Македонскиот павилјон во „пчелино“ гнездо

Стилизирано пчелино гнездо со препознатливи домашни мотиви и спотот „Македонија вечна“ од режисерот Милчо Манчевски ќе бидат препознатливото обележје на Македонија на светската изложба „Шангај ЕКСПО“, која ќе се одржи од 1 мај до 31 октомври во Кина
Македонскиот павилјон, дело на архитектот Андријана Савиќ, ќе биде сместен во квадрат со страни од 18 метри. Основната тема на презентацијата е урбаниот континуитет. На саемот се планирани презентации за традиционалните македонски јадења и здравата храна, традиционалните занаети, руралниот развој и модерната економија, локалниот развој, животната средина и природните ресурси, со кои располага државата, културните различности, писменоста, образованието и иновациите. Централната манифестација ќе се одржи во пресрет на 8 септември – Денот на независноста на Македонија. Претставувањето на „Шангај ЕКСПО“ Македонија ќе ја чини 650 илјади американски долари, обезбедени преку Бирото за координација на активностите за оваа манифестација. - Нашата цел е да се претставиме достоинствено и скромно во рамките на нашите можности и да направиме колку што е можно порационална презентација - изјави заменик-министерот за економија и национален координатор на Светската изложба во Шангај, Методиј Хаџи Васков.

Oтворен македонскиот павилјон на Шангај Експо 2010

На отворањето присуствуваа и членовите на парламентарната група за македонско - кинеска соработка, Силвана Бонева, Цветанка Иванова и Џеват Адеми.

 

Националниот комесар на Република Македонија за Шангај Експо Хаџи Васков на членовите на делегацијата им го претстави просторот во македонскиот павиљон, дизајниран во форма на пчелино саќе испреплетено со мотиви од урбани средини и пејсажи од Република Македонија, што во целост се вклопува со мотото на Експо 2010 „Подобар град, подобар живот“.

 

Претседателот Вељаноски во Шангај се сретна со потпретседателот на Народна Република Кина, Ши Џинпинг. На средбата Џинпинг искажа задоволство од постигнатото мошне високо ниво на вкупните односи меѓу двете земји, што ги карактеризира висок степен на пријателство и меѓусебно разбирање.

 

- Убеден сум дека соработката меѓу нашите две земји на различни полиња уште повеќе ќе се продлабочува и ние сме подготвени да ги засилиме нашите активности. При тоа се надевам дека ваквите добри односи на сите останати полиња ќе придонесат за интензивирање особено на економската соработка, истакна претседателот на Собранието Вељаноски.

 

Потпретседателот Џинпинг истакна дека учеството на Република Македонија на Шангај Експо 2010 ја покажува почитта кон Кина, како домаќин на овој извонредно голем и значаен настан.

 

- Се надевам дека вашиот павиљон ќе постигне целосен успех и ќе ги покаже шармот и убавините на РМ пред светската јовност, рече Ши. Воедно тој нагласи дека кинескиот и македонскиот народ ги врзува традиционално пријателство, а односите меѓу двете земји се развиваат во различни области од заенички интерес, што се потврдува и со интензивирањето на меѓусебните средби на различни нивоа.

 

Претседателот на Собранието Вељаноски, како што соопшти неговиот Кабинет, беше гостин на свечената вечера што по повод отворањето на Експо 2010 ја приреди претседателот на Кина Ху Џинтао, а на која присуствуваа педесетина шефови на држави, претседатели на парламенти и влади.

 

Високите гости заедно ја проследија и спектакуларната програма, по што светската изложба Експо 2010 беше официјално отворена.

 

http://sitel.com.mk/node/14587 - http://sitel.com.mk/node/14587

во постот на Ску Боу се гледа рефлексија на стаклото на соседниот објект, мислам дека е како оној првичен рендер што го имавме.....ај видете....  

онаа вест од Сител што ја постави....

Една слика не кажува какви сме на „Шангај ЕКСПО“

На сајтот на Министерството за економија, надлежно за организацијата на македонскиот павилјон, нема доволно информации за програмата со која ќе се претставиме во наредните шест месеци, колку што трае светската изложба во Шангај

МАКЕДОНИЈА НА ШАНГАЈ ЕКСПО 2010

Половина милион лица го посетиле македонското саќе

Според заменик-министерот за економија, Методија Хаџи-Васков, реално Шангај Експо 2010 е голема можност Македонија во Кина да се презентира пред светската јавност, особено на посетителите од земјите на азискиот континент

Половина милион лица го посетиле македонскиот павилјон на саемската манифестација Шангај Експо 2010, што од први мај годинава се одржува во Кина. Во просек дневно павилјонот го посетувале околу 8.000 лица, додека дневниот рекорд достигнал 22.500 посетители. Според Методија Хаџи-Васков, заменик-министер за економија, реално ова е голема можност Македонија во Кина да се презентира пред светската јавност, особено на посетителите од земјите на азискиот континент.
- Презентацијата на земјава ја започнавме преку претставување и дегустација на квалитетното македонско вино и еколошката храна. Кинескиот пазар е заинтересиран за македонското вино - укажа Хаџи-Васков, кој истовремено е и национален комесар на Шангај Експо 2010.
Според него преку оваа светска изложба Македонија се презентираа под слоганот "Македонија вечна" и темата: Урбаниот континуитет на земјава.

Тој потсети дека павилјонот е во форма на пчелно гнездо и зафаќа површина 324 квадратни метри. Во овој простор секојдневно се презентираат убавините на земјава.
Хаџи-Васков информира дека плановите за следниот месец се насочени кон презентацијата на туристичките можности на земјава, руралниот туризам и архиолошките локалитети и техничките достигнувања во енергетиката од аспект на обновливите извори на енергија.

Шнагај Експо 2010 година ќе трае до 31 октомври годинава, а главната манифестација за нашата земја ќе се одржи на 7 септември и ќе биде во чест на Денот на независноста на државата - 8 Септември.
- Во третиот дел од саемската манифестација ќе бидат претставени автентични занаетчиски творби, како што се филиграните, охридскиот бисер, опинците и чергите - вели Хаџи-Васков.
Министерот објасни дека на општо задоволство на посетителите на самото место ќе има изработка на филигран од страна на врвни занаетчии, а тоа се очекува да побуди поголема љубопитност кај посетителите на Саемот. Пред саемските гости ќе биде презентирана и карактеристичната македонска стара архитектура.

Инаку, на влезот од македонскиот павилјон е претствена куќата на Робевци во Охрид, а за време на викендите посетителите чекаат во редици и по еден час.
- За посетителите е особено интересно на саемскиот пасош да добијат печат од земјата што ја посетиле. Тие буквално се натпреваруваат кој од нив ќе собере повеќе печати, оти тоа покажува дека посетиле повеќе павилјони, односно држави - објаснува Хаџи-Васков.