Пречистителната станица во Трубарево ќе чини 95 млн. евра

Загадувањето на Вардар, доколку не се реализира овој проект, до 2020 година ќе се зголеми за три пати

Се предвидува по течението на Вардар да се изградат четири пречистителни станици

Изградбата на пречистителната станица за отпадни води во Трубарево и дневното управување со неа би чинело околу 95 милиони евра, превидува Студијата за управување со отпадни води во Скопје. Документот, кој се изработува со донација од јапонската влада, а го изготвува тим на јапонската Агенција за меѓународна соработка - Џајка, предвидува изградба на четири пречистителни станици во Скопје - сите по течението на Вардар: Централната ќе биде во Трубарево, а другите три во Сарај, Ѓорче Петров и во Драчево. Објектот во Сарај би чинел 13,5 милиони евра, во Ѓорче Петров 400 илјади евра, а во Драчево 3,5 милиони евра. Според податоците во студијата, за изградба на станицата во Трубарево се потребни 35 хектари слободно земјиште, од кое 15 хектари ќе се намени за лоцирање на сушилниците. За јапонскиот тим просторот не е проблем, бидејќи веќе е обезбеден и внесен во урбанистичките планови. За потребите на пречистителната станица треба да се изградат и два колектора, по должината на левиот и десниот брег на Вардар, почнувајќи од мостот „Близнак“.

„Вардар е најголем реципиент на отпадна вода во Скопје и околината поради што и оваа студија е од огромно значење. Познат е фактот дека само 17 проценти од општините во Македонија имаат адекватен третман на отпадните води“, истакна Миле Јакимовски од Управата за животна средина, на вчерашната презентација на студијата.

Јапонските експерти изработката на документот ќе ја завршат за една година, кога ќе започне втората фаза на аплицирање во фондовите за обезбедување на потребните финансии за изградбата. Според предвидувањата, доколку не се реализира овој проект до 2020 година, загадувањето на Вардар ќе се зголеми за три пати. (С.Н.)

Словенечки „Рико“ ќе гради пречистителна станица во Волково

Системот за пречистување ќе биде идентичен на оној во општината Трбовле во Словенија

Деспина Трајковска

За најмногу две години во Волково ќе биде изградена пречистителна станица која ќе ги прифаќа отпадните фекални води од Волково, Стопански Двор и од Кисела Јабука и потоа пречистени ќе ги испушта во реката Лепенец. Словенечки „Рико“, кој ја доби довербата да го изгради пречистителниот систем, очекува за десетина дена да заврши постапката на експропријација на дел од земјиштето каде што ќе се гради објектот. Пречистителната станица во Волково ќе работи на идентичен принцип како системот за прочистување кој неодамна е изграден во општина Трбовле во Словенија, проект изведен од „Рико“.

Андреј Иванц, раководител на еколошкиот сектор во компанијата, објасни дека пречистителниот систем во Волково ќе се разликува од тој во Трбовле единствено по бројот на изведени базени. Словенечкиот пречистителен систем има четири базени, а за потребите на системот во Волково ќе се изведат два базена.

„Разликата во бројот на базени е поради природата на теренот. Локацијата во Волково е пространа и доволно ќе биде да се изведат два пошироки базена, додека кај нас, тоа го изведовме со четири потесни базени, поради ограничената широчина на теренот. Останатиот принцип на работа, од прифаќање на водите до нивно испуштање ќе биде речиси идентичен. Ќе биде имплементирана СБР-техника, една од најсовремените, која истовремено ги исполнува и европските еколошки стандарди. Пречистителната станица во Волково ќе има капацитет од околу 20.000 еквиваленти“, објасни Иванц, кој по посетата на пречистителниот систем во Трбовле истакна дека системот неодамна е пуштен во употреба и се наоѓа на шестмесечен тест-период. Три месеци, пак, ќе бидат потребни за процесот на пречистување да ги даде првичните очекувани резултати.

Иванц додаде дека не очекува никакви проблеми при изведбата на проектот во Волково оти, како што истакна, „Рико“ како изведувач на системот има одлична соработка со надлежните во Македонија. Како доказ за тоа е и донацијата од 1,5 милион евра за пречистителниот систем во Волково од Владата на Словенија. Останатите средства за проектот, кој вкупно чини 5,5 милиони евра, се обезбедени од Министерството за животна средина и просторно планирање.

Соња Лепиткова, заменик-министер во МЖСПП, вчера изјави дека очекува експропријацијата на земјиштето во Волково да заврши за десетина дена, по што на изведувачот ќе му се отстапи теренот за работа.

„По завршувањето на експропријацијата Словенците веднаш ќе стартуваат со работа, со испитување на терен, со изработка на основен проект, обезбедување градежна дозвола. Планирано е проектот да биде целосно готов за две години“, изјави Лепиткова и објасни дека со изградбата на системот ќе се заштитат од загадување подземните води, со што автоматски ќе се гарантира и исправност на водата за пиење од бунарите кај Лепенец. Според Лепиткова, изградбата на оваа станица и планираните пречистителни станици во Сарај, ќе создадат услови за изградба на предвидените каскади во Вардар.

Со изградба на каскади, кои треба да го задржат поголемо нивото на водата во летните месеци, градските власти планираат да му дадат нов естетски изглед на Вардар. Проектот каскадни прегради, вклучен во програмата на градоначалникот Коце Трајановски, е замислен за да го реши проблемот со фекалните води, кои ја загадуваат реката. Според објаснувањата од надлежните, каскадите се, всушност, последниот дел од проектот, а претходно треба да се изгради канализација во руралниот дел на општина Ѓорче Петров и да се направат две прочистителни станици, едната во оваа општина, а другата во Сарај. Во Министерството за транспорт и врски, од каде што се префрлаат парите за проектот, велат дека со последниот ребаланс на буџетот се одобрени 60 милиони денари, односно околу еден милион евра за изградба на канализација во општина Ѓорче Петров. - Станува збор за руралниот дел од општината каде што воопшто нема никаква канализација. Тоа се населените места Кисела Јабука, Стопански Двор, Волково, Пржина, поточно од железничката станица во Волково до вливот на Лепенец во Вардар. Мрежата треба да е во должина од вкупно 60 километри и е проценато дека ќе чини 12 милиони евра, а заедно со неа треба да се изгради и прочистителни станица и“објасни Сокол Митровски, градоначалник на општина Ѓорче Петров. Во општината велат дека за пречистителната станица, која е проект на Министерството за животна средина, веќе е избран изведувач, словенечка фирма, а изградбата чини околу шест милиони евра. - Идејата е прво да се исчисти водата на Вардар, а дури потоа да се постават преградите, во централното градско подрачје. Со изградбата на фекалната канализација ќе се овозможи подобар третман на водите на Вардар и тие да бидат од втора или од трета категорија, а воедно и ќе се заштитат бунарите Нерези - Лепенец од кои Скопје се снабдува со питка вода и“додава Митровски. Во град Скопје велат дека се уште немаат информации за димензиите на преградите и како ќе се поставуваат, затоа што проектот се уште само се разгледувал. - Прво треба да се изгради колектор и да се доврши канализациската мрежа. Кога ќе се тргнат отпадните води ќе може да се направат каскадите. Со нив ќе се зголеми нивото на Вардар, водата повеќе ќе се задржува во коритото, затоа што нејзиниот тек ќе се забави. Но, не сме во фаза на, условно речено, проект за изведба, туку се уште го разгледуваме и“вели Неделчо Крстевски, портпаролот во град Скопје. Сегашната состојба со водата во Вардар покажува дека на некои мерни места таа е од втора или од трета категорија, но сепак, во летните месеци квалитетот се намалува и достигнува четврта или петта категорија.

Македонија и Грција заедно ќе го чистат Вардар

Сузана Тасева	http://www.a1.com.mk/vesti/default.aspx?VestID=116092#komentari - Коментари (0)

Македонија и Грција заедно ќе градат пречистителна станица на реката Вардар. Ова значи дека идејата стара четири години и практично почна да се реализира.

Проектот тежи околу десет милиони евра,а финансиски го поддржуваат владите на Македонија,Грција и Швајцарија.

„Значењето е огромно, затоа што знаеме тие се стандарди кои што ги пропишува Европската унија,а значи дека секоја вода која ќе биде пуштена во реките мора да биде минимум категорија иста како таа што е во реката“, рече Иван Франгов, градоначалник на Гевгелија.

Грција веќе испратила позитивен сигнал за учество во проектот.

„Ние веќе имавме официјална средба со претставници на грчката амбасада и претставници на грчката влада и тие ја потврдија поддршката,грантот што е доделен во 2005 година и понатамошната поддршка ни е искажана“, вели Неџати Јакупи министер за животна средина.

Градежните работи на брегот на Вардар веќе стартуваа со изградбата на колекторот за отпадни води до пречистителната станица.

Битола ќе добие колекторски систем

ПРИЛЕП - Прва општина во државава што ќе ги користи бенефитите на европските фондови е Прилеп. Шест милиони евра ќе бидат наменети за изградба на пречистителна станица за отпадни води. Овој проект, за чија целосна реализација се потребни 18 милиони евра, долго време се најавува и има огромно значење за решавање на градските комунални проблеми.

Она што се знае е дека идната година почнува изградба на пречистителната станица, завршува во наредните две, а дека најголем дел од инвестицијата, 12 милиони евра, ќе обезбеди државата.

Станува збор за прв проект со кој Министерството за животна средина конкурира пред европските фондови за развој. „Реализацијата овозможува пречистување на градската река и враќање на живиот свет, доизградба и реконструкција на канализационата мрежа.

Сите земјоделски култури кои во иднина ќе се произведуваат во прилепското поле ќе се наводнуваат со пречистена вода. Тие ќе бидат еколошки чисти, според сите стандарди, и ќе може да се извезуваат на пазарите во Европската унија“, истакнува градоначалникот Марјан Ристески.

Според информациите, пречистителната станица ќе биде комплетно автоматизирана, а во управувањето ќе бидат ангажирани само десетина работници.

„Со пречистителната станица ќе раководи ЈП ‘Водовод и канализација‘. Уште сега почнуваат подготовки за едуцирање на техничките кадри“, додава Ристески. (Мн.Т.)

Ќе се градат шест пречистителни станици

Фосфорот ќе го претвори Охридско во мочуриште

Пештани конечно доби колектор

Нина Кепеска	http://a1.com.mk/vesti/default.aspx?VestID=123857#komentari - Коментари (0)   javascript:otvoriVideoPrilog%2810/nina-kolektor-03-06,%20123857%29">

20 години од почетокот на изградбата на пречистителниот систем за третман на фекалните отпадни води околу Охридското езеро, туристичкото село Пештани конечно доби колектор.

Денес во пробна работа беа пуштени две пумпни станици кај Пештани и Елешец, со кои се опфати и овој крајбрежен дел со над две илјади домаќинства во колекторскиот систем за заштита на Охридското Езеро од загадување.

„Со ова се решава најголемиот проблем во Пештани, со што ова село сега е место каде секој што ќе посака, слободно може да дојде. Тука нема да остане ниту една септичка јама, тие се заменуваат со секундарна канализациска мрежа, што се приклучува на колекторскиот систем, а јамите исчезнуваат“, вели Сандре Нечоски, претседател на Месната Заедница Пештани.

Колекторот во Охридскиот дел на езерото е изграден во најголема мера со средства на општината, а градската власт најави дека до идното лето ќе најде начин да обезбеди колекторски систем и на најпосетениот потег од Пештани до Свети Наум.

Со овој зафат не се решава проблемот на Пештанци со надојдените подземни и дождовни води што зимата ги поплавија нивните домови. Градоначалникот Петрески повторно ја обвини власта и ЕЛЕМ за штетното стопанисување со Охридското Езеро, за екстра профит од електраните.

„Колку и да правиме, и дождовна и атмосферска канализација, доколку се држи ова ниво на езерото, секогаш ќе имаме поплави со подземните води. Напоменувам дека и во овој период, езерото е сигурно 18 сантиметри над максимално дозволената граница.

- Некој за тоа треба да одговара. За мене ова е најголем криминал на деценијата што е направен кон Охрид, Охридското Езеро и воопшто во Македонија“, вели Охридскиот градоначалник Александар Петрески, кој најави тужби против одговорните кои според него Охридското Езеро го третираат како вештачка акумулација, наместо како светско природно наследство.

http://a1.com.mk/vesti/default.aspx?VestID=123857

Два милиони евра од Грција за пречестителна станица кај Гевгелија

Сузана Тасева	http://www.a1.com.mk/vesti/default.aspx?VestID=129914#komentari - Коментари (0)

Грција го одврза кесето ќе учествува во чистењето на реката Вардар, два милиони евра е нејзиниот придонес во проектот тежок 9,6 милиони евра, за изградба на пречестителна станица кај Гевгелија.

Освен неа 6,8 милиони евра донира Швајцарската Влада, останатите ги обезбеди Македонија.

„Добро е што ќе се искористат сретствата од донаторите затоа што со правилниците за испуштање на води во реките мора да се испушти вода со најмалку ист квалитет од тој што е водата во реката, ако тоа не го искористиме сега после некое време мораме да ги исполниме европските норми и ќе треба да обезбедуваме сами сретства за да ја изградиме таа пречестителна станица“, рече Иван Франгов, градоначалник на Гевгелија.

Пречестителната станица ќе почне да се гради идната година, тогаш ќе се гради таква станица и во Струмица, но за неа Грција не го даде грантот во висина од 4,8 милиони евра преку програмата за реконструкција на балканот, поради спорот со името.

Сега 9,8 милиони евра за неа се обезбедени од Европската унија преку ИПАРД компонентата за заштита на животната средина.

Природно ѓубриво и брикети од охридскиот колектор

Природно ѓубриво и брикети за огрев ќе се произведуваат од талогот на водата кој останува во колекторот на Охридското Езеро. Ова го овозможува пресата за преработка на талог инсталирана во новиот објект на пречистителната станица во Враништа, кој беше пуштен во употреба вчера.

Оваа современа машина е дел од проектот за рехабилитација на пумпните станици на колекторскиот систем Охрид - Исток, финансиран од швајцарската фондација СЕКО.

Од донацијата од СЕКО од милион евра, „Проаква“ отвори и нов наплатен центар во Струга. (Е.Е.)

РЕАЛИЗАЦИЈА НА КАПИТАЛЕН ЕКОЛОШКИ ПРОЕКТ

Почна изградбата на пречистителна станица во Волково

Свеченото пуштање во употреба го извршија премиерот Никола Груевски, министерот за животна средина, Неџати Јакупи, и нивниот домаќин, градоначалникот на Општина Ѓорче Петров, Сокол Митровски

Покрај долниот тек на Лепенец, во близина на сливот во Вардар кај селото Волково, вчера почна изградбата на пречистителна станица за отпадните води од селата Кучевиште, Орман, Волково и Ново село. Со пречистителната станица ќе се заштитат водите на двете реки, но и подземните води, почвата и аграрното производство во поширокиот регион. Капацитетот е за 19.500 жители и таа треба да профункционира најдоцна до мај 2012 година.

Овој капитален проект, кој чини околу 5,8 милиони евра, ќе го финанисира Владата преку Министерството за животна средина, со помош на Центарот за меѓународна соработка и развој од Словенија, кој ќе донира 30 отсто од вредноста. Комплетната реализација од изготвување на проект до обука на персоналот кој ќе работи на станицата ќе ја врши словенечката фирма Рико инженеринг", која беше избрана на меѓународен тендер.

Свеченото пуштање во употреба го извршија премиерот Никола Груевски, министерот за животна средина, Неџати Јакупи, и нивниот домаќин, градоначалникот на Општина Ѓорче Петров, Сокол Митровски.

Во изминативе години во овој реон беше изграден колекторскиот систем и фекална канализација па пречистителната станица претставува финале на целокупниот проект за третман на отпадните води во овој дел.

Од Министерството за животна средина велат дека пречистителна станица за отпадни води ќе има голем еколошки бенефит, бидејќи се затвораат 6000 септички јами кои во моментов се потенцијална опасност за загадување на почвата и подземните води. Особено поради тоа што се наоѓаат во близина на бунарскиот систем на Лепенец, кој е дополна на скопскиот систем за водоснабдување од Рашче.

Шест компании се пријавија на тендерот за изградба на Пречистителна станица во Гевгелија

Гевгелија, 16. декември 2010 (ИНПРЕС)

Во општина Гевгелија се одржа презентација на ЈПКД „Комуналец" и условите за реализација на проектот за изградба на Пречистителна станица пред фирмите кои аплицираа на меѓународниот тендер.

На меѓународниот тендер се јавија шест компании, кои заради подготвување на конечната понуда пројавија интерес, во рамките на првата фаза од тендерската постапка да бидат запознаени со условите за реализација на проектот.

Пред се, работата и функционирањето на јавното комунално претпријатие, како и предвидената локација за изградба на Пречистителната станица кај реката Вардар.

Инаку, изградбата на пречистителна станица ќе чини 9,6 милиони евра, а средствата ќе ги обезбедат Владите на Швајцарија, Грција и Македонија.

Општина Гевгелија, во рамките на своите обврски, започна со изградбата на доводен колектор од Гевгелија до Пречистителната станица, која е во тек.

Швајцарци ќе градат пречистителна во Гевгелија

На меѓународниот тендер за изградба на пречистителна станица во Гевгелија се јавија четири швајцарски фирми. Во наредните шест недели, од доставените понуди до ЈПКД „Комуналец“ ќе биде избрана најповолната понуда на фирмата која ќе го реализира проектот.

Договорот за изградба на пречистителната станица е вреден 9,6 милиони евра, а најголем дел од парите е обезбеден токму од Швајцарија, а помал дел од Грција и Македонија. Општина Гевгелија веќе реализира дел од своите обврски со изградбата на колектор до пречистителната станица, која ќе биде лоцирана до брегот на реката Вардар. (Р.Т.)

Во Горно Лисиче поставен камен-темелник за изградба на колектор за отпадни води

ЗАШТИТА НА ОХРИДСKОТО ЕЗЕРО ОД ОТПАДНИ ВОДИ

Физибилити-студија за доградба на колекторот

Целта на овој проект е да се дефинираат и понудат најповолните технички и економско-финансиски решенија кои потоа би послужиле за понатамошна реализација

Решенија за одведување на отпадните води во постојниот колекторски систем на Охридското Езеро или нивно локално пречистување во населените места Трпејца, Љубаништа, автокампот „Градиште“ и туристичкиот комплекс Свети Наум ќе даде физибилити-студијата за одведување и третман на отпадни води што ја изготви Центарот за развој на Југозападниот плански регион.

- Целта на овој проект е да се намали деградацијата на квалитетот на водата во Охридското Езеро, особено да се дефинираат и понудат најповолните технички и економско-финансиски решенија кои потоа би послужиле како основа за понатамошна реализација на проектот, преку изработка на детаљна техничка документација со основен проект и изведба на самиот систем - вели Мирјана Лозаноска, раководител на Центарот за развој на Југозападниот плански регион.

Таа нагласи дека уште при утврдувањето на техничката спецификација во тендерската постапка било инсистирано да се дефинираат решенија што ќе може да се изведуваат во фази.

- Причина за таквиот пристап е што за изградба на целокупниот систем, независно од одбраната алтернатива, односно дали ќе се избере централизиран проект со приклучување кон постоен систем или преку изградба на целосно нови капацитети се обезбедени 2 милиона евра. Поради тоа баравме посебни целини, за да се почне од најжешките точки, нивно решавање, а потоа да се оди на комплетна изградба на системот - додаде Лозаноска. 

Изработувачи на проектот за решавање на проблемот со отпадни води на овој дел од охридското крајбрежје се фирмите „Хидроенерго инженеринг” и „Поинтпро” од Скопје. 

Студијата ќе биде преведена и на англиски јазик, со цел материјалот да се користи како аргумент или базичен документ за обезбедување средства од странски донатори, особено можностите што ги нуди третата компонента на ИПА-фондовите наменети за регионален развој. (Е.М.)

Прилеп ќе гради пречистителна станица

Проектот е вреден 20 милиони евра, а парите се обезбедени од европските претпристапни фондови

Моника Талеска


Прилеп - Градот под Марковите кули конечно ќе добие пречистителна станица со европски пари. Договорот за тоа е веќе потпишан, а следната година се очекува ефектуирање на дел од 20-те милиони евра кои треба да бидат инвестирани во изградба на овој објект за пречистување на отпадните води. Најдоцна за три години и водите од Градска Река ќе бидат пречистени, а земјоделските култури ќе почнат да се полеваат со чиста вода со што ќе ги исполнуваат сите екостандарди за извоз во земјите на ЕУ.

Ако реализацијата тече непречено и општина Прилеп ќе почне со уредување на коритото на Градска Река. А, дотогаш градот треба да ги ефектуира и преостанатите подбенефити од најголемата донација од ЕУ.

„Пречистителната станица ќе обезбеди целосен третман на отпадните води од фекалната и атмосферска канализација кои сега се впиваат во градот и околината. Проектот стартуваше пред три години со една физибилити-студија во која беа вклучени многу стручњаци по препорака од ЕУ и во соработка со „Водовод и канализација“ и локалната самоуправа. Инвестиравме половина милион евра во изработка на студијата и исто толку пари беа вложени во изработка на проектот со кој конкуриравме во претпристапните фондови на ЕУ“, истакнува градоначалникот на Прилеп, Марјан Ристески.

Договорот сега е финализиран. Проектот е во вредност од 20 милиони евра и ќе се работи во две фази, со цел да се постигне комплетен третман на отпадните води и изградба на современа пречистителна станица.

„Во првата фаза се обезбедени 14,5 милиони евра, директно како донација од ЕУ, а преостанатите пари ќе бидат обезбедени од државниот буџет. Ако проектот заврши успешно, ќе има дополнување со доизградба на колекторски систем и менување на канализациската мрежа во градот. Ова дополнување вредно 10 милиони евра реално би почнало во 2014 година и тоа е втората фаза“, додава Ристески.

Министерствата за финансии, за транспорт и врски, за животна средина и локалната самоуправа го потпишаа договорот со ЕУ, кој практично ќе почне да се имплементира во 2012 година. А, бенефитите од неговата реализација се многустрани.

„Градска Река е загадена од 5. степен во моментов. Со пречистителната станица ќе добиеме чиста река, зашто ќе се пречистуваат сите отпадни води. Бидејќи реката минува низ Прилепско Поле, кое е една од најплодните рамници во Македонија, и земјоделските култури во иднина ќе се полеваат со чиста вода, а не како досега со загадената вода од реката. Со тоа што земјоделските производи ќе ги исполнуваат сите еколошки стандарди, големи бенефити ќе имаат и прилепските земјоделци, зашто ќе може да извезуваат на европските пазари. Од друга страна, пак, со оглед на тоа што Црна Река врви низ Мариово, кое е најчист предел во Македонија, по изградбата на Чебрен и Галиште квалитетот на водата ќе биде на многу високо ниво, па и Мариово ќе биде многу поволно за одгледување земјоделски култури“, истакнува градоначалникот Ристески и ветува дека по успешната реализација на овој проект, општина Прилеп ќе почне со уредување на речното корито.

Вардар ќе добие пречистителна станица од 100 милиони евра

По цел десен брег на реката Вардар ќе се гради колектор за прифаќање отпадни води, беше усвоено на последната седница на Советот на Скопје. Реализацијата, како што објаснуваат надлежните од Градот, е неопходен чекор за изградба на главната пречистителна станица во метрополата, со што треба да се реши прашањето со овој горлив проблем.

Целиот систем за управување со отпадните води што се излеваат во Вардар, освен колекторскиот систем и централната пречистителна станица во Трубарево, ќе опфати и помали пречистителни станици кај Волково, Сарај и кај Драчево. Во врска со отребните пари, вкупно 100 милиони евра, предвидено е Градот да обезбеди 40 отсто од вкупната инвестиција, а 25 отсто ќе пристигнат од Министерството за финансии. За преостанатите средства, локалната власт во соработка со Министерството за транспорт и врски ќе аплицира преку програмата на Европската унија - ОРИО.

Според предвидувањата на експертите, ако овој проект не се реализира до 2020 година, загадувањето на Вардар ќе се зголеми трипати.

http://ohridpress.com.mk/%D0%BEch%D1%80id/%D1%98%D0%B0p%D0%BEn%D1%81ki-%D0%B5k%D1%81p%D0%B5%D1%80ti-gi-i%D1%81t%D1%80%D0%B0zhuv%D0%B0%D0%B0t-p%D0%BEt%D1%80%D0%B5bit%D0%B5-n%D0%B0-k%D0%BEl%D0%B5kt%D0%BE%D1%80%D1%81ki%D0%BEt-%D1%81i%D1%81t%D0%B5m - Јапонски експерти ги истражуваат потребите на колекторскиот систем

Во Охрид престојува мисија на експерти ангажирани преку Јапонската Агенција за меѓународна соработка со што продолжува планирачкиот процес од аспект на управувањето со отпадните води.

Оваа мисија е продолжение на активностите поврзани со можното јапонско финансирање на реконструкција и комплетирање на колекторскиот систем на Охридското Езеро.

Како што е познато во договор помеѓу Владите на Република Македонија и Јапонија, јапонската влада изрази подготвеност за одвојување на финансиска помош за еколошки проекти во Македонија меѓу кои е проектот за изработка на физибилити студија за реконструкција и довршување на колекторскиот систем околу Охридско Езеро по што со донаторски средства би се влегло во процес на реализација.

- После предходната мисија и после нашиот одговор и изготвената проектна задача се продолжува со оваа едномесечна мисија која сега има за цел детализирање на потребите на системот околу Езерото со цел конечно утврдување на параметрите и висината на евентуалните средства за изговување на физибилити студијата за реконструкција и довршување на колекторскиот систем. Изодевме доста пат и доста работа и би било одлично за заштитата на Езерото да влеземе во конкретно изготвување на потребната и барана Физибилити студија која ќе биде основа за донаторски интерес, вели Дејан Пановски од министерството за животна средина и просторно планирање.

Мисијата на јапонските експерти ќе работи еден месец во Охрид заедно со сите надлежни институции од областа на заштитата на езерото. Низ овој долг и детален процес на истражување на потребите треба да се утврдат параметри и модели за финансирањето од страна на Јапонцитеи потоа на политичко ниво да се утврди финансиската помош за проектната задача.

Супер радио

Десет милиони евра за колекторскиот систем на Охридско Езеро

Средствата ги обезбедува јапонската влада за довршување на колекторот и за подигнување на капацитетот на пречистителната станица во Враништа

Охрид - Десет милиони евра што ги дава јапонската Влада како финансиска поддршка ќе бидат искористени за рехабилитација и довршување на втората фаза на колекторскиот систем за отпадни води околу Охридско Езеро и за подигнување на капацитетот на пречистителната станица во Враништа кај Струга. Мисија на Јапонската агенција за меѓународна соработка (ЈИЦА), во чиј состав се јапонскиот експерт за води Хироко Камата и претставникот на Балканската канцеларија на ЈИЦА, Тору Огура, ја скенираа состојбата на колекторскиот систем и влијанието врз квалитетот на водите во езерото. Мисијата оствари средби со градоначалниците на двете локални самоуправи, со менаџерските тимови на „Проаква“ и „Нискоградба“, со тимот од РЕ „Колектор“ од Струга и со тимовите од институциите кои вршат мониторинг врз квалитетот на водите на езерото и притоките, а ја посети и пречистителната станица во Враништа. 

ЈИЦА достави информација до надлежните во Македонија околу почнувањето на процесот за аплицирање пред јапонската Влада за одобрување на средствата за оваа намена. Македонската страна, пак, преку тим од Министерството за животна средина и просторно планирање подготви апликација за техничка и финансиска поддршка за изработка на физибилити- студија за рехабилитација и доизградба на колекторскиот систем на македонска страна и унапредување на пречистителната станица. Апликацијата ја достави до ЈИЦА, по што јапонски претставници дојдоа во Македонија со цел директно од терен да добијат релевантни информации за состојбата со колекторскиот систем и реалните потреби за негова функционалност. 

„Ги разгледавме сите аспекти на потребата за рехабилитација на колекторскиот систем околу Охридско Езеро, сите критични точки околу влијанието на подземните и атмосферските води врз системот и секако потребата за негово комплетирање на македонска страна. Овие елементи се всушност и нашите цели утврдени во апликацијата. Добро е што сите надлежни институции, пред се' ’Проаква‘ која управува со системот, се фокусирани на исти цели. Сите се подготвени заедно со јапонската агенција да ја почнат изработката на физибилити-студијата, а потоа и во процес на донаторска координација за инвестиции за нејзина имплементација. Секако, за сето ова ќе биде потребно време, но се надеваме на техничка и финансиска помош во согласност со постигнатиот политички договор на двете влади. Ова е ретко добра шанса на оваа генерација да ја осигура иднината на Охридско Езеро од аспект на загадување со отпадни води и тоа не би смеело да се пропушти“, вели Дејан Пановски од Одделението на МЖСПП, од Охрид. (В.М)

Охридско Езеро мора да се заштити целосно

Колекторскиот систем за заштита на Охридско Езеро од отпадни води е стасан до населбата Пештани

Охрид - Досегашното функционирање на колекторскиот систем за заштита на Охридско Езеро од отпадни води покажа одредени искуства и слабости што треба да се имаат предвид при проектирањето и изградбата на останатите делници од двете страни на езерото, и од македонска и од албанска. На пример, централизираното прочистување со единствена пречистителна станица се покажа како многу скапо решение, особено што се прифати варијантата на механички, а не на природен одвод. Оттаму, преостанатите делови, најверојатно, ќе се решаваат со уште неколку секундарни пречистителни станици. 

Кога во 80-тите години на минатиот век почна проектирањето, а подоцна и практичната реализација на колекторскиот систем, замислата беше околу целиот езерски брег да се изгради колекторски прстен со една пречистителна станица кај селото Враништа, во близина на Струга. Системот се градеше етапно и во овој момент е стасан до населбата Пештани. Од македонска страна останаа туристичкото место Трпејца, потоа селото, населбата со вили и автокампот „Љубаништа“, како и комплексот „Свети Наум“. 

Македонија сега ги забрзува работите и до крајот на годинава би требало да заврши изработката на физибилити-студија за одведување на отпадни води на потегот од „Градиште“ до „Свети Наум“. Студијата ќе ја работи „Хидро енерго инженеринг“ од Скопје, а со неа ќе бидат разработени неколку технички варијанти со решенија за одведување на отпадните води во постојниот колекторски систем или, пак, нивно локално пречистување во населените места Трпејца и Љубаништа, автокамповите „Градиште“ и „Свети Наум“ заедно со комплексот „Свети Наум“. 

Според стручњаците, најдобро е да се пристапи кон локално третирање на отпадните води со изградба на мали пречистителни станици. Ваквите решенија ќе бидат од корист и за локалното население, бидејќи ќе биде земен предвид критериумот за најниска цена што ќе треба да се плаќа за одржување на системите, оценуваат во Центарот за развој на Југозападниот плански регион. 

Физибилити студијата е дел од регионалните проекти кои Бирото за регионален развој му ги одобри на Центарот за 2010 година. Со тоа ќе се создадат можности Центарот за развој, заедно со локалните самоуправи од регионот да пристапат кон барање средства за изведба на систем кој ќе обезбеди квалитетна вода во заштитените зони на Охридско Езеро. 

Соодветно учество во проектот ќе има и локалната самоуправа од Охрид. (В.М)