Окото на Охрид

Printed From: build.mk
Category: Главни теми
Forum Name: Хотели и одморалишта
Forum Discription: Хотели, хостели, одморалишта, кампови...
URL: http://www.build.mk/forum/forum_posts.asp?TID=763
Printed Date: 24-Apr-2024 at 23:40

Topic: Окото на Охрид

Posted By: lslcrew
Subject: Окото на Охрид
Date Posted: 04-Nov-2009 at 15:52

Охрид ќе добие хотел од 33 милиони евра

На почетокот на март наредната година во Охрид се најавува дека ќе почне да се гради хотел со пет ѕвездички, а инвестицијата ќе достигне до 33 милиони долари. Како инвеститори се појавуваат македонски бизнисмен од Америка и домашната компанија Трудбеник кои денеска потпишаа договор. Хотелот треба да се вика Окото на Охрид и ќе се протега на површина од 33 илјади м2 во близина на локалитетот Билјанини извори. Планирано е во него да се вработат околу 600 лица.

„Од оваа инвестиција еден милион евра ќе добие државата за откуп на градежното земјиште, шест милиони евра ќе добие општина Охрид за комуналии, а другиот дел е наша инвестиција сè до неговата функционалност“ вели директорот на Трудбеник, Ацо Спировски.

„Сакаме ваков хотел да има и тука затоа што сакаме да придонесеме во развој на туризмот. Сметаме дека ќе работи успешно и оти ќе има гости“ рече Спиро Трајчевски, инвеститор од САД.

http://alsat.mk/vesti/zemja/18650.html

Replies:

Posted By: pbanks
Date Posted: 04-Nov-2009 at 16:38

Одлично звучи и сумата е солидна. Се прашувам дали е ова локацијата за хотел кај Билјанини извори која сега ќе биде предмет на лицитација или пак се работи за посебна локација. Секако навивам за втората опција.

Posted By: Cloverstack
Date Posted: 04-Nov-2009 at 17:32

Со оглед на тоа дека овие зборуваат како за готова работа, а министерството допрва треба да ја излицитира локацијата што ја нуди,
веројатно навистина се работи за втората опција Smile

Во прилог на тоа оди и тоа што кај Билјанини Извори има четири маркици за хотели. Поточно две за хотели и две за хотелски комплекси.
Би било убаво доколку некој може да сподели инфо како точно се дефинирани овие категории, но во суштина бројката е четири.

Еве го ДУП-от
41° 6'16.88"N 20°48'36.35"E

Posted By: gorco
Date Posted: 05-Nov-2009 at 12:18

Денешен ДНЕВНИК.

Во Охрид ќе се гради хотел вреден 33 милиони долари

Луксузен хотел со пет ѕвездички ќе се гради на охридското крајбрежје, во непосредна близина на каналот Билјанини извори. Охридската фирма „Трудбеник“ и македонскиот бизнисмен од Америка, Спиро Трајчески вчера потпишаа договор за заедничко инвестирање во изградбата на хотел вреден 33 милиони долари.

Хотелот ќе се гради на атрактивната локација од околу 15.000 квадратни метри. Оваа локација беше предмет на јавниот оглас за продажба на градежно земјиште што го објави Министерството за транспорт и врски пред неколку дена.

Според најавите, изградбата на хотелот ќе почне на почетокот на март и се планира да биде завршен за две години. Хотелот ќе има капацитет од 500 гости и според најавите, ќе биде најлуксузниот објект на брегот на Охридското езеро. (Е.Е.)

Повеќе на: http://dnevnik.com.mk/?ItemID=92D6F4C433D87943A1A2CA35EFAD5010 - http://dnevnik.com.mk/?ItemID=92D6F4C433D87943A1A2CA35EFAD5010

-------------

Posted By: pbanks
Date Posted: 05-Nov-2009 at 12:46

Чудна вест во најмала рака. Министерството за транспорт и врски само ги презентираше локациите кои ќе се продаваат пред некој ден а самата продажба треба да се случува во следниве три месеци. Дали се работи за грешка или експресно се продал едниот плац (што лично не ми пречи баш би било убаво наш иселеник да инвестира таква замашна сума дома).

Posted By: gorco
Date Posted: 05-Nov-2009 at 14:35

Па што знам веќе...

Искрено кога ќе видам било каква објава , за градба на хотел, некој комплекс како она со Португалците во Преспа или апла некој светски бренд како Хилтон, Радисон, сум скептичен и негативен.

Изгледа сум се навикнал на лажниве ветувања.
Bash

-------------

Posted By: pbanks
Date Posted: 05-Nov-2009 at 23:28

Од Дубаи "Окото на Охрид"

Хотел со пет ѕвезди ќе се гради во Охрид од почетокот на март следната година. Луксузниот хотел "Окото на Охрид" ќе има изглед по теркот на познатиот хотел во Дубаи. Објектот ќе се гради кај каналот Студенчишта на местото каде сега се наоѓаат бараките на Трудбеник. Инвестицијата вредна 33 милиони долари ќе се простира на површина од 15.000 квадратни метри. Договорот за заедничко инвестирање го потпишаа македонскиот бизнисмен кој живее и работи во САД, Спиро Трајчевски и директорот на охридската градежна фирма Трудбеник, Ацо Спироски.
-Сместувачкиот капацитет ќе биде за околу 600 лица, а ќе има претседателски и други луксузни апартмани, конгресни сали, дискотека, казина и други содржини. Објектот ќе потсетува на познатиот хотел во морето во Дубаи, но нема да има иста форма и големина - изјави директорот на "Трудбеник", Ацо Спироски.

За инвеститорот Спиро Трајчевски со овој зафат, ќе се помогне во развојот на македонскиот туризам. Според најавите, од оваа инвестиција државата за откуп на земјиште ќе профитира еден милион евра, а во општинската каса на име комуналии ќе се слеат шест милиони евра.
Деновиве оваа атрактивна локација на која треба да се гради луксузниот хотел беше предмет на јавното наддавање за продажба на градежно земјиште што го објави Министерството за транспорт и врски.

http://www.vecer.com.mk/?ItemID=18B9BB3A4E7702468BDDE4B53ACB0BBA - http://www.vecer.com.mk/?ItemID=18B9BB3A4E7702468BDDE4B53ACB0BBA

Posted By: pbanks
Date Posted: 05-Nov-2009 at 23:31

Еве и неколку слики превземени од http://www.ohridnews.com/index.php?mod=1&kat=4&id=16687 - Ohrid News

Мизерен рендер (но замашни димензии јас тука бројам некаде 9 ката)

Локацијата (јасно е што е тука хотелот но што е оној помал објект залепен до кејот а тука гледам и нешто што личи на марина а моментално не постои)

Еве и слика од локацијата на хотелот, залепена веднаш до каналот

Posted By: pbanks
Date Posted: 05-Nov-2009 at 23:38

Кој е тој хотел око во Дубаи не ми текнува? Не е ваљда дека онаа шкрабаница погоре претендира да се мери со Бурж Ал Араб?

Posted By: pbanks
Date Posted: 05-Nov-2009 at 23:44

Уште нешто... и според ДУПот кој го постираше Кловер и според огласот на Министерство за транспорт и врски посочената парцела дозволува П+4. Се надевам дека ова е усогласено веќе со планот за хотелот и дека нема да има разноразни одлагања на почетокот на градба заради административни причини како што сме навикнале.

Posted By: pbanks
Date Posted: 05-Nov-2009 at 23:59

Да продолжам со монологот

. Еве ги веќе првите сплетки околу проектов, меѓу министерството и Трудбеник Wallbash

. Значи веќе нема дилеми дека се работи за истата локација во сите погоре приложени материјали а и нема дилеми дека ќе има компликации, кога пак ги немало.

Нов луксузен хотел во Охрид

среда, 04 ноември 2009, 18:45

Вистинска битка меѓу Охридската градежна фирма Трудбеник, општината и Министерството за транспорт за атрактивната локација кај Билјанини извори. Се спори околу сопственоста на локацијата. Владата тврди дека е нејзина, и затоа на јавно наддавање ќе избира инвеститор за луксузен хотел.

Фирмата Трудбеник, пак, тврди дека има корисничко право и право на долготраен закуп врз земјиштето на кое, еден од најбогатите македонски бизнисмени од Америка - Спиро Трајчески сакал да инвестира 33 милиони долари – и тој за луксузен хотел.

Наспроти Трудбеник, од Министерството за транспорт и врски, преку писмен допис велат дека локацијата наменета за изградба на хотел кај Билјанини извори е целосно во сопственост на Република Македонија. Министерството додава и дека веќе побарала од општината, Трудбеник да ги исели поставени времени објекти.

Градоначалникот Петрески, пак, е збунет – не знаел чија е локацијата од каде, ако се изгради луксузниот објект, градот ќе ќари 6 милиони евра за комуналии.

Амеиканскиот бизнисмен Трајчески, пак, му верува на градоначалникот Петрески, кој го уверувал дека градот Охрид ќе располага со ова земјиште до Нова година.

Инаку, според замислата на американскиот инвеститор, луксузниот хотел што сака да го гради би наликувал на арапска кула од Перисискиот залив.

http://vesti.alfatv.com.mk/default.aspx?mId=37&egId=2&eventId=14705 - http://vesti.alfatv.com.mk/default.aspx?mId=37&egId=2&eventId=14705

Posted By: pbanks
Date Posted: 06-Nov-2009 at 00:05

Еве го уште еднаш прилогот на Министерство за транспорт и врски за продажба на локацијата кај Билјанини извори за хотел

Posted By: pbanks
Date Posted: 06-Nov-2009 at 00:06

И уште две минијатурни фотки од проектот каде може да се види проектот во гро план

Posted By: lslcrew
Date Posted: 06-Nov-2009 at 04:04

Во долниот дел личи на Александар Палас, а во горниот дел на сплескан оној хотелот од Дубаи, уствари не личи него потсеќа. Е сега ќе добиеме уште еден аквариум, ама барем ќе се мрдне од оваа точка и Охрид после долго време ќе добие новоизграден хотел.

Posted By: Dave Gahan
Date Posted: 07-Nov-2009 at 20:46

omfg.......тешко рендер да е ова, уште на рака се црта во Охрид (или каде и да е правен проектов)

-------------
MAKE CAPITALISM HISTORY

Posted By: Mr.Edmund
Date Posted: 08-Nov-2009 at 12:49

Не е битно дали е нацртано на рака, искрено се надевам дека нема да изгради оваа грдосија во Охрид. Тој град и таа локација поконкретно заслужуваат многу попрефинета и посуптилна архитектура од овој несмасен куп од без концепт споени елементи.

-------------
СМРТ ЗА ФАШИЗМОТ-СЛОБОДА ЗА НАРОДОТ

Posted By: Stefano
Date Posted: 09-Nov-2009 at 20:57

Гледајќи кои се луѓе се вклучени во тој проект и за кое земјиште се зборува, сигурен сум 100% дека овој објект нема да се изгради..

Posted By: axel
Date Posted: 10-Dec-2009 at 19:45

se slozuvam so stefano deka hotelot nema da se izgradi.koga najavija deka ke se gradi hotel-okoto na ohrid vednas se pglasi ministerstvoto za transport i vrski deka zemjisteto kje odi na licitacija koj kje ponudi najmnogu toj kje gradi.mtc i gradot ohrid vlegoa vo spor za zemjisteto.kje vidime sto ke izleze od celava rabota.ja sum skeptik za proektov deka kje se izgradi.< id="gwProxy" ="">< ="jsCall;" id="jsProxy" ="">

Posted By: axel
Date Posted: 19-Mar-2011 at 02:57

Струшки ,,Илинден,, ќе гради хотел на Билјанини извори

петок, 18 март 2011, 19:24

Охрид не го доби “Окото на градот“ како што популарно беше наречен луксузниот хотел кој по теркот на познатиот објект во Дубаи требаше да никне кај Билјанини извори. Атрактивната локацијата за 250 000 евра ја купи струшки “Илинден “. Ќе гради хотел, откако претходно ја изгради обиколницата ,,Железничка,,.

Години наназад никој не пројавуваше интерес за вака атрактивните локации, не се реализира нити една странска инвестиција. Заинтересираните доаѓаа и заминуваа.Сега на оваа локација струшки Илинден ќе изгради хотел вреден 3,5 милиони евра.

Од компанијата велат дека се уште не знаат каква ќе биде намената на хотелот –допрва ќе размислувале дали тоа ќе биде апартамски комплекс кој потоа би се продавал. Инаку за оваа локација која се наоѓа крај самото шеталиште пред три години беше заинтересиран македонски бизнисмен кој живее во Америка. Иако беше потпишан договор за заедничко инестирање со охридската компанија „Трудбеник“, инвестицијата вредна 33 милони долари , не се реализираше.

http://daily.mk/cluster3/fb58f5da7b804dc84ac71a31bb43566a/646659

Posted By: Тркало
Date Posted: 23-Feb-2013 at 16:33

Барав нешто друго и случајно налетав на темава, истовремено и првпат на информацијата за хотел кај мостот Б. Извори.Ама ништо чудно каков е развојот на настаните ако сте жител на градот и запознати со приказната на Трудбеник

Posted By: Teglarot
Date Posted: 27-Oct-2013 at 09:58

Добар хотел изградија . . .

Posted By: Тркало
Date Posted: 27-Oct-2013 at 17:53

Originally posted by Teglarot

Добар хотел изградија . . .

Баш пред некој гледав почнале да градат на ова место (Б5 парцелата)...за жал.Веќе креваат втор спрат.Отиде и таа зелена површина во историја

Posted By: beTon
Date Posted: 11-Mar-2015 at 12:08

до каде се Илинденци има некој сликнато нешто ќе биде тука хотел или хостел

Posted By: beTon
Date Posted: 12-Mar-2015 at 01:48

Тркало некоја фотка не ти се највит!?

Posted By: Urban Mafijash
Date Posted: 17-Apr-2015 at 19:29

Веднаш до каналот ли се гради?

Posted By: gjoko
Date Posted: 17-Apr-2015 at 19:50

би требало да е овде

https://flic.kr/p/s8RMod">

Posted By: Тркало
Date Posted: 19-Apr-2015 at 23:59

Не гледам некој напредок.Нешто закочило изгледа

Posted By: ironm
Date Posted: 04-Mar-2019 at 19:25

Продолжение на сагата од пред 8 години...

Ќе постирам во следните постови

Posted By: ironm
Date Posted: 04-Mar-2019 at 19:26

Спироски: Со корупција и незаконски постапки од АД Трудбеник украден е имот од 4 милиони евра

Охридскиот бизнисмен и акционер во АД „Трудбеник“, Ацо Спироски, обвинува дека со корупција, и низа незаконски постапки одземен е простор во сопственост на фирмата од околу 20.000 метри квадратни.

Според неговото кажување, првата незаконска постапка со која се извршило незаконско оттуѓување на имотот се случила во 2011 година кога од страна на министерството за транспорт и врски, преку јавен повик и наддавање имотот и бил продаден на туристичката агенција Фибула Ер Травел Скопје.

Во време кога „Трудбеник“ имаше корисничко право на имотот, ги поседуваше објектите купени на македонската берза и имаше одобрение за градба, во една незаконска постапка помеѓу министерството за траснпорт и врски и Фибула Ер Травел, во „четири очи“ преку таканаречено јавно наддавање оттуѓено е земјиштето и тоа во период пред избори. Јавен повик во четири очи, на тајна локација без никакви објава, без присуство на јавност, со наводно електронско јавно наддавање е оттуѓено земјиштето и како најповолен купувач била Фибула Травел која купила две локации од околу 20.000 метри квадратни по само едно евро, имот чија пазарна вредност е најмалку 4 милиони евра затоа што станува збор за атрактивна локација на крајбрежието на Охридското езеро, вели Спироски.

Додава дека втората незаконска постапка била извршена по три години од страна на локалната самоуправа.

Општина Охрид, иако немала надлежност, склучила договор со Фибула Ер Травел за откуп на градежното земјиште, односно договор за купопродажба кој е сосема незаконски. Општината немала право да го враќа земјиштето назад, односно склучила законски ништовни договори. Иако Фибула Травел требала за пет години да изгради објект и по тој ништовен договор, немало никакво постапување. Случен е фалсификат со кој Фибула Травел доби имотен лист и врз него влечи права и добива судски постапки за објектите на „Трудбеник“ да се рушат и се уништи локацијата, а судот тоа им го дозволува, вели Спироски.

Од страна на АД „Трудбеник“ и Спироски поведени се низа судски постпаки за поништување на договорите, а постапки за раскинување се поднесени и од страна на локалната самоуправа.

Спироски бара локалната самоуправа веднаш да реагира и го спречи преземањето на владението со имотот, со оглед и на најавите дека во понеделник ќе се изврши влегување во локацијата, со што според Спироски, ќе се направи штета врз нивните објекти од околу 1 милион и 700.000 евра.

За случајот известена е Антикорупциската комисија, како и неколку странски амбасади.

https://www.ohridnews.com/spiroski-so-korupci-a-i-nezakonski-postapki-od-ad-trudbenik-ukraden-e-imot-od-4-milioni-evra/ - https://www.ohridnews.com/spiroski-so-korupci-a-i-nezakonski-postapki-od-ad-trudbenik-ukraden-e-imot-od-4-milioni-evra/

Posted By: ironm
Date Posted: 04-Mar-2019 at 19:28

Започна извршувањето на имотот на „Трудбеник“ каде „Фибула“ треба да гради брендирани хотели

Рано утрово, во присуство на полиција, правни застапници и ангажирана механизација започна постапката за извршувањето на имотот на ГП „Трудбеник“ покрај каналот Студенчишта, кој согласно решението од судот треба да го преземе компанијата „Фибула ер травел“.

Според договорот склучен со државата уште во 2011 година, на оваа локација „Фибула ер травел“ треба да изгради два луксузни хотели од типот на „Хилтон“, „Хајат“, или друг светски бренд, вели правниот застапник на компанијата Драган Коровешоски. Во изјава за медиумите, тој истакна дека причина што тие се уште не се изградени, се опструкциите од „Трудбеник“ преку бројните судски постапки поведени изминатите години.

На оваа локација се предвидени два хотели кои треба да бидат брендирани. „Фибула“ ги купи површините, за тоа приложи банкарски гаранции и веќе девет години низ судски лавиринти се обидува да го добие имотот кој го има добиено. Конечно предметите завршија, правосилна пресуда добивме за иселување. На должникот „Трудбеник“ му истече рокот за доброволно иселување и од тие причини бевме приморани да поведеме постапка за иселување како би се испразнале недвижностите и преземање во владение, што е неопходно за понатаму да почне постапката за утврдување на носивост на земјиштето и проектирање на хотелите. Не се работи за никакво насилно одземање или каприц, туку постапка за предавање на земјиштето на купецот, кој има обврска околу изградба на хотелите. – изјави Драган Коровешоски – адвокат на „Фибула ер травел“.

Купопродажбата на атрактивниот имот, за која е отворен предмет во Антикорупциската комисија, е извршена во период пред избори по цена многукукратно пониска од пазарната, во што се инволвирани високи функционери во министерството за транспорт и општина Охрид, обвинува првиот човек на „Трудбеник“ Ацо Спироски. Тој рече дека ГП „Трудбеник“ ќе ја почитува одлуката на судот и ќе ги напуштат просториите во кои е седиштето на фирмата, но дека низ судски процес, кој почнува утре, ќе ги докажат изнесените сомневања за нерегуларниости во постапката за отуѓување на имотот.

Ова земјиште вреди милиони, а купено е за 20.000 евра, не само од „Трудбеник“, туку и земјиштето каде ќе се гради другиот хотел. Само нашето земјиште за кое се води постапка за приватизација има пазарна вредност од најмалку 4 милини евра. Тука има основано сомневање за корупција заради што? Па некој ако земе за ништо пари ќе му даде и на полицаецот и на судот и на некој друг. – изјави Ацо Спироски од ГП „Трудбеник“.

„Трудбеник“ смета дека извршувањето е преурането и очекува да се поништи договорот за купопродажба помеѓу општината и „Фибула“. Од компанијата уште обвинуваат за притисоци врз судот од страна на амбасади и високи функционери инволвирани во случајот, но се надеваат дека правниот систем ќе оддолее на секакви притисоци и ќе донесе праведна одлука.

Од „Фибула“, пак, велат дека купопродажбата на имотот во центарот на Охрид е извршена законски и транспарентно на јавно наддавање за кое нема постапка за поништување, а поведените судски спорови од страна на „Трудбеник“ се само за да се спречи купувачот да го добие во владение имотот каде во рок од две години треба да изгради два хотели.

https://www.ohridnews.com/zapochna-izvrshuva-eto-na-imotot-na-trudbenik-kade-fibula-treba-da-gradi-brendirani-hoteli/ - https://www.ohridnews.com/zapochna-izvrshuva-eto-na-imotot-na-trudbenik-kade-fibula-treba-da-gradi-brendirani-hoteli/

Posted By: ironm
Date Posted: 08-Mar-2019 at 17:46

Почнаа со рушење на бараките од Трудбеник

Во позадина е новиот хотел Unique, дел од урбанистичкиот план наменет за хотели

Рушењето (а претпоставувам понатаму и градењето) го изведува фирмата што интензивно прави 'ршум низ цел град Nefi-IK

Локацијата каде што треба да се градат двата хотели од Фибула травел

Рушењето е со полициска придружба поради проблемите помеѓу Трудбеник и Фибула травел

Posted By: ironm
Date Posted: 31-Mar-2019 at 11:07

Бараките од Трудбеник целосно ги срушија, го исчистија и оградија просторот. За жал немам фотки, но две интересни работи се тоа дека не е заградено скроз до новата пешачка патека на каналот туку се оставени околу 5-6 метри (се забележува на сликите), што значи можеби ќе ја довршат велосипедската патека што поминува покрај пешачката. А втората работа е дека плацот е заграден на средина од картинг патеката што постои на каналот. Не знам чиј бил имотот претходно што сега дојде до таква ситуација, но се чини толку беше од картингот.

Posted By: ironm
Date Posted: 16-Oct-2019 at 17:13

Posted By: Џоле
Date Posted: 17-Oct-2019 at 08:31

Големко ќе биде ова, барем според рендерот.

-------------
За сè има вторпат

Posted By: ironm
Date Posted: 17-Oct-2019 at 09:52

Мене ми делува предимензионирано за големината на плацот, не сум сигурен дали ова навистина е рендер за идниот хотел, но таа е таблата поставена во плацот. Ова ги надминува дозволените П+4 и 16м висина според урбанистичкиот план, но тоа и не е така чудно во Македонија бидејќи хотел Unique има парцела со П+2, а изградија П+4 (се гледа на сликите).

Исто така на тој простор се планирани два хотели, но нема рендер за втор хотел во моментов. Ако се изгради нешто со оваа големина тогаш тоа комплетно би го уништило каналот во секоја смисла и визурата на градот во тој дел.

Print Page | Close Window