Почна изградбата на фонтаните на Вардар

За една година треба да бидат изградени двете фонтани на Вардар што беа промовирани како дел од проектот „Скопје 2014“. Ќе ги гради италијанската фирма „Ла Моне Мореда“, која деновиве формира градилиште на Кејот и почна да се подготвува за изградбата.

Фонтаните ќе се наоѓаат сред Вардар, од обете страни на Камен мост - едната пред Музејот на ВМРО, а другата пред зградата на Уставен суд. И двете ќе бидат изработени од армиран бетон, а во нив ќе има вграден систем на никлувани водоводни цевки, кои ќе овозможат од нив да се распрскува вода и од реката Вардар и од подземни бунари.

Надлежните не ги откриваат сумата за изградба, димензиите на фонтаните, ниту пак висината на водениот столб што ќе го формираат.

- Веќе е почната изградбата на фонтаните. Почна изведбата на машинските хали за инсталација на пумпите. Материјалот од кој ќе бидат изработени фонтаните е армирано-бетонски постамент на кој ќе се монтираат прскалки од пониклувани водоводни цевки и прскалки видливо поставени во коритото на реката Вардар. Технолошкото решение е дадено во соодветно изработените изведбени проекти, а водените ефекти ќе ги видиме откако изградбата ќе биде завршена. фонтаните ќе користат комбинирана вода од Вардар и подземна вода. Идејното решение е на „Инпума“ - велат во одделението за односи со јавноста во Центар.

Првично беше најавено дека Италијанците ќе ги изградат фонтаните за седум месеци, но од Општина Центар информираат дека рокот е пролонгиран на една година поради временските услови и високиот водостој на реката. Оттаму додаваат дека досега се работело на подготвителните работи, се испитувале почвата и нивото на подземните води. (М.Д.Т.)

Фонтаните на Вардар ќе прскаат бактерии

Фекално-контаминираниот Вардар содржи ешерихија коли, стептококус фекалис и други бактерии опасни за здравјето на луѓето

Фекални бактерии и стрептококи, исклучително опасни за здравјето на луѓето, ќе летаат од водените млазови на двете фонтани што општина Центар веќе ги гради во коритото на реката Вардар. Фонтаните, кои ќе бидат поставени лево и десно од Камениот мост, ќе исфрлаат водени млазови високи до 30 метри, што значи дека минувачите на мостот постојано ќе бидат заплискувани од водени капки и прав, која под силни млазови ќе се исфрла директно од реката со фекална загаденост од четврти степен.

Фонтаните се градат и покрај одлуката на Уставниот суд, од пред една недела, да се стопираат дел од градбите во ДУП „Мал ринг“. Веќе се монтирани контејнерите за работниците, а транспортирани се и потребните машини.

Од Општината велат дека фонтаната ќе користи комбинирана вода од реката Вардар и од подземни води. Според микробиолозите, капките вода од Вардар, кој е фекално контаминиран, со сигурност ќе ги содржат ешерихија коли, стептококус фекалис и други бактерии опасни за здравјето на луѓето. Од Институтот за микробиологија велат дека луѓето што ќе дојдат во допир со ваква вода, во себе ќе внесат бактерии што предизвикуваат опасни болести, кои понекогаш, ако не се третираат, завршуваат и фатално.

- Реката Вардар е фекално контаминирана. Постарите лица и тие со слаб имунитет може да бидат заразени при минувањето по Камениот мост - потврдуваат и од лабораторијата на Јавното претпријатие „Водовод и канализација“.

Според најавите на општина Центар, веќе е почната изградбата на фонтаните, а се градат и машинските хали за инсталација на пумпите што ќе ја исфрлаат водата. Тие ќе имаат филтер, но тој ќе биде само за габаритни работи, како шишиња, гранки и слично, но секако ќе нема хемиска лабораторија што ќе ја прочистува водата.

- Ако временските услови се поволни, градежните работи ќе бидат завршени во рок од една година. Материјалот од кој ќе бидат изработени фонтаните е армирано-бетонски постамент, на кој ќе се монтираат прскалки од пониклувани водоводни цевки и прскалки видливо поставени во коритото на реката Вардар.

Водените ефекти ќе ги видиме откако ќе биде изведена фонтаната. Идејното решение на фонтаната е ИН-ПУМА, а фонтаните ќе ги гради италијанската фирма „Ла моне мореда“ - велат во општината Центар.

Фонтаните ќе имаат кружна форма, на средината ќе има цевка која ќе испушта млаз висок 30 метри, а од страната ќе има осум помали цевки што ќе испуштаат млазови, високи 7 метри. Цевките воопшто нема да се гледаат бидејќи ќе се постават на дното на реката и ќе бидат практично во вода. Надвор од реката ќе се гледаат само млазовите што ќе ги испуштаат. Фонтаните ќе бидат осветлени со специјални подводни рефлектори.

Водената површина на коритото од Вардар е широка околу 60 метри. Според проектот, фонтаните ќе се поставуваат на средина, а максималниот млаз што ќе биде исфрлан од фонтаните ќе биде висок 30 метри.

"Фонтаните на Вардар ќе прскаат бактерии" 

Не ми се верува колку е полно Скопје со вакви песимисти :S тоа води само кон пропаст, кон ништо друго жално е.

Незнам, мене Вардар не ми изгледа толку загаден. Застанете на пример на мало растојание од водата и гледајте каде што се камењата од коритото (ако е на тоа ниво), ќе видите дека водата и не е толку матна. Мислам дека бојата што ја добива е од талогот (кал, тиња) во коритото.

Да се земе да се исчисти цело корито во Скопје, да се направат каскади и да се постават неколку филтери, чистота значително ќе се зголеми, ако не за капење, барем да може да те испрска на раат, да не се вознемируваш.

Незнам Cloverstack. Можеби си во право. Немам големо знаење во оваа област, води и загаденост.

Мое мислење е дека Вардар не е толку загадена река.

Не ги бранам фонтаните, но и не велам дека нема да испаднат добро, може да бидат и добра работа. За нив немам некое конкретно мислење. Но мислам дека сами по себе и по местото каде ќе бидат се специфични и неконвенционални.

За прочистителен систем, мислам дека може да се среди, односно да се изведе со помалку пари. Само ќе биде потребна креативност и иновативност во тој поглед. Кратко речено, памет. За да се добие потполна функционалност, за помалку пари.

Околу фонтаните. Не се до толку празни во памет. Веројатно претходно се направило студија за проектот. 

јас целосно го поддржувам проектот и сум на иста линија со тебе, што ме чуди со оглед на годините што ги имаш, или ја сум луд или ти си паметен  

1. не се забележани и не се минимизирани,
2. се толку драматични и погубни за човештвото и општото здравје
3. скапи и неизводливи за да мора да се откажеме

SkyBoy што е со луѓето што живеат во центар и што секојдневно го преминуваат тој мост,тие фонатни ќе прскаат вода 24/7 значи секојдневен допир со "бактерии" или ако не секој дневен доволно често.
Сакав да го доловам моментот 1 ден водици во годината и секојдневно изложување на тие честички,на кои не им треба "водено небо"за да предизвикаат последици,особено ако се знае дека на некои делови Вардар е со IV и V степен на чистота

А за кое ниво ме замолуваш воопшто не ми е јасно.

Ако е за тоа, не се возете ни во градски автобус, можете да се задушите потоа не одете покрај улица има премногу издувни гасови за кој сите знаеме дека се штетни по нашето здравје и да не набројувам знаете што сакам да кажам...

Водата ќе биде комбинирана со вода од подземни бунари.

Јас ја поддржувам изградбата на фонтаните пред се поради фактот што Скопје моментално располага со фонтани кој едвај на прсти ке се избријат, а да не збориме за осветлени.

Незнам каква е канализацијата во Скопје. Но ваљда се сведува на неколку главни одводни цевки, и мислам дека не се повеќе од 10-15, може и помалку. Може да се види каде што може да се спојат во една поголема, или нешто слично. А зошто да не може да се постават мали пречистителни станици на сите одводи. И тоа е добро решение. 

Ако збориме за изградба на цел колекторски систем и канализациона мрежа тогаш ќе биде поскапо.

Па добро кога веке ги прават фонтаниве зарем не треба да се направат и каскадните брани на вардар, затоа што ке се гледаат цевките кога ке фатат сушите и ке се гледа дното на коритото. Тоа ке биде една грда слика цевки и песок. Старв ми е некој да не ги пресече цевките за старо железо.

Ај вака со ред..

 

 

Петок   10/24/2008

 

ВЛАДАТА ЌЕ ВЛОЖИ 31 МИЛИОН ЕВРА ЗА ПРЕЧИСТИТЕЛНИ СТАНИЦИ И КАНАЛИЗАЦИИ   Водата од Вардар ќе се пие    До крајот на 2011 година треба да се изградат канализација и пречистителни станици на Вардар во Ѓорче и Сарај, да се изградат колектор за прочистување на отпадните води и камени каскади на речното корито

Министерството за животна средина најави дека во мај следната година ќе почне со изградба пречистителна станица за отпадни води во реката Вардар во Ѓорче Петров за да се заштити од загадување бунарскиот систем на реката Лепенец. Пречистителната станица ќе се гради во населбата Прижна, а средствата за реализација на проектот ќе ги обезбеди Владата. Соња Лепиткова, заменик-министер за животна средина и просторно планирање, вели дека освен пречистителна станица, во Ѓорче Петров треба да се доврши и изградбата на канализациската мрежа, која почнаа да ја градат општинските власти. "Ние ќе ја градиме пречистителната станица, а канализациската мрежа треба да ја заврши Министерството за транспорт и врски. Локацијата за пречистителна станица е веќе одредена, обезбедени се средства за експропријација, тендерската документација се подготвува, и очекуваме во април или најдоцна во мај да почне градбата. Вкупната инвестиција во Ѓорче ќе биде околу 8 милиони евра", вели Лепиткова. Таа објасни дека, според планот на Владата за подобрување на квалитетот на водата во реката Вардар, било договорено во 2010 година Министерството за екологија во Општина Сарај да изгради пет до шест помали пречистителни станици, а Министерството за транспорт и врски да изгради канализација. "Во Ѓорче работите треба да завршат до крајот на 2009 година, во Сарај до крајот на 2010 година, а веќе во 2011 година Министерството за транспорт и врски да изгради голем колектор на Вардар за прочистување на отпадните води, а нашето министерство да направи камени каскади. За овој проект планирано е за трите години да се одвојат околу 31 милион евра, а со негова реализација треба да се намали загадувањето на Вардар и да се подобри квалитетот на водата во реката", вели Лепиткова. Од Министерството велат дека со изградбата на пречистителните станици и канализациски мрежи во Ѓорче и во Сарај и со изградбата на камените каскади во Вардар и колекторскиот систем до Трубарево, квалитетот на водата во реката треба да се доближи до вода за пиење.

Со изградба на каскади, кои треба да го задржат поголемо нивото на водата во летните месеци, градските власти планираат да му дадат нов естетски изглед на Вардар. Проектот каскадни прегради, вклучен во програмата на градоначалникот Коце Трајановски, е замислен за да го реши проблемот со фекалните води, кои ја загадуваат реката. Според објаснувањата од надлежните, каскадите се, всушност, последниот дел од проектот, а претходно треба да се изгради канализација во руралниот дел на општина Ѓорче Петров и да се направат две прочистителни станици, едната во оваа општина, а другата во Сарај. Во Министерството за транспорт и врски, од каде што се префрлаат парите за проектот, велат дека со последниот ребаланс на буџетот се одобрени 60 милиони денари, односно околу еден милион евра за изградба на канализација во општина Ѓорче Петров. - Станува збор за руралниот дел од општината каде што воопшто нема никаква канализација. Тоа се населените места Кисела Јабука, Стопански Двор, Волково, Пржина, поточно од железничката станица во Волково до вливот на Лепенец во Вардар. Мрежата треба да е во должина од вкупно 60 километри и е проценато дека ќе чини 12 милиони евра, а заедно со неа треба да се изгради и прочистителни станица и“објасни Сокол Митровски, градоначалник на општина Ѓорче Петров. Во општината велат дека за пречистителната станица, која е проект на Министерството за животна средина, веќе е избран изведувач, словенечка фирма, а изградбата чини околу шест милиони евра. - Идејата е прво да се исчисти водата на Вардар, а дури потоа да се постават преградите, во централното градско подрачје. Со изградбата на фекалната канализација ќе се овозможи подобар третман на водите на Вардар и тие да бидат од втора или од трета категорија, а воедно и ќе се заштитат бунарите Нерези - Лепенец од кои Скопје се снабдува со питка вода и“додава Митровски. Во град Скопје велат дека се уште немаат информации за димензиите на преградите и како ќе се поставуваат, затоа што проектот се уште само се разгледувал. - Прво треба да се изгради колектор и да се доврши канализациската мрежа. Кога ќе се тргнат отпадните води ќе може да се направат каскадите. Со нив ќе се зголеми нивото на Вардар, водата повеќе ќе се задржува во коритото, затоа што нејзиниот тек ќе се забави. Но, не сме во фаза на, условно речено, проект за изведба, туку се уште го разгледуваме и“вели Неделчо Крстевски, портпаролот во град Скопје. Сегашната состојба со водата во Вардар покажува дека на некои мерни места таа е од втора или од трета категорија, но сепак, во летните месеци квалитетот се намалува и достигнува четврта или петта категорија.

Насипот се прави за во тој дел на вардар да нема вода додека трае изведбата на инсталацијата за фонтанта, не е лесно да се поставува инсталација додека вардар има одредено ниво и струи кој можат да ја отежнат работата.

НАСКОРО ДЕСНАТА И ЛЕВАТА СТРАНА НА РЕКАТА ВАРДАР

Ќе се закитат со фонтани

Од Општина Центар велат дека градежните работи за фонтаната на плоштадот Македонија се одвиваат според динамиката на изградба, моментно се одвиваат градежни и инсталациски работи редоследно според планот за работа. Градежните работи на машинските хали за фонтаните во река Вардар тие се во завршна фаза и во текот на септември ќе бидат интензивирани работите на загатите, приодите кон двете фонтани и изработка на сиповите за темелење на фонтаните

Од левата страна на Камениот мост под полна пареа се одвиваат работите за изградба на фонтана. Во моментов се работи на градежни и инсталациски работи. Поголемиот дел од граѓаните велат дека тоа е добар потег, бидејќи ќе има што да се види.
- Навистина ќе биде прекрасно, конечно и овој дел ќе заличи. Ќе има кај да седиме и да се релаксираме. Секоја светска метропола има фонтани и споменици, па така и нашиот плоштат ќе биде во полн сјај, велат неколкуте граѓани кои ги сретнавме на Камениот мост.

Од Општина Центар велат дека градежните работи за фонтаната на плоштадот Македонија се одвиваат според динамиката на изградба, моментно се одвиваат градежни и инсталациски работи редоследно според планот за работа.
- Градежните работи на машинските хали за фонтаните во река Вардар тие се во завршна фаза и во текот на септември ќе бидат интензивирани работите на загатите, приодите кон двете фонтани и изработка на сиповите за темелење на фонтаните, вели Јовица Ацковски, портпарол на Општина Центар.

Тој додаде дека и на мостот Око се изработени потребните осум пилоти за темелната стопа на столбовите од десната страна на реката Вардар.
- Интензивно се продолжува со работа на упорите на кејскиот ѕид на десната страна на реката Вардар и се преоѓа на левата страна на реката Вардар, вели портпаролот Јовица.
Ова е дел од проектот Скопје 2014 за разубавување на главниот град.

најверојатно Вардар ја оштетил, како што се гледа е смачкана до некој степен, но колку што можев денес да видам од блиску, мислам дека е мал проблем и дека лесно се решава.... тоа мислам дека се делови заварени кои сега пукнале, па би можеле да ги средат брзо.... ако не е така тогаш ново такво.... ваљда не е толку скапо... ваљда има и гаранција.... но зависи и од околностите како се случило оштетувањетот, заштитено, оставњено само така а имајќи во предвид дека има дождови и високи води..... незнам.... тоа останува на компанијата од Италија....

Од Саботата:

Мислам дека ги поставуваа главните доводи за млазовите вода.

Една работа. Вардар нема секогаш ист водостој. јас мислам дека ке одат на повисоко, за во случај да се зголеми нивото, млазот да биде ист. Имајте во предвид дека и малку да е од под вода.... има голема разлика во силата која ке треба да биде употребена за да испуштаат млазови. А со тоа би требало и појаки пумпи, за што се сомневам дека би ги имало..... ај, малку цевка над вода не е ништо страшно, а најверојатно и почисто.... треба да припазат на ова во секој случај....

Незнам... мене фонтаниве некако ми се хммм.... не баш... но еве нека бидат, ваљда ќе ги биде..... Но мислам дека многу подобро би поминале со млазови од страните... како во Струга мислам имаше.... а и осветлувањето мислам дека ќе беше подобро....

По една третина млазови вода од двете страни, мислам на една третина од широчината на Вардар, и во средина една празна.... мислам дека би било подобро.... ако збориме за атракции.... вака и навистина не прави голема разлика или потреба дали би имало или би немало фонтани во Вардар... По некое време ќе станат секојдневие... кој ќе ги приметува.... какви и да се....