прва слика на ваков начин ај да видиме шо ке биде ,ова е корзото

благодариам на забелешките, навистина дрвјата не се Ендемични, само беа многу стари и не ќе беше лошо да се вметнат 2-3 во проектот секако ако имаше можност.....

кога го видов овој вториов проект како затворено игралиште за кошарка е не ми се допаѓа првото е топ спрема ова инаку сакав слика од фејсбук да вметнам еве сеа пак ке пробам се надевам успешно

ДА ПОТСЕТУВА НА ЕДНО МИНАТО ВРЕМЕ

Околу бунарот се плетат најразлични злобни и добронамерми приказни. Но ова е вистината.При изведувањето на подготвителните земјани градежни работи на градскиот плоштад, оперативата на „Градба промет“ откри бунар. Станува збор за стара градба која е исвонредно сочувана. Веднаш по откривањето на бунарот на лице место излегоа стручните тимови на Музеј-Галерија Кавадарци. Тие констатираа дека бунарот е добро сочуван, а на самото место веднаш беше и градоначалникот Александар Панов.

Деновиве под надзор на надлежните Општината ангажира искусен мајстор кој треба да го доѕида бунарот над нивото на плоштадот. Идеата на Локалната самоуправа околу вклопувањето на бунарот во амбиентот на новиот градски плоштад е благородна и со соодветна порака до сите кавадарчани.

Во целата своја историја градот со вода за пиење се снабдувал токму преку бунари со градба и структура како овој на плоштадот. Според историските сознанија вакви бунари имало на повеќе места. Постарите кавадарчани се сеќаваат дека овој лоциран на „Пладништето“ односно сегашниот плоштад, во најголем дел од своето постоење имал јавна функција иако во различни периоди го менувал титуларот на сопственост, но сепак од него граѓаните полнеле вода. Нема податок кога бунарот е покриен со импровизиран бетонски поклопец. Ианку функцијата на градските бунари престанува неколку години по ослободувањето кога во градот е изградена првата водоводна мрежа. Сега стари бунари има само во неколку дворови, а нивните сопственици се гордеат со богатството кое го поседуваат.

Поаѓајќи од фактот што бунарите за сегашните генерации се непознаница, Локалната Самоуправа реши да го зачува овој на плоштадот како споменик на едно време. Затоа се превземени активности за негова реконструкција. Идејата е  бунарот да потсетува на едно минато време, младите да видат што е тоа бунар, а сите заедно тој да не потсетува дека благодетот што го поседуваме преку системот „Лукар“ а кој безразборно го трошиме мора повеќе да го цениме. Според стручњаците многу е близу времето кога водата за пиење се помалку ќе ја има. Затоа Бунарот на плоштадот ќе стои  да не потсетува на минатите времиња , а воедно и да не опоменува на нашиот неодговорен однос кон богатството од „Лукар“ како и на егоизмот на оние кои водата за пиење ја користат ненаменски не мислејќи на соседите и сограѓаните. Пораката од општината е благородна и добронамерна: Кој ќе ја разбере добро, а за другите...

Локалната самоуправа  и градоначалникот Александар Панов секојдневно ја следат сосотојбата и се во постојана комуникација со фирмата КРИН Производство од Прилеп која на интерниот тендер за набавка на гранит од страна на донаторот Фени индустри е изведувач на завршните работи на плоштадот во Кавадарци. Општината од своја страна заедно со донаторите во проектот градски плоштад “Машино Кооп„, “Метал инвест“ ги испочитуваа  сите рокови  и навремено ја обезбедија подлогата  за поставување на гранитот. Фени индустри  како донатор на гранитот однапред изврши плаќање на порачката кон фирмата Крин Производство од Прилеп.

И покрај сето ова работите на плоштадот сеуште стојат.

Градоначалникот Александар Панов е сосема свесен за моменталната одговорност, но исто така е свасен за фактичката состојба  како и придобивката за градот и неговите жители која ќе произлезе по изградбата на плоштадот. Но, очигледно проблемот не е во фирмите донатори и изведувачи од Кавадарци, најмалку кај градоначалникот и Локалната самоуправа.

Градежните работи на градскиот плоштад се извршуваат со несмален интензитет. До 10 ти септември ќе биде финиширана изградбата. Свечената лента ќе се сечи на 7 ми септември- денот на ослободувањето на Кавадарци.

Денеска безбедносната ограда од градскиот плоштад е отстранета со што се отвори можноста граѓаните слободно да минуваат по реконструираниот но недовршен плоштад. Плоштадот во ова ниво на изграденост ќе биде и за време на тиквешкиот грзодобер и општинскиот празник 7ми септември.

Вчера и советниците се интересираа околу изградбата на плоштадот и финалните работи. Градоналникот Александар Панов рече дека започнал да пристигнува гранитот во солунското пристаниште и веќе таму бил пристигнат првиот контингент со 16 контејнери висококвалитетен гранит.

Општината од своја страна заедно со донаторите во проектот градски плоштад “Машино Кооп„, “Метал инвест“ ги испочитуваа  сите рокови  и навремено ја обезбедија подлогата  за поставување на гранитот. Фени индустри  како донатор на гранитот однапред изврши плаќање на порачката кон фирмата Крин Производство од Прилеп. Како што со допис прилепската фирма Крин деновиве го информира градоначалникот најдоцна до 13 септември гранитот ќе биде пристигнат во Кавадарци . За овој рок вчера   се слушна и од градоначалникот Панов кој рече дека една недела  по седмосептемврисокото славје започнува поставувањето на гранит./ Aнгел Данов

Делегација на компанијата „ФЕНИ Индустри“ предводена од генералниот директор Константинос Даскалакис во која беше и директорот Никола Ризов оствари посета на градилиштето на објектот Градски плоштад- Кавадарци.  На плоштадот ги пречека градоначалникот Александар Панов. Во обиколката на плоштадот беше и директорот на„Кожувчанка “ Митко Јанчев.

Тие се интересираа до каде се работите околу поставувањето на гранитните плочи, а од градоначалнмикот Панов и надлежниот за изградба на објектот градежниот инжинер Ванчо Колевски добиа и дополнителни информации околу проектното решение, фуннкцијата на амфитеатарот, хортикултурното уредување, новото штедиво  и еколошко осветлување, симболиката и начинот на функционирање на фонтаните, а имаа можност да видат и како мајсторите од Стојаково ги лепат гранитните плочи на бетонската подлога со полусува постапка во која на мешавина од цемент и песок со малку вода се формира цврста гранитна подлога на новиот плоштад.

Целта на посетата беше луѓето од „Фени Индустри“ на самото место да се уверат за интензитетот и квалитетот на работите и како се реализира парите од  нивниот поклон за градот во вредност од 250 000 евра.