted By: Cloverstack
Date Posted: 31-Oct-2007 at 19:03
Не сакав да пишувам цел роман со анализи (за тунелот) кои ретко кого ќе го интересираат, плус тоа имам премногу непознати па би морал да пишувам за различни сценарија. Ама верувај и тунелот би направил доста проблеми... А бидејќи е многу поскапо решение и бидејќи нема да го добиеме во никаква догледна иднина, затоа превагнав накај проширување. Далеку од тоа дека ми се допаѓа...


Posted By: pbanks
Date Posted: 31-Oct-2007 at 19:54

во конкретниов случај мислам дека импровицациите/компликациите кои би се наметнале со изградба на тунел се сепак од второстепено значење во споредба со уништувањето на профилот на улицата која можеби не е една од најубавите во Скопје но има добри изгледи да влезе во таа група доколку работите се изиграат паметно.

Со ширење на улицата таа шанса се губи а решението е сепак импровизација, самиот факт дека дури и со намалување ширината на лентите добиваме една класутрофобична улица за возење кажува многу. Ако таму насадиме четири ленти тоа дефинитивно би било на сила.
 
Знам дека си перфекциониста кога се работи за овие прашања, но во секој град во светов има по некоја импровизација. Доколку многу поприоритетните соообраќајници и јазли се решат како што треба, мала импровизација на трасата на Илинденска нема да биде претставува толку голем проблем. А ситуацијата со трасите на други планирани сообраќајници по градов се во најголем дел многу појасни. Таму нема што да се зачувува.
 
Нашиве градски власти во последниве 20на години не убедија дека и поставување нови капаци на шахти или нови клупи во жена парк е сложен и скап технички зафат а изградба на урбан тунел е научна фантастика, Скопје 3000 визија. Сепак тунел со профил на оној кој е потребен кај Илинденска и не е некое толкаво чудо во нормалниот свет така да мислам дека е подобро да се стрпиме и концентрираме на некои други проекти (пореални за моментов) отколку да импровизираме со ширење на улицата. Спрема мене и покрај твоите реално силни аргументи, во случајов ширење е импровизација.


Posted By: pbanks
Date Posted: 28-Jan-2008 at 00:20
За ова скоро дискутиравме....


Експерти предлагаат најтесниот дел од „Илинденска“ да биде еднонасочен

Остатокот од улицата има можности за проширување во булевар со мост преку Вардар

Сања Наумовска

Делот на улицата „Илинденска“ од раскрсницата кај Владата до фонтаната „Лотос“ или евентуално до раскрсницата кај „Паркови и зеленило“ треба да биде еднонасочна и да не се проширува, советуваат сообраќајни инженери од ИН-ПУМА. На тој начин на жителите на зградите на овој најтесен дел од улицата нема да им се наруши нормалното живеење, нема да мора да се намалат тротоарите или, пак, да се сечат повеќедецениски дрвја, а наедно ќе се овозможи нормален проток на возила. Според предлогот од ИН-ПУМА, на овој дел од „Илинденска“ треба да се вози во правец од Центар кон Карпош, а спротивно, од Карпош кон центарот на градот, по улицата „Орце Николов“. Оваа улица, исто така, треба да биде еднонасочна од почетокот кај Технолошкиот факултет или, пак, од фонтаната „Лотос“. Остатокот од „Илинденска“, во правец кон населбата Карпош 4, има можности за проширување во булевар, со мост преку Вардар.

„Решението за еднонасочен сообраќај на дел од ’Илинденска’ и ’Орце Николов’ моментно е најеколошко и хумано оправдано иако има и други технички решенија кои се изводливи во практиката. Сепак, сообраќајот по еднонасочни улици е порелаксиран и со помалку конфликтни ситуации помеѓу возилата, што и му треба, всушност, на центарот на Скопје“, вели Стефан Калајџиски, сообраќаен инженер од ИН-ПУМА.

Според Калајџиски, зрели за еднонасочност се и улицата „29 Ноември“, од Католичката црква преку „Партизанска“, покрај слаткарницата „Апче“, и улицата „Ленинова“, од „Електро - Скопје“ кон Градски парк. Помеѓу улиците „Васил Ѓоргов“ и „Народен фронт“ во Капиштец, нагласува Калајџиски, треба да се пробие улица, точно покрај новата катна гаража што ја гради „Тинекс“. Со тоа ќе се овозможи еднонасочност на дел од „Васил Ѓоргов“, во правец кон семафорите и кон улицата „Железничка“. Со ова решение ќе се добие поголема проточност на возилата на оваа раскрсница и искористување на еднонасочноста и капацитетот на „Железничка“. Во спротивен правец еднонасочниот сообраќај од „Мито Хаџивасилев - Јасмин“ ќе продолжи до Католичката црква. Дел од „Васил Ѓоргов“, во правец кон Козле, како и „Народен фронт“, според предлогот на Калајџиски треба да останат двонасочни.


Извор: http://www.utrinski.com.mk/?ItemID=7E334DA67015334B9BC857711ABE58A5 - Утрински весник



Posted By: Cloverstack
Date Posted: 28-Jan-2008 at 01:09
Илинденска од влада до фонтана останува тежок проблем... Имаме дискутирано за ова. Еднонасочен сообраќај е најлошо решение и смее да биде евентуално само привремено. Двете можни трајни решенија исто имаат многу маани - и проширувањето и тунелот. Сепак ако како деолгорочно решение се планира тунел, би било глупо да се прави проширување. Нека се импровизира во меѓувреме, макар и со еднонасочен ако мора.

Она за „Васил Ѓоргов“ и „Железничка“ не сум сигурен дека е точо објаснето, ама ако е, тогаш е лошо. Таму навистина треба да се регулира еднонасочно, ама треба да се пробие преодолжение на „Народен Фронт“ до „Железничка“. Со тоа ќе почне на некој начин да се емулира јужен булевар. Така е и во ГУП-от. Е за тие 100м улица ние зборуваме со години и никако да се направи Ohno. На времето мислам проблем беа тотално руинираните простории на МЖ... За толку важен, а толку краток сегмент во мрежата. Само во Македонија... Roll%20eyes

Инаку за другите улици што се спомнуваат - во принцип секогаш сум против еднонасочен сообраќај и тоа треба да се избегнува секаде каде што е можно. Искрено не сум запознаен со состојбата на секоја улица поединечно, ама мислам дека кога би се решавал проблемот со паркирањето, овие улици ќе станат многу попроточни и нема да има потреба да размислуваме за такви чекори како еднонасочен сообраќај.


Posted By: lslcrew
Date Posted: 28-Jan-2008 at 01:23
Ја мислам да не се фрла пари за тунел или за фушерајско поместување, него да се откупи цел ред објекти од влада до фонтана, и да се бутнат, па да се направи асален булевар како што треба. А вака со импровизации никад нема да се реши проблемот целосно и само ќе остане отворено прашање а ќе се поебат пари бадијала.


Posted By: pbanks
Date Posted: 28-Jan-2008 at 01:31
Originally posted by lslcrew

Ја мислам да не се фрла пари за тунел или за фушерајско поместување, него да се откупи цел ред објекти од влада до фонтана, и да се бутнат, па да се направи асален булевар како што треба. А вака со импровизации никад нема да се реши проблемот целосно и само ќе остане отворено прашање а ќе се поебат пари бадијала.


Не ми се свиѓа такво решение. Илинденска е убава улица и би требала да се зачува како таква. Плус да ги купиш сите тие згради и да ги срушиш само кошто х10000 од било кој тунел.


Posted By: Cloverstack
Date Posted: 28-Jan-2008 at 01:43


Се слагам, ај што тоа би испаднало многу поскапо од тунел, него тој дел апсолутно дефинитивно positively 100%  не е за рушење. Ние да гледаме да го срушиме тоа што треба да се сруши: Маџир-маало и Крњево...


@ lslcrew

Абе да беше до тебе пола град ќе го испорушеше LOL

Најтрагично е што ова навистина ни се има случено во 63-та, ама ние место да ги користиме барем добрите страни и големата слобода за планирање што ја оставил земјотресот, сега скоро 50 години потоа, како да сме решиле пак да го упропастиме градот со лоши урбанистички решенија од Типот на „Тифани“, клучка Континентал, иницијативи за бришење/поместување на Бул. Крушевска Република... И да не ја заборавиме најновата брилијантна идеја за црква-висококатница пред Лумикс.

Wallbash


Posted By: lslcrew
Date Posted: 28-Jan-2008 at 01:44
Па изгледот баш напротив ќе се подобри зашто сега од пред влада се влага на илинденска како во инка. Од 6 ленти на 2. Ако се одкупи цел ред ќе се подобри изгледот. А ако се прави тунел тука мене тоа ми штрчи некако, башка и за тунел барем пола од тие згради ќе треба да одкупат за да се направи влез и зилез од тунел како шо личи со благ наклон. Најисплатливо е тој дела да се сруши све друго ќе биде мистрија, само за да се замачка и ништо. Вака како што предлагам сметката е чиста а така би јавиле миљарда други непредвидени проблеми, кабли и цефки и ќе излезе стопати поскапо.

п.с. колку е цена на станбен простор тука и колку куки има одприлика? Зборам за цел ред од влада до фонтана од страната на вардар.


Posted By: Cloverstack
Date Posted: 28-Jan-2008 at 01:50


Не се слагаме за тоа како ќе изгледа подобро, ама тоа е субјективно. За објективниот дел (за откуп и рушење), дефинитивно мислам дека нема никакви шанси да се изведе.


А за тунел нема да треба да се руши, затоа што наклоните за тунелот ќе почнуваат многу порано. Ни тунелот не е идеално решение, и тој има доста маани, ама дефинитивно ми е неспоредливо поприфатлив од решениево што го предлагаш. Во секој случај градов има други приоритети и други големи инфраструктурни објекти кои чекаат, а се поважни од овој тунел. Сега за сега тунел е сепак само долгорочна желба.


Posted By: lslcrew
Date Posted: 28-Jan-2008 at 01:52
По моја проценка има некои, мање више, 10000 квадратни метри станбен и деловен простор. Може и мање. удри му ја цената по некои 800-900 евра за квадрат излага 8-9 милиони евра. А можеби и помалце ако се нуди помала цена од 600 евра зашто се работи за стари објекти, и покрај тоа што се во строг центар. А еве земи колку би коштал тунел, минимум 20 милиона.


Posted By: Cloverstack
Date Posted: 28-Jan-2008 at 01:58


Друже, у лош филм си влезен со откупот/рушењето... Плус сањаш LOL
Плус проценката за просторот ти е многу потценувачка. Исто така и цената...

А тунел од 500м би коштал веројатно многу помалце од 20 милиони.


Posted By: lslcrew
Date Posted: 28-Jan-2008 at 12:56
еј кловер синоќа ми снема струја па сега еве ме пак. Се работи за должина од 360 метри, и за 20 куќи. Изброј ги стварно се 20. Па маткују стара па држава да неможе да купи 20 куќи.


Posted By: La Linea
Date Posted: 28-Jan-2008 at 13:07
Ама не е само во откупување на тие куќи(20 е сериозна бројка) - треба да се руши, расчистува, да се копа и се тоа кошта многу повеќе од некои попаметни и поекономични решенија. А тие станови се релативно скапи, баш поради локацијата, а тоа што се стари не влијае многу на цената. И Ристиќева палата е стара, па...

    Може да се направи Илинденска еднонасочна, ама тоа па би ја закрчила некоја друга улица, највероватно Партизанска. Би било само привремено решение. За конечно не знам што е најпаметно, па тука нема да помогнам многу.


-------------
Помогнете во Македонската Википедија - Слободна енциклопедија!


Posted By: Cloverstack
Date Posted: 28-Jan-2008 at 18:26
@ lslcrew

Човече тоа со рушењето ти е стварно фикс идеја. Еве дури и да речеме дека е добро тоа така да се изведе, сепак проценките ти се погрешни. Површината е поголема затоа што не станува збор за приземни градби. А таму само земјиштето колку е скапо, па тек градбите. Плус тоа би требало да се сруши повеќе него што мислиш, затоа што некоја куќа/зграда само малце да навлегува во зоната за рушење ќе треба цела да се руши - не може само малце да си срушиш. И на крај на што ќе личи тоа кога спрема булеварот, наместо да има јасна градежна линија оформена од убави градби, ќе ги имаме дворовите, бавчичките, шупите и задните страни на објектите што ќе останат... Мислам ионака џабе збориме за вакви „детали“. Ако се чека подолго и ако се троши поголема сума, тунелот е сепак најдобро решение и покрај некои негови маани (плус тоа убеден сум дека би бил и значително поевтина варијанта од рушење). Во секој случај во моментов градов има многу поургентни приоритети... Ако илинденска може како така да функционира, евентуално со некакви импровизации, тогаш ок. Ако не може да се чека, тогаш нека се оди на обично проширување на 4 ленти... (многу лошо решение, ама ако не може да се чека, немаме многу избор).





Posted By: pbanks
Date Posted: 13-Feb-2008 at 00:11
Конечно некоја добра вест. Не сум размислувал за ваква варијанта но дефинитивно највеќе ми се свиѓа.

Подземна Илинденска со 4 ленти а горе пешачка зона. Значи моделот што го зборувавме за Димитрие Чуповски. Улицата е совршена за такво нешто и конечно би се мрднал фокусот од центарот. Би се спојувала со градски парк а наместо паркингот карши фонтана може да излезе и некое интересно плоштадче.

Дел од „Илинденска“ може да биде подземна сообраќајница

Улицата треба да понира од Градски парк до семафорите пред Влада, каде што пак ќе излегува на земја

Градот Скопје нарачал да се изработи проект за изградба на подземна сообраќајница на улицата „Илинденска“, на потегот од Владата до фонтаната „Лотос“. Улицата е предвидена во Генералниот урбанистички план, а намерата на градските власти е да се испита финансиска конструкција за нејзината изведба. Според планот, улицата треба да понира од Градски парк до семафорите пред Влада, каде што повторно излегува на земја. Под земја ќе има четири сообраќајни ленти со ширина од 20 метри, практично, колку што е предвидено да биде широк булеварот „Илинден“ од фонтаната во правец кон Карпош. Проектот, покрај потребните финансии за изградба, треба да ги содржи и параметрите за поставеноста на подземните инсталации, како и можноста за нејзино проширување под станбените објекти.

Во Градот сметаат дека со подземната сообраќајница ќе се овозможи подобар проток на возилата, бидејќи проширувањето на улицата „Илинденска“ е привремено решение кое нема да ги задоволи сообраќајните потреби. Проектот го работи „Балкан консалтинг“, а идејното решение се очекува да биде готово за два месеца. „Градот има намера да испита дали е возможно изведувањето на оваа сообраќајница од финансиски, но и од сите други аспекти. Во ГУП има решение за кое мораме да знаеме дали е реално изводливо во некој период. Тоа ќе биде возможно само ако имаме идеен проект во кој ќе се содржани најосновните податоци“, вели Алјоша Шопар, раководител на Секторот за урбанизам.

Според Шопар, со оглед на тоа дека проширувањето на „Илинденска“ ќе се одвива фазно, ќе има доволно време да се добијат резултатите од проектот. Со нив, објаснува тој, конечно Градот ќе знае дали има сообраќајница која стои само на хартија, или нешто што реално може да се изведе. Шопар вели дека и сегашниот проект за проширување на овој потег на улицата кон зградите е добар, но подземната сообраќајница е многу поширока. Ако се направи тоа, тогаш потегот од Владата до фонтаната „Лотос“ може да биде второстепена сообраќајница или, пак, шеталиште. (С.Н.)



http://www.utrinski.com.mk/?ItemID=BB3C8893B63E0444A672B5162DFB2AF8 - http://www.utrinski.com.mk/?ItemID=BB3C8893B63E0444A672B5162DFB2AF8


Posted By: Cloverstack
Date Posted: 13-Feb-2008 at 00:32


Малку ми е чудно што ова го исфрлаат како приоритет. Ама дај боже да има нешто сериозно... Било каков покрупен зафат ќе ме израдува, иако според мене има поургентни работи.

Во секој случај, не сум за варијантата со пешачка зона. Не гледам некоја голема потреба од пешачка зона таму. Плус тоа пешачката зона би се одразила на многу околни улици. Мислам дека треба да се остави локална улица. Би можеле евентуално да се стават лежечки полицајци.


Posted By: pbanks
Date Posted: 13-Feb-2008 at 00:36


знаеш дека сум мегаломан со пешачките зони Веќе размислував како таа пешачка зона би се споила со онаа во Центар ама не ми текна ништо паметно Crazy

Како и да е сето тоа е второстепено. Предложеното решение за булеварот ми се свиѓа.  Thumbs%20Up


Posted By: Cloverstack
Date Posted: 13-Feb-2008 at 00:42
Пред некое време ко ненормален отидов таму да извидам и премерам колку можам попрецизно, па малку олабавив со своите забелешки за тунелот. Тој тунел ќе биде прилично проблематичен (сообраќајно гледано), ама сепак обично проширување на постоечката улица на 4 ленти би бил прав масакар.

Останувам на тоа дека таму нема идеално решение. Сепак ако се изработи тунел максимално добро што е можно, ваљда ќе биде прифатливо. Али ако се прави фушерски и импровизаторски, боље нека баталат. Само ќе направат штета.


Posted By: pbanks
Date Posted: 05-May-2008 at 21:09
ГРАДОТ ИЗБИРА ИЗВЕДУВАЧ
Проширувањето на Илинденска ќе почне во јуни
Во декември скопјани веќе треба да возат по проширениот булевар

Проширувањето на булевар Илинден, на потегот од фонтаната во Градски парк до раскрсницата со улицата 8 Септември, според градските власти, ќе почне во јуни. Од одделението за односи со јавност на Градот велат дека тендерот за избор на изведувач, кој треба да го прави проширувањето на Илинденска со уште две сообраќајни ленти, треба да заврши овој месец, и дека ако се оди како што треба, градежните работи ќе почнат во јуни.
"За оваа прва фаза од проширувањето на Илинденска во градската каса се предвидени околу 100 милиони денари, а градежните работи се очекува да завршат до крајот на градежната сезона, односно во декември да се вози по булеварот", велат од одделението за односи со јавност на Градот.
Според проектот, Илинденска ќе се прошири со уште две сообраќајни ленти, по една од секоја страна, ќе се направат тротоари, а во средишниот дел на коловозот треба да се изградат жардиниери. Изградбата, според градските власти, ќе оди делница по делница за да се овозможи нормален сообраќај.
"За делот од фонтаната во Градски парк до Владата се прави студија за изградба на подземна сообраќајница", велат од Градот. (Е.А.)



Извор: http://www.vest.com.mk/default.asp?id=150975&idg=8&idb=2364&rubrika=Skopje - Вест


Posted By: lslcrew
Date Posted: 03-Jun-2008 at 00:14
Се расчистуваат спорните точки за Илинденска


Проширувањето на булеварот треба да започне до крајот на јуни, до кога се очекува да бидат решени и имотноправните односи на четири спорни локации на трасата. Експропријацијата на земјиштето што е во приватна сопственост е веќе започната и од Градот не очекуваат поголеми проблеми


Проширувањето на булеварот Илинденска треба да започне до крајот на јуни, до кога се очекува да бидат решени и имотноправните односи на четири спорни локации на трасата. Според надлежните во Градот, експропријацијата на земјиштето, кое е во приватна сопственост, е веќе започната и не се очекуваат поголеми проблеми. Проектот предвидува проширување на сообраќајницата на потегот од фонтаната на влезот во Градскиот парк до крстосницата со улицата "8 Септември".

- Проблемот е на 4 пункта и тоа на стариот влез на Зоолошка градина, вториот кај дуќанчињата спроти Американска амбасада, третиот на влезот на "Паркови и зеленило" и четвртиот, кај приклучокот на улицата "8 Септември". Се работи за мали локации, за кои проценка на земјиштето е веќе извршена и помината на Советот, а сопствениците беа повикани на разговор. Иако секоја експропријација е проблематична во случајов нема попуштање, бидејќи се работи за проект кој е од јавен интерес и кој ќе го подигне нивото на урбано живеење и на тие граѓани, вели Аљоша Шопар, раководител на секторот за планирање и уредување на просторот при Град Скопје.

Според него, се бара решение и за бараките кај Зоолошката градина, со оглед дека во нив времено биле сместени граѓани, кои останале да живеат тука повеќе од 20 години. Сепак, како што вели, во овој случај се работи за социјален, а не имотноправен проблем со оглед дека бараките се на државно земјиште.

Инаку, за проширување на Илинденска, која ќе добие уште по една лента од двете страни, се предвидени 2,5 милиони евра. Градежните работи, пак, треба да бидат завршени до крајот на годината.


http://vecer.com.mk/?ItemID=3A6DA025DDEA2A4A9FFEBF63C745C744



Ај ваљда нема да има проблеми со екпропријација, живата рана на урбанизмот во Македонија.




Posted By: lslcrew
Date Posted: 15-Aug-2008 at 15:19
ГРАДОТ СТАВА АТМОСФЕРСКА КАНАЛИЗАЦИЈА КАЈ АМБАСАДАТА НА САД
Проширувањето на Илинденска почна без дозвола
Почна поставувањето на атмосферска канализација на Илинденска, но не и проширување на коловозот со уште две сообраќајни ленти, бидејќи Градот се уште нема дозвола за пренасочување на сообраќајот

Градските власти поставуваат атмосферска канализација на булевар Илинден спроти амбасадата на САД, што е дел од проектот за проширување на оваа сообраќајница. Тие велат дека со тоа официјално почнало проширувањето на Илинденска, иако со градежни работи требаше да стартуваат уште во јуни и од делот кај фонтаната во Градски парк. За изведување на градежните работи Градот се уште не обезбедил ниту дозвола од Министерството за внатрешни работи за пренасочување на сообраќајот.
"Градот уште во јуни поднел барање за одобрување на сообраќајно решение за булевар Илинден, но постапката се уште не е завршена, бидејќи е побарано да се направат корекции. Дозвола не е издадена, бидејќи Градот се уште не го доставил коригираното решение до Министерството", вели Борис Пешевски, од секторот за односи со јавност на МВР.
Аљоша Шопар, раководител на секторот за планирање и уредување на просторот во Градот, вели дека проширувањето го почнале од амбасадата на САД кон Карпош, бидејќи таму било најлесно за градба.
"Не почнавме од фонтаната во Градски парк, бидејќи на потегот до амбасадата на САД имаме нерешени имотно-правни односи. Во овој дел на Илинденска сообраќајот е многу густ, и сега не сакавме да го затвораме овој дел од улицата", вели Шопар.
Со проширувањето, Илинденска треба да добие уште по една лента од двете страни, на потегот од фонтаната кај Градски парк до раскрсницата со улицата 8 Септември. Градежните работи ќе ги изведува ГП"Гранит", а атмосферската канализација ја поставува "Енергомонт. За реализација на проектот предвидени се околу 100 милиони денари, а градежните работи треба да завршат до крајот на оваа година.
(Е.А.)

http://www.vest.com.mk/default.asp?id=155637&idg=8&idb=2450&rubrika=Skopje


Posted By: Supervisor
Date Posted: 18-Aug-2008 at 22:47
Koлку само нема да заршат до крајот на оваа година како што викаат.

-------------
NewYork-London-Paris-Moscow-Tokyo-Skopje


Posted By: lslcrew
Date Posted: 18-Aug-2008 at 23:53

На „Илинденска“ почна да се гради атмосферска канализација

Проектот се' уште нема градежна дозвола од општините Карпош и Центар

Сања Наумовска

Проширувањето на улицата „Илинденска“ започна минатата недела со поставување на атмосферска канализација на дел од трасата. Во моментов се работи на потегот спроти амбасадата на САД кон Карпош, бидејќи во тој дел нема имотноправни проблеми. Градот Скопје доби од МВР и сообраќајно решение за привремено менување на сообраќајот во текот на градежните работи, но засега проектот нема градежна дозвола од општините Карпош и Центар.

Проблем со Општина Карпош се нерешените имотноправни односи на неколку точки на трасата на идниот булевар. Најкритично е кај стариот влез на Зоолошката градина, спроти американската амбасада и на влезот во „Паркови и зеленило“, каде што има дивоградби, но и делови од приватни имоти. Во тек се преговори со сопствениците, а градските власти имаат зелено светло од Советот на Скопје за експропријација на имотите. Сепак, од Градот не прогнозираат колку време ќе траат преговорите, поради што и не се знае кога механизацијата на градежното претпријатие „Гранит“, кое го доби тендерот за изведба на булеварот, ќе може да излезе на терен.

Недоразбирањето со Општина Центар, пак, е врзано со вклопувањето на проектот во детаљните планови на општината, за што, веројатно, градските и општинските власти ќе разговараат во текот на неделава.

„Во меѓувреме, додека се решаваат административните и техничките проблеми, како вадењето дозволи и расчистување на трасата, на терен се започнати дел од подготвителните работи. Сепак, засега не можеме да прецизираме кога и на кој потег ќе започнат градежните работи“, вели Алјоша Шопар, раководител на Секторот за урбанизам во Град Скопје. Според првичните планови на градските власти, оваа фаза од изградбата на „Илинденска“ требаше да почне во јуни и да заврши во декември, но во моментов роковите ќе зависат само од решавањето на имотните проблеми.

Инаку, според проектот, проширување на „Илинденска“ е планирано на потегот од фонтаната „Лотос“ до раскрсницата кај Воената болница и ќе чини 160 милиони денари. „Илинденска“ ќе биде булевар со по две ленти, ќе има целосно изградена подземна инфраструктура и модерно осветление. Според Генералниот план на Скопје, проширувањето на „Илинденска“ треба да продолжи и кон Карпош 4. На локацијата каде што сега завршува, планирано е да продолжи право и со мост преку Вардар да се поврзе со булеварот „Словенија“ или со обиколницата на Скопје. Во Градот велат дека тоа е третата фаза од изградбата на оваа сообраќајница.

http://utrinski.com.mk/?ItemID=3672F0B0EA498F4F8014DC811E0286A6


Posted By: lslcrew
Date Posted: 19-Aug-2008 at 00:01
1. Како може гуп-на скопје да биде во колизија со дуп-от на центар. Како воопшто центар донел таков дуп, а како па градот дал зелено светло за тоа.

2. Повторно имотно правните, засега сеуште не, проблеми. А ќе бидат!

3. Од фонтаната до карпош2, здравје до карпош4, ако даде господ и до обиколница! И повторното тесното грло никој не го става ни под разно! Ако ништо друго барем да се крене јавноста да се заинтересира владата. На владата највеќе ќе и заврши работа санацијата на тесното грло со тунел како што е планирано (иако се залагам за друга опција).

4. И тука е неизбежното пробивање рокови.


Posted By: gotsomekicks
Date Posted: 19-Aug-2008 at 14:06
Originally posted by lslcrew

На „Илинденска“ почна да се гради атмосферска канализација



Тоа ли било тоа бе Nuts

Јас се чудев пола саат што се прави тука, па мислев дека е тоа само префрлен градежен шут од проектот до МИДА.

Да не сакате сеа одма едно 4-5 слики? Poke


LOL


Posted By: Б.Ѓ.Т
Date Posted: 03-Dec-2008 at 16:51
ВЕТИЈА...
Проширување на Илинденска

Градоначалникот Трифун Костовски уште во 2005, првата година кога дојде на функцијата, вети дека ќе ја прошири Илинденска која, иако се води како булевар, повеќе личи на маалска уличка. Прво замислата на градоначалникот беше улицата да стане еднонасочна, но кога виде оти тоа е неизводливо, вети дека улицата ќе ја прошири и на тој начин ќе овозможи поголем проток на возилата. Па така Илинденска, на потегот од фонтаната во Градски парк до бараките на "Паркови и зеленило", досега требаше да се прошири и од двете страни да се додаде по уште една сообраќајна лента.
Но стартот на проширувањето никако да го дочекаме. Откако беше утврдено дека нема можност за воведување еднонасочен сообраќај, градоначалникот најави дека градежните работи за проширување ќе почнат во текот на 2006 година, но откако помина и 2006 година, падна уште едно ветување дека улицата ќе се проширува во 2007 година. Во 2007 градските власти речиси цела година кажуваа дека проширувањето се планира "за следниот месец" за да кажат на крајот дека е одложено за 2008 година. Од годинава останува уште само еден месец, а Илинденска не е проширена. Но од Градот не се откажуваат од проширувањето и понатаму убедуваат дека до истекот на мандатот на градоначалникот Трифун Костовски, односно до март следната година, Илинденска ќе биде проширена.


http://www.vest.com.mk/default.asp?id=160425&idg=8&idb=2540&rubrika=Skopje


Posted By: my Macedonia
Date Posted: 04-Dec-2008 at 18:28
ХРОНОЛОГИЈА НА ПРОЕКТОТ ЗА ПРОШИРУВАЊЕ НА УЛИЦАТА ИЛИНДЕН

Проширувањето на улицата Илинден подразбира реализација на два проекта, едниот за реконструкција на сообраќајницата на потег од улицата Наум Наумовски Борче до булевар 8-ми Септември, во должина од 1.850 метри, а другиот за изградба на атмосферска канализација на потегот од булеварот Свети Климент Охридски до булевар 8-ми Септември, во должина од 2.200 метри.

По претходно објавена јавна набавка за избор на најповолен понудувач, Град Скопје на 20.07.2007 година потпиша договор со проектантската куќа Чакар Партнерс за изработка на проект за реконструкција на улицата и за изградба на атмосферската канализација. На 17.03.2008 година изготвените проекти се доставени до Град Скопје од страна на проектантот.

Град Скопје, веднаш потоа, распиша јавна набавка за избор на најповолен изведувач на проектите за проширување на улицата Илинден и за изградба на атмосферската канализација. За најповолен изведувач на проектот за проширување на улицата е избрана градежната фирма Грант-АД, со која Град Скопје го потпиша договорот за реализација на проектот на 03.07.2008 година.

За најповолен изведувач на проектот за изградба на атмосферската канализација е избрана фирмата Енергомонт АД, со која Град Скопје на 23.07.2008 година потпиша договор за изведба на проектот.

Град Скопје поднесе барање до Општина Центар за проширување на улицата Илинден. Барањето беше одбиено со образложение дека не се решени имотно-правните односи на земјиштето на кое треба да се изведуваат градежните работи. Земјиштето на кое треба да се проширува улицата, во делот на општината Центар, е во сопственост на Р.Македонија.
Град Скопје поднесе барање до Министерството за транспорт и врски, согласно Законот за градежно земјиште, за засновање право на долготраен закуп на земјиште сопственост на Р.Македонија, по пат на непосредна спогодба, без надоместок, за период од 99 години, заради овозможување реализација на објект булевар „Илинден“ (потег од улицата Наум Наумовски Борче до булевар 8-ми Септември).

Од Министерството за транспорт и врски добивме известување дека за да може министерството да постапува по барањето на Град Скопје потребно е да се достават следните докази:

  • Извод од Деталниот урбанистички план
  • Геодетски елаборат за нумерички податоци и список на индикации
  • Имотни листови за катастарските парцели сопственост на РМ
  • Уверение за движење за катастарските парцели сопственост на РМ и
  • Потврда дека нема постапка за денационализација за катастарските парцели кои се предмет на доделување под закуп прибавена од Министерството за финансии и Одделение за имотно правни работи.

Град Скопје почна постапка за прибирање на потребната документација, но се уште се чека одредени институции да одговорат на поднесените барањата. На пример, Уверението за движење на катастарските парцели се уште не е добиено од страна на Катастарот. Во меѓувреме од Министерството за транспорт и врски пристигна допис во кој се вели дека поради истекот на „долгиот рок“ од два месеца, кој му бил даден на Град Скопје да ја поднесе бараната документација, а предметот не бил целосно комплетиран, барањето се одбива и нема да се разгледува. Град Скопје деновиве ќе ја подигне доставената документација до Министерството и ќе продолжи со нејзино докомплетирање, по што повторно ќе поднесе барање за засновање право на долготраен закуп на земјиште сопственост на Р.Македонија.

Од друга страна, пак, на земјиштето на кое што треба да се проширува улицата Илинден, во делот на општина Карпош, има 11 спорни приватни објекти. Град Скопје се состана со сопствениците со цел да се договори експропријација на приватните имоти, но досега не се најде заеднички јазик. Град Скопје побара од Министерството за финансии, Управа за имотно-правни односи, подрачна единица Општина Карпош да се изјасни за статусот на спорните објекти. Од Министерството добивме одговор дека досега за четири од објектите кои се наоѓаат на трасата каде треба да минува булеварот е утврдено дека се дивоградби и дека се донесени решенија за уривање на истите. На сопствениците им биле врачени решенија со кои им се дава рок од 30 дена да ги урнат дивоградбите, а во спротивно Министерството ќе го изврши уривањето на товар на сопствениците. На останатите објекти се уште им се утврдува статусот и се чека одговор од министерството.

Град Скопје доби локациски услови од Општината Карпош за изградба на атмосферската канализација и досега се реализирани околу 500 метри од канализацијата на оние места каде што нема имотно-правни проблеми. Кога ќе бидат урнати дивоградбите и кога ќе се решат имотно-правни односи и со останатите сопственици на приватните објекти кои се наоѓаат на трасата во делот на општина Карпош, Град Скопје ќе може да ја доизгради атмосферската канализација на овој потег.

Град Скопје во Буџетот за оваа година има предвидено средства за реализација на проектот за проширување на улицата Илинден, но се додека не се завршат административните процедури околу разрешување на имотно-правните односи на земјиштето на кое треба да се изврши проширувањето, Град Скопје не може да добие дозвола за градба што е основен услов за почнување со изградба и реконструкција на булевар Илинден.

 
http://www.skopje.gov.mk/ShowAnnouncements.aspx?ItemID=2265&mid=24&tabId=1&tabindex=0 - http://www.skopje.gov.mk/ShowAnnouncements.aspx?ItemID=2265&mid=24&tabId=1&tabindex=0
 


Posted By: my Macedonia
Date Posted: 15-Dec-2008 at 12:54

ГРАД СКОПЈЕ ЗАГЛАВИ СО РЕАЛИЗАЦИЈАТА НА НАЈАВЕНИОТ СООБРАЌАЕН ПРОЕКТ


Илинденска заглави во административен ќор-сокак


Одговорните од Град Скопје се жалат дека не можат да ги обезбедат потребните документи од надлежните институции за да добијат дозвола за градба и покрај тоа што имаат комплетна проектна документација за реконструкција на улицата и за изградба на атмосферската канализација, а на тендер се избрани изведувачите


Проширувањето на улицата Илинденска заглави во административен ќор-сокак. Одговорните од Град Скопје се жалат дека не можат да ги обезбедат потребните документи од надлежните институции за да добијат дозвола за градба и покрај тоа што имаат комплетна проектна документација за реконструкција на улицата и за изградба на атмосферската канализација, а на тендер се избрани изведувачите. Исто така од буџетот за оваа година се издвоени и финансиски средства.

- И покрај тоа се уште чекаме одредени институции да одговорат на поднесените барања. На пример, се уште не сме го добиле Уверението за движење на катастарските парцели, документ поради кој од Министерството за транспорт и врски ни пристигна допис во кој се вели дека барањето се одбива и нема да се разгледува поради истекот на "долгиот рок" од два месеца кој ни го дадоа за поднесување на бараната документација, велат одговорните од Градот. Од Министерството за транспорт и врски признаваат дека го одбиле барањето за остварување на долготраен закуп на државно градежно земјиште на Град Скопје заради некомплетираната документација, но тврдат дека доколку истото го добијат со потребните документи, ќе одговорат позитивно.

Од Градските служби се жалат и на административните служби на Општините Центар и Карпош кои не можат да ги решат спорните имотно-правни односи за земјиштето по кое ќе се протега трасата на булеварот. Тие информираат дека Општина Центар го одбила барањето за проширување на Илинденска со образложение дека не се решени имотно-правните односи на државното градежно земјиште, а од друга страна пак, земјиштето на кое што треба да се проширува улицата во делот на општина Карпош има 11 спорни приватни објекти. Експропријацијата се уште не може да се реализира.

Град Скопје единствено доби локациски услови од Општината Карпош за изградба на атмосферската канализација и досега се реализирани околу 500 метри од цевководот на местата каде што нема имотно-правни проблеми.

Проширувањето на улицата Илинден подразбира реализација на два проекта, едниот за реконструкција на сообраќајницата на потег од улицата "Наум Наумовски Борче" до булевар "8 Септември", во должина од 1.850 метри, а другиот за изградба на атмосферска канализација на потегот од булеварот "Свети Климент Охридски" до булевар "8 Септември", во должина од 2.200 метри.
http://www.vecer.com.mk/?ItemID=01233797362E2A488690EFA0BEBB08DE - http://www.vecer.com.mk/?ItemID=01233797362E2A488690EFA0BEBB08DE




Posted By: Supervisor
Date Posted: 15-Dec-2008 at 21:22
Срамота работава. Од август се влечат работите ќе поминат сигурно уште 2 години...

-------------
NewYork-London-Paris-Moscow-Tokyo-Skopje


Posted By: pbanks
Date Posted: 14-Jan-2009 at 23:01

Бирократи ја задушуваат Илинденска

Од Градот се жалат дека реконструкцијата на овој булевар цела година е жртва на бирократијата во општините Центар и Карпош, но и на Министерството за транспорт и врски


Проширувањето е планирано на потегот од фонтаната во Градскиот парк до салонот „Ми-Да“

Проширувањето на Илинденска, од фонтаната „Лотосов цвет“ до салонот „Ми-да“ не може да почне затоа што општините Центар и Карпош не сакаат да издадат градежна дозвола, велат градските власти за еден од своите најзначајни проекти што го најавуваат веќе една година. Оттаму не' информираа дека имаат комплетна документација за реконструкција на овој булевар, како и дека веќе избрале изведувачи, но проблемот е што не можат да најдат заеднички јазик со општинарите. Од Општина Центар имаат поинакво мислење за овој спор меѓу нив и Градот.

- Со Генералниот план на град Скопје не е предвидено толку големо проширување на Илинденска како што бараат градските власти - изјавија од Центар.В.д. градоначалникот на Карпош, Сашо Димиќ, рече дека од Градот никогаш не добил никакво барање за градежна дозвола.

- Од мене не е побарана никаква дозвола. Јас го поддржувам овој проект, бидејќи во овој дел Илинденска е тесно грло - рече Димиќ.

Градските власти негираат, велејќи дека при изработката на решенијата за проширување на булеварот ги испочитувале одредбите од ГУП.

- Предложеното решение е во согласност со детаљниот урбанистички план. Единствено Град Скопје е надлежен за толкување на Генералниот план - децидни се од Градот.Што се однесува до решавање на имотно-правните односи, кои мора да се решат при проширувањето на овој булевар, во моментов, како што велат од Градот, поднесено е барање до Министерството за транспорт и врски за засновање право на долготраен закуп на земјиште.

- Земјиштето е сопственост на Република Македонија и бараме по пат на непосредна спогодба, без надоместок, за период од 99 години, да ни биде даден под закуп делот од улицата Наум Наумовски-Борче до булевар 8 Септември. Град Скопје веќе почна постапка за прибирање на потребната документација, која е обемна, но се' уште се чека некои институции да одговорат на поднесените барањата - објаснуваат оттаму. Со проектот е предвидено да се реализира полупрофил од сообраќајницата, како и целосна инфраструктура за улицата. Освен проект и изведувач, досега се обезбедени и средства.

Во моментов, на трасата на Илинденска делумно е изградена атмосферска канализација. Досега се реализирани околу 500 метри од канализацијата на оние места каде што нема имотно-правни проблеми. Канализацијата, велат оттаму, ќе биде довршена кога ќе бидат урнати дивоградбите, но и кога ќе се решат имотно-правни односи и со останатите сопственици на приватните објекти што се наоѓаат на трасата во делот на општината Карпош.



http://www.dnevnik.com.mk/?ItemID=66A73AF020831440AF6931580F532B49


Posted By: lslcrew
Date Posted: 14-Jan-2009 at 23:50
Јасно е зашто е саботиран поектов. Тоа веќе и од небо врапчињата знаат. Увек ни се прави слична глупост, додека порјдат изборите додека се екипираат новите тимови ќе фати лето. Па после жешко било одмори и така ќе отиде и градежната сезона у ветер.


Posted By: lslcrew
Date Posted: 12-Feb-2009 at 02:28

Почнува проширувањето на „Илинденска“ и кај Тутунски комбинат

Градот Скопје обезбеди градежни дозволи од општините Центар и Карпош

Сања Наумовска

Градот Скопје идната недела ќе започне со реализација на проектите за проширување на „Илинденска“ и на раскрсницата кај Тутунски комбинат. По средбата на градоначалниците на Скопје и на Центар, Трифун Костовски и Виолета Аларова, надминат е проблемот со издавањето на градежните дозволи, поради кои проектите беа ставени на чекање.

Како што најавуваат во Градот, „Илинденска“ во првата фаза ќе се пробива на потегот од Владата до влезот на Зоолошка градина. Идната недела ќе започнат градежните работи за поставување на атмосферската канализација. На овој потег, велат во Градот, нема имотноправни проблеми поради што работите можат веднаш да почнат. Во Градот деновиве ги очекуваат и дозволите од Општина Карпош, за продолжување на атмосферската канализација на „Илинденска“ во правец кон Воена болница. Дел од овој потег е затворен со дивоградби, кои ќе треба да се урнат.


Иако трајното решение за проширувањето на „Илинденска“ од Владата до фонтаната „Лотос“ е подземна сообраќајница, сепак, тоа е неизводливо засега.
Поради тоа, на дел од сегашниот тротоар ќе бидат направени уште две ленти, без средишно зеленило. Во Градот најавуваат дека на овој потег ќе остане доволен простор за пешаците, а ќе биде засаден и нов дрворед.

„Очекуваме реакции на жителите, бидејќи навикнати се да си паркираат под прозорец. Новите тротоари кои ќе бидат направени по проширувањето ќе бидат заградени и наменети само за пешаците.
Поради проширувањето, ќе мора да ги исечеме дрвјата, но по завршувањето на улицата, ќе биде направен нов дрворед. Екипи од Секторот за комунални работи веќе беа на терен и одлучено е да се засадат дрвја со крошни кои ќе одговараат на новата состојба, бидејќи ќе бидат садени поблиску до куќите“, вели Аљоша Шопар, раководител на Секторот за урбанизам.

http://utrinski.com.mk/?ItemID=3D85E165641C124AAF8644C7E281520A


Posted By: lslcrew
Date Posted: 12-Feb-2009 at 02:35
Ова ќе биде една од помасовните импровизации! Ќе се импровизира 350 метри булевар! Никаде не прочитав аргумент зашто не е можна реализација моментално, освен што финансиската состојба ни е позната на сите.

Инаку да бев јас градоначалник моментално не би ја градел илинденска по целата должина на сметка да се изгради тој тунел пошто гужвата на илинденска не е во карпош 4 него најголемата гужва е од влада до парк. Значи се доградува све само тоа што е најбитното се импровизира! Мислам дека град Скопје не се ни обиде да повлече средства од владата. Барем мислам дека од владата ќе беа заинтересирани за ваков еден, меѓу другото, рејтиншки тунел ако ништо друго!


Posted By: Cloverstack
Date Posted: 12-Feb-2009 at 06:24
Ohno

Ако еднаш го унаказат делов помеѓу влада и фонтана, не ми изгледа премногу веројатно дека тунел ќе се изгради некогаш во иднина...

Bash



@lsl
Од досегашното искуство владата не мрднала со прст за инфраструктурата во градов па макар и чисто рејтиншки. Проектите кои ги фураат се сосема од друга природа и тоа јасно се гледа зошто имаат заеднички именител, а тунел на пример дефинитивно не спаѓа во таква категорија
Wallbash


Posted By: lslcrew
Date Posted: 15-Feb-2009 at 23:11

ЖИТЕЛИТЕ НА ИЛИНДЕНСКА ПРОТИВ НЕЈЗИНО ПРОШИРУВАЊЕ ВО 4 ЛЕНТИ

Жителите од Илинденска против нејзиното проширување на потегот од Влада до влезот на Зоолошката градина. Веќе формирале иницијативен одбор за спас на улицата на која изведувачите на градежните работи веќе ги одбележале дрвјата за сечење.

Реагираат дека со идејата на Градот Илиденска во тој потег да има 4 ленти нема да остане простор за тротоар а ќе биде  загрозена и безбердноста на жителите.

...нема услови за тоа ќе биде како на рели трки. Нека дојде некој од тие што планираат вакво нешто барем еден час да поседат во нашите куќи да видат какот се тресат од сегашното возење. Ако почнат со градба ќе застанеме на улица со децата, вели Николова Вера жител на Илинденска

...Според жителите на Илинденска, градежните работи ќе бидат спротивно на Генералниот урбанистички план.

...ова е без решение. Не постои детален план за проширување а овде има стари згради кои нема да ги издржат овие осцилации, вели Јане Јосифовски жител на Илинденска

Жителите на Илиндеска бараат од надлежните институции да ги прекинат активностите. Во спротивно најавуваат протести.

http://sitel.com.mk/?ItemID=2BA788179356B143824CE7B6A2502296

Не ми се верува дека дошол денот кога можам да кажам дека се слагам со багра граѓани! Ама кога ќе подразмислам поубаво, оваа збироштина е истата таа збироштина што сака во центар да си вдомува роднини до 7-мо колено по можност.

Така да само респект кон чинот на отпор кон импровизацијата што ни се готви!


Posted By: zabegan
Date Posted: 16-Feb-2009 at 00:01
единствено не се сложувам за делот за тротоари иза осцилациите
за тротоар простор има ама е узурпиран од паркирани возила, кои и да се прошири улицата ќе останат таму паркирани
а инаку нели планот беше да се прошири од фонтана до крај кон запад? од каде сега дека ќе се проширувало од кај влада?  натаму нема куќи колку што знам, не е никаков проблем ако е проширена во тој дел


Posted By: Cloverstack
Date Posted: 16-Feb-2009 at 00:31
Јас не би навлегувал во тоа како би се поставиле истите граѓани по други прашања, ќе се задржам само на случајов.

Во право се за негативните ефекти од евентуалното проширување. Но она што е уште поважно, апсолутно се во право кога потенцираат дека вакво проширување е спротивно на ГУП-от, а сходно на тоа и на ДУП-от. Па нормално се поставува прашањето според кој урбанистички план се покренува ваков проект!
Колку и да ја подржувам градската администрација кога пружа отпор за дивоградбите што сака да ги протурка централната власт, се чудам дали не им е јасно дека ова е сосема исто криминално однесување!


Originally posted by zabegan

за тротоар простор има
Има, ама едвај, со одење во крајност и изведба на субстандардни решенија. Како и да е, јасно е дека проширување би било исклучително лошо „решение“. А доколку се направи, се плашам дека засекогаш ќе остане на тоа и дека тунел никогаш нема да се изгради.


Posted By: kire85
Date Posted: 16-Feb-2009 at 06:50
Pa skopje e ustvari grad na privremeni proekti koi vaka kako sto trgnale ke bidat vo idnina glavna odlika na gradot Crazy prvo se pravi privremen proekt, pa posle godini se pravi dopolnitelna improvizacija za toj od privremen da premine vo stalen...do koga vaka??? Ohno


Posted By: lslcrew
Date Posted: 21-Feb-2009 at 11:57
ПОРАДИ ИЗГРАДБА НА АТМОСФЕРСКА КАНАЛИЗАЦИЈА
Ќе се сечат дрвјата на Илинденска
Со изградбата на канализацијата ќе се соголат корењата на дел од дрвјата, па од Градот велат дека ќе мораат да ги исечат за да не паднат и да предизвикаат поголема штета

Дрвјата на улица Илинденска, на потегот од зградата на Владата до фонтаната во Градски парк, ќе се сечат поради градежните работи за поставување на атмосферска канализација. Жителите од околните згради, пак, се плашат дека градските власти ќе ги сечат дрвјата за да направат простор за проширување на улицата на овој потег.
"Дрвјата се обележени за сечење. Ако веќе кажуваат дека нема да ја прошируваат улицата и оти ќе прават атмосферска канализација, зошто ги обележаа за сечење дрвјата од двете страни на улицата. Атмосферска канализација се става или по должината на коловозот или по должината едниот тротоар, зошто тогаш би ги сечеле дрвјата од двете страни", се прашуваат жителите од улицата Илинденска.
Тие објаснуваат дека ќе ги преземат сите можни мерки за да ги спречат градските власти да ја раскопаат улицата и да ги исечат дрвјата, ако притоа не покажат соодветен проект и градежна дозвола.
"Додека не обезбедат дозвола, нема да им дозволиме да исечат ниту едно дрво ниту, пак, да копаат", велат скопјани.
Аљоша Шопар, раководител на секторот за планирање и уредување на просторот во Градот, вели дека засега нема да ја прошируваат Илинденска во овој дел. Тој објасни дека оваа градежна сезона ќе постават атмосферска канализација на Илинденска, ќе почнат со проширување на улицата на потегот од Градски парк до раскрсницата со улицата Рузвелтова.
"Дрвјата се обележани, бидејќи кога ќе почнеме со градежните работи за поставување на атмосферската мрежа, најверојатно, ќе дојдеме и до корењата на дел од дрвјата. За да не паднат и да не направат поголема штета, ќе мора да исечеме дел од нив. Сега не можам да кажам колку дрвја ќе се сечат, а откако ќе завршиме со градежните работи, ќе посадиме нови дрвја", вели Шопар.
Тој објасни дека проектот за атмосферска канализација се уште е на корекции во Општина Центар и оти очекуваат следната недела од Општината да ја добијат градежната дозвола, и веднаш да ја почнат изградбата.

http://www.vest.com.mk/default.asp?id=163872&idg=9&idb=2605&rubrika=Skopje


Posted By: pbanks
Date Posted: 22-Feb-2009 at 21:08
Класична драма... во случајов мислам оправдана.

Никогаш не ми се допаѓала идејата за ширење на Илинденска на потегот од Влада до Лотосов цвет. Непотребно унаказување на улицата за да се добие решение кое ништо не решава.

[tube]dfuPPSukRW8[/tube]




Posted By: lslcrew
Date Posted: 06-Apr-2009 at 12:47

Про­ши­ру­ва­ње­то на Илин­ден­ска спро­тив­но на ГУП

Не­ма доз­во­ла до­де­ка не се сме­ни ГУП-от, по­ра­чу­ва­ат од Оп­шти­на Цен­тар, а од Гра­дот пра­шу­ва­ат зош­то ба­рем не до­би­јат доз­во­ла за пос­та­ву­ва­ње ат­мос­феркс ка­на­ли­за­ци­ја ко­ја и е не­оп­ход­на на ули­ца­та

Про­ши­ру­ва­ње­то на бу­ле­ва­рот Илин­ден од Град­ски парк до крс­тос­ни­ца­та со ули­ца­та 8-ми сеп­тем­ври во Оп­шти­на Кар­пош се­гаш­на­та град­ска ад­ми­нис­тра­ци­ја му го ос­та­ва во нас­лед­ство на ид­ни­от скоп­ски гра­до­на­чал­ник. Ре­а­ли­за­ци­ја­та на овој про­ект по­ве­ќе од ед­на го­ди­на тап­ка во мес­то, би­деј­ќи Гра­дот не мо­же­ше да ги обез­бе­ди пот­реб­ни­те гра­деж­ни доз­во­ли. Ла­ни ле­то­то град­ски­те влас­ти поч­наа под­го­тов­ки за пос­та­ву­ва­ње ат­мос­фер­ска ка­на­ли­за­ци­ја, но са­мо во де­лот на Оп­шти­на Кар­пош, од ка­де обез­бе­ди­ја гра­деж­на доз­во­ла, до­де­ка де­лот што при­па­ѓа на Оп­шти­на Цен­тар ос­та­на не­чеп­нат.
"За жал овој про­ект не мо­же­ме да го поч­не­ме, би­деј­ќи од Оп­шти­на Цен­тар со уш­те не сме до­би­ле гра­деж­на доз­во­ла. Нап­ра­вив­ме про­ект, из­брав­ме из­ве­ду­вач и сe е под­гот­ве­но да стар­ту­ва­ме со гра­деж­ни­те ра­бо­ти. Иа­ко гра­до­на­чал­нич­ка­та на Цен­тар Ви­о­ле­та Ала­ро­ва на сред­ба­та со гра­до­на­чал­ни­кот Три­фун Кос­тов­ски пред еден ме­сец ве­ти де­ка ќе ни да­дат гра­деж­на доз­во­ла, тоа до­се­га не се слу­чи", ве­лат од од­де­ле­ни­е­то за од­но­си со јав­ност на Гра­дот.
Над­леж­ни­те од Оп­шти­на Цен­тар пот­вр­ду­ва­ат де­ка со уш­те не из­да­ле гра­деж­на доз­во­ла за про­ши­ру­ва­ње на Илин­ден­ска, но об­јас­ну­ва­ат де­ка тоа не мо­жат да го нап­ра­ват до­де­ка не се нап­ра­ват из­ме­ни во Ге­не­рал­ни­от ур­ба­нис­тич­ки план на Скоп­је.
"Не мо­же­ме да му из­да­де­ме гра­деж­на доз­во­ла на Гра­дот, би­деј­ќи ди­мен­зи­и­те на про­ши­ру­ва­ње­то на ули­ца­та што пла­ни­ра­ат да го пра­ват и за што ба­ра­ат одоб­ре­ние од нас, го не­ма во Ге­не­рал­ни­от ур­ба­нис­тич­ки план. До­де­ка не се нап­ра­ват из­ме­ни на ГУП-от или до­де­ка не се до­не­се нов, не мо­же­ме да им да­де­ме гра­деж­на доз­во­ла", ве­лат од Оп­шти­на Цен­тар.
Со про­ек­тот на Гра­дот бе­ше пред­ви­де­но да се про­ши­ри Илин­ден­ска со по ед­на ко­ло­воз­на лен­та од две­те стра­ни, да се из­гра­дат тро­то­а­ри и да се пос­та­ви ат­мос­фер­ска ка­на­ли­за­ци­ја.
"Ова е кла­сич­на ма­ни­пу­ла­ци­ја од Оп­шти­на Цен­тар. До­се­га во­оп­што не до­бив­ме ни­ка­ков од­го­вор на ба­ра­ње­то за одоб­ре­ние за град­ба. Ако ве­ќе не им се до­па­ѓа­ле ди­мен­зи­и­те на ули­ца­та, мо­жеа да ни из­да­дат доз­во­ла са­мо за пос­та­ву­ва­ње ат­мос­фер­ска ка­на­ли­за­ци­ја, што ка­ко ин­фрас­трук­ту­ра е пот­реб­но и без про­ши­ру­ва­ње на ули­ца­та", ве­лат од од­де­ле­ни­е­то за од­но­си со јав­ност.

http://www.vest.com.mk/?ItemID=AA525AB5AD9F5740B86F9697D5EEEEA1


Posted By: Dave Gahan
Date Posted: 17-Jul-2009 at 10:40
Има ли некој претстава зошто ги испосекоа дрвата на Илинденска?! Ќе се проширува булеварот, опасни беа да не се искршат или нешто трето....можеа да ги пресадат некаде ако веќе го раскопуваа тротоарот за проширување на коловозот!? Некакво инфо некој???

-------------
MAKE CAPITALISM HISTORY


Posted By: pbanks
Date Posted: 17-Jul-2009 at 10:50


јас не сум во Скопје моментално. Сакаш да кажеш дека го искасапиле делот влада-фонтана?


Posted By: pbanks
Date Posted: 17-Jul-2009 at 11:02


Еве го објаснувањето

http://www.build.com.mk/forum/forum_posts.asp?TID=644&PID=43061#43061


Posted By: Dave Gahan
Date Posted: 17-Jul-2009 at 11:15
Да, да тој потег...па можеа нешто да смислат со дрвата, кога веќе ќе се раскопува!?

-------------
MAKE CAPITALISM HISTORY


Posted By: pbanks
Date Posted: 17-Jul-2009 at 11:56


Се сложувам. Масакр! Една од главните причини зошто бев против проширување на Илинденска беше токму дрворедот и амбиентот на таа улица. Какво е она објаснување од Мичо Поповски.... 'И тоа е' парафразирано. Па должат барем елементарно објаснување зошто ваков потфат е неопходен.


Исечен еден од најстарите дрвореди во Скопје

 

 

Отсечени се 32 дрва на улицата Илинденска на потегот од зградата на Владата до фонтаната во Градски парк поради градежните работи за поставување на атмосферска канализација.

Од 7 часот изутрината улицата беше затворена за сообраќај. Возилата беа пренасочени по околните улици.

Сообраќајот во наредниот период ќе се одвива во една коловозна лента, додека на другата ќе се гради.

„Денеска се подготвува теренот за атмосферската канализација. Магистрален вод. Сите стари дрвја, околу триесетина, се исечени и тоа е“, вели Мичо Поповски, потпретседател на комитетот за урбанизам на град Скопје.

Жителите од околните згради се видно вознемирени - се уништува еден од најстарите дрвореди во Скопје.

Се плашат дека градските власти ќе ги сечат дрвјата за да направат простор за проширување на улицата.

 

 

„Сабајле дојдоа со полиција да ни кажат дека колите сметале. Ние мислевме дека има некоја посета на некој претседател што се случува често, меѓутоа таа интервенција била за да се сечат дрвјата“, вели жителка на Скопје.

„Животот на тие луѓе тука што се и на фирмите и на семејствата ќе биде тотално оневозможен“, објаснува еден граѓанин.

Акцијата за поставување на атмосферска канализација на Илинденска ќе продолжи и во наредните 30 дена. Дотогаш сообраќајот ќе се одвива по една коловозна лента со посебен собраќаен режим.



http://www.a1.com.mk/vesti/default.aspx?VestID=111566


Posted By: Dave Gahan
Date Posted: 17-Jul-2009 at 12:20
На Мичо му фали едно мало „јеби га„ во реченицава, да биде комплетна...
...мора да напраиле темелна анализа пред да го напраат ова. А јас па викам ќе го прошират тој дел од булеварот Wallbash


-------------
MAKE CAPITALISM HISTORY


Posted By: La Linea
Date Posted: 17-Jul-2009 at 12:52
Eве слики од масакрот денеска на кој јас бев сведок. Имаше едно чудо работници и исто толку полиција. Беше тажна глетка како безмилосно ги сечеа дрвата и многу од станарите беа видно потресени. Колку само непромислена и сосила истуркана работа! Па свесни ли се колку простор ќе остане за тротоари!? Дека луѓето ќе немаат каде да паркираат за да дојдат дома и дека колки ќе им поминуваат на метар ипол од прозорот?!? Останува прашање каков ќе биде ефектот од ова проширување и дали ваква глупост беше потребна?






-------------
Помогнете во Македонската Википедија - Слободна енциклопедија!


Posted By: zabegan
Date Posted: 17-Jul-2009 at 13:32
omfg Eeek        има некој било какво објаснување зошто е неопходно да се исече дрворедот за да се направи атмосферска канализација


Posted By: lslcrew
Date Posted: 17-Jul-2009 at 14:06
Не ми е толку жал за дрвата колку што сум изнервиран за ваквите имровизации на градската власт. Многу инфантилно се понашаат. Не се во состојба да реализираат еден единствен проект целосно за нов булевар во Скопје па сега некои вакви импровизации ќе ни ги продаваат како врвно достигнување во светската градежна наука! Срамота! Ако неможам подобро нека не прават, или па нека прават каде што имаат чист терен, по приградските населби, кога веќе не знаат да се справуваат со урбани средини.


Posted By: pbanks
Date Posted: 17-Jul-2009 at 14:16


незнам како можеш да кажеш дека не ти е жал за дрвата. Тоа е богатство за секој град особено кога е така добро вклопено и е дел од физиономијата на еден кварт. Илинденска без дрворедот е барем неколку пати погрда улица. За еколошкиот криминал и да не зборувам, дрво не израснува преку ноќ. Не е град само бетон и арматура, мора да има баланс од повеќе елементи, а вакви бахати потези не не водат во тој правец.

Инаку незнам што се фативте сите за извесно проширување на Илинденска? Дали шпекулирате дека тоа следува кога веќе ги искасапија дрвата? Бидејќи во сите информации се вели дека се работи за инсталација на атмосферска канализација.


Posted By: Vladimir P
Date Posted: 17-Jul-2009 at 14:23
Originally posted by La Linea

... Па свесни ли се колку простор ќе остане за тротоари!? Дека луѓето ќе немаат каде да паркираат за да дојдат дома и дека колки ќе им поминуваат на метар ипол од прозорот?!? Останува прашање каков ќе биде ефектот од ова проширување и дали ваква глупост беше потребна?

Ајде да ја свртиме работата овака:
- Каде ја ко пешак да одам по третоарот кога коли хаотично се паркирани.
- Каде да возам со точакот иако има патека кога се паркирани коли.
- Каде на друго место има паркинг под својот прозор а е во централно подрачје.

- Каде во светот во центарот на градот не поминува сообраќајот на метар ипол.
- Веќе е редно да нашиот народ разбере дека центарот на градот никаде не е погоден за живеење. (полека мора да прерасне во зона на бизнис и забава, затоа постојат зони и даноци за истите)

А за зеленилото - дрворедот, се надевам дека ќе го вратат, со мал помак, иначе потполно еколошки и естетски ќе изгубиме сите.


-------------
Клуб на љубители на железниците во Македонија, Macedonian Railways Fan Club
https://www.facebook.com/767277056651521/ - https://www.facebook.com/767277056651521/


Posted By: lslcrew
Date Posted: 17-Jul-2009 at 14:24
Атмосферска канализација веќе има на Илинденска на овој потег! А и да беше само за канализацијата може да се смести под тротарот и немора баш тука! Се чисти терен за проширување!


Posted By: pbanks
Date Posted: 17-Jul-2009 at 14:42


Можеби наивно ја примам информацијата но не ми се верува до толку да забегале со детски финти да прават припрема за проширување.

Еве што вели сајтот на град Скопје

ПОЧНА ИЗГРАДБАТА НА АТМОСФЕРСКА КАНАЛИЗАЦИЈА НА ДЕЛ ОД БУЛЕВАРОТ ИЛИНДЕН

Градот Скопје од денеска /17.07.2009 година, петок/ почна со изградба на атмосферска канализација на дел од булеварот Илинден. Атмосферската канализација ќе се поставува по десната страна на булеварот Илинден, од крстосницата со булеварот Климент Охридски до раскрсницата со улицата Наум Наумовски Борче, во вкупна должина од 375 метри.
Изведувач на работите на атмосферската канализација е фирмата „Енергомонт“. Ќе се копа на длабочина од околу 6 (шест) метри и ќе се вградуваат бетонски цевки (Ф=1.500 милиметри), со константен пад од 0,08 проценти.
Изградбата на атмосферска канализација на дел од булеварот Илинден се одвива во летните месеци кога интензитетот на сообраќај е најмал.
Ако послужат временските услови, изградбата се очекува да заврши до крајот на август.


http://www.skopje.gov.mk/ShowAnnouncements.aspx?ItemID=2750&mid=24&tabId=1&tabindex=0


Posted By: lslcrew
Date Posted: 17-Jul-2009 at 14:51
pbanks, атмосферската се поставува под тротоарот. Мометално под овој тротоар има атмосферска канализација. Ама овој тротоар ќе треба да стане коловозна лента. И атмосферската канализација ќе треба да биде понастрана од постојнава. И сега ни пуштаат финта демек се работи на атмосферската канализација само, оно уствари ќе се помести канализацијата понастрана и после кога ќе се затрупува наместо да се врати тротоар оооооп лента!


Posted By: 46&2
Date Posted: 17-Jul-2009 at 14:58
Originally posted by Vladimir P


Originally posted by La Linea


... Па свесни ли се колку простор ќе остане за тротоари!? Дека луѓето ќе немаат каде да паркираат за да дојдат дома и дека колки ќе им поминуваат на метар ипол од прозорот?!? Останува прашање каков ќе биде ефектот од ова проширување и дали ваква глупост беше потребна?
Ајде да ја свртиме работата овака:
- Каде ја ко пешак да одам по третоарот кога коли хаотично се паркирани.- Каде да возам со точакот иако има патека кога се паркирани коли.- Каде на друго место има паркинг под својот прозор а е во централно подрачје.- Каде во светот во центарот на градот не поминува сообраќајот на метар ипол.- Веќе е редно да нашиот народ разбере дека центарот на градот никаде не е погоден за живеење. (полека мора да прерасне во зона на бизнис и забава, затоа постојат зони и даноци за истите)
А за зеленилото - дрворедот, се надевам дека ќе го вратат, со мал помак, иначе потполно еколошки и естетски ќе изгубиме сите.


Потпишувам !!!
Ја мислам дека и онака 90 посто од сенките на дрвјата служеа за колите на Граѓаните што живеат во околните згради (ако може и згради да ги наречам)

Друго нешто што ќе се види со исечениве дрвја е во колку очајна состојба се фасадите на тие згради и дека не се реставрирани од земјотресот. Е сега веќе ќе нема што да ги маскира Нека си се фатат за работа


Posted By: Cifra
Date Posted: 17-Jul-2009 at 15:02
@ pbanks
И јас не верувам дека наместо атмосферска канализација сеа ќе почнат со проширување. Ами пази, со исечени дрва во иднина многу полесно ќе им биде да напраат таква диверзија. Плус тоа ептен ми е вака сумњиво дека ете баш морале да ги сечат дрвјата ради канализацијата. У секој случај голема штета за дрворедот многу ми е криво!!!!!



@ VladimirP
Во право си за све, ама ипак таму проширување у булевар не доаѓа у предвид затоа што е кнап со место. Ќе треба да скратат од све живо и лентите и тротоарите да се тесни за да може да напраат 4 ленти. Не бива проширување таму. Нели е планиран тунел? Нели сме метропола? Не е преголема должината што треба да иде под земја па нека земат више еднаш нешто корисно да напраат место нивниве глупости. Го усраа градов до даска више!!!!!!!!




Posted By: La Linea
Date Posted: 17-Jul-2009 at 15:16
Originally posted by Vladimir P


Ајде да ја свртиме работата овака:
- Каде ја ко пешак да одам по третоарот кога коли хаотично се паркирани.
- Каде да возам со точакот иако има патека кога се паркирани коли.
- Каде на друго место има паркинг под својот прозор а е во централно подрачје.

- Каде во светот во центарот на градот не поминува сообраќајот на метар ипол.
- Веќе е редно да нашиот народ разбере дека центарот на градот никаде не е погоден за живеење. (полека мора да прерасне во зона на бизнис и забава, затоа постојат зони и даноци за истите)

А за зеленилото - дрворедот, се надевам дека ќе го вратат, со мал помак, иначе потполно еколошки и естетски ќе изгубиме сите.


- Каде ја ко пешак да одам по третоарот кога коли хаотично се паркирани.


Ова е веќе проблем во планирањето на градот и дивеењето на урбаната мафија. Луѓето се приморани да паркираат таму и јас не ги обвинувам за тоа. Ако ништо, п-огради одма ќе го решат проблемот со паркирањето по тротоари, но што станува после со стотици коли?


- Каде да возам со точакот иако има патека кога се паркирани коли.


Да ама што сакаш да кажеш сега? Дека со проширувањето на илинденска тој проблем ќе се реши?

- Каде во светот во центарот на градот не поминува сообраќајот на метар ипол.[/quоte]

А каде во светот во центарот на градот сообраќајот поминува на метар ипол? Зарем тротоарче од метар ипол е некаква стандардна широчина која ќе ги задоволи потребите на пешаците и велосипедистите? А не знам зошто Дебар Маало го сместуваш во центарот на градот кога таа е населба веднаш до центарот на градот. Таа е надвор и од мал и голем ринг и повеќе би сакал да се зачува нејзиниот карактер наместо да се начукаат бизнис згради. А дрворедите на илинденска заедно со тие прекрасни згради ми се едни од најсликовитите и најпријатните делови од Скопје.

[quote]Веќе е редно да нашиот народ разбере дека центарот на градот никаде не е погоден за живеење. (полека мора да прерасне во зона на бизнис и забава, затоа постојат зони и даноци за истите)


Скопје има шанса да го оствари тоа и без да прави вакви жртви. Има доста локации на кои очајно им треба рушење и рамнење со земја(Маџир Маало, Ново маало) за да се направи простор за зони за бизнис и забава. Дебар маало не би го сместил тука. Барем не сега.


-------------
Помогнете во Македонската Википедија - Слободна енциклопедија!


Posted By: lslcrew
Date Posted: 17-Jul-2009 at 15:28

Исечен еден од најстарите дрвореди во Скопје

Фросина Трајковска http://a1.com.mk/vesti/default.aspx?VestID=111566#komentari - Коментари (41)   javascript:otvoriVideoPrilog%2809/ilindenska-17-07.wmv,%20111566%29">  
17.07.2009 12:47
 

 

Отсечени се 32 дрва на улицата Илинденска на потегот од зградата на Владата до фонтаната во Градски парк поради градежните работи за поставување на атмосферска канализација.

Од 7 часот изутрината улицата беше затворена за сообраќај. Возилата беа пренасочени по околните улици.

Сообраќајот во наредниот период ќе се одвива во една коловозна лента, додека на другата ќе се гради.

„Денеска се подготвува теренот за атмосферската канализација. Магистрален вод. Сите стари дрвја, околу триесетина, се исечени и тоа е“, вели Мичо Поповски, потпретседател на комитетот за урбанизам на град Скопје.

Жителите од околните згради се видно вознемирени - се уништува еден од најстарите дрвореди во Скопје.

 

 

Се плашат дека градските власти ќе ги сечат дрвјата за да направат простор за проширување на улицата.

„Сабајле дојдоа со полиција да ни кажат дека колите сметале. Ние мислевме дека има некоја посета на некој претседател што се случува често, меѓутоа таа интервенција била за да се сечат дрвјата“, вели жителка на Скопје.

„Животот на тие луѓе тука што се и на фирмите и на семејствата ќе биде тотално оневозможен“, објаснува еден граѓанин.

Акцијата за поставување на атмосферска канализација на Илинденска ќе продолжи и во наредните 30 дена. Дотогаш сообраќајот ќе се одвива по една коловозна лента со посебен собраќаен режим.

Kоце Tрајановски

 

Градоначалникот Kоце Tрајановски ја одобри акцијата на „Илинденска“. Не може 500 илјади луѓе да бидат заложници на 500 жители.

„Тоа што се прави денес е некое досега одложување на извршувањето на одлуката која Секторот за комунални работи ја има донесено пред неколку години. Нивното сечење е во функција на новата атмосферска канализација која треба да биде во функција на булеварот Илинденска“, изјави градоначалникот на Скопје Коце Трајановски.

Јас сум одговорен да го решам сообраќајниот хаос во градот Скопје. Се она што е по закон, јас ќе го направам за да имаме подобар сообраќај. Ние нема да бидеме заложници на никого. Нема да бидат заложници 500.000 граѓани на Скопје заради некои таму што сакаат или не сакаат“

А вие би сакале од влезот од вашиот дом да се симнувате директно на булевар?

„Не одговарам на такви прашања. Како ќе предложат стручните служби, така ќе биде. Јас сум политичко лице“, одговори Трајановски.

http://a1.com.mk/vesti/default.aspx?VestID=111566


Posted By: lslcrew
Date Posted: 17-Jul-2009 at 15:30
Сообраќаен хаос знаеме добро на што алудира!

p.s. Нека пазат со атмосферскава канализација да не им се деси како кај Континентал! btw Оваа импровизација е од исти ранг како и онаа како кај континентал.

Секој градоначалник си има своја клучка Континентал!



Posted By: pbanks
Date Posted: 17-Jul-2009 at 15:47
Во принцип ја поздравувам одлучноста на Коце, експедитивноста во спроведување на некои проекти кои иако се минорни според нормални стандарди се огромни според стандардите на кои се научивме во минатите четири години. Ми се допаѓа и тоа што не влегува во сапунски серии со шака граѓани и го спроведува тоа што го зацртал.

Сепак во случајов мислам дека е направена грешка и се надевам дека ќе ја исправат. Таа улица не треба да се проширува бидејќи со тоа ќе се добие малку а ќе се изгуби многу. Се надевам дека сообраќајните "експерти" кои го советуваат ќе го увидат тоа (со оглед на тоа дека тој се прогласи за политичко лице кое само спроведува одлуки и програми).


Posted By: lslcrew
Date Posted: 17-Jul-2009 at 16:23
Па одлучноста дефинитивно му е за пофалба, но сепак конкретно овој прокет да се надеваме дека ќе биде некое привремено решение до изградбата на тунелот!


Posted By: mama
Date Posted: 17-Jul-2009 at 16:35
lani ova vreme sproti gimnazijata Orce Nikolov vo trevnikot pred parkovi i zelenila bese kopano i postavuvani vakvi betonski cevki i vo dolzina do semaforite (sproti Mida). A betonskite cevki ne bea postaveni do ul. Ilindenska nego podlaboko vo zeleniloto. No zastanaa do kukite (sto se najdoa na pat "na zamislenata trasa")

-------------
mama


Posted By: pbanks
Date Posted: 17-Jul-2009 at 16:47


Точно го имаме тоа евидентирано во нишката за Илинденска

http://www.build.com.mk/forum/forum_posts.asp?TID=58

Во истата таа нишка ЛСЛ ја евидентирал оваа вест на 21 Февруари 2009. Веројатно толку многу сме се навикнале на вакви празни најави да никој не обратил внимание на оваа најава и не сме искоментирале ништо. Значи "проектов" во целина од сечењево дрва до проширување на булварот датира од Трифково време така да не иде сега на Коце да ја свалиме кривицата иако мислам дека дефинитивно требаше да го ревидира овој проект пред воопшто да се превзема нешто.

Originally posted by lslcrew

ПОРАДИ ИЗГРАДБА НА АТМОСФЕРСКА КАНАЛИЗАЦИЈА
Ќе се сечат дрвјата на Илинденска
Со изградбата на канализацијата ќе се соголат корењата на дел од дрвјата, па од Градот велат дека ќе мораат да ги исечат за да не паднат и да предизвикаат поголема штета

Дрвјата на улица Илинденска, на потегот од зградата на Владата до фонтаната во Градски парк, ќе се сечат поради градежните работи за поставување на атмосферска канализација. Жителите од околните згради, пак, се плашат дека градските власти ќе ги сечат дрвјата за да направат простор за проширување на улицата на овој потег.
"Дрвјата се обележени за сечење. Ако веќе кажуваат дека нема да ја прошируваат улицата и оти ќе прават атмосферска канализација, зошто ги обележаа за сечење дрвјата од двете страни на улицата. Атмосферска канализација се става или по должината на коловозот или по должината едниот тротоар, зошто тогаш би ги сечеле дрвјата од двете страни", се прашуваат жителите од улицата Илинденска.
Тие објаснуваат дека ќе ги преземат сите можни мерки за да ги спречат градските власти да ја раскопаат улицата и да ги исечат дрвјата, ако притоа не покажат соодветен проект и градежна дозвола.
"Додека не обезбедат дозвола, нема да им дозволиме да исечат ниту едно дрво ниту, пак, да копаат", велат скопјани.
Аљоша Шопар, раководител на секторот за планирање и уредување на просторот во Градот, вели дека засега нема да ја прошируваат Илинденска во овој дел. Тој објасни дека оваа градежна сезона ќе постават атмосферска канализација на Илинденска, ќе почнат со проширување на улицата на потегот од Градски парк до раскрсницата со улицата Рузвелтова.
"Дрвјата се обележани, бидејќи кога ќе почнеме со градежните работи за поставување на атмосферската мрежа, најверојатно, ќе дојдеме и до корењата на дел од дрвјата. За да не паднат и да не направат поголема штета, ќе мора да исечеме дел од нив. Сега не можам да кажам колку дрвја ќе се сечат, а откако ќе завршиме со градежните работи, ќе посадиме нови дрвја", вели Шопар.
Тој објасни дека проектот за атмосферска канализација се уште е на корекции во Општина Центар и оти очекуваат следната недела од Општината да ја добијат градежната дозвола, и веднаш да ја почнат изградбата.

http://www.vest.com.mk/default.asp?id=163872&idg=9&idb=2605&rubrika=Skopje



Posted By: Cloverstack
Date Posted: 17-Jul-2009 at 17:10
Originally posted by lslcrew

Па одлучноста дефинитивно му е за пофалба, но сепак конкретно овој прокет да се надеваме дека ќе биде некое привремено решение до изградбата на тунелот!
Ако го протуркаат проширувањето, комотно може да се збогуваме со тунелот. Веројатно засекогаш, а најмалку во наредните дваесетина години.


@ pbanks
Не сум воопшто воодушевен од гледиштето на Коце. Како прво има и ГУП и ДУП кои предвидуваат тунел, а не проширување. Така да не може „стручните служби“ сега да измислуваат решенија вон урбанистичките планови. Поготово што не се сомневам дека можат како што им е обичај за една недела да ги искасапат плановите и барем формално да ја наредат работата.

Второ, сите знаеме дека тие „стручни служби“ зад кои сака да се скрие „политичкото лице“ Коце, се исто така многу повеќе политички отколку што се стручни.

За одлучноста на Коце би дал резервирана подршка, но дефинитивно треба да ја примени на други места, а не овде. Има бројни ситуации каде што таква одлучност е насушно потребна, за разлика од овој случај.
На крајот на краиштата јас сум од Аеродром и немам никаква врска со Дебар Маало, па погрешно ме сврстил во тие 500000 граѓани чии интереси ги брани наспроти оние 500. Како што гледам не сум ни единствен таков случај.


Posted By: ArchiTechTone
Date Posted: 17-Jul-2009 at 17:15
МИслам дека и населението во овој дел на Дебар Маало протестираше, заради најавата за сечење на дрвата. Фино им го провлекоа сечењево додека се на одмор

Инаку еве нешто што успеав да ископам: профилот на булевар Илинден во потегот Зоолошка градина - Совет на град Скопје.



Се слагам со пбанкс, дека требало да се ревидира проектов, во најмала рака да се размисли подобро, особено во целава галама за СТАРО Скопје, автентичност и наводно изгубен дух.

Мене навистина не ми е јасно, како зголемувањето на профилот на Илинденска ќе го растерети сообраќајот. И баш ме интересира како ќе се справат со куќите кај Тениските игралишта (АБЦ), кои лежат практично на работ на улицата.


Posted By: lslcrew
Date Posted: 17-Jul-2009 at 17:26
Кога веќе не го градиме тунелот, ќе се доведеме во ситуација дебар маало да добие статус на ново маало и маџар маало, односно о дстар дел на градот да добиетретман на чир, третман на пречка на развојот! Па може долгорочно да се доведеме наместо тунел да треба да се сруши еден ред куќи.


Posted By: micko_v
Date Posted: 18-Jul-2009 at 18:44

Не се согласувам со тоа да се импровизира со Дуп-от, но од друга страна НЕ СМЕЕ да им се дозволи на граѓаните кои што живеат таму да се однесуваат како да се работи за нивен приватен двор (конкретно тротоарот и дрворедот), а градот неме потреба да се оправдува и да ја прикрива вистинската намера.

Од друга страна нормално е дека во центарот не може на сметка на приватни барања да се жртвува реализација на проекти. Секаде во светот  во центарот на градовите  зградите излегуваат директно на тротоар-улица на оддалеченост од 1,5м.


Posted By: zabegan
Date Posted: 19-Jul-2009 at 15:09
Originally posted by micko_v

Не се согласувам со тоа да се импровизира со Дуп-от, но од друга страна НЕ СМЕЕ да им се дозволи на граѓаните кои што живеат таму да се однесуваат како да се работи за нивен приватен двор (конкретно тротоарот и дрворедот), а градот неме потреба да се оправдува и да ја прикрива вистинската намера.

Од друга страна нормално е дека во центарот не може на сметка на приватни барања да се жртвува реализација на проекти. Секаде во светот  во центарот на градовите  зградите излегуваат директно на тротоар-улица на оддалеченост од 1,5м.
ај сега, се согласував со тебе се додека не го кажа ова Roll%20eyes


Posted By: lslcrew
Date Posted: 20-Jul-2009 at 02:14

Јаворите на „Илинденска“ паднаа поради проширување на улицата?

Трајановски вчера не сакаше подетаљно да го објасни проектот, кој е дел од неговата изборна програма

Деспина Трајковска

Улицата „Илинденска“, по се' изгледа, ќе се проширува иако градските власти во петокот, кога ја извршија сечата на јаворовиот дрворед, акцијата ја образложија како неопходна за непречено да се изгради нова атмосферска канализација во реонот. Скопскиот градоначалник Коце Трајановски тогаш, а и вчера, не одговори на сомневањата дека, всушност, дрвјата се пресечени за да се прошири улицата. Токму во изборната програма тој има проект за проширување на „Илинденска“ на потегот од фонтаната „Лотосов цвет“ во Градски парк кон Карпош и Ѓорче Петров. Дрворедот, пак, е исечен на потегот од раскрсницата на булеварот „Климент Охридски“ со „Илинденска“ до фонтаната во Градски парк.

„Наскоро се' ќе објаснам на прес-конференција“, одговори кусо вчера Трајановски, кој на прашањето што, всушност, ќе се прави со улицата дополни оти не одговарал на провокативни прашања. Во петокот, пак, даде двосмислена изјава за случајот. „Сечата е поради изградба на нова атмосферска канализација, која е потребна за да се прошири улицата. Со овој проект ќе се реши сообраќајниот хаос во градот. Нема да бидам заложник на одредени граѓани на кои им пречи сечењето на дрвјата. Мораме да го решиме проблемот на скопјани со сообраќајниот хаос“, истакна Трајановски.

Инаку, проект за проширување на „Илинденска“, но на потегот од Влада кон Карпош, планираше и ексградоначалникот Костовски. На неколку месеци пред завршувањето на мандатот, кога го најавуваше проширувањето, сепак, се премисли да стартува со реализацијата, очигледно поради притисокот на јавноста, но, пред се', на граѓаните од реонот. Тогаш, а и сега, тие се противат на зголемувањето на капацитетот на сообраќајницата бидејќи стравуваат оти тој потег ќе предизвика нарушување на статиката на куќите, кои се лоцирани на улицата. Истовремено негодуваа и поради најавите за сеча на јаворите, кои, сепак, од минатата седмица веќе се минато.

Инаку, од Општина Центар тврдат дека на Градот Скопје неодамна му издале дозвола за изградба на нова канализациона мрежа на улицата „Илинденска“, но не и за нејзино проширување. Проектот за канализација предвидува изградба на нова мрежа во вкупна должина од 375 метри, на потегот од раскрсницата на „Илинденска“ со булеварот „Климент Охридски“ до раскрсницата со улицата „Наум Наумовски-Борче“. Поради градежните зафати во наредните триесет дена по улицата ќе се вози само по една лента и во една насока, и тоа од раскрсницата со булеварот „Климент Охридски“ кон фонтаната во Градски парк.

http://utrinski.com.mk/?ItemID=46498D7E629A9D4AA71CD4ED7FD56FE9


Posted By: micko_v
Date Posted: 20-Jul-2009 at 13:51
Originally posted by zabegan

Originally posted by micko_v

Не се согласувам со тоа да се импровизира со Дуп-от, но од друга страна НЕ СМЕЕ да им се дозволи на граѓаните кои што живеат таму да се однесуваат како да се работи за нивен приватен двор (конкретно тротоарот и дрворедот), а градот неме потреба да се оправдува и да ја прикрива вистинската намера.

Од друга страна нормално е дека во центарот не може на сметка на приватни барања да се жртвува реализација на проекти. Секаде во светот  во центарот на градовите  зградите излегуваат директно на тротоар-улица на оддалеченост од 1,5м.
ај сега, се согласував со тебе се додека не го кажа ова Roll%20eyes


Погрешно се изразив Yes zabegan, сакав да кажам дека нормално е ако растојанието од влезот на зградата до работ на улицита е 1,5м, посебно во градовите со стари централни јадра, како во Франција, Италија, Шпанија....


Posted By: lslcrew
Date Posted: 22-Jul-2009 at 15:09

Трајановски да посади нови дрвја на Илинденска

Градоначалникот Коце Трајановски да докаже дека морале да ги исечат дрвјата на Илинденска, стои во барањето на скопјани

Група граѓани завчера побараа од градоначалникот на Скопје Коце Трајановски да им даде документ со кој ќе се оправда сечењето на 32 дрвја на булевар Илинден на потегот од раскрсницата кај Владата до фонтаната во Градски парк. Тие, исто така, бараат на местото на исечените дрвја, Градот да посади нов дрворед со приближно исти димензии за да се врати првобитната функционалност и естетика на оваа улица.
Дрвјата беа исечени минатиот петок по налог на Градот, заради изградба на атмосферска канализација долж целата Илинденска, која пак е неопходна за да почне проширувањето на улицата.
Во барањето на граѓаните стои дека од скопскиот градоначалник бараат документ во кој има релевантна проценка од стручни лица, врз основа на која тој ја одобрил акцијата за сечење на дрвјата.
"Нè интересира дали беа разгледани и други можни решенија со кои би се избегнало сечењето на дрвјата на Илинденска, односно бараме документ кој докажува дека се земени во предвид сите останати алтернативи со кои би се избегнало тоа, а воедно би биле ефективни за завршување на проектот поставување на атмосферска канализација", се вели во барањето на групата граѓани.
Од одделението за односи со јавност на Градот велат дека го примиле барањето и во законскиот рок од 30 дена за доставување информации од јавен карактер, на граѓаните ќе им ги достават бараните документи.
"Што се однесува до нивното барање да се посадат нови дрвја на местото на исечените и да бидат со исти димензии, требало да го пратат до нашиот сектор за комунални работи, а не до градоначалникот. Но и ова барање ќе биде разгледано", велат од одделението за односи со јавност на Градот.

http://www.vest.com.mk/?ItemID=7CFEFC844126904482D4225043F4AED0


Posted By: lslcrew
Date Posted: 24-Jul-2009 at 03:03

И трафиките кај „Лотос“ ќе отидат курбан поради ширењето на „Илинденска“

Се' уште не се знае конечниот проект за новиот булевар

Сопствениците на трите трафики на улицата „Илинденска“ кај фонтаната во Градски парк добиле известување оти треба да ги дислоцираат времените објекти, што практично значи дека теренот се подготвува за проширување на улицата. Градоначалникот Коце Трајановски вчера ги потврди овие намери, но веќе неколку дена упорно во јавноста одбива да го објасни проектот, иако е дел од неговата изборна програма, а истовремено во отчетот за сработеното во изминативе 100 дена го посочува и како еден од оние кои се почнати со реализација.

„Трафиките мора да се отстранат. Булевар ‘Илинденска‘ ќе се реализира, нема да дозволам неколку трафики да го спречат реализирањето на проектот. Со нив ќе се постапи во согласност со законот. Од друга страна, пак, во ниту еден поголем град нема трафики. Ако мислите дека треба да останат, тогаш знајте дека никогаш, ниту милиметар ниту еден процент нема да бидеме како Париз“, изјави Трајановски, кој по неколкуминутни инсистирања на новинарите рече оти наводно на проектот за ширење на „Илинденска“ се' уште се работи. „Проектот е во фаза на изработка и ќе биде како што ќе одлучат архитектите“, дополни градоначалникот не сакајќи да ја каже својата визија за „Илинденска“ оти смета дека „нема да биде интересно доколку за сите идеи предвреме ги информира скопјани“.

Така јавноста, пред се', засегнатите жители од реонот уште извесен период ќе живеат во неизвесност дали „Илинденска“ ќе се шири само од фонтаната „Лотос“ кон Карпош или, пак, од нејзиниот почеток до фонтаната, што ќе значи дека сечата на јаворите, која беше оправдана како неопходна поради изградбата на фекална канализација во тој дел од градот, сепак, е направена и за да се прошири улицата.

http://utrinski.com.mk/?ItemID=A2FBE03723C1ED49B6FF99F5E21069F9



Posted By: lslcrew
Date Posted: 24-Jul-2009 at 03:10
Малку тенденциозно од страна на утрински во насловот. Ај за дрвата да разбреме, екологија е во прашање, прекрување на ГУП-от на Скопје, ама за трафикиве воопшто неможам да сватам од каде поривот генерично и суптилно да се саботира проект за кој е зацртано уште пред неколку децении дека треба токму тука да проаѓа. Значи овие објекти познати меѓу народот како трафики всушност нивното право име е "објекти од времен карактер" што и самото кажува дека кога ќе им дојде време ќе треба да се тргнат. Значи дрва, трафики, клупи и било каква опрема и зеленило се второстепена работа за разлика од сообраќајната мрежа која е примарна. И конечно треба да им се обајсни на граѓаниве, да им се наштелува канатарот на граќаниве за кога ќе ставаат некои работи на кантар да можеме правилно да перцепираме. Здравје боже да се направи булеваров па нема воопшто да биде проблем да се одредат нови локации за трафики покрај булеварот, а еве тоа би можело и сега да се случи па трафиките да бидат преместени малку позападно неколку десетина метри веднаш до бараките на град Скопје и да бидат повлечени навнатре накај градски парк колку  што е тоа потребно за да има доволно ширина за булеварот (42° 0'11.23"N 21°25'19.30"E).


Posted By: lslcrew
Date Posted: 24-Jul-2009 at 03:12

Илинденска ќе се проширува, ама тајно

 

Градоначалникот Трајановски вчера не сакаше транспарентно да одговори дали „Илинденска“ ќе се проширува и во делот каде што беа исечени дрвјата, оти тоа не е предвидено според важечкиот детален план

Скопскиот градоначалник Коце Трајановски и покрај многубројните новинарски прашања вчера одби да ја информира јавноста дали на местото на исечените дрвја на „Илинденска“ ќе се изведе проширување на улицата. Деновиве жителите на „Илинденска“ му замерија на градоначалникот дека крие информации од нив, не работи транспарентно и тајно се подготвува за градежни зафати за проширување, под превезот дека ќе се гради атмосферска канализација.

- Зошто искрено не кажат кои им се плановите, наместо да не' вадат од памет рано наутро со кордон од полиција - рече жител на Илинденска.Пред неколку дена градската администрација информира дека дрвјата се сечат поради изградба на атмосферска канализација, но неофицијално наши извори од Градот велат дека дрвјата се исекле поради планираното проширување на улицата за неколку метри. И самиот Трајановски пред неколку дена изјави дека улицата ќе се шири и на местото каде што беше сечата, оти мора да се реши сообраќајниот хаос. Наместо одговор, Трајановски обвинуваше дека сите се против него.

- Дајте да ги шириме булеварите во Скопје. Дајте да го реализираме проширувањето на Илинденска - изјави градоначалникот на вчерашната прес-конференција по повод 100 дена од доаѓањето на оваа функција. Трајановски најави почеток на проширувањето на Илинденска, но не сакаше да одговори на прашањата дали улицата ќе се проширува и на местото на исечените дрвја, бидејќи според урбанистичкиот план на Општина Центар за Дебар Маало, таму не е предвидено проширување.

- Нема да дозволам никој да ме спречи во реализацијата на планираниот проект - повторуваше Трајановски, додека новинарите прашуваа дали ќе бара Центар да го промени урбанистичкиот план и дали ќе се менува самиот проект за „Илинденска“. Според проектот, засега е предвидено улицата да се прошири за две коловозни ленти, но на потегот од фонтаната Лотосов цвет во паркот, па се' до населбата Карпош 3.

Поради почетокот на работите за проширувањето, вчера на конференцијата дојде граѓанин кој го праша Трајановски зошто ќе се отстрануваат трафиките кај Градскиот парк и зошто не ги прима на разговор. Градоначалникот не му дозволи да поставува прашања, но потоа одговорот и на ова прашање им го ускрати и на новинарите, велејќи дека прес-конференцијата била свикана поради 100-те дена работа, а не за поставување разни други прашања.Околу отстранувањето на трафиките, Трајановски само кратко информира дека се работи за времени објекти што мора да се отстранат, бидејќи законски нивната дозвола важи до реализацијата на урбанистичкиот план.

http://www.dnevnik.com.mk/?ItemID=C7FD41CEFD0DE444B089E427F1C09F8B


Posted By: zabegan
Date Posted: 24-Jul-2009 at 13:29
е ова воопшто не е во ред, иако досега за тој дел се зборуваше само за атмосферска канализација и дека знаевме дека улицата ќе се проширува од „лотос“ понатаму, сепак треба да ни е јасно што се припрема во градов

П.С. сега кога нема дрвја, треба да ги реновираат фасадите на старите згради зошто повеќе се гледаат LOL


Posted By: lslcrew
Date Posted: 25-Jul-2009 at 10:41
ПРОДОЛЖУВА СПОРОТ ЗА ЕДНА ОД НАЈСТАРИТЕ ГРАДСКИ УЛИЦИ
„Илинденска“ со жив ѕид ќе се брани од проширување

Жителите на „Илинденска“ на средба со градоначалникот Коце Трајановски ќе бараат одговор за евентуалното проширување на улицата на потегот од Владата до влезот во Градскиот парк и за исечените дрвја. Тие за идниот петок закажале средба со Трајановски, а три дена порано ќе разговараат и со градоначалникот на Центар, Владимир Тодоровиќ. - Договоривме средби и се надеваме дека ќе ги добиеме одговорите кои ги бараме - вели Александар Виќентиевиќ, еден од станарите на улицата. Истовремено, и сопствениците на трите киосци на влезот во Паркот не се откажуваат од барањето да не бидат преместени од сегашната локација и велат дека нема да ги потпишат решенијата за нивно селење. - Не гледам зошто не би не поместиле малку повнатре кон паркот, ако веќе сакаат да ја шират улицата. Од овие трафики егзистираат 15 семејства, а за нив редовно плаќаме даноци и придонеси. Ќе се бориме до крај, заедно со сограѓаните од „Илинденска“ и ако треба со жив ѕид ќе ги браниме и трафиките и улицата “ велат сопствениците. Почетниот дел од улицата „Илинденска“, од Владата до фонтаната, кај скопјани е познат како најстарото јадро на градот. Улицата била трасирана уште во 19 век и водела кон паркот „Ислахане“, кој е всушност стариот дел од денешниот парк, и кон гимназијата, на турски „идадија“, која подоцна се трансформирала во учителска школа и чиишто остатоци и денес се гледаат зад бараките на Општина Центар. Најголем дел од имотите околу „Илинденска“ во почетокот на 20 век ги купил советникот во Градското собрание, Ѓорѓе Буњак. - Со одлука на Собранието од 1924 година решено е делот околу „Илинденска“ да се урбанизира. Буњак инвестира во трасирањето на сите улички во сегашно Дебар маало 2, кое треба да го носи името Буњаковец, како и пазарчето, токму по овој човек. Тој како прв урбанист во Скопје го изградил и кружниот тек кај улицата Коле Неделковски, во кој се совпаѓаат дури седум улици “ раскажува Благој Гајдов, поранешен градежен инженер. Тој вели дека истата година е донесена одлука да се садат дрвја на „Илинденска“ и на „Ленинова“, на првата багреми, а на втората липи, диви костени и багреми. Така никнуваат најстарите дрвореди во градот. - Со сечењето на овие дрвја и уништувањето на ликот на најстарата улица, каде што и денес се наоѓаат објекти со културно-историско значење, градоначалникот насилно ја узурпира историјата на Скопје “ смета Гајдов.

http://www.vreme.com.mk/DesktopDefault.aspx?tabindex=1&tabid=1&EditionID=1766&ArticleID=118448


Posted By: zabegan
Date Posted: 25-Jul-2009 at 20:21
не ми е јасно на кој простор планираат да ги насадат дрвјата кои велат дека ќе ги насадат 


Posted By: lslcrew
Date Posted: 25-Jul-2009 at 22:13
Телефонот не ми слика баш најдобро навечер, ама еве ако може да видите за колкава дупка се работи и за цефките од канализацијата...






Posted By: Supervisor
Date Posted: 25-Jul-2009 at 22:59
Добар потег со ова се покажува дека Скопје е светлосни години наназад сеуште немаме атмосферска канализација на главните улици во центарот. Исто не сум воопшто против сечењето на дрвата сите тие имаат животен век време беше да се отстранат и тие таму што протестираат против проширувањето казни треба веднаш за нарушување треба да им поделат.

-------------
NewYork-London-Paris-Moscow-Tokyo-Skopje


Posted By: Cloverstack
Date Posted: 26-Jul-2009 at 01:20
Originally posted by Supervisor

Добар потег со ова се покажува дека Скопје е светлосни години наназад сеуште немаме атмосферска канализација на главните улици во центарот. Исто не сум воопшто против сечењето на дрвата сите тие имаат животен век време беше да се отстранат и тие таму што протестираат против проширувањето казни треба веднаш за нарушување треба да им поделат.

Чекај, ти подржуваш поставување атмосферска канализација или проширување? Бидејќи ако треба да им се поделат казни на тие што протестираат, што тогаш треба да им се подели на градоначалникот и администрацијата (доколку одат на проширување) за непочитување на генералниот и деталниот урбанистички план и безочно поигрување со јавноста со она прво објаснување што го дадоа?


Posted By: igorius
Date Posted: 29-Jul-2009 at 01:10



Posted By: igorius
Date Posted: 29-Jul-2009 at 01:11
Ајде овде коментари и фотки кој знае и има инфо некакакво како ке ја редифинираат Илинденска


Posted By: UrbanFreak
Date Posted: 29-Jul-2009 at 08:38
Конфузен наслов, типичен за нашите новинари, но подоле во текстот всушност се објаснва дека станува збор за изградба на еден од пристапните излезли/влезови за обиколницата кај Волково.
Старт на градежните работи за изградба на обиколницата

http://netpress.com.mk/vestiimages/59733/GRAD_SKOPJE.jpg">

Градоначалникот на Град Скопје, Коце Трајановски, денска во 11 часот ќе го означи стартот на градежните работи на новиот пат од селото Волково до северната обиколница на Скопје, се вели во соопштениетото од прес службата на Скопје.

Изградбата на пристапниот пат ќе почне во близина  во Волково.


Автор на веста: Нетпрес
Објавена на 29.07.2009 08:15:44

http://netpress.com.mk/vest.asp?id=59733&kategorija=1 - http://netpress.com.mk/vest.asp?id=59733&kategorija=1


Posted By: lslcrew
Date Posted: 29-Jul-2009 at 11:28
Чекај малку. Кој е тој па сега пристапен пат?! Таа клучка во Волково треба да биде во иднина крајот на Илинденска. Значи Илинденска во Карпош 4 да продолжи преку Вардар и да иде покрај Лепенец све до обиколница. Да н случајно мисли Коце да ја изгради Илиндеска со помал профил и накај обиколница нешто?!


Posted By: lslcrew
Date Posted: 29-Jul-2009 at 11:56
Центар не е надлежен за булеварот Општина Центар не е одговорна во случајот со Илинденска затоа што таа како булевар е под надлежност на Град Скопје. Ова е одговорот што жителите од булеварот Илинден, кои се противат на сечењето на дрвјата на улицата и на нејзиното проширување, го добија на вчерашната средба со градоначалникот на Центар, Владимир Тодоровиќ. - Задоволни сме од средбата, градоначалникот беше многу коректен. Ни објасни дека деталниот урбанистички план „Дебар маало 2“, за кој помина јавната анкета, се уште не е усвоен од Советот. Засега таму не е предвидено проширување на улицата, но во процедура е и измена на генералниот урбанистички план, што значи постои отворена можност и вакво решение да се вцрта “ велат граѓаните. Тие в петок ќе имаат средба и со градоначалникот на Скопје, Коце Трајановски, од кого ќе бараат конкретен одговор дали улицата ќе се проширува.

http://www.vreme.com.mk/DesktopDefault.aspx?tabindex=0&tabid=1&EditionID=1770&ArticleID=118723


Posted By: Cloverstack
Date Posted: 29-Jul-2009 at 12:37
Којзнае... можда се мисли и на патот што треба да ја поврзе клучката Стопански Двор


Posted By: lslcrew
Date Posted: 29-Jul-2009 at 13:01
Кловер еве го одговорт на нашата дилема!
ПОЧНА ДА СЕ ГРАДИ ПРИСТАПНИОТ ПАТ ОД ВОЛКОВО ДО СЕВЕРНАТА ОБИКОЛНИЦА

Градоначалникот на Град Скопје, Коце Трајановски и градоначалникот на општината Ѓорче Петров, Сокол Митровски, денеска /29.07.2009 година/ го означија стартот на градежните работи на пристапниот пат кон северната обиколница кој ќе почнува кај последната автобуска станица на автобусот со број 22 во Волково.
 
-       Ми претставува особена чест што денеска почнуваме значаен инфраструктурен објект кој ќе придонесе за растоварување на сообраќајниот метеж во градот Скопје. Се надевам дека до крајот на годинава ќе се видат позитивните резултати од изградбата на овој пат – рече градоначалникот Трајановски на стартот на изградбата на пристапниот пат.
 
Пристапниот пат од Волково до обиколницата ќе биде долг 846 метри. Поради променливата ширина на профилот на патот, изведбата ќе се одвива со променлива ширина. На некои места, патот ќе биде со две ленти од по 3,5 метри и тротоари од двете страни од по 2,5 метри. На други места, патот ќе биде со помала ширина во зависност од потребите и можностите за изведба.
 
Сообраќајницата ќе се изведе со два слоја асфалт, а тротоарите ќе се покријат со бекатон-плочки.
 
Овој пат ќе биде привремено решение до комплетната реализација на булеварот Илинден.

http://www.skopje.gov.mk/ShowAnnouncements.aspx?ItemID=2776&mid=24&tabId=1&tabindex=0


Posted By: lslcrew
Date Posted: 29-Jul-2009 at 16:11
Од почетокот на изградбата на пристапниот пат до обиколницата...

01.


02.


03.


www.skopje.gov.mk


Posted By: lslcrew
Date Posted: 29-Jul-2009 at 16:41
За да биде појасно за кој потег се работи еве скица...


42° 3'11.82"N 21°21'51.59"E



Print Page | Close Window