После 100 години во населбата Точила се гради црквата св.Петка, со што ќе им се овозможи духовно исполнување на 20 илјади жители од оваа градска населба.

Камен темелникот на црквата е поставен на 8.08.2008 год.

По повод изградбата на црквата на 18.12.2008 година во хотелот „Кристал Палас“ беше организирана Донаторска конференција.

06 December 2011

По барање на жителите на една од најголемите населби во Прилеп, населбата Точила со околу 20 илјади жители, пред неколку години МПЦ започна со израдба на црковен храм после 100 години. Лоцирана на самиот влез во населбата, црквата ќе го носи името “Света Петка”. Градежните работи се одвиваат во зависност од приливот на средства. На последната седница Советот на општината одлучи да издвои дел од буџетот за доградба на црквата и забрзување на изградбата.

Изградбата на црквата во прилепската населба Точила е посветена на трагичниот настан на Карпалак, кога на 8 август 2001 во заседа на терористите беа убиени 10 воени резервисти од Прилеп. Камен-темелникот за изградбата беше осветен на 8 август 2008 година. Се планира градежните работи на црквата “Света Петка” во Прилеп да завршат до декември наредната година.

http://www.informator.ws

Во најголемата прилепска населба Точила се интензивираат активностите околу изградбата на црквата „Света Петка“ во координација со локалната самоуправа. Градоначалникот Марјан Ристески најави дека до крајот на годинава објектот ќе биде доведен до карабина, а посочи и донаторска конференција најдоцна по новогодишните празници за да се обезбедат пари за целосна доизградба на црквата.

Изградбата на црвата во прилепската населба Точила е посветена на трагичниот настан на Карпалак, кога на 8 август 2001 во заседа на терористите беа убиени 10 воени резервисти од Прилеп. Токму камен-темелникот за изградбата беше осветен на 8 август 2008 година. Градежните работи ги изведува прилепската фирма „Теракота“. Во зависност од донациите се очекува црквата да биде готова до 19 декември 2012 година или Свети Никола, кога е патрониот празник на

градот.

Интервју Бранко Нешкоски, директор на ЈП за просторно и урбанистичко планирање

СИТЕ СМЕ ГРАДИТЕЛИ НА ЦРКВАТА СВЕТА ПЕТКА

До крајот на годината ќе биде осветена новата црква Света Петка во Точила во која ќе има канцеларија за промоција на манастирскиот туризам

По еден век во градов се гради нов сакрален објект. Црквата Света Петка во населбата Точила, која е една од најурбанизираните населби со 12 - 15 000 жители, ќе биде место каде граѓаните ќе ги изразуваат своите верски чувства. И во стариот и во новиот ГУП, површината која е во сопственост на МПЦ, била наменета за изградба на сакрален објект. Што значи да се гради црква?

- Оваа генерација е сведок и носител на изградбата на овој објект. Црквите се градат за народот и ги гради народот. Локалната самоуправа се јавува како помош во логистика, поддржувач и организатор на три донаторски конференции. Има иницијативен одбор во кој се познати граѓани, претставници од Локалната самоуправа, од МПЦ, а претседател е намесникот Блаже Станкоски. Се отвори паралелна жиро сметка на црквата, каде што се влеваат и се одлеваат средствата за изградбата на објектот. Од трите донаторски конференции, за кои задоволителен интерес пројавија фирмите и граѓаните, сите собрани средства се вградуваат во објектот кој полека но сигурно расте.

До каде е изградбата на црквата?

- Се лие втората купола, армирачко-бетонските работи се скоро завршени, во тек е издигањето на втората купола. Покрај доминантната црква Света Петка, комплексот ќе содржи, од левата страна камбанарија од 19 метри во истиот стил како црквата, предвиден е да се изгради комплекс на трпезарија за разни намени, меѓу кои и канцеларии. Ќе има канцеларија за промоција на манастирскиот туризам кој на Прилеп му недостасува и не е доволно промовиран. Прилеп по територија е најголема општина која изобилува со најголем број цркви и манастири не само во градов, туку и во опкружувањето. Бисери на овој вид на туризам се Трескавец, каде што идат луѓе од целиот свет да го посетат, Зрзе, манастирот Свети Никола во Мариово, па и Свети Архангел е редок уникатен објект со ретковидена диспозиција и сплотеност на природата и човечката архитектура, симбиоза на градителството и релјефот.

Кога ќе чукне камбаната?

- Неблагодарно е да се зборува за рокови, бидејќи ова не е тендер и динамика како што се објектите со конкретна финансиска конструкција. Се надеваме дека до крајот на годинава објектот ќе биде подготвен за осветување. Тоа подразбира целосно изработен капитален објект, а живописувањето, ентериерните детали ќе се обновуваат постојано. Сведоци сме на црквата Параклис каде до пред некоја година се доградуваше куполата. Дури постои црквата, се доградува. Континуитетот на изградба е додека постои црквата тие детали се финесираат.

Кои се параметрите на објектот?

- Парцелата е 2500 м2, а црквата е со димензии 22 на 16 м, проектирана во традиционален стил, како црквите од тринаесеттиот век со две куполи, со два впишани крста. Материјалите се одлика на ова време, армирано-бетонска конструкција, а надворешната обвивка ќе биде во стилот на црквите од византискиот период. Надворешноста ќе биде во стилот на црквите со кои изобилуваме, т.е. со бисерите на градителското наследство како што се Св. Димитрија, Св. Никола... Сето ќе биде поставено на поплочено плато со материјали кои се карактеристични со акцент на градските фирми. Еснафите отсекогаш ги помагале изградбите на сакралните објекти. Сведоци сме за Трескавец, на секоја соба си има камена табла со натпис од кој еснаф е донирана. Слично ќе повторуваме и овде, методите се исти. Целиот простор хортикултурно ќе биде уреден, а ќе има и две фонтани.

http://10bez10.com/vesti/opshtina/1993-donirani-8-milioni-denari-za-doizgradba-na-crkvata-sv-petka-vo-tochila - Донирани 8 милиони денари за доизградба на црквата Св. Петка во Точила

Иницијативниот Одбор за изградба на Храмот Св.Петка  на денешната прес конференција што се одржа во хотелот „Кристал Палас“ ги запозна новинарите со реализираните донации што беа  остварени по пат на Донаторската Конференција  што се одржа вчера во хотелот „Сонце“ и   граѓанската акција  „Саботно кафе и чај за Св.Петка“ .Со  овие активности кои заеднички ги организираа локалната самоуправа, МПЦ и Иницијативниот Одбор за доизградаба на овој Храм   се инкасираа  8 милиони денари . Иницијативниот Одбор истакна дека годинешната Донаторска конференција  беше поддржана и со акцијата на  прилепските угостители кои прометот  од испиените кафиња и чаеви го приложија  за доизградба на црквата.  Од оваа инцијатива собрани се  144 581 денари, додека од  стопанствениците и бизнис секторот на Донаторската Конференција се собраа 7 милиони и 700 илјади денари.  

Од телефонските линии на трите мобилни оператори досега се инкасирани 69 илади денари, а овие броеви се и понатаму активни за донирање. Градоначалникот Ристески  не скривајќи го своето задоволство од успешниот одзив на донаторите и поддршката на сограѓаните истакна дека има најава за уште најмалку еден милион денари кои се очекуваат да бидат уплатени на жиро сметката   па така ќе може да се има 9 милиони денари финансиска конструкција за комплетно доизградување на црквата и нејзино мало осветување.

Овие средства  ќе се употребат за  надворешната доизградба  заедно со двете куполи, а воедно ќе се бојадиса -  вароса и нејзината ванатрешност.  Подовите ќе бидат со вградено  подно греење,  а ќе биде поставена и комплетна  столарија која  подразбира врати   прозорци  односно црковните транзени.  Средства има и  за изградба на камбанаријата  но и за  партерното уредување пред црквата.

Градоначалникот Ристески подвлече дека црквата „Св. Петка“  во Точила ќе биде еден од најубавите верски објекти  чија автентичност ќе биде дополнета со технолошките придобивки на модерниот век  и тоа ќе ја направи уште подостапна за сите генерации на верници.

http://10bez10.com/vesti/opshtina/1993-donirani-8-milioni-denari-za-doizgradba-na-crkvata-sv-petka-vo-tochila

http://10bez10.com/vesti/opshtina/2871-osvetuvanje-na-crkvata-sv-petka-vo-naselbata-tochila - Осветување на црквата Св. Петка во населбата Точила

Иницијативниот одбор за изградба на црквата Св. Петка, ги поканува сите граѓани да присуствуваат на чинот на осветување на црквата во населбата Точила во Прилеп.

 Осветувањето ќе се одржи утре во 17 часот. 

- http://10bez10.com/vesti/opshtina/2871-osvetuvanje-na-crkvata-sv-petka-vo-naselbata-tochila

http://10bez10.com/vesti/opshtina/2871-osvetuvanje-na-crkvata-sv-petka-vo-naselbata-tochila -
-

Мало осветување на новиот црковен храм „Св.Петка“ во населбата Точила во Прилеп

Во предвечерието на големиот христијански празник Св. Петка  се изврши мало осветување на велелепниот  новоизграден  истоимен храм во населбата  Точила во Прилеп.  Воедно се постави и камен –темелник на новата камбанарија  што следно ќе се гради. На осветувањето присуствуваше и поглаварот на Македонската Православна Црква г. г. Стефан, Митрополитот  Преспанско-пелагониски и  Администратор Австралиско –новозеландски г. Петар, Градоначалникот на Општина Прилеп Марјан Ристески, Претседателот на Совет  м-р Никола Димески и многу други личности од опшествениот  живот како и голем број на верници кои не ја криеја радоста што после цели  100 годнини  добиваат нов верски храм кој по својата големина е втор во пелагониската епархија. Ова велелепно светилиште кое со својата архитектонска и духовна убавина преставува  своевидна потврда за нашиот библиски код започна да се изградува пред шест години, а со денешното внесување на Светиот Антимис  ја доби и духовната димензија  како верски објект  во кој може да се извршуваат различни верски обреди.  Иницијативниот одбор кој ја покрена и спроведе идејата за изградба на храмот „Св. Петка“  заедно со Локалната самоуправа, Градоначалникот Ристески и МПЦ  ја искористија оваа прилика за да  упатат благодарност до  сите верници,  поединци, фирми и институции кои на различни начини го помагаа нејзиното изградување истакнувајќи дека изградбата продолжува во внатрешноста на црквата каде следи  поставување на мермерниот иконостас, сликање на фрескоживописот,  вградување на подно греење,како и  градење  на  административна  зграда и партено уредување на целиот простор.

http://www.prilep.gov.mk/news/mk/malo-osvetuvanje-na-noviot-crkoven-hram-svpetka-vo-naselbata-tocila-vo-prilep/

Фото: Во тек се градежните активности за доизградба на црквата „Св.Петка“

Во  пресрет на големиот христијански празнк  Мала Богородица  градончалникот на општина Прилеп Марјан Ристески ја посети црквата „Св. Петка“ во населбата Точила која неодамна на храмовиот  празник  беше и осветена.

Во црквата моментално во  тек се градежните активности  околу   поставување на подното греење после што ќе следи поставување на гранитните и мермерните плочи со кои ќе биде овој храм поплочен. Во меѓувреме се работи на иконостатсот кој ќе биде иразботен од  најквалитетниот прочуен прилепски бел мермер, а се работи  и на скалишниот простор.

Во  текот на денешниот ден се поставуваше дограмата односно  изрезбарените влезни врати  и  прозорците од оникс кои ќе бидат дел од овој велелепен  храм. Напоредно се работи и на изградба на камбанаријата и средување на дворното место . Градоначалникот Ристески  очекува  следната година на храмовиот празник црквата „Св. Петка“ да биде комплетно завршена  и  во целосна функција за граѓаните и населението од овој крај.

http://setaliste.com.mk
Фото: Златко Андоноски

ПЛАНИРАНИ АКТИВНОСТИ 2017