Print Page | Close Window

ЕВН (бивша Градска куќа)

Printed From: build.mk
Category: Главни теми
Forum Name: Деловни
Forum Discription: Канцелариски згради, деловни центри, седишта на компании...
URL: http://www.build.mk/forum/forum_posts.asp?TID=91
Printed Date: 29-Mar-2024 at 13:02


Topic: ЕВН (бивша Градска куќа)
Posted By: pbanks
Subject: ЕВН (бивша Градска куќа)
Date Posted: 18-Nov-2007 at 23:42
Со што се занимава па сега Трифун? Паралелен проект ќе тера од оној на централната власт?

Инаку интересно би било да се видат првите награди од 1966 и 1978 за градска куќа кои се споменати во овој текст.

Градскиот татко никако до куќа по своја мерка


И последната можност првиот човек на Скопје да добие соодветно сместување во обновениот Офицерски дом, што требаше да се гради покрај плоштадот Македонија, остана да виси во воздух. Градските власти деновиве повторно се обидоа да ја разбрануваат архитектонската фела во намера да се изнајде нова локација за изградба на градска куќа


По 40-годишен обид да се изгради репрезентативен објект во кој би бил сместен градоначалник и градската администрацијата, неколку распишани јавни конкурси што останаа само на откуп на проекти и размислувања за можни локации, градскиот татко се уште е сместен во дотраените бараки во градскиот парк. И последната можност првиот човек на Скопје да добие соодветно сместување во обновениот Офицерски дом, кој требаше да се гради покрај плоштадот Македонија, остана да виси во воздух. Градските власти, деновиве, повторно се обидоа да ја разбрануваат архитектонската фела во намера да се изнајде нова локација за изградба на градска куќа.

- Ова веќе преминува во еден вид легенда. Поминати се многу конкурси, за некои се изработени и главни проекти, но ниту еден не е реализиран. Во моментот состојбата е таква да во рамките на она што е предвидено со детални планови на територијата на Град Скопје нема простор кој е предвиден за објект за градска куќа, изјави Владо Петровски од Град Скопје.

Оттаму деновиве организираа јавна дебата на која беа повикани архитекти со цел да се понудат нови решенија.
Интересно е што идејата за нова градска куќа потекнува уште од 1966 година, кога бил распишан и првиот меѓународен конкурс. Иако имало првонаграден труд до реализација не дошло, бидејќи градската куќа не влегла во шесте капитални објекти кои во тоа време според политичките власти требало да се градат. Скопје тогаш доби транспортен и културен центар, универзитетскиот кампус, пошта и зграда на ЦК, но не и градската куќа. Вториот конкурс бил во 1978 година и тоа за зграда на собрание на Град Скопје. Првонаградениот труд предвидувал репрезентативно здание на плоштадот "Македонија".

Според еден од авторите на овој проект, Ѓорѓи Константиновски, и неговата историја е "трагична". Бил донесен Закон за забрана за изградба на инвестициони објекти. Ниту идниот конкурс од 2004 година за реконструкција на Старата железнижка станица, во која би била сместена градската куќа, не завршил посреќно. Првонаградени немаше а, градскиот татко повторнио не доби куќа по мерка. Во септември 2005 година Секторот за планирање и уредување на простор, по барање на градоначалникот, одреди четири можни локации. Едната на просторот пред Телеком, втората спроти "Холидеј ин" на просторот на сегашниот паркинг, третата на платото пред МНТ, и последната на просторот на сегашните бараки, каде постепено би се градел новиот објект, со оглед дека локација е во сопственост на Град Скопје.

- Во 2007 година централната власт ја презема улогата за дефинирање на локација за градска куќа, па Министерството за култура распиша конкурс за реконструкција и обнова на Офицерскииот дом во кој требаше да се внесе содржина, дел од градската куќа, односно кабинет на градоначалникот и матичната служба. Според наши сознанија во фаза е постапка за вадење документација, односно земен е извод од ДУП, а се изготвува главниот проект за градската куќа. Дали ќе се реализира ќе покаже времето, со оглед дека во меѓувреме е донесен новиот детален план со кој се менува намената на маркицара, вели Љубица Петреска, од Град Скопје.

ГРАДОТ НЕ ОДЛУЧУВА ЗА ЛОКАЦИЈАТА
Местото на градската куќа е на главниот плоштад

Градот нема ингеренции да одлучи за локација, бидејќи општините донесуваат детални планови, додека Министерството за транспорт и врски дава сопгласност.

Додека од Градот сметаат дека архитектите треба преку асоцијацијата да извршат притисок на централната власт и да ја земат работата во свои раце, од таму пак, велат дека Градот е тој што треба да генерира процес, да утврди како ќе дојде до пари и да распише добар конкурс.
Додека топката се префрла од еден на друг, и архитектите и градските власти се децидни, местото на градската куќа како впрочем и во сите европски метрополи е покрај главниот плоштад.

Даниела ТРАЈКОВСКА


Извор: http://www.vecer.com.mk/?ItemID=DFD1988B79303449A69FAED3E580211D - Вечер



Replies:
Posted By: Cloverstack
Date Posted: 19-Nov-2007 at 19:40


Таленти се, нема што Wallbash


Posted By: se_manda
Date Posted: 19-Nov-2007 at 23:32
abe za idioti,idioti se.so ova se baftaat kojznae od koga i uste nemaat niso napraeno(poso uste nemaat reseno koj da zeme najveke keshBig%20smile)


Posted By: dejan
Date Posted: 20-Nov-2007 at 03:51
Od Dnevnik

ПРЕДУПРЕДУВАЊЕ ОД ГРАДСКИТЕ ВЛАСТИ

Виолета Аларова ја блокира изградбата на Градска куќа

Со новиот урбанистички план, наместо Градска куќа, на плоштадот е предвидено да се гради комерцијален објект, велат од Градот

Со новиот детален урбанистички план за Малиот ринг, маркичката за изградба на Градска куќа на плоштадот е пренаменет за објект за комерцијални цели, па неизвесно е дали проектот ќе биде реализиран - на ова предупреди архитектката Љубица Петревска, претставничка од Градот Скопје на трибината посветена на изградбата на Градска куќа. - Градот Скопје ја изгуби моќта да одлучува за локациите откако, со децентрализацијата, надлежностите од областа на урбанизмот им се пренесени на општините. Моментно, во ниту еден детален план на територијата на Град Скопје не е предвиден простор за изградба на Градска куќа - рече Петревска на трибината што градските власти во петокот ја организираа во Музејот на град Скопје, во рамките на одбележувањето на празникот 13 Ноември.

Најновиот урбанистички план за строгиот центар на Скопје, чиј предлагач е градоначалничката Виолета Аларова, Советот на Општина Центар го донесе пред три недели. Нејасно е како Градската куќа се претворила во комерцијален објект, кога веќе се изработува главен проект за обнова на Офицерскиот дом, според конкурсот што во јануари годинава го распиша Министерството за култура. Во обновениот Офицерски дом треба да се смести кабинетот на градоначалникот на Град Скопје, Матична служба за венчавање итн.

Архитектите што учествуваа на трибината заклучија дека Градската куќа треба да биде изградена на плоштадот Македонија, според примерот на многу европски метрополи и дека е срамно за Скопје што веќе 40 години не успева да го реши прашањето за објект за градската администрација.

- Јас се прашувам дали ние имаме Град, односно некаква градска функција. Можеби имаме служби и градоначалник, но градската функција едноставно како да е перманентно тргана настрана. Политиката на делење на градот на десет општини, всушност, ја растури идејата за јака градска функција - рече архитектот проф. Ѓорѓи Константиновски.

Претставничката на Градот, Петревска, истакна дека иницирале измени на Законот за Град Скопје, за да вратат некои надлежности, со што очекуваат дека состојбите ќе се сменат.

Архитектката Анета Христова потенцираше дека кај нас не постои основна стратегија на едно ниво за да се осмисли и организира просторот.

Обидите на Градот да го решат прашањето за свој објект датираат од 1966 година, кога е распишан меѓународен конкурс за урбанистичко-архитектонско решение на Градската куќа. Првонаграден бил трудот на архитектот проф. Едвард Равникар, но не дошло до реализација бидејќи, по земјотресот, приоритет имале шесте капитални објекти: Транспортниот центар, Универзитетскиот кампус, Културниот центар, Домот на спортистите - кој требало да се гради кај денешниот Олимписки базен, Поштата и зградата на ЦК, односно на Владата. Во 1978 година повторно е распишан анонимен конкурс за Градска куќа, на кој првата награда била доделена на група автори предводени од проф. Ѓорѓи Константиновски, но објектот не се реализирал.

Амбицијата за објектот стагнира до 2004 година, кога е распишан конкурс за реконструкција на Старата железничка станица, во која поранешниот градоначалник Ристо Пенов сакаше да ја смести градската администрација. Тогаш немаше прва награда. Советот на Град Скопје во 2005 година донесе Одлука за изградба на Градска куќа, за која беа понудени четири локации, од кои плоштадот е избран како најповолна. Годинава обврската за изградба на Градската куќа ја презеде државата, односно Министерството за култура.




Posted By: gotsomekicks
Date Posted: 20-Nov-2007 at 19:15
Кој може да саботира ако не нашата омилена очајна домакинка! BashBashBash


Posted By: Cloverstack
Date Posted: 20-Nov-2007 at 19:25
И од едноставни работи на крај прават каша... Unhappy


Ние тука на форумов изгледаме како крајно негативно настроени спрема се, зашто 95% од нашите коментари се негативни, песимистички и сл. Ама за жал не е до нас туку проблемот е што реалните состојби се навистина такви.

Ohno


Posted By: pbanks
Date Posted: 21-Nov-2007 at 09:36

Мене само не ми е јасна комбинацијава. Фактички искача дека Аларова блокира владин проект???



Posted By: gotsomekicks
Date Posted: 21-Nov-2007 at 09:53
Те буни тоа што за време на изборите зад неа стоеше ВМРО или?



Posted By: pbanks
Date Posted: 21-Nov-2007 at 09:59
Originally posted by gotsomekicks

Те буни тоа што за време на изборите зад неа стоеше ВМРО или?

 
па не е само за изборите и понатака горе доле она иде во линија со нивните проекти. Ете прикаската со облакодерите ти е типичен пример.


Posted By: dejan
Date Posted: 21-Nov-2007 at 11:46
Izgleda treba da ja 'snema' Alarova, zaedno so Trifun da gi pratat negde vo Mongolija.


Posted By: Cloverstack
Date Posted: 21-Nov-2007 at 12:10
Originally posted by pbanks

Мене само не ми е јасна комбинацијава. Фактички искача дека Аларова блокира владин проект???




И мене ова ме буни... Едино што ми паѓа на памет е дека можеби владата тактизира околу проектов, па Аларова е одличен избор да купува време додека они се заебаваат.


Posted By: gotsomekicks
Date Posted: 21-Nov-2007 at 15:55
Мене по се ми изгледа дека ја фатиле нејзе на пик. Ми делува она срчкана со ДПМНЕ нешто, и по аферата со становите, и што и ги одзедоа ингеренциите. Нели се обвинуваа јавно околу кафичите на кеј?

У секој случај ако некој би сакал да лета од политичата сцена тоа е Аларова. Неможам да ја поднесам... ми се превртува стомаков кога ќе ја видам на вести. Puke


Posted By: pbanks
Date Posted: 05-Dec-2007 at 19:24
Еве дел од проектите за градска куќа во Скопје од последниве 5 децении за кои стана збор погоре во нишкава. Не ми работи нешто скенеров па ги сликав од последното издание на Порта 3, кој сака да ги види поубаво може да си купи но во принцип тоа е тоа.








Posted By: La Linea
Date Posted: 05-Dec-2007 at 20:18
pbanks, сликиве ти се од Порта 3?

Музеј на град Скопје е добро место за градска куќа, ама се плашам што би направиле после со плацот на плоштадот. Највероватно би го усрале како секое друго атрактивно земјиште во Скопје. Македонска опера и балет..ви текнува?

BTW, Виктор Михајлов, не беше тој истиот што ја проектираше Македонската Филхармонија?


-------------
Помогнете во Македонската Википедија - Слободна енциклопедија!


Posted By: pbanks
Date Posted: 05-Dec-2007 at 21:18
Originally posted by La Linea

pbanks, сликиве ти се од Порта 3?

Музеј на град Скопје е добро место за градска куќа, ама се плашам што би направиле после со плацот на плоштадот. Највероватно би го усрале како секое друго атрактивно земјиште во Скопје. Македонска опера и балет..ви текнува?

BTW, Виктор Михајлов, не беше тој истиот што ја проектираше Македонската Филхармонија?


Да сликите се од Порта 3. И мене не ми е лоша идејата со Музеј на град Скопје но стои опасноста за плоштадот. Е сега не сум одушевен ни со реконструкцијата на офицерски дом (посебно во онаа форма како што победи на конкурсот) но сепак мислам дека тоа е нужно зло со цел конечно да се ослободиме од тие духови од минатото  (Старо Скопје, бла бла) и да се свртиме кон нешто помодерно. И да се реализира градска куќа на плоштадот остануваат уште 2 објекта да го додефинираат тој простор така да сеуште ќе има опасност да се заебе. Но сепак градската куќа (т.е. предвидената локација) има спрема мене најголемо значење пошто ги дефинира и плоштадот но и дел од кејот така да таму не смее да има импровизации.

Виктор Михајлов е тој што велиш. Во последниве неколку години има успех со повеќе проекти колку што јас ги следам тие работи. Неговото решение е избрано и за новата зграда на Турскиот театар во Скопје (многу убав објект незнам дали си го видел кој за жал новото раководство го блокира) а мислам дека доби прва награда скоро и во Белград за нова зграда на операта или нешто слично. Ете тука се и Македонската филхармонија и проектов за Градска куќа


Posted By: Cloverstack
Date Posted: 05-Dec-2007 at 21:34
Јас лично сум против обнова на старата железничка. Да не забегуваме со обновите, тееатарот и офицерскиот се мислам доволно. Од друга страна рушевината на старата железничка прерасна во симбол на земјотресот па и градот и мислам дека е најдобро да ја зачуваме во ваква форма. Би било добро за туристите и за имиџот на градот таму да се постават големи паноа со историјата на објектот и фотографии од пред 1963. Има секакви луѓе, некои можат да помислат дека тоа е така оставено зашто сме сиромашна држава Roll%20eyes

Што се однесува до плоштадот, мене повеќе ме плаши што ќе насадат кај старата банка отколку тие два објекти што недостасуваат од страната на офицерски. Просторот кај банката е мал и специфичен, а поосетлив. За жал таму веќе се почнати матни игри.


Posted By: pbanks
Date Posted: 05-Dec-2007 at 22:08


нема да биде страшно ни да се обнови стара железничка, повторно може да остане симбол (застанатиот саат е најголемиот симбол во цела таа работа). Во принцип не ми смета ни ваква но треба да се среди доста посебно содржински. Сум бил неколку пати внатре. Незнам може имаат одлични материјали по магацините и подрумите но поставките се прилично јадни за град ко Скопје. Е сега за да се направи поставка ко што треба не сум сигурен дали тој простор е доволен. Реконструкцијата би решила уште една работа (евентуално во пакет). "Трговскиот" стара железничка. Ми текнува кога го градеа бев дете и тогаш ми изгледаше многу добро посебно нафрлените вагони. Но реално тој простор IMO не е прикладен за центар на Скопје и треба да го снема посебно со оглед на плановите кои евентуално ќе се реализираат од другата страна на булеварот (Хотелот и проектот на Equest дали ќе биде трговски или деловен незнам).

Но џабе збориме тој проект не верувам дека ќе се реализира, посебно не за градска куќа.


Posted By: lslcrew
Date Posted: 25-Dec-2008 at 05:02
Јас просто неможам да поверувам дека некој е способен на ваков потег! Поддржка за тоа што се обновува сакалата, меѓутоа нека го остаат тој мебел на страна којшто стои 40 години негибнат у Битола! Тој мебел ако е од значење за администрацијата на Скопје и нека го очуваат ќе биде и градската куќа за некоја година па ќе го постават. Што мора сега да се спика у баракиве кога толку време не го спикале?! Вака сега толку години седел на страна и сега ќе проскиснува тамо во тие бараките, зашто?! Зашто на некој му треба публицитет! Срамота!
Салата на Советот на Скопје ќе се поднови со стар мебел

Ќе се врати мебелот што бил дел од салата пред земјотресот, а досега се чувал во магацин во Битола

Салата на Советот на Градот Скопје ќе биде подновена со стар мебел. Во моментов во тек е реконструкција на просторијата во која се одржуваат седниците на Советот, каде што се поставуваат инсталации за користење на службените лаптопи кои неодамна ги добија советниците. Истовремено, во салата ќе бидат направени и некои промени на подот, кој ќе биде закосен како во амфитеатар, а ќе се врати и стариот мебел од пред земјотресот. Стариот мебел повеќе од 40 години бил чуван во магацини во Битола, се' додека пред извесно време не било одлучено да се врати во Скопје.

Во Градот Скопје велат дека размислувале дали да се купува нов модернистички мебел за реконструираната сала. Сепак, на крајот било одлучено да се врати стариот мебел. За реставрацијата на столчињата и говорницата, како и за градежните работи во бараката на Советот, градските власти ќе платат 2,6 милиони денари.

За ретро изгледот на салата за седници, која прв пат ќе биде отворена на првата седница идната година, ќе придонесат некогашните фотелји на расклопување со своја клупа. Како говорница ќе се користи оригиналниот пулт од дрворез на кој стои грбот на град Скопје.

„Градот Скопје пред неколку дена започна со реконструкција на големата сала на Советот на Град Скопје, којашто се прави во вид на мини- амфитеатар. Мебелот што бил дел од салата на Градското собрание пред земјотресот е даден на репарација и тој ќе биде поставен во обновената сала“, информираат во Одделението за односи со јавноста.

Оттаму велат дека се очекува градежниот зафат да заврши кон средината на идниот месец.

http://utrinski.com.mk/?ItemID=9A6291AA1DF18746AA95FB063BA1E8E1



Posted By: lslcrew
Date Posted: 11-Nov-2009 at 01:47

Ќе има ли Градот две градски куќи

Освен на плоштадот, предвидено е да се гради и втора градска куќа, на се' уште непозната локација, која би служела за прием на странски гости и делегации

Градските власти, кои со години останаа во трулите бараки на „Илинденска“, размислуваат за изградба на уште еден објект со намена за градска куќа, покрај оној што е предвиден на плоштадот Македонија, на местото на некогашниот Офицерски дом. Иако пред неколку месеци од изјавите на Градот се доби впечаток дека ќе бараат сосема нова локација за преселба на целокупната градска администрација, од последните информации е јасно дека за потребите на Градот ќе се градат две различни згради. Едната на местото на стариот Офицерски дом, а за другата допрва ќе се бара локација и ќе се распише конкурс за идејно решение.

Градоначалникот на Скопје, Коце Трајановски, повторно не беше прецизен во објаснувањата кој се' ќе биде сместен во градската куќа на плоштадот, а кој во вториот објект. Според неговите претходни објаснувања, замислата е вториот објект да служи како резиденцијален дел, каде што би се примале странски гости и делегации. Не е јасно дали во тие простории ќе заврши и дел од градската администрација. Трајановски објасни дека по изготвувањето на проектот ќе се знае каде ќе биде изградена новата зграда.

- Размислуваме за локација - изјави тој.

Во Министерството за транспорт и врски немаат информации дека Градот има потреба од дополнителна локација.

- До Министерството не е пристигнато барање од Градот Скопје за доделување локација за изградба на градска куќа - изјавија од Службата за односи со јавност.

За изработка на проектот за резиденцијалниот дел во Предлог-буџетот на Градот за 2010 година се предвидени четири милиони денари, односно околу 60.000 евра.

Проектот за градска куќа на плоштадот е од 2007 година, кога Министерството за култура распиша конкурс за идејно решение. Првата награда ја доби архитектот Коста Мангаровски. Проектот беше и на доработка кај авторот, со објаснување дека „предлогот не соодветствувал доволно со намената што треба да ја има објектот, како седиште на градските власти“. Според финалниот проект, задржана е целата архитектура на Офицерскиот дом, со таа разлика што горе има стаклена купола.

Од Министерството за култура потврдуваат дека на плоштадот ќе има градска куќа, но веќе две години не кажуваат кој ќе ја финансира изградбата. Кажуваат дека проектот се' уште е на доработка, овој пат во Министерството за транспорт и врски.

Од Транспорт објаснуваат дека доработката подразбира во комплексот на плоштадот наречен „Градска куќа“, да се вклопи и хотел со пет ѕвезди.

- По распишаниот конкурс за избор на идејно-архитектонско решение за изградба на хотел на плоштадот, комисијата одлучи на три анонимни понуди да им биде доставено барање за откуп. Од нив е избрана една анонимна понуда за изготвување на идејното решение - изјавија од Министерството.

Оттаму објаснуваат дека работата околу изградбата на комплексот е пролонгирана бидејќи дел од земјиштето на плоштадот е приватно, односно денационализирано. Министерството планира да го продаде земјиштето на јавно наддавање, во соработка со приватните сопственици, во согласност со Законот за облигационите односи и со Законот за градењето.

- Според детаљниот урбанистички план за Малиот ринг, на плоштадот во рамките на шест парцели е предвидена изградба на комплекс во чии рамки има хотел и градска куќа - изјавија од Министерството за транспорт и врски.

http://dnevnik.com.mk/?ItemID=5DD74D444F639F44A15D1BC3E6C80B28



Posted By: lslcrew
Date Posted: 11-Nov-2009 at 01:50
Ваљда не мислат дека сме до толку наивни и ќе поверуваме дека ќе се направат две градски куќи. Неможат една да направат, а не па две! Јасно е дека се кокетира со земјиштето, пробни балони. Сепак, не викам, дека не би сакал градот да обие два такви објекта. Како на пример стара железничка и офицерскиот, иако со оглед на тоа што се работи за плоштад повеќе прилега градската управа да биде централно поставена.

Јас дури би направил и еден експеримент што сега ми дојде на памет, незнам колку е изводлив, но мислам дека треба во тие/таа идна/идни градска/и куќа/и да има канцеларии сите општини од градот Скопје како би можела да се врши поголема координација на проекти, сепак е ова еден град и е компактна средина.


Posted By: micko_v
Date Posted: 11-Nov-2009 at 12:34
Сте забележале дека во последно време многу „новинари„ користат материјали од форумов, како слики и текстови. Погледнето го долниот лев агол на сликата од натписот !Bash
Прашањето ми е, дали воопшто бараат дозвола за објавување или барем информираат дека преземаат материјали од форумов ?


Posted By: lslcrew
Date Posted: 11-Nov-2009 at 12:50
Една од целите на форумов е да придонесе во колективната свест кон урбаниситчките прашања, така да од страна на билд воопшто нема проблем за дистрибуцијата на слики од форумов, впрочем и за тоа се наменети и тоа треба да не радува.

Инаку во печатеното издание сликата е со друг формат па целосно е скртатено името одоздоле.


Posted By: Dave Gahan
Date Posted: 11-Nov-2009 at 13:34
Мислам дека е баш позитивно да го има watermark-от, промотивно за сајтот...штета само што го скастриле вака простачки...

-------------
MAKE CAPITALISM HISTORY


Posted By: ebivetre
Date Posted: 06-Jul-2010 at 11:03
http://www.utrinski.com.mk/?ItemID=2E4E40156F49C44E9A114F75EBA1BAB9

Распишан нов конкурс за Градска куќа

Градските власти бараат идејно решение за Градска куќа, иако пред три години Министерството за култура избра такво решение. И покрај тоа што надлежните тогаш не доделија прва награда, трудот на Коста Мангаровски го избраа како најблизок до бараните критериуми. Токму објектот Градска куќа претставен според идејата на Мангаровски е дел и од визуелизацијата на „Скопје 2014“. Зградата е лоцирана на плоштадот „Македонија“ и претставена како дел од комплекс во кој покрај резиденција на градоначалникот и матична служба, предвиден е и елитен хотел.

Од Градот Скопје вчера не објаснија зошто распишуваат идејно решение за објект за кој веќе постои избран модел. Случајот дополнително е нејасен ако се има предвид дека во јавниот повик на Градот не е наведена локацијата каде што би се градел објектот, туку само е посочено „на предвидената“ локација и тоа со површина од 2.367 квадратни метри. Предвидено е објектот да има приземје и пет ката, со дозволена максимална висина до 21 метар. Градските власти од идејниот творец на новата административна зграда не инсистираат на посебни услови за изгледот на фасадата, единствено бараат во идејното решение да се испланирани 153 паркинг-места. (Дс.Т.)


Posted By: Cloverstack
Date Posted: 06-Jul-2010 at 17:32
Бидејќи имаше конкурс на кој беше доделена прва награда (мада по обичај најавија дека ќе правеле микс со еден од откупените трудови, иако проектите беа дијаметрално спротивни) прво бев во дилема дали можеби се работи за нов проект на друга локација каде може навистина да смести градската администрација, наместо сегашново чисто репрезентативно „решение“. Но според квадратурата на парцелата изгледа се работи за старата локација - офицерски дом. Тогаш за што точно е конкурсов???


Posted By: Jumbo
Date Posted: 06-Jul-2010 at 18:14
Изгледа нема баш да го градат Офицерскиот дом туку ќе прават некоја комбинација со некој друг проект, ист случај ко со Народната банка, отпрвин рекоа ќе го врателе оригиналниот лик на старата народна банка а од новиот рендер убаво се виде дека објектот нема никаква врска со стариот објект освен оние столбчиња од напред кои малку асоцираат на стариот објект, веројатно и со Градската куќа ќе прават некаков микс од повеќе трудови.


Posted By: my Macedonia
Date Posted: 06-Jul-2010 at 18:25
kako kje izgleda, toa e poslednijot problem, prviot problem e lokacijata kojsto mu ,,pripagjase,, na IVZ(burmali dzamija). Ako ovaj problem e resen togas se e reseno.
Ne veruvam deka gradska kuka kje se gradi, taa lokacija taka prazna kje si stani, aj kje prajme pak muabet ovde vo build


-------------


Posted By: Vladimir P
Date Posted: 06-Jul-2010 at 18:35
Прашање: Дали ИВЗ има тапија од тоа земјиште ?

-------------
Клуб на љубители на железниците во Македонија, Macedonian Railways Fan Club
https://www.facebook.com/767277056651521/ - https://www.facebook.com/767277056651521/


Posted By: my Macedonia
Date Posted: 06-Jul-2010 at 18:37
Pa neli rekoa deka imaat.
Samo da te informiram: I MPC nemase TAPIJA no ete dobi lokacijaBig%20smile!
Isto taka se raboti za REKONSTRUKCIJA na verskiot objekt.
Ova e lavirint, pa zatoa recev deka taka kje si stane=prazenRoll%20eyes
 


-------------


Posted By: mitatos
Date Posted: 06-Jul-2010 at 18:39
Јас да бев градоначалник лично како градска кука ке ја реконструирав старата железничка станица, еден од најубавите административни објекти што го поседувал скопје од неговата изградба.


-------------
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)


Posted By: my Macedonia
Date Posted: 06-Jul-2010 at 18:44

@mitatos

ostaj go gradacalnikot, toj i taka e zbunet ne znae sto prajt. Jas licno pred nekolku meseci go pofaliv ama sega voopsto ne e za pofalba.Covekot nema idei, nema plan, nisto..........


-------------


Posted By: mitatos
Date Posted: 06-Jul-2010 at 18:55
Епа така е кога гласаат за такви луге, имаат пари за глупави идеи, а немаат за значајни проекти кои се од голема важност за градот и за Р.М

-------------
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)


Posted By: my Macedonia
Date Posted: 06-Jul-2010 at 19:02
e da, primer: ezeroto treska ceka za investicija a gradacalnikot gradi plaza, aj te molam koja logika????

-------------


Posted By: mitatos
Date Posted: 06-Jul-2010 at 19:06
Јас би рекол дека кој и да дојде сепак исто ке биде, според мене треба стручна спрема од најмалку 10 години за да некој стане градоначалник.. зошто да не ги следиме европските примери ,таму никој не ја гледа општината како место за профитирање ,кај нас прво што ке рече е : ете ке има лап лап крадење .. а таму е обратно они ја сакаат својата држава , во вести едаш гледав дека направија скандал во шведска зошто една пратеничка купила мастики со кредитна картичка на државата ,значи од кога ние ке почнеме да ги штедиме и тие 2 денари тогаш ке напредуваме.

-------------
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)


Posted By: La Linea
Date Posted: 06-Jul-2010 at 19:11
Дечки не е ова Меана  Smile Скратете со офтопиков

-------------
Помогнете во Македонската Википедија - Слободна енциклопедија!


Posted By: Cloverstack
Date Posted: 06-Jul-2010 at 19:13
Митатос, никаде во свет не треба стручна спрема за градоначалник, ни 10 па ни 1 година. Не е тоа начинот да се добие добар градоначалник, туку гласачкото тело да созрее и да престане да гласа по разноразни глупави основи ами да почне да бара сериозни кандидати и нивно одговорно однесување.


Posted By: mitatos
Date Posted: 06-Jul-2010 at 19:22
Знам дека не треба, али за кај нас треба ,ги наведов причините зошто ,а не дека нема такви што се способни за раководење со една општина или со еден главен град, обично ние секогаш мислевме дека тие што имаат пари нема да крадат, али испагаше обратно тие ги дуплираа своите пари на грб на народот, не сакам да го политизирам постот,само наведов еден мал пример дека еден градоначалник треба да го сака својот град, или својата општина , или држава за да го работи максимумот од своите можности.

-------------
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)


Posted By: mladen_s
Date Posted: 06-Jul-2010 at 19:51
http://www.utrinski.com.mk/?ItemID=2E4E40156F49C44E9A114F75EBA1BAB9

sto me navede da poglednam tuka:

https://e-nabavki.gov.mk/eProcurementIntegration/PublicAccess/Dossie/dosieSIS.aspx?EntityId=c686ec38-e671-4cd0-8181-a69ee852e08f&Level=2

i da go zabelezam ova:

површина на парцела -2367м², површина за градба -1274м², вкупно изграден површина (бруто)-7644м², максимална висина-21м, катност П+5

e, sega:

http://www.build.mk/docs/users/cloverstack/URBANISTICKI%20PLANOVI/Mal%20Ring/Mal%20Ring%2007%2001.jpg

znaci, parcelata e 5.1.1., pa da vidime za nea:

http://www.build.mk/docs/users/cloverstack/URBANISTICKI%20PLANOVI/Mal%20Ring/Mal%20Ring%2007%2002.jpg

површина на парцела -2395м², површина за градба -2395м², вкупно изграден површина (бруто)-19160м², максимална висина-29м, катност П+7+По

ne e istata.. ako uplatime 500 denari, ke doznaeme kade e.

ete tolku za transparentnosta na instituciite. i sekako: prva nagrada i tri otkupi - zvuci poznato...


Posted By: lslcrew
Date Posted: 06-Jul-2010 at 21:48
Originally posted by Cloverstack

.....гласачкото тело да созрее и да престане да гласа по разноразни глупави основи.....


Мислам дека сум кажал многу пати и нашироко. Попогрешна констатација од ова нема.


Posted By: SkyBoy
Date Posted: 06-Jul-2010 at 22:09
Originally posted by Cloverstack

..гласачкото тело да созрее и да престане да гласа по разноразни глупави основи..ами да почне да бара сериозни кандидати и нивно одговорно однесување..
 
Поточна констататација од ова нема..
 
само би додал и партиите да созреат, па да пуштаат асални кандидати, оти избори се за избирање, а кај нас за жал, тешко дека некој до толку ќе мисли со своја глава, па да ни се случи да не искочат на гласање и да пропаднат изборите, само заради тоа што народот проценил дека кандидатите се тапа..
 
епа до толку народов не ни е паметен, а партиите за жал тоа го користат..
 
која ли само компетенција ја имаше трифке за градоначалник и што после 4 години остави.. ?  и кој е губитникот, а кој профитираше од таа ментална екскурзија
 
(го земав за пример, не дека мора да се зајадеме за него, иако не верувам дека некој би го бранел) Big%20smile


Posted By: SkyBoy
Date Posted: 06-Jul-2010 at 22:10
Originally posted by lslcrew

Originally posted by Cloverstack

.....гласачкото тело да созрее и да престане да гласа по разноразни глупави основи.....


Мислам дека сум кажал многу пати и нашироко. Попогрешна констатација од ова нема.
 
со извињење, ако не ти е проблем да постираш линк, или да наведеш нишка, кај да ги барам тие твои постови, баш сум љубопитен да прочитам..


Posted By: Jumbo
Date Posted: 06-Jul-2010 at 22:12
Коментариве ви се добри но се постирани на погрешна нишка.


Posted By: lslcrew
Date Posted: 06-Jul-2010 at 22:16
Народот знае толку колку што неговите политички елити му овозможиле. Неможе туку така да се расфрлате со вакви опасни тези. Ниеден параметар не го покажува ова, ама сепак толку се користи јавно од елитите што немаа основно чувство за одговорност па вината за нивното владеење не ја гледаа во самите себе, туку народот е тој што не бил паметен да ги осетите благодетите на нивното владеење. И потрагично од се, после толку време форсирање на оваа теза, станува општо прифатена. Погрешна е.


Posted By: SkyBoy
Date Posted: 06-Jul-2010 at 22:27
Originally posted by lslcrew

Народот знае толку колку што неговите политички елити му овозможиле. Неможе туку така да се расфрлате со вакви опасни тези. Ниеден параметар не го покажува ова, ама сепак толку се користи јавно од елитите што немаа основно чувство за одговорност па вината за нивното владеење не ја гледаа во самите себе, туку народот е тој што не бил паметен да ги осетите благодетите на нивното владеење. И потрагично од се, после толку време форсирање на оваа теза, станува општо прифатена. Погрешна е.
 
Со ова делумно се сложувам, но народот не е сервис на елитите, него обратно и не се никакви елити него избраници кои треба да служат.. е сега тоа што народот не ја користи својата моќ  да санкционира, и дозволува да биде пренесен жеден преку вода, тоа е она што ми пречи..
 
не се сложувам дека народот знае колку што ќе му биде овозможено.. (мада во пракса кај нас така ќе да е), тоа звучи многу лошо.. што сепак е проблем на народот и неговиот слаб капацитет да суди, проценува и избира..
 
сума сумарум, Кло е во право по мене


Posted By: Cloverstack
Date Posted: 06-Jul-2010 at 22:29
@ lslcrew
Политичките елити не се паднати од марс туку произлегуваат од и функционираат со подршка од народот.

Но навистина доста беше офтопик
Да се вратиме на темата.

@ mladen_s
Во право си, навистина се работи за различни проекти  Eeek2
Бев наведен на заклучок дека се работи за офицерски поради занемарливата разлика во површина на парцелите (што не е прв пат да варира во ДУП-ови и во конкурси), но другите параметри очигледно кажуваат нешто друго...

Уште едно браво за транспарентноста на властите - како гром од ведро небо ќе прават втора градска куќа на локација која не ја соопштија... Ај чим некој дознае каде е нека пише (се молам да не е некоја малоумна новоизмислена маркичка во Мал Ринг)


Posted By: SkyBoy
Date Posted: 06-Jul-2010 at 22:34
Previous
 
а не се молиш да не е барок? Big%20smile 


Posted By: Cloverstack
Date Posted: 06-Jul-2010 at 22:35
first things first


Posted By: Cloverstack
Date Posted: 06-Jul-2010 at 22:54
Еве разгледувам на google earth можни локации и откако со ДУП Стара Железничка отпадна можноста да се гради таму, единствена друга веројатна локација ми се чини кај постоечките бараки на градската администрација. На сите други локации што ми текнуваат се предвидени други работи...


Posted By: Jumbo
Date Posted: 06-Jul-2010 at 23:22
http://www.vreme.com.mk/DesktopDefault.aspx?tabindex=1&tabid=1&EditionID=2061&ArticleID=143992 - http://www.vreme.com.mk/DesktopDefault.aspx?tabindex=1&tabid=1&EditionID=2061&ArticleID=143992


Posted By: S.P.Q.R.
Date Posted: 06-Jul-2010 at 23:25
Previous
Дали ова значи дека сепак Офицерски ќе се гради?

-------------
Македонија е во дилема дали да одбере ужас без крај или ужасен крај


Posted By: mitatos
Date Posted: 06-Jul-2010 at 23:56
Не, не е ова за офицерски ,се вели дека некаде во парк кај бараките предвидена е некоја нова локација..... ке видиме од кога ке изберат проект..

-------------
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)


Posted By: mladen_s
Date Posted: 07-Jul-2010 at 08:01
Градската куќа ќе се проектира на слепо


Градот бара идејно решение за свој објект, но се' уште не ја утврдил локацијата

Деспина Трајковска



Градските власти бараат идејно решение за објект Градска куќа на се' уште неутврдена локација. Но, и покрај тоа, посочуваат дека предлогот се однесува за објект кој би се градел на парцела од 2.367 квадратни метри со површина за градба од 1.274 квадрати, максимална катност од 21 метар и капацитет за паркирање од 153 возила.

Непоимлива ситуација, а истовремено сомнителна, коментираат урбанистите. Велат дека е невозможно да се предвиди идејно решение на објект со барани критериуми од повеќе аспекти, кога поради недефинирана локација тие не можат да се конкретизираат. Од друга страна, упатените се сомневаат дека локацијата, всушност, е позната, но се држи во тајност, со цел идејното решение по нарачка да го сработат архитекти блиски на владејачката гарнитура.

„Повеќе веројатна ми е втората варијанта. Од друга страна, пак, доволно е да се спомене сообраќајно решение и пристапи до објектот, за и лаик да се запраша како е можно да се бара идејно решение за објект за кој допрва ќе се утврди локацијата“, коментира еден архитект, кој не сакаше да му се споменува името.

Од Градот, пак, тврдат дека нема да биде прв пат да се бара идејно решение за објект за кој допрва ќе се утврдува локацијата. Сепак, не посочуваат идентичен пример. Велат дека утврдените градежни параметри ги направиле врз основа на пресметките и потребите за сместување на градската администрација, за која, всушност, и ќе се гради објектот. Тврдат дека засега немаат во план некоја конкретна локација, но надлежните интензивно биле во потрага по соодветна. Од комбинација биле исфрлени некогашните идеи градска куќа да се изгради на местото на дел од Старата железничка станица, како и маркичка да се вцрта во близина на Кале. Од Градот ниту демантираат ниту потврдуваат дека се разгледува можноста за петстотините градски вработени нов објект да се изгради во близина на црквата „Пресвета Богородица“ каде што важечкиот урбанистички план предвидува административен објект.

Инаку, градските власти објаснуваат дека нивното барање за идејно решение за Градска куќа не е идентично со што го реализираше Министерството за култура пред три години кога делото на Коста Мангароски го избра како најсоодветно. Тоа здание, за разлика од ова на Градот, кое ќе биде наменето за администрацијата, ќе било репрезентативен објект со сала за приеми, кабинет за градоначалникот и сала за венчавки.

Токму за тој објект, чија изградба Министерството за култура амбициозно ја најави пред три години, освен идејно решение не се преземени други конкретни мерки. Од Министерството вчера не одговорија каде „запнал“ проект. Единствено Коста Мангаровски ни изјави дека за објектот само е избрано идејно решение, а наводно, немал сознанија дека продолжиле постапките за изработка на идеен и изведбен проект.

http://www.utrinski.com.mk/?ItemID=6D1CD8BB8FBED54A9A62FF9ED471D7C4


Posted By: mladen_s
Date Posted: 07-Jul-2010 at 08:13
епа, ова ми ги надмина сите претпоставки за градската управа.
барале парцела со зададени параметри?

тоа е секако, чесната варијанта каде глупоста царува.

другата, таа со држењето во тајност е премногу гнасна за да се коментира. сепак, доколку некој ја забележи парцелата во некој ДУП, би било фино да ја објави чисто заради принцип.

а јавниот конкурс останува работа за потсмев.


Posted By: ebivetre
Date Posted: 07-Jul-2010 at 09:59
Ocigledno ne e ova za Oficerski.
Eve sto vikaat denes:
http://www.utrinski.com.mk/?ItemID=431B69E9B7B56D4DB857B387724ACE9C

Инаку, градските власти објаснуваат дека нивното барање за идејно решение за Градска куќа не е идентично со што го реализираше Министерството за култура пред три години кога делото на Коста Мангароски го избра како најсоодветно. Тоа здание, за разлика од ова на Градот, кое ќе биде наменето за администрацијата, ќе било репрезентативен објект со сала за приеми, кабинет за градоначалникот и сала за венчавки.

Токму за тој објект, чија изградба Министерството за култура амбициозно ја најави пред три години, освен идејно решение не се преземени други конкретни мерки. Од Министерството вчера не одговорија каде „запнал“ проект. Единствено Коста Мангаровски ни изјави дека за објектот само е избрано идејно решение, а наводно, немал сознанија дека продолжиле постапките за изработка на идеен и изведбен проект.


Posted By: Dave Gahan
Date Posted: 07-Jul-2010 at 12:02
Не е точно дека нема конкретна локација! Има. Ние сега знаеме само дека има
2.367 квадратни метри со површина за градба од 1.274 квадрати, максимална катност од 21 метар и капацитет за паркирање од 153 возила.
и немаме појма каде се наоѓа. Која е и каде е знаат само тие што го распишале ова. Мене ми е само мистерија дали малоумниот што го составувал расписот е многу безобразен, па намерно ги стаил цифрите од веќе готовиот проект за да не си губиме време или бил стварно малоумен па не му текнало барем да ги заокружи цифрите.
Што треба уште да видиме од власта и партизираната администрација. Се вадам од такт, ама стварно не може на неполитички теми да се дискутира овде....ова е невидено!

-------------
MAKE CAPITALISM HISTORY


Posted By: Cloverstack
Date Posted: 07-Jul-2010 at 12:44


Во право си Dave, не може да сервираат онакви параметри како
површина на парцела -2367м², површина за градба -1274м², вкупно изграден површина (бруто)-7644м², максимална висина-21м, катност П+5
...и слично, доколку не се работи за конкретна парцела во некој урбанистички план... Се знае точно која е парцелата, а тоа што ние не знаеме тоа е друга работа.

Момент кој внесува дополнителна забуна е контрадикторноста на она што го напишаа Време и Утрински Весник. Првите излегоа со штура вест, но беше наведена локација кај сегашните бараки на градот. Вториве пишуваат опсежно и детално и се повикуваат на изјави, но локацијата ја посочуваат како мистерија. Е сега дали до Време процурило нешто, или пак ја треснале локацијата крајно неодговорно од ракав, или пак Утрински се обидува да спинува, не знам... Но без разлика на дилемите со медиумите, тоа ни најмалку не го менува фактот дека ова е буквално криминално однесување на градската власт и дека достигнавме ново ниво на бизарност во оваа област.

За еден саат градските власти имаат прес конференција за правдање на скандалите со градската плажа, па се надевам дека новинарите нема да пропуштат да изнудат од Коце разјаснување на ситуацијата и со конкурсов за Градска Куќа.


Posted By: mladen_s
Date Posted: 07-Jul-2010 at 18:38
Јас лично баш би сакал да ја пронајдам парцелата и да ја раширам информацијата на секој можен начин. Не би променило многу за конкурсот, бидејќи веќе им покажаа на сите какви им се намерите, но сепак... Барав во некои ДУП-ови, нема таква.. Се обидов да изведам таква парцела врз сегашниве бараки, не ми оди. Верувам дека е во општина Центар. Секако, под претпоставка дека не е дел од некој ДУП кој е во постапка.. Можеби новиот ДУП Мал Ринг ја крие?

Дали некој го има ДУП Пресвета Богородица? Таму има нешто администрација...


Posted By: lupo
Date Posted: 08-Jul-2010 at 16:48
Malku me zbunivte. Pa neli gradska kukja ke bide Oficerski Dom, ne?


Posted By: lslcrew
Date Posted: 02-Sep-2010 at 01:31

Барокна зграда за Трајановски под Кале?

Како алтернативна локација за новиот објект се споменува просторот кај црквата „Пресвета Богородица“

Деспина Трајковска

Градската администрација ќе се сели под Кале во петкатен објект со барокна фасада. Иако ваква можност од урбанистички аспект неодамна му е дадена на градоначалникот Коце Трајановски, а преселбата деновиве ја најави и министерот за транспорт и врски, Миле Јанакиески во една ТВ-емисија, првиот човек на Градот ги демантира овие информации. Трајановски потврдува дека градската управа сериозно размислува за преселба поради несоодветните услови за работа, н, сепак, тврди дека се' уште не е одбрана локацијата на која Градот Скопје ќе изгради нов административен објект. Во опција биле неколку државни парцели, а во меѓувреме се чека и на исходот од конкурсот за идејно решение, според кое би се градела новата зграда за петстотините административци.

„Точно е дека ќе се селиме во нов објект, но кога и каде, се' уште е рано да зборуваме. Не е тајна дека размислуваме на таа тема, во тек е конкурс за избор на идејно решение по кое ќе се гради објектот, а во меѓувреме треба да одлучиме и за локацијата. Во игра е парцелата под Кале, како и реонот кај црквата ‘Пресвета Богородица‘, иако се' почесто во последно време размислуваме зградата да се изгради на местото на постојните бараки на Градот, иако на оваа локација урбанистичкиот план засега предвидува паркинг-простор“, вели Трајановски, кој посочува дека изградбата на новата зграда првенствено би зависела од финансиите, кои Градот моментално ги нема, а евентуално би ги обезбедил преку кредитирање или би се размислувало за друга опција.

Инаку, градоначалникот не ја отфрла можноста новиот административен објект да има барокна или друга стилска фасада, но тоа, како што тврди, би се случило единствено доколку се гради на локација во чија околина објектите се изградени во таков стил. Доколку зградата се гради под Кале, извесно е оти ќе биде со стилска фасада како што налага неодамна донесениот ДУП за реонот, кој предвидува изградба на петкатен административен објект на местото на постојните бараки на ЈП „Водовод и канализација“.

Дури да го одбере местото за новиот објект, Градот е во исчекување на идејните решенија за неговиот изглед. Се' уште трае јавниот повик во кој не е посочена локација каде што ќе се гради новата зграда. Во него единствено е наведено дека се однесува за објект што би требало да се наоѓа на утврдена парцела од 2.367 квадратни метри со површина за градба од 1.274 квадрати, максимална катност од 21 метар и капацитет за паркирање од 153 возила.

Во новиот објект би требало да се смести целата градска администрација и градоначалникот, за кого освен во оваа зграда, кабинет е предвиден и во Градската куќа на плоштадот, проект што треба да го реализира Министерството за култура.

http://utrinski.com.mk/?ItemID=EBEEB32390A32147B06FFB462C9FB047


Posted By: alexgizh
Date Posted: 02-Sep-2010 at 07:04
Добро, иако најсомнителен дел е до метар квадратен утврдената маркица, која наведува дека веќе е избрано местото, за прв пат имаме јасно одвојување на зградите за градската администрација и градската куќа (читај: офицерскиот дом).

Лично, би сакал таа зграда на администрацијата да се наоѓа карши Владата, ми прави логика. Од едната страна Влада на Република Македонија, од друга страна "Влада" на Град Скопје.

За стилот (барок) и за градската куќа (локацијата, дебатата за џамијата) немам коментар. Сакав да кажам дека ми е мило што се раздвоени објекти за администрацијата и за репрезентативната градска куќа.


-------------
The only thing necessary for the triumph of evil is for good men to do nothing.


Posted By: Cloverstack
Date Posted: 05-Oct-2010 at 02:51
Градската куќа пак тајна

Градоначалникот на Град Скопје Коце Трајановски потврди дека Градската куќа, дефинитивно, е идна капитална инвестиција, но не сакаше да открие кои се потенцијалните места за новата зграда, иако неофицијално се зборува дека ќе се гради во строгиот центар на градот

Градската куќа, конечно, ќе почне да се гради следната година. Овој проект, кој се одлага со години, викендов повторно беше предложен како приоритет во градскиот буџет за 2011 година, но локација пак се крие. Иако градоначалникот на Град Скопје Коце Трајановски потврди дека куќата, дефинитивно, е идна капитална инвестиција, не сакаше да ги каже потенцијалните места за изградба на новата зграда. Неофицијално, станува збор за парцела во строгиот центар на градот, чие земјиште се испитува деновиве.
Изградбата на Куќата се проценува на околу 10 милиони евра и за неа веќе е подготвен и проект од четири милиони денари. Во моментов се прават проекции за градба и, доколку се обезбедат доволно пари, таа со сигурност ќе влезе во идниот буџет.
"Сериозно размислуваме за изградба на Градската куќа, но сe уште не можам да ви кажам каде ќе се наоѓа. Се проверуваат неколку локации, па доколку се покаже дека можеме да ја финансираме, ќе ја испланираме во буџетот ", вели Трајановски.
Освен Градска куќа, мнозинството советници, директори на јавни претпријатија и општинари предложија и изградба на подземни сообраќајници на две нивоа, булевари, мостови, катни гаражи, паркинзи, кружни текови, подземни контејнери.
Свои предлог-проекти не дадоа единствено советниците од СДСМ, кои не дојдоа на состанокот во Охрид, организиран за подготовка на предлог-програмата за новиот буџет на Скопје.
"Во време на економска криза и сиромаштија, градоначалникот непотребно се расфрла со пари за патувања и за хотелски аранжмани. Истата дебата можеше да се одржи и во работен ден во Скопје", вели Софија Куновска, советник од СДСМ.
За градоначалникот, пак, ваквата средба е традиционална и конструктивна, и за неделава најави селекција на предлозите и подготовка на нацрт-буџетот.
(М.Ѓ.)
http://vest.com.mk/?ItemID=CF9DE673756DA74498D8984591154C6F


Posted By: ebivetre
Date Posted: 25-Nov-2010 at 15:15
Ќе мрдне ова галиба..
http://www.novamakedonija.com.mk/NewsDetal.asp?vest=112510100407&id=14&prilog=0&setIzdanie=22142

Се подготвува изградбата на Градска куќа, катна гаража

Градот вчера распиша конкурси за изработка на техничка документација за идеен, основен и изведбен проект за изработка на градежна јама за катната гаража на улицата Даме Груев, за Градската куќа, како и за новата управна зграда на јавното претпријатие „Водовод и канализација“

Сите заинтересирани понудите треба да ги достават најдоцна до 21 идниот месец, до 14 часот, во архивата на градот. Критериумот за избор е најповолната понуда.


     
Автор: А.М.Д.


Posted By: lupo
Date Posted: 25-Nov-2010 at 22:35
Градот вчера распиша конкурси за изработка на техничка документација за идеен, основен и изведбен проект за изработка на градежна јама за катната гаража на улицата Даме Груев, за Градската куќа, како и за новата управна зграда на јавното претпријатие „Водовод и канализација“ 
 
Избрано идејно решение за зградата на „Водовод“

Жарко Чаушевски ја доби првата награда, вредна 190.000 денари, за новата управна зграда на ова ЈП
 
Jas ne razbiram?



-------------
...kaj si kapelo pak ke si kape...


Posted By: lupo
Date Posted: 25-Nov-2010 at 22:44
Vtoro, koga e lokacijata za Gradska kukja? Pred Kameni?

-------------
...kaj si kapelo pak ke si kape...


Posted By: Mr.Edmund
Date Posted: 25-Nov-2010 at 23:03
На конкурсите се избира идејно решение, кое претходи на изработката на техничката документација. Идејното решение е првата прилика кога архитектот му ја презентира својата идеја на инвеститорот и може да дојде во понеформален формат споредено со техничката документација (послободен начин на презентација, цртежите не навлегуваат во детали итн), и истото не претставува официјален документ. Откако инвеститорот ќе го прифати идејното решение, се пристапува кон изработка на идеен проект, кој понатаму се носи во општина која треба да потврди дека иднот објект ќе биде во согласност со урбанистичкиот план, по што се изработува основен и изведбен проект врз основа на кои се добива градежна дозвола и се изведува објектот. Со оглед на тоа што идејниот и основниот проект се официјални документи, тие мораат да бидат изработени од овластен проектант и лиценцирана фирма. Авторот на идејното решение не мора да ја изработи техничката документација, но тој што ќе го работи тоа мора да го почитува идејното решение. Кога е конкурс во прашање има две опции: откако ќе се одбере идејното решение, инвеститорот да се договори со првонаградениот автор да ја изработи и техничката документација (доколку ги исполнува условите за тоа), или пак да распише тендер на кој ќе се одбере фирма за таа работа. Тоа се дефинира со расписот на конкурсот. Наградите од конкурсот се однесуваат исклучиво на идејните решенија (освен ако не е назначено дека победникот ќе го работи проектот и дека наградата ги покрива трошоците за изработка на документацијата) .
Се надевам дека успеав да објаснам како оди постапката.


-------------
СМРТ ЗА ФАШИЗМОТ-СЛОБОДА ЗА НАРОДОТ


Posted By: kitkiritki
Date Posted: 26-Nov-2010 at 03:51
Od neoficijalni diskutiranja doznav( znaci mozno e da se shpekulacii) deka Gradskata Kuka ke se gradi negde kaj carinata pod Kale, sto znaci deka mozno e da se otstapi mesto za Burmanli Dzamija sto e potop i vrv na se...........< = < =


Posted By: Cloverstack
Date Posted: 26-Nov-2010 at 10:12


Оваа најновава „Градска куќа“, во која (за разлика од офицерски дом) треба да биде сместена бројната градска администрација, барем формално (според параметрите на маркичката) дефинитивно е наменета на локација под Кале, помеѓу царинската управа и најавената управна зграда за ЈП Водовод и Канализација. Параметрите на маркичката точно се поклопуваат... Е сега останува прашањето зошто градските власти повторно се до таа мерка нетранспарентни и за цело ова време се обидуваа да ја скријат локацијата, па дури и пуштаа шпекулации за други локации.

Што се однесува до Офицерски Дом, не знам што се случува со проектот, но тој сепак никогаш не беше планиран за таму да биде сместена градската администрација и покрај тоа што и тој фигурираше како проект „Градска куќа“. Освен името (кое внесе многу забуни), мислам дека тој проект не е поврзан со овој што барем формално е предвиден за под Кале.

Време е и да ја раздвоиме досегашнава нишка во која поради спомнатата збрка со името „Градска куќа“ се натрупаа постови за различни проекти. Нишкава „Градска куќа“ ќе остане за актуелниов административен објект, а постовите за објектот на плоштад ќе ги префрлам во нова нишка - „Обнова на Офицерски Дом“.



Posted By: lslcrew
Date Posted: 26-Nov-2010 at 16:09
Салата за венчавки - матичната служба и резиденција за градоначалникот поточно треба да се дел од офицерски дом, не целата управа. Е сега ќе видиме што се ќе се најави како содржина во градската куќа под Кале, па ќе видиме што тоа ќе значи за Офицерски.


Posted By: damjan4o
Date Posted: 26-Nov-2010 at 23:09
Киткиритки, не верувам дека офицерски ќе отстапи место на џамијата. Ако не се реконструира и тоа на истото место, суштината на Ск2014 се губи... ова е најубавиот и најоправданиот проект.


Posted By: my Macedonia
Date Posted: 09-Dec-2010 at 19:39
Znae nekoj dali ovaj render seuste vredi ili sto?
http://ajvarhrrm.com.mk/pro/pr109/pr1.html


-------------


Posted By: macedonia
Date Posted: 09-Dec-2010 at 21:23
wow that is a very interesting concept. I don't fully understand the whole situation with the railway station, are there plans to reconstruct it in the future?


Posted By: damjanh
Date Posted: 09-Dec-2010 at 21:27

Тој рендер, односно тој проект беше направен во 2004 кога Град Скопје со тогашниот градоначалник Ристо Пенов имаше распишано конкурс за градска куќа на место на Стара Железничка. За жал од тој конкурс не излезе ништо...



Posted By: LouReed
Date Posted: 09-Dec-2010 at 21:38
Interesen render.
Se nadevam deka ke napravat nesto od starata zeleznicka...


Posted By: my Macedonia
Date Posted: 09-Dec-2010 at 21:43
Tesko kje bide!
Od ednata strana, treba da ostane taka kako e, posto e spomenik na edno vreme, i ima svoja istorija!
Vo drugata strana mislam deka moze i da se dogradi a edna strana(kako vo renderot) da ostane a drugata da se gradi, a i kje se urbanizira toj del!Renderite ne bea losi, osven fasadata!


-------------


Posted By: LouReed
Date Posted: 09-Dec-2010 at 21:50
Previous Da dobra idea e... se navedam nekoj ke ja realizira.


Posted By: lslcrew
Date Posted: 11-Dec-2010 at 13:26
ИЗБРАНА ЛОКАЦИЈАТА ЗА ГРАДСКАТА АДМИНИСТРАЦИЈА
Градската куќа ќе се извиши под Кале
Роза Петкова

Новата зграда за градската администрација дефинитивно ќе се гради под Кале, веднаш до петкатницата која треба да ги замени старите бараки на јавното претпријатие „Водовод и канализација“. Локацијата е одредена во одлуката со која градоначалникот Коце Трајановски на наредната седница на Советот на Градот ќе побара да се почне процедурата за изградба на објектот. Во буџетот за наредната година Трајановски предвидел речиси половина милион евра за таа намена, а во одлуката стои дека за изградбата ќе се користат и други извори на приходи. Иако конкурсот е завршен уште пред два месеца, од Градот не откриваат каков ќе биде изгледот на градската куќа, ниту, пак, потврдуваат дали ќе има барокна фасада. Сепак, се претпоставува дека таа ќе биде во стилот на „Скопје 2014“ затоа што во конкурсот за идејно решение за соседната зграда на „Водовод и канализација“ јавното претпријатие бараше да се запазат стиловите на другите објекти што ќе се градат во околината, односно барок, класицизам или неокласицизам. Одговорните од водоводното претпријатие тврдеа дека нивниот објект не е дел од „Скопје 2014“, но, сепак, стилот доминантен за овој проект е предвидено да се прошири и под Кале каде што, освен административните згради, во подолниот дел кај полигонот за почетници-возачи се предвидени и хотели со барокни фасади. Според деталниот урбанистички план „СРЦ Кале“, целата парцела за новите простории на градската администрација, која брои околу 500 вработени, се протега на 2.300 квадратни метри, а само зградата ќе зафаќа површина од 1.270 квадратни метри. Објектот ќе има приземје со пет ката, односно висина до 21 метар. Предвидено е да има паркинг и во дворот и во рамките на зградата за да обезбеди 153 места за паркирање. За разлика од „Водовод и канализација“, кои со деталниот план се условени новата зграда да ја изградат во кружна форма, истото не важи и за градската куќа. Градските власти со месеци не ја кажуваа точната локација на новата зграда, а како опции, освен Кале, ги спомнуваа просторот во Градски парк каде што сега се наоѓаат бараките на администрацијата и на Советот и слободните парцели кај обновената црква „Раѓање на Пресвета Богородица“ каде што, исто така, според урбанистичкиот план, се предвидени државни институции. Во образложението на надлежните од Градот, меѓу другото, се вели дека е неопходно да се изградат нови простории затоа што од почетокот на децентрализацијата се зголемил бројот на вработените во градските служби. - Администрацијата е сместена во привремени објекти на земјиште кое што во согласност со ДУП е предвидено за изградба на паркиралиште. Бараките се изградени по земјотресот во1964 година и тие се дотреаени, а за нивното одржување се одвојува голем износ од буџетот. Исто така, самата градба на привремените објекти е подложна на опасност од пожари - стои во одлуката. Освен новата зграда под Кале, предвидено е скопскиот градоначалник да добие свои простории за прием на делегации и во комисијата на Офицерскиот дом, кој треба да се гради во зеленилото пред „Македонски телеком“, каде што и бил пред да го урне земјотресот.

http://vreme.com.mk/DesktopDefault.aspx?tabindex=1&tabid=1&EditionID=2189&ArticleID=152995


Posted By: ebivetre
Date Posted: 16-Dec-2010 at 12:03
http://www.novamakedonija.com.mk/NewsDetal.asp?vest=121610715569&id=14&prilog=0&setIzdanie=22159

Градската администрација под Кале, Офицерскиот дом резиденција

Изградбата на Градската куќа во која ќе биде сместена градската администрација треба да почне во текот на идната година, за што во буџетот се предвидени половина милион евра, плус други извори на приходи


     
     
На плацот на „Водовод“ има место и за новата Градска куќа
Новата зграда за градската администрација дефинитивно ќе се гради под Кале, веднаш до петкатницата што ќе никне на местото на старите бараки на ЈП „Водовод и канализација“. Офицерскиот дом на плоштадот „Македонија“ останува да биде резиденцијален објект на градоначалникот, за организирање свечености, приеми, пречек на делегации. Локацијата на улицата Лазар Личеноски ја одбра градоначалникот Коце Трајановски, поради тоа што земјиштето е сопственост на „Водовод и канализација“, и ситуацијата е чиста од имотноправен аспект.

На денешната 34-та седница на Градскиот совет, Трајановски ќе побара почнување на процедурата за изградба на објектот, за кој во буџетот се предвидени речиси половина милион евра или 30 милиони денари. За изградбата на зградата, во која ќе се вселат 500 вработени, ќе се користат и други извори на приходи.
Иако конкурсот за избор на идејното решение на Градската куќа е завршен уште пред два месеца, од градот не откриваат каков ќе биде изгледот, ниту, пак, потврдуваат дали ќе има барокна фасада. Се претпоставува дека и таа ќе биде во стилот на „Скопје 2014“, затоа што и новата зграда на „Водовод и канализација“ ќе се гради во барок, класицизам или неокласицизам стил.

- Победник на конкурсот за идејно решение е проектот на „Група автори“. Финалниот изглед на Градската кука ќе биде објавен откако ќе се спроведе постапката за изведбениот проект, со оглед на тоа што сегашното идејно решение може да претрпи одредени измени. Предвидениот резиденцијален објект на градоначалникот на плоштадот „Македонија“ останува во оптек, но него ќе го гради Министерството за култура - накратко реферираа од Одделението за односи со јавност на градот.

Според деталниот урбанистички план „Спортско-рекреативен центар Кале“, целата парцела се протега на околу 2.300 квадратни метри, а само зградата ќе зафаќа површина од 1.270 квадратни метри. Објектот ќе има приземје и пет ката, односно висина до 21 метар. Предвидено е да има паркинг и во дворот и во рамките на зградата, со 153 места.

Овој капитален градски проект предизвика многу шпекулации, затоа што во конкурсот за изработка на идејното решение не беше прецизирана локацијата на која ќе се гради таа. За архитектите и за урбанистите беше непоимливо да се прави проект ако не се знае каде ќе се наоѓа објектот. Ситуацијата што ја наметнаа градските власти за нив е надвор од сите задолжителни процедура при архитектонското решавање вакви проблеми, а тука се и сомневањата за евентуални корупциски зделки. Тогаш надлежните постојано нагласуваа дека локацијата не може да се прецизира, затоа што се во потрага по соодветен простор. Во игра беа и локациите кај Старата железничка станица, спроти новата зграда на Министерството за надворешни работи, парцелите кај црквата „Пресвета Богородица“, каде што, исто така, според урбанистичкиот план, се предвидени објекти за државни институции.

Ова не е прва одлука за нов административен објект на градот. Градската администрација е сместена во дотраени бараки, за чие одржување се одвојуваат големи суми пари од буџетот. Според ДУП „Градски парк“, на овој простор треба да се прави паркиралиште.

     
Автор: М.З.


Posted By: zabegan
Date Posted: 18-Dec-2010 at 00:33
не ми е јасно, доколку има идеен проект за градската куќа со друг објект, и друга локација, зошто тогаш се турка Офицерскиот дом и му се изнаоѓаат нови функции само колку да опстане? зарем има потреба од резиденција на градоначалникот, доколку има градска куќа, која патем има и функција на резиденција на градоначалникот!


Posted By: ebivetre
Date Posted: 20-Dec-2010 at 11:47
Originally posted by zabegan

не ми е јасно, доколку има идеен проект за градската куќа со друг објект, и друга локација, зошто тогаш се турка Офицерскиот дом и му се изнаоѓаат нови функции само колку да опстане? зарем има потреба од резиденција на градоначалникот, доколку има градска куќа, која патем има и функција на резиденција на градоначалникот!


Па эа свадби, приеми и такви свечености.. Мене не ми иэгледа лоша эамислата..


Posted By: axel
Date Posted: 24-Dec-2010 at 20:16

Се бара изведувач за Градската куќа


Се бара фирма со лиценца за проектирање градби од трета категорија (основни и средни училишта, спортски дејности, верски заедници, амбуланти и клиники, станбени и деловни објекти), со најмалку пет вработени архитекти со овластување Б за изведба, како и по тројца градежни инженери, машински и електроинженери, ѕидари, водоинсталатери, столари, молери и уште педесетина лица, кои ќе помогнат во изградбата на Градската куќа под Калето

 

 
%20  
За да се пријават на конкурсот за изградба на Градската куќа, фирмите мора да имаат и механизација и тоа два багери, три вибронабивачи, три камиони со носивост над 15 тони, кран со стрела подолга од 12 метри и една автодигалка со носивост над 20 тони. Кандидатите мора да достават докази дека имаат изведено и најмалку три објекти од висока градба во земјата и во странство, квадратурата на изградените објекти да не биде помала од 3.000 квадратни метри, со цена не помала од три милиони евра. Највисок критериум на јавниот оглас според кој ќе се одбира фирмата што ќе го гради објектот во кој ќе биде сместена целата градска администрација е најниската цена. Изградбата на Градската куќа е предвидена со деталниот урбанистички план „Спортско-рекреативен центар Кале“. Аукцијата на пристигнатите понуди ќе се одвива по електронски пат, под услов да учествуваат најмалку пет фирми. Сите заинтересирани фирми што ќе сакаат да се пријават на конкурсот понудите мора да ги достават најдоцна до 31 јануари.

http://www.novamakedonija.com.mk/NewsDetal.asp?vest=122410853255&id=14&prilog=0&setIzdanie=22166


Posted By: lslcrew
Date Posted: 25-Jan-2011 at 03:54
Еден од конкурсните трудови. Инфо нема.




Posted By: mitatos
Date Posted: 25-Jan-2011 at 13:08
Овој проект мислам дека е од игор тој е и наш член на форумов =)

-------------
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)


Posted By: axel
Date Posted: 02-Feb-2011 at 12:09

ЗАВРШИ ТЕНДЕРОТ ЗА НОВИОТ ОБЈЕКТ НА ГРАДОТ

Осум проекти за градска куќа

Од Градот велат дека не можат да ги коментираат пристигнатите понуди сè додека не заврши изборот. Сепак, извесно е дека градбата ќе биде во барок стил, односно ќе содејствува со градбите од "Скопје 2014"

Осум проекти пристигнале до Градот за изгледот на градската куќа, која ќе се гради под Кале. Во моментов од кабинетот на градоначалникот Коце Трајановски ги разгледуваат пристигнатите понуди, по што за околу еден месец ќе се знае каков ќе биде ликот на новиот објект за градската администрација. Од Градот велат дека не можат да ги коментираат пристигнатите понуди сè додека не заврши изборот. Сепак, извесно е дека градбата ќе биде во барок стил, односно ќе содејствува со градбите од "Скопје 2014".
"Изградбата на градската куќа ќе почне напролет, до кога треба да бидат избрани проектот и изведувачот на градежните работи", велат од Град Скопје.
Градската куќа ќе се наоѓа во близина на бараките на ЈП "Водовод и канализација". Ќе зафаќа површина од 1.274 квадратни метри, максимална висина од 21 кат и паркинг-простор за 135 возила. Од буџетот на Градот годинава за изградбата на новиот објект се обезбедени половина милиони евра кои, според процените на надлежните од Градот, нема да бидат доволни, па пари ќе се обезбедат од други извори.
(А.А.)

http://vest.com.mk/?ItemID=F6518F4B7A74C54AB184BEEB275576CF


Posted By: lupo
Date Posted: 03-Feb-2011 at 20:26
Eve vi sega ajde gledajte http://www.flickr.com/photos/7475913@N07/page2/ - http://www.flickr.com/photos/7475913@N07/page2/

-------------
...kaj si kapelo pak ke si kape...


Posted By: гитардемон
Date Posted: 03-Feb-2011 at 20:48
Wow, how surprising дека освои само втора награда проектов. Првата награда несомнено отиде за некој „заслужен“ од типот на Вангел или Коста. Секоја чест за проектов igorius, супер е!

-------------
Arguing on the internet is like running at the special olympics. Even if you win, you're still retarded.


Posted By: my Macedonia
Date Posted: 03-Feb-2011 at 20:53
Od vnatre jako e a od nadvor ne e bas moj favorit!Da imase drug nadvoresen look togas 100% deka kje go zemase prvata nagrada! Super sto imame vakvi arhitekti

-------------


Posted By: гитардемон
Date Posted: 03-Feb-2011 at 20:57
Дека ќе земел прва награда не се лажи, познати се победниците уште пред да почне цела процедура, за жал. Мене екстериерот ми е баш супер, но имајќи предвид дека сакаат уште пет барокни хотели да насадат во тој правец, јасно е дека ова не се вклопува во сликата.

-------------
Arguing on the internet is like running at the special olympics. Even if you win, you're still retarded.


Posted By: lupo
Date Posted: 06-Feb-2011 at 20:05
Cekajte  lugje da go vidime i prvonargadeniot trud, pa posle da komentirale za prvo vtoro mesta. Moze nekoj da go iskopa i pobednikot ili se drzi vo tajnost?

-------------
...kaj si kapelo pak ke si kape...


Posted By: axel
Date Posted: 21-Feb-2011 at 01:11

Се спремаат лопати за Градска куќа и за зграда на „Водовод“

Не само државната администрација, туку и градската ќе добие покомфорни простории за работа во нови згради под Кале, на Кејот на Вардар. Градоначалникот Коце Трајановски наскоро ќе удри камен-темелници за Градска куќа и за нова управна зграда на „Водовод и канализација“ на локација под Кале, имајќи предвид дека за двете ќе се копаат градежни јами. Предвидено е тие да бидат една до друга, на местото на старите бараки на „Водовод“, а за таа цел тие ќе бидат тргнати.

Неделава е склучен и договор за изработка на техничка документација за ископ на јами за наведените објекти со Градежен институт „Македонија АД“. Претходно беа завршени конкурсите за идејни решенија, но надворешните изгледи се чуваат во тајност. Објаснувањето е дека јавноста ќе биде известена кога градоначалникот Коце Трајановски ќе организира јавна презентација.

Советничката група на ВМРО-ДПМНЕ даде негативен одговор на прашањето за изградба во барок стил, кое е најпоставувано по презентацијата на проектот „Скопје 2014“. Но, затоа пак портпаролот на Трајановски, Неделчо Крстевски, ниту негира ниту потврдува дали и Трајановски ќе работи во барок.

За Градската куќа на Кале се знае дека ќе биде висока 21 метар, на парцела со површина од 2.367 квадратни метри. Во неа е планирано да се сместат околу 250 градски службеници, додека пак зградата на „Водовод“ нема да биде сама, туку со придружни објекти.

- Изградбата на нова зграда за „Водовод“ е неодложна бидејќи сегашните бараки на Кале се времени објекти, подарени после земјотресот од државите кои испраќале помош и се солидаризирале со трагедијата. Во изминативе 20 години многупати беше утврдена неопходноста од цврста градба на објект, кој ќе овозможи основни услови за нормално одвивање на работните активности - е објаснувањето околу потребата за управна зграда на јавното претпријатие.

Опозицискиот СДСМ на седница на Советот, на која се усвои Одлуката за деловен објект на „Водовод“, жестоко го критикуваше Трајановски и укажа на нерационалноста на овој потег. Неговиот совет беше да ги пресели вработените во зградата во Бутел, а не да троши пари на нова. Го обвинија дека не знае да ги процени приоритетите на метрополата и дека ова е чаламење со народни пари, имајќи предвид дека водата пред четири години поскапе за 100 насто, а и „Водовод“ продолжува да бележи загуби од околу 60 отсто од вкупно произведената вода.

http://www.time.mk/read/NONE/dda9b52881/index.html


Posted By: my Macedonia
Date Posted: 02-Jun-2011 at 16:42
Skoro 4 proekti dnevno samo vo skopje. Vakvo nesto nemalo nikogas kaj nas. Ej da, i*borite teraat da se fakjas za rabota
ПОКАНА

Градот Скопје Ве поканува на почетокот на градежните работи на новиот објект – Градска куќа, за потребите на администрацијата на Град Скопје, што е закажан за утре /03.06.2011 година, петок/ во 14 часот, на локацијата кај поранешните бараки на ЈП „Водовод и канализација“, под скопското Кале.

На поставувањето камен-темелник на новиот објект за потребите на администрацијата на Град Скопје ќе присуствува градоначалникот на Град Скопје, Коце Трајановски.

http://www.skopje.gov.mk/ShowAnnouncements.aspx?ItemID=4281&mid=482&tabId=1&tabindex=0



Posted By: spaceman091
Date Posted: 02-Jun-2011 at 16:45
pa neli na taa lokacija bese dolniot grad od kaleto ?


Posted By: alexgizh
Date Posted: 02-Jun-2011 at 20:37
Originally posted by spaceman091

pa neli na taa lokacija bese dolniot grad od kaleto ?


Е беше...

За жал не верувам дека некогаш ќе има волја да се истражи, а камоли да се проба да се обнови долниот град... ми се чини дека тоа е загубена кауза.

Како и да е, утре ќе видиме како ќе изгледа и овој објект.


-------------
The only thing necessary for the triumph of evil is for good men to do nothing.


Posted By: lupo
Date Posted: 03-Jun-2011 at 11:18

Изгледот на Градската куќа во Скопје

03.06.2011 - 12:07 |
  • http://www.sitel.com.mk/dnevnik/makedonija - Македонија

Фотографија од идејното решение за изгледот на Градската куќа во Скопје, која треба да се изгради под скопското Кале.



-------------
...kaj si kapelo pak ke si kape...


Posted By: spaceman091
Date Posted: 03-Jun-2011 at 12:24
Originally posted by alexgizh


Originally posted by spaceman091

pa neli na taa lokacija bese dolniot grad od kaleto ?
Е беше...За жал не верувам дека некогаш ќе има волја да се истражи, а камоли да се проба да се обнови долниот град... ми се чини дека тоа е загубена кауза.Како и да е, утре ќе видиме како ќе изгледа и овој објект.


bas za ovaa tematika i volan imase pisuvano tuka no eve i na negoviot blog najdov


http://volanskopje.blog.mk/2011/05/31/predpostavkata-za-izgradbata-na-najavenata-nova-upravna-zgrada-na-vodovod-i-kanalizacija-skopje-vrz-mozhen-arheoloshki-lokalitet-ja-prezema-nova-makedonija/


Posted By: xnx
Date Posted: 03-Jun-2011 at 12:26
znaev deka gornata ne e mozno. iskreno, i porkaj ova sto e kich, poveke lici na gratska kuka otkolku taa gornata, koja sto e ubava no poveke lici na trgovski centar ili deloven objekt


Posted By: Supervisor
Date Posted: 03-Jun-2011 at 12:27
Фантастична градба!!!

-------------
NewYork-London-Paris-Moscow-Tokyo-Skopje


Posted By: Dave Gahan
Date Posted: 03-Jun-2011 at 12:29
Originally posted by Supervisor

Фантастична градба!!!


Како дозна од сликичево, дај објасни ни жити Господ!?

-------------
MAKE CAPITALISM HISTORY


Posted By: my Macedonia
Date Posted: 03-Jun-2011 at 12:52
Dali vi se veruva ili ne, ama mene zgradata mnogu mi se dopagjaCheers


Posted By: mitatos
Date Posted: 03-Jun-2011 at 12:53
Точката бр 4 кај волан е погрешна , таму постојат остатоци од долната кула, и сигурно тука имало влезна порта.

-------------
"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)


Posted By: MGS
Date Posted: 03-Jun-2011 at 12:57
Оваа градба најдобра од сите во Скопје 2014. Браво.



Print Page | Close Window