Космофон е компанијата која ќе ги користи радиофреквециите за обезбедување на јавните мобилни комуникациски мрежи и услуги од 3G технологијата.

“Согласно тендерот тие треба да уплатат 10 милиони и 500 илјади евра до 10 февруари, а одобрението ќе им биде издадено следниот ден“ рече Софче Јовановска, пртседателка на Комисијата на Агенцијата за електронски комуникации.

Одобрението се издава во рок од 10 години со можност за продолжување во зависност на Законот за електронски комуникации. Првичниот надомест за давање на одобрение за фрекфенцијата е 10 милиони евра. Критериумите за најповолен понудувач беа висината на еднократниот надомест за добивање одобрение, цените на големопродажните услуги и цените за услуги на граѓаните.

Брзиот интернет, транферот на податоци со поголема брзина, пристап до мултимедијални содржини, видеотелефонијата и телевизијата се дел од услугите што ги нуди оваа технологија.

Операторите ќе се фокусираат на поквалитетен интернет

http://www.a1.com.mk/vesti/novinar-email.asp?NovinarID=96&VestID=88949 - Александар Момировски

До поголем број корисници, но не со цена туку со брзина и квалитет. Интернет операторите во земјава веќе нема да ги намалуваат цените за приклучок на он лајн мрежата. Велат, тарифите се евтини, време е да се фокусираат на поквалитетни услуги.

Македонија ја напушти непопуларната група држави со најскап интернет.

„Пред две години бевме меѓу последните во Европа, денеска сме во добрата средина и тоа како тренд и понатаму расте. Мислам дека сето тоа се должи на зголемен квалитет, големи брзини на интернет над 1 мегабит со доволна количина, а секако и цената. Цената драматично се намали“, изјави Предраг Чемерикиќ, „Он нет“.

Според податоците на компаниите, цените на пакетите во Македонија варираат од 400, па се до 1.500 денари за 24 часови месечно на интернет мрежата. „Он нет“ нуди пакет и за само 99 денари.

„Мактел“ експанзијата во оваа сфера ја турка со АДСЛ и макс АДСЛ пакетите. Граѓаните најмногу се одлучуваат на средната опција, која значи 1.000 денари за брз интернет.

„Во иднина не планираме да одиме во насока на намалување на цените, туку во насока на зголемување на протоците за нашите корисници, бидејќи 15-ина евра е прилично конкурентна цена. Ние се стремиме за таа цена да обезбедиме протоци од 10, 20 мегабити“, рече Горан Поповски, „Кејблтел“.

Кабелските оператори, „Телеком“ и „Он нет“ делат по 30% од интернет пазарот. Македонија во последните две години се тргна и од групата држави со најмал број корисници во светот. Според статистиките, во првиот квартал лани 16% од домаќинствата инсталирале интернет.

Во Европа просекот е 22%. Статистиките во земјава се добри и во финансискиот сектор, каде интернет користат 91% од компаниите. Интернет пристап лани имале и сите субјекти во јавниот сектор.

ВИП и „Телесмарт“ ќе го користат оптичкиот кабел на МЖ

Мобилниот оператор ВИП и фирмата „Телесмарт“ од Скопје ќе го користат фибер-оптичкиот кабел на јавното претпријатие „Македонски железници“. Двете фирми биле избрани на тендер, а за користењето на кабелот, на МЖ ќе плаќаат по 3.000 денари за еден километар месечно. Во железници велат дека идејата е комуникацискиот пазар да стане поконкурентен и да се намалат цените за Интернетот, мобилната и фиксната телефонија и другите комуникациски услуги.

Се очекува во текот на идниот месец да се прецизираат деталите во договорите со ВИП и „Телесмарт“, по што ќе биде познато колку време ќе ги користат конекциите. Според условите во тендерот, издавањето на оптичкиот кабел може да биде од 2 до 10 години.

Засега, фирмите ќе го користат веќе поставениот оптички кабел од границата со Србија до Велес и рингот околу Скопје, а во иднина кабел ќе биде поставен и долж Коридорот 10, до границата со Грција. На првиот тендер се издадени само два пара оптички влакна, од вкупно 15 пара. Пет од нив ќе користат МЖ за сигнализацијата и безбедносните системи во железничкиот сообраќај, а другите се наменети за други државни институции од областа на здравството, образованието и други.

Во иднина, најавуваат од железници, ќе бидат организирани и други јавни наддавања на кои на заинтересирани фирми ќе им бидат понудени и другите 8 конекции. Вкупната должина на поставениот кабел во моментов изнесува околу 120 километри, а до завршувањето на целиот потег, до крајот на годинава, ќе има вкупни 220 километри.

„Ова е можност за либерализација на пазарот на комуникациски услуги, особено за намалување на цената на Интернет-конекцијата со вклучување на поголем број фирми кои нудат ваков вид услуги, од што практично најголем бенефит ќе имаат граѓаните“, истакна директорот на јавното претпријатие „Македонски железници“, Никола Димитровски, кој најави во иднина поставување оптички кабел и по должината на Коридорот 8 и поврзување со Албанија и Косово. (С.Н.)

„Македонски телекомуникации“ стана „Македонски телеком“

„Македонски телекомуникации“ од почетокот на овој месец почна да работи под новото име „Македонски телеком“. Со воведувањето на брендот на „Т-хоум“, преземен од германскиот сопственик „Дојче телеком“, се најавуваат и нови услуги и ребаланс на цените.

Меѓу новите пакети услуги се рамна понуда, што значи претплата со многу прифатлива цена, сите телефонски повици по 19 часот и по 8 часот наутро ќе бидат бесплатни и ќе бидат вклучени во цената. Наедно се најавуваат услуги со Воип-системот, развивање брзина на Итернетот, а на крајот од оваа година се очекува и воведување Интернет-телевизија.

Поевтинување на интерконекцијата се очекува од 1 јуни. (А.С.)

ПОЧНА ДА РАБОТИ ВТОРИОТ ФИКСЕН ОПЕРАТОР

Телекомуникацискиот оператор „Онтел“ од вчера почна да нуди услуги во фиксната телефонија со месечна претплата од 990 денари. Во  овој пакет се вклучени 300 бесплатни минути разговор кон броеви на „Македонски телеком“, бесплатен приклучок и неограничени локални разговори во мрежата на „Онтел“.По искористувањето на бесплатните минути кон телекомот, разговорите ќе чинат 0,8 денари за минута. Од „Онтел“ соопштија дека цените на разговорите кон мобилната телефонија ќе бидат пониски за 15 до 20 отсто, а националните и меѓународните разговори ќе бидат поевтини до 60 отсто во споредба со тие на „Македонски телеком“. Минута разговор кон мобилните мрежи ќе чини 8,5 денари, а кон првата зона во странство шест денари. Телеком наплаќа 9,9 денари за мобилни разговори, а 12, 8 денари кон странство. Сите цени се без пресметан ДДВ од 18 отсто. Вториот фиксен оператор бара Агенцијата за електронски комуникации и Комисијата за заштита на конкуренцијата да преземат мерки за регулација на интерконекциските цени за граѓаните да добијат вистинска либерализација на телекомуникацискиот пазар. Силно ќе притискаме тие што поскоро да ги регулираат големопродажбените цени што ги нуди телекомот. Апсурдно е големопродажбените цени да се поголеми од малопродажбените. Со тоа телекомот директно ја спречува конкуренцијата и може да се казни со седум до десет отсто од вкупниот приход бидејќи ја злоупотребува доминантната позиција на пазарот - вели Предраг Чемерикиќ, директор на „Онтел“.Раководството на „Онтел“ истакна дека свесно почнуваат да работат со загуба, а очекуваат до есенва да се создадат фер услови за работа. Месечната претплата на „Македонски телеком“ е 400 денари. За да ја користиме нивната жица бараат да им плаќаме по 582 денари за корисник. Уште поапсурдно е што телекомот наплаќа по 1.200 денари за инсталација на телефон во нов стан. Кога „Он.нет“ ја бара веќе поставената жица за свој корисник, нам ни наплаќаат 3.500 денари - рече Чемерикиќ.„Онтел“ ќе функционира како посебен бренд во рамките на интернет-провајдерот „Он.нет“, кој од 2006 година е сопственост на групацијата „Телеком Словенија“.Услугите на вториот фиксен оператор на почеток ќе може да ги користат само граѓаните во Скопје. Според Чемерикиќ, високите цени за интерконекција и за пристап до централите на „Македонски телеком“ се пречка за да услугите бидат достапни и во другите градови. Пазарот на фиксната телефонија, иако законски е либерализиран од пред неколку години, во пракса е монополизиран. Граѓаните досега немаа можност да избираат алтернативен оператор.

(М.Б.)

http://www.netpress.com.mk/vestiimages/29967/cabletel.gif">

Кејблтел стартува со дигитална телевизија и трипл плеј пакети. Во тек е тест период на сигналот на дигиталната телевизија на терен, а тоа ќе биде направено врз неколку корисници на неколку места, изјави маркетинг директорот на Кејблтел, Горан Поповски.

Од јуни се очекува Кејблтел и официјално да стартува со дигитална телевизија со продажба на основен пакет со 44 телевизиски канали и плус по избор уште неколку канали со филмска, детска, спортска и програма за возрасни. Досегашните анлаогни канали остануваат во употреба.

Кејблтел има 150 километри кабелска оптична мрежа, а во тек е модернизација на мрежата во Куманово, Велес и Тетово. Од следниот месец пак, Кејблтел ќе го има и во Штип.

Другата новина е во интернет услугите, каде што има најсовремена циско опрема со која ќе се добие интернет со неограничен брзина, со сто и повеќе мегабита.

Од септември треба да прoфункционира и интернет телефонија и телевизија по цена од 1.200 денари. Кејблтел денеска, на својот прв роденден објави дека досега во Македонија имаат инвестирано 15,5 милиони евра во најсовремена циско опрема за зголемување на квалитетот на интернет услугите. Досега имаат вработено 305 луѓе, а до крајот на годинава и почетокот на 2009 година планирани се инвестиции од дополнителни 20 милиони евра.

http://www.netpress.com.mk/vestiimages/29997/Nov-Operator-logo.jpg">

Оперативната загуба за првиот квартал од 2008 година на Вип, третиот мобилен оператор во Македонија изнесува 6.9 милиони евра. Според официјалниот извештај од Мобилком Австрија, од Вип велат дека нивните приходи во првите четири месеци од годинава изнесуваат 1.8 милиони евра, додека трошоците од започнувањето на работењето резултирале со негатива од 6 милиони евра.

Вип започна со работа во септември 2007. На крајот на првиот квартал од 2008 имаше 163,300 корисници и 8,1 отсто пазарен удел.

Македонски телеком воведува нови модерни услуги кои се во согласност со свтеските телекомуникациски стандарди, објави компанијата.

Станува збор за нов тарифен модел - кал комфорт, кој за фиксна месечна доплата од 199 денари озвозможува неограничени локални и национални разговори во рамките на мрежата на Македонски телеком. Ова значи дека во периодот од 19 часот до 8 часот наутро корисниците ќе имаат бесплатни разговори.

Следува уште еден пакет - офис комфорт кој е креиран за телекомуникациските потреби на малите претпријатија. Тој нуди можност за рационализација на телекомуникациските трошоци на малите и средни претпријатија преку вклучување на дури 400 бесплатни минути за разговори во рамките на мрежата на Телеком, бесплатни разговори меѓу интерните линии на претплатниците, како и попусти кои достигаат до 20 отсто.

Се воведува и клубот на пријатели во кој може да членуваат резидентни пост-пејд корисници на Македонски телеком. Членството вклучува добивање на членски картички по барање на корисниците, на која се собираат поени. Поените може да се користат за добивање производи од продавниците на Македонски телеком.

Денес Вип оператор и Водафон, светски водечката интернационална комуникациска група, кој во моментот брои преку 520 милиони членови низ целиот свет, официјално го преставија нивното стратешко партнерство.

Во Македонија Водафон ќе работи ексклузивно со Вип оператор. Првиот бенефит за македонските граѓани од ова стратешко партнерство е воведувањето на Блек Бери од Водафон решението за првпат  на македонскиот пазар, изјавиа од Вип.

Марио Цвитковиќ главен маркетинг директор на Вип оператор изјави дека “Блек бери телефоните се стилизирани и иновативни комуникациски оператори кои комбинираат глас, е-меил, пребарување на интернет и податочни апликации.

Како резултат на нашето стратешко партнерство со Водафон и мобилком австрија групацијата, оваа е првпат македонскиот пазар да има пристап до овие продукти  и услуги. Веруваме дека оваа услуга ќе му донесе на корисниците нови и возбудливи начини на комуникација”.

Никола Љушев главен извршен директор на Вип операторот додаде дека македонските корисници сега можат да уживаат во најдоброто од светот  на Вип и Водафон.

“Телекумуникациските услуги на Балканскиот регион бележат рапиден раст а ни преставува задоволство што Водафон сега е во можност да влезе на уште еден Балкански пазар. Партнерството со Водафон ќе осигура дека целосниот асортман на интернационалните стандардни продукти и услуги конечно ќе бидат достапни, заедно со уникантните локални услуги за корисниците на Вип оператор”, изјави Штефан Ваил сениор менаџер за партнерски пазари на Водафон.

Водафон имаше над 250 милиони корисници на крајот на 2007 година и дирекни инвестиции во 25 земји на пет континенти. Водафон е присутен на 41 партнерски пазар со 270 милиони корисници во над 60 земји низ светот.

Во подземните коридори на улиците во македонската метропола се инсталира подземна оптичка мрежа. Деновиве, оптички кабли се поставуваат на улицата Македонија. Со воспоставување на оптичка мрежа се овожможува многу брз пренос на сите видови информации.
Неодамна, светските медиуми објавија дека најголемата брзина преку оптички кабел на сите времиња "ја извозила" една јапонска компанија која постигнала трансфер од еден терабит во секунда, што е 100 пати побрзо од постоечките технологии за пренос на податоци. Станува збор за компанија која е втора по големина во електро дистрибуција во Јапонија која не соопштува кога ќе ја пушти својата услуга за комерцијална употреба. Се проценува дека тоа нема да се случи пред 2010 година.

Вип оператор го зголемува бројот на претплатниците и пазарниот удел на мобилниот пазар во Македонија. Според финансиските резултати за првата половина од годинава што вчера ги објави Групацијата на Телеком Австрија во чија сопственост е третиот мобилен оператор во земјава, тој имал 209.200 корисници. Тоа значи дека за само три месеци, Вип придобил нови 45.900 корисници.
Според извештајот на Телеком Австрија, третиот мобилен оператор во РМ имаше пазарен удел од 9,9 проценти на крајот на вториот квартал од годинава кога стапката на пенетрација во земјава изнесуваше 103,8 отсто.
За половина година приходите на Вип оператор изнесуваа 2,5 милиони евра, но затоа пак, компанијата генерираше загуба во добивката пред оданочување од 5,2 милиони евра, како и оперативна загуба од 6,1 милиони евра.

Нема да дозволиме создавање нов монопол во Македонија, тврди претседателот на Комисијата за заштита на конкуренцијата, Чедомир Кралевски, но не објаснува како ќе ја спречи инсталацијата на „Дојче телеком“ со двата свои мобилни оператори на македонскиот пазар. Членови од раководството на „Дојче телеком“ вчера беа во Скопје за да ја достават документацијата за нивното преземање на грчкиот оператор ОТЕ. Комисијата има рок од 90 дена да се изјасни дали по преземањето на ОТЕ од „Дојче телеком“, оваа компанија има целосна доминација во мобилната телефонија во земјава. „Дојче телеком“ го поседува „Ти-мобајл“, а од неодамна преку ОТЕ го поседува и „Космофон“. Овие два оператора заедно држат 90 проценти од пазарот. Законот вели монопол е се над 40 проценти. - Наша задача е да спречиме создавање монопол - изјави Кралевски. Во Законот за заштита на конкуренцијата стои дека монопол може да се појави ако одредена фирма има контрола на повеќе од 40 проценти од клиентите и услугите, но за да се утврди монополска позиција и за да се реагира, треба да се проверат дополнителни критериуми. Според изјавата на Кралевски, но и според определбата на власта за демонополизација на најважните дејности, може да се очекува дека „Дојче телеком“ нема да успее во намерата да се инсталира на македонскиот пазар како силен монопол. Едно од решенијата на кое може да биде принудена германската компанија е продажба на „Космофон“. Според информациите на „Време“ за овој оператор интерес пројавуваат третиот оператор ВИП и словенечкиот „Телеком“.

Сите фиксни и мобилни оператори се подготвени од понеделник да ја овозможат услугата преносливост на броеви, што практично значи можност независно од операторот да се задржи телефонскиот број, информираат од Агенцијата за електронски комуникации (АЕК). - Операторите извршија тестирање на услугата, се поврзаа меѓу себе и со централната база на податоци. За оваа услуга, освен „Он-тел“, тие ќе наплаќаат од корисниците. Ако цената не биде соодветна, постои можност од регулирана цена - вели Виолета Цветковска, портпарол на АЕК. Услугата преносливост на броеви му овозможува на одреден корисник на мобилна или на фиксна телефонија да се префрли на друга мрежа и притоа ќе може да си го задржи постојниот број, без разлика дали тој почнува со 070/071, 075/076 или со 077/078. Се очекува дека со воведувањето на оваа услуга значително ќе се зајакне конкуренцијата на телекомуникацискиот пазар, а операторите ќе бидат принудени со нови квалитетни и поевтини услуги да ги задржуваат постојните претплатници.