АРХИТЕКТИТЕ ПРЕДУПРЕДУВААТ

Новиот мост ќе го скрие Камениот

Вториот пешачки мост што е предвиден да се гради во центарот на Скопје ќе ја затвори глетката кон Камениот мост и ќе влијае на неговите функционални, естетски и просторни квалитети, смета архитектот Минас Бакалчев, професор на Архитектонскиот факултет.

Според него, не треба да се биде стручњак за да се заклучи дека ќе се создаде голема конфузија со уште еден мост меѓу Камениот мост и Мостот на цвеќето, кој ќе ги поврзува Македонската опера и балет со Градскиот трговски центар. Мостовите ќе бидат премногу близу перцепциски. Новопредвидениот мост ќе води на исто место како и Камениот. Освен тоа, Камениот мост треба да има заштитна зона за да не биде загрозуван ниту функционално, ниту просторно - вели архитект Бакалчев.Тој смета дека би било доволно и сосема функционално само едно премостување преку реката Вардар.

- Мост треба да поврзува нешто и да активира одредени содржини. Мостот на цвеќето, кој е предвиден со Детаљниот урбанистички план за локалитетот „Пресвета Богородица“, би требало да го активира просторот пред ГТЦ и просторот на културниот центар од другата страна на реката Вардар. А понатаму, пак, овие простори да се влеат со Старата скопска чаршија. Повеќе мостови на овој простор е бран на хипертрофирање на нештата, односно одеднаш да се направи се' - вели архитектот.Од Општина Центар објаснуваат дека изградбата на овој мост е предвидена за да се поврзат новите згради на двата брега од реката Вардар, внесени со најновите измени и дополнувања на ДУП „Мал ринг“.

- Целта е да овозможи брз пристап на граѓаните до овие институции и да се избегне кружењето по Камениот мост. Тој ќе биде во функција на брз пешачки сообраќај - вели Соња Шумковска, раководител на Секторот за урбанизам во Општина Центар.Таа вели дека засега не постои ниту проект, ниту пак се направени какви било анализи за оправданоста за неговото постоење. Според Шумковска, такви анализи за оправданоста ќе се направат дури откако ќе се избере идејното решение, пред почетокот на неговата изградба.Од Општина Центар ценат дека воопшто нема да пречи изградбата на уште еден мост и сметаат дека има доволно простор меѓу нив. Како пример ги наведуваат поголемите европски градови низ кои тече реката Дунав и имаат повеќе мостови.Од Градот воопшто не се информирани за изградбата на новиот пешачки мост.  Според графичкиот приказ на новиот Предлог-ДУП доставен во Градот Скопје, по кој е дадено негативно мислење, не постои дополнителен мост што би бил меѓу Камениот и Мостот на цвеќето - велат во Одделението за односи со јавноста во Градот.Градските власти велат дека единствено дале позитивно мислење за Мостот на цвеќето. Градот се произнесе негативно за измените на ДУП, кои неодамна ги донесе Општина Центар, а со кои се предвидува изградба на црква, Музеј на ВМРО и неколку деловни објекти на плоштадот Македонија.

Анела Петрова

Општина Центар до средината на следниот месец треба да избере изведувач на градежните работи меѓу домашните фирми "Гранит" и "Бетон", "Конструктор" од Сплит и "Алпина" од Австрија

Наесен ќе почне изградбата на новиот пешачки мост на Вардар

Градоначалникот Тодоровиќ очекува финансиска помош од Владата

Општина Центар следната недела ќе постави камен-темелник за изградба на пешачкиот мост, што треба да ги поврзе новата зграда на Уставниот суд со Градскиот трговски центар. Ова го најавија општинските власти, кои од пријавените четири фирми „Бетон“, „Гранит“, австриската „Алпина“ и хрватската „Конструктор-Сплит“ ја избрале последната за да го гради објектот. - Во текот на наредната недела се планира да се постави камен-темелник за почеток на изградбата на пешачкиот мост на реката Вардар. Како фирма-изведувач на пешачкиот мост е избрана „Конструктор-Сплит“ и“вели Јовица Ацковски, портпарол на Центар. Покрај проектот за мостот, општината овој месец ќе почне и со поставување на фонтаните во водите на Вардар, лоцирани од двете страни на Камениот мост. Пред извесно време градоначалникот на Центар, Владимир Тодоровиќ соопшти дека се обезбедени сите потребни дозволи за работа и е одобрено сообраќајно решение за влез на градежните машини на кејот. Се чекаше само италијанската фирма избрана на тендерот за изведувач да ја добие лиценцата што мора да ја има за да може да работи во земјава. - Се очекува деновиве да заврши нострификацијата за лиценците за градби што ги има фирмата „Ламоне мореда“, која работи во Европа по нивни прописи и наскоро ќе почне изградбата и“вели Ацковски. Пешачкиот мост е замислен во форма на око, со стаклена основа низ која ќе може да се гледа водата. Според процените на градоначалникот Тодоровиќ, градежните работи би требало да завршат по две години, а финансии за изведбата ќе бара и од Владата. Во општината официјално не одговараат на прашањето колку ќе чини пешачкиот мост, иако во јавноста се споменуваше сума од околу четири милиони денари. Овој објект ќе се гради веднаш до Камениот мост, а во продолжение до него треба да се изгради уште еден пешачки мост. Во мандатот на градоначалничката Виолета Аларова вториот проект се најавуваше како мост на цвеќето, со изложбен простор на кој ќе се чита и поезија, а од неодамна изведбата премина во град Скопје, каде што повторно ќе распишуваат конкурс за избор на идејно решение, иако претходно тоа веќе го направи општината. Во Центар сега велат дека за мостот на цвеќето не се потрошени средства бидејќи не била спроведена постапка. Фонтаните, пак, ќе ги прави венециската фирма „Ламоне мореда“, во средишниот дел на коритото на Вардар, од двете страни на Камениот мост. Тие ќе работат на принцип на бунари со кои ќе се прочистува водата. Ќе испуштаат млазови високи по неколку метри, а самиот механизам нема да биде видлив на површината на водата, туку ќе се наоѓа на дното на реката. Во јавноста се наведуваше дека изведбата на фонтаните ќе чини 60.000 евра, а ќе трае седум месеци. Овие информации во општина Центар не ги потврдија, ниту ги отфрлија.

http://netpress.com.mk/vestiimages/61357/%D0%9D%D0%B8%D0%BA%D0%BE%D0%BB%D0%B0%20%D0%93%D1%80%D1%83%D0%B5%D0%B2%D1%81%D0%BA%D0%B8.jpg">

http://netpress.com.mk/vest.asp?id=61357&kategorija=1

Aнтички скулптури и на пешачкиот мост „Око“

Никој од надлежните вчера не одговори со колкави димензии ќе бидат скулптурите и чии ликови ќе имаат

Против законска е изградбата на новиот мост „Око“

http://a1.com.mk/vesti/novinar-email.asp?NovinarID=130&VestID=113610 - Гоце Михајлоски	http://a1.com.mk/vesti/default.aspx?VestID=113610#komentari - Коментари (4)   javascript:otvoriVideoPrilog%2809/goce-most-11-09.wmv,%20113610%29">

„Око“

Естетски погрешно, но и против законско е новиот пешачки мост наречен „Око“ да се гради на само 50-тина метри од Камениот мост, кој е заштитен со закон како дел по културното наследство, предупредуваат архитектите.

Стручна дебата за потребата од мост, неговиот изглед и локација воопшто немало.

„Не може еден споменик на културата како што е Камениот мост да не го добие режимот на заштита како што заслужува. Законот пропишува колку метри од него најмалку може да се гради, што да стои од едната страна, што од другата страна. Како се чуваат визурите кон историските споменици, и при тоа ги ставам на истата сметка Камениот мост и другиот мост што се наоѓа кај Македонскиот народен театар, кои се наоѓаат на многу мала дистанца, и за кои тврдам дека се уште не сме однегувале граѓанска навика за пешачко користење на мостовите, за да сега правиме уште еден за кој пак треба да замислиме како ќе се вклопи во некој амбиент кој е во изградба, за објекти кои треба да замислиме како ќе изгледаат“, вели Кокан Грчев, архитект, универзитетски професор.

„Ако сакаш доле да се симнеш ќе си ги удриш нозете“

„Премногу блиску поставени мостови, воопшто не навлегувам какви се, зборувам само за нивната позиција, и за нивната маса, тука тие се редунтантни, претенциозни, има премногу материјал во нив, премногу се блиску до мостот, со тоа го покриваат погледот, практично го елиминираат, го загадуваат погледот на Камениот мост, од главниот градски кеј, кејот 13 ноември“, рече Мирослав Грчев, архитект, универзитетски професор.

Мостот ќе го гради општина Центар, иако реката Вардар е надлежност на градот. Ќе потроши скоро 2 милиони евра. Толку чинеше клучката кај Континентал, целиот Плоштад или комплетната опрема на комунална хигиена.

„Овој мост дали дневно стотина луѓе ќе го поминуваат, а се трошат толкави пари. На Скопје му требаат мостови, но му требаат сообраќајни мостови. Треба „Илинденска“, да продолжи со мост. Треба во Аеродром да се изгради нов мост, но пешачки мост јас како градоначалник е последното нешто што би го правел. За мене е спорно кој од кејот ќе оди во театар или во архивот? Сите што ќе имаат потреба да одат, одат да се паркираат под театарот. Овој мост можеби ќе значи некаков украс на реката Вардар, но од практичен аспект не служи на никого“, изјави Ристо Пенов, поранешен градоначалник на Скопје.

Овој мост од практичен аспект не служи на никого

Камен-темелникот на Око беше ставен пред четири дена, но градбата која е предвидено да заврши за година ипол не е почната. Поставени се само металните огради кои целосно го блокираат кејот. Граѓаните што не се информирани и мака мачат.

Некои се враќаа, но некои и денеска поминуваа ризикувајќи да паднат во Вардар.

„Ако сакаш доле да се симнеш ќе си ги удриш нозете“, изјави граѓанин на Скопје.

Скопјани повеќе од една година не можат да го користат ниту горниот дел од кејот. Неизвесно е до кога, бидејќи објектот што се гради на плоштад се уште нема ниту темели.

We linger over a design for a footbridge in Skopje, Macedonia, which Crab decided needed something more radical, proposing a moving kiosk, the top half of which became a slivovitz bar by night.

He likes it because it combines old Archigram ideas with his obsession with kiosks — just discernible in the final design for London’s 2012 stadium. “It turned out that the client didn’t have any money, so we all got third prize,” he says.

Пред 5 - 6 години, кога беше модерно да се зборува за милениумски работи, тогашната локална и државна власт не останаа имуни на новата мода, па брзо - брзо смислија проект за Милениумски мост на Вардар кој им го ветуваа на скопјани во новиот милениум. За овој мост, кој требаше да се гради во центарот, градските власти направија и проект. Нивните тогашни изјави беа дека проектот за Милениумскиот мост е еден од нивните најамбициозни проекти, а го изработија стручњаци од Архитектонскиот и Градежниот факултет. Тогашниот главен градски архитект Љупчо Георгиевски објаснуваше дека Милениумскиот мост е смело и атрактивно решение. Мостот требаше да биде долг 93 метри и да нема средни столбови.
Новиот милениум дојде, а од мостот нема ниту трага. Последните информации за овој мост во јавноста беа дека градоначалникот на Скопје Ристо Пенов треба да одобри пари за довршување на техничката документација, а веднаш потоа мостот да почне да се гради. Според договорот, изградбата на мостот требаше да ја финансира тогашното Министерство за урбанизам и градежништво, а преговорите за Милениумскиот мост со Градот ги водеше тогашниот министер Душко Кадиевски. Брзо по последните договарања за овој мост Кадиевски беше сменет од функцијата, подоцна се смени и власта, но за ветувањето наречено Милениумски мост никому не му текна.

„Око“ ни го украде Кејот

Долниот дел на Кејот, кај градилиштето на мостот „Око“, е целосно заграден со лимени тараби, со што веќе два месеца е спречено користењето на пешачката и велосипедска патека, а на градилиштето нема никакви активности

Ако сите градежни работи што Општина Центар ги планира на Кејот на Вардар завршат во најавените рокови, тогаш граѓаните ќе треба да ја почекаат средината на 2012 година за да може да го користат овој атрактивен дел од градот за рекреација. Подготовките и изградбата на мостот „Око“ и реализацијата на проектот за две фонтани во Вардар, ќе потраат уште најмалку две години.

Сега, наместа долниот дел на Кејот, кај градилиштето на мостот „Око“, е целосно заграден со лимени тараби, со што е спречено користењето на пешачката и велосипедска патека. Кејот е затворен два месеца, а градежни активности не се одвиваат. Нејасно е зошто Општината Центар дозволи граѓаните да го загубат Кејот, а таму ништо да не се гради. Слична беше и ситуацијата со изградбата на објектот на местото на некогашната Народна банка, кога приватниот интерес на поединци беше ставен над јавниот интерес. Тогаш инвеститорот целосно го затвори шеталиштето 13 Ноември и направи импровизиран мост за пешаците, а цела година не градеше ништо.

Граѓаните кои со години го користат Кејот за рекреација се незадоволни што тоа сега им е оневозможено и бараат Општината Центар и Градот Скопје да најдат решение и да го ослободат Кејот за движење.

- Се израдувавме што конечно во Скопје се направи нешто толку добро како што е рекреативната велосипедска патеката на Кејот. Живеам во Аеродром и секое утро со велосипед одев на работа. Но, нашата радост ја прекинаа со почетокот на изградбата на мостот, па барем да градат. Само ја затрупаа патеката и чекаат подобри времиња. Времето се' уште е убаво за возење велосипеди и ролерки. Како вака, неодговорно и без чувства за граѓаните, се однесуваат локалните моќници? Се прашувам за кого ја правеа патеката? Сега возам до кај хотелот „Холидеј ин“, па велосипедот мора на раце да го качувам по скали за да дојдам до горното ниво и да продолжам по плоштадот. А скалите на Кеј не се скали, туку јавен тоалет - револтиран е скопјанецот Тодор Димовски.

Од Општина Центар велат дека градежните работи наскоро ќе продолжат. Застојот бил поради тоа што се' уште траат подготвителните работи, односно отстранувањето на постоечките подземни инсталации. Ветуваат дека во наредниот период изградбата на мостот ќе се интензивира.

- Со оглед на тоа дека се очекува наскоро да почне изградбата на мостот, а просторот ќе биде градилиште, од безбедносни причини за граѓаните во нивен интерес е Кејот да биде затворен, за да не дојде до повреда на некој од минувачите - велат во Општина Центар.

Ниту градските власти не се заинтересирани што патеката која тие ја изградија им е одземена на граѓаните, а ништо не се гради. На прашањето дали можат да и' наложат на Општината да го ослободи Кејот за рекреативците, велат:

- Прашањето е во надлежност на Општина Центар, зашто општината издала градежна документација во која се утврдува и опсегот на градилиштето поради безбедноста на минувачите и поефикасно изведување на градежните работи - одговараат од Градот.

Инаку, за се' што се случува на Кејот, односно на брегот на Вардар, според поделбите на надлежностите, одговорен е Градот Скопје.

Мостот „Око“, кој ќе има форма на око, ќе се гради во близина на Камениот мост. Со него ќе се поврзат зградата на Уставниот суд, која е во изградба и Градскиот трговски центар. На средината на мостот подот ќе биде направен од стакло, а на краевите ќе има шест помали стаклени отвори.

Објектот ќе го гради хрватската фирма „Конструктор инженеринг“ од Сплит, а ќе чини 1,5 милион евра. Инвеститор е Општина Центар. Според најавите, градежните работи треба да завршат во рок од 17 месеци.

Мостот „Око“ се разоружува

Наместо скулптури од 15 војници, како што првично беше предвидено, на новиот премин преку Вардар ќе се постават 29 статуи со ликови на поети, уметници и на други заслужни граѓани

Конкурс распишан за да пропадне

Познавачите сметаат дека Општина Центар не смеела да им дозволи на уметниците сами да одберат за која личност ќе направат скулптура на конкурсот за 29 идејни решенија за скулптури на историски личности за мостот „Око“

Конкурсот за поставување 29 скулптури на мостот „Око“ е осуден на пропаст, сметаат познавачите. Тие велат дека е нелогично нарачателот да бара идејни решенија за скулптури на историски личности, а да не наведе на кои личности мисли.

Во конкурсот што го распиша Општина Центар учесниците имаат слобода во определувањето на личностите што ќе ги претстават со скулптурите. Како единствен услов и важен критериум е наведено дека треба да се доловат историски личности чие постоење и дејствување оставило белег на овие простори, за кои постојат археолошки наоди во Археолошкиот музеј.

- Кога се распишува конкурс за личности од историјата, мислам дека е неупатено да им се даде слобода на уметниците во изборот на историските личности, бидејќи може да се случи многу уметници да се определат за мал број, односно за исти историски личности. Тоа е сериозен недостаток. Конкурсната комисија морала да ги наведе историските личности што треба да бидат претставени со идејните решенија. Нарачателот мора да знае што сака. Вака излегува дека всушност не знае што сака или оној што го подготвувал не знаел како тоа правилно да го направи. Или, пак, конкурсот е направен за да не успее - вели архитектот Вангел Божиновски.

Професорот на Архитектонскиот факултет, Мирослав Грчев, вели дека идејата да се поставуваат скулптури на историски личности на современ мост е бесмислена.

- Самата идеја да се поставуваат скулптури на современ мост е сосема неразумна, бидејќи мостовите денес се градат на сосема друг начин. Ваквиот начин на изразување некаква општествена идеја е надминат со векови. Оној што денес посега по таков скулптурален или архитектонски јазик, кој веќе ниеден архитект или уметник не го зборува, тој очигледно не знае ништо. Станува збор за сосема неоправдано трошење огромни количини на јавни пари - вели Грчев. Според него, ваквото узурпирање на јавниот изглед на градот, на јавниот простор и на јавните пари не е прашање на архитектонско, ликовно или естетичко проценување, туку е прашање на корупција на државната супстанца во земјата.

- Практично, тоа се симптоми на внатрешно распаѓање на државата. Токму тие, државните органи и локалната самоуправа, кои треба да се јавен сервис и домаќински да работат со јавните пари, фактички ги крадат од народот и од нивната вистинска намена, а воедно ги упропастуваат и уништуваат во идеи за кои воопшто не се образовани, подготвени и надлежни. Оваа идеја е бесмислена и ќе заврши со ужасна грдосија - вели Грчев.

Еден од авторите на проектот за „Око“, Борислав Јосифов, кој е и директор на проектантската куќа „Инпума“, вчера не сакаше многу да коментира дали со слободното изразување на скулпторите нема да се наруши модерниот архитектонски концепт на мостот. Тој само истакна дека тоа било направено во негова согласност.

- И нарачателот на проектот, како и изведувачот, се консултираа со мене за тоа. Повеќе не би имал што да кажам - вели Јосифов.

Од Општина Центар сметаат дека комисијата што ќе ги прегледува трудовите нема да дозволи да се наруши естетската вредност на мостот.

- Една од задачите на стручното жири е да обезбеди исполнување на проектните задачи и да ги обезбеди зададените естетски вредности со проектот на мостот - велат од Општината.

За 29 скулптури Општина Центар планира да потрошат околу 600 илјади евра, односно по 20 илјади евра за скулптура.

Мостот „Око“ се наоѓа непосредно до Камениот мост и досега беше многу критикуван како непотребен и нефункционален објект. Се гради исклучиво за потребите на зградата во која ќе бидат сместени Уставниот суд, Архивот и Археолошкиот музеј. Таа се гради на самиот Кеј од левата страна на Вардар, на проблематична близина до реката.

Мостот ќе има форма на око, со стаклен под во одредени делови. Од двете страни ќе има мермерна ограда, покрај која ќе се постават клупи, а во центарот е предвидена фонтана. На оградата прво беше замислено да има фигури на воини, но сега е дефинирано дека ќе има распоредено по 14 скулптури од двете страни, високи по два метра. Во средината, кај фонтаната, ќе има и централна скулптура што ќе биде висока три метри. Изградбата на мостот, вреден околу 1,5 милион евра, се очекува да заврши до средината на 2011 година.

Скопјани ги револтира и тоа што иако темелите свечено ги удри премиерот Никола Груевски лани во септември, изградбата се уште не е почната. Кејот напразно со месеци е прекинат со тараби и купишта песок и не може да се користи за рекреација.

Според општинските власти, изградбата е во тек, односно се вр-шат подготвителните работи.

http://dnevnik.com.mk/?ItemID=6298170E2074E94FB7130618705BEC3B