http://www.netpress.com.mk/vestiimages/23935/Vlada_Mala_1a.jpg">

Словенечки компанија “Енгро Туш“ најавила инвестирање во изградба на 20 маркети во Македонија, вредни околу 90 милиони евра.

Како што соопштуваат од Владата, директорот на “Енгро Туш“, Јернеј Мур, му го презентирал четиригодишниот план за инвестирање на вицепремиерот Зоран Ставревски.

Мур најавил дека првите два супермаркети, во Штип и во Куманово, ќе почнат со работа во следните два месеци, а годинава ќе почнела изградба на уште четири маркети во Скопје, Прилеп, Струга и во Струмица.

Според најавеното, со оваа инвестиција ќе се отворат нови 700 работни места.

Словенечка фирма ќе гради хипермаркет во Струмица

Струмица, 27 февруари (МИА) - Во рамките на амбициозната четиригодишна програма за отворање на 20 маркети во Република Македонија, за што ќе бидат инвестирани вкупно 90 милиони евра, словенечката фирма „Енгро туш“ планира до крајот на годинава да почне со изградбата на хипермаркет во Струмица, кој ќе зафаќа корисна површина од 4.500 квадрати.

За оваа намена Словенците регистрираа посебно трговско друштво „Туш Македонија“, а неодамна купија и градежна парцела од 10.500 метри квадратни државно земјиште кое се наоѓа на атрактивна локација до новата автобуска станица на транзитниот пат кон Радовиш. Тоа го потврдуваат и во локалната самоуправа на чијашто сметка за преземањето на оваа локација деновиве биле уплатени средства за данок на промет со недвижности.

- Донесувањето на Деталниот урбанистички план за овој дел од градот е во тек. По неговото усвојување од страна на Советот на Општина Струмица, на словенчкиот инвеститор ќе му издадеме одобрени и документација за градба на објектот, изјави за МИА Стојан Динев, раководител на Секторот за урбанизам, комунални работи, заштита на животната средина и локален економски развој.

Покрај продажбата на словенчки артикли во Струмица, „Енгро туш“ ќе врши откуп и ќе ги снабдува своите супермаркети во Словенија и во земјите од Европската унија со свеж, вакумиран и конзервиран зеленчук, како и со други земјоделски производи од Струмичко кои се интересни за европските купувачи.

Групацијата „Туш“ исто така се занимава и со трговија на мебел, текстил, хартија, нафтени деривати, со угостителство и друго.

„Туш“ отвори маркет во Македонија

„Туш“ го отвори својот прв маркет во Македонија. Тоа е прва реализирана инвестиција на оваа групација во вредност од 2,6 милиона евра.

По отворањето на маркетот во Штип, следи отворање на маркет во Куманово.

„Сакаме во Македонија во наредниве пет години да вложиме 60 милиона евра и да изградиме 20 маркета“, изјави Александар Светелшек, генерален директор на „Туш“.

Словенечките компании се заинтересирани за вложување во Македонија, има позитивна бизнис клима, но треба да се поедностави влезот на странските инвестиции, вели Светелшек.

„Не е проблемот во парите и во оперативата, проблем е документацијата“, рече Светелшек.

И словенечкиот амбасадор во Македонија, Алан Бергант, вели дека компаниите од Словенија се заинтересирани за влез на македонскиот пазар.

„Мислам дека словенечките инвеститори се задоволни и затоа ќе дојдат да вложуваат во вашата држава“, вели Алан Бергант, амбасадор на Словенија во Македонија.

Затоа планираат да организираат бизнис конференција во Скопје, за да ги привлечат словенечките компании побрзо да инвестираат на македонскиот пазар.

Куманово според мои информации би требало да се отвори околу 10 Јули најдоцна. Објектот е во финална фаза на изработка, треба да почне да се полни со стоки ѕа 2-3 недели. Според мои информации Туш веќе има 20тина локации купено и во постапка за добивање градежна дозвола. Планот е 30тина во следните 4 години.

АЛЕКСАНДЕР СВЕТЕЛШЕК, ГЕНЕРАЛЕН ДИРЕКТОР НА ГРУПАЦИЈАТА ТУШ

Влеговме во Македонија на голема врата

За нас е важно што имаме купено 15 локации за изградба на супермаркети, а доста далеку отидовме во Скопје со една локација за Планет Туш, кој, најверојатно, ќе почнеме да го градиме од следната година. Со тоа, нашиот развој во Македонија не е доведен во прашање, вели Светелшек

Групацијата Туш е една од најуспешните и најбрзорастечки деловни субјекти во Словенија, која своето работење го шири и на други пазари од поранешна Југославија. Покрај БиХ и Србија, на картата на Туш се најде и Македонија - во Штип е отворен првиот од најавените 20 супермаркети. За бизнис-плановите на Туш во земјава, поразговаравме со генералниот директор на Групацијата Туш, Александер Светелшек.

Пред три години најавивте голема инвестиција и изградба на повеќе супермаркети во поголемите градови во Македонија, но дури сега дојде до конкретна реализација. Што ви го забавуваше влезот на македонскиот пазар?
На секој пазар, каде влеговме во последните години - во БиХ и Србија беше тешко да се почне. Иако сме голема групација, треба време. Треба да се запознаат луѓето, да се вработат правите, но и да се почне да се соработува со вистинските фирми. За нас е важно што имаме купено 15 локации и нашиот развој во Македонија не е доведен во прашање. Работиме со македонски градежни фирми и проектанти и сме задоволни од квалитетот, но морам да кажам дека објектот во Штип го работевме за два месеца подолго отколку во Словенија. И покрај тоа, квалитетот и во Македонија е на исто високо ниво. Поважно е, што во Македонија е многу тешко да се дојде до документи, до урбанистички планови и нивното вадење трае доста долго.

При договарањата за локациите за изградба на супермаркетите, дали наидувавте на некакви условувања, односно уценувања?
Ние во секој град каде влегуваме сакаме нешто да поплочиме, да и помогнеме на заедницата. Со тоа сакаме да покажеме дека сме подготвени да дојдеме и не само да нагласуваме "купувајте кај нас", туку филозофијата и културата на нашата Групација е дека секогаш треба да се вложува во градот каде живеат твоите купувачи.
Сепак, имало случаи понекогаш некој да сака повеќе. Тоа не го сметам за уцена, туку повеќе разговор околу одредени договарања.

Кога реално би можеле во Македонија да видеме некој од мултимедијалните центри Планет Туш?
Скопје е единствениот голем град кој има доволно купувачи и потенцијали за еден ваков објект. Веќе работиме на обезбедување на земјиштето. Заинтересирани сме за повеќе локации и на секоја од нив состојбата е доста сложена. Доста далеку отидовме со една локација, но од разбирливи причини не можам да ви ја кажам. Како и да е, можно е да почнеме да го градиме Планет Туш веќе од следната година. За ваков објект планираме да инвестираме 40 милиони евра.

Досега постојано дониравте средства за социјални, здравствени или образовни установи во државата, каде отворавте супермаркети. Тоа го направивте и во Штип донирајќи 60.000 денари на Дневниот центар за деца со посебни потреби. Дали таа убава практика ќе ја продолжите?
Сигурно ќе продолжиме. Наша желба е што побргу да изградиме што повеќе супермаркети и на тој начин ќе придонесеме со многу повеќе донации. Ќе подготвиме програми за таква намена, како што впрочем правиме и во други земји каде вложуваме не само на отворањето на супермаркети, туку и преку годината. Не вложуваме само локално, туку сакаме да направиме нешто и за целата држава. За да можеме да се впуштиме во таква акција, треба да имаме доволен број на супермаркети и промет.

Очекувате ли, да ви се исплати многу брзо инвестицијата во Македонија, со оглед на тоа што стандардот на македонските граѓани не е така голем како во Словенија?
Нашите проекции на недвижностите ни се правени на 10 години.

Групацијата Туш неодамна беше спомената во една агенциска вест дека е во игра за купување на имотот на турската компанија Мигрос Турк, која е сопственик на скопски Рамстор. Точно ли е тоа или станува збор за новинарска патка?
Точно е. Бевме на разговори, но потоа застанавме. Понудивме цена која можеби на продавачот му се чинеше прениска. По тоа, повеќе не сме разговарале. Ако тие како продавачи не повикаат да разговараме, ние сме секогаш отворени за тоа.

На што Групацијата Туш го должи ширењето на странските пазари?
Во Словенија никогаш не сакавме да бидеме најголеми. Секогаш сакавме да бидеме најдобри, впрочем како што гласи нашата визија: "Да бидеш продавач на најголем број задоволни купувачи". Сметавме дека е доволно околу 20 проценти од пазарот во Словенија да е наш. Пред четири-пет години размислувавме или ќе одиме со нешто друго поврзано со трговија, или со ова што го имаме да се шириме во странство. По долги дебати и анализи одлучивме да одиме со овој корпоративен бизнис во други држави. Во Словенија веќе нема место за наше ширење.

Во словенечките медиуми се појавија шпекулации дека зад растот на трговскиот ланец Туш стои австриската компанија Билла. Колку има вистина во тоа?
Кај нас велат: кога си на врвот на Триглав, тогаш сите стрели паѓаат на тебе. Ние во Словенија направиме како ниту една друга компанија и сега има многу приказни. Сите знаат дека имаме еден сопственик, дека нашите финансиски резултати се јавни.

Групацијата Туш е присутна и во бизнисот со бензиски пумпи, телекомуникации и енергетика. Дали се презаситивте со трговијата или на тој начин ја зацврстивте позицијата во Словенија?
Имаме три милиони купувачи месечно. Секогаш сме размислувале што би можеле да им дадеме нешто повеќе. Така дојдовме до идејата за Планет Туш, да направиме забавен центар, каде може да се дојде не само да се купи, туку и да се забавува. Сето тоа е поврзано со маркетинг - ако купиш во маркетот добиваш карта за еден час боњлинг. Сакаме да им понудиме на луѓето кои се наши купувачи нешто повеќе од конкуренцијата. Потоа на нашите купувачи решивме да им продаваме поевтин бензин ако купат од наша пумпа, или да имаат бесплатен ГСМ, или за пола цена да летуваат некаде и слично.

По сведувањето на билансот од попмезното отворање во Штип на првиот од предвидените неколку трговски центри на словенечки Енгротуш во Македонија, статистиката покажува дека во првиот ден од отварањето граѓаните на Штип и останатите посетители од рафтовите најмногу купувале
банана.

Како што јави дописникот на Нетпрес, тој ден “Туш“ продал пет тони банани по цена од 39 денари за килограм. За првиот ден, педантните статистичари на “Туш“ пресметале дека во касите на супермаркетот во Штип се слеани над 20 илјади евра. За генералниот дирецтор на ланецот супермаркети Туш, Александар Светелшек, ова е повеќе од оптимистичен знак дека со својот асортиман од 14 илјади производи и цените прифатиливи за секого, Туш е прифатен од сите социјални слоеви на граѓани.

Словенечки Енгро туш ќе гради два хипермаркета во Прилеп

Туш отвори супермаркет во Велес