Расте бројот на продадени нови автомобили

http://www.a1.com.mk/vesti/novinar-email.asp?NovinarID=117&VestID=92778 - Мишко Иванов	http://www.a1.com.mk/vesti/default.aspx?VestID=92778#komentari - Коментари (0)

Расте бројот на продадени нови автомобили во Македонија. Првиот квартал од 2008-ма покажува зголемување за 5,5% во однос на минатата година.

Во 2007-ма продажбата е зголемена за 12% во однос на 2006-та. Продадени се околу 12.000 нови возила.

Но, сепак земјава е многу далеку во однос на европските трендови. Македонија заостанува според процентот на население кое поседува нов автомобил.

Импортерите сметаат дека огромно влијание има и постојаниот раст на цената на бензините.

„Интересот за возила е голем, меѓутоа реализацијата не може да го следи тој развој. Причините се сигурно во зголемувањето на цените на нафтените деривати на светскиот пазар, делумно инфлаторните движења во Македонија итн.“, изјави Златко Муцунски, генерален директор на „Порше Македонија“.

Луѓето во автомобилскиот бизнис потенцираат дека на земјава и се потребни околу 20.000 возила годишно за обнова на возниот парк.

Хрватска и Словенија се далеку пред нас. Во Словенија годишно се продаваат околу 75.000 нови возила.

„Има нагорна линија, но ни случајно не е тоа што треба да биде, кога само ќе се погледне, не треба нешто подалеку во земјите, на нашето опкружување во земјите, да речеме една Хрватска, каде што барем уште три пати од оваа сега годишна бројка треба да биде, значи некаде 40-50 илјади возила“, рече Марјан Миновски, „МИ ДА моторс“.

Поголемиот дел од автоувозниците признаваат дека во последно време со соочуваат и со мали проблеми од централите.

Не можат да добијат нова линија на автомобили, бидејќи Македонија остана една од ретките држави каде се користат неквалитетни бензини.

Во земјава дури 80% од продадените возила се купени на кредит, наспроти 20-те проценти кои се платени во кеш.

„Што значи Македонците се се повеќе заинтересирани за купување на возила на кредит, на лизинг итн., што е тренд и во светски рамки. Од друга страна, лизинг и финансиските институции нудат се подобри услови за купувачите, се борат со каматите, со учествата“, вели Муцунски.

Луксузните брендови на автомобили во Македонија речиси и да ги нема. Се купуваат едвај пет автомобили во годината.

Бизнисот со возила во Македонија вработува повеќе од 1.000 лица. Во автомобилскиот бизнис во земјава се вратат над 90 милиона евра годишно.

Граѓаните се' помасовно купуваат нови автомобили

Во седумте месеци од годинава се продадени 2.347 повеќе возила од лани, се купува и во кеш и на кредит

Александар Пешев

Продажбата на автомобили во државава за перидот јануари - јули годинава е поголема за околу 30 отсто во споредба со истиот период минатата година. Надлежните во бизнисот со автомобили тврдат дека зголемениот интерес за купување нови автомобили се должи на поволните услови што ги нудат банките за кредитирање, како и на можностите да се дојде до нов автомобил преку лизинг. Граѓаните купуваат разни марки автомобили во кеш, на кредит и на лизинг. Независно за кој начин на плаќање станува збор, дилерите се задоволни и во изминатите месеци забележуваат зголемен интерес за набавка на возила. Особено е зголемена продажбата преку банкарски кредит. Според надлежните во „Еуроимпекс“, за шесте месеци од годинава се продадени 860 возила, од кои 85 на лизинг, 260 на кредит и остатокот во готово.

Според податоците на Здружението на автоувозниците на Македонија, при Сојузот на стопанските комори, додека во перидот од јануари до јули 2007 година биле продадени вкупно 5.884 патнички автомобили, годинава во истиот период се продадени 8.231 возило или 2.347 повеќе. Во текот на минатата година во државата биле продадени вкупно 13.937 нови возила.

Пораст бележи и продажбата на товарни возила. Лани, на крајот на јули, биле продадени 737 товарни возила, а годинава до истиот период се продале 951 товарно возило.

Претседателот на Здружението, Златко Калеников, вели дека очекува продажбата на нови автомобили да продолжи да расте.

„Овој раст се должи на економската стабилност, како и на подобрите услови за кредитирање и на лизинг на пазарот. Во поглед на кредитирањето и на лизингот, може да се каже дека конкуренцијата го направи своето. Порано самите автоувозници ги рекламираа можностите за кредитирање, а сега во банкарскиот сектор се создаде конкуренција што ги натера банките сами да ги рекламираат кредитните линии“, објаснува Калеников. Според него, Македонците имаат можности и стандард за купување нови возила, а пазарот има потенцијал за продажба на 25.000-30.000 возила годишно.

Во последниот период се' поактуелни стануваат кредитните линии на банките за купување автомобил. Притоа, кредитите се даваат со прифатливи каматни стапки, од 8,5 до 10,5 во Комерцијална банка, до 7 и 10 отсто во Стопанска, зависно дали учеството изнесува 30 или 10 отсто од вредноста на возилото.

Од НЛБ Тутунска банка даваат пример за купување автомобил на кредит со 72 месеца, или шест години, отплата. За автомобил кој чини 10.000 евра, на пример, се плаќа месечна рата од 122 евра, при учество на една третина од цената на автомобилот. По отплаќањето на кредитот, цената на автомобилот е 2.117 евра повисока од првичната.

Кај лизингот крајните трошоци се повисоки. Според „НЛБ лизинг“, за просечно возило од 10.000 евра, при учество од 30 отсто и отплата на 72 месеца, месечната рата се пресметува на 130 евра. Возилото отплатено со лизинг на крајот е поскапо за 2.537 евра. Но, со земањето автомобил на лизинг, возилото станува сопственост на клиентот на крајот на отплатата, откако ќе бидат намирени сите трошоци кон лизинг-компанијата. Тоа не е случај со кредитите. Веднаш по земање кредит возилото е во сопственост на клиентот.

Од групацијата „Хипо Алпе Адрија“ тврдат дека на домашниот пазар расте интересот за лизинг. Според нив, портфолиото за лизинг во изминатите месеци од годинава, во споредба со минатата година, се има зголемено за 167 отсто.

„Пазарот на лизинг во Македонија допрва ќе се креира. Уште од првата година кога ’Хипо Алпе Адрија‘ влезе во Македонија, пазарот на лизинг е зголемен за 68 отсто“ вели Љупка Наумовска од групацијата „Хипо Алпе Адрија“.

Продажбата на нови автомобили во Македонија се' уште е на скромно ниво во споредба со некои соседни земји. Во Бугарија и во Романија, на пример, каде што и пазарите се многу поголеми, продажбата на нови возила лани достигнала 52.009, односно 352.170 нови автомобили.

патнички автомобили од сите марки

комерцијални возила

лесни и тешки товарни возила

приколки

автобуси

трактори

останати возила

http://www.investicii.com.mk/index.php?option=com_content&task=category&sectionid=3&id=70&Itemid=44 - Лизинг Инфо - www.investicii.com.mk

Во измината година за 7,8 проценти се намалил бројот на нови регистрирани возила, што е најголем пад во последниве 15 години

Бројот на регистрирани нови возила во Европа во текот на 2008 опаднал за 7,8 проценти во однос на претходната година, што претставува најголем пад за последниве 15 години. Овие податоци ги исфрли Европското здружение на производители на автомобили, според кое, лани во Европа биле регистрирани 14,71 милион возила, што е речиси 1,25 милиони помалку отколку во 2007. Најголемиот пад на регистрација на нови возила од ова Здружение утврдиле во ноември за 25,8 проценти, а вториот најголем пад бил забележан минатиот месец за 17,8 отсто.

Здружението тврди дека на западноевропскиот пазар бил забележан пораст на бројот на регистрации само во пет земји: Португалија, Швајцарија, Луксембург, Финска и Белгија. Во другите земји имало опаѓање од 0,7 проценти во Франција до 43,3 осто во Исланд. На пазарите каде преку цела година бројот на регистрирани нови возила надминува еден милион, најголем пад имало во Шпанија за 28,1 процент, што е речиси половина милион помалку од 2007 година. Потоа следат Италија со опаѓање на бројот на регистрирани возила за 13,4 отсто, Велика Британија со 11,3 и Германија со 1,8 проценти.

На пазарите, пак, на 11 земји нови членки на ЕУ, дури во седум се во плус од кои најголем раст е забележан во Словачка од 17,3 проценти, а потоа следат Полска, Чешка, Хрватска и Словенија. Пат е забележан во Романија, Унгарија, Естонија, а меѓу транзициските земји најголемо опаѓање е забележано во Литванија од 41 процент.

Лани продадени рекорден број возила

И покрај светската економска криза, која силно влијаеше врз автомобилската индустрија, во Македонија лани се продадени рекорден број нови возила. Во 2008 година граѓаните и компаниите купиле 17.744 нови возила и во споредба со 2007 година, кога тој број изнесувал 13.937, продажбата е зголемена за 27 отсто, објави Групацијата на импортери на моторни возила при Сојузот на стопанските комори.Според претседателот на Групацијата, Златко Калеников, зголемувањето на продажбата било константно и растело и во последните месеци од годината, кога економската криза стана глобална.

- Светскиот пазар беше предимензиониран пред кризата, но Македонија немаше толкави стапки на пораст на продажбата во претходните години. Ние продаваме петпати помалку нови возила од Словенија, на пример. Реално кажано, кај нас има потенцијал за уште повеќе нови автомобили - објасни Калеников, зашто во Македонија се случува обратен процес на зголемување на продажбата на автомобили за разлика од западните земји.

- Зголемувањето на продажбата се должи на стабилната економска политика, која се одвиваше во изминатите две години во Македонија, како и на зголемена конкуренција на условите на кредитирање и лизинг - додаде Калеников.Според податоците на Групацијата, по месеци, продажбата била повеќе зголемена во првите месеци од годината. Нешто помала продажба е регистрирана во последните три месеци, што оттаму го објаснуваат како последица од светската економска криза. Како уште еден доказ дека кризата нема големо влијание врз продажбата на возила во Македонија, Калеников го посочи фактот дека увозниците на автомобили се едни од најголемите огласувачи во македонските медиуми.

- Ние сме едни од најголемите огласувачи во медиуми, со 25 отсто од рекламниот простор во печатените медиуми и со 13 отсто од рекламните содржини во телевизиите. Во случај економската криза да има поголемо влијание врз нас, тогаш ќе го намалиме буџетот за реклами во телевизиите - вели Калеников.Според статистиката на Групацијата, во 2008 година, од јануари до октомври увозниците на автомобили платиле 27 милиони евра за реклами во телевизиите, а два милиона евра за рекламирање во печатените медиуми.

Од вкупно 17.744 возила продадени во минатата година, во готово се купени над половината - околу 9.000 возила, на кредит речиси 6.000 возила, а на лизинг 2.800 возила. Малку помалку од 50 отсто нови возила во 2008 година се продадени на кредит и лизинг. Според Калеников, порано на кеш продажбата отпаѓало околу 70 отсто, а на кредитната продажба и лизингот останатите 30 отсто од возилата.Во поглед на структурата на моторите, 70 отсто од продадените возила се со бензински мотор, а 30 отсто со дизел. Во однос на зафатнината, околу 62 отсто од новопродадените возила се меѓу 1.000 и 1.500 кубни сантиметри.

Продажбата на автомобили повторно се влошува како резултат на рецесијата и намалената куповна моќ на граѓаните. Во август вкупната продажба на патнички и на товарни возила во Македонија е намалена за 30 проценти во однос на претходниот месец, што е најголем пад што се случил досега во рок од само еден месец. Според последните податоци на увозниците, во јули низ салоните во Македонија биле продадени 1. 011 возила, а во август 712 возила. Намалена продажба е забележана кај 90 проценти од светските марки што се продаваат кај нас. Така, на пример, во август биле продадени само 27 озија „хјундаи“ за разлика од јули и од јуни кога се продаваа по околу 50 возила, 10 возила „мицубиши“, 21 автомобил на „Тојота“. Мало подобрување на продажбата е забележано само кај возилата од марката „шкода“ и „сузуки“. - Продажбата е намалена, месецов не е сјаен. Нема доволно резервации, а и посетеноста во салоните не е како порано. Се надеваме дека наредниот месец ќе биде подобро. Во јули имавме одлична продажба, август не беше лош, а септември е најлош досега и“вели Дарко Димовски, директор на продажба на возилата „форд“. Увозниците на автомобили велат дека продажбата на возила била подобра со попустите што се нуделе во салоните. Но, и покрај ова, единствени што можеле да си купат возила биле побогатите, кои плаќале само во готово. - Банките се со затегнати услови, така што во 75 проценти се купува во готово. Тие што имаа готовина ги искористија попустите и купија нов автомобил, но тоа беа претежно доктори, адвокати, фирми - вели Жарир Филип Хамдан, директор на продажба во „Ауто Македонија“. Во „Ауто Македонија“ се задоволни од продажбата на марките „опел“ и „шевролет“. Хамдан нагласува дека имало затишје во продажбата во август, но тоа, според него, се должи на годишните одмори. - Имавме добри кампањи, со одлични цени на „вектра“, на „каптива“, на „шевролет круз“... „Вектрата“ сега веќе не се продава, така што бидејќи имавме ограничени количини ја продававме за 14.000 евра, а порано беше од 23 до 24.000 евра. Сега „опел мерива“ ја продаваме по цена од 10.500 евра, а нејзината редовна цена беше 14.100 евра и“вели Хадман. Но, според него цените на автомобилите веќе почнуваат да се качуваат нагоре. - Летово, кој имаше готовина искористи. Овој квартал цените на автомобилите што ги увезуваме се зголемени. Цената на „шевролет спарк“ се зголеми за 73 евра, а на „опел“ за 200 евра - вели Хамдан. Намалената продажба на автомобили увозниците ја гледаат во затегнатата кредитна политика на банките, кои се уште не одобруваат кредити за автомобили како лани. Поради ова, граѓаните годинава беа принудени да купуваат автомобили на лизинг и покрај тоа што според увозниците ова е понеповолен начин за купување возило.


Мрак и кај производителите на автоделови

Производителите на автомобилски делови велат дека состојбата досега не е подобрена.
- Договорите се откажани. Бевме во разговори за производство на ретровизори за „пунто“, но ништо не излезе од тоа. Сите колеги во оваа индустрија се во тешка состојба – вели Јаков Наумовски, директор на фабриката „Ибис“ за производство на автоделови.
Драган Бурназовски, директор на компанијата за производство на сигурносни појаси „Амак“ вели дека ќе биде добро тогаш кога ќе ги вратат сите вработени на работа.
- Сме работеле со 900 вработени, а сега само со 250 вработени. Но, очекувавме подобрување. Во фаза сме со протоколи за намера за соработка и производство со светски марки, при што пазарот е загарантиран. За таа цел ќе го разделиме процесот на производство. Значи, веќе не се позиционираме само кон појаси туку и за еколошки издувни системи и топлински разменувачи. – нагласува Бурназовски.


Се очекува нов бран на одземени возила

Граѓаните што зедоа автомобил на лизинг се повеќе доцнат во исплатата на ратите. Од компаниите за лизинг велат дека во наредниот период очекуваат зголемување на бројот на одземени возила.
- Ако деновиве граѓаните што доцнат во исплатата на две рати не ја исплатат и третата, тогаш ќе мора да пристапиме во одземање на возилата што се купени на лизинг преку нашата компанија - вели Ѓоре Андоновски, од „Порше лизинг“, но не прецизира за колку возила станува збор.
Во „НЛБ лизинг“, досега одземале дваесетина возила, а во „Еуролизинг“, бројот на одземените возила од почетокот на кризата е 15 возила.
- Имаме големи тешкотии со наплата на ратите. Од околу 1. 500 возила што ни се дадени на лизинг, со стотина имаме проблеми во исплаќањето – вели Огнен Малевски, директор на „Еуролизинг“.

Кредит или лизингот?

Вработените во салоните сметаат дека е поповолно да се купи автомобил на кредит отколку на лизинг.
- Кредитот е поповолен, рокот на отплаќање е до седум години, а каматната стапка е 10 проценти. Тука единствено повеќе ќе ве чини нотарот каде што ќе треба да платите од осум до десет илјади денари. Лизингот се реализира побрзо, каматната стапка е 11 проценти, а нотарот ќе ве чини 1.500 денари. Разликите се мали, меѓутоа кога земате возило со кредит, возилото се води на ваше име, а кога земате автомобил на лизинг, негов сопственик станува компанијата за лизинг се додека не го исплатите возилото – објаснуваат во продажните салони.

Старите коли со повисоки давачки отколку новите

Кликни на сликата за целосна верзија

Увозниците на нови возила во анализата предлагаат возниот парк да се обнови со нови возила и да се воведат субвенции од 1.000 евра за возила постари од 20 години што ќе се предадат како старо железо

Давачките за старите возила се повисоки од тие за новите, посочуваат увозниците на нови возила во својата анализа, која ја доставија до Владата по најавите дека ќе се дозволи увоз на коли постари од 10 години. Но, премиерот Груевски вчера од собраниската говорница изјави оти смета дека ќе има „многу повеќе позитивни од негативни ефекти од увозот на возила постари од 10 години“.

- Околу една третина од возилата во Македонија се со Евро 0, односно се толку многу стари што воопшто не влегуваат во повисоките еколошки стандарди. Од друга страна, имаме голем број возила со странски регистарски таблички, што претставува сериозно оптоварување за граѓаните што имаат такви возила, а тоа е проблем и за нас и треба да најдеме начин да го решиме - рече Груевски.

Според него, сегашната состојба поттикнува понатамошно купување возила од странство и возење со странски таблички, што во иднина може да придонесе за влошување на овој сегмент.

Увозниците на нови возила во анализата, потпишана од претседателот на ССК, Златко Калеников, предлагаат возниот парк да се обнови со нови возила. Тој предлага да се воведат субвенции од 1.000 евра за возила постари од 20 години што ќе се предадат како старо железо. Тие потврдуваат дека има околу 20.000 автомобили со бугарски таблички и уште 100.000 семејства што би сакале да купат стари возила по пониски цени. Но, се сомневаат дека тие што имаат возила со бугарски таблички имаат и бугарски пасоши, ќе ги увезат во Македонија, односно ќе ги платат давачките за царина и акцизи, кои за некои стари автомобили се дури и повисоки отколку за нови.

- Од искуството во секојдневната работа со продажба на автомобили, над 80 отсто од оваа група граѓани ќе ги задржат бугарските таблички, освен ако не почнат да се запленуваат - се вели во анализата.

Што се однесува до граѓаните што сакаат да купат половен автомобил, сметаат дека тие се подготвени да платат од 1.000 до 3.000 евра за возила со 11-годишна старост и со поминати над 150.000 километри. Но, увозниците пресметале дека таква цена е невозможно да се постигне.

- Едно такво возило до крајниот купувач со таблички би се движело помеѓу 1.800 до 6.000 евра. Редовниот сервис би се движел помеѓу 1.700 до 2.300 евра на три години. Тоа семејство вкупно треба да плати помеѓу 3.700 и 8.300 евра. Во оваа пресметка не е пресметан ризикот на откажување на делови на автомобилот. Ризикот за откажување делови во оваа група е 70 отсто - велат увозниците, прашувајќи „која услуга ја направила државата за граѓаните со оваа одлука“.

Тие сметаат дека државата ќе ги наведе граѓаните своите животни заштеди да ги инвестират во нешто што ќе нема никаква вредност, а за истото во наредните 3 години ќе плаќаат најмалку 50 отсто од парите што ги вложиле.

Увозниците сметаат дека оваа одлука нема да им наштети ним, туку ќе предизвика негативни ефекти, кои ќе ги засегнат државата и граѓаните и ќе го закочат развојот на пазарот на нови автомобили. Во однос на еколошките аспекти, увозниците сметаат дека мерката ќе поттикне поголема потрошувачка на гориво во проценти, односно дека „4 стари возила од овие категории загадуваат колку 7 нови автомобили“.

Тие истакнуваат дека увозот на стари возила ќе го поттикне развојот на „сивата“ економија, „затоа што девизите неконтролирано и масовно ќе завршуваат во готовина во странство, наместо евидентирано да течат низ банкарскиот систем во државата“.

Увозниците се законски обврзани да увезуваат возила по Евро 3-стандардите, а од 2016 треба да се примнат Евро 4. Воведувањето увоз на стари автомобили по Евро 1-стандардите, би ги довела во неправедна положба и нив и нивните потрошувачи. Тие сметаат дека оваа мерка би била спротивна на спогодбата за стабилизација и асоцијација со ЕУ.

Министерот за економија Фатмир Бесими завчера најави дека Владата има намера да го спроведе предлогот.

- Во првите шест месеци од стапување во сила на одлуката ќе важи стандардот Евро 1, а во следните години ќе важи стандардот Евро 2, се' до влезот на Македонија во ЕУ. Ова сега е социјална мерка, а не економска, бидејќи е наменета за сиромашните граѓани да може да се снабдат со автомобили - изјави министерот Бесими. Според најавите, веднаш по првите шест месеци откако ќе важи новата одлука, ќе се намалат и давачките за увоз на возила.

За три месеца увезени 16.000 стари возила

Вкупно се увезени и оцаринети 18.256 возила, од кои само 1.675 се нови

Маја Томиќ

ПРЕМОЛЧАН ДОГОВОР СО ОСИГУРИТЕЛНИТЕ КОМПАНИИ

Да помине летово, зелениот картон ќе поевтини од септември!?

Од транспортните фирми оценуваат дека се чека да мине летниот сообраќаен шпиц, а конечниот збор за поевтинувањето ќе го имаат анализите, што веќе подолго време се прават во Министерството за финансии

Зелениот картон за возилата летово нема да поевтини, но тоа најверојатно ќе се случи веќе од септември. Ваква можност навестуваат претставници од осигурителниот бизнис, од владини кругови, како и од транспортните компании. Министерството за финансии го разгледува повеќе од една година ова многу важно прашање за дополнителна давачка за зелениот картон, која, евидентно е на тапет кај граѓаните, а посебно и кај транспортните и други фирми во земјава. Зошто Министерството за финансии досега не успеа да донесе одлука, како што оценуваат од транспортни фирми во земјава, се должи на еден вид премолчен договор со осигурителните компании за да ја искористат летната сезона, кога и обичните граѓани, но и бизнисот максимално ги користат зелените картони, по што може да уследи бараното намалување на нивната цена. Според информации од Националното биро за осигурување, годишно во просек се издаваат по 100.000 зелени картони.

Од транспортниот сектор ова прашање се предлагаше како една од корпусот на најдобри економски антикризни мерки, кога станува збор за патниот сообраќај, сега е во рацете на вицепремиерот за економски прашања, Владимир Пешевски. Тој неодамна изјави дека намалувањето на дополнителното осигурување за зелениот картон не се очекува да се заврши летово, туку наесен, кога ќе се знае дали ќе има поевтинување, а врз основа на тоа што ќе покажат пресметките.

-Во рамките на третата фаза од регулаторната гилотина е и прашањето за зелениот картон. Откако ќе ги видиме бројките, за тоа колку е наплатена премија, а колку е исплатена штета, како и тоа колку возила патуваат во странство, ќе донесеме одлука. Анализите на Министерството за финансии покажале дека сегашните цени на зелениот картон се добри. Ништо не кажувам однапред, додека не ги видам конкретно бројките. Ако постои простор, реално врз основа на анализите, ќе има намалување на зелениот картон - истакна тогаш Пешевски.

Наспроти ваквите најави, осигурителните компании веќе подолго време се упорни во тврдењето дека високи цени на зелениот картон се наплатуваат поради големиот број нерегистрирани возила од над 30 проценти и затоа што мал број автомобили патуваат надвор од земјава. Анализите што тие ги испратиле до Националното биро за осигурување имаат негативни резултати, во однос на тоа колку исплатуваат за штети, а колку од тоа им покрива наплатата од премиите. Намалувањето на сегашната цена на зелениот картон, велат тие, би била погубна за рентабилноста на осигурителните компании.

Сепак, и осигурителите сметаат дека не е така лоша идејата ако се оди на варијантата сите при регистрација на возилата да плаќаат плус 10 евра, односно тие се согласуваат да дојде до спојување на зелениот картон со премијата од автоодговорност. Тогаш сите граѓани при регистрацијата на своите автомобили ќе треба да плаќаат плус десет евра и ќе можат да излегуваат од земјава колку пати сакаат во текот на годината. Но, притоа, ќе мора да платат и оние што воопшто не патуваат во странство, а вакво решение имаат речиси сите земји во соседството, освен Албанија, Турција и Македонија.

И додека кај останатите држави во регионот годишниот зелен картон е околу 10 евра, македонските граѓани го плаќаат 2.450 денари, со важење од еден месец, 3.670 - за три месеци, 5.500 - за половина година и 9.760 денари за цела година, а, кај товарните возила, на пример, за камион со приколка износот е и значително поголем, околу 650 евра.