Print Page | Close Window

Урбано дивјаштво

Printed From: build.mk
Category: Главни теми
Forum Name: Урбани прашања
Forum Discription: Урбанизам, урбана опрема, урбана мафија...
URL: http://www.build.mk/forum/forum_posts.asp?TID=70
Printed Date: 28-Mar-2024 at 11:14


Topic: Урбано дивјаштво
Posted By: pbanks
Subject: Урбано дивјаштво
Date Posted: 15-Oct-2007 at 22:20

Бидејќи ова не спаѓа во урбана мафија а не ми текнува соодветно име нека иде вака за сега

 
 



Replies:
Posted By: pbanks
Date Posted: 15-Oct-2007 at 22:20

СТАНАРИТЕ НА "ДАМЕ ГРУЕВ" СЕ ЖАЛАТ:


Дивоградби никнуваат пред очите на Аларова


Во строгиот центар на градов, во зграда 7 спроти ТЦЦ Плаза, пред 15-тина дена почнало бесправно заѕидување на вертикалата од блокот што гледа кон влез број 5, а никој од надлежните не презел никакви мерки


Станарите од зградата со број "7" на улицата Даме Груев во строгиот центар на градов, до кафулето "Фејс" се жалат дека на нивната зграда е изградена дивоградба, а никој од надлежните не презел никакви мерки. Нивниот сосед од станот број 15, на третиот кат пред 15-тина дена почнал бесправно да ја заѕидува вертикалата на блокот што гледа кон влез број 5, и покрај тоа што не добил нивна согласност. Стравуваат дека со затворањето на вертикалата, ќе се затворат и цевките за внатрешно проветрување. Истиот стан, има и дивоизграден балкон што гледа кон ТЦ Плаза.

- Куќниот совет веднаш реагираше. Пријавивме во Општина Центар, а потоа испративме и писмени барања за стопирање на изградбата. Но, колку што ми е мене познато, досега никој не дојде. Се сомневам и дека ќе дојдат. Кога толкави згради никнуваат пред очите на службите на градоначалничката Виолета Аларова, ова е ништо - се пожали еден од станарите во зградата.

Главниот градежен инспектор во Општина Центар, Милан Пижула, ги отфрли поплаките за неекспедитивност и неажурност упатени на нивна адреса. Тој тврдеше дека лично, неколкупати излегол на увид на посочената адреса, но не можел да констатира никакво прекршување на законот.

- Ние немаме ингеренции да стопираме изградба во внатрешноста на објектите. Ќе извршиме увид и денеска, па ако утврдиме дека навистина има нелегално доградување или се извршени некакви интервенции без наша дозвола, се разбира дека ќе донесеме решение за стопирање на градбата, а потоа и за уривање - тврди Пижула.
Центарот на градов е пребукиран со вакви или слични градби. Летово, потпокривот на Ристиќева палата на диво беше изграден стан од 50-тина квадрати за кој градежната инспекција на Општина Центар донела решение за уривање, но се уште не го спровела.

 
Извор: http://www.vecer.com.mk/?ItemID=2FD221BBC4B83142A2EE95322DC9BAFF - Вечер


Posted By: Cloverstack
Date Posted: 15-Oct-2007 at 23:20


Слични појави се веќе долго наша реалност, а многу малце се збори за тоа. Дури има и полошо од диви доградби. Кај мене во зградава во неколку станови се срушени носечки ѕидови (таква е зградава, без столбови, има неколку „носечки ѕидови“). Нормално после ослабување на зградите обавезно е доизградба на уште еден кат врз кровот Nuts

Не дај боже да удри некој посилен земјотрес, 90% од Скопје ќе се сруши, што од лоша градба (во поново време), а што од вакви „интервенции“. Кога ќе размислам подобро, треба да сме среќни што не се урнала некоја зграда и сама од себе Ohno





Posted By: Cloverstack
Date Posted: 31-Oct-2007 at 19:25
Еве уште нешто слично, повторно од интернет порталот на град Скопје. Текстот зборува и за диви тезги во центарот и за дивиот пазар на јужен булевар, а не само за блокатори и рампи како што пишува во насловот.

Ама овие акции не треба да се ретки и периодични. Во тој случај се најобичен пи-ар и театар. Нека се оди оштро додека не се се искоренат овие појави, после тоа  со поединечни инциденти полесно ке се справуваме. А треба да се оди и со парични казни кои не само што ќе делуваат превентивно, туку ќе обезбедат каков-таков прилив на средства.

http://www.skopje.gov.mk/ShowAnnouncements.aspx?ItemID=1409&mid=24&tabId=1&tabindex=0 - http://www.skopje.gov.mk/ShowAnnouncements.aspx?ItemID=1409&mid=24&tabId=1&tabindex=0


ЌЕ СЕ ОТСТРАНУВААТ ДИВОПОСТАВЕНИТЕ БЛОКАТОРИ И РАМПИ

Градската комунална инспекција, во четврток /01.11.2007 година/, со почеток во 10 часот, ќе спроведе акција за отстранување на дивопоставени блокатори, столпчиња и рампи во централното градско подрачје.

Акцијата ќе започне на просторот во близина на Домот на културата “Кочо Рацин“, а ќе се одвива на улиците Мито Хаџивасилев Јасмин, Димитрие Чуповски и Тетовска. На овие локации, комунална инспекција на Град Скопје евидентирала околу 30 дивопоставени блокатори, две рампи и 16 столпчиња.

Оваа акција Градската комунална инспекција ќе ја спроведе во соработка со ЈП“Улици и патишта“ и МВР.

Во текот на утрешниот ден /31.10.2007 год./, комуналните инспектори на Град Скопје, во соработка со државната пазарна инспекција, повторно ќе спроведат акција за отстранување на евентуални импровизирани тезгиња од плоштадот Македонија и од Камениот мост.
Во петок /02.11.2007 год./, комуналната инспекција на Град Скопје и Државниот пазарен инспекторат повторно ќе спроведат акција за отстранување на дивиот пазар за овошје и зеленчук од просторот покрај Јужниот булевар.




Posted By: pbanks
Date Posted: 31-Oct-2007 at 20:00

Прееска се помислив да го постирам ова но лично сум голем скептик за овие "акции" и мислам дека добро го квалификува како ефтин ПР. Појавата на диви тезгаџии и пазарџии е толку развиена во последниве години што неколку вакви упади нема ништо да решат. Ако сакаат да го решат проблемот нека вработат редовно некои инспектори кои секојдневно ќе патролираат ако треба и во две смени. Немора цел град да се среди од еднаш но доколку почнат од плоштадот и камени мост ќе направат многу.

А такви подолготрајни акции даваат плод, пример е Партизанска каде има многу помалку паркирани коли во трета лента од порано, како резултат на онаа акција што се случи пред неколку месеци.

Деновиве приметив дека слична кампања има на Бит пазар каде нонстоп крстарат два пајака. Во моментов додуше прават поголема гужва пошто ја блокираат средната лента за да подигнат кола. Но да се надеваме дека таа акција ќе вроди плод па и таму третата лента ќе им се врати на возачите.



Posted By: pbanks
Date Posted: 20-Nov-2007 at 00:19
како им паѓаат на памет воопшто вакви идеи Bash


Се урива дивиот потпокрив на Ристиќева палата

Никола Цвитановски подигнал покривна конструкција од околу 1,8 метри од страната на плоштадот и три метри од внатрешната страна на зградата

Градежната инспекција на Општина Центар вчера почна да го урива дивоизградениот потпокрив на Ристиќева палата, што беше изграден летово. Петмина работници од „Трансмед“, во присуство на урбаната полиција, од изутрината почнаа со санкционирање на потпокривот и, според процените, се очекува денеска тој целосно да биде урнат.

Милан Пижула, главен градежен инспектор во Општина Центар, рече дека сопственик на дивоградбата е извесен Никола Цвитановски, кој без одобрение во јули подигнал покривна конструкција од околу 1,8 метри од страната на плоштадот и три метри од внатрешната страна на зградата. Иако Општината ја регистрирала нелегалната градба уште летово и во август на сопственикот му издала решение за уривање, тоа почна да се спроведува со задоцнување од три месеци поради финансиски причини.

„Оваа и уште неколку дивоградби останаа неурнати, бидејќи парите предвидени за уривање за годинава се потрошија во пролетната акција кога дел од дивоградбите се уриваа со динамит. Со оглед на неодамнешниот ребаланс на буџетот, повторно се одвоија средства за уривање, па еве сега продолжуваме со планираните активности“, објасни Пижула, кој не сакаше да прецизира колку и кои дивоградби Општината ќе ги санкционира во наредниот период.

Со оглед на тоа дека Ристиќева палата е заштитена како културна целина, летово за дивоградбата реагираа и од Управата за заштита на културното наследство. (Дс.Т.)



Извор: http://www.utrinski.com.mk/?ItemID=905B420B53327F4CB50B21CEAF3DB983 - Утрински весник


Posted By: pbanks
Date Posted: 27-Nov-2007 at 00:11
по стилот на пишување ова е очигледно лична пресметко меѓу Вечер и А1. Како и да е Вечер има комплетно право за случајов. Со кој памет монтираа шупа на плоштад???


ПОРАДИ НЕЗАКОНСКИ ПОСТАВЕНАТА ШУПА СРЕДЕ ПЛОШТАДОТ ВО СКОПЈЕ, ГРАДОТ ПОДНЕСЕ:


Кривични за општина Центар и А1 ТВ


- Нашите сознанија се дека одобрението на кое се повикува телевизијата, нема ниту увод, диспозитив и правна поука, како и напомена врз основа на кој Закон се издава одобрението. Од друга страна плоштадот е јавна површина во надлежност на Градот, а до нас воопшто не било поднесено барање за поставување на ваков објект, вели Александар Бошковиќ од секторот за комунална инспекција на Град Скопје


Кривични пријави за злопупотреба на службена положба заработија секретарот на Општина Центар Ратко Савовски, како и директорот на А1 телевизија Дарко Петрушевски, за незаконското и нелегално поставување на дрвената барака среде плоштадот во Скопје. Кривичните пријави се од Секторот за комунална инспекција на Град Скопје. Александар Бошковиќ, раководител на секторот, вели дека во Општина Центар е направена злоупотреба на должноста, а издаденото одобрение за поставување на бараката, не е валидно.

Иако на 22 ноември Градот и наложи на приватната телевизија да ја отстрани бараката, тоа до денес не е направено. Затоа, Градот најави дека истата ќе биде срушена, што требаше да се случи вчера.

- Нашите сознанија се дека одобрението на кое се повикува телевизијата, а кое патем, не е правно валидно, е издадено по усмен налог на Аларова, а потпишано е од Савовски. Овој документ кој е издаден на 10 јуни нема ниту увод, диспозитив и правна поука, како и напомена врз основа на кој Закон се издава одобрението. Од друга страна плоштадот е јавна површина во надлежност на Градот, а до нас воопшто не било поднесено барање за поставување на ваков објект. Сепак, го толериравме неговото постоење бидејќи ни беше кажано дека се работи за привремен објект, кој ќе функционира само два до три месеци и ќе се користи за информирање на граѓаните, додава Бошковиќ, кој напомена дека ниту од А1 ниту од фирмата Хот-хот во Градот во меѓувреме не биле подмирени трошоци за користење на јавна површина.

Тој потенцира дека поставувањето на објектот било злоупотребено и за комерцијални цели, бидејќи фирмата Хот-хот се рекламирала, а за тоа исто така не било поднесено барање за дозвола до надлежните служби во Градот.

-Имаме сознанија дека фирмата Хот-Хот имала формален договор со А1 телевизија за откуп на овој објект за кој дознаваме дека чинел 10.000 евра, но во меѓувреме не им била исплатена ниту една рата. Во текот на вчерашниот ден А1 телевизија се огради од објектот, а ни беше кажано дека од него е отстранет целиот мебел, додаде Бошковиќ кој вчера ги очекуваше надлежните од фирмата да го отстранат објектот. Тој додаде дека ако тоа не го сторат, отстранувањето ќе го извршат екипите на ЈП "Улици и патишта", а трошоците за уривање ќе бидат упатени на сметка на А1 телевизија.

Даниела Трајковска


Извор: http://www.vecer.com.mk/?ItemID=AAC6C4C98043914AB8012C543BE07C02 - Вечер


Posted By: pbanks
Date Posted: 27-Nov-2007 at 00:12


...и тука за жал не завршува се. Виолета Аларова со сета сила и понатаму ќе ја брани демократијата Crazy. Ако треба цел плоштад ќе го начичка со шупи како основно средство за ширење демократија. Wallbash


ОПШТИНА ЦЕНТАР ЗА ШУПАТА НА ВЕЛИЈА:


Аларова е против Законот, а за демократијата!


Градоначалничката на Општина Центар Виолета Аларова не се чувствува одговорна заради тоа што нејзините служби издале невалидно решение за поставување на монтажната куќичка на градскиот Плоштад иако тоа не е во нивна надлежност. Таа не сакаше да даде било каква изјава во врска со овој објект во строгиот центар на градот. Се повика на правната служба, а за целиот случај реши да информира преку соопштение. Во него се вели дека решението за времено поставување на објектот е извршено согласно Законот за град Скопје, односно на член 15 став 1 точка 1 алинеа 5, во кој се вели дека општината е надлежна, меѓу другото, да издава и одобренија за поставување времени објекти !

- Имајќи предвид дека целите и намената за поставување на споменатиот времен објект е развивање на демократијата директно меѓу граѓаните, Општината Центар го оцени како основано барањето на А1 Телевизија за поставување на времено студио. Доколку во иднина има барања и од други телевизиски куќи, Општината ќе ги разгледува со цел и натаму да се развиваат демократските процеси преку гласот на граѓаните. Во овој контекст Општината смета дека ваквите намени на користење на просторот се покорисни отколку одобрување поставување урбана опрема за комерцијални цели. На крајот потенцираме дека станува збор за времено решение и дека просторот ќе биде доведен во првобитна состојба од сегашниот корисник- се вели во писменото соопштение од Општина Центар.



Извор: http://www.vecer.com.mk/?ItemID=9CED11CA997D974F9D08A6ACE21965C7 - Вечер


Posted By: Cloverstack
Date Posted: 27-Nov-2007 at 00:18
Suicide



А за Аларова... Ако толку многу го слуша гласот на граѓаните, веднаш нека се повлече од функцијата.


Posted By: gotsomekicks
Date Posted: 27-Nov-2007 at 17:14
Ве замолив да не постирате слики од Аларова... идам ја да повраќам Puke
Патем сеа само што пројдов низ плоштад и А1 имаат напишано со големи букви на тоа барачето „ТРУФИН ЌЕ ГО РУШИ И ПАРЛАМЕНТОТ„ или нешто слично. Значи цареви се за драми правење. Ohno


Posted By: pbanks
Date Posted: 29-Nov-2007 at 16:28
хехе баш ми е мило
 

Костовски го урна ТВ-Парламентот на А1

http://www.a1.com.mk/vesti/novinar-email.asp?NovinarID=45&VestID=86719 - Билјана Стефковска javascript:otvoriVideoPrilog%2807/urnat-tv-parlament-29-11.wmv,%2086719%29">  
29.11.2007 16:19
 
 

Трифун Костовски го урна ТВ-Парламентот на А1 Телевизија. Заканата на градоначалникот дека ќе го урне студиото, произлезе само ден откако пред две недели се проговори за неговата одговорност и произлезе иницијативата за негова смена.

„После повеќе месеци дејствување, во првата прилика кога беше спомнат градоначалникот на град Скопје, неговата реакција уште истиот ден, истото попладне беше да се издаде налог за уривање на објектот, односно за спречување на граѓаните да го кажат своето мислење, а тоа на прес-конференцијата што ја одржа го побара самиот“, изјави Славко Нинов.

„Побара и рече, ако граѓаните сакаат тој да си замине, тој ќе си замине. Кога граѓаните почнаа да го искажуваат своето мислење, тој се обидува на најнедоличен начин да го спречи тоа“, додаде Нинов.

Според граѓаните, ваквиот чин на уривање на монтажниот објект е реваншизам на градоначалникот Костовски, затоа што токму од овде јавно се проговори за ветувањата кои не ги исполни.

„Парламентот, бараката не требаше да се руши, затоа што изворно граѓаните се информираа, а сега? Каква демократија е ова, јас сакам нешто лошо да кажам за тебе - а ти со тоа по глава. Се гледа дека е реваншизам и не знам зошто да го руши ова, ова е убава работа, фино се информира народот. Откако се искритикува некоја личност, сега одма да се руши, значи ова е реваншизам“, велат граѓаните.

А1 Телевизија за емитување на ТВ-Парламентот од плоштадот „Пела“ има одобрение од општина Центар, издадено на 10 септември годинава.

Сепак, инспекторите на Костовски кои го надгледуваа уривањето на монтажниот објект велат дека е поставен без одобрение на градот, најавуваат кривични пријави.

„Кривични пријави против секретарот на општина Центар и по можност и градоначалникот на општина Центар, а прекршочна постапка ќе поведеме против правниот субјект А1 Телевизија и одговорното лице во А1 Велија Рамковски“, рече Александар Бошковиќ, инспектор на град Скопје.

ТВ-Парламентот на А1 Телевизија се отвори пред четири месеци. Со овој проект на граѓаните им се овозможи да проговорат за најразличните теми.

Се отворија прашања од областа на здравството, спортот, образованието, градските проблеми, но само еден ден откако градоначалникот Костовски беше повикан на одговорност, за ветените работи, а неисполнети, донесе решение да се урне студиото.

Сепак ТВ-Парламентот и понатаму ќе биде отворен за граѓаните, а иницијативата градоначалникот Костовски да си оди, останува.

 
http://www.a1.com.mk/vesti/default.asp?VestID=86719 - http://www.a1.com.mk/vesti/default.asp?VestID=86719


Posted By: gotsomekicks
Date Posted: 29-Nov-2007 at 19:13
Дај ако веќе постираме на темава, да не ставаме ствари од А1, Време и Шпиц. Вчера вечер видов на секоја насловна по нешто за Трифун...
Инаку се разбира, и мене ми е мило што им го урнаа ова срањево што го лупнаа сред центар Big%20smile


Posted By: pbanks
Date Posted: 29-Nov-2007 at 22:01
Originally posted by gotsomekicks

Дај ако веќе постираме на темава, да не ставаме ствари од А1, Време и Шпиц. Вчера вечер видов на секоја насловна по нешто за Трифун...
Инаку се разбира, и мене ми е мило што им го урнаа ова срањево што го лупнаа сред центар Big%20smile


zatoa i ja staviv vesta. Cisto da go evidentirame toj sepak ubav moment. Da stavav se od Velija media grupa, do sea threadov kje imase 500 posta.


Posted By: Cloverstack
Date Posted: 30-Nov-2007 at 01:24
Не дека не ми е мило што ја срушија шупата на Велија, ама стварно е индикативно што никој не ја чепкаше додека А1 не ја почна кампањата против градоначалникот ни.

Bash


Posted By: pbanks
Date Posted: 07-Dec-2007 at 23:56
Оваа тема веќе ви е позната на некои од вас но.... мора да ја документирам и тука бидејќи страшно ми боде очи...

Незнам кој точно се наоѓа во оваа зграда (Телеком, Пошти, МЕПСО???) но ова е една од најлошите форми на урбано дивјаштво спрема мене. Деловен објект во центарот на Скопје, гледа на главниот плоштадот и сакале или нејкеле објект кој е еден од симболите на Скопје и кој го привлекува вниманието на секој посетител на градот. Сепак тоа не е препрека некои директорчиња да направат вакво сквернавење. Барем да се држеле до некаква заедничка логика но тука се гледа дека се работело месарски, на кој како му дошло.

Да знаев дека таму е сместена канцеларија на некоја неозбилна човек фирма па да сфатам ваква бахатост но не ми е јасно како големи компании кај кои изгледот на седиштето е битен дел од имиџот си дозволуваат да прават вакви глупости.




Posted By: Cloverstack
Date Posted: 08-Dec-2007 at 00:11


Да, имаме продискутирано на оваа тема   Puke

Мислам дека тоа е Телеком Bash
Ни мене не ми е јасно како една компанија со таков обрт и толкав профит си дозволува вакви работи.



Или тој просторот што гледа спрема Вардар. Колку години им треба за да згрижат еден тревник од 3-4 декари? Nuts

Дури и да не е во нивна надлежност, барем една од тие огромни фирми да имаше до толку осет да превземе нешто околу тоа.  Исушена трева со правливи патеки направени од пешаци не е слика за пред нивното седиште.


Posted By: pbanks
Date Posted: 08-Dec-2007 at 00:20
Јас се надевам дека новиве поголеми фирми што влегуваат во Скопје и кои веројатно наскоро ќе изградат свои седишта (VIP, Triglav, NLB, Hypo......) како и инвеститорите во недвижнини (Соравиа, Equest итн.) ќе воведат нови стандарди по ова прашање па можеби и ќе ги принудат бубрезиве во лој малку да мрднат од мртва точка.

Но не се криви само тие. У нормален свет надлежните институции санкционираат вакви работи.

А најпоразителниот момент е што ова го приметуваме ете ние неколку луѓе на форумот. Медиумите кои без проблем прават инквизиција за легитимни проекти не им е ни на крај памет да го стават ова на тапет. Незнам дали ти текнува но пред 8-9 месеци кога го дискутиравме ова им пишав на Скопските редакции на неколку весници дневни весници но немаше никаква реакција.
 


Posted By: Cloverstack
Date Posted: 08-Dec-2007 at 00:28
Originally posted by pbanks


Но не се криви само тие. У нормален свет надлежните институции санкционираат вакви работи.

А најпоразителниот момент е што ова го приметуваме ете ние неколку луѓе на форумот. Медиумите кои без проблем прават инквизиција за легитимни проекти не им е ни на крај памет да го стават ова на тапет. Незнам дали ти текнува но пред 8-9 месеци кога го дискутиравме ова им пишав на Скопските редакции на неколку весници дневни весници но немаше никаква реакција.



Да, за жал потполно си во право. Ама сега имаме место каде да ги дискутираме и изнесеме овие работи Cheers

Да се надеваме дека форумов (а и сајтот што го спремаш) ќе порасне и ќе влијае на вакви работи и на свеста воопшто... Тенк гад фор д интернет Big%20smile Иначе ако чекаме некои таму пуноглавци да еволуираат сами од себе, се лажеме самите...


Posted By: La Linea
Date Posted: 08-Dec-2007 at 00:39
А кој е воопшто надлежен за зелените површини во Скопје, макар било мало тревниче пред седиштето на најаката компанија во Македонија? Паркови и зеленила?

На тие тревници ни кактуси не растат...

А ако очекувате нашиве новинари да читнат нешто пред да истрескаат зелени...


-------------
Помогнете во Македонската Википедија - Слободна енциклопедија!


Posted By: La Linea
Date Posted: 05-Jan-2008 at 11:43

    Не ли треба за ваква работа да следи сериозна парична казна? Се работи за какво-такво културно наследство - калдрмите кај што ги има низ Европа, сеуште се зачувани такви какви што биле пред 200 години. Им се дава големо значење зошто навистина создаваат староградски , пријатен амбиент. Не знам како може да сме толку прост и нецивилизиран народ, да не почитуваме ништо вредно. MadGunz Wallbash



ИСЧЕЗНУВА СТАРАТА ТУРСКА КОЦКА ОД БИТОЛСКИТЕ УЛИЦИ

Калдрмата се сели во приватни дворови

Граѓаните тврдат дека ископаната коцка завршува кај некои градски имоќници и во странство, а градежниците велат дека ја крадат граѓаните за украсување на дворовите

Без контрола исчезнува искорнатата турска коцка од битолските улици, која како амбиентален градежен материјал за реконструкција на стари градби и плоштади достигнува висока цена на европските пазари. Во Битола, еден од последните градови на Балканот што во наследство се уште ја има турската калдрма, таа е мета на крадци и се користи за украсување на приватни дворови.Пред околу еден месец исчезна голем дел од коцката од улицата Индустриска. Ископан беше половина километар, а голем дел од извадената коцка не стигна во стопанскиот двор на Јавното претпријатие „Никсоградба“, каде што требало да биде складирана. Жителите од улицата обвинуваат дека коцката ја зеле оние што ја раскопале улицата, а од градежното претпријатие „Бетон“ го вперуваат прстот во локалното население.

- Доаѓаа камиони и товараа. Пред нас ги правеа математиките за овој директор толку, за оној уште толку. Слушнавме дека дел ќе носат во Виена за поплочување на плоштад. Коцката не беше мала, со должина и ширина од 30 сантиметри. Имаше и случаи кога таа се товараше во вечерните часови - тврди Милка Стојановска, жителка од населбата Боримечка во Битола.

Улицата беше раскопана во минатиот месец од градежното претпријатие „Бетон“ за да се асфалтира. Но, поради лошите временски улови остана само тампонирана. Директорот Томислав Стевковски обвинува дека дел од коцката украло локалното население за средување на дворовите, а во никој случај немало извоз за Австрија.

- Кога се вадеше таа коцка бев на службен пат во Германија, а дел од локалното население ја зело. Потоа со службите од фирмата ја вративме во „Нискоградба“, каде што ја складираме ископаната коцка. Има голема побарувачка за овој материјал, особено во Западна Македонија, но ја исклучувам можноста за нејзин транспорт до Австрија - рече Стевковски.

Мал е бројот на дворовите на улицата Индустриска во Битола од кои не ѕиркаат купови наредени коцки. Од претпријатието „Нискоградба“, кои се задолжени да се грижат за ископаната коцка, признаваат дека кај нив не била растоварена сета количина од извадената коцка.

- Не знаеме дали останала во градот, во државата или надвор - рече техничкиот директор Венцо Шишкин.

Тој додава дека и' јавиле на полицијата оти коцката се носи наваму-натаму.Во општината, која стопанисува со овој турски „асфалт“, си ја префрлуваат вината. Од Одделението за урбанизам велат дека на терен излегла општинската инспекција, а од инспекторатот дека досега официјално никој не ги известил.

Градежниците потврдуваат дека турската коцка е останата само уште во неколку градови на Балканот, а поради нејзиниот квалитет и автентичен изглед е барана на пазарите. Најчесто се користи за изградба на црковни храмови, но и на плоштади, каде што во комбинација со павер-елементи дава уникатен староградски амбиентален изглед.




-------------
Помогнете во Македонската Википедија - Слободна енциклопедија!


Posted By: Cloverstack
Date Posted: 16-Jan-2008 at 02:38
И на Киро понекогаш му се случува по некоја добра „иницијатива“

За дивјаштвото на кабелските оператори сум и сам сведок. Овде во Аеродром без ред се прекопува насекаде- тревници, тротоари, плочници... Roll%20eyes После тоа само импровизирано се затрупува и „решен проблем“ Bash

Мора да се стави ред веќе еднаш!

http://www.utrinski.com.mk/?ItemID=C1C35696A805AE4F9D2625EF15D021B8 - http://www.utrinski.com.mk/?ItemID=C1C35696A805AE4F9D2625EF15D021B8


Се скараа градоначалникот на Аеродром и кабелскиот оператор „Кејблтел“

Општинарите го обвинуваат операторот дека своеволно ги раскопува тротоарите

Градоначалникот на Општина Аеродром, Кирил Тодоровски, избегнал физичка пресметка со екипа на кабелскиот оператор „Кејблтел“ откако претходно од нив побарал да престанат да копаат на булеварите „Јане Сандански“ и АВНОЈ. Во понеделникот, на самото место интервенирала и полиција. Според соопштението испратено од Општината, работници од кабелскиот оператор легнувале на земја пред општинското службено возило. Тие претходно вербално се заканувале и ги навредувале општинарите, а повикале и дополнително засилување, но појавата на полицијата ги смирила тензиите.

Од кабелскиот оператор, пак, негираат дека се виновни за инцидентот и за навредувањата и вербалните закани го обвинуваат градоначалникот Тодоровски. Оттаму потенцираат дека во моментот воопшто не копале, туку собирале своја опрема којашто била оставена на конкретните локации. Проблемот настанал кога Тодорвски и неговиот тим сакале да им ја одземат опремата, па тие повикале полиција да ги заштити.

Според информации од Општина Аеродром, по пријава на граѓани општинската градежна инспекција заедно со градоначалникот Тодоровски и раководителот Сашо Стојчески ги затекнале работниците на „Кејблтел“ како копаат канали и поставуваат кабли за кабелска телевизија. Во Општината велат дека повеќе пати е реагирано до сите надлежни институции, со напомена дека овој кабелски оператор нема комплетирана документација. Од „Кејблтел“ немале доставено ниту графички приказ за сите приклучоци, кои треба да се поврзат на територијата на Аеродром. Градежната инспекција имала донесено и решенија со кои на кабелскиот оператор „Кејблтел“ му се наредува да прекине со работа и да ја отстрани инсталацијата за кабелска телевизија. Во „Кејблтел“, пак, негираат дека им е потребна дозвола за работа од Аеродром, бидејќи таква веќе имаат од Министерството за транспорт и врски. (С.Н.)



Posted By: Cloverstack
Date Posted: 26-Jan-2008 at 18:36
Еве интересен детал од Расадник. Зградава уште е во тек на вселување, а господава веќе стигнале да си доградат собче на тераса и тоа со цигли Bash Bash Bash

Кога ова се толерира во нова населба, на ганц нови згради, што останува за другото... Ohno




Posted By: pbanks
Date Posted: 26-Jan-2008 at 18:37
Wallbash


Posted By: Cloverstack
Date Posted: 28-Jan-2008 at 19:27
А може ли од Т-мобиле да ми дадат телефон и број за користење, па после тоа ќе видам јас кога ќе влезам во постапка за потпишување договор со нив?

Crazy Crazy Crazy

http://www.kanal5.com.mk/ShowNews.aspx?ItemID=28616&mid=1500&tabId=1&tabindex=0 - http://www.kanal5.com.mk/ShowNews.aspx?ItemID=28616&mid=1500&tabId=1&tabindex=0

309 антенски столбови на Т-мобајл, Космофон и Вип ќе бидат урнати

309 антенски столбови на Т-мобајл, Космофон и Вип ќе бидат урнати. Градежната инспекција донела решение за нивно отстранување оти не поседувале одобрение. Инспекцијата наложила да се отстранат 114 базни станици на Т-мобајл, 138 на Космофон и 57 на Вип. Ова е речиси повеќе од една третина од антените на секоја од компаниите. Последниот оператор Вип досега успеал да обезбеди дозвола само за една станица, велат од инспекторатот.

 

“Не е тенденција да се направи молк во Македонија, туку да се направи ред, да се престане со незаконското поставување на мрежи“, вели директорката на градежен инспекторат, Жаклина Ангеловска.

 

Операторите до второстепената комисија веќе доставиле жалби на решенијата. Речиси сите делат заеднички став. Велат, сите активности и интереси ги остваруваме според применливите законски и подзаконски прописи. Од Т-мобајл потенцираат и дека компанијата е во постапка за добивање дозволи.

Градежната инспекција два месеци ја скенираше состојбата на терен со базните станици. Досега е покриена 80 отсто од територијата, без Скопје поради што се очекува  бројот на решенијата за уривање на антените да биде многу поголем.

(25.01.2008) Сања%20Костадиновска
Автор: Сања Костадиновска


Posted By: Cloverstack
Date Posted: 30-Jan-2008 at 21:39
Еве ви малку урбано дивјаштво во Реонски Центар Аеродром... Додуша не е баш малку Wallbash


Тука вселувањето е почнато порано од расадник, па и дивјаштвото веќе зело поголеми размери. Низ населбата имате најразлични примери - од посуптилни интервенции, до груби крпеници. Од такви кои се труделе да не изгледа многу грдо, до такви кои како буквално да се труделе да го направат најгрдо што може.

Има грдација, ама во принцип ми сметаат сите... Ова мора конечно да се запре!

Друга работа што ми смета се расфрланите климатизери... Па барем на новиве згради нека предвидуваат специјални стандардизирани простори за климатизери. Тоа не е никаква филозофија ниту инвестиција. Само добра воља... На ова поле единствено што сум приметил е дека Гема го има тоа така решено. Треба да ги пофалиме меѓудругото и за ова.

1


2


3



Posted By: pbanks
Date Posted: 30-Jan-2008 at 21:46
Епидемија Wallbash. Како да не се нови зградиве.

BTW и блокот на БС кај Веро Тафталиџе ги има решено климатизерите стандардизирано. Барем го имам тоа приметено кај најлевата ламела. Не елегантно како ГЕМА каде се камуфлирани но сепак со некој ред.


Posted By: La Linea
Date Posted: 07-Feb-2008 at 17:15
Штета, еден од најубавите станбено-деловни комплекси барем на изглед. Боите на фасадата се многу пристојни и многу ми смета тој детаљ, го крши филмот. Bash




-------------
Помогнете во Македонската Википедија - Слободна енциклопедија!


Posted By: lslcrew
Date Posted: 07-Feb-2008 at 17:36
ЛЕСНО Е ЧОВЕК ДА ГО ИЗВАДИШ ОД СЕЛО, АМА СЕЛОТО ОД НЕГО ТЕШКО......


Posted By: Cloverstack
Date Posted: 07-Feb-2008 at 19:07
Ја мислам дека Бојо Андреевски живее у тој стан Crazy


Posted By: pbanks
Date Posted: 07-Feb-2008 at 19:32


Rollin


Posted By: UrbanFreak
Date Posted: 07-Feb-2008 at 22:35
Originally posted by Cloverstack

Ја мислам дека Бојо Андреевски живее у тој стан Crazy
 
Кловер 15 минути се смеам за коментаров LOL 
 
Имаш пиво од мене следниот пат  Cheers


Posted By: Cloverstack
Date Posted: 07-Feb-2008 at 22:41
Big%20smile


Posted By: pbanks
Date Posted: 24-Feb-2008 at 23:06
Bash

До кога ќе има заебанција со ова. Се што треба е да има една патрола која постојано ќе биде на плоштадот, 24h. Тоа ќе го реши проблемот и на дивите продавачи и дивите возачи.

ПО ПЕШАЧКАТА ЗОНА ВО ЦЕНТАРОТ НА ГРАДОТ ВОЗИ КОЈ КАКО САКА


Плоштад ли е или булевар


Столпчињата поставени да го спречат влегувањето на возилата на плоштадот Македонија секојдневно се кршат. Од тие причини на приодните улици кон плоштадот, и на кејот кај Холидеј ин наскоро ќе бидат поставени рампи


По плоштадот "Македонија" се вози како по булевар. Иако движењето на возилата по оваа пешачка зона е најстрого забрането, тука секојдневно крстарат и оние што имаат некакво одобрение од Секторот за сообраќај на Град Скопје, но и оние што немаат. Возилата на сликата можеби имаат уредна дозвола, но мотоциклистите, па и голем број автомобили и комбиња кои го попречуваат движењето на минувачите по плоштадот - немаат.

- Јасно ни е дека камионите или одредени возила поради дотурот на стока или одредени интервенции мора да поминуваат преку пешачката зона, но најчесто тие се движат со неприлагодена брзина и ни го загрозуваат животот. Лично сметам дека и сообраќајната полиција треба да биде присутна, оти одобренијата најчесто ги злоупотребуваат, па се рашетуваат и каде им е дозволено, но и таму каде немаат потреба да се движат, вели еден револтиран граѓанин.

Од Комуналниот инспекторат на Град Скопје велат дека по пешачката зона можат да се движат само возила кои имаат уредно одобрение од надлежниот сектор и во него точно е запишан регистарскиот број на возилото, фирмата и период за кој е издадена дозволата. За сите оние што ќе бидат фатени дека се движат без дозвола, ќе биде поднесена прекршочна пријава.

Во Секторот за сообраќај потврдуваат дека има злоупотреби. Столпчињата поставени да го спречат влегувањето на возилата на плоштад, пак, секојдневно се кршат. Од тие причини на приодните улици кон плоштадот, наскоро ќе бидат поставени рампи.

- Очигледно столпчињата што беа поставени на улицата "11 Октомври", која води кон плоштадот и на влезот на Кејот од страна на Холидеј ин, не успеваат да ги задржат несовесните возачи. Затоа веќе кон деновиве на овие места ќе почне поставување на хидраулични рампи кои се веќе набавени. Оние што поради дотур на храна или стока мора да влезат на плоштадот како и комунални возила, ќе добијат картичка. На плоштадот би требало да биде присутна секојдневно и полиција, со цел да ги казнува оние што немаат дозвола, па и мотоциклистите, бидејќи тие по не смеат да возат по плоштадот, туку само да го туркаат моторот, објаснува Јован Христовски, раководител на секторот за сообраќај на Град Скопје.

Даниела ТРАЈКОВСКА
Фото:Д.Андоновски


http://www.vecer.com.mk/?ItemID=E85631201EDAC843A545678139958D38


Posted By: La Linea
Date Posted: 25-Feb-2008 at 14:10
Previous Дивите продавачи BashBashBash

-------------
Помогнете во Македонската Википедија - Слободна енциклопедија!


Posted By: Cloverstack
Date Posted: 25-Feb-2008 at 19:49
Тоа не е некоја комплицирана проблематика и може лесно да се реши. Ама за жал недостасува и минимум воља и свест...

Wallbash


Posted By: Cloverstack
Date Posted: 25-Feb-2008 at 20:12
Добро сеа, ова не е баш класично дивјаштво, ама не е ни далеку. Овие фолии што пред некое време ги спомна Џуро се навистина бедни. Се надевам дека тоа е само некое привремено „решение“ додека не се реши работата естетски убаво, функционално и унифицирано. Барем од ЕУ очекувам до толку, а зградата е навистина екстра, ќе биде огромна штета вака да ја унаказат...




Posted By: lslcrew
Date Posted: 25-Feb-2008 at 21:05
Ќути што се вака, уште па од надвор да беа, на што ќе личеше?


Posted By: pbanks
Date Posted: 25-Feb-2008 at 21:18


ne e na arno ova. Duri i da go napravat so nekoi folii od vnatre kako sto treba (nevidlivi sto se lepat za staklo) se rusi celiot film, transparentnosta na zgradata i davase poseben smek. Stvarno ne ocekuvav od EU vakvi zaebancii.


Posted By: Cloverstack
Date Posted: 25-Feb-2008 at 21:22
Јас се надевам дека што и да биде ќе биде подвижно... Нормално не  платна на ваљак... Crazy


Posted By: lslcrew
Date Posted: 25-Feb-2008 at 21:32
^ мислиш на оние зелените?!


Posted By: Cloverstack
Date Posted: 25-Feb-2008 at 21:34
Мислев на кремасти, али зелени се уште погадни... Big%20smile


Posted By: blejdsk
Date Posted: 26-Feb-2008 at 12:57
Ma ako im mava mnogu sonce u natre neka si stavat naocari...))


Posted By: pbanks
Date Posted: 10-Mar-2008 at 00:16
Ohno

Тажна слика на кејот „13 Ноември“

Ѓубре, искршени плочки и остатоци од огниште деновиве е тажна слика на кејот „13 Ноември“. Не само што хигиената на еден од најрепрезентативните делови на Скопје не е на завидно ниво туку во последно време надлежните толерираат и вандализам, уништување на урбаната опрема и палење смет и други остатоци. Како да станува збор за депонија, а не за срцето на една метропола.



http://www.utrinski.com.mk/?ItemID=71C0D872AA88AB41B142D9F31499DC2C


Posted By: ProMKD
Date Posted: 10-Mar-2008 at 00:43
Абе едно не сваќам... пример Македонија е на некаде 2ро, 3-то место во светот по бројот на полицајци по глава на жител. Значи имаме полицајци доволно би се рекло..

Толку лесно може да се спречи ваков вандализам, барем во главниот дел на Скопје! Скопје е главниот град, а кејот 13 ноември е главниот дел на Скопје (може да се каже). Значи до некаде - средината на државата. Ако тука не можат да постават три џандари да патролираат на 3 смени....

Секако проблемот лежи во самите луѓе - кој мижи пред вандалите, а кој самите ги прават овие бељи. Но кога веќе имаме средства на располагање за пробивање на криминалот...


Posted By: ProMKD
Date Posted: 10-Mar-2008 at 00:45
Ок еве сега според понова статистика гледам сме 6-то место, ама пред 3 години бевме #1...

#6   http://www.nationmaster.com/country/mk-macedonia-republic-of/cri-crime - Macedonia 4.7868 per 1,000 people
http://www.nationmaster.com/graph/cri_pol_percap-crime-police-per-capita/AFR



Posted By: Cloverstack
Date Posted: 10-Mar-2008 at 02:30


Ме изненади со овој податок. Ако нема некоја финта со статистикава, навистина е жално што ни е толку „ефикасна“ полицијата...


Posted By: Cloverstack
Date Posted: 17-Mar-2008 at 11:01
Ги тргнале фолиите и хартиите на Гема Banana


Не знам како се викаат тие стварите што ги имаат ставено, ќе мора да поминете за да видите... Али у секој случај добро изгледаат Yes


Posted By: pbanks
Date Posted: 17-Mar-2008 at 11:03
Originally posted by Cloverstack

Ги тргнале фолиите и хартиите на Гема Banana


Не знам како се викаат тие стварите што ги имаат ставено, ќе мора да поминете за да видите... Али у секој случај добро изгледаат Yes


венецијанери?

иначе да добро изгледа. Thumbs%20Up


Posted By: Cloverstack
Date Posted: 17-Mar-2008 at 11:06



венецијанери?




Ја колку што знам венецијанер се оние тенките хоризонтални ролетни, али може и да грешам. Иначе овие се вертикални, подебели и сто посто од некоја ткаенина. Вака кажано можда не звучи добро, ама мене стварно ми се свиѓа како изгледаат.


Posted By: pbanks
Date Posted: 17-Mar-2008 at 11:09
Originally posted by Cloverstack


Ја колку што знам венецијанер се оние тенките хоризонтални ролетни, али може и да грешам. Иначе овие се вертикални, подебели и сто посто од некоја ткаенина. Вака кажано можда не звучи добро, ама мене стварно ми се свиѓа како изгледаат.


Епа ако се вертикални тогаш се вариолајт и јас не бев сигурен што имав видено Crazy


Posted By: La Linea
Date Posted: 19-Mar-2008 at 11:02
Вчера поминав- дефинитвно се вертикални завеси, од оние што може да се ротираат за да влезе повеќе светлина и целосно да повлечат на крајот со едно синџирче - . онакви, платнени  (леле како објаснив)..

-------------
Помогнете во Македонската Википедија - Слободна енциклопедија!


Posted By: pbanks
Date Posted: 19-Mar-2008 at 11:04


абе вариолајт LOL




Posted By: ProMKD
Date Posted: 19-Mar-2008 at 19:35
Овие се добри - ги имам дома. Имам и венецијанери и тие се добри, ама за поголеми прозори вариолајт! 


Posted By: Cloverstack
Date Posted: 24-Mar-2008 at 20:07
Типична македонска каша, човек не знае од каде да почне да размрсува... Roll%20eyes

Во секој случај зачудува ставот на Паско Кузман кој во случајов (можеби оправдано, не навлегувам во тоа) зазема прилично конзервативна позиција, но од друга страна е на чело кога треба да се интервенира на други места и да се прават многу порадикални работи од ова. Каков лицемер!

http://dnevnik.com.mk/?ItemID=0792C383827B5F4BB460905C2BF753DD - http://dnevnik.com.mk/?ItemID=0792C383827B5F4BB460905C2BF753DD

ПРОДОЛЖУВА САМОВОЛИЕТО НА ГРАДОНАЧАЛНИКОТ НА ЧАИР

Незаконска порта ќе ја затвори Чаршијата

Објектот, кој сосе покривот е висок 6,7 метри, во следниот месец свечено ќе биде пуштен во употреба

Општина Чаир и покрај забраната од надлежните институции, продолжи да ја гради портата во Старата чаршија од страната на Бит-пазар. Објектот е речиси готов и за еден месец од Општината најавуваат дека свечено ќе го пуштат во употреба.Градоначалникот на Чаир, Изет Меџити, не се осврна на реакцијата на надлежните од Управата за културно наследство дека изградбата на портата е незаконска, поради тоа што Чаршијата е споменик на културата, каде што не смеат да се прават такви интервенции. Тој и лани имаше обид да го изгради објектот, но по реакцијата на Управата се повлече. Сепак, годинава работата ја истера докрај.Работите се при крај, а за еден месец портата ќе биде завршена и свечено ќе биде пуштена во функција - вели градоначалникот Меџити.Директорот на Управата за заштита на културното наследство, Паско Кузман, потенцираше дека досега тие направиле се' што е во нивна моќ и надлежност за да ја спречат изградбата.

- Ние не сме МВР. Како Управа за заштита на културното наследство, испративме инспекција на самото место која состави записник. Тој им беше предаден на општинската градежна инспекција од Чаир, но и на другите надлежни институции што треба да преземат мерки. Но, тоа очигледно не вроди со плод. Портата се наоѓа на границата на заштитената зона и тие го искористија тоа за да добијат одобрение за градба. Додека се расправавме, тие издејствуваа одобрение - истакна Кузман.Инаку, одобрението за градба го издава самата Општина Чаир. Портата се гради според проект што го изработи Националниот конзерваторски центар, но Управата не го одобри поради тоа што во Старата чаршија не е дозволено да се прават такви измени. Градоначалникот Меџити сепак тврди дека проектот е валиден, дека има дозвола за градба, а со тоа портата не е дивоградба.

- Изградбата на портата е во наша надлежност, а не е на Паско Кузман. Тоа е единствено решение за да се забрани влезот на возила во Чаршијата. Само така таа ќе може да биде претворена во пешачка зона - вели Меџити.Од Општината велат дека за изградбата имаат поддршка од еснафот на Чаршијата. Таа ќе биде висока 6,70 метри, сосе покривот. Столбовите се изработени од бел и розеникав мермер, полукругот одозгора е изведен од мазен камен „пешчара“, а покривот е од бакар. Од Општината велат дека се гради со најквалитетен материјал, кој соодветствува на материјалот од кој се изведени многу други објекти во Чаршијата. Портата ќе има и електронска рампа со код, а ќе се отвора само по потреба на дуќанџиите за дотур на стока. Изградбата ја финансира фирмата „Скопски пазар“, а дел од парите ги обезбеди Општина Чаир.

Анела Петрова



Posted By: La Linea
Date Posted: 24-Mar-2008 at 20:21
Previous Јас сум за изградба на оваа порта, се додека има некаков автентичен изглед што би се вклопил со изгледот на чаршијата. Само не сум сигурен дали беше потребна 6.7 метарска порта кога столбчиња од 1 метар ќе ја вршеа истата функција додека не се решеше прашањето околу легалноста на портата.


-------------
Помогнете во Македонската Википедија - Слободна енциклопедија!


Posted By: vardar
Date Posted: 31-Mar-2008 at 13:28
До кога само вака, озбилно прашувам....толку ли е тешко сите овие јавни/градски служби да се координираат малце....да се знае од први до први се прави реконструкција на улица и ако треба замена/нови..цевки/жици итн.... да се направи тогаш а не два дена после асфалтирање  Wallbash  Треба екстремно со овие гадови....нов закон.....доколку некој чепне тазе асфалтирана улица во првите 3 години...
казна: треба одново да ја асфалтира улицата...па не може вака мајкаму....па уште и двете служби се прават наудрени.....не не бев јас  Suicide
 

Пропадна асфалтот на реновираната улица Козара

Асфалтот на улицата Козара е пропаднат и на него се појавија дупки, иако лани општина Центар ја реконструира сообраќајницата, се жалат жителите. Ним не им е јасно како е можно да се дозволи една улица да се асфалтира, а потоа на неа да се прават нови прекопи. Разочарани се што меракот за возење по нова улица траел прекратко.Од општина Центар за пропаднатиот асфалт ги обвинуваат јавното претпријатие „Водовод и канализација“ и АД „Топлификација“, кои ланиинтервенирале, а потоа несоодветно ја санирале улицата.Штом ќе почнат со работа асфалтните бази, ќе ја санираме улицата. И самите граѓани знаат дека улицата не е оштетена по вина на општина Центар, оти лани таму интервенираа „Водовод“ и „Топлификација“, и тоа без наша дозвола. По зафатот не ја вратија улицата во првобитната состојба. Ако не го направат тоа доброволно, ќе бидат принудени присилно да ја извршат санацијата - вели Лидија Неделковска, шефица на кабинетот на градоначалникот на општина Центар. Од јавното претпријатие „Водовод и канализација“ негираат дека минатата година правеле зафати на оваа улица, а вината ја отфрлаат и од АД „Топлификација“.

http://www.dnevnik.com.mk/?ItemID=7E3126E7F04CBC4D94A2B18592118AC5 - Dnevnik
 


Posted By: Cloverstack
Date Posted: 31-Mar-2008 at 13:49
Пред 2 недели гадно акнав на еден ров (буквално ров) на Ул. Васил Ѓоргов. Некој ископал и немал доволно одговорност ни совест барем да ја натапка земјата со која ја затрупал дупката. Длабочината беше доволна за сериозни оштетувања

Bash Bash Bash


Posted By: vardar
Date Posted: 31-Mar-2008 at 23:36
Toa tie vo ova so rovot voopshto ne me cudi, samo ako slucajno nekoj ja osteti kolata probaj posle da tuzish nekogo...firmata sto kopala ke se prai naudrena, gradot ...ne e nasa nadleznost....ke ispadne treba da vozis 20 km/h za da ne ti se osteti kolata  Wallbash


Posted By: ProMKD
Date Posted: 31-Mar-2008 at 23:43
Со дупките што ги има и со 1км/ч има да ја уништиш колата! Венјамин мачуковски во аеродром е ископана/прекопана 300 пати... се разбира градоначалникот ветува нов асфалт сто години.. 


Posted By: Cloverstack
Date Posted: 17-Apr-2008 at 03:49
http://www.utrinski.com.mk/?ItemID=66199EE1AFE9BB42889D8B8C5E63DC11 - http://www.utrinski.com.mk/?ItemID=66199EE1AFE9BB42889D8B8C5E63DC11


Градот ќе воведува ред во користењето на јавните површини

Површините ќе се користат со дозволи и строго пропишани стандарди

Снежана Калабакова

Градот ја изготви Предлог-одлуката за користење на јавните површини со чие усвојување се очекува да биде ставен крај на бесправното узурпирање на јавните површини. Тоа значи дека дуќанџиите на т.н. пластичарска улица, колонијалните дуќани кои најчесто ги имаат распослано своите производи на тротоарите, како и кафеанџиите чии маси и столови се на јавна површина, ќе мораат најнапред да обезбедат дозволи за нивно поставување и притоа да се придржуваат до одредени стандарди. Одобренијата за користење јавна површина ќе се обезбедуваат според одредена постапка и со конкретен елаборат, односно проект.

Одлуката пропишува како ќе се користат јавните површини за хуманитарни, културни, забавни, спортски и изложбени активности и време на користење. Одобренија ќе мора да обезбедат и градилиштата, доколку за времетраење на градежните работи користат јавна површина. На непочитувачите на пропишаните норми, покрај тоа што ќе бидат казнувани, ќе им биде одземена и опремата. Притоа ќе им се наплатуваат трошоците за транспорт и лежарина и за ангажираните полицајци. Градот ќе треба да го има последниот збор при давањето одобрение, а со општините допрва ќе се договара дали средствата ќе се делат по половина, или во зависност од тоа кој е надлежен - Градот или општината. Висината на закупот ќе зависи од зоната, од големината на површината и од времетраењето на користење. Градските власти тврдат дека средствата од закупнината ќе се користат наменски и со нив ќе се финансира изградбата, реконструкцијата и одржувањето на патиштата.

„Надзор на примената на оваа одлука ќе вршат надлежните сектори на Градот и општините, односно комуналните инспектори. При користење на јавните површини мора да биде запазен слободниот простор за движење на пешаците, кој на тротоарите во општините тој не смее да биде помал од 1,5 метри, а во централното градско подрачје од 2,5 метри. Задолжително ќе мора да се плаќа пропишаната комуналната такса и закуп за користењето на јавната површина и не станува збор за двојна давачка“, вели Нада Митреска, помошник-раководител на Секторот за планирање и уредување на просторот.

Оваа одлука ќе овозможи заемно функционирање на Градот и општините во сферата на користењето на јавните површини, а не како досега, кога најмногу за нив одлучуваше Општина Центар.



Posted By: Cloverstack
Date Posted: 22-Apr-2008 at 12:21
Bash

Само се прашувам, зарем ова не е за кривично, наместо прекршочно гонење?!?

http://dnevnik.com.mk/?ItemID=61A798DE11080F4C893256682F946BEE - http://dnevnik.com.mk/?ItemID=61A798DE11080F4C893256682F946BEE


Струјата од уличното осветление се краде за дома

Несовесни граѓани во Кисела Вода крадат електрична енергија од уличното осветление за своите домови и фирми, а сметките ги плаќа Општината. Општинската комунална инспекција деновиве открила дека фирмата „Караџица“ спровела кабел од осветлението на улицата Драчевска до својот склад и бесправно ја користела за своите потреби. Поради лошо спроведениот кабел, улицата во одредени периоди била во мрак, што ги навело инспекторите да извршат контрола.Целата улица остануваше без осветление. При контролата на целата линија беше пронајден кабел што од бандерите беше приклучен во објектите на „Караџица“. Се претпоставува дека биле вклучувани грејни тела, а поради несоодветната монтажа, кабелот изгорел и се' уште стои на самата бандера - велат во Општината.На улица Кавалска број 23 во населбата Пржино инспекторите откриле издупчен канделабр и извлечен кабел, кој бил спроведен до куќа.Беше поставена и дозна за растоварување на струјата, која беше спроведена до подрумот, гаржата и до самата куќа - велат во Кисела Вода.На истата улица, на местото број 16, несовесни граѓани урнале канделабр и ја украле комплетната светлосна инсталација. Ископаниот кабел непрописно го оставиле во дупка, во која граѓаните лесно можеле да дојдат во допир со него и да настрадаат. Против сторителите на овие кражби ќе бидат поднесени прекршочни пријави, а службата за одржување на уличното осветление ќе ги исклучува дивоприклучените домаќинства и фирми.Портпаролот на Кисела Вода, Тони Чуповски вели дека ова не е првпат општинската струја да се краде за приватни цели. За да биде парадоксот поголем, повеќето од овие несовесни граѓани не се сиромашни луѓе. Најлошо од се' е што струјата се поврзува нестручно, со кабли на кои се вклучуваат грејни тела и апарати во домаќинствата, што може да предизвика пожар или прекин на уличното осветление. Ако има спој, тогаш граѓаните вешто го прикриваат тоа и ги отстрануваат каблите, а нашите екипи со денови се обидуваат да го отстранат дефектот - вели Чуповски.Тој најавува уште позасилени контроли на инспекцијата.

(А.П.)



Posted By: lslcrew
Date Posted: 26-Apr-2008 at 00:12

На „Првомајска“ се шири ужасна реа од камиони со кокошки

Помеѓу општинските бараки и маркетот „Тинекс“ во Кисела Вода, на тротоарот на улицата „Првомајска“ веќе подолго време се шири неподнослива реа од камиони во кои се превезуваат кокошки. Од попладне, откако сопственикот ќе ги паркира двата камиона со кои дента превезувал кокошки, па се' до утредента, невозможно е да се помине по тротоарот поради смрдеата. „Преку ден кога е топло не се издржува. За да дојдам до ’Тинекс‘ за да пазарам, морам да претрчам покрај камионите, или да преминам од другата страна на улицата“, вели жител на населбата.

Од Општината велат дека објавиле соопштение во општинскиот весник до сите граѓани кои имаат непрописно паркирани возила на тротоарите на улицата „Првомајска“ дека од четврток ќе почне акција за подигање на возилата, при што полицијата ќе одредува мандатни казни кои ќе се движат од 30 до 100 евра. За камионите со кои се превезуваат кокошки казните ќе бидат највисоки. Единственото решение за овој проблем со камионите општината го гледа во спроведувањето на оваа акција.

„Откако не успеавме да дознаеме кој е сопственикот на камионите, реагиравме со соопштение во општинскиот весник до сите граѓани со непрописно паркирани возила, се разбира тука спаѓаат и таксистите кои го узурпираат тротоарот, поради што пешаците не можат слободно да се движат“, рече Тони Чуповски, портпарол во Општина Кисела Вода. (В.Д.)


http://utrinski.com.mk/?ItemID=E928878C9AEE1A469F4224AD005850C1



Овој камионот за којшто се збори ми седи под тераса. Цело маало смрди понекогаш. Ми се иде да ги отрујам. Инаку знам чиви се, ако ми се потврди информацијата од маалски извори, јавно ќе го обелоденам СЕЉАКОТ (Со име презиме и адреса) на којшто и него му смрдат под тераса, ама очигледно се навикнал. Засега имам некои информации, 99% се работи за типот, ама нејќам да го окривам погрешно.

ЛЕСНО Е ДА ГО ИЗВАДИШ ЧОВЕКОТ ОД СЕЛО, АМА СЕЛОТО ОД НЕГО................


Posted By: lslcrew
Date Posted: 26-Apr-2008 at 00:52
Јас да се надополнам една работа. Па добро бе тој камионот нема ли таблици. Ај ако можатм после ке ги истакнам јавно.

п.с. Ај ако можам ќе ви пуштам рендери од камионот....


Posted By: lslcrew
Date Posted: 26-Apr-2008 at 01:22




Posted By: La Linea
Date Posted: 26-Apr-2008 at 02:01
Постои ли закон што го регулира ова, воопшто? Како прво, непрописно е паркиран....

-------------
Помогнете во Македонската Википедија - Слободна енциклопедија!


Posted By: гитардемон
Date Posted: 26-Apr-2008 at 10:43
не е забрането да смрдиш со закон

-------------
Arguing on the internet is like running at the special olympics. Even if you win, you're still retarded.


Posted By: lslcrew
Date Posted: 24-Jun-2008 at 16:51



На првомајска!


Posted By: Cloverstack
Date Posted: 24-Jun-2008 at 17:29
Не гледам што е проблемот Dunno


Posted By: гитардемон
Date Posted: 24-Jun-2008 at 17:55
ova lichi kako zagradena kolovozna lenta? ili trotoar e

-------------
Arguing on the internet is like running at the special olympics. Even if you win, you're still retarded.


Posted By: se_manda
Date Posted: 24-Jun-2008 at 18:19
moze ne mu se sviga bojata na coekot....LOLLOLLOL


Posted By: lslcrew
Date Posted: 25-Jun-2008 at 07:43
Не бе па вие. Идат прво П огради и после тоа I огради. Ја мислам дека треба од крај до крај да бидат исти, а не вака шарено.


Posted By: Cloverstack
Date Posted: 25-Jun-2008 at 14:38


Доколку нема некој резон за ова, тогаш стварно е многу глупо, али не знам кај го смести баш у дивјаштво па ти Big%20smile


Posted By: gotsomekicks
Date Posted: 26-Jun-2008 at 14:02
Originally posted by lslcrew

Не бе па вие. Идат прво П огради и после тоа I огради. Ја мислам дека треба од крај до крај да бидат исти, а не вака шарено.


LOLLOLLOLLOLLOLLOLLOL

Океј се слагам дека е тапа, али сепак ме изнасмеа.


Posted By: Cloverstack
Date Posted: 27-Jul-2008 at 04:49
1.  Овде прво го завзеле поткровјето (примете те го прозорот), па после додале уште сел спрат. Милина... Roll%20eyes


2.  Има уште доста интересни детали на зградава, ама се разбира тоа на кровот е најголемото достигнување Roll%20eyes


3.


4.  Али кога може дури и на полштад, тогаш што е проблем у Аеродром или Карпош Roll%20eyes


5.



Posted By: zabegan
Date Posted: 27-Jul-2008 at 15:14
пффффф, ништо ново па и ти па, во Аеродром скоро секоја зграда е доградена, комшијата неколку години ми лупаше над глава со ваква работа, ама за на плоштад ме изненадија стварно Ohno

-------------
Architects create dreams...politicians create nightmares


Posted By: pbanks
Date Posted: 12-Aug-2008 at 15:54
Еве чистач на ТОИФОР тоалети кој нема проблем да се вози по тревните површини за да ја избегне рампата Bash




Posted By: pbanks
Date Posted: 12-Aug-2008 at 15:57
За мене е ова урбано дивјаштво од страна на општина центар. Додека преминот на ул. Македонија кон Димитрие Чуповски (од страна на плоштад Македонија) го направија супер (сл. 1) делот кон средишниот дел на ул. Македонија остана ваков одвратен недоделкан (сл. 2). Толку мала работа а толку многу боде очи Bash

1

2




Posted By: pbanks
Date Posted: 12-Aug-2008 at 16:03
Апдејт на демолирањето на зградата на Т-Хоме Ohno Од последен пат има еден нов двокрилен прозорец на претпоследниот кат Bash



Објектот на МЕПСО е во далеку подобра состојба ако ги изземеме клима уредите




Posted By: Cloverstack
Date Posted: 12-Aug-2008 at 16:24
Човек би се надевал дека барем фирма како Deutsche Telekom нема да прави вакви глупости...

А кога веќе решиле дека мораат да имаат прозори на отварање (што воопшто не е загарантирана работа во деловна зграда), можеле барем да направат еден сеопфатен проект за целата зграда и да се потрудат тоа да изгледа складно и убаво... На крајот на краиштата тоа е одраз на брендот на нивната компанија. Пливаат во пари, воопшто не би им било проблем да го направат тоа од финансиски аспект.


Bash  @ Deutsche Telekom



И баш ме интересира што би правеле ваквите „фраери“ ако некогаш работат во облакодер, каде нормално прозорите не се на отварање (мада се сомневам дека многу од нашиве „светски луѓе“ се свесни за овој факт)... И таму ли ќе си направат вакви прозорчиња Crazy


Posted By: lslcrew
Date Posted: 12-Aug-2008 at 16:30
Во право си за сеопфатен проект. Јас сметам дека сите оние објекти изградени пред некои 30-тина години, кој се само гол цемент им треба еден сеопфатен проект, барем за фасадата. Стварно не личи такво цементно сивило кое не е ни барем изкречено. Дури се познаваат и цртите од даските кога се градело.


Posted By: Cloverstack
Date Posted: 12-Aug-2008 at 16:32
Originally posted by lslcrew

Јас сметам дека сите оние објекти изградени пред некои 30-тина години, кој се само гол цемент им треба еден сеопфатен проект, барем за фасадата. Стварно не личи такво цементно сивило кое не е ни барем изкречено. Дури се познаваат и цртите од даските кога се градело.


Bash

Ај малку research на тема брутализам и бруталистичка архитектура Big%20smile


Posted By: pbanks
Date Posted: 12-Aug-2008 at 16:32
Originally posted by lslcrew

Во право си за сеопфатен проект. Јас сметам дека сите оние објекти изградени пред некои 30-тина години, кој се само гол цемент им треба еден сеопфатен проект, барем за фасадата. Стварно не личи такво цементно сивило кое не е ни барем изкречено. Дури се познаваат и цртите од даските кога се градело.


таков зафат не би требало да има. Исто како да ја обложиш Ристиќева палата незнам таму со мермер. Натур бетонот треба да си остане каков што е. Тоа е еден стил на градба и треба да се почитува. Па офарбан ќе изгледа уште поевтино.

Но со стаклата не треба да има вакви заебанции.


Posted By: lslcrew
Date Posted: 12-Aug-2008 at 16:37
Добро бе лелеееее!!!! Мене не ми се свиѓа, си кажав мислење. Ама стварно не изгледа бар убаво. Цемент може да се гледа на мост или на автопат, ама на зграда у сред центар не и личи. Уште па помалку трагите од шаловање да и се познаваат. Може да се реновират, доволно е само да се малтерисаат, пак ќе се задржи идејата. Со ристиќева неможе да се споредува.

Ај нема везе, и така не сме у права тема.


Posted By: pbanks
Date Posted: 12-Aug-2008 at 16:40
Originally posted by lslcrew

Добро бе лелеееее!!!! Мене не ми се свиѓа, си кажав мислење. Ама стварно не изгледа бар убаво. Цемент може да се гледа на мост или на автопат, ама на зграда у сред центар не и личи. Уште па помалку трагите од шаловање да и се познаваат. Може да се реновират, доволно е само да се малтерисаат, пак ќе се задржи идејата. Со ристиќева неможе да се споредува.

Ај нема везе, и така не сме у права тема.


Не е точно апсолутно има споредба. Никој не вика дека мора да ти се допаѓа. Секој си има свој вкус. Но погрешна е дискусијата дали треба да се малтерисува или да се фарба. Дали доцртуваш нешто на некоја уметничка слика ако не ти се допаѓа? Ист треба да биде третманот и за архитектурата. За модификација/доградба треба да се консултира или оригиналниот архитект или целата работа да иде на високо стручно ниво. Т-Хоме или било кој не смее да си дозволи да прави онакви глупости со стаклата а каму ли да земе да малтерисува.

ОК дискусија би била на пример дали треба да се руши или не. Тоа е друг муабет (доколку објектот не е заштитет ради оваа или онаа причина).


Posted By: Cloverstack
Date Posted: 12-Aug-2008 at 17:05
Originally posted by lslcrew

Уште па помалку трагите од шаловање да и се познаваат.


И тоа е една од одликите на брутализмот.

Инаку сосема се слагам со пбанкс, кај бруталистичките градби апсолутно не доаѓа во предвид никакво малтерисување или шминкање како што предлагаш. Тоа би било тотално унаказување на стилот.
А кога сме кај вкусовите, мене лично ми се допаѓа (нормално со исклучок на идиотските крпеници за прозори што ги направија во последно време)


Posted By: beTon
Date Posted: 12-Aug-2008 at 19:28
абе изгледа се спремаат шумадијциве за нешто посмело а вака само фрлаат мерка или маркираат позиција, па за да не биде голо во меѓувреме луѓето си ставиле прозор LOL и онака  нема никаква градежна инспекција која ќе им земе арач!
туку се надевам дека демобилизираниве се спремаат да стават некој паразит доградба или нешто слично како би излегле херои, а ако не пријава и сеир на пенали...


него шала на страна, телеком имаат проблем со централниот вентилационен систем кој требаше уште многу одамна да го чистат но тогаш сеуште небеше продаден па тоа директорите не сакаа многу да се тревожат околу тоа што дишат и дали воопшто дишат нивните вработени, инаку нивните канцеларии им се наоѓаа во бистро и ореов лад, па затоа и не се тревожеа, требаше стеаматик да пушти роботи по тоа системот да чистат но работата се изјалови, и сега најверојатно системот е запечатен за да не ги изеде нешто вработените па службите се приморани да наоѓаат чариња да внесат чист воздух, што преку импровизирани прозори што преку монтирање енкордишни по столбови и прозори, абе греота но ова маџариве уште помалку имаат волја да се нафатат да исчистат нешто што може за некое време нема ни да го користат, сигурно ќе си платат нова маркица за едно пет години и ќе си ја дооправат заградата по свој ќеиф...


Posted By: pbanks
Date Posted: 12-Aug-2008 at 19:36


ако идеме по логика на "бренд менаџмент" до сега можеа да се заебаваат со АД Македонски телекомуникации и да ја унаказуваат зградата, да не прават будали со цените и се по ред.

Но сега таму стои логото на Т-Хоме. Верувам дека ако медиумите (кои ја имаат вистинската моќ овој проблем да го пренесат до пошироката јавност преку скопските рубрики) покажат интерес за ова и направат случај како што знаат, Т-Хоме за многу кратко време ќе ги отстрани овие аномалии и ќе си го очисти вентилацискиот систем. Се ова во пакет сигурно помалку ќе го чини од лош публицитет.

Проблемот е што медиумите мува не ги лази. На не ги набројувам кои но за оваа работа имам пуштено маилови до уредниците на скопските рубрики од повеќе медиуми но никогаш не добив повратен одговор ниту прашањето се покрена јавно.


Posted By: lslcrew
Date Posted: 12-Aug-2008 at 19:58
Ок делумно ме убедивте, јас никогаш немав слушнато за брутализам и овие градби ги гледав, а делумно и сеуште ги гледам како груба комуњарска архитектура. Но како и да е тој стил воопшто не ми се допаѓа кога е употребен на деловна зграда во сред центар. За периферија би замижал. Мислам дека Скопје е презаситено од тој стил и добро е што во последно време не се практикува како пред 30 години, иако би бил горд на некоја масивна ваква зграда од 30-тина ката во градот и не баш во центар.

Originally posted by pbanks



За модификација/доградба треба да се консултира или оригиналниот архитект или целата работа да иде на високо стручно ниво. Т-Хоме или било кој не смее да си дозволи да прави онакви глупости со стаклата а каму ли да земе да малтерисува.



Овдека мислам дека не си во право. Кога некој ќе гради зграда, проектот и правата врз проектот се откупуваат од страна на сопственикот. Тогаш тој го има правото на промена на проектот и веќе не е авторско дело на архитектот. Така и со оваа зграда. Сопствениците имаат право што сакаат да и напраат, но секако тоа да биде во консултација о архитект (кој и немора да биде оргиналниот).

п.с. Секој има право на промена на мислење, што воедно е и една голема човечка доблест.


Posted By: pbanks
Date Posted: 12-Aug-2008 at 20:01


Поентата ми е дека неможе така плукни/залепи. Во "нормални" градови се регулираат детали како дали смее или несмее да се постави клима уред или дали смее или не смее да се простира веш на тераса. А каму ли за вакви покрупни интервенции. Модификации на фасада или суштински модификации на некој објект мора да бидат логични, да соосветствуваат на проектот и на околината. Така е секаде, така треба да биде и кај нас (а кај нас е дијаметрално спротивно на ова што го зборувам гради/доградува/модифицира кој сака, кога сака, како сака и каде сака).


Posted By: lslcrew
Date Posted: 12-Aug-2008 at 20:13
pbanks се слагаме дека модификациите треба да бидат во консултација со стручни лица, но тоа неможе да биде ексклузивитет на некој што си го шитнал проектот.


Posted By: pbanks
Date Posted: 12-Aug-2008 at 20:15
Originally posted by lslcrew

pbanks се слагаме дека модификациите треба да бидат во консултација со стручни лица, но тоа неможе да биде ексклузивитет на некој што си го шитнал проектот.


прочитај ме пак

За модификација/доградба треба да се консултира или оригиналниот архитект или целата работа да иде на високо стручно ниво.



Posted By: lslcrew
Date Posted: 12-Aug-2008 at 20:17
ќор сум, не сум видел!


Posted By: lslcrew
Date Posted: 10-Sep-2008 at 14:23
Нема спас од дождот од климатизерите



Автор:  Радмила Заревска
Во текот на целото лето и во раната есен скопјани се принудени постојано да внимаваат да не поминат под цревото на некој клима-уред од кое може да протече вода и врз нив. Климатизери има во речиси секој стан или канцеларија во централното подрачје и во околните населби, кои освен што ги нагрдуваат фасадите од објектите, предизвикуваат вистински дождови. Понекогаш водата што капе е валкана, поради правта што ја апсорбира уредот и сето тоа низ цревото се исфрла на улица или врз главата на некој случаен минувач. Сепак, не постои институција што има надлежност да го реши овој проблем, затоа што климатизерите се сметаат за приватна сопственост.
 
СО ЧАДОРИ СРЕДЕ ЛЕТО
 
Граѓаните често се жалат дека голем број климатизери се поставени несоодветно и капките што ги исфрлаат го попречуваат движењето на пешаците. Тие се посебно револтирани од зградите во строгиот центар, каде што водата тече врз главите на минувачите.
 
- Не треба да не се користат климатизерите, но сепак мора да се внимава каде и како се поставуваат. Не може водата од нив да се исфрла каде било. Тоа е еднакво лошо како да го фрлате ѓубрето од прозорецот, појава што исто така не е ретка во градов. Сепак, ако сопствениците на клима-уредите, особено тие што живеат во центарот или во густо изградени зони, имаат барем малку совест, ќе постават дополнителни црева, со кои ќе овозможат водата безбедно да се спроведува до канализацијата или до друго место каде што нема да пречи. Ако не се совесни, пак, треба да има некоја инспекција што ќе ги натера да го сторат тоа - вели скопјанецот Марјан Илиевски.
 
Многу скопјани остро реагираат кога врз нив ќе паднат капки валкана вода од климатизерите и кога поради тоа ќе им се извалка или оштети облеката. Тие велат дека нивното поставување, а особено спроведувањето на отпадната вода, мора да се регулира.
 
- Кога е топло и сите клима-уреди се вклучени мораме да шетаме со чадори. Нивниот број расте сè повеќе и повеќе, па од секаде висат кратки црева од кои тече вода. Мора да се преземе нешто во врска со тоа, како што е регулирано во Хрватска и во други европски земји. Таму постои закон според кој не смее да се постави таков уред на фасадата од зградата, особено од страната на улицата. Но тука никој не се грижи за изгледот на објектите. А ако таков ред може да се спроведе на друго место, може и кај нас - додава Влатко Алексовски.
 
НЕМА КОЈ ДА ВОВЕДЕ РЕД
 
Од градската комунална инспекција објаснија дека ниту тие ниту некоја друга институција не можат да направат нешто во врска со истекувањето на водата од климатизерите, бидејќи тие се поставувале на фасадите од зградите, кои се приватна сопственост. Поради тоа не можел некој да има надлежност да ги отстранува или да наложува што да се прави со нив.
 
- Ние можеме само да реагираме ако некој постар уред создава преголема бучава и им пречи на соседите. Немаме други надлежности затоа што фасадите се приватен имот, климатизерите не се поставуваат на улиците или на бандерите. Ако беше така, ќе можевме да ги конфискуваме - додаваат од инспекцијата.
 
 
 
 
Само во еден објект е решен проблемот
 
Една нова зграда на улицата Ленинова во Дебар Маало, која ја гради фирмата „Гемма инженеринг“, можеби е единствената во целиот град во која се решени и естетските и практичните проблеми со климатизерите. Инвеститорот поставил по еден таков уред на секој стан, но ги вклопил во фасадата и ги покрил со посебни решетки за да не го нагрдуваат изгледот на објектот, а со посебна вертикална цевка ја спровел водата што капе од нив до атмосферската канализација.
 
- Ова е една од ретките згради, а можеби и единствената во која е најдено решение за поставувањето на климатизерите. При проектирањето се внимаваше на изгледот на објектот. Знаевме дека станарите откако ќе се вселат ќе постават клима-уреди и ќе ја нарушат естетиката на фасадата. Затоа проектантот Мето Стојчевски го направи ова решение - вели Мичо Коловски, инженер што работи на изградбата на објектот.
http://novamakedonija.com.mk/DesktopDefault.aspx?tabindex=0&tabid=2&fCat=1&top=1&EditionID=179&ArticleID=6868


Posted By: zabegan
Date Posted: 30-Sep-2008 at 17:27
бидејќи сум од Аеродром, кој е симбол за урбано дивјаштво, ги сликнав сликиве за да видите до кои крајности се иде



не е облележано, но се гледа еве на луѓето мали им биле терасите па си направиле договорено големи балкони, можеби не изгледа од далеку страшно, но видете го покривот Crazy
вакви има неколку во околината, исто, може да забележите дека и на зградите во позадина има доградби




-------------
Architects create dreams...politicians create nightmares


Posted By: zabegan
Date Posted: 30-Sep-2008 at 17:33
исто така познато ви е дека се доградуваат цели спратови, и еве еден пример, и другите примери во позадина

однапред се извинувам за квалитетот, но се сликани со мобилен, бидејќи си немам квалитетен фото апарат Wallbash


-------------
Architects create dreams...politicians create nightmares


Posted By: maestro
Date Posted: 03-Oct-2008 at 19:02

Градоначалникот или е стварно глуп или не ги гледа доградбите на спратови!
А зема да урива трафики за да мести фонтани кои не се ни чистат и само фаќаат мувла!

-------------


Posted By: lslcrew
Date Posted: 15-Oct-2008 at 00:44
Да ти се плукнам во климатизерот!


Цело лето а сега и наесен, кога климатизерите се користат за греење, скопјани се принудени постојано да внимаваат каде минуваат да не бидат накапени од вода


Цело лето а сега и наесен, револтените скопјани се принудени постојано да внимаваат каде минуваат. Цревото од клима-уред, од кој постојано тече вода насекаде низ градов, е причината поради која граѓаните секојдневно се пазат да не накиснат не само во лето, туку и во зима, кога климите се користат за греење. Климатизери има насекаде, во секој стан, канцеларија во централното подрачје и во околните населби, кои освен што ги грдат фасадите на зградите, предизвикуваат и дождови. Водата која капе често е валкана, поради правта што ја апсорбира уредот и сето тоа низ цревото се исфрла на улица или врз главата на некој случаен минувач. Сепак, не постои институција што има надлежност да го реши овој проблем, затоа што климатизерите се сметаат за приватна сопственост.

СО ЧАДОР НИЗ ЦЕНТАР
Климатизерите ги има на фасадите, балконите, прозорците... со еден збор насекаде! Граѓаните кои минуваат низ центарот на градот често се жалат дека голем број климатизери се поставени несоодветно и капките што ги исфрлаат го попречуваат во движењето. Тие се посебно револтирани од зградите во строгиот центар, каде што водата тече врз главите на минувачите.
- Не дека не треба да работат климите, но треба да се има предвид каде ќе течат отпадните води кои од кај мене дома, па додека да пристигнам до местото каде работам, ме прават лом.

Одводното црево на една конкретна клима секој ден најмалку двапати редовно ме погаѓа во глава", вели скопјанецот Бранислав Станковиќ. Тој објаснува дека особено сега било времето да се реши овој помалку смешен проблем, бидејќи е актуелен новиот закон за чистота. Ако се казнуваат оние кои фрлаат ѓубре, исто треба да се стори и со оние чии климатизери ги прскаат минувачите.
-Сепак, ако сопствениците на клима-уредите, особено тие што живеат во центарот или во густо изградени зони, имаат барем малку совест, ќе постават дополнителни црева, со кои ќе овозможат водата безбедно да се спроведува до канализацијата или до друго место каде што нема да пречи. Ако не се совесни, треба да има некоја инспекција што ќе ги натера да го сторат тоа - објаснува тој.

Многу скопјани остро реагираат кога врз нив ќе паднат капки валкана вода од климатизерите и кога поради тоа ќе им се извалка или оштети облеката. Тие велат дека нивното поставување, а особено спроведувањето на отпадната вода, мора да се регулира.
Коста Каранфиловски, вработен една од доминатните фирми за климатизација, појасни дека во неговата фирма, има служба која при монтирање на надворешната единица на климатизерот претходно вршат увид на објектот каде ќе се постави климата. Посебно внимание обврнуваат на местото каде ќе се насочат цревата со отпадните води.

НИКОЈ НЕ ОДГОВАРА ЗА НИВ
Надлежните, во единствената инситуција за овој проблем, односно градската комунална инспекција ни објаснија дека ниту тие, ниту некој друг не можат да направат нешто во врска со истекувањето на водата од климатизерите. Тоа било така бидејќи тие се поставувале на фасадите од зградите, кои се приватна сопственост.

МАЛКУМИНА ЦИВИЛИЗИРАНИ ВО СКОПЈЕ
Само на две локации овој проблем е решен уште при самата изградба на објектите. Едната е на булеварот "Осми септември" во населбата Тавталиџе. Таму, на новаата станбена зграда уредно се поставени климатизерите и нивниот одвод. Другата е во Дебар Маало, во комплексот згради на местото на старото кино Карпош, каде со систем на мини олуци е спречено истекувањето на водата.

http://vecer.com.mk/?ItemID=8AAAA67A5F7E4A4091CAF00A301A00CA




Posted By: Vladimir P
Date Posted: 05-Nov-2008 at 22:20
Нис цел град можете да го видите ова со години
И уште човекот си напишал: Не вадете го листот и не лепете ништо врз него



Има ли некој што ова го гледа и санкционира, а фино има и негови телефони
да им повторам 02 3246071 и мобилен 070 819058




-------------
Клуб на љубители на железниците во Македонија, Macedonian Railways Fan Club
https://www.facebook.com/767277056651521/ - https://www.facebook.com/767277056651521/


Posted By: Cloverstack
Date Posted: 06-Nov-2008 at 01:24
Ова ми звучи ко „прва жичка за водичка“... Он прв си напишал да не му го вадат и да не лепат врз него, па сега ај ко децана, кој прв си каже негово си е... Сам си ја зел дозволата да лепи, па уште и си земал за право да  го присвои тој „рекламен простор“.

Nuts     Bash


Posted By: lslcrew
Date Posted: 10-Nov-2008 at 00:10

Со лиценците, урбаниот хаос во законски рамки

Фирмите помлади од две години тешко ќе може да си обезбедат атрактивна работа

Билјана Ангеловска


Државата реши да воведе ред во градежништвото и драстично ќе го намали бројот на фирмите што градат. Всушност, учесниците во процесот на градење сами ќе се елиминираат од градежниот пазар, на кој ќе опстојат само најподготвените, најопремените, најискусните. Веројатно и најдобрите. Последниот случај со уривањето потпорен ѕид на објект во изградба во Скопје, во подножјето на Водно, одново го актуализира прашањето околу компетентноста и стручноста на фирмите што градат, како и на сериозноста со која му се пристапува на секој нов објект. Градењето е многу сложен процес, но пред се' е премногу сериозен бизнис за да може со него да се занимава секој што ќе посака или, пак, има малку повеќе пари. Навистина, и на најголемите и реномирани фирми може да им се случат незгоди на градилиштата. Сепак, некои грешки никако не смеат да се дозволат.

Иако никогаш не може однапред да се предвиди што се' може да се случи во текот на градење, за одредени специфични градби мора да постојат и специфични барања кои инвеститорот мора да ги исполни.

Градежните работници коментираат дека тоа што се случи во скопска Кисела Вода претставува директен пропуст на изведувачот, иако вина има и надзорот, па донекаде и проектантот.

Дали ваквиот пропуст воопшто може да се оправда само со тоа „секому може да му се случат непредвидени работи“, односно дали воопшто смее да се оправдува тоа што се случи, е прашање на кое однапред се знае одговорот. Среќа во несреќата е што немаше жртви, бидејќи незгодата се случила ноќе, кога на градилиштето немало активности. Меѓутоа, случајот сам по себе најдобро укажува на хаосот во градежништвото.

Дали со воведувањето лиценци ќе се среди состојбата? Градежниците се едногласни дека ќе постои селекција, што би требало да доведе до некаков ред. Очекуваат воведувањето лиценци и овластувања драстично да го намали бројот на фирми и фирмички кои во последниве неколку години го преплавија македонскиот градежен пазар. Значи, урбаниот хаос ќе биде ставен во законска рамка. Тоа, несомнено, е добрата страна на медалот.

Меѓутоа, новините со себе носат и недоречености. Нејасно е што ќе се случи со фирмите помлади од две години, бидејќи тие нема да можат да добијат лиценца за работа, со оглед на тоа што за лиценците А и Б е потребно да имаат финансиски бонитет за последни две години, додека за лиценца Ц референтна листа на изведени градби. За да има таква листа, секоја фирма мора да им изведени објекти, а за да изведе некој објект, пак, мора да поседува лиценца за изведувач.

Од друга страна, ќе извисат и младите инженери кои се со искуство помало од две години, бидејќи немаат можност да добијат овластување, што значи дека тие ќе треба претходно да се стекнат со практично искуство кај газдите на фирмите што ќе имаат лиценци. Тоа би можело да донесе и позитивни ефекти, бидејќи со овластување ќе се стекне само оној што ќе има и практична работа, но токму газдите се прашуваат како државата ќе ги „обесштети“ нивните фирми кои на некој начин две години ќе ги обучуваат кадрите од кои практично не можат да добијат никаков повратен ефект.

Една од поголемите грешки на кои укажуваат градежниците е што законодавецот, се чини, целосно го девалвираше средностручниот кадар, бидејќи предвидел овластување да може да добие само оној што има високо образование. За техничкиот кадар, кој е столб на секоја градежна фирма, нема место во законските одредби. На ваков начин државата се откажува од еден огромен потенцијал, кој всушност е најпродуктивен. Ова значи дека законот не кореспондира најдобро со стварноста, бидејќи фирмата не ја чинат само инженери.

Дека законските одредби не се најсреќно артикулирани во реалноста, говори и цената што треба да ја платат фирмите за да добијат лиценца од одредена категорија. Фактот дека најскапата лиценца чини 2.000 евра, и тоа за градење најкомплексни и капитални градби, како што се на пример нуклеарни централи, брани, аеродроми, само покажува дека и законот и подзаконските акти неминовно ќе претрпат сериозни измени.

Сепак, и покрај сите мани, градежните работници се задоволни бидејќи нешто е направено. Се надеваат дека конечно ќе завладее ред во градежната сфера, а со тоа ќе се врати и довербата кај граѓаните, кои во последниве години, поради разните афери што се случија, речиси целосно престанаа да веруваат во домашните градежни фирми.

http://utrinski.com.mk/?ItemID=93060B1293B6EB4D982C9FF40E07816A





Print Page | Close Window