Print Page | Close Window

Мост на желбите - Охрид

Printed From: build.mk
Category: Главни теми
Forum Name: Градска инфраструктура
Forum Discription: Улици, булевари, сигнализација, јавен превоз...
URL: http://www.build.mk/forum/forum_posts.asp?TID=888
Printed Date: 28-Mar-2024 at 17:23


Topic: Мост на желбите - Охрид
Posted By: Cloverstack
Subject: Мост на желбите - Охрид
Date Posted: 04-Sep-2009 at 00:38
Капетанија: Мостот од Канео до Охрид се гради без потребната документација

Мостот кој треба да ја спои плажата „Потпеш“ и населбата Канео со центарот на Охрид се гради без потребна документација, обвинува Капетанијата на пристаништата.



Овој орган  кој  е надлежен  да дава мислење во постапката за донесување на урбанистички планови за деловите од брегот и внатрешните води, укажува дека  со Деталниот урбанистички план за крајбрежјето населба Канео -Студенчишта е предвидена изградба на пешачки патеки, но во ова заштитено подрачје е потребна специфична заштита со цел да не се наруши природниот амбиент.

- Потегот под Долни сарај до плажата Потпеш кој претстатвува природна реткост како што стои во ДУП, треба исклучиво да се заштити. Таму е предвидено околу пешачката патека или мост кој би се градел, посебно да се внимава на материјалите кои се вградуваат. Треба да е исклучиво од дрвени колци со комбинација од дрво. Ние  како орган стапивме во контакт со локалната самоуправа и со секторот за урбанизам и ни беше одговорено дека е поднесено барање од страна на инвеститорот и до ден денес не е издадено одобрение по истото, значи во фаза на разгледување е, а во случајов се изведува дел од тој мост, изјави Љупчо Настоски од Капетанијата на пристаништата - Охрид.

Изградбата на мостот ја иницираа концесионерите на плажата „Потпеш“, кои велат дека проектот е дел од урбанитичките планови на општината. Според нив со изградбата на мостот жителите од населбата и туристите наместо да пешачат километар и половина ќе можат за 200 метри да стигнат до црквата Св. Софија, односно до центарот на Охрид.



Три години го поставуваме тоа  прашање зошто не се изгради тој мост, кој е ветуван и постои во сите планови на општина Охрид 70-80 години наназад и мило ми е што долгогодишната желба на охриѓани ќе се исполни, вели Митко Пендов, концесионер на плажата Потпеш. Според него со изградбата на мостот нема да се наруши природниот амбиент, напротив природните убавини на Охрид уште повеќе ќе дојдат до израз.

- Летово раговарав со туристите и посетителите на плажата и црквата Св. Јован Канео кои самите прашуваа зошто не се скрати патот до населбата. Со изградбата на мостот се отвора еден нов поглед на Охрид. Се отвара прекрасниот амбиент на Долни сарај како дополнителна туристичка понуда и мислам дека со тек на време ќе се покаже дека изградбата на овој мест бил  добар потег, вели Пендов.

Изградбата на мостот кон Канео ја спонзорира фондацијата „Рамковски“ на бизнисменот Велија Рамковски.


http://ohridnews.com/index.php?mod=1&kat=4&id=15304



Replies:
Posted By: lslcrew
Date Posted: 09-Sep-2009 at 13:32

Ка­нео со мост се поврза со Охрид

Ри­бар­ска­та населба Канео од вчера се поврза со мост со центарот на Ох­рид. Досега, за да се стигне пеш до неа, требаше да се помине целиот ох­рид­ски рид. Мостот од месноста Потпеш до пред "Света Софија" има дол­жи­на од 140 метри и ширина од 2,30 метри.
Мос­тот е наречен Мост за желбите. На неговата ограда се поставени си­те зодијачки знаци и луѓето кога ќе го допрат својот зодијачки знак и ќе си посакаат желба, треба да се свртат кон Свети Наум и да си посакаат желбата да им се исполни.
За изградбата на мостот потрошени се 2 милиона денари.

http://vest.com.mk/?ItemID=090AB50240CCDC4BBF974FE0FBB55EE0


Posted By: pbanks
Date Posted: 12-Sep-2009 at 12:06
Што мислите за ова чудо на Велија

[tube]vGWG9Uz1Oek[/tube]

Игнорирајте ја неговата елоквенција , да слушнеме мислење за "патекава". Спрема мене се работи за тешка глупост. Можеби навистина ќе биде интересно човек да пешачи покрај водата но комлетно го нарушува амбиентот. Дополнително која е пак потребата плажите кај Канео да се направат "достапни". Се работи за мали, приватни плажички каде голем дел од "филмот" беше токму тоа што се мали, приватни и недостапни. Сега верувам дека само ќе има навала на се и сешто и сето тоа ќе се уништи преку ноќ.


Posted By: Cloverstack
Date Posted: 12-Sep-2009 at 12:44
Се слагам дека убавината на тие плажички лежи токму во нивната „недостапност“. Плус тоа се работи за мали плажи кои ионака не можат да издржат некаква навала.

Мостов реално ќе биде од корист за оние десетина куќи во тој засекот близу Канео (41° 6'40.30"N  20°47'25.92"E).
Е сега не знам зошто требаше оној спин дека патот се крател од 1,5km на 200m. Ако се оди од горе секако е стрмно и за некого мачно, но толкава разлика во должина ни од далеку нема.


Posted By: Max
Date Posted: 12-Sep-2009 at 13:03

А тоа што е културно и природно богатство заштитено со закон нема врска, дали, не ми се верува дека лесно ќе добие дозвола од заводот па и од општината, освен ако ова Велија не го прави заради некаква себепромоција, па во случај и да не добие дозвола рекламата да му излезе во позитива. 

Инаку тука под Канео охриѓани веќе направија летен шанк, па пополека и се отвори патот за вакви и слични импрозвизации, што можеби и немаше да биде особен проблем доколку ваквите интервенции се правеа како автентични за таа атмосфера, со прилично осет и дебели вложувања.



Posted By: pbanks
Date Posted: 12-Sep-2009 at 13:07


Ако е прилогов за верување не само што овој мост е правен со знаење туку и во соработка со општината.


Posted By: pbanks
Date Posted: 12-Sep-2009 at 13:08
Originally posted by Cloverstack

Се слагам дека убавината на тие плажички лежи токму во нивната „недостапност“. Плус тоа се работи за мали плажи кои ионака не можат да издржат некаква навала.


"недостапноста" на плажите е всушност секундарно прашање во случајов. Главно прашањање е како ова чудо од премин се вклопува во амбиентот на стариот град.


Posted By: Cloverstack
Date Posted: 12-Sep-2009 at 13:13
Originally posted by pbanks

Главно прашањање е како ова чудо од премин се вклопува во амбиентот на стариот град.

За добро вклопување во амбиентот не станува збор. Се потпишувам на ставот на Max:
Originally posted by Max

што можеби и немаше да биде особен проблем доколку ваквите интервенции се правеа како автентични за таа атмосфера, со прилично осет и дебели вложувања.



Posted By: lslcrew
Date Posted: 12-Sep-2009 at 13:43
Доволно ќе беше бојата на дрвото да се избереше темнокафеава и немаше да биде толку нападна бојата на патеката, ќе одговараше и накрапите, на природата и идо некаде може да се каже и со старата охридска архитектура која ја има како една од основните бои.

За патекава  е евидентно дека била потребна, а и не се работи за некаков објект цврста градба па да треба да стравуваме дали сме го нарули стариот изглед или сме уништиле некој стар објект.


Posted By: Cloverstack
Date Posted: 16-Dec-2009 at 05:24
Еве го „мостот“ на Велија во Охрид, за кој зборувавме поназад во нишкава.

Функција за населението неспорно има (мада не толку колку што се пумпаше работата). После прошетката по него се уверив и дека отвара поглед кој компензира за нарушувањето на недостапноста на плажичките накај Канео (што им даваше особен шмек).

Но изведбата = ТЕЖОК ФУШЕРАЈ

Puke

Неквалитетно сработено, гадни метални профили, секој столб со уникатна закосеност, кабли, несоодветно дрво... за приодите да не зборуваме - кога не им бил важен ни самиот мост, јасно дека не им паднало на памет да се занимаваат со такви „ситници“ како средување на приодите. Генерален впечаток на „евтино“ и прикрпено. Едноставно не е достојно за Охрид, најмалку за тој дел од градот.

Убеден сум дека треба што побргу да се размонтира и да се направи наново. Но со целосна конструкција од дрво и со внимателно одбрани луѓе кои ќе работат на проектот.


1


2


3


4


5


6


7


8


9


10


11


12



Posted By: Max
Date Posted: 16-Dec-2009 at 12:20
 
Originally posted by Cloverstack

изведбата = ТЕЖОК ФУШЕРАЈ

6

за Греота и сакаме од Охрид да направиме елитен туристички центар, абе ајде! и по запуштените краеви на Индија не се до волку креативни од природна културно-туристичка атракција да направат лакрдија!  

абе не е Велија крив што општината и урбанистите во неа немаат осет за естетика, за него како популистички момент битно муе само да си истера позитивен маркетиншки фидбек, иако мислам дека на ова особено ја утнал, со мала заебанција му паѓа во бунар цела негова културно "посветена" фондација! мој предлог - мовчево нека го расклопат и нека го однесат на некое од споредните вештачки езера, а тука ако веќе нешто сакаат да направат за тоа да ги задолжат музеите односно завод за културно наследство, тука дефинитвно треба патека налик неолитската наколна населба кај Градиште, но и тоа музите знаат со инвентивноста да забегаат, пример незнам што треба да симболизира името залив на коските, но дури и за авнтуристичко име делува избегано, чии коски останале во тој залив, човечки, рибни... и ова под итно да го преименуваат па од толку архаични термини тие се фатија за некоја циркуска етикета! но да не ја развлекувам темата, сепак засега најпрофесионални околу проектирањето и изведбата на автентични и поуникатни проекти се музеите, односно нивната проектна ангажираност или нивната супервизија во најмала рака! 

Ех ќе заборавев тоа фенерите и спиралните флуоресцентните сијалици се нешто досега најуниткатно од домашна кич продукција што  го има видено! а капак и со тоа цревата и халогенката ова е ремек дело какво ни во јужно америчко гето што го нема! изгледа некој озбилно на мајтап ја затерал, ако не подизведувачо, па и нарачателот тогаш сигурно е општината која дрчна за некој да и донира нешто дозволила и ваква какафонија! а можеби и навистина Велија сака да истера некој потсвесен рефлекс од власта, која по вакво нешто би го кренала прагот на толеранција кон кичот кој обилно вирее во нашиот двор http://en.wikipedia.org/wiki/Culture_jamming - http://en.wikipedia.org/wiki/Culture_jamming ако ништо друго еве му добро оправдување за својата грешка од донација, незнам колку но ваков мајтап за град кој претендираме и навистина да биде заштитен од унеско не смее да си дозволи вакви испади, ми мириса дека со вакви импровизации не само што ќе го загуби Охрид статусот - живо наследство на унеско, туку и оние туристички агенции кои го преферираат ќе почнат да го заобиколуваат! Ах бар вака ќе успееме да ги спуштиме цените и Охрид да го направиме подостапен бар за нас Македонците  



Posted By: ArchiTechTone
Date Posted: 20-Feb-2010 at 18:13

Се сруши Мостот на желбите - подарокот на Велија Рамковски на Охрид

Охрид, 20. февруари (ИНПРЕС)

Денеска се руши дел од пешачкиот мост наречен „Мост на желбите". Силните бранови, предизвикани од силниот ветер кој дува од југозападен правец денеска го оштетија мостот кој беше направен и пуштен во употреба минатата година.

Оваа надезерска патека  водеше од Света Софија до населбата Канео.

Силните бранови денеска го преплавуваа  охридското крајбрежје во централното градско подрачје.

Водата го префрла и патот и достигнува дури до дворното место на Охридската капетанија. (Крај)



http://www.inpress.com.mk/default.asp?ItemID=4A776DCA916F8B48A0761098748E1AA2 - http://www.inpress.com.mk/default.asp?ItemID=4A776DCA916F8B48A0761098748E1AA2


Posted By: Vladimir P
Date Posted: 20-Feb-2010 at 18:27
Има една поговорка
Држи воду док мајстори оду
Првиот налет и се во вода

-------------
Клуб на љубители на железниците во Македонија, Macedonian Railways Fan Club
https://www.facebook.com/767277056651521/ - https://www.facebook.com/767277056651521/


Posted By: Cloverstack
Date Posted: 20-Feb-2010 at 22:01
Жалосно е тоа што политиката успеа да поплави делови од охридското крајбрежје, но ако има светол момент во целата работа, тога ш тоа е овој со крпеницата на Велија. Можеби ќе ми се оствари желбата за нов, далеку поквалитетен и поприкладен мост:
http://www.build.com.mk/forum/forum_posts.asp?TID=666&PID=53560#53560 - http://www.build.com.mk/forum/forum_posts.asp?TID=666&PID=53560#53560


Posted By: krale
Date Posted: 21-Feb-2010 at 01:01
Originally posted by Cloverstack

Жалосно е тоа што политиката успеа да поплави делови од охридското крајбрежје, но ако има светол момент во целата работа, тога ш тоа е овој со крпеницата на Велија. Можеби ќе ми се оствари желбата за нов, далеку поквалитетен и поприкладен мост: http://www.build.com.mk/forum/forum_posts.asp?TID=666&PID=53560#53560 - http://www.build.com.mk/forum/forum_posts.asp?TID=666&PID=53560#53560


Многу ми се интересни вакви коментари... да не врнеше политичари во Охрид или можеби ДОЖД и се топеше снег? Зашто се мора да биде политички во Макеоднија, па и поплавите... не дај Боже земјотрес да се случи...

А за мостот се согласувам, подобро да се сруши целиот. Ете една ЖЕБЛА од мене за мостот на желбите.


Posted By: Cloverstack
Date Posted: 21-Feb-2010 at 01:35
Roll%20eyes

Крале, ако не си информиран, истекот на Дрим е контролиран и може да се регулира. Исто така и низводно (Глобочица и Шпиље). Не мешај баби и жаби.


Posted By: krale
Date Posted: 21-Feb-2010 at 10:32
Да, веројатно и одроните се политички, и лавината во Вевчани, и Сонцето го пуштиле да гори појако...абе што да ти раскаѓувам Труман Шоу


Posted By: Max
Date Posted: 22-Feb-2010 at 04:35
 
Originally posted by ArchiTechTone

Се сруши Мостот на желбите - подарокот на Велија Рамковски на Охрид

па зар можно ли е ваква работа, сега уште кога иќе го закрпат, абе ова само во охрид поминуваат вакви туристички егзибиции!



Posted By: La Linea
Date Posted: 22-Feb-2010 at 16:00
Originally posted by Cloverstack

Roll%20eyes

Крале, ако не си информиран, истекот на Дрим е контролиран и може да се регулира. Исто така и низводно (Глобочица и Шпиље). Не мешај баби и жаби.


Точно, но некаде прочитав дека истекот на Дрим моментално е малку над 50 кубици, што е максимално дозволено без опасност од излевање во Струга или подоле низводно. А исто така поради договорот со Албанија за испуштање на вода работата е дополнително искомпликувана, бидејќи може да се случат поплави и кај нив. Не сметам дека некаква политика е одговорна за моменталнава состојба, туку лоша мешавина на околности


-------------
Помогнете во Македонската Википедија - Слободна енциклопедија!


Posted By: pbanks
Date Posted: 22-Feb-2010 at 16:10


Се сложувам и јас, мислам дека реакцијата на Кловер е престрога.

Иако можно е да постојат лоши проценки.

Пред неколку недели во неформален разговор со една постара колешка од Албанија која има доста работно искуство во албанската јавна администрација и меѓу другото е запознаена детално со процедурите и телата кои се занимаваат со регулацијата на водните текови низ Албанија.... дознав дека, барем според нејзе, катастрофалните поплави кои тие ги имале оваа година можеле да бидат одбегнати или во најмала рака минимизирани доколку регулацијата на водите се вршела низ процедурите како што треба.


Posted By: Cloverstack
Date Posted: 22-Feb-2010 at 16:16
Originally posted by La Linea

Точно, но некаде прочитав дека истекот на Дрим моментално е малку над 50 кубици, што е максимално дозволено без опасност од излевање во Струга или подоле низводно.
Но проблемов не е од вчера. Нивото на езерото беше премногу високо за лагодност подолг период наназад, а и покрај многубројните предупредувања и апели да се испушта поголемо количество вода, тоа долго време не се случи.



А исто така поради договорот со Албанија за испуштање на вода работата е дополнително искомпликувана, бидејќи може да се случат поплави и кај нив. Не сметам дека некаква политика е одговорна за моменталнава состојба, туку лоша мешавина на околности
Па и тој договор со Албанија е резултат на политика. А јас колку што слушнав договорот е застарен и не одговара на поновите климатски состојби. Мора да најдеме модус (дали нов договор или нешто сосема друго) да се заштитиме од полавување, особено на охридското крајбрежје. Во случајов имаме полно право да бидеме себични.


Posted By: Cloverstack
Date Posted: 22-Feb-2010 at 16:20
Originally posted by pbanks



Се сложувам и јас, мислам дека реакцијата на Кловер е престрога.


Не ми е јасно зошто сметаш дека е престрога реакција, кога во времето додека имаше можност нешто да се превземе и да се подготвиме за нови дождови и топење на снегови, тоа не беше направено.


Posted By: krale
Date Posted: 22-Feb-2010 at 16:32
@clover

Мислам дека ти објаснија погоре дека се испушта над максимуалното дозволено ниво. Повеќе ако се испушта ќе се поплави Струга прво и основно (си го видел Дрим моментално во Струга?), а и подоле. Не верувам дека некој во државава е толку глуп од политика да поплавува региони - тоа што се случува е класично политичко перење на мозоци и користење на елементарни непогоди за политички поени.


Posted By: Cloverstack
Date Posted: 22-Feb-2010 at 16:40


Крале, ако не пратиш медиуми, тогаш барем читај што беше кажано погоре. Нивото на езерото е ризично високо веќе подолг период, но и покрај многубројните укажувања, водата не се испушташе доволно на време, кога се можеше.
Ако причината не е политика, тогаш единствено друго објаснување е дека за ова прашање се надлежни тотално неодговорни хазардери.


Posted By: La Linea
Date Posted: 22-Feb-2010 at 16:49
Originally posted by Cloverstack

Originally posted by La Linea

Точно, но некаде прочитав дека истекот на Дрим моментално е малку над 50 кубици, што е максимално дозволено без опасност од излевање во Струга или подоле низводно.
Но проблемов не е од вчера. Нивото на езерото беше премногу високо за лагодност подолг период наназад, а и покрај многубројните предупредувања и апели да се испушта поголемо количество вода, тоа долго време не се случи.



А исто така поради договорот со Албанија за испуштање на вода работата е дополнително искомпликувана, бидејќи може да се случат поплави и кај нив. Не сметам дека некаква политика е одговорна за моменталнава состојба, туку лоша мешавина на околности
Па и тој договор со Албанија е резултат на политика. А јас колку што слушнав договорот е застарен и не одговара на поновите климатски состојби. Мора да најдеме модус (дали нов договор или нешто сосема друго) да се заштитиме од полавување, особено на охридското крајбрежје. Во случајов имаме полно право да бидеме себични.



Зборот што јас би го искористил е неспособност наместо политика, и истата таа неспособност е причината за поплавите кај клучката Континентал. А поради бавната реакција луѓе треба да летаат од работа - но пак порано или подоцна ќе се случеа поплавите, тоа е сигурно


-------------
Помогнете во Македонската Википедија - Слободна енциклопедија!


Posted By: krale
Date Posted: 22-Feb-2010 at 16:52
Мислам дека речиси цело време се испушта максималното дозволено ниво... не ти се точни информациите кловер - т.е. веруваш на се што ќе чуеш на ТВ. Едноставно дотекот на води е поголем од истекот и езерото се полни.

Тоа што можеше евентуално да се предвиди, е далеку порано да се испуштеше поголемо количество, фактички езерото да се спушти под нормалното ниво, па за овој период да нема проблеми. Но ова не е лесно предвидливо (кој можел да предвиди дека снегот ќе се стопи во Февруари, а не во Мај)?

Доброто е што штетите се минорни засега.


Posted By: Cloverstack
Date Posted: 22-Feb-2010 at 16:57
Originally posted by krale

Мислам дека речиси цело време се испушта максималното дозволено ниво... не ти се точни информациите кловер - т.е. веруваш на се што ќе чуеш на ТВ.


Крале, јас барем се повикувам на официјални реакции и на нешто што го има во медиумите, а ти се повикуваш на тоа што ти си „мислиш“ и тоа твое мислење после го издигаш на ниво на факт и со него тераш дебата. И не само во оваа дискусија туку пречесто го тераш тој стил на маалски муабет на форумов.


Posted By: pbanks
Date Posted: 22-Feb-2010 at 17:10
Originally posted by Cloverstack


Не ми е јасно зошто сметаш дека е престрога реакција, кога во времето додека имаше можност нешто да се превземе и да се подготвиме за нови дождови и топење на снегови, тоа не беше направено.


Едноставно не ми се верува дека биле толку ноншалантни спрема проблемов. Напротив имам впечаток во последниве години дека многу подобро се одржуваат тековите, се чистат коритата (не само естетски туку суштински).

Дополнително неможе а да не се земе во предвид тоа што се случуваше во Албанија. Сепак ни се соседи и мора да соработуваме за вакви работи а таму се случи вистинска катастрофа во споредба со неколку поплавени подруми во Пештани (можеби добра лекција да не се гради блиску до брегот). Колку што може да се види од сликите, ситуацијата околу градот Охрид е сепак под контрола.




Posted By: Cloverstack
Date Posted: 22-Feb-2010 at 17:18


Таа солидарност супер звучи на хартија, ама на крајот на краиштата секој си го заштитува сопствениот интерес. Така било отсекогаш, така ќе биде и во иднина. Не велам да бидеме „злобен“ сосед, туку држава што си го штити интересот како што би си го штитела секоја друга на наше место.


Posted By: pbanks
Date Posted: 22-Feb-2010 at 17:23
Originally posted by Cloverstack



Таа солидарност супер звучи на хартија, ама на крајот на краиштата секој си го заштитува сопствениот интерес. Така било отсекогаш, така ќе биде и во иднина. Не велам да бидеме „злобен“ сосед, туку држава што си го штити интересот како што би си го штитела секоја друга на наше место.


повторно, доколку нашето кочење на водата им помогна троа на Албанците е спрема мене поголем интерес отколку потопување на пар подруми во Пештани за кои неможам а да не се сомневам дека се градени на разни транзициско коруптивни начини (знам дека е Пештани традиционално рибарско село, но што мајка бараат новоградби на линија на брег без никаква предвидена заштита од вакви работи). ЗНачи не е дека езерото се излеа и го потопи Охрид.

Дополнително, мислам дека и Крале има поента кога вели дека овие работи понекогаш не може да се предвидат. Не се разбирам за да знам колку од напред може да се предвиди временска прогноза но не верувам дека некој може да ги предвиди температурните флуктуации или врнежите месеци од напред. Ако се одеше со стратегија да се подиспразни езерото како припрема на потпопов кој доаѓа, и ако потоп не се случеше ќе се жалевме дека не сме ја задржале водта кога ја имало. Да потсетам само до пред 2-3 години се дигаше фама дека станавме пустинска земја и дека хидрологијата никогаш не била полоша, дека Охридско езеро го снемува итн. Ете сега овие 2 години хидролошката слика ни е топ.


Posted By: Cloverstack
Date Posted: 22-Feb-2010 at 17:33
Остави ги подрумите во Пештани, проблемот е многу поголем. Еве последната метеоролошка прогноза за среќа навестува дека сепак нема да има преголеми последици по крајбрежјето, но што ако продолжеше приливот?

А тоа што работите се непредвидливи, тоа е баш причина за да се биде внимателен и да се остава разумна резерва за екстремни сценарија. Исто така хидрологијата никако не смееме да ја „оправаме“ со задржување на вода над максимално определените коти.


Posted By: pbanks
Date Posted: 22-Feb-2010 at 18:16
Кловер ако природата реши ниедни мерки нема да не спаси. Заборавив кое беше точно езерото, но во Кина има едно езеро што малтене секоја година се излева и на глава да дубат тоа неможат да го спречат.

Се сложувам комплетно со тебе дека ситуацијата треба одговорно да се менаџира и да се разгледуваат буквално сите сценарија , но сметам дека си прекритичен за ова што во моментов се случува бидејќи може да се случи буквално секаде.


Posted By: Cloverstack
Date Posted: 22-Feb-2010 at 18:22
Originally posted by pbanks

Кловер ако природата реши ниедни мерки нема да не спаси. Заборавив кое беше точно езерото, но во Кина има едно езеро што малтене секоја година се излева и на глава да дубат тоа неможат да го спречат.
Ама зарем во нашиов случај станува збор за таква екстремна ситуација???

Како што кажав, барам и очекувам единствено да се однесуваме како сериозна држава која одговорно ги менаџира работите и си го заштитува својот интерес.


Posted By: zabegan
Date Posted: 22-Feb-2010 at 19:51
добро бе луѓе не живееме во камено време па да се клањаме на секое ветренце што ќе дувне!
се согласувам со кловер, конкретно оваа ситуација кај нас може да се регулира, ако не можат да се скротат водите и природата во целост, барем да се превземат заштитни мерки може



Posted By: krale
Date Posted: 22-Feb-2010 at 19:56
Колку што гледам паднал и кејот во Битола, го снемало знамето од Влада, се поплавила Пелагонија, одрони имаше на патот за Велес, Битола-Ресен се лизна, лавина во Вевчани, одрони Маврово-Дебар и да не редам понатаму... значи се наоѓаме очигледно во една елементарна непогода која предизвикува штети на сите страни. Да, сигурно е дека со подобра инфраструктура и менаџирање некои од овие работи би можеле да се спречат (да бевме некоја богата и развиена земја).

Се ли е ова политика? Значи се ова да се користи за политички препукувања е бедно. Но, политиката е како најстариот занает, тука се користи се само за да се заработи... се надевам на форумов ќе се држиме до реални градежни проблеми, а не да се занимаваме со политика.


Posted By: гитардемон
Date Posted: 22-Feb-2010 at 19:58
Од страна на тоа дека можело да се спречи:

Можело, и политичарите се криви, нормално. Да не сум јас крив? Да не е моја работа да ревидирам договори стари 50 години? Ај да станува збор за некоја смешка како територијални договори од XV век меѓу Белгија и Холандија поради феудалните имоти и да станува збор за неколку метри квадратни земјиште, ама овде станува збор за нешто што може да резултира со она што ни се случи, а и многу полошо. Затоа, ум во глава и нека мислат малку кој што работи во министерствата. Политиката е најстара кучка, во право си, ама кажи ми во која земја во ЕУ има министри кои се задолжени за ресор за кој ниту учеле, ниту слушнале пред да станат министри? Ај ако не јас да одам да скокнам 2 пати да прсни вода да се намали нивото. Криви се бидејќи се неагилни и ноншалантни (сите досега). Мислам дека Cloverstack многу добро ја гледа the big picture, а не станува збор за теорија на заговор (дека политичарите се виновни за сè).


---
Од страна на тоа што да правиме сега откако гледаме дека се случува:

Крале ако ти речам дека спомениците може да се одложат за 2-3 години, а сега итно да се мисли на трајно решение за сите овие проблематични точки на нашите патишта кои арно еднаш си ги покажаа слабостите и за среќа никој не беше повреден, ќе ми речиш дека сум и јас преокупиран со малограѓански опозиционерски муабети.

Секако мора да има ексклузивитет меѓу двете бидејќи нели државата нема пари за сè истовремено. Епа бирај кое е подобро, ама да возеше ти на некое од тие патишта тој ден (и тоа да не ја ни видеше карпата на патот или дупката во асфалтот) ќе ти беше срцето во грлото, а вака лесно ти е да судиш дека сме биле ние пристрасни.

-------------
Arguing on the internet is like running at the special olympics. Even if you win, you're still retarded.


Posted By: lslcrew
Date Posted: 23-Feb-2010 at 00:04
Едно село во охрид се поплави зашто јаболката од годинешниов род ги истуриле во каналот и се направил насип. И тоа штрајк против државата во капитализам зашто приватницте не си нашле пасман. Апсурд до даска. И тоа според некои шпекулации се зборело дека се истураат одкупени камиони плод од политички фактори на кои им одговара по медиуми да се врти таква слика. Но ај за тоа не сега. Битно сами си го запушиле одводот и сега се поплавиле.

Гледам прееска на вести еден чичко се буни зашто денеска не се започнало со санација на патот М5. Нема ни 24 саата од одронот. Знае ли тој човек дека треба прво да се стабилизира земјиштето, да се изврши увид, проект, финансии, па после градежна актвност. Во ниуедна држава ова не се прави за 24 саата. Очигледно станавме гомнојадска нација.

Колку што сега поплавите и невремињата се политички толку и мирната ситуација до сега беше политичка. По таа логика. Да не злоупотребуваме туѓа невоља и нема да спомнувам конкретни примери од странство, но во етаблирани и реномирани држави се случува истово.


Posted By: krale
Date Posted: 23-Feb-2010 at 01:27
@гитардемон

Дека има одговорност дефинитивно, па нормално штом една држава не е развиена и не фунционира како што треба, дека криви се нејзините водачи. Апсолутно немам збор како противаргумент дека има нестручен кадар (читај партиски) во сите министерства кои се и башка ноншалантни.

Но апсолутно не можам да се сложам дека ова се политички поплави, местенки да се поплави опозицискиот град итн. Ако некому, токму на опозоцијата и одговара вакво сценаријо на поплави и непогоди. Но стварно е бедно да се злоупотребува туѓата несреќа за своја корист - тоа е мрско.

А за ова што викаш дека треба да се правеле патишта наместо Скопје 2014, реков одамна дека се сложувам дека инфраструктурните проекти требаа да бидат први, така да пак на крива адреса се обраќаш. Но да се надеваме дека ќе влезат во Скопје 2018 или 2020, па да имаме една комплетно нова слика за една деценија.


Posted By: pbanks
Date Posted: 05-Apr-2010 at 20:46
Еве уште една сесија од овој мост. Имав впечаток дека мостот навлегува многу подлабоко во езерото и го менува изгледот на охридското крајбрежје. Сепак освен на почетокот мостот (ако може оваа монтажна платформа да се нарече мост) се движи залепен до карпите и катастрофата не ни од далку голема колку што мислев.

1 Почетокот на мостот веднаш под Св. Софија

2

3

4

5

6

7

8





Posted By: Makedonij
Date Posted: 11-Sep-2010 at 09:16
Овој мост е чиста катастрофа- материал обични даски ограда од ланец и железо, како на некоја река да е а не ОХРИД, град кој требе да биде совршен....

За под требало да стават тука се вика бангикир, со ростфраи ограда и да биде малце по естетско а не овоо чудо на шо личи како во некое село селаните да го правиле.....

Требало би да биде вака:
http://www.carlgoetz.de/fileadmin/produkte/terrasse/slideshow/bankirai.jpg
http://www.bard.rs/images/prodajni-program/podovi/parket/30.jpg

Ова е во Порторож и ако и тука до пред 2 години беше како тај на Ранковски...
Поарно да го нема од колку таков да е...


-------------
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ


Posted By: Makedonij
Date Posted: 06-Dec-2010 at 17:26
Мостот и патеките кај Канео ги демнат опасности од одрони

Мостот на желбите и другите околни премини и патеки кои водат до населбата Канео ги демне  опасност од одрони, предупредуваат локалните жители. Тие сметаат дека одговорните  институции,  треба најитно да ги обезбедат премините кај Канео, пред да се случи некој несакан инцидент.

„Не се работи само за мостот, проблем е и локацијата. Со децении а и многу повеќе, на Канео се одело по козјите патеки или со чамец. Мостот на желбите можел да се направи многу поодамна. Но има и друга работа, тука има опасност од одрони на камења. Оваа година во јули имаше таков случај, за среќа никој не настрада. Значи, потребно е да се испита безбедноста, не само на самиот мост, туку и на патеката од мостот до плажата Потпеш. Ако е потребно и да се заштити ридот со мрежа или патеката и мостот со свод.. додека е време, да не чекаме да ни се случи „Илинден“ на суво“, забележува нашиот читател Мите.


Мостот на желбите треба да се обезбеди - сметаат граѓаните

Жителите на Канео исто така алармираат на опасноста од одрони. Тие во февруари годинава самоиницијативно срушија неколку поголеми камења од карпа која виси над куќите и преставува потенцијална опасност за минувачите.


Карпи им се закануваат на жителите и посетителите на Канео

Мештаните посочуват дека опасноста се зголемува во влажните периоди кога има и големи осцилации во температурите. Велат дека повеќе пати се обратиле до  надлежните служби со барање да се постават заштитни мрежи и да се отстранат опасните карпи. Одговор не добиле.

http://ohridnews.com



-------------
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ


Posted By: Makedonij
Date Posted: 06-Dec-2010 at 17:29
“Мостот на желби не смее да падне“

Градоначалникот на Охрид, Александар Петрески вели дека Мостот на желбите кој беше изграден со донација на фондацијата „Рамковски“ е исклучително корисен проект, иако според државните институции тој е дивоградба.

-Ако му наоѓаат мани на мостот нека направат поинаков мост, пешачка патека со камен или слично, па потоа е многу лесно Мостот на желбите е монтажен и многу лесно се демонтира. Додека не се направи нешто подобро нема потреба да се размислува за тоа, бидејќи до сега по Мостот на желбите поминале над 200 000 луѓе, вели Петрески.

Според градоначалникот не е во ред да се урне Мостот на желбите, бидејќи тоа  не е во интерес ниту на охриѓани, ниту на туристите.

http://ohridnews.com
-Ако не се плашат од Господ нека уриваат, јас нема да уривам и по цена во затвор да ме однесат, дециден е Петрески.

OhridNews



-------------
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ


Posted By: Џоле
Date Posted: 19-Jul-2014 at 13:14
Охрид ќе го урива „Мостот на желбите“ на Рамковски и ќе гради патека до Канео

Општина Охрид деновиве најави уривање на „Мостот на желбите“ кој ги поврзува Грдано и Потпеш преку Канео, затоа што претставува дивоградба, велат од таму.

Во исто време се преговара за изградба на пешачка патека од градското пристаниште до Канео, чија изградба би ја финансирало Министерството за транспорт и врски.

„Мостот на желбите“, инаку, беше пуштен во употреба во 2009 година, а е изграден со донација од фондацијата „Рамковски“. Го спојува центарот на Охрид со најатрактивниот дел од градот, Потпеш и Канео. Долг е 140 метри и на тој начин е значително помал од вообичаената траса што треба да ја поминат туристите во должина од 1,5 километри. Инвестицијата го чинеше бизнисменот Велија Рамковск, 2 милиони денари.

Пешачката патека, која ја најавува локалната самоуправа во Охрид, исто така треба да го поврзе градското пристаниште со Канео. Градоначалникот, Никола Бааарчески, вели дека на проектот му претстои прво јавна дебата.

- Ние во текот на наредната недела ќе имаме состанок со претставници од Министерството за транспорт и врски кои всушност се иницијатори на овој проект и кои што обезбедија средства за изградба. Охриѓани во моментов имаат различно мислење. Голем дел од нив одамна бараат нејзина изградба, а помал дел имаат негативно мислење – изјави деновиве градоначалникот.

http://www.plusinfo.mk/vest/144436/Ohrid-kje-go-uriva-Mostot-na-zhelbite-na-Ramkovski-i-kje-gradi-pateka-do-Kaneo - http://www.plusinfo.mk/vest/144436/Ohrid-kje-go-uriva-Mostot-na-zhelbite-na-Ramkovski-i-kje-gradi-pateka-do-Kaneo

-------------
За сè има вторпат


Posted By: Тркало
Date Posted: 19-Jul-2014 at 14:43
И ‘паркинзите‘ пред Куба либре и Кадмо плажите се блато, а не среден паркинг, па никој не ги спречи општинарите во наплаќање паркинг (а колата жива вода).
А како само им текна после година и пол на функција дека мостот е дивоградба, патем една од најпосетените и најфункционални работи во тој дел.
Барем другите работи од https://www.youtube.com/watch?v=vn7hqOUzVmc&t=23s - видеово да ги реализираа, а не баш најпромашеното.

Почитувани Охриѓани, тражили сте гледајте.


Posted By: jyvation
Date Posted: 24-Jul-2014 at 01:57
Мостот на желбите во Охрид куртули од уривање

Жителите на стариот дел на Охрид не дозволија да се сруши Мостот на желбите. Локалните власти најавија дека ќе го рушат мостот бидејќи бил дивоградба и не бил безбеден за минување, на крајот се предомислија под притисок на жителите...



http://www.makdenes.org/content/article/25467963.html - http://www.makdenes.org/content/article/25467963.html


Posted By: Dexter26
Date Posted: 24-Jul-2014 at 02:03
Previous
 
Ќе треба и ноќе да патролираат охриѓани, со власти кои работат 24/7, во последно време се почесто работат и ноќна смена.
 
Го спомнувам ова поради искуството кое го имаме ние скопјанчишча тука во Скопје.


Posted By: nenad
Date Posted: 24-Jul-2014 at 07:20
"скопјанишча" (ѕаблш. прев.)- со едно ч


Posted By: Dexter26
Date Posted: 24-Jul-2014 at 11:54
Previous
 
Знам, во право си, но кај мене по дома намерно го изговараме со две ч. Big%20smile


Posted By: Skopjanecot
Date Posted: 24-Jul-2014 at 22:23
Обратен е овој народ што се буни за сѐ што не чини, а си ќути кога се руши она што е добро...
Исто како и власта што потклекнува пред "гласот на јавноста" кога одлучила да руши нешто сосема идиотско, а брутално ги суспендира мислењата на "јавноста" кога се издржани.
Како да пати(ме) од колективен естетски и функционален кретенизам.

Овој мост и ја би го срушил, пошто е неоправдан од секоја преспектива - првенствено од естетска.
Ама, зашто овој случај би се разликувал од сѐ друго во државава...


-------------
All truth passes through three stages. First, it is ridiculed. Second, it is violently opposed. Third, it is accepted as being self-evident.

Arthur Schopenhauer


Posted By: kultuzin
Date Posted: 24-Jul-2014 at 22:36
Originally posted by Skopjanecot

од колективен естетски и функционален кретенизам.Овој мост и ја би го срушил, пошто е неоправдан од секоја преспектива - првенствено од естетска.Ама, зашто овој случај би се разликувал од сѐ друго во државава...



Не би се согласил дека овој мост е неоправдан. Најмногу затоа што пред се е практичен и нуди еден навистина посебен поглед кон карпите околу кои е направен. За неговата оправданост доволно говори и фактот дека мостот е навистина доста често користен. Она што е дискутабилно е сигирноста поради одроните а и самата изведба е со дискутабилен квалитет. Според мене потребна е подетална анализа дали да се сруши мостот и да се изгради нов или пак да се санираат ккритичните точки и да се изведе заштита од одрони.


Posted By: gjoko
Date Posted: 24-Jul-2014 at 22:49
Нека се соберат неколку илјади луѓе,ќе се смени одма расположението на уривачите.Мислам дека за овој мост треба охриѓани самите да одлучат без обзир на вера,пол........


Posted By: Skopjanecot
Date Posted: 24-Jul-2014 at 22:53
За народ беше "практично" и кога бушеа средновековни цркви за да стават клима уреди. На "народот" ова не му сметаше пошто се рзладува во топлите летни денови кога оди на свадби и крштевки.

"Практично" би било и да се стави ескалатор наместо патеката до Св.Јован на Канео, чисто за народ да не се замара да оди пешки. Сигурно "народот" многу ќе го користи ова исто така. И ќе се буни ако некој одлучи да го руши подоцна.

Прашањето е до каде ќе одиме со таквата "практичност" и која ни е стратегијата.


-------------
Едит:
Никаква лоша намера со постов. Несакам никого да навредам (се надевам дека и никого не навредив).
Нарочно банализирам, за да илустрирам колку се извртени вредностите кај нас.


-------------
All truth passes through three stages. First, it is ridiculed. Second, it is violently opposed. Third, it is accepted as being self-evident.

Arthur Schopenhauer


Posted By: kultuzin
Date Posted: 24-Jul-2014 at 22:56
Originally posted by gjoko

Нека се соберат неколку илјади луѓе,ќе се смени одма расположението на уривачите.Мислам дека за овој мост треба охриѓани самите да одлучат без обзир на вера,пол........


Не се согласувам дека за ова треба Охриѓани да одлучат , треба пред се многу добро да се испита сигурноста на пешаците, тоа е онаа што најмногу вреди и што треба да има најголем приоритет.


Posted By: nenad
Date Posted: 25-Jul-2014 at 07:42
Originally posted by Skopjanecot

Обратен е овој народ што се буни за сѐ што не чини, а си ќути кога се руши она што е добро...Исто како и власта што потклекнува пред "гласот на јавноста" кога одлучила да руши нешто сосема идиотско, а брутално ги суспендира мислењата на "јавноста" кога се издржани.Како да пати(ме) од колективен естетски и функционален кретенизам.Овој мост и ја би го срушил, пошто е неоправдан од секоја преспектива - првенствено од естетска.Ама, зашто овој случај би се разликувал од сѐ друго во државава...



Воопшто не се согласувам со твоето мислење. Мостот е корисен и оправдан, посебно за луѓето кои живеат таму (населба Канео), како и за туристите (самиот сум сведок - да не е мостот не знам дали би отишол до Потпеш и Канео). Лесно е ние од зад компјутерот да судиме за нив, тие треба секој ден да се качуваат по ридот за да стигнат до центарот.
Што се однесува за сигурноста и за квалитетот на градба - во ред, мостот не е изграден квалитетно, изграден е на брзина, НО ПРВО ИЗГРАДЕТЕ НОВ ПОКВАЛИТЕТЕН а потоа уривајте!!!1

естетиката е работа на вкусеви - за кои не се дискутира, некому е убав а некому не. Но ако се зборува за функционалноста, тој е потребен и неопходен. Се надевам дека власта нема да го искористи и овој случај за да демонстрира сила и да го дисциплинира и “убие во појам“народот


Posted By: Skopjanecot
Date Posted: 25-Jul-2014 at 09:05

Интересен пост. Како да сакаш да покажеш дека сум во право.
Ги прочита моите постови?
...
Уште неможам да се начудам дека на народов тука е доволно да му нафрлиш две-три неодржани максими, од типот "За вкусовите и естетиката не се дискутира" и ќе ги "рециклира" до безкрај.

Друже, за естетиката не само што се дискутира, туку се организираат цели форуми од компетентни експерти да дискутираат.

Токму тоа ни фали нас. Кај нас секој има мислење и го претставува како ултимативно без перде и срам. Назадни сме и квази-едуцирани. Затоа и премиерот, којшто е економист, одлучува за естетиката на кутрово Скопје, а не ги есапи за жива глава луѓето што лебот го вадат продавајќи естетика.

Што се однесува за "народот", доволно одговорив во претходниот пост.
Ќе додадам само дека на поголем дел од "народот" уште не му е јасно каде е естетиката во кубизмот...и зошто Пикасо е толку познат сликар кога "и син ми знае така да црта". Добар дел од "народот" не ни слушнал за Баскијат или Полок...ама ако види слика 99% е шансата да не му се допаѓа пошто "народот" сака гоблени и пејсажи по ѕидови... На ова дереџе сме пошто добар дел од "народот" ни е едуциран како што е т.е. назаден.


-------------
All truth passes through three stages. First, it is ridiculed. Second, it is violently opposed. Third, it is accepted as being self-evident.

Arthur Schopenhauer


Posted By: BOJAN
Date Posted: 25-Jul-2014 at 09:48
Гледам дека поддржувачите на менување фасади без согласност на архитектите во Скопје овде се многу „грлати“ во рушењето на мостот на желбите. Бил дивоградба. Е добро де, и „Скопје 2014“ не беше внесен во ГУП на Град Скопје, па никој не се осмелил да каже дека е незаконски проект, нели? Единствената разлика е што мостот на желбите е функционално здание, можеш поедноставно и полесно да стигнеш до плажа, да прошеташ покрај крајбрежјето на стариот дел на Охрид и воедно на пократок начин да стигнеш до Канео. Тоа ти се вика функционалност.


Posted By: nenad
Date Posted: 25-Jul-2014 at 10:04
Originally posted by Skopjanecot

Ги прочита моите постови?...



Се разбира дека не ги прочитав твоите постови. Водам сметака за мојата ментална состојба. Прочитав само дека за мостот велиш дека е идиотски и дека треба да се сруши затоа што ... (ајде уште еднаш - зошто)?

А јас велам дека тој мост е корисен, и за туристите и за луѓето кои живеат таму (да, таму живеат луѓе) и дека додека не се направи НОВ, (нека биде во склад и со кубизомот и со барокот и со било кој правец) да не се руши стариот. Бидејќи како се работи во Македонија, само ќе го срушат мостот и енма никогаш да направат нов. ПО Охрид се збори дека сакаат да го срушат за да се “затре“ секоја трага на Велија, и заради тоа ќе страдаат невините граѓани


Posted By: Skopjanecot
Date Posted: 25-Jul-2014 at 13:05
Дискусијава е на ниво на ВМРО контра СДСМ.
Таква е културата за жал.
ОК, ќе апстинирам. Слободно нека продолжат етикетирањата и чаршиските муабети, во таква ниска дискусија не се впуштам.


-------------
All truth passes through three stages. First, it is ridiculed. Second, it is violently opposed. Third, it is accepted as being self-evident.

Arthur Schopenhauer


Posted By: kultuzin
Date Posted: 25-Jul-2014 at 13:14
Originally posted by Skopjanecot


Дискусијава е на ниво на ВМРО контра СДСМ.Таква е културата за жал.ОК, ќе апстинирам. Слободно нека продолжат етикетирањата и чаршиските муабети, во таква ниска дискусија не се впуштам.




Тоа е за жал , секоја дискусија се уништува на истиот начин. Веднаш етикети, веднаш партии. Ти ако сакаш утепај се од аргументирање, на крај ќе ти залепат етикета и тука на секој кој има желба му се убива и последната желба за дискусија.
Но јас ги разбирам сите оние зад чии ставови стои политика дека не се навикнати или неможат да разберат дека некој луѓе едноставно се обидуваат објективно и без партиски терет да гледат на работите.
Штета навистина таман ќе се развие дискусија и веднаш ќе се појават господата на кои не им успева ниту два поста да сврзат без да спомнат влада, Скопје 2014 и слични муабети кои неминовно го спуштат и преасочуваат нивото на дискусија.


Posted By: nenad
Date Posted: 25-Jul-2014 at 13:45
Imam sreka da ne moram da bidam clen na partija i mozam slobodno da razmisluvam i rabotam.
Cesto sum vo stranstvo i toa mi dava perspektiva da mozam da gi sogladam raobtite posmireno i od dalecina.
NO isto taka jas sum Ohriganec vo srceto gi razbiram Ohridjanite i mozam da razberam sto se slucuva tamu.

Taka da smetam deka mojata kultura ne e vo prasanje i mozam da diskutiram. Mislam deka konkretno za ovaa tema moite argumeti stojat i se realni a tie da povtoram se:

- mostot im e potreben na zitelite i turistite,
- iako ne e kvalitetno napraven, se dodeka ne se izgradi nov, treba da ostane.
- toa deka e "opasen" e spin,
- toa sto nekomu ne mu e ubav i licen, ne treba da bide argument za toj da se srusi. Estetikata treba da ja ostavime po strana.



Posted By: Skopjanecot
Date Posted: 25-Jul-2014 at 15:16
Originally posted by kultuzin

Тоа е за жал , секоја дискусија се уништува на истиот начин. Веднаш етикети, веднаш партии. Ти ако сакаш утепај се од аргументирање, на крај ќе ти залепат етикета и тука на секој кој има желба му се убива и последната желба за дискусија.
Но јас ги разбирам сите оние зад чии ставови стои политика дека не се навикнати или неможат да разберат дека некој луѓе едноставно се обидуваат објективно и без партиски терет да гледат на работите.
Штета навистина таман ќе се развие дискусија и веднаш ќе се појават господата на кои не им успева ниту два поста да сврзат без да спомнат влада, Скопје 2014 и слични муабети кои неминовно го спуштат и преасочуваат нивото на дискусија.


Мој потпис друже, на твојот пост!


Originally posted by nenad

Imam sreka da ne moram da bidam clen na partija i mozam slobodno da razmisluvam i rabotam.
Cesto sum vo stranstvo i toa mi dava perspektiva da mozam da gi sogladam raobtite posmireno i od dalecina.
NO isto taka jas sum Ohriganec vo srceto gi razbiram Ohridjanite i mozam da razberam sto se slucuva tamu.

Taka da smetam deka mojata kultura ne e vo prasanje i mozam da diskutiram. Mislam deka konkretno za ovaa tema moite argumeti stojat i se realni a tie da povtoram se:

- mostot im e potreben na zitelite i turistite,
- iako ne e kvalitetno napraven, se dodeka ne se izgradi nov, treba da ostane.
- toa deka e "opasen" e spin,
- toa sto nekomu ne mu e ubav i licen, ne treba da bide argument za toj da se srusi. Estetikata treba da ja ostavime po strana.


Мојот аргумент се однесуваше на членот на една партија кој постира тука (мислам дека нумерацијата која му е составен дел од nick-от одлично ги илустрира неговите постови, as he has the argumentation of a ten-year-old). Не мислев на тебе кога спомнав партии, туку на партискиов војник кој работите ги гледа низ партиска призма, па не сфаќа колку допринесува за (и е дел од) сѐ ова што ни се случува бидејќи за работите во партииве размислуваат исклучиво под мотото: "сѐ што прави наша банда е супер и функционално, а сѐ што прави нивна банда е ружно и неосмислено". Трговскиот центар "Глобал" на пример се рекламираше како Најевропска ствар што е изградена во Македонија од дедо Ное навака...

Патем речено, тоа што си често во странство мене лично ништо не ми значи. Тоа можеби ги импресионира луѓето што не поминале добар дел од животот во странство, а јас не сум еден од тие. Сум видел глуп народ у Англија, има глуп народ и тука... Разликата е што во Англија луѓето не си дозволуваат да коментираат (посебно не ултиматвно) за работи за коишто не се стручни, а кај нас секој е стручен да даде мислење за сѐ. Затоа (како што спомнав претходно) економист нѝ го дизајнира и планира Скопјево...
Нејсе.

За твојата аргументација за мостов:

- Слично се зборуваше и за жичарата на Водно. Единствени што беа против беа планинарите кои секој ден се качуваа до Крстот. Кажуваа дека се упропастува Водно со жичарата, ама беа малцинство, па никој не ги слушаше. А еве и "народот" и туристите ја користат - и тоа е главниот аргумент на владата за нејзината оправданост. Според мене лично, жичарата не беше приоритет и парите можеа да се искористат за МИЛИОН други побитни работи. Населба Влае нема топлификација, па се грее на дрва и загадува, на пример.

- Тоа што не е квалитетно направен не е некоја ситница. Треба повторно некоја несреќа да се случи, па да се запрашаме зошто ги правиме работите неплански по којзнае кој пат?! Инаку, не е само неквалитетен од статички аспект, туку е целосно НЕОБМИСЛЕН. Тука станува збор за култура, функционалност и естетика. Ниеден од овие фактори не би требало да се запостави...ама кај нас тоа редовно се прави.

- Ако треба "естетиката да ја ставиме на страна" тогаш однапред сме губитници. Ова посебно се однесува на единствениот град кој нѝ е зачуван со (колку-толку) автентичен изглед, сѐ друго е скоро целосно упропастено, "за да подоцна се изгради УШТЕ ПОСТАРО". Тука ќе прекинам...реков дека ќе апстинирам, па се порекнав...


-------------
All truth passes through three stages. First, it is ridiculed. Second, it is violently opposed. Third, it is accepted as being self-evident.

Arthur Schopenhauer


Posted By: kultuzin
Date Posted: 25-Jul-2014 at 16:49
Originally posted by nenad



Taka da smetam deka mojata kultura ne e vo prasanje i mozam da diskutiram. Mislam deka konkretno za ovaa tema moite argumeti stojat i se realni a tie da povtoram se:

- mostot im e potreben na zitelite i turistite,
- iako ne e kvalitetno napraven, se dodeka ne se izgradi nov, treba da ostane.
- toa deka e "opasen" e spin,
- toa sto nekomu ne mu e ubav i licen, ne treba da bide argument za toj da se srusi. Estetikata treba da ja ostavime po strana.



Ненад вака може да се дискутира и нормално е во дискусија да има спротиставени мислења. Но ако јас ти залепам сега партиска етикета затоа што го подржуваш мостот, не верувам дека ако си со искрени намери за дискусија би имал желба понатаму да дискутираш. Но нејсе бидејќи си изнел аргументи вреди да се каже мислење.
Пишав и погоре дека мостот е практичен согласно со тоа неговата искористенот е доста голема. Исто така кај овој мост ми се допаѓа што не е масивен и не е цврста градба која еколкошки го оптиварува езерото. Но Сум го поминувал мостот многу пати и секогаш кога сум во Охрид го користам. Сепак мора да се каже дека на некој точки над мостот има стени кои се потенцијална опасност поради одроните а и на некој точки се гледа дека и самата контрукција статички не е баш најбезбедна. Согласно на тоа треба сериозно да се разгледа можност да се санираат критичните точки и места на можни одрони или ако се процени дека тоа би било преголем зафат тогаш да се изгради нов мост.
Она што јас не се согласувам ако инспекторите констатирале дека мостот не е безбеден требаше веднаш да ги санираат критичните точки. А не како што се направи сега „мостот е небезбеден ама ќе го оставиме таков НЕБЕЗБЕДЕН поради туристичката сезона„. Вакви работи не се дозволени, се прашувам само кој ќе одговара ако се случи некоја несреќа во меѓувреме.


Posted By: nenad
Date Posted: 25-Jul-2014 at 20:39
Добро и јас со овој пост завршувам. Тоа за странство го кажав во контекст дека не морам да бидам во партиите, а не дека сум попаметен заради тоа.

А за мостот во Охрид ќе останам на своето мислење. Го прифаќам вашиот аргумент дека може да се подобри безбедноста, но знам како ќе заврши целата работа.

Ќе помине сезоната, мостот ќе биде срушен, нов нема да се изгради бидејќи ќе снема пари за таа намена, градоначалникот ќе вети дека тоа наскоро ќе се случи, и никому ништо.

А што се однесува до инспекторот, можам само да кажам дека тој е обичен послушник кој го констатира тоа што ќе му биде кажано да го констатира. Се знае кој дал наредба да се сруши и безбедноста нема врска со тоа.


Posted By: Тркало
Date Posted: 25-Jul-2014 at 22:04
Ако веќе се отвори делот за безбедноста, досега не се сеќавам на ниту еден случај дека некој настрадал на мостот од одрони, а сигурно е 4-5 години тука.
Сега некако наеднаш, моментално стана безбедноста аргумент.
И како жител на Охрид зборувам, да не е тој мост многу поретко ќе сум одел до Потпеш или Канео (а верувам и многу други).
Ако веќе запнале да го урнат нека изградат прво нов со сите функционалности и архитектонска тежина, па после нека рушат.

Само работата е поголема - намерата за кеј од пристаниште до Канео.Тука е проблем концесијата на Потпеш и другата до неа плажа, а баш лани ги обновија договорите (мислам дека се на 10 години).Па ајде ќе ваѓаме дамки...
Како и да ја вртиме невозможно е да е 100% чисто од политички аспект, ама еве ако немавме среќа со бившата локална власт која доста го осакати градот, со оваа е (засега) бетер.


Posted By: zabegan
Date Posted: 26-Jul-2014 at 00:37
дека мостот е небезбеден и е направен со тежок фушерај, е дискутирано уште пред да се изгради, само што не зема медиумско внимание тоа, колку што зема муабетот дека бил нелегален
и вистина е дека мостот има лоша статика, не мора да си научник за да се увиди тоа, но во врска со тоа, на темава најмногу можам да се согласам со kultuzin


-------------
Architects create dreams...politicians create nightmares


Posted By: jyvation
Date Posted: 02-Aug-2014 at 10:06


Posted By: kultuzin
Date Posted: 29-Sep-2014 at 14:35
Додека не се изгради пешачка патека ќе се санира Мостот на желбите
Вести | Охрид | 29.09.2014 15:11Посети : 79
Министерството за транспорт и врски, во текот на наредните неколку месеци има обврска да објави оглас за изработка на идејно решение и да се прецизира изгледот на најавената пешачка патека од градското пристаниште до населбата Канео.

- Веднаш потоа ќе се изработи главен проект и ќе се обезбеди финансиска конструкција за овој проект кој им го ветивме на граѓаните на Охрид, а за кој најголем дел од нив се изјасниле дека ваквата пешачка патека е нужна потреба за Охрид, вели градоначалникот Бакрачески.

Во меѓувреме Мостот на желбите ќе се санира со цел да се зголеми безбедноста на минувачите до реализирањето на новиот проект за изградба на пешачка патека. Понатамошната судбина на мостот ќе зависи од идејното решение, што ќе го изработи компанија која што по распишаниот оглас од страна на Министерството за транспорт и врски ќе го добие тендерот за изработка на идејно решение и на основниот проект.



- Во зависност од проектот ќе ја знаеме дефинитивната судбина на мостот на желбите. Јас уште еднаш ќе истакнам и ќе бидам искрен до јавноста за да нема заблуди, мостот на желбите е изграден без основен проект и за него,   пред да се почне со градба не се изјасниле експерти во делот на архитектурата и градежништвото, ниту дале свое мислење или изработиле основен проект врз кој што може да биде изграден. Според она какви беа размислувањата на луѓето кои што се занимаваат со оваа тематика, овој мост е потполно небезбеден за пешаците кои што минуваат по него. Ние во овој период се надеваме дека ќе успееме во соработка со стручни лица да извршиме некои корекции во насока на подобрување на безбедноста на овој мост се до конечна реализација на проектот за изградба на пешачка патека. Навистина во овој момент не можам да претпоставам дали мостот на желбите ќе биде претходно отстранет , дали ќе се искористи дел од градбата. Навистина ние не можеме да си дозволиме да ја доведеме во прашање безбедноста на нашите граѓани , потенцира Бакрачески .

Според најавите на локалната самоуправа изградбата на пешачката патека се очекува да започне по една година и да заврши до крајот на 2016 година.
http://www.ohridnews.com/vesti/75321


Posted By: Џоле
Date Posted: 17-Mar-2018 at 21:55


Бурата целосно го урна Мостот на желбите во Охрид



Силно невреме и јужен ветар кој на моменти достигна брзина од околу 100 километри на час го зафати Охрид. Високите бранови го преплавија кејот и предизвикаа поплавување кај дел од објектите што се наоѓаат на крајбрежјето, односно на платформите и терасите кои се на првата линија на езерото. Од силината на ветерот скршен е дрвениот мост на желбите кај Потпеш ,искорнати se дрвја,паднати лимови и делови од покриви на некои постари куќи а во Пештани пак скршено дрво предизвика застој на патниот правец Охрид –Свети Наум и прекин во електроснабдувањето.

http://sitel.com.mk/burata-celosno-go-urna-mostot-na-zhelbite-vo-ohrid - http://sitel.com.mk/burata-celosno-go-urna-mostot-na-zhelbite-vo-ohrid

-------------
За сè има вторпат


Posted By: Џоле
Date Posted: 17-Mar-2018 at 21:58
Невремето

[tube]NuywyUWxZLk[/tube]

-------------
За сè има вторпат



Print Page | Close Window