„ЛАЗ“ нуди тролејбуси за Скопје

Го гледав хрватскиот трамвај ТМК 2200 и во споредба со тројбусот на ЛАЗ има скоро исто места за седење, освен тоа има помал вкупен капацитет од тролејбусот. Сепак ТМК 2200 е во 3 дела плус 2 мали кај спојките, а овој е дводелен. Можеби поради тоа што трамвајот е потесен од тролејот и има по само еден ред седишта од двете страни. Но добро, тоа немора да значи за останатите трамваи. 

Оваа понуда (ако е сериозна од страна на ЛАЗ) според мене треба да се разгледа, зашто како што пишува во текстот за тролејот не се потребни шини само воздушна контактна мрежа со што трошоците би биле помали. Барем додека не се изнајдат средства за реализација на трамвајот.

Се согласувам со clover за последната реченица, но интерсен е податокот за кочењето.

и мене ми се проврти во глава. Да ти кажам искрено ако се бира помеѓу ЛРТ и тролејбус јас сум за ЛРТ, едноставно тролејот не може да го замени трамвајот, но затоа ако се бира помеѓу автобус и тролејбус, тогаш сум за тролејот. кога ќе видиш разликата е само во погонот и затоа некако ми е одбивно, да гледам само автобуси, само што едните ќе работат на струја. и нема да прави некоја разлика во јавниот превоз од аспект на поефикасност и брзина. но подобро е да гледам повеќе тролејбуси отколку обични во градот.

кратко само малку оффтопик. јас како мислам дека е најдобро, почнувајки од 2010

2010-2013-нови автобуси

2010-2020- средување на партизанска и рекорд, изградба на јужен, илинденска, тунелот и крушевска

2013-2020-постепена набавка на тролејбуси, и тоа првите неколку години поголем број

2015-2020-изградба барем на главна траса за трамвај Ѓ. Петров- Аеродром

2015-2020-до Аеродром Петровец(ова може и порано, ако се сметаат надлежните способни)

2020-......-постепено ослободување од автобускиот превоз во Скопје

2020-......-комлетирање на трамвајот

2020-......-воведување на ЛРТ на постоечката железничка мрежа до драчево куманово тетово и велес......

има многу фактори, ова е само идеа

а и како што тргнал светов со планетава дај боже да бидеме добро до 2020па ако некој си ја сфати работата сериозно да видам/видиме нешто од ова (ако се согласувате). 

@Cloverstack

ништо не е спорно околу ефикасноста во секој поглед на ЛРТ или кое друго шинско возило, но спорни се парите, желбата и спремноста. Се согласувам со се околу ЛРТ, и ќе бидам многу среќен во што поскоро време го имаме.

во идеални околности, ние имаме многу добри решенија за се, но сега околностите не се такви за да се гледа на големо и брзо имплементирање на се она што ние збориме.

една работа, најважно е да не се фрлаат пари залудно или за дупли работи (па кога ќе размислам подобро од една страна тролејот би бил дупла работа), но добро , ние уствари со се касниме.

а буџетот на Скопје.... ехехе имаше споредба на ссц за околниве градови од регионот...смешно.....кога ќе споредиш со Загреб или Белград, иако се поголеми градови и поголеми држави, ама од помалите градови во србија или хрватска да има помал буџет....

и не е само до Скопје работата, целата држава не е способна и спремна

аххх....многу проблеми 

еј туку друго ми текна, а она што беше трамвај на тркала со гуми?

Originally posted by Cloverstack Originally posted by FoSsiL а и како што тргнал светов со планетава дај боже да бидеме добро до 2020па ако некој си ја сфати работата сериозно да видам/видиме нешто од ова (ако се согласувате).  Ех да беше до нас

па јас не видов или слушнав некој од градоначанициве или владата да биде заинтересиран за Скопје, освен ние тука што си ги удираме главите да биде нешто од градов.

но тоа е реалноста ако кажеш нешто во јавност не знаеш што да очекуваш, ќе те направат будала.

тоа и ти викам можеби државава не ни е доволно психички спремна да размислувава за вакви работи, сега сме спремни само за споменици, палати....

но ќе дојде време и за ова. оние убави неокласични, барокни, евроопски (какви не) згради и грациозни споменици ги има во сите западно европски и останати градови, но имаат и одлична инфраструктура и нови напредни, модерни еколошки згради, само што тие биле направени во среден век (се знае зошто) . така да ке дојде време и кај нас.

еј одлетав оффтопик, ама мислам дека ја дадов поентата

еее тоа е ама кој да сфати

иначе ме интересира цена колку е

во секој случај е подобро побрзо

Владимир имам прашање. 

разликата помеѓу ЛРТ и метрото е само во контактната мрежа или и во возот и шините. Знам дека имаше споменувања за ЛРТ да поминува низ тунел под плоштад и воедно под цела партизанаска. тоа нема врска со метро така.

пс. цената е повеќе од исплатлива

За мен подобро е да се изгради система LRT слична на таа изградена во гр. Порто:

тоа ми беше поентата и мене, но само кога би бирал помеѓу автобус и тролејбус, не поинаку

АЛТЕРНАТИВЕН ЈАВЕН ПРЕВОЗ ЗА НАДМИНУВАЊЕ НА СООБРАЌАЈНИТЕ ПРОБЛЕМИ

Тролејбус наместо трамвај за нов имиџ на метрополата!?

Украинскиот производител ЛАЗ им препорача на македонските власти да размислат за воведување на тролејбуски линии за чија реализација би биле потребни најмногу 2,5 години и околу 160 милиони евра

Додека граѓаните ги очекуваат првите украински автобуси кои во Скопје треба да пристигнат во јуни годинава, украинскиот производител ЛАЗ на македонските власти им порача да размислат за воведување на тролејбуски линии. За таа цел, менаџерите на компанијата, кои викендов беа домаќини на македонската делегација предводена од министерстот за транспорт и врски Миле Јанакиески, презентираа проект во кој до детали ги образложија предностите на овој вид алтернативен јавен превоз.
- Ние бевме во Скопје и од она што можевме да го забележиме е дека би требало што побрзо да воведете алтернативен јавен превоз. Наша препорака е тоа да бидат тролејбуси, а не трамваи како што веќе разгледувате, бидејќи проектот за воведување на тролејбуска траса е многу поевтин и би се реализирал за многу покусо време. За овој вид превоз не се потребни некои крупни градежни зафати, ниту изградба на пруга, туку само инсталирање електрична мрежа. Тоа се еколошки возила кои не ја загадуваат животната средина, а можат лесно да се снајдат во сообраќајниот метеж, бидејќи нивното движење е флексибилно и можат да ги заобиколат паркираните возила, на пример - истакна сопственикот на ЛАЗ Игор Чуркин по потпишувањето на договорот за производство на 80 единечни и 4 зглобни автобуси наменети за ЈСП Скопје. Тој информираше дека воведувањето на тролејбуски линии македонските власти би ги чинело најмногу 160 милиони евра, а дел од средствата би се обезбедиле преку европските инвестициски фондови.
- За изработка на проектот би ни било потребно околу една година, околу шест месеци за инсталирање на мрежата и една година за испорака на возилата, така што системот може да профункционира најдоцна за 2,5 години. Дизајнот на тролејбусите ќе биде уникатен и ве уверувам дека тие ќе го сменат ликот на Скопје - рече Чуркин.

Министерот Миле Јанакиески со интерес ја проследи презентацијата, но рече дека македонската Владата се уште не ја разгледала можноста да инвестира во алтернативен превоз за Скопје, туку е фокусирана на набавката на новите автобуси за јавниот превоз.
- Се надевам дека на 15-ти конечно ќе ја избереме фирмата за производство на двокатните возила за целосно да го обновиме возниот парк на ЈСП. А одлуката за воведување на алтернативен јавен превоз треба да донесат Градот Скопје и ЈСП - рече Јанакиески. Тој тврди дека Владата не ја разгледувала можноста за замена на даблдекерите со тролејбуси дадоколку тендерот за набавка на пропадне по петти пат. И од Градот велат дека не е разгледувана оваа можност, но информираат дека во моментов се изработува физибилити студија за сообраќајниот систем во градот, која треба да покаже кое е најдоброто решение за сообраќајните проблеми во Скопје.

Украинците не врбуваат и за нивни тролејбуси

Компанијата ЛАЗ сугерира двокатните автобуси да ги замениме со нивни тролејбуси

Деспина Трајковска


Владата да се откаже од намерите за набавка на двокатни автобуси и наместо нив, за потребите на градскиот сообраќај во Скопје, да набави тролејбуси. Со ваква порака владини претставници на Украина и од менаџментот на компанијата „Лвовски автобусни завод“ (ЛАЗ) изминатиов викенд ја испратија од Киев и Лвов македонската делегација предводена од министерот за транспорт и врски, Миле Јанакиески, која во Украина го потпиша договорот за набавка за 84 обични автобуси од ЛАЗ. Украинците се подготвени да произведат 200 тролејбуси за Скопје и во рок од три години да ги создадат и останатите технички услови за градскиот сообраќај да се поднови со овој вид превозно средство.

„Нашата фабрика има големо искуство во производство на тролејбуси со најголем век на експлоатација. Го предлагаме овој систем за решавање на градскиот превоз во Скопје откако ја разгледавме инфраструктурата на градот. Тролејбусот е најчисто, најефикасно и најевтино превозно средство за градски сообраќај“, рече Игор Малец, генералниот директор на ЛАЗ.

Истите препораки на Јанакиески му ги пренесоа и владините претставници на Украина.

„Дали би се разгледувала можноста за воведување тролејбуси во градскиот сообраќај во Скопје, зависи од одлуката на Град Скопје и од ЈСП. Инаку, Владата нема намера да се откаже од двокатните автобусите, а доказ за тоа е отворањето на понудите на тендерот на 15 февруари“, прокоментира Јанакиески, според кого, нормално е ЛАЗ, па и која било компанија да нуди свои производи на секој пазар.

Според министерот, досега немало договор ниту, пак, преговори за тролејбуси. Идејата воопшто не била разгледувана, иако Украинците во нивната неодамнешна посета на Скопје проектот го презентирале и пред градските власти. Тие нудат прво да изградат и да опремат тролејбусна електромрежа со трансформатор, терминал и тролејбусни станици. Според процените на ЛАЗ, за Скопје ќе бидат доволни 200 возила со низок под „електро ЛАЗ 20“, кои имаат по 46 седишта, а собираат 210 патници. Менаџментот на компанијата не прецизираше колку чини еден тролејбус, ориентационо биле двојно поскапи од обичните автобуси. Сепак, нуделе повеќе предности, работат на струја, што значи не ја загадуваат околината, бесшумни се, а може да возат без напојување дури два километра. При кочењето, вишокот енергија се враќа назад во мрежата и може да се користи од другите тролејбуси.

„Тоа е систем за рекуперација, со што потрошувачката се намалува за 42 отсто. Трошоците за изработка за тролејбуската линија се помали од тие за трамвајската, затоа што нема потреба од пруга или од издвоен пат, туку само воздушна контактна мрежа. Тролејбусите може лесно да ги заобиколуваат непрописно паркираните возила, што е чест проблем во Скопје“, објаснија од компанијата, која се занимава со производство на тролејбуси уште од 1992 година.

http://www.utrinski.com.mk/?ItemID=EA814D2139F09349B53B50C8205B51DB

Не велам дека сакам ова, неќам она. Едноставно не ни требаат автобуси кој возат на струја и автобуси (ЈСП) кој возат на биодизел. Со овие два типа на автобуси или тролејбуси нема да се реши гужвата во сообраќајот и ефикасноста на тој јавен превоз, секој автобус е добредојден но решавањето на сообраќајот а со тоа и јавниот транспорт не треба да биде на начин кој го гледаме и сега по улиците. Ако се воведе тролејбус градските татковци ке кренат раце и од метро и од трамвај, мислејки дека проблемот е решен на подолг период, ке добиеме само два типа на автобуси еден на струја а друг на гориво и повтроно редици на автобуси и гужви по улициве. Сакам да напоменам дека не сум против тролејбусите но, сообракајов ке дојде до колапс со толку автобуси и автомобили по него. Ако, нека се заменат старите автобуси на јсп со овие новите што се нарачани па дури и нека набават тролејбуси но повторно ке има гужви и метежи, испаѓа дека не сме решиле ништо од ефикасноста на  јавниот транспорт, а со тоа и сообраќајот во Скопје.

Трамваите на сред коловоз да, но тролејбуси на сред коловоз не, тоа ке е исто како да додадеш уште една лента (асфалтна) во средишното зеленило, а за посебна линија за тролејбусот мислам дека со овој менталитет нема да успее, ако се секаваш не успеа ни физичкото оделување на десната лената со гумени бариери на партизанска, а зошто, затоа што и понатака коли си прерипуваа преку нејзе за да се паркираат на десна страна, и понатака автобуси се претекнуваа со други возила преку нејзе, а баш ме интересира како ке вози тој тролејбус оти е на струја и кога напонските водови ке му бидат поставени на десна страна кај некоја станица, а пред него паркирана кола или друго возило, па не мислам дека ке се исклучи за момент од електричната мрежа за да го заобиколи тоа возило