Еко (загадување на води и опасни хемикалии)
Printed From: build.mk
Category: Главни теми
Forum Name: Урбани прашања
Forum Discription: Урбанизам, урбана опрема, урбана мафија...
URL: http://www.build.mk/forum/forum_posts.asp?TID=764
Printed Date: 27-Apr-2024 at 15:08
Topic: Еко (загадување на води и опасни хемикалии)
Posted By: Vladimir P
Subject: Еко (загадување на води и опасни хемикалии)
Date Posted: 10-Nov-2009 at 19:29
Стокхолм - прв зелен град во Европа
[TUBE]xNx5keD4PKA&feature=player_embedded[/TUBE] [TUBE]gEv12li9hyI&feature=related[/TUBE] ------------- Клуб на љубители на железниците во Македонија, Macedonian Railways Fan Club https://www.facebook.com/767277056651521/ - https://www.facebook.com/767277056651521/ |
Replies:
Posted By: Vladimir P
Date Posted: 10-Nov-2009 at 19:48
|
Нешто што треба да се чуе за оваја тема
(путете го од 25:40 минута понатаму) http://www.dw-world.de/popups/popup_single_mediaplayer/0,,4128866_type_audio_struct_10364_contentId_2554798,00.html - http://www.dw-world.de/popups/popup_single_mediaplayer/0,,4128866_type_audio_struct_10364_contentId_2554798,00.html DW-Radio ------------- Клуб на љубители на железниците во Македонија, Macedonian Railways Fan Club https://www.facebook.com/767277056651521/ - https://www.facebook.com/767277056651521/ |
Posted By: Andrej_LJ
Date Posted: 17-Apr-2010 at 17:22
|
ДА ЈА ИСЧИСТИМЕ СЛОВЕНИЈА ВО ЕДЕН ДЕН/OČISTIMO SLOVENIJO V ENEM DNEVU
Денеска во Словенија се проведе најголемата доброволна акција за чистење на дивите депонии, која ја организираа невладини организации, со помошта на локалните комунални претпријатија, локалното ниво на власт и морална поддршка од страна на Владата и Перламентот на Република Словенија. Денеска беше кулминацијата на активностите, кои течеа веќе половина година. Со помош на сателити и ГИС (Географски Информатички Системи), повеќе од 6 месеци, еколошките организации и локалните доброволци, помогнати од силите на армиајта и полицијата, скенираа и попишуваа повеќе од 7000 диви депонии низ земјата. Целта беше освен да се соберат отпадоците, тие да се разделат во неколку групи одпадоци, при што околу 70% од целиот отпад би отишол на рециклирање во центрите низ земјата. Така освен класичните групи на отпадоци (стакло, пластика, хартија) се собираа и опасни одпадоци (азбестни салонитки, батерии, стара бела техника и телевизори, разни индустриски отпадоци и хемикалии...). Акцијата траеше денеска од 9 до 14/16 часот. Засега има само нецелосни податоци, кои до крајот на денов треба да се докомплетираат. Досега се попишани околу 260 000 доброволци (околу 12% од целосната популација на Словенија) и се собрани околу 80 000 кубични метри смет. Тие ќе бидат постапно одвозени на соодветни локации и центри, од страна на комуналните претпријатија, соодветните агенции за управување со опасен отпад и доброволци. Учество во акцијата во поважните градови: Љубљана - 12 000 Крањ - 3000 Марибор - 10 000 Велење - 3000 Копер (обалата) - 10 000 Ново Место - 8000 Целје - 2000 Сежана - 2000 Корошка - 10 000 Помурје - 15 000 Мурска Собота - 1500 Кога ќе се докомплетираат податоците од збирните центри, ќе поставам поточни резултати. 
ЉУБЉАНА: 
 ------------- "Тaм, където глупостта е образец, разумът е безумие." Гьоте |
Posted By: pbanks
Date Posted: 17-Apr-2010 at 17:44
Не ме зезај дека извадија кола од Љубљаница 
|
Posted By: Andrej_LJ
Date Posted: 17-Apr-2010 at 17:51
|
И во Драва во Марибор исто така. ------------- "Тaм, където глупостта е образец, разумът е безумие." Гьоте |
Posted By: pbanks
Date Posted: 17-Apr-2010 at 17:56
|
Драва е поголема и имам некако повеќе разбирање дека нешто вакво може
да се заташка. Ме чуди како останала цела школка од кола во сред центар
на Љубљана во тоа мало корито на Љубљаница.
Мислам кај нас во реките човек ќе види и леш од коњ, едноставно ме изненади вакво нешто во сред Љубљана. Како и да е, ги чекаме резултатите од акцијата  |
Posted By: Vladimir P
Date Posted: 17-Apr-2010 at 17:57
|
Можеме да имаме мала, ептен мала утеха.
Кај нас би се сторило ново брдо од отпад  ------------- Клуб на љубители на железниците во Македонија, Macedonian Railways Fan Club https://www.facebook.com/767277056651521/ - https://www.facebook.com/767277056651521/ |
Posted By: axel
Date Posted: 07-May-2010 at 18:04
|
Крајбрежјето на Охридското Езеро меѓу најзагадените области
во Албанија
Тирана, 7 мај - Во Студијата за идентификација на најзагадените подрачја во Албанија, реализирана од страна на УНДП, стои дека во земјата дури девет подрачја го добиле овој неславен епитет.
Најавена е реализиација на рехабилитационен план за намалување на степенот на загаденост на овие подрачја каде „луѓето продолжуваат да живеат и да работат“. (МИА) http://www.porta3.com.mk/index.php?option=com_content&task=view&id=2038&Itemid=125 |
Posted By: axel
Date Posted: 09-May-2010 at 22:05
|
Општина Кисела Вода
Акцијата не застанува овде, ќе продолжи и во наредниот период со истата динамика. http://www.vecer.com.mk/default.asp?ItemID=4252F84CE2891C4482279F44DB5C3933 |
Општина Кисела Вода во соработка со ЈП "Комунална хигиена" во
изминатиот период спроведе акција за чистење на диви депонии на
територијата на Општината. На акцијата и претходеше снимање на сите црни
точки на кои се создаваат диви депонии, и на истите беше интервенирано.
Со чистењето беа опфатени повеќе локации на улиците "Првомајска", "Сава
Ковачевиќ", "Огњан Прица", "Димо Хаџи Димов", "Михаил Чаков",
"Пушкинова", новата населба Расадник, населбата "11 Октомври-бараки",
населбата Кисела Вода, Пржино, Црниче, Усје и Градинар. Се подигна
градежен шут, остатоци од стар мебел, гранки, стари и нефункционални
апарати за домаќинство, а во акцијата се вклучи специјално возило "Скип"
и неколку камиони. Со акцијата беа собрани вкупно 52 метри кубни смет.Posted By: Buliwyf
Date Posted: 09-Dec-2010 at 18:56
Колку темава има врска со екологија има и со економија.Но сепак се решив да ја постирам тука,сметам дека е од големо значење за животната средина.А воедно и силно ја подржувам ваквата одлука  ------------- |
Posted By: pbanks
Date Posted: 09-Dec-2010 at 21:49
|
Апсолутно е од големо значење. Ова е веќе нешто, ова требаше да се воведе од самиот почеток.
|
Posted By: alexsend
Date Posted: 06-Mar-2017 at 20:54
|
Гледајќи ја новата автопатска делница кај Демир Капија, поточно близу Клисура забележав една работа која ме изреволтира и испровоцира за овој пост. Погледнете само која површина на шума буквално ја снемало за само еден месец! Ова е страшно...
Околу 2,5км 
 ------------- Јас Скопје никогаш не сум го замислувал вака. |
Posted By: Џоле
Date Posted: 07-Mar-2017 at 10:44
|
Во западниот дел на Македонија моментално (односно, веќе со години) се врши пустошење на шумите. Што мислите, со кои дрва се грееја Скопје, Тетово, Гостивар итн. зимава? ------------- За сè има вторпат |
Posted By: Staro Skopje
Date Posted: 02-Apr-2017 at 22:26
|
На Скопска Црна Гора има огромен пожар. Дали надлежните се известени? И дали има некој со подобар поглед на планината да каже каква е состојбата?
https://flic.kr/p/TrmPNo">  https://flic.kr/p/TrmPNo - 20170402_232345_LLS by https://www.flickr.com/photos/134991941@N08/ - Ani.build , on Flickr------------- Градот убав никна, но го откорнаа |
Posted By: Џоле
Date Posted: 03-Apr-2017 at 13:46
Наводно пожарот/пожарите се подметнати, а досега изгореле трло и бачило...
извор: https://twitter.com/stomagian/status/848621079832780800/photo/1 - https://twitter.com/stomagian/status/848621079832780800/photo/1 ------------- За сè има вторпат |
Posted By: zabegan
Date Posted: 03-Apr-2017 at 23:59
|
...дека инаку многу шума имаше на Скопска црна гора, па мораше да изгори... ------------- Architects create dreams...politicians create nightmares |
Posted By: Staro Skopje
Date Posted: 19-May-2020 at 15:51
За чистење на живата од ОХИС ќе се бара помош од меѓународни фондови
https://meta.mk/za-chistenje-na-zhivata-od-ohis-kje-se-bara-pomosh-od-megjunarodni-fondovi/ - meta.mk ------------- Градот убав никна, но го откорнаа |
Posted By: stef4o
Date Posted: 14-Sep-2020 at 15:45
|
Опасниот винилхлорид од „Охис“ конечно преточен, ќе се транспортира во Германија
Опасната високо запалива материја винилхлорид мономер којшто се наоѓа во кругот на поранешниот индустриски комплекс „Охис“ конечно е безбедно преточена во нова цистерна и следува фаза на транспортирање во Германија, најавува Министерството за животна средина и просторно планирање (МЖСПП), согласно информациите добиени од компанијата „Екоцентар 97“ и извршените вонредни инспекциски надзори на Државниот инспекторат за животна средина соопшти. – Активноста ја реализираше компанијата „CURIUM“ од Франција, која има долгогодишно искуство и е специјализирана во преточување на ваков вид опасен отпад. Во периодот на реализација на активноста беа запазени сите безбедносни прописи. Следува фаза на транспортирање за што се обезбедени сите потребни документи, а се очекуваат точните датуми на транзит на цистерната со опасен отпад низ од државите до конечната дестинација- Германија, стои во денешното соопштение од МЖСПП. Според ресорното Министерство, до 2 март годинава се реализирани три од вкупно пет планирани извози на опасен отпад спакуван во соодветна амбалажа за меѓународен транспорт. Досега се извезени 55 од 80 тони опасен отпад кој веќе е пристигнат и предаден во Валорек Сервисис АГ Базел, инсенератор во Швајцарија каде што на безбеден начин ќе се уништи. Останатите количини на хемиските супстанции, наведуваат од Министерството, се безбедно спакувани во соодветна амбалажа и се очекува во текот на наредните две недели успешно да се транспортираат и извезат од земјата. По завршувањето и на последната активност за преточување и соодветно пакување на винилхлорид мономер, како и негов извоз во Германија, во компанијата „SUEZ“ (Sonderabfallgesellschaft mbH, Schkopau, Germany), која поседува дозвола за горење опасен отпад, ќе бидат реализирани сите активности предвидени со проектот „Безбедно отстранување на хемиски материи од локации и производни погони во кругот на АД ОХИС Скопје”, спроведуван од компанијата „Екоцентар 97“, соопшти МЖСПП. Минатата година во „Охис“ се случи хемиски инцидент, а опасните материи долго време чекаа во кругот на фабриката да бидат соодветно складирани и уништени. %20 - https://fokus.mk/opasniot-vinilhlorid-od-ohis-konechno-pretochen-ke-se-transportira-vo-germanija/ |
Posted By: stef4o
Date Posted: 14-Sep-2020 at 15:52
Истек на јаловина од Саса во Каменичка Река(од фб)
|
Posted By: stef4o
Date Posted: 20-Sep-2020 at 14:22
|
По опасната цистерна на ред дојде тивкиот убиец – линданот
Министерот за животна средина, Насер Нуредини, обзнани дека успешно завршил тендерот за избор на изведувач за ремедијација на почвата контаминирана со изомери на линдан од малата депонија во кругот на ОХИС. Од Министерството за животна средина не го обелоденуваат името на конзорциумот кој ќе ја заврши работата сè додека не помине на Влада. Но, како што дознава весникот ВЕЧЕР, станува збор за конзорциум од повеќе реномирани и искусни фирми од Европа во областа на ремедијација на контаминирани површини со линдан. Тендерот се однесува само за отстранување на 6.600 тони депониран материјал од малата депонија, од кои 1.600 тони се висококонцентриран отпад, а останатите 5.000 тони се земја со која бил измешан линданот. Отстранувањето ќе трае 2,5 години, а досега се обезбедени неповратни финансиски средства од ГЕФ – Глобален еколошки фонд за само една третина од работите за чистење на линданот од малата депонија. Останатите две третини од парите треба да ги обезбеди Владата. Успешното завршување на овој проект е тест за Владата, но и знак за донаторите кои треба да дадат пари за чистење на големата депонија со линдан која е многу поголем проблем од малата По високотоксичната хемикалија винил хлорид која неделава безбедно е преточена од цистерната во дворот на ОХИС и подготвена за транспорт и извоз од земјата, на повидок е решавање на уште една еколошка жешка точка во заградениот простор на поранешниот хемиски гигант. Од министерот за животна средина и просторно планирање, Насер Нуредини стигна нова вест – дека успешно завршил тендерот за избор на изведувач за ремедијација на почвата контаминирана со изомери на линдан од малата депонија во кругот на ОХИС. – Завршена е административната процедура на потпишување на договор со избраниот понудувач, сега следи одобрувањето на деталниот план за ремедијација и активности за обезбедување на потребната документација за отпочнување со работа на терен и чистење на историската депонија – објави Нуредини на прес-конференција. Од Министерството за животна средина не го обелоденуваат името на конзорциумот кој ќе ја заврши работата се додека не помине на Влада. Но, како што дознава весникот ВЕЧЕР, станува збор за конзорциум од повеќе реномирани и искусни фирми од Европа во областа на ремедијација на контаминирани површини со линдан. Тендерот се однесува само за отстранување на 6.600 тони депониран материјал од малата депонија, од кои 1.600 тони се висококонцентриран отпад, а останатите 5.000 тони се земја со која бил измешан линданот. Отстранувањето ќе трае 2,5 години, а досега се обезбедени неповратни финансиски средства од ГЕФ – Глобален еколошки фонд за само една третина од работите за чистење на линданот од малата депонија. Преостанатите две третини од парите треба да ги обезбеди Владата. Успешното завршување на овој проект е тест за Владата, но и знак за донаторите кои треба да дадат пари за чистење на големата депонија со линдан која е многу поголем проблем од малата. Живот и работа со линданот Јавноста до лани, кога новинарските екипи влегоа во дворот на ОХИС по испарувањето на хемикалија од бетонски танкер и мирисот го почувствуваа жители од околината, имаше слушнато за двете депонии со линдан (мала и голема) кои се наоѓаат на само стотина метри од многу прометниот булевар „Борис Трајковски“. Но, јавноста за прв пат слушна колку е опасен линданот, кој експертите и докторите го нарекуваат „тивок убиец“. Тогаш новинарските екипи слушнаа од управителот на фирмата „Еко центар 97“, која од доверителите на ОХИС беше избрана да го исчисти отровниот отпад од поранешната фабрика, дека една од халите, каде бил сместен погон за изработка на чевли наменети за италијанскиот пазар и во него парче леб ваделе 50 до 60 жени, е на само два-три метри од ѕидот на големата депонија со линдан. – Погонот го дислоцираа пред еден месец. Ги гледав жените како овде на пауза пиеја кафе потпрени на ѕидот на депонијата со линдан – ни рече тогаш Владо Момировски, управителот на фирмата „Еко центар 97“. Тој ни откри дека големата депонија со линдан е голем загадувач на почвата и на подземните води. – Линданот во прав и течност на големата депонија практично бил истуран на земја. Тоа не е случај со малата депонија за која има изградено бетонско дно и таа не ги пропушта отровите во земјата – им рече тогаш Момировски на новинарите. Нане Перо, поранешен инженер во ОХИС, во изјава за медиумите се осврна на линданот, потсетувајќи колку е тој токсичен. – Линданот одеше како алва, додека не го забранија во Германија, Франција, Русија. Потоа, кога немавме каде, алфа и бета изомерите, како и делта што е многу опасен, моравме да ги складираме како нус-производи кои до денес останаа во кругот на фабриката. Гама-изомерот го екстрахиравме со метил алкохол, кој е исто така многу токсичен. Кога одевме на работа, ни мирисаше не само облеката, туку и кожата – истакна Перо. Изложеностс на линдан го замастува црниот дроб Истражувањата покажуваат дека 470.000 жители на Скопје секојдневно се изложени на овој отровен пестицид кој е наталожен со децении. Докторот токсиколог, Андон Чибишев за весникот ВЕЧЕР изјави дека треба да се направат серија на лекарски прегледи на жителите кои веќе 15-20 години живеат во близина на ОХИС, бидејќи долготрајното изложување на канцерогениот линдан предизвикува замастување на црниот дроб и други здравствени проблеми. Тој ги повика лицата кои повеќе години биле во непосреден контакт со линданот да направат здравствени испитувања. – Линданот е канцероген и тој предизвикува долготрајно хронично дејство на организмот – вели Чибишев. За отстранување на линданот од депониите на ОХИС во кои има складирано над триесет илјади тони, ќе бидат потребни десетици милиони евра (се проценува околу 40 милиони евра). Професорот Трајче Стафилов од Институтот за хемија на Природно-математичкиот факулте во Скопје вели дека во Физибилити-студијата што била направена со предлози како да се реши проблемот, се наведува дека најбезбедно решение е да се спакува целиот материјал и да се транспортира во некоја од западните земји каде постојат фабрики за уништување на таков вид на отпад. Линданот е токсична канцерогена супстанција која го загадува воздухот, почвите и подземните води во Скопје. Во светот е забранет за користење од 2006 година, ставен и на листата Перзистентни органски супстанци според Стокхолмската конвенција на Обединетите нации. https://www.vecer.press/по-опасната-цистерна-на-ред-дојде-тивк/ |
Posted By: stef4o
Date Posted: 22-Sep-2020 at 16:23
|
Ќе се чисти малата депонија во ОХИС, големата ќе почека
Македонија побара меѓународна помош во справување со отровното наследство на некогашната фабрика за органоско-хемиски производи. Проценките се дека за целосно решавање на проблемот со линданот на ОХИС ќе требаат помеѓу 40 и 260 милиони евра, во зависност од обемот на работите и од технологијата која ќе се користи. Една година откако беше најавен, процесот на чистење на линданот што останал во почвата во кругот на некогашната хемиска фабрика ОХИС на периферијата на Скопје конечно тргна од мртва точка. Министерот за животна средина Насер Нуредини на прес-конференција во петокот објави дека е избрана компанија која ќе ја чисти малата депонија сместена во дворот на фабриката и дека наскоро ќе биде соопштено не само нејзиното име, туку и технологијата која ќе се користи за чистењето на опасната хемикалија, како и рокот до кој тој процес треба да заврши. Засега анализите потврдиле две локации на депонии на линданот – мала и голема. Двете заедно, според проценките на стручњаците, како и Министерството за животна средина, базирани, меѓу другото и на кажувањата на некогашни вработени во ОХИС, содржат некаде помеѓу 50 и 70 илјади тони опасен отровен материјал и контаминирана почва. Малата депонија ќе се чисти две години, за другите допрва ќе се одлучува Иако засега не е официјално потврдено, со голема веројатност се смета дека освен овие две, постојат и други локации на кои е закопан линданот на ОХИС, од кои едната е сместена на самото излетничко место Пеленица кај скопската населба Драчево. Македонија побара меѓународна помош во справување со отровното наследство на ОХИС. Организацијата за индустриски развој на Обединетите Нации УНИДО распиша меѓународен тендер за чистење на малата депонија, на кој по многу одложувања конечно беше избрана компанија, која во рамките на својата понуда треба да предложи и најсоодветна и најприфатлива технологија за чистење на опасната хемикалија. Од Канцеларијата за неразградливи органски загадувачи – ПОПС, при Министерството за животна средина и просторно планирање, велат дека депонијата треба да биде исчистена приближно за две до три години. Начинот на кој ќе се чисти, односно дали ќе се донесе технологија на лице место, или пак ќе се пакува и изнесе отпадот надвор од државата, сè уште не се соопштува. Оттаму велат и дека е неблагодарно да се предвидува колку време ќе помине додека не се реализира чистењето и на големата депонија со линдан, бидејќи се работи за скап и долготраен процес. Проценките се дека за целосно решавање на проблемот со линданот на ОХИС ќе требаат помеѓу 40 и 260 милиони евра, во зависност од обемот на работите и од технологијата која ќе се користи. Засега со пари од Владата и преку донации се обезбедени средства само за малата депонија. Од гордост на некогашен ОХИС до забрана поради токсичност Од она што сега се знае за линданот, чие хемиско име е хексахлороциклохексан ХЦХ (HCH), тој масовно се користел во светот како пестицид за земјоделско производство уште од 50-те години на минатиот век, произведуван во повеќе фабрики во светот, меѓу кои била и некогашната Органско-хемиската индустрија од Скопје (ОХИС). Откако била утврдена неговата висока токсичност по целокупниот жив свет, линданот со многу меѓународни конвенции бил забранет уште во 1980 година, но неговата масовна употреба на глобално ниво опстојувала сè до 2000 година. Во Европската Унија линданот и сите други производи кои содржат ХЦХ се дефинитивно забранети во 2008 година. Македонскиот хемиски гигант ОХИС прекинал да го произведува линданот во 1977 година, по што сите заостанати количества на опасниот пестицид, како и хемиските компоненти кои се користеле во неговото производство, биле спакувани во буриња и грубо затрупани со земја на неколку локации во кругот на фабриката. Се претпоставува дека одредено количество било закопано и надвор од него. Експертските сознанија од изминативе неколку години укажуваат на тоа дека опасната хемикалија не само што го контаминирала просторот непосредно околу складираниот линдан, туку и почвата со која тој бил покриен, како и подземните води до кои отровното соединение стасало откако бурињата во кои бил складиран кородирале. Линданот во крвта на девојчиња од 8 години со преран пубертет Отровниот линдан, закопан неколку метри под земја во дворот на поранешната фабрика Охис, со децении наназад, бавно, но постојано го труе скопското население. Не само што ја затрул непосредната околина во која е закопан, тој уште децении наназад продрел до подземните води кои гравитираат кон реката Вардар, а ја загадил и почвата со која бил покриен, која денес се разнесува со посилни ветришта на поголеми дистанци. Во 2007 година било направено едно истражување на токсини во крвта кај 56 девојчиња, на неполни осум години, кај кои настапил предвремен развој на млечни жлезди како вовед во пубертет и се покажало присуство на линдан кај 10 отсто од тестираните деца. Девојчињата биле од различни делови на Македонија, а најмногу 40 од нив биле од Скопје. Во студијата се констатира дека покачените нивоа на линдан кај оваа популација треба дополнително да се испитаат Нема информации дека по оваа се правени други испитувања за штетните ефекти врз здравјето на луѓето кои биле изложени на линданот од Охис. Случајот со фабриката на германскиот гигант БАСФ Историски индустриски отпад од типот на линданот на ОХИС е проблем во огромен број земји во светот. Од него не куртулиле ниту најразвиените како Германија, која имала 10 фабрики во кои се произведувал линдан. На својата територија, Германија денес има осум локации со отпаден линдан, од кои само на дел е извршена т.н. ремеријација. Германскиот и светски хемиски гигант БАСФ во свој хемиски комплекс произведувал линдан од 1955-1966 година. Се проценува дека околу 780.000 кубни метри отпад (вклучувајќи и HCH-отпад) е исфрлен на поранешен земјен ископ, при што било контаминирано земјиште од 4,5 хектари. Во 1972 година, на местото на депонијата со линдан бил изграден шопинг мол на таа локација, што работел до 1999 година. Во 1990 година бил инсталиран систем за заштита кој црпел подземна контаминирана вода и ја носел во инсталациите на BASF на третман. Во 2000 година, молот е урнат. Иако првично било планирано целосно да се елиминира отпадот, во 2009 год решено е да се запечати (затвори) површината, да се изврши дренажа и мониторинг на подземни води. Поради докази за загадени подземни води, во 2016 одобрена е програма за деконтаминација и рехабилитација преку ископување на почва и поставување на непропустлив површински слој. Направени се нови бушотини за црпење подземна вода и пиезометри. Во 2018 год почнала ремедијација на подземните води. %20 - https://www.slobodenpecat.mk/ke-se-chisti-malata-deponija-vo-ohis-golemata-ke-pocheka/ |
Posted By: stef4o
Date Posted: 07-Oct-2020 at 17:01
|
Винил хлоридот од ОХИС замина на уништување во Германија
Цистерната со винил хлорид мономер од ОХИС на почетокот на месецов замина за Германија, каде што опасната хемикалија ќе биде уништена во инсенераторот SUEZ Sonderabfallgesellschaft. Се работи за историски отпад од околу 13 тони кој минатиот месец беше преточен од страна на експерти од француската компанија „Куриум“, од стара вагонска во нова цистерна, за да може да се изврши транспортот. Од компанијата „Екоцентар 97“ денеска информираа дека хемикалијата е веќе пристигната во Германија, а деновиве ќе биде и безбедно уништена. „Во рамките на „Проектот за безбедно отстранување на хемиски материи од локации и производни погони во кругот на АД „ОХИС“ комплетно е завршена постапката за извоз и безбедно транспортирање на винил хлорид мономер. Транспортот започна на 2 октомври во присуство на претставници од Државниот инспекторат за животна средина, со превозник кој ги поседува сите лиценци и дозволи за меѓународен транспорт за ваков вид на опасен отпад. Од инсенераторот од Германија вчера добивме потврда дека отпадот е пристигнат без никакви проблеми во текот на транспортот и цистерната е безбедно истоварена кај согорувачот. Во идниот период очекуваме повратна информација кога винил хлорид мономер ќе биде уништен“, информираат од „Екоцентар 97“. Поголемиот дел од опасниот отпад од ОХИС, во рамките на истиот проект е веќе извезен на безбедно уништување. Почетокот на пандемијата на ковид-19 во март годинава го одложи последниот извоз, кога освен винил хлоридот, останаа уште околу 10 тони различен отпад, односно околу 4,6 тони иницијатори и 5,2 тони непознати хемикалии, спакувани во АДР амбалажа, соодветна за меѓународен транспорт и складирани во магацин во дворот на ОХИС од каде требаше да заминат во „Валорек Сервисис“ инсценераторот во Базел, Швајцарија, каде што на безбеден начин ќе бидат уништени. Во меѓувреме, за овој отпад истече меѓународната дозвола за транспорт на опасни хемикалии, а во моментов во тек е постапката да се извади нова и да се заврши и последниот извоз. На тој начин, за повеќе од една година ОХИС ќе биде ослободен од 64 тони опасни хемикали, меѓу кои имаше метанол, акрилонитрил мономер, но и непознати хемикалии. Тие лежеа во дворот и во зградите во кругот на ОХИС повеќе децении и претставуваа огромна опасност за здравјето на луѓето и за животната околина. https://meta.mk/vinil-hloridot-od-ohis-zamina-na-unishtuvanje-vo-germanija/ |
Posted By: stef4o
Date Posted: 26-Oct-2020 at 17:01
|
Договорот за чистење на малата депонија на линдан во ОХИС е потпишан, но не се открива името на компанијата
Кога ќе започне чистењето на малата депонија со линдан во ОХИС, како и која е фирмата која беше избрана на меѓународниот тендер сè уште е мистерија за јавноста. Иако уште пред повеќе од еден месец министерот за животна средина Насер Нуредини информираше дека Агенцијата за индустриски развој на Обединетите нации УНИДО, со седиште во Виена, ја заврши постапката за избор на компанија и дека договорот е потпишан, сепак името се чува во тајност. „Сè уште немаме одобрување од УНИДО јавно да го споделиме името на фирмата. Штом тоа ќе биде официјализирано, ќе ја известиме јавноста“, кусо одговараат во Министерството за животна средина. Околу 55.000 тони линдан помешан со земја веќе неколку децении стои во дворот на ОХИС, несоодветно чуван, на само неколку километри од центарот на Скопје. Тоа е инсектицид со широк спектар на дејствување со кој во минатото се третирала почвата и дрвјата како заштита од паразити, сè додека пред повеќе од 40 години не бил забранет заради неговата токсичност. Јавноста и граѓанските организации многу години апелираат дека оваа историска жешка точка мора што поскоро да биде решена, а со тоа да се заштити и здравјето на граѓаните. Министерот Нуредини на средината на септември информираше дека тендерот за избор на изведувач на ремедијација на почвата контаминирана со изомери на линдан во дворот на ОХИС, е успешно завршен, но не го соопшти името на компанијата, ниту пак кога ќе започне со работа. „Завршена е административната процедура на потпишување на договор со избраниот понудувач, сега следуваат одобрувањето на деталниот план за ремедијација и активности за обезбедување на потребната документација за отпочнување на работа на терен и чистење на историската депонија“, рече тогаш Нуредини. Чистењето на малата депонија со линдан се претпоставува дека ќе трае меѓу 15 и 18 месеци, а според некои прогнози и до три години, додека проектот има рок до крајот на 2021 година. Со оглед на тоа дека процесот сè уште не е започнат веројатно е дека тој ќе биде пролонгиран, за да може деконтаминатацијата да биде целосно и успешно завршена. Освен малата депонија, за која се однесува овој конкретен проект, во дворот на ОХИС, веднаш до неа се наоѓа и големата депонија, за која допрва ќе се бара начин и финансии како да се исчисти. Според претпоставките во двете депонии се складирани околу 55.000 тони отпад во вид на прав и паста од некогашното производство на линдан. Покрај нив, во дворот на ОХИС има и трета депонија, а пред околу две години Мета.мк ја откри точната локација на четврта депонија на линдан која се наоѓа надвод од дворот на фабриката, во близина на локалитетот „Пеленица“ кај Драчево. Овој отпад веќе неколку децении стои и покрај постојаните предупредувања дека се работи за сериозно токсична материја која ги контаминира и воздухот, почвата и подземните води. Професорот Траче Стафилов вели дека пред почетокот на проектот финансиран од Глобалниот еколошки фонд на Обединетите нации преку УНИДО и Канцеларијата за ПОПс во Министерството, се направени сите анализи за загаденоста на околината и посочува дека и откако ќе биде исчистена депонијата, во ОХИС ќе има многу работа за да се деконтаминира целата средина. За опасноста од историскиот хемиски отпад, во интервју ја Мета.мк предупредуваше и Аднан Ќахил, поранешен инженер во ОХИС кој беше и координатор на работната група на Владата за справување на проблемот со линданот. Тој вели дека од чистењето на ОХИС зависи и еколошката состојба и на околните населби. „Во ОХИС, но и пошироката околина, дури и до средина на Аеродром, Лисиче и Драчево подземните води се загадени со линдан и според анализите кои ги правевеме, дури и во воздухот во Ѓорче Петров се наоѓаа честички од линдан“, вели Ќахил. https://meta.mk/dogovorot-za-chistenje-na-malata-deponija-na-lindan-vo-ohis-e-potpishan-no-ne-se-otkriva-imeto-na-kompanijata/ |
Posted By: stef4o
Date Posted: 14-Nov-2020 at 18:35
|
Напуштениот рудник кај Лојане ги труе и почвата и водата
[tube]1ENXQhR-uQo&feature[/tube] %20 - https://alsat.mk/mk/napushteniot-rudnik-kaj-lojane-gi-true-i-pochvata-i-vodata/ |
Posted By: stef4o
Date Posted: 10-Dec-2020 at 18:09
|
Грчката компанија „Полиеко“ ќе ја чисти малата депонија со линдан во ОХИС
Грчката компанија „Полиеко“ ќе ја чисти малата депонија со линдан во ОХИС. Од Министерството за животна средина и просторно планирање информираат дека Агенцијата за индустриски развој на Обединетите нации, УНИДО, склучила договор со компанијата како најдобар понудувач, избран на меѓународен тендер. Во моментов во тек се подготовките на теренските активности, а санацијата на малата депонија се очекува да трае и до три години. „Грчката компанија ќе има обврска да ја исчисти малата депонија, а инсектицидот ќе се третира надвор од државата. Започнат е и процесот на одобрување на деталниот план за ремедијација и обезбедување на потребната документација за отпочнување со работа на терен“, информираат од Министерството. Од Министерството засега не посочуваат кога точно ќе започне чистењето на опасната хемикалија, а наскоро треба да се знае и која технологија ќе биде користена, од што ќе зависат и роковите за завршување на активностите. Финансиските средства се обезбедени преку ГЕФ/УНИДО, Владата на Македонија и Норвешката Влада. Линданот е инсектицид со широк спектар на дејствување со кој во минатото се третирала почвата и дрвјата како заштита од паразити, сè додека пред повеќе од 40 години не бил забранет заради неговата токсичност. Тој е канцерогена супстанца, се сврзува со ПМ-10 честичките и го загадува воздухот, а заради несоодветното чување во изминатите децении, масовно ја загадувал почвата и подземните води. Во дворот на ОХИС, покрај малата, се наоѓа и голема депонија во кои се претпоставува дека има над 13.000 тони линдан, покриен со 20.000 тони земја, која досега е целосно контаминирана и самата претставува опасен отпад, кој се развејува со ветерот низ околината и претставува голема опасност по човековото здравје. Покрај нив од неодамна се познати уште две жаришта со оваа токсична хемикалија, кои се последица на работењето на хемискиот капацитет. Третата депонија со линдан е во дворот на ОХИС, додека, пак последната е закопана во близина на локалитетот „Пеленица“ кај Драчево. Од Министерството посочуваат дека активно работат на обезбедување на средства за расчистување на сите опасности кои демнат од оваа историска еколошка жешка точка. „На крајот на 2018 и во текот на минатата година Владата посвети внимание на обезбедување на одржлив извор на финансирање за целосно чистење на контаминацијата во кругот на ОХИС. За таа цел беше формиран посебен фонд во соработка со Норвешката амбасада. По отстранувањето на контаминираниот материјал во малата депонија, ќе се продолжи со чистењето на останатиот контаминиран дел токму со користење на средствата од тој фонд. Во овој процес на мобилизирање на средства се вклучи и ЕУ која изрази подготвеност да помогне со свои фондови кои би ги ставила на располагање во текот на 2021-2023“, посочуваат од Министерството. https://meta.mk/grchkata-kompanija-polieko-kje-ja-chisti-malata-deponija-so-lindan-vo-ohis/ |
Posted By: stef4o
Date Posted: 14-Mar-2021 at 17:09
Сè додека не се исчистат сите четири депонии, линданот од ОХИС ќе му се заканува на Скопје
Над 13.000 тони опасен линдан лежат во малата депонија во ОХИС и четирипати повеќе (над 50.000 тони) во големата, а не се знае уште колку илјадници тони канцерогена хемикалија има во другите две депонии, едната во дворот на некогашната фабрика, а другата надвор од неа, кај локалитетот Пеленица близу Драчево. Опасниот инсектицид веќе пет децении е една од најжешките еколошки локации која постојано му се заканува на Скопје. Несоодветно складиран, само затрпан со земја, без гаранции дека е заграден со бетонски базен, линданот докажано го има во воздухот од Центар дури до Ѓорче Петров, а многу веројатно дека се наоѓа и во почвата и подземните води во широк круг околу ОХИС. Чистењето на оваа опасна хемикалија е тема која во јавноста и експертските кругови во земјава е вечно актуелна. Од пред речиси две години започнаа и поконкретни активности кои пролетва треба да резултираат со решавање на проблемот со малата депонија. Скопје, според најавите од Министерството за животна средина, во следниот период ќе се ослободи од дел од канцерогениот инсектицид, а конкретно во првите шест до девет месеци, ќе се отстрани дел од депонијата или околу 700 тони на почва контаминирана со HCH, како и чист HCH отпад. Од Министерството за животна средина велат: Се работи на обезбедување на сите одобренија и дозволи за работа на терен, како и на Планот за ремедијација. Чистењето на малата депонија треба да започне најдоцна до крајот на месецов. Оттаму посочуваат дека за нив е клучно, по малата, решавањето на проблемот да продолжи и со големата депонија, до конечна елиминација на HCH отпадот во ОХИС, што би чинело околу 50 милиони евра. Заради тоа, велат, формиран е посебен мулти- партнер Фонд за животна средина, кој ќе биде администриран од UNOPS, а веќе се обезбедени дополнителни средства од Норвешката Влада и предвидени се средства од ИПА 3 програмата. Чистењето на малата депонија ќе го врши грчката компанија „Полиеко“, која беше избрана на меѓународен тендер во рамките на проектот „Отстранување на техничките и економските бариери за започнување на активности за чистење на локациите контаминирани со α-HCH, β-HCH и γ-HCH (линдан) во ОХИС“, одобрен од Глобалниот еколошки фонд (GEF) и имплементиран преку UNIDO. Изборот на компанијата се одолговлечи речиси за една година, со оглед на тоа дека првите најави од министерството беа дека чистењето ќе започне лани во март и дека до крајот на оваа година ќе биде веќе завршено. Линданот е халогенирано органско соединение, исто како и нуспроизводите и има посебни постапки за нивно уништување. Отпадот од малата депонија ќе треба да се собере во посебни контејнери и ќе се транспортира до инценератор за уништување на опасен хемиски отпад во Франција. Во 2009 година, производството и земјоделската употреба на линдан било забрането според Стокхолмската конвенција за перзистентни органски полутанти. Овој инсектицид негативно влијае на нервниот систем, црниот дроб и бубрезите и може да биде канцероген. Сепак, посочува Богданов, тоа зависи од степенот на изложеност и концентрациите. „Компанијата која е ангажирана за отстранување на линданот и другите хемикалии од малата депонија има искуство со вакви проекти и конкретно со линдан и хексахлороциклохексани. Пред да се започне со работа земени се примероци и направени се хемиски анализи за да се утврди кои други хемикалии покрај линданот се присутни во депонијата. Според хемискиот состав, предвидени се можните сценарија и соодветните методи за отстранување на ваквиот отпад. Ние од Институтот за хемија, со новоформираната лабораторија за хроматографски анализи, формирана со финансиска поддршка од UNOPS, располагаме со инструментација и кадар да помогнеме целиот зафат да се изведе ефикасно и без несакани последици. Исто така, го поздравуваме и поддржуваме целиот проект, бидејќи долгорочно ќе се реши проблемот со перзистентните органски загадувачи (POPs) во Македонија“, вели Богданов. Аднан Ќахил, некогашен главен инженер во ОХИС и поранешен член на владината работна група за справување со линданот посочува дека инсектицидот во ниту една од четирите депонии не е соодветно одложен и е препуштен на забот на времето. „Своевремено кога вршевме испитувања на изложеноста на влијанието на линдан на Скопје и неговите граѓани, дојдовме до сознанија дека честички од хемикалијата има во воздухот и во центарот на градот, па дури и до Ѓорче Петров. Исто е и со подземните води, верувам дека влијанието се чувствува во општините Аеродром и Кисела Вода“, посочува Ќахил. Тој вели дека за чистењето на линданот итно мора да се обезбедат дополнителни финансиски средства и процедурата да се прошири и на другите депонии. Според неговите пресметки зафатот би чинел до 200 милиони евра. „Проблемот не е само линданот, заедно со него има и други хемикалии. Особено ова важи за третата депонија, која е во дворот на фабриката и во која мислам дека се кријат и други опасности. Секоја органска сусптанца, меѓу кои и линданот е опасна по здравјето на луѓето, особено ако се најде во поголема концентрација. Не случајно, пред неколку децении беше забранет извозот на линдан во САД, па ОХИС мораше да најде начин како и каде да ги складира вишокот количини кои им беа вратени. Тогаш решението се најде во закопување на хемикалиите, спакувани во буриња. Исправниот начин ќе беше ако тие беа поставени во бетонски базени, но за жал, во малата и големата депонија базенот има само ѕидови, а не и бетонирано дно. По толку изминато време никој не знае во каква состојба се бурињата и каква штета направиле на почвата и подземните води“, вели Ќахил. https://meta.mk/se-dodeka-ne-se-iscistat-site-cetiri-deponii-lintanot-od-ohis-kje-mu-se-zakanuva-na-skopje/ |
Posted By: stef4o
Date Posted: 18-Mar-2021 at 16:16
|
До крајот на март почнува чистењето на линданот од малата депонија во ОХИС
Најдоцна до крајот на овој месец ќе започне чистењето на малата депонија со линдан во кругот на поранешната фабрика ОХИС. Од Министерството за животна средина велат дека во тек е обезбедувањето на одобренијата и дозволата за работа по што ќе може да се пристапи кон отстранување на околу 13 илјади тoни од опасниот инсектицид кој како остаток од работењето на поранешниот хемиски гигант со децении е депониран во бетонски базен во дворот на ОХИС и е на само 100 метри од главниот булевар „Борис Трајковски“. Од МЖСПП велат дека првите 6 до 9 месеци ќе се отстрани дел од депонијата или околу 700 тони на почва контаминирана со α-ХЦХ, β-ХЦХ и γ-ХЦХ (линдан). Чистењето ќе го врши грчката фирма „Полиеко“, по што ќе се направи ремедијација на теренот и почвата. „Полиеко“ има обврска линданот да го собере во посебни контејнери и да го изнесе надвор од државата. Уништувањето на линданот се планира во инценератор за согорување на опасен хемиски отпад во Франција. Во кругот на некогашната фабрика има над 50 илјади тони линдан во големата депонија, а не се знае уште колку илјадници тони опасен отпад има и во другата депонија која се наоѓа кај локалитетот Пеленица близу Драчево. Од МЖСПП велат дека важно е набрзо да се почне и со отстранување и на големата депонија за што би биле потребни околу 50 милиони евра. За таа цел е оформен посебен мулти- партнер Фонд за животна средина што ќе биде администриран од УНОПС, а веќе се обезбедени дополнителни средства од Норвешката Влада и предвидени се средства од ИПА 3 програмата. Линданот е опасен инсектицид кој во 2009 година е забрането неговото производство и употреба во земјоделието според Стокхолмската конвенција за перзистентни органски полутанти. Овој инсектицид негативно влијае на нервниот систем, црниот дроб и бубрезите. https://www.vecer.press/до-крајот-на-март-почнува-чистењето-на/ |
Posted By: stef4o
Date Posted: 19-Apr-2021 at 14:02
|
Малата депонија со линдан во ОХИС, додека се чисти, ќе се покрие со шатор со филтри за прочистување на воздухот
Малата депонија со линдан во ОХИС ќе биде покриена со шатор во кој ќе се инсталираат и филтри за прочистување на воздухот, за да се озбезбеди заштита на околината при чистењето на опасната хемикалија, предвидува Планот за ремедијација, доставен од страна на компанијата „Полиеко“ од Грција. Владата и Министерството за животна средина, заедно со Организацијата за индустриски развој при Обединетите нации, УНИДО, веќе го одобрија Планот за работа. Од ресорното министерство информираат дека во процесот на подготовка за реализирање на чистењето, освен шаторот со интегрирани единици за негативен притисок и ХЕПА филтри со активен јаглен за прочистување на воздухот, на локацијата на малата депонија ќе биде извршено и зонирање и обележување. Исто така, ќе се инсталира опрема за пакување и машини одобрени од ООН, а ќе се обезбеди и опрема за лична заштита на работниците, како и материјали за здравствена заштита и безбедност и за заштита на животната средина. Ќе бидат поставени и завеси за заштита од прав, шатори за деконтаминација, правосмукалка со ХЕПА филтер, опрема за следење на квалитетот на воздухот, а машината за дробење грутки ќе биде поврзана на затворена транспортна лента. Во проектот е предвидено грчката фирма да исчисти, спакува и транспортира на безбедно уништување дел од хемикалијата или 450 тони линдан и 200 тони контаминирана почва, со која во изминатиот период била покриена депонијата. Работите, според планот, треба да се завршат до октомври, а ремедијацијата на тој дел од депонијата ќе чини околу два милиони евра. Малата депонија има вкупно 6,661 тони отпад од кои 1,601 тони се од HCH, 4,060 тони се загадена почва и 1.000 тони контаминиран бетон. За чистење на остатокот од количините, информираат од Министерството, средства ќе се обезбедуваат преку мулти-партнерскиот фонд, со кој управува UNOPS. „Полиеко ќе врши ракување, пакување, етикетирање и времено складирање на отпад во согласност со упатствата на Базелската Конвенција и меѓународните стандарди за управување со отпад кој содржи перзистентни органски загадувачи. Отпадот ќе се препакува во буриња одобрени од ООН, а и контаминираната почва ќе се препакува во специјализирани контејнери, сертифицирани и лиценцирани за пренос на отпад согласно АДР конвенцијата“, посочуваат од Министерството. Транспортот на линданот ќе се врши преку Солунското пристаниште, а од таму со брод до Франција, до компанијата за горење на отпадот „Фос Сур Мер“. Конатминираната почва, пак, исто така ќе се носи до Солун, преку граничниот премин „Богородица“, а оттаму со брод до пристаништето во Ротердам во Холандија, каде ќе се преработи во компанијата „АТМ“. „HCH отпадот и контаминирана земја низ Македонија и низ Грција, до Солун ќе патуваат со камиони на лиценциран превозник, кој ќе треба да ги почитува одредбите на Базелската конвенција за контрола на прекуграничното пренесување на опасен отпад, како и на Европската спогодба за меѓународен превоз на опасни материи по патишта. Овој дел од ремедијацијата на малата депонија во ОХИС е финансирана од Глобалниот еколошки фонд (GEF) и од буџетот, во кој годинава има одвоено 43,6 милиони денари за реализација на проектот“, посочуваат од Министерството. https://meta.mk/malata-deponija-so-lindan-vo-ohis-dodeka-se-chisti-kje-se-pokrie-so-shator-so-filtri-za-prochistuvanje-na-vozduhot/ |
Posted By: stef4o
Date Posted: 06-May-2021 at 16:55
|
Вардар - река или отпад
[tube]Ojn7sltGWLQ&feature[/tube] https://www.facebook.com/groups/145337166272043 |
Posted By: user8642
Date Posted: 06-May-2021 at 17:14
|
Све е ова резултат на глупите политики на ЈП Комунална Хигиена и ЈП Дрисла. Се додека чини и макар 1 денар одлагање на отпад во депонија, се дотогаш ќе ги гледаме овие слики. А да побараш да дојде камион за кабаст отпад бараат по 50 евра. Па машини за перење и фрижидери има нови по 100 евра. Кој будала ќе ги плати тие ненормални суми.
Затоа да се направи следново. Не плаќање за корисниците, туку Град Скопје преку ЈП КХС и ЈП Дрисла да исплаќа некоја симболична сума од 100 денара за кубик отпад, и тоа било каков отпад. Некаква симболична субвенција за нефрлање отпад во диви депонии. Да видите како одеднаш ќе се расчистат депонииве. А за да се расчисти од тука 1 кубик отпад, сигурен сум дека градот го чинат многу повеќе од 100 денара. Камиони, работници, време, буџет, све се тоа залудно потрошени ресурси за расчистување. Затоа е добро навреме превентивно да се "плати рекет" према фрлачите, ете така грубо да се изразам. Едноставно поефтино е! Инаку нема како да спореведеме закон, за казнена репресирачка полтика не не бива, сме виделе до сега. Вака барем проактивна мотивирачка да пробаме. Џабе се финансирање било какви проекти, министерства, ЕУ фондови, грантови, невладини здруженија, кревање јавна свест. Све е тоа џабе фрлени пари, а ефектот е никаков. Сите средства наменети за овакви проекти да се пренаменат за субвенционирање носење отпад во легална депонија, да видите како одма ќе се видат резултати. |
Posted By: Cloverstack
Date Posted: 06-May-2021 at 23:38
Интересна идеја. Факт е дека не се баш занемарливи сумите што одат за расчистување на диви депонии и слично, а ефектот е најчесто само привремен. Не гледам зошто оваа идеја не би постигнала далкеу подобри резултати за истите пари. И секако бонус е превентивниот момент што автоматски е опфатен. Системот цена по кубик треба да се допрецизира, затоа што остава премногу простор за манипулации. Има видови отпад кај кои од од еден кубик може лесно да се направат пет, од истата количина материјал 
|
Posted By: user8642
Date Posted: 07-May-2021 at 20:05
 Затоа, све што би доаѓало, прво на преса.
|
Posted By: stef4o
Date Posted: 29-Jun-2021 at 15:16
|
На 13 јули ќе започне постапката за чистење на линданот од малата депонија во ОХИС
Министерството за животна средина и просторно планирање на денешниот брифинг со новинарите информираше дека на 13 јули ќе започне постапката за подготовка на теренот за чистење на малата депонија со линдан во ОХИС. Постапката за дислокација на линданот треба да се заврши во период од 12 месеци, при што овој дел од ремедијацијата на малата депонија во ОХИС е финансиран од Глобалниот еколошки фонд (GEF), Норвешка, Делегацијата на ЕУ и Владата. Малата депонија има вкупно 6,661 тони отпад од кои 1,601 тони се од HCH, 4,060 тони се загадена почва и 1.000 тони контаминиран бетон. „Мета.мк“ веќе пишуваше дека малата депонија со линдан во ОХИС ќе биде покриена со шатор во кој ќе се инсталираат и филтри за прочистување на воздухот, за да се озбезбеди заштита на околината при чистењето на опасната хемикалија. Пред започнувањето на чистењето на малата депонија ќе бидат остварени контакти со локалното население, кое ќе биде информирано за сите мерки кои се преземени за безбедно чистење. Мониторинг на чистењето на малата депонија со линдан во ОХИС и следењето на можните емисии на загадувачки супстанци во воздухот и во почвата, ќе се врши со новата опрема на лабораторијата за хроматографски анализи на Институтот за хемија на ПМФ, донација од Норвешка. Инаку, линданот од малата депонија во ОХИС ќе го чисти грчката компанија „Полиеко“. Транспортот на линданот ќе се врши преку Солунското пристаниште, а од таму со брод до Франција, до компанијата за горење на отпадот „Фос Сур Мер“. Контаминираната почва, пак, исто така ќе се носи до Солун, преку граничниот премин „Богородица“, а оттаму со брод до пристаништето во Ротердам во Холандија, каде ќе се преработи во компанијата „АТМ“. https://meta.mk/na-13-juli-kje-zapochne-postapkata-za-chistenje-na-lindanot-od-malata-deponija-vo-ohis/ |
Posted By: stef4o
Date Posted: 13-Jul-2021 at 12:20
|
Започна чистењето на линданот од малата депонија во „ОХИС“
Во кругот на поранешната фабрика „ОХИС” денеска започна чистењето на малата депонија контаминирана со линдан и неговите изомери. -Со оваа активност започнува елиминацијата на една еколошка жешка точка во нашата држава, истакна денеска министерот за животна средина и просторно планирање Насер Нуредини на стартот на отстранувањето на линданот од малата депонија во „ОХИС”. Од депонијата ќе бидат исчистени 700.000 тони контаминирана почва. Претставниците на изведувачот „Полиеко” информираа дека проектот ќе биде имплементиран со најновите достапни технологии и секако во согласност со највисоките стандарди. Од техничка гледна точка, ќе биде подигнат специјализиран шатор на самата локација. Целата работа ќе се одвива во затворен простор за да се заштити јавноста и околината од какви можни ризици. Ќе има специјални единици за филтрација, за негативна филтрација на самата локација. Посебна респираторна заштита ќе им биде обезбедена на сите работници и сите овие технологии ќе бидат имплементирани во согласност со највисоките стандарди. Нема да има третирање на отпадот или на загадената почва на самата локација. Загадената почва ќе биде спакувана во посебни непропустливи контејнери кои се одобрени од ОН и ќе бидат извезени во согласност со Конвенцијата од Базел и националните регулативи и ЕУ-регулативите, ќе бидат извезени во Франција и во Холандија за конечно отстранување на отпадот и уништување на истиот. Во текот на активностите ќе има и програма за континуирано следење на животната средина. Нуредини нагласи дека особено му е драго што во овие две години откако е министер, покажале решеност да ги елиминирааат историските жешки точки во земјава и што прво биле безбедно отстранети и уништени огромни количини на опасните хемикалии со децении складирани во ОХИС. – Денес присуствуваме на почетокот на чистењето и на депонирањето на линданот. Би сакал да истакнам дека подготвителниот процес траеше долго, но справувањето со овие жаришта бара детални истражувања на самите депонии, проценка на ризикот, реализација на обуки за професионално инволвираните, обезбедување на дополнителна лабораториска опрема за следење на влијанието врз животната средина во текот на процесот, која ја промовиравме неодамна на Институтот за хемија на ПМФ и други неопходни анализи за што е потребно многу време и големи финансиски средства, истакна министерот за животна средина и просторно планирање. Планот е, додаде Нуредини, во Франција да се извезе линданот, а во Холандија да биде извезена контиминарата земја под линданот. За чистањето на малата депонија Министерството воспостави соработка со две агенции УНИДО и УНОПС. – Првично за реализација на проектот Министерството преку Канцеларијата за ХОПС во соработка со УНИДО како имплементациона агенција обезбеди финансиски средства во висина од 3,1 милион долари од Глобалниот еколошки фонд ЏФ кој за првпат финансира ваков проект во регионот на ЈИЕ. Остатокот од средствата за завршувањето на чистењето на малата депонија ќе ги обезбедиме од повеќепартнерскиот фонд за животна средина, а ќе се имплементираат со УНОПС, наведе Нуредини. Министерот се заблагодари на на Кралството Норвешка што како партнер на Владата даде несебична поддршка во формирањето на повеќепартнерскиот фонд за животна средина како и за финансиската поддршка од 1,5 милиони евра со кои ја помогнаа реализацијата на овие активности. – Во овој Фонд Владата на РСМ учествува со 1,7 милиони евра, а се очекува на обезбедување на дополнителни 2,5 милиони евра од ИПА 3 Програмата. Упатувам честитка на сите вклучени во реализацијата на овој проект уште од самиот почеток што докажува дека упорноста дава резултати, изјави Нуредини. Тој му посака успешна работа на изведувачот „Полиеко” кој со доставениот план за ремедијација потврди дека сите фази во чистењето ќе бидат изведени на најсоодветен професионален начин, безбедно за сите професионални работници кои ќе работат на теренот, безбедна животна средина во пошироката околина и на населението кое гравитира во овој реон и пошироко. Ние, рече министерот, ќе бидеме постојано присутни и будно ќе го следиме текот на работите тука на теренот. Првиот секретар на Амбасадата на Норвешка Стефан Сандста истакна дека навистина станувало збор за напорна работа, потенцирајќи дека се среќни што успеале да го изреализираат проектот со помош на нивните партнери. – Се надеваме дека и во иднина преку повеќепартнерскиот фонд за заштита на животната средина ќе успееме да привлечеме и други партнери и организации да ни се приклучат, а ние навистина сме среќни што еве денеска конечно започнуваме со расчистувањето на малата депонија. Со нетрпение очекуваме да се вратиме повторно тука кога проектот ќе биде завршен и кога граѓаните ќе имаат безбедна животна средина и секако со среќа на Полиеко којшто ќе треба да го спроведат целиот овој процес, нагласи Сандста. Микела Телатин, шеф на Канцеларијата на УНОПС за Северна Македонија, рече дека станува збор за навистина многу сложена процедура и операција и, како што истакна, навистина сме многу благодарни за целата поддршка што ја добивме од МЖСПП, Владата на РСМ. Упати благодарност и за соработката со Амбасадата на Кралството Норвешка, другите организации на ОН како УНИДО коишто ја поддржаа Владата во нејзините напори за справување со оваа криза. – Во ова партнерство УНОПС е одговорен и раководи со повеќепартнерскиот фонд за заштита на животната средина којшто дава поддршка во мобилизацијата на националните и интернационалните ресурси. УНОПС исто така ќе соработува со УНИДО на самиот терен, почнувајќи со селекцијата на компанијата Полиеко која што ќе биде задолжена за овие активности. Полиеко беше избран токму поради следењето на навистина високи стандарди и тоа зборуваме за национални и меѓународни стандарди, рече Телатин. %20 - https://mk.tv21.tv/zapochna-chisteneto-na-lindanot-od-malata-deponija-vo-ohis/ |
Posted By: stef4o
Date Posted: 13-Jul-2021 at 13:40
ПОЧНА ЧИСТЕЊЕТО НА ЛИНДАНОТ ОД МАЛАТА ДЕПОНИЈА ВО СКОПСКИ „ОХИС“, ЌЕ СЕ НОСИ ВО ФРАНЦИЈА И ХОЛАНДИЈА
Министерството за животна средина и просторно планирање денеска почна со чистење на малата депонија во фабриката „Охис“ во Скопје. Во кругот на фабриката фирмата „Полиеко“ која ќе го отстранува линданот почна со подготвителни активности што подразбираат расчистување на теренот, обезбедување и поставување на потребната опрема и механизација околу малата депонија. Како што кажа министерот за животна средина и просторно планирање Насер Нуредини, на чистењето на опасниот отпад ќе се работи една година, а ќе се извезе во Франција и во Холанија. „Со овој проект ја потврдивме нашата решеност да ги елиминираме жешките точки во земјава. Во изминатиот период беа безбедно отстранети и уништени огромни количини на екстремно опасни хемикалии што со децении беа складирани во кругот на ‘Охис’, а денес присуствуваме на почетокот на чистење и на линданот, како историски проблем на чие што решавање посветивме многу внимание и енергија“, изјави министерот Нуредини, најавувајќи дека Владата и Министерството за животна средина прават напори да се обезбедат средства од повеќе извори за чистење и на големата депонија, како и за чистење на погонот за електролиза контаминиран со жива. Во наредниот месец ќе се постави специјализиран шатор под кој ќе се одвиваат работи за отстранување на линдатот. Откако ќе се фрли горниот слој на нафрлена земја со која е покриен, линданот е на длабочина од 1,70 метри. Потоа ќе се исчисти и ќе се направи истражување дали пенетрирал подлабоко во почвата. Ќе се третираат околу 7.000 тони опасен отпад. „Проектот ќе се имплементира со најновите технологии и според највисоките стандарди. Ќе има специјални единици за филтрација, со опрема за заштита за сите работници. Нема да има третирање на отпадот или загадената почва на самата локација туку ќе се пакува во специјални контејнери и ќе бидат извезени според Базелската конвенција“, рекоа претставниците на фирмата „Полиеко‘. Во текот на целиот процес ќе се мери загадувањето не само на почвата туку и на воздухот за што, како што кажа Нуредини, набавени се спрецијални инструменти за да не се загрози животната средина и јавното здравје. За чистењето на малата депонија, Министерството воспостави соработка со две агенции на Обединетите Нации, УНИДО и УНОПС. Проценетата вредност на комплетното чистење и уништување на линданот и неговите изомери од малата депонија во „Охис“ изнесува приближно 8 милиони евра. Процесот се одвива со финансиска помош на Кралството Норвешка. %20 - https://sdk.mk/index.php/makedonija/pochna-chisteneto-na-lindanot-od-malata-deponija-vo-skopski-ohis-ke-se-nosi-vo-frantsija-i-holandija/ |
Posted By: stef4o
Date Posted: 14-Jul-2021 at 07:14
|
За една година ќе се исчисти малата депонија со линдан во ОХИС, другите ќе почекаат
За една година треба да биде исчистена малата депонија со линдан во ОХИС. Денеска и официјално започнаа активностите во кои ќе се дислоцираат околу 7.000 тони од опасната хемикалија и контаминирана земја, што повеќе децении стојат во дворот на некогашниот хемиски капацитет. Тие ќе бидат спакувани во специјализирани буриња и веднаш ќе се транспортираат на безбедно уништување во Франција и Холандија. Избраната компанија „Полиеко“ од Грција до септември ќе треба да ги заврши подготвителните работи и да започне со ископувањето. Самата локација ќе биде покриена со шатор обезбеден со филтри, со што ќе се оневозможи било какво загадување на воздухот или почвата додека трае чистењето. Министерот за животна средина Насер Нуредини информира дека во јули идната година малата депонија ќе биде чиста. Што се однесува до големата, што се наоѓа веднаш до неа и има околу 52.000 тони, дополнително ќе се бараат средства. Сепак, смета тој, тоа што ќе ја имаме експертизата и знаењето, по искуството со малата депонија, ќе го олесни процесот линданот целосно да замине од ОХИС. „Со овој проект ја потврдивме нашата решеност да ги елиминираме жешките точки во земјава. Во изминатиот период беа безбедно отстранети и уништени огромни количини на екстремно опасни хемикалии што со децении беа складирани во кругот на ОХИС, а денес присуствуваме на почетокот на чистење и на линданот, како историски проблем на чие што решавање посветивме многу внимание и енергија“, изјави министерот Нуредини. Тој информира дека за целото времетраење на чистењето на малата депонија лабараторијата на Институтот за хемија на ПМФ континуирано ќе го следи квалитетот на воздухот и почвата во околината и ќе ја информира јавноста. Од грчката компанија „Полиеко“ велат дека проектот ќе биде реализиран со најновите достапни технологии и во согласност со светските стандарди за третман на ваков вид отпад. Шаторот со кој што ќе се загради локацијата, во моментов се подготвува во Италија и ќе биде монтиран до септември. Тој ќе биде обезбеден со посебни единици за филтрација, а работниците ќе имаат и посебна респираторна заштита. „Сите активности ќе се одвиваат во затворен простор за да се заштити околината и жителите на околните населби. Линданот и контаминираната почва нема да бидат на никој начин третирани тука, туку само спакувани и транспортирани. Очекуваме откако ќе се тргне првиот слој од нафрлена земја да ископаме уште 1,7 метри во длабина, каде што е закопан линданот во бетонски базен. По чистењето ќе се извади и бетонот и ќе се направи дополнително истражување дали хемикалијата пенетрирала и подлабоко во почвата. Тогаш ископувањето ќе продолжи сè додека има потреба“, велат од „Полиеко“ и нагласуваат дека сè додека траат работите на терен тие ќе имаат континуирано следење на состојбата со животната средина. За чистењето на малата депонија Министерството воспостави соработка со две агенции на Обединетите Нации, УНИДО и УНОПС. Првично, за реализација на проектот Канцеларијата за РOPs во соработка со УНИДО обезбеди 3,1 милиони долари од ГЕФ. Дополнителните средства, потребни за завршување на чистењето на малата депонија, се обезбедени од повеќе-партнерскиот Фонд за животна средина, а се имплементираат од страна на УНОПС. Партнер во проектот е и Норвешка, која во изминатите три години обезбеди 1,5 милиони евра како поддршка на чистењето на депонијата во ОХИС. Се проценува дека целиот проект ќе чини околу 8 милиони евра. Решавањето на проблемот со линданот во ОХИС, како една од најголемите закани за животната средина во главниот град е тема која „Мета.мк“ ја обработува повеќе години наназад. Како што веќе пишувавме, во ОХИС, покрај малата и големата, има и уште една, трета депонија, а благодарение на истражувањата на „Мета“, четврта депонија беше откриена и надвор од границите на фабриката во месноста Пеленица, близу Драчево. Во овие депонии, можеме само да претпоставуваме колкави количини на линдан лежат. Експерти и тогаш, а и сега предупредуваат дека опасноста од токсичната хемикалија ќе го демне градот сè додека не се исчисти и последната количина на линдан од почвата и подземните води. Активностите за чистење на малата депонија започнаа во 2019 година, кога беше објавен тендерот за избор на компанијата. Иако беше најавено дека чистењето ќе започне во 2020 година, а ќе заврши до крајот на оваа година, пандемијата на ковид-19 го забавија процесот и ги изместија роковите. Мета.мк“ на почетокот од 2019 година објави и видео сторија за закопаните над 50.000 тони канцероген отров, кој повеќе од половина век го уништува здравјето на скопјани и ја загадува почвата, водата и воздухот https://meta.mk/za-edna-godina-kje-se-ischisti-malata-deponija-so-lindan-vo-ohis-drugite-kje-pochekaat/ |
Posted By: stef4o
Date Posted: 24-Aug-2021 at 17:06
|
Чистењето на малата депонија со линдан во ОХИС се одложи за еден месец
Се одложува стартот на чистењето на малата депонија со линдан во ОХИС. Монтирањето на заштитниот шатор, под кој ќе се извршува ископот на земјата и линданот, ќе се монтира до крајот на идниот месец, иако беше највено дека работите ќе започнат на почетокот на септември. Според првичниот план, деловите од шаторот требаше да стигнат во земјава од Италија до средината на август, а експерти на производителот требаше да ги монтираат на лице место над малата депонија до крајот на месецов. За почетокот на септември беше најавен и старт на ископот на првите количини земја. Од Министерството за животна средина информираат дека производителот на шаторот од Италија пред десетина дена ги информирал дека испораката и монтажата ќе се одложат за не повеќе од еден месец. Тоа, велат им оди во прилог, бидејќи е подобро работите да се изведуваат на пониски температури. „Роковите кои беа првично најавени се малку поместени првенствено заради високите температури во Скопје во овој период од годината. Еден месец не менува многу во динамиката, но температурите секако повеќе ќе одговараат на крајот на септември, да не се создава страв кај населението дека заради топлината може да има испарувања. Исто така и производителот на шаторот ни испрати нов рок за испорака и монтирање, кој сега е крајот на септември. Очекуваме дека се ќе помине во ред со транспортот и дека ќе се испочитува рокот. Во постојана комуникација сме со производителот и на сите ни е од интерес работата да биде навремено завршена и да започне ископот од малата депонија“, вели Сузана Андонова, координатор на проектот од Министерството за животна средина. Малата депонија на линдан во ОХИС има околу 7.000 тони од опасната хемикалија и контаминирана земја, што повеќе децении стојат во дворот на некогашниот хемиски капацитет. Тие треба да бидат спакувани во специјализирани буриња и веднаш ќе се транспортираат на безбедно уништување во Франција и Холандија. Ископот ќе се врши под специјализираниот шатор кој ќе има посебни единици за филтрација, а работниците ќе имаат и посебна респираторна заштита. Сите активности ќе се одвиваат во затворен простор за да се третирани тука, туку само спакувани и транспортирани. Летово, министерот за животна средина Насер Нуредини најави дека во јули идната година, малата депонија ќе биде чиста. Што се однесува до големата, што се наоѓа веднаш до неа и има околу 52.000 тони, дополнително ќе се бараат средства. ОХИС има и уште две депонии кои засега не се испитани и количините кои се складирани тука само се претпоставуваат. Едната се наоѓа во дворот на фабриката, а другата во месноста Пеленица, близу Драчево. Експерти и тогаш, а и сега предупредуваа дека опасноста од токсичната хемикалија ќе го демне градот се додека не се исчисти и последната количина на линдан од почвата и подземните води. Линданот е халогенирано органско соединение. Производството и земјоделската употреба на овој инсектицид било забрането според Стокхолмската конвенција за перзистентни органски полутанти бидејќи негативно влијае на нервниот систем, црниот дроб и бубрезите и може да биде канцероген. https://meta.mk/chistenjeto-na-malata-deponija-so-lindan-vo-ohis-se-odlozhi-za-eden-mesec/ |
Posted By: stef4o
Date Posted: 04-Oct-2021 at 17:14
|
Во ОХИС се копаат темели за шаторот под кој ќе се чисти линданот од малата депонија
Чистењето на малата депонија со линдан во кругот на фабриката ОХИС ќе започне штом стигне заштитниот шатор од Италија, најави денеска министерот за животна средина Насер Нуредини, на заедничка прес конференција со премиерот Зоран Заев. Нуредини информира дека во рамките на проектот за расчистување на првата од четирите депонии на линдан во Скопје, веќе се почнати подготвителните работи на терен. „Во однос на проектот за линданот во малата депонија добив информација од компанијата што го доби тендерот кои се причините за доцнењето на работите. Во моментов се работи и се чека да стигне шаторот од Италија и што побрзо да се постави. Мораме да бидеме внимателни и да се грижиме за здравјето на нашите граѓани, заради што и работиме на тоа што побрзо да го експортираме линданот“, рече Нуредини. Во моментов, како што информираат од Министерството за животна средина, околу депонијата се вршат градежни работи за подготовка на темелите на металната конструкција заштитниот шатор, кој ќе има околу 3.000 квадратни метри. Во меѓувреме се земаат и примероци од почвата и се анализираат за присуство на линдан. Минатата недела била извршена и контрола од компанијата за супервизија од Холандија. „Сукцесивно се носи опремата која е потребна за да се намести шаторот. Дојдена е дел од конструкцијата, поточно деловите за основата за која се прави подготовката во моментов. Донесени се и над 1.000 буриња за транспорт на линданот, заштитна опрема, компресори за негативен притисок, опрема за анализи и слично“, велат од министерството. Посочуваат дека застој во работата нема и дека работите на терен постојано течат, а поставувањето на конструкцијата на шаторот подоцна од првичниот рок што беше најавен не е доцнење, туку потемелна и побезбедна подготовка на теренот. Повеќе ќе одговара и започнување на ископот во услови на пониски температури. Чистењето на малата депонија со линдан во ОХИС е најавено дека ќе трае околу една година. Во неа има околу 7.000 тони од опасната хемикалија и контаминирана земја, што повеќе децении стојат во дворот на некогашниот хемиски капацитет. Тие ќе бидат спакувани во специјализирани буриња и веднаш ќе се транспортираат на безбедно уништување во Франција и Холандија. Заради поголема безбедност од испарувања и разнесување на прашина целиот ископ ќе се работи под специјализираниот шатор кој ќе има посебни единици за филтрација, а работниците ќе имаат и посебна респираторна заштита. Веднаш до малата, во кругот на ОХИС се наоѓа и поголемата депонија со линдан, за која се претпоставува дека има околу 52.000 тони канцероген линдан. За нејзиното чистење дополнително ќе се бараат средства. ОХИС има и уште две депонии кои засега не се испитани и количините кои се складирани тука само се претпоставуваат. Едната се наоѓа во дворот на фабриката, а другата во месноста Пеленица, близу Драчево. https://meta.mk/vo-ohis-se-kopaat-temeli-za-shatorot-pod-koj-kje-se-chisti-lindanot-od-malata-deponija/ - https://meta.mk/vo-ohis-se-kopaat-temeli-za-shatorot-pod-koj-kje-se-chisti-lindanot-od-malata-deponija/ |
Posted By: stef4o
Date Posted: 09-Nov-2021 at 10:12
|
ВИДЕО РЕПОРТАЖА: Шествалентниот хром од Југохром и натаму го демне Рашче
[tube]Qd_TXh7PFtw[/tube] Во педесеттите години на минатиот век во кругот на „Југохром“ имало погон за производство на натриум бихромат, баран производ на некогашниот југословенски пазар, но не се знаеле еколошките опасности што со себе ги носи ова производство, раскажува Борче Антовски, кој ја одржува пречистителната станица. Сликата што ја затекнавме беше едвај нешто поинаква во однос на минатиот октомври – земјиштето под патот и натаму е загадено со отровна кал, а помал поток на загадена вода и натаму го наоѓа својот пат до Вардар. Сепак, во забележливо помало количество во однос на лани. Поточињата што поминуваат низ депонијата го испираат јаловиштето, а со него истекува и шествалентниот хром. Поголем дел се зафаќа и третира во пречистителната станица во кругот на фабриката, но еден дел сепак продолжува да се излева. Отровот се зафаќа и се третира, но не целосно Веќе пет години не работат фабричките печки на „Југохром“. Фабриката што се наоѓа во срцето на рамничарското село Јегуновце носи траги од запуштеност и неактивност – искршени прозорци на потемнетите фабрички згради, израснати со трева празни паркинзи и речиси празен фабрички круг. Само неколку десетици вработени се грижат за неопходното одржување на фабриката, а другите одамна се заминати во потрага по егзистенција. Во кругот на „Југохром“ е сместена пречистителната станица, која врши третман на загадени води со шестовалентен хром. Почнала да работи во 1991 година, најпрвин зафаќајќи ги отпадните води од кругот на фабриката, а од 2004 година почнала да ги прифаќа и третира загадените води од индустриската депонија. Шествалентниот хром во неколку научни студии е наведен како една од најголемите еколошки закани за водоснабдувањето на Скопје, бидејќи индустриската депонија на „Југохром“ е во првата заштитна зона на изворот Рашче, а од планината Жеден, во чиишто пазуви се наоѓа подземниот резервоар со вода од кој се храни Рашче, ја делат само водите на Вардар. – Овие две години работиме со намален капацитет од причини што не работи таложникот, кој треба да ја прими пречистената вода. Дојде до протекување и додека не се санира техничкиот проблем, капацитетот на преработката на отпадните води ќе биде намален. Министерството за животна средина има објавено тендер за санација и реконструкција на таложникот. „Југохром“ нема средства самата да се грижи за одржувањето и функционирањето на пречистителната станица, па работите ги презеде државата – вели Светлана Бошкоска, раководителка на пречистителната станица. Откако медиумите објавија за проблемот кој со децении се провлекува низ лавиринтите на надлежните институции, но никако не се решава, од Министерството за животна средина изјавија дека преземаат мерки за итна санација на проблемот. Но, на терен се гледа дека и покрај напорите што ги вложуваат вработените на затворената фабрика да го одржат заштитниот систем на отпадните води во живот, неговото функционирање е само делумно и недоволно за да го запре опасното загадување со шествалентниот хром, кој и натаму ги загадува подземните, но и површинските води. Единствено решение е дислокација на депонијата. Раководителката на пречистителната станица ни ги покажува новите резервоари за неопходните хемикалии, со кои се неутрализираат отровите од депонијата. Шествалентниот хром по третманот во пречистителната станица станува тривалентен хром и ова соединение повеќе не е опасно за животната средина. Водите по третманот ги задоволуваат максимално дозволените концентрации за води од втора категорија и како такви се испуштаат во реципиентот, реката Бистрица, притока на Вардар, која исто така е од втора категорија. Од каде шествалентен хром во депонијата Во педесеттите години на минатиот век во кругот на денешен „Југохром“ имало погон за производство на натриум бихромат, баран производ на некогашниот југословенски пазар и пошироко, но не се знаеле еколошките опасности што со себе ги носи ова производство, раскажува Борче Антовски, кој ја одржува пречистителната станица. Со престанокот на работата на погонот, јаловината од ова производство, заедно со протекувањето на хемикалиите од некогашната фабрика за натриум бихромат, станале еколошки проблем, кој до денешен ден не е решен. Во почвите на просторот на сегашниот индустриски комплекс Југохром има висока концентрација на канцероген шествалентен хром. До 2016 година, додека работеше Југохром, работната единица во чијшто склоп е и пречистителната станица, го контролирала квалитетот на подземните води, но по затворањето на фабриката, повеќе нема пари да врши контрола. https://www.slobodenpecat.mk/video-reportazha-shestvalentniot-hrom-od-jugohrom-i-natamu-go-demne-rashche/ - https://www.slobodenpecat.mk/video-reportazha-shestvalentniot-hrom-od-jugohrom-i-natamu-go-demne-rashche/ |
Posted By: stef4o
Date Posted: 06-Dec-2021 at 18:09
|
Поради бел прав во почвата доцни чистењето на линданот во ОХИС
Бел прав во почвата е причината за доцнење на чистењето на малата депонија на линдан во ОХИС. Грчката компанија „Полиеко“ веќе ги започна подготвителните работи за поставување на шаторот над малата депонија, под кој треба да започне ископувањето на канцерогениот пестицид. Шаторот е со големина од 3.000 квадратни метри, а во моментов се копаат темелите за поставување на метална конструкција околу депонијата на која ќе треба да биде монтиран. Специјализираниот шатор ќе биде опремен и со посебни единици за филтрација, а работниците ќе мора да носат и посебна респираторна заштита. Испитувањето на почвата околу депонијата, во која било откриено присуство на прашкаста бела материја, е причината што градежните зафати на терен го одложија првично зацртаниот термин за поставување на шаторот. Примероци од почвата биле испратени на анализа во Институтот за хемија на Природно математичкиот Факултет со цел да се утврди хемискиот состав, а дополнително и во чешката лабораторија ALS. „После двојната проверка и официјална верификација на резултатите беше утврден протокол на сепарирање на почвата на различни категории, според тоа дали има присуство на белиот прашок и присуство на контаминација во некои од точките на земање на мострите. Ископот на темелите е веќе започнат, а согласно овој протокол и сите безбедносни правила, се врши складирање и препакување на ископаната почва. Поставувањето на шаторот ќе се случи откако ќе се завршат темелите и поставувањето на металната конструкција“, велат во Министерството. Изведувачот „Полиеко“ е обврзан да доставува редовни дневни и неделни извештаи за сработеното до Министерството за животна средина, поткрепени со фото документација. Од компанијата велат дека и покрај пролонгирањето на подготвителните работи, по монтирањето на шаторот, ископот на контаминираната земја и закопаниот пестицид на депонијата ќе се одвиваат многу побрзо. Бидејќи се работи за екстремно специфичен и контаминиран материјал, претпазливоста и безбедноста мора да биде на највисоко можно ниво, па од тие причини сите подготвителни работи се изведуваат со исклучително внимание, можеби на штета на времето, но секако во корист на безбедноста“, велат од Министерството. Чистењето на малата депонија со линдан во ОХИС е најавено дека ќе трае околу една година. Во неа има околу 7.000 тони од опасната хемикалија и контаминирана земја, што пет децении стојат во дворот на некогашниот хемиски гигант. Тие ќе бидат спакувани во специјализирани буриња и веднаш ќе се транспортираат на безбедно уништување во Франција и во Холандија. Веднаш до малата, во кругот на ОХИС се наоѓа и поголемата депонија со линдан, за која се претпоставува дека има околу 52.000 тони канцероген линдан. За нејзиното чистење дополнително ќе се бараат средства. ОХИС има и уште две депонии кои засега не се испитани и количините кои се складирани тука само се претпоставуваат. Едната се наоѓа во дворот на фабриката, а другата во месноста Пеленица, близу Драчево. https://meta.mk/poradi-bel-prav-vo-pochvata-docni-chistenjeto-na-lindanot-vo-ohis - https://meta.mk/poradi-bel-prav-vo-pochvata-docni-chistenjeto-na-lindanot-vo-ohis |
Posted By: stef4o
Date Posted: 23-Dec-2021 at 12:00
|
ДЕПОНИЈАТА СО ЗГУРА КРАЈ ВЕЛЕС СЕ ОТСТРАНУВА БАВНО, ЛАНИ ИЗВЕЗЕНИ САМО 14 КАМИОНИ, ЗА 2021 НЕМА ПОДАТОЦИ
Отстранувањето на депонијата со згура крај Велес се одвива бавно и со мали количества и динамика. За ова, половина година предупредуваат од локалната власт. Концесијата за користење на депонијата ја има српската фирма „Кепс маунт груп“, која има седиште во Скопје. „Отстранувањето на техногената минерална суровина од локацијата на некогашна Топилница се одвива забавено. Лани се извезени само 370 тони или 14 камиони. За годинава немаме податоци“, кажа Билјана Манаскова-Шуркова, раководителката на Одделението за животна средина во Општина Велес. „Б“ интегрираната дозвола за отстранување на згурата е одобрена во септември 2019. Од локалната власт се сомневаат дека концесионерот ќе ја отстрани депонијата до септември 2023, до кога е издадена дозволата. Според проценките, депонијата тежи 1,8 милиони тони. Во неа има 6-10 % цинк, 2,2-3,4% олово и 25% железен оксид. Има и арсен и кадмиум, кои се опасни и токсични елементи, но инвеститорот вели дека нивното присуство е скромно оти биле врзани со други елементи, па не претставувале опасност по здравјето. Концесионерот „Кепс маунт груп“ лоцира три причини зошто количеството на отстранета згура е мало. „Имавме заразени со коронавирусот поради што немаше можност за нормално функционирање и работење. Проблем беше и обезбедувањето на електрична енергија во количини потребни за експлоатација. Трет проблем беше неможноста за монтирање на магнетен сепаратор, а и Општина Велес одбиваше да ја прошири „Б“ интегрираната дозвола. Но, во 2022 почнуваме со максимална работа“, соопштија од „Кепс маунт груп“. На прашањето колкаво количество згура годинава е отстрането, кажаа дека тоа е деловна тајна. Дислокацијата ја следеа проблеми од старт. Една година имаше застој и згурата не се отстрануваше оти, според концесионерот, Малезија, каде што првично требаше да се носи, забранила увоз на вакви материјали. Потоа се бараше нов пазар и се најде во Србија и Косово. https://sdk.mk/index.php/dopisna-mrezha/deponijata-so-zgura-kraj-veles-se-otstranuva-bavno-lani-izvezeni-samo-14-kamioni-za-2021-nema-podatotsi/ - https://sdk.mk/index.php/dopisna-mrezha/deponijata-so-zgura-kraj-veles-se-otstranuva-bavno-lani-izvezeni-samo-14-kamioni-za-2021-nema-podatotsi/ |
Posted By: Џоле
Date Posted: 04-Apr-2022 at 11:48
Не знам дали имавме соодветна тема за Охис...
https://twitter.com/UNOPS_Brussels/status/1509805500585680898 
 ------------- За сè има вторпат |
Posted By: Leo
Date Posted: 04-Apr-2022 at 12:01
se utepav od cudenje sto ke bide pa sega pa ova 
|
Posted By: stef4o
Date Posted: 28-Apr-2022 at 15:08
|
Исчистени 450 тони линдан од малата депонија во „ОХИС“
До крајот на годината се планира целосно отстранување на отпадот Чистењето на малата депонија во поранешната фабрика „ОХИС“ се одвива според предвиденото. Обезбедени се сите потребни средства и отпадот се чисти според сите стандарди, со цел максимална безбедност за животната средина. Досега е исчистен едниот базен во кој се наоѓале 450 тони линдан и околу 150 тони контаминирана почва, која е пониско концентрирана. Отпадот е безбедно складиран и се планира да се започне со негово транспортирање на 3 мај. При денешната посета на медиумите на малата депонија, националната проект-координаторка од канцеларијата на ПОП-с од Министерството за животна средина и просторно планирање Сузана Андонова инфорираше дека покрај линданот на неколку точки се пронајдени и количини на жива. – Направивме земање на примероци и резултатите покажаа дека има присуство на жива. Концентрациите се различни, меѓутоа ние водиме сметка тоа што е пронајдено како концентрација да е во согласност со критериумите и барањата на капацитетите кои ќе го примат отпадот на уништување или третирање. Секако ќе се поведе сметка и за тоа, на најсоодветен начин, по сите можни стандарди, ќе се најде начин да се елиминира и овој вид вид на отпад – истакна Андонова. Еден од надлежните за спроведување на проектот Александар Мицковски, наведе дека на 3 мај ќе се започне со првиот извоз на отпад на седумте контејнери кои ќе бидат подготвени во претстојниот период. – Сега предвиден е првичнот извоз да биде на 3 мај така да целиот овој отпад што е складиран се предвидува да се пакуваат овие денови во контејнерите и на 3 мај да започне првиот извоз на тие седум контејнери. Не може целата оваа количина одеднаш да биде транспортирана затоа што самата постројка што го третира овој отпад во Франција има лимитирачки количини коишто може да ги прими на месечно ниво. Така да ќе оди дел по дел отстранувањето на отпадот – посочи Мицковски. Тој се осврна на безбедноста при отстранувањето на отпадот, истакнувајќи дека нивна главна цел при подготвителната работа било да се да се обезбедат услови коишто ќе овозможат максимална безбедност на околината. – Така можете да видите дека е подигнат шатор и во шаторот е инсталиран негативен притисок. Така да атмосферскиот притисок е поголем од овој што е внатре во шаторот, така сите оние емисии коишто се генерираат при ископувањето внатре во шаторот не може да излезат надвор и да ја афектираат околината. Успешноста и функционирањето на овој систем е и потврдена со редовните мониторинзи што се прават на амбиенталниот воздух. Концентрациите на загадувачки материи во текот на чистењето не се повисоки од оние концентрации кои што беа измерени пред да се започне со чистењето – рече Мицковски. Тој за миризбата која што се чувствува во „ОХИС“, информираше дека таа потекнува од големата депонија. Мицковски, врз основа на динамиката нископување што сега ја имаат утврдено, рече дека за околу една година би се завршило чистењето на малата депонија. Во однос на тоа како ќе влијае успехот со чистењето на малата депонија врз понатамошното работење за чистење на големата депонија, како и на цел простор кај „ОХИС“, рече дека успехот ќе биде пресуден за понатаму. – Владата формираше мултипартнерски фонд за мобилизирање на средства за продолжување на чистењето на големата депонија. Така да во комуникација сме со повеќе донатори. Беше на некој начин и сугерирано и покажано дека демонстрираниот успех на чистењето на малата депонија ќе влијае драматично на динамиката за обезбедување на средства и за големата депонија. Во комуникација сме со донатори и очекуваме дека како што досега се одвиваат работите ќе биде многу успешен проектот којшто ќе придонесе за продолжување со чистење на големата депонија – нагласи Мицковски. Во однос на понатамошното дејствување, Мицковски рече дека после чистењето на базените ќе се пристапи кон узоркување на земјата којашто е под базените за да се види колку таа земја е афектирана и дали тие концентрации на линдан кои што се наоѓаат во земјата се безбедни да останат. Ќе се направи анализа на ризикот која што ќе ги покаже тие дозволени вредности на линдан во земјата. Доколку вредностите се повисоки ќе се пристапи до некои техники на ремедијација. Министерот за животна средина и просторни планирање Насер Нуредини истакна дека работата оди побрзо од што очекувале и оти тоа е добра вест. – Сега имаме и менување на Закон за животна средина, тоа значи дека сега ние продолжуваме, ние ја обврзуваме државата да ги верифицира сите жешки точки во нашата држава и после тоа да направиме план за рехабилитација. Ние имаме методологија за тоа, но сега за жал, ние немаме законски начин како да верифицираме тие жешки точки во нашата држава. Тоа значи дека ние ќе ја обврземе државата или тие приватни сопственици да направат план за рехабилитација за тие жешки точки – нагласи Нуредини. https://www.novamakedonija.com.mk/makedonija/skopje/ischisteni-450-toni-lindan-od-malata-deponija-vo-ohis/ - https://www.novamakedonija.com.mk/makedonija/skopje/ischisteni-450-toni-lindan-od-malata-deponija-vo-ohis/ ------------- Carpe diem |
Posted By: stef4o
Date Posted: 15-May-2022 at 10:52
|
(ВИДЕО) Како се чисти линданот од ОХИС
[tube]-AiXagTXc70[/tube] https://360stepeni.mk/video-kako-se-chisti-lindanot-od-ohis/ - https://360stepeni.mk/video-kako-se-chisti-lindanot-od-ohis/ ------------- Carpe diem |
Posted By: zabegan
Date Posted: 15-May-2022 at 22:45
|
мал чернобил
да не беше скандалот со цистерната, можда и никогаш немаше да знаеме за ова ------------- Architects create dreams...politicians create nightmares |
Posted By: stef4o
Date Posted: 15-Nov-2022 at 18:36
|
(ВИДЕО) (Не)откриена депонија на линдан над Драчево: Стоката пцовисуваше, плуски ни излегуваа по рацете…
[tube]VzMQtGHHRzM[/tube] https://360stepeni.mk/video-ne-otkriena-deponija-na-lindan-nad-drachevo-stokata-ptsovisuvashe-pluski-ni-izleguvaa-po-ratsete/ - https://360stepeni.mk/video-ne-otkriena-deponija-na-lindan-nad-drachevo-stokata-ptsovisuvashe-pluski-ni-izleguvaa-po-ratsete/ ------------- Carpe diem |
Posted By: stef4o
Date Posted: 29-Dec-2022 at 18:40
Моторното масло на улиците неповратно ја загрозува кревката животна средина
УШТЕ ЕДЕН НЕГАТИВЕН ЕФЕКТ ОД НЕОДГОВОРНИТЕ СОПСТВЕНИЦИ НА ВОЗИЛА Возилата можеби не се најголеми, но, секако, се едни од главните загадувачи на воздухот и животната средина во градот. Како загадувачи не се јавуваат само поради издувните гасови туку и поради тоа што возачите честопати знаат да не водат многу сметка за нив, па еден од најчестите проблеми што произлегуваат од таквиот однос е истекувањето моторно масло по улиците и тротоарите. Уште повеќе, сѐ уште постојат импровизирани автомеханичарски „сервиси“ или т.н. канали каде што се испушта и менува маслото на моторните возила. Прегореното масло или се истура во оближните паркови или се користи за загревање во импровизирани ќумбиња. Во сите случаи, токму тоа масло претставува исклучително силен загадувач на почвата, водата и воздухот, што негативно влијае и кај растенијата, животните и луѓето. Само една капка прегорено моторно масло загадува неповратно еден кубик вода Кога станува збор за прегорени масла, особено оние од моторните возила, експертите за животна средина веднаш бурно реагираат, истакнувајќи дека прегорените масла имаат само 10 отсто нафта во себе, истакнувајќи дека преостанатото се минерални суровини (хемиски супстанции), кои се екстремно токсични! Поточно и сликовито кажано од нивна страна, „една капка масло загадува еден кубик вода!“ Според нив, „таму каде што има вакви масла целосно се уништува живиот свет!“ Имајќи ги предвид навиките на локалното население, експертите тврдат дека „маслата потекнуваат од автомеханичарски работилници чии несовесни мајстори менуваат масла во автомобилите, ги собираат во буриња и наместо да почекаат специјални возила, кои бесплатно ги собираат бурињата да ги однесат на преработка во Скопје, полесно им е да го истурат прегореното масло во канализација или да го употребуваат за загревање на просториите во импровизирани печки“! ЛОКВИ МОТОРНО МАСЛО НА УЛИЦИТЕ И НА ТРОТОАРИТЕ И моторното масло што истекува од возилата низ метрополата претставува сериозен ризик за учесниците во сообраќајот, а негрижата за возилата дополнително влијае девастирачки на животната средина, особено на водите каде што маслото неконтролирано истекува. За пешаците, велосипедистите и другите учесници во сообраќајот, како и возилата, тоа е проблем проследено од неколку аспекти. Прво, затоа што улиците и тротоарите се лизгави, па претставуваат ризик за безбедноста, но, од друга страна, може да бидат сериозна причина за сообраќајни несреќи, во кои причината би била токму лизгавиот терен. Речиси нема тротоар или улица без препознатливите траги од истечено моторно масло. Тие траги не се чистат, остануваат тука со денови и месеци, од нив се шири непријатна миризба, а кога маслото е свежо истечено, граѓаните се како на лизгалиште. Еден драстичен пример е скопската населба Чаир, каде што има огромен број возила и по улиците и речиси на секое ќоше во општината. Тука на тротоарите и улиците има големи количества истечено масло, па за жителите на оваа населба ваквата состојба претставува сѐ поголем проблем: непријатна миризба, теренот е лизгав, опасно е да се минува на тој потег, па велат дека иако реагираат до сопствениците на возилата, досега нема решение за овој нивни проблем. – Имам мали деца со кои морам да пешачам, тие сакаат да прошетаат, да потрошат енергија. Невозможно е да се помине. Каде било во нашата општина, огромните дамки од масло има речиси насекаде, тие се лизгави, а децата, знаете, и самите дека не се многу внимателни кога се движат. Синот со велосипед неколкупати досега падна како последица на маслото на тротоарот. Некои од сопствениците на возилата дури и си ги поправаат тука, па кога ќе им укажам, веднаш со висок тон и со закани ми велат да не се мешам и дека тоа не е моја работа – вели Милена Јакимовска, жителка на оваа населба. МАЛКУ МОЖЕ ДА СЕ НАПРАВИ?! За општинските тротоари и улици надлежноста паѓа на општините, меѓутоа за главните улици и тротоари, каде што надлежноста паѓа на градот и комуналното претпријатие, надлежните велат дека немаат голем избор што можат да направат. Од јавното комунално претпријатие велат дека во вакви случаи не можат многу да направат, освен да се обидат да го исчистат истеченото масло од возилата. – При појава на истечено масло на јавни и сообраќајни површини што се во надлежност на ЈП Комунална хигиена – Скопје, екипите на претпријатието најпрво го посипуваат местото со песок (земја) за да се впие маслото, а потоа со помош на електрична метларка се врши суво метење на локацијата. Тоа е единствениот начин да се санираат евентуалните штетни последици за возилата и минувачите – информираат од претпријатието. ШТЕТАТА ПО ЖИВОТНАТА СРЕДИНА Е НЕПОПРАВЛИВА Она што најмногу загрижува е фактот што можеби со песок и вода ќе се исчисти маслото од улиците и тротоарите, меѓутоа штетата од неговите ефекти врз животната средина е практично непоправлива. Испарувањето на моторните масла од земјата, нивното мешање со вода, доаѓањето во контакт со животните се само мал дел од ризиците што се појавуваат како последица на истекувањето. Според научните истражувања, моторните масла се создадени за да го подмачкуваат и ладат моторот на автомобилот. И таа нивна намена завршува тука. Тие се штетни за животната средина, убиствени се за животните и растенијата, а смртоносно се опасни и за животот на луѓето. Нивното истекување завршува во водата што ја пиеме, бидејќи само при еден дожд се мешаат со водата, што потоа завршува во земјата, во растенијата, а при испарување, истите тие повторно ни се враќаат како бумеранг во форма на дожд што ни ги наводнува растенијата и садниците. Така, загадената вода доаѓа во контакт со овошјето и зеленчукот со кои секојдневно се храниме, доаѓа во контакт со реките и езерата каде што во летниот период се разладуваме… Кога истеченото моторно масло доаѓа во контакт со сончевите зраци, како последица на топлината, се случува испарување, при кое се испуштаат штетни хемикалии во воздухот, со што директно се зголемува загадувањето на воздухот. Кај луѓето што ги вдишуваат овие штетни хемикалии се забележуваат негативни здравствени последици, како болести на белите дробови, отежнато дишење и слично. Но нашите несовесни возачи, очигледно, малку размислуваат за сите овие штетни последици. https://novamakedonija.com.mk/makedonija/skopje/motornoto-maslo-na-ulicite-nepovratno-ja-zagrozuva-krevkata-zhivotna-sredina/ - https://novamakedonija.com.mk/makedonija/skopje/motornoto-maslo-na-ulicite-nepovratno-ja-zagrozuva-krevkata-zhivotna-sredina/ ------------- Carpe diem |
Posted By: zabegan
Date Posted: 15-Jan-2023 at 23:01
|
технички преглед кај нас постои колку да се плати само ------------- Architects create dreams...politicians create nightmares |
Posted By: hcitrS
Date Posted: 16-Jan-2023 at 23:29
| Па и информирањето од страна на државата/општините е на „завидно“ ниво. Без јавни кампањи не може многу да се промени. Само ако мнозинството луѓе станат свесни за штетноста на нивните активносит по нив самите, по сопствените семејства, можни се промени. Ама ете на пример, си менувам масло на пример дома, каде има место за безбедно да се депонира, или да се пријави? Од репортажата погоре се чини ко ни Комунална хигиена да нема добра претстава што со тоа. |
Posted By: stef4o
Date Posted: 19-Jan-2023 at 09:42
|
(ВИДЕО) Изворот Рашче под постојана закана од депонија со шестовалентен хром – има ли план „Б“ за водоснабдување на Скопје?
Скопје, во моментов, нема проблем со водоснабдувањето, но што ако канцерогениот шестовалентен хром од депонијата кај „Југохром“, кој веќе го има во околните подземни води, продре до Рашче? Каква стратегија има Град Скопје за алтернативно водоснабдување на главниот град и зошто континуирано не се мониторира изворот Врело? Ова се прашања на кои градоначалничката на Град Скопје, Данела Арсовска, не сакаше да даде одговор пред нашата камера. Иако уредно ја почекавме да заврши со прес-конференцијата по што ги поставивме прашaњата, таа ни возврати со зборовите „На боледување сум, срамота е ова што го правите“. Идејата била добронамерна, но пораката „Строго забранет влез на неовластени лица“, на ‘ргосана и импровизирана врата, сега тешко дека ќе ја долови вистинската опасност на ридовите зад него. Ова се два милиони отпад – оставштина од работењето на Хемиско-електрометалуршкиот комбинат „Југохром“ од тетовско Јегуновце. Во него се измешани и 7 400 тони шестовалентен хром, кој е канцероген. Со депонијата стопанисува централната власт, а во склоп на комбинатот има пречистителна станица. Напорот е преку пумпни станици, водите загадени со шестовалентен хром да се вратат на третман во пречистителната станица во „Југохром“. Но: „Поради сложеноста и застареноста на системот, различниот состав на депонијата, Министерството се соочуваа со многу проблеми во текот на целиот овој период. Често пати има затнување на дренажниот систем, проблеми со пумпната станица, далечинското управување, тековно одржување и друго. Проблемите сe надминуваат со помош на двете страни и надвор од обврските коишто произлегуваат од одредбите на договорите“, одговорија од Министерството за животна средина и просторно планирање. И додека се прават напори за негово чистење, шестовалентниот хром не мирува. Отпадот си наоѓа свој природен пат и несоодветно третиран се слева во реката Вардар. Ова претставува еколошка катастрофа и потенцијална опасност за изворот Рашче, од кој со вода за пиење се снабдува цело Скопје. На ова екпертите предупредуваат со години. „Индустриската депонија Југохром се наоѓа на позиција која е неповолна по однос на местоположбата на изворото Рашче. Се наоѓа во втора заштитна зона на изворот Рашче и е на место каде што контаминент од депонијата е возможно да стигне до изворот Рашче“, вели за „360 степени“, проф. д-р Златко Илијовски од Градежен Институт Македонија – Скопје. Одредени испитувања коишто се вршени преку институциите и Град Скопје ги има правено, укажуваат дека Изворот Врело има некојси капацитет од околу 800 литри во секунда или максимум можеби до 1 метар кубен во секунда, што во однос на просекот на издашноста на Рашче од 4,15 метри кубни во секунда е 4 пати помал. Но, како извор, доколку се мониторира, се испитува, во иднина се направи студија и проект, сигурно треба да се одреди проектантски на кој начин ќе се користи тој извор“,смета Димовски. https://360stepeni.mk/video-izvorot-rashche-pod-postojana-zakana-od-deponija-so-shestovalenten-hrom-ima-li-plan-b-za-vodosnabduvane-na-skopje/ - https://360stepeni.mk/video-izvorot-rashche-pod-postojana-zakana-od-deponija-so-shestovalenten-hrom-ima-li-plan-b-za-vodosnabduvane-na-skopje/ ------------- Carpe diem |
Posted By: stef4o
Date Posted: 23-Oct-2023 at 17:16
|
Се топат 600 тони акумулаторски батерии, опасен отпад што ги труе граѓаните, утре паѓа одлука каде ќе се дислоцира отпадот
Утре ќе се одржи состанк на кој надлежните ќе одлучат кои дополнителни мерки ќе се преземат за случајот со опасниот отпад во близина на село Орман. Околу 500-600 тони отровно олово нелегално складирано. Во телефонски разговор, градоначалникот на општина Ѓорче Петров, Александар Стојкоски, вели засега дадени се рокови за да се исчисти локацијата на којашто е детектиран овој отпад. Потенцира дека станува збор за приватен имот. Дел од познавачите велат дека отпадот во близина на село Орман содржи тешки метали кои доведуваат до нарушување на работата на органите кај човекот, како и нарушување на нервниот систем. Анкетираните граѓани им порачуваат на надлежните веднаш да се санкционира оној кој предизвикува штета за здравјето на жителите. Здружени граѓани за чиста животна средина, претставници на О2 Иницијатива на социјалните мрежи се огласија-велат дека не се работи за обичен прекршок, туку за кривично дело. Прашуваат зошто Инспекторот за животна средина при општина Ѓорче Петров не поднел кривична пријава за сопствениците на земјиштето во близина на село Орман каде лоцирал во големи количини опасен отпад. Според извештајот на Државниот инспекторат за животна средина на 10.10.2023 било детектирано одлагање на згура од преработка на акумулаторски батерии на територија на Општина Ѓорче Петров од околу 500 до 600 тони и спаѓа во категорија на опасен отпад. https://24.mk/details/se-topat-600-toni-akumulatorski-baterii-opasen-otpad-shto-gi-true-gra-anite-utre-pa-a-odluka-kade-kje-se-dislocira-otpadot - https://24.mk/details/se-topat-600-toni-akumulatorski-baterii-opasen-otpad-shto-gi-true-gra-anite-utre-pa-a-odluka-kade-kje-se-dislocira-otpadot ------------- Carpe diem |
Posted By: stef4o
Date Posted: 23-Oct-2023 at 17:18
|
Еко-активистите бараат итна истрага за потеклото на нелегално складираната оловна згура кај Лепенец
[tube]_79eXbfxtcM[/tube] https://telma.com.mk/2023/10/23/eko-aktivistite-baraat-itna-istraga-za-potekloto-na-nelegalno-skladiranata-olovna-zgura-kaj-lepenec/ - https://telma.com.mk/2023/10/23/eko-aktivistite-baraat-itna-istraga-za-potekloto-na-nelegalno-skladiranata-olovna-zgura-kaj-lepenec/ ------------- Carpe diem |