http://www.kumanovonews.com/vesti/vesti/se-mestat-semafori-kaj-noviot-pazar.html - Се местат семафори кај новиот пазар

 Семафорите сe поставуваат со цел да го регулира сообраќајот во овој дел на градот, каде што поради неприлагодена брзина и непочитување на сообраќајните прописи често се случуваат сообраќајни несреќи, велат од локалната самоуправа.

 Секторот за сообраќај со проет за вертикално и хоризонтално обележување во градот сака да го реши сообраќајниот метеж во централното градско подрачје. Неодамна, како дел од истиот проект беа поставени семфори на раскрсницата на улиците „11 Октомври„, „Гоце Делчев„ и „Доне Божинов„.

http://www.kumanovonews.com/vesti/dnevni-vesti/se-rekonstruira-industriska.html - Се реконструира „Индустриска“

Досега се санирани 5000 квадрати,бидејќи имаше наноси од земја, па прво нив ги отстранивме и останува уште да се стави нов слој на асфалт со што ќе биде комплетно реконструирана улицата. Се надеваме до почетокот на септември дека ќе биде готова, но сепак се зависи и од финансиските средства - изјави Момчило Јовановски, помошник раководител во Секторот за урбанизам.

Реконструкцијата чини околу 16 милиони денари, бидејќи улицата беше многу оштетена поради и таму се движат потешки возила па се неопходни поголеми зафати. Оваа инвестиција е една од поголемите, а работите ги изведува Хуљуси Комерц.

Обновени легнатите полицајци во Куманово

На најфреквентните сообраќајници во Куманово се поставуваат лежечки полицајци или се обновуваат таму каде што се оштетени.

Според Момчило Јовановски од Секторот за урбанизам во локалната самоуправа, ќе се постави и нова хоризонтална сигнализација. Проектот изнесува два милиона и сто илјади денари.

Иако постојано се апелира до учесниците во сообраќајот да ги почитуваат сообраќајните правила и прописи, Куманово не може да се пофали со сообраќајна култура на возачите. Лежечките полицајци дел од несовесните возачи ги избегнуваат со возилата искачувајќи се на тротоарите, со што се загрозуваат пешаците. И покрај воведување еднонасочен сообраќај на улиците во централното градско подрачје во најфреквентните периоди од денот, како и во вечерните часови, тротоарите стануваат паркиралишта на возилата чии сопственици се забавуваат во блиските кафулиња. Тоа им создава проблеми на пешаците, кои не се безбедни при движењето. (С.А.Ј.)

http://www.kumanovonews.com/vesti/dnevni-vesti/ucenicite-vo-kojnare-ce-gazat-po-asfalt.html - Учениците во Којнаре ќе газат по асфалт

Станува збор за патот од мостот кај добиточниот пазар до училиштето, кој што жителите од населбата, учениците и наставниците го чекаат подолго од 70 години.

Проектот за патот го изработи Ј.П.„Водовод“, кој има дозвола за градба,а работите ги изведува градежното претпријатие „Хуљуси комерц“. Патот е во должина од 700 метри со околу 4000 квадратни метри асфалтна површина. Проектот чини околу 4,5 милиони денари - вели градоначалникот Зоран Дамјановски.

За неколку дена се очекува патот да биде завршен, да се направи технички прием и на свечен начин да биде пуштен во употреба, пред почетокот на учебната година. Од реализацијата на проектот задоволен е и директорот на Горан Јовановиќ.

Со децении го чекаме овој пат и многу значи за училиштето, бидејќи се решава еден голем инфраструктурен проблем - рече Јовановиќ.

http://www.kumanovonews.com/vesti/dnevni-vesti/ucenicite-vo-kojnare-ce-gazat-po-asfalt.html

Улица Поток Серава -  во должина од 1362 метри и површина од 7756 м2 дебелина од 10 см . По претходна спроведена тендерска постапка со работа се започна 10.06.2010 година  и е завршено во рок и согласно со динамика на работење кој е утврден со  договорот. Догооврот е склучен со МАВРОВО ИНЖЕНЕРИНГ од СКОПЈЕ . Вредноста на целосниот проект е 16 000 000 денари. Пуштањето во употреба го изврши Градоначалникот на Општина Куманово Зоран Дамјановски.

Пајакот ќе плете сообраќаен ред

Воведувањето на пајак-службата и зонско паркирање во Куманово ќе го потсреди сообраќајниот хаос и злоупотребата на паркинзите и дивото паркирање, велат во локалната самоуправа. Оваа новина предизвика реакции кај советниците од опозициската коалиција на ВМРО-ДПМНЕ, која смета дека градоначалникот и неговите служби се виновни за сообраќајниот хаос особено во централното градско подрачје. А, како што велат, зонското паркирање и пајак-службата ќе биде само уште една можност за удирање по џебот на граѓаните.

Советникот Бобан Николовски од ВМРО-ДПМНЕ вели дека за решение на сообраќајниот хаос не се доволни два-три килограми боја на улиците, за обележување на паркинг-местата, туку треба да се изгради катна гаража, која градоначалникот Зоран Дамјановски ја вети како капитална инвестиција во предизборниот маркетинг.

Градоначалникот Дамјановски одговара дека локалната самоуправа е свесна за сообраќајниот хаос и сака барем да го намали. За незапочнатите капитални инвестиции тој вели дека од Министерството за транспорт и врски се чекало одобрение за корисничко право на земјиштето.

- Сите овие одлуки се во надлежност на Министерството за транспорт и врски. Тоа јасно укажува каде е вината. Едната подземна катна гаража е планирана на плоштадот, а другата во административниот центар „Чоробенско ќоше“. Но и двете капитални инвестиции с` уште се во надлежност на Министерството за транспорт и врски. Затоа барам соработка од опозицијата заеднички да го решиме проблемот и да го оставиме политичкиот популизам - вели Дамјановски.

Според него, со изградба на двете катни гаражи ќе бидат обезбедени 1.260 паркинг-места.

- Катните гаражи ќе се градат со јавно-приватно партнерство, бидејќи со нашиот буџет овие проекти сами не можеме да ги реализираме - вели тој.

До изградба на катните гаражи локалната власт е принудена да го намали сообраќајниот метеж во центарот на Куманово со воведување на зонско паркирање со привремено ограничување и пајак-службата, која ќе ги отстранува непрописно паркираните возила.

- Во Куманово има над 30.000 регистрирани возила, а проблемот со паркирањето локалната самоуправа настојува да го реши со зонско паркирање. Употреба на пајакот не е само во служба на зонското паркирање и наплата за паркирање, таа е во служба на елиминирање на неправилно паркирање кое ја нарушува безбедноста на пешаците и на останатите учесници во сообраќајот - вели Дамјановски.

Општинскиот секретар Оливер Спасовски посочува дека моментно има обележени 754 паркинг-места, а со зонското паркирање овој број ќе се зголеми трикратно или четирикратно.

Пајак-службата ќе работи во рамките на ЈП „Чистота и зеленило“.

- Возилата ќе бидат отстранувани во соработка со полицијата и ЈП „Куманово-паркинг“. Возилата ќе се носат на депото на „Чистота“ - вели директорот на „Чистота и зеленило“, Сашо Петрушевски.

Директорот на ЈП „Куманово-паркинг“, Трајче Трајковски, вели дека нивната обврска е доследно да го спроведуваат законот. Тој додава дека поради злоупотребата на некои возачи на непропишаните места за паркинг во централното градско подрачје, пешаците се принудени да се движат по сообраќајните површини.

- Не може некој да го остави возилото паркирано и тоа да стои по половина месец со натпис дека се продава - вели Трајковски.

Пајак-служба во Куманово имаше и кон крајот на 90-тите години од минатиот век. Таа беше укината затоа што најчести прекршители на законот беа некои од тогашните локални моќници, кои не само што не ги плаќаа казните, туку предизвикуваа физички конфликти со службата.

http://www.kumanovonews.com/vesti/vesti/se-gradi-patot-vo-tromedja.html - Се гради патот во Тромеѓа

Семејствата од овој дел од селото се приклучија на канализациониот систем, а сега ќе добијат и асфалтен пат.  Вредноста на прокетот е 100 илјади евра. Работите ги изведува претпријатието Пелагонија. Истовремено ќе се врши санација на патот кон Амбар маала, како и реконструкција на патот во населбата Иго Тричковиќ- изјави градоначалникот Зоран Дамјановски, кој денеска беше на лице масто да види како се одвиваат работите на терен.

 Со изградба на овој пат, жителите од ова населено место ќе имат подобра врска со градот.

http://www.kumanovonews.com/vesti/vesti/pelinska-horor-ulica.html - „Пелинска„ - хорор улица

Со други зборови, во срцето на градот. Деновиве до „дежурниот„ репортер на Kumanovonews се обратија станарите во споменатата 11-катница со аларм дека им е дојдено преку глава од тоа што се случува со сокачето именувано како улица „Пелинска„.

„Пред влезот на нашата зграда во последно време по неколку пати дневно минуваат „миксери„ со бетон од триесет до четириесет тони и решето ја прават инфраструктурата на улучката што не е правена да носи вака тешка градежна механизација. Башка дупките се полни со кал и вода. Ја уништија подземната фекална канализација и цевките за атмосферска вода. Нон-стоп одиме и молиме во ЈП ,,Водовод‘‘ да ни ја поправаат канализацијата. Фекалните води влегуваат во просториите на етажната котларница во која не се влегува од смрдеа. Валканиците и калта што ги газиме пред зградата ги внесуваме во ходниците и лифтовите, односно во становите. Никако не успеваме да ја одржиме хигиената на зградата‘‘ - се жалат станарите на 11-катницата.

Во суштина, што е проблемот. Според револтираните граѓани од оваа станбена зграда, надлежните во гратската управа треба да ѕирнат во сокачето ул.„Пелинска„ и да видат што се случува. Ако е точно дека по сокачето, на кое патем живеат околу седумдесет семејства вклучително и неколкуте станбени згради, катадневно се пренесуваат тони и тони градежен материја со тешки товарни возила, некој мора да се замисли и да преземе неопходни мерки. Каде е комуналната инспекција, каде се одлуките на Советот на општината „секој што ќе прекопа улица или тротоар, должен е да ја врати во првобитната состојба„. Граѓаните што во случајов со право и се лутат на гратската управа, посочуваат дека уништувач на нивната уличка е инвеститорот и изведувачите на градежните работи на новата станбена зграда на локалитетот „Табакана„. Се чини улицата „Пелинска„ е единствен или најлесен приод до градилиштето. Инаку, сокачето е мошне фреквентно за пешаци, не само за станарите кои во случајов се јавуваат како единствено засегнати. Се надеваат дека пораката ќе стигне до совеста на надлежните во градот, а особено до тие што неодговорно ја експлоатираат со својата градежна механизација. Исто така и ќе се сетат да ја асфалтираат за да не се разнесува калта низ тој дел од градот.

http://www.kumanovonews.com/vesti/vesti/za-krpenje-dupki-lani-potroseni-6-milioni-denari.html - Зa крпење дупки лани потрошени 6 милиони денари

Како што стои во Извештајот на Секторот за урбанизам, комунални дејности и заштита на животната средина при Советот на Општината Куманово, средствата се потрошени за однапред предвидени и програмирани позиции како што се пробивање и изградба на нови улици и прометни површини, крпење на ударни дупки со асфалт, вградување на тампонски материјали, замена на истрошени ивичници и на шахти и други зафати.

Околу шест милиони денари потрошени лани за ,,крпење‘‘ на дупките по коловозите и за, какво такво, комунално суредување на нашите улици. Малку или многу ? - ќе праша некој. Колку што има пари (општинските буџети вечно кубурат со средства) - доволно е сработено во секторот на комуналната инфраструкура. Барем така се согласија советниците на претпоследната седница на Советот при отчетот на комуналците за тоа што сработеле во минатата година. Доволно за советниците, но малку за нас граѓаните. Ние секој си имаме свое сокаче и сакаме да куртулиме од дупките и од газењето кал. Особено по т.н. забутани делови од градот и по перифериите. А градот е распослан на огромно подрачје: од Лопате до Доброшане, од Черкезе до Тромеѓа, од Бабин дол до Горно Којнаре. И којзнае до кога и до каде ќе се шири овој, за наши услови, град - мегалополис.  Злобниците би рекле: е, па нема ем ем! Ем огромни куќи и дворови, ем широки улици и тротоари. Цела среќа во оваа сиво - розова комунална приказна е што немаме случај на некој несреќен проект од типот ,,Скопје-2014‘‘ ако, скраја да е, нашиве гратски татковци немаат нешто скриено за да го обелоденат во каппањата за евентуално предвремените парламентарни избори околу кои власта и опозицијата деновиве жестоко си ги кршат копјата. Што се однесува до тоа ќе имаме ли некогаш доволно пари за да си ги удоволиме сите желби на планот на комуналното уредување - здравје!

http://www.kumanovonews.com/vesti/ekonomija/asfaltirana-ulica-vo-tromedja.html - Асфалтирана улица во Тромеѓа

Со асфалтирање на улицате се заврши комплетната инфрастуктура во тој дел на селото, бидејќи предходно беше поставена водоводна и канализациона мрежа. Оваа улица многу значи за жителите од нашата населба бидејќи повеќе нема да газиме кал-изјави Моме Антиќ, претставник од селото.

Градоначлникот најави нови инвестиции во селото.

За неколку дена ќе започне реконструкција на патот во Амбар маало. Истовремено ќе започне и изградбата на улицата 400 што директно ги сврзува црквата во селото Тромеѓа и училиштето во Пуковско. На новите улици ќе биде поставено и комплетно осветлување. Со тоа ги исполнуваме условите за урбано живеење на граѓаните од оваа населба-рече градоначалникот  Дамјановски.

Задоволни што конечно ќе газат по асфалт, а во знак на благодарност кон локалната самоуправа дел од жителите предложија улицата да го носи името на градоначалникот. Во селото Тромеѓа живејат голем дела на млади семејства и има зголемување на бројот на учениците, поради што се планира да се реконструира и догради подрачното училиште. 

http://www.kumanovonews.com/vesti/vesti/asfaltirani-nekolku-ulici-vo-gradot.html - Асфалтирани неколку улици во градот

Станува збор за улиците „Вардарска„ , „Трст„ , „Вараждинска„ и „Иво Милутиновиќ„  кои се целосно поправени и асфалтирани, за што се потрошени околу 7 милони денари.

Улиците „Вардарска„ и „Трст„ беа комплетно уништени, поради што беше потребно да се нанесе нов слој на асфалт и да се поправат ивичниците. Проектот чини два милиони денари, а улиците се во должина од 380 метри. На улицата „Вараждинска„ имавме проблем кој со децении ги мачи жителите, бидејќи по обилните дождови куќите  им се поплавуваа. Поради тоа овде е поправена атмосверската канализација со поврзување на соседните улици. Инвестицијата е тешка 4 милиони денари, а улицата е во должина од 680 метри и 190 метри канализациона мрежа-вели градоначалникот Дамјановски.

На улицата „Иво Милутиновиќ„ постоел повеќегодишен проблем околу поставување на канализационата мрежа. Проблемот е надминат и улицата е целосно асфалтирана во должина од 180 метри, а проектот тежи околу 1 милион денари.

 Градоначалникот најави дека утре ќе започне изградбата на спортска сала во основното училиште „Христијан Карпош„ во населбата Перо Чичо. 

http://www.kumanovonews.com/vesti/politika/se-asfaltiraaat-tri-soobracajnici.html - Се асфалтирааат три сообраќајници

Улицата „Бранко Радичевиќ„ е во должина од 650 метри, а ќе бидат изградени два потпорни ѕида и атмосферска канализација. Проектот чини 11,5 милиони денари. Во моментов исто така се работи и на реконструкција на улицата „400„ во населбата Иго Тричковиќ во должина од 910 метри, која чини 15 милиони денари. Истотака мината недела започна и реконструкцијата на локалниот пат од селото Клечовце кон селото Војник во должина во должина од 5.6 километри,но тоа оди преку Агенцијата за државни патишта- вели Момчило Јовановски, заменик раководител во Секторот за урбанизам.

Од општината најавуваат дека се подготвува документација за реконструкција на уште неколку улици во градот.

http://www.kumanovonews.com/vesti/ekonomija/se-raboti-na-patot-vo-klecovce.html - Се работи на патот во Клечовце

Инвестицијата е вредна 1,5 милион евра, а средствата се обезбедени од Европска Банка.

Патот е неопходен и за жителите на селата Бељаковце, Довезенце, Јачинце, Косматац, Мургаш и Зубовце, поради што општината го стави на листата на приоритети и го вметна во годишната програма за изградба на инфрастуктурата. Сега се работи на тампонирање на патот, а следната фаза е негова финализација и ставање на асфалтен слој-  рече градоначалникот Зоран Дамјановски, кој пред неколку дена го посети градилиштето.

Наскоро ќе се обновуваат и патните правци во селата Карпош-Зебрњак и Сопот-Сушево.

http://www.kumanovonews.com/vesti/dnevni-vesti/se-poprava-glavnata-ulica-vo-igo-trickovic.html - Се поправа главната улица во Иго Тричковиќ

Градежните работи се во тек и се работи на проширување на сообраќајницата, по што ќе стави асфалтен слој. Улицата е во должина од 910 метри, а чини 15 милиони денари. Граѓаните велат дека таа е од витално значење за жителите од оваа населба и соседната Тромеѓа, бидејки поради големата фрекфенција на возила и пешаци често се случуваат сообраќајни незгоди, а кога ќе падне дожд и снег во дупките од улицата ги кршат колите.

    //upload.wikimedia.org/wikipedia/commons/a/a7/Tonopah_NV.jpg">

Главната улица во Тонопа (Невада), гратче со околу 3000 жители:

http://www.kumanovonews.com/vesti/ekonomija/zonsko-i-nad-gradskata-dzamija.html - Зонско и над Градската џамија

Деновиве се исцртани паркинг местата, и како што информираат од ЈП „Куманово-паркинг„, во наредните неколку дена ќе бидат поставени информативни табли, по што ќе започне наплатата. Од истиот датум ќе се наплаќа и на паркинг просторот кај Сума.

Со овие активности ја завршуваме првата фаза за паркирање во А зоната и до крајот на годината нема да се работи на други локации. Втората фаза, која опфаќа обезбедување на паркинг места во поширокото градско подрачје, ќе ја реализираме во текот на наредната година- вели Мартин Михајловски.   

Од претпријатието се задоволни од функционирањето на паркинг службата, бидејќи во градот се создаде простор за нормално паркирање и функционирање на сообраќајот.

http://www.kumanovonews.com/vesti/dnevni-vesti/pukovsko-dobi-bulevar.html - Пуковско доби булевар

Овој дел од градот со години имаше проблеми поради неизграден инфраструктура, но како што гледате почнавме да ги решаваме тие проблеми. Во должина од 500 метри реконструирана е улиците 425, а целосно е изградена улицата 400 каде е поставено и улично осветлување. Со тоа отпочна процесот на инвестиција и се надевам дека наскоро жителите на оваа населба ќе имаат сите услови за урбано живеење - изјави градоначалникот Зоран Дамјановски.

За изградба и реконструкција на двете улици општината потроши околу 20 милиони денари. На улиците ќе бидат изградени и тротоари.

Градоначалникот ни вети дека ќе ни изгради улица, но изгради булевар во нашата населба. Затоа во име на сите жители на населбата, сакам да се заблагодарам на луѓето во општината Куманово, кои имаа разбирање за нашите маки и помогнаа во изградбата - изјави претседателот на месната заедница Светозар Стефановски.

Во населбата беше организирана свеченост на која пееше Милица Кузмановска.

http://www.kumanovonews.com/vesti/dnevni-vesti/poplocena-ulica-vo-tode-mendol.html - Поплочена улица во Тоде Мендол

Улицата е во должина од 150 метри, а нејзината реконструкција со поставување на водоводно-канализациона мрежа и бекатон плочки чини 60 илјади евра.

Ова значи многу за жителите на оваа улица, бидејќи се подобруваат условите за живот со тоа што добивме комплетна инфраструктура. Повеќе нема да газиме кал како во изминатите години, и улицата сега приличи на времето во кое живееме- вели советникот Дритан Рамадани.

Градоначалникот Зоран Дамјановски, кој ја пресече лентата најави дека ќе локалната самоуправа ќе продолжи со инвестициите во оваа населба, како повеќе проекти во населените места каде што претежно живее албанско население.

http://www.kumanovonews.com/vesti/ekonomija/asfaltirana-ulica-vo-naselbata-karpos.html - Асфалтирана улица во населбата Карпош

Улицата е во должина од 1160 метри, а го спојува стариот пат за Крива Паланка со Никуљски пат, покрај барата. Патот го предаде во употреба градоначалникот Зоран Дамјановски и пратеникот Оливер Спасовски.

Овој пат е од големо значење за жителите на самата улица, но и на целата населба, бидејќи спојува две значајни сообраќајници и ја подобрува патната инфраструктура. Општината и досега инвестираше во решавање на комуналните проблеми на граѓаните, а ќе продолжи и понатаму -рече градоначалникот.  

Проектот чини 11 милиони денари, сретства од општинскиот буџет.

http://www.kumanovonews.com/vesti/ekonomija/asfaltirana-ulica-vo-naselbata-karpos.html