Изградбата на новиот булевар Македонска војска во општина Ѓорче Петров е при крај и новата сообраќајница се очекува да биде пуштена во употреба до средината на ноември. Градежните работи почнаа пред неколку месеци на потегот од улицата 4 Јули, покрај црквата "Св. Петар и Павле" кон улицата Ѓорче Петров во должина од 630 метри и 7 метри широчина.
- Планирани се 4 коловозни ленти, но проектираното ќе биде комплетно завршено и булеварот ќе го добие вистинскиот лик по дислоцирањето на единицата на противпожарната бригада и рушење на објектот во кој сега е сместена оваа единица. Дотогаш, во функција ќе бидат само три ленти од булеварот - информираат општинарите.

Со новата сообраќајница ќе се реши проблемот на жителите од урбаните заедници Даме Груев, Волково, Ново Село и другите општини кои живеат во северозападниот дел на општината. Тие ќе можат безбедно да стигнат до крајната дестинација и ќе го избегнат метежот на крстосницата што ги спојува булеварот Партизански одреди, 4 Јули и улицата Лука Геров. Со изградбата на булеварот Македонска војска овој проблем ќе се надмине, а сообраќајниот метеж ќе се среди.

http://vecer.com.mk/?ItemID=B6A00830488E9F4592490ED12854D3E4

Завршува првиот дел од изградбата на булеварот „Македонска војска“

Mоментo се работи на потегот од улицата „4 Јули“, покрај црквата „Св. Петар и Павле“ кон улицата „Ѓорче Петров“

Првата фаза од изградбата на булеварот „Македонска војска“ во Ѓорче Петров ќе заврши кон средината на ноември. Во моментов се работи на градежните работи на потегот од улицата „4 Јули“, покрај црквата „Св. Петар и Павле“ кон улицата „Ѓорче Петров“. Во првата фаза се гради булевар во должина од 630 метри и седум метри широчина.

Планирано е булеварот да има четири коловозни ленти, но улицата ќе го добие вистинскиот лик по уривањето на објектот во кој е сместена единицата на противпожарната бригада. Дотогаш, во функција ќе бидат само три ленти од булеварот. Улицата ќе има целосна атмосферска канализација, тротоари и осветление. Инвеститор на проектот е Градот Скопје, кој за првата фаза од буџетот има издвоено 21 милион денари.

Во втората фаза, последните 1,2 километри со новата сообраќајница ќе го поврзат стадионот на фудбалскиот клуб Македонија Ѓ.П.. Идејата на општинарите е да се обезбедат услови за пристап кон стадионот заради одржување меѓународни натпревари. Со изградбата на булеварот, општинарите очекуваат и решение за сообраќајниот метеж.

„Навистина е проблем за жителите од населбите Даме Груев, Волково и Ново Село безбедно да стигнат до крајната дестинација поради фреквентноста на раскрсницата што ги спојува булеварот ’Партизански одреди’, ’4 Јули’ и ’Лука Геров’. Со изградбата на булеварот ’Македонска војска’ овој проблем ќе се надмине, а сообраќајниот метеж ќе се среди“, велат во општината. (С.Н.)

http://utrinski.com.mk/?ItemID=CD52650EB78ECF469BC7E8B6FFA15586

Градежните работи на новиот булевар "Македонска војска" во општина Ѓорче Петров се при крај. Поставена е атмосферската канализација и комплетно се асфалтирани трите сообраќајни ленти од булеварот. Деновиве се градат тротоарите.

Изградбата на булеварот на потегот од улицата 4 Јули, покрај црквата Св. Петар и Павле кон улицата Ѓорче Петров, во должина од 630 метри и 7 метри широчина почна пред неколку месеци.
- Проектот предвидува да се асфалтираат четири коловозни ленти но, проектираното ќе биде комплетно завршено и булеварот ќе го добие вистинскиот лик по дислоцирањето на Единицата на противпожарната бригада и откако ќе се урне објектот во кој е сместена единицата. Дотогаш, во функција ќе бидат само три ленти од булеварот - информираат општинарите. Тие најавуваат поставување на нови семафори на улицата Ѓорче Петров и на булеварот Македонска војска.
Крајот на овие активности ќе биде и крај на првата фаза од изградба на булеварот. Втората фаза ќе почне по средување на имотноправните работи на земјиштето што се наоѓа на планираната траса.

Во функција првата делница од булеварот „Македонска војска“

Улицата се протега од „Партизански одреди“ до раскрсницата со „Ѓорче Петров“

Македонска војска ќе стигне до Вардар

Експропријацијата на земјиштето каде што ќе минува трасата на булеварот е речиси завршена, наскоро треба да избере и изведувач на градежните работи

Градот Скопје денеска ги отпочна градежните активности за реализација на втората фаза од изградбата на „Македонска Војска“. Според официјалните податоци кои ги соопштија градските власти, новиот дел на сообраќајницата ќе биде долг 800 метри и ќе се протега од крстосницата со булеварот Ѓорче Петров, до стадионот на ФК Македонија. Коловозот ќе има две ленти и вкупна широчина од седум метри. Планирана е изведба на тротоари од бехатон плочки, а ќе се постави и ново улично осветлување. Исто така ќе се постави атмосферска канализација со  профил од 300, односно 400 милиметри, во зависност од условите на теренот на којшто се работи. Вредноста на инвестицијата е околу 25 милиони денари, средства од градскиот буџет. Градежните работи ги врши „Гранит“, а рокот  за изведба е шест месеци.

„Македонска Војска“ според Генералниот урбанистички план на Скопје е планирана како булевар кој треба да се продолжи кон југ и премостувајќи го Вардар, со клучка да се поврзе со идниот Јужен Булевар. Во 2008 година Трифун Костовски ја реализираше првата фаза од изградбата на сообраќајницата, односно сегментот помеѓу црквата Св. Петар и Павле и булеварот Ѓорче Петров. Градоначалникот Коце Трајановски денес изјави дека се работи на дислоцирање на противпоожарната станица близу црквата и вети дека набргу овој сегмент ќе биде надграден на ниво на булеварско решение.

Градот Скопје успешно ја заврши изградбата на вториот дел од булеварот Македонска војска во општината Ѓорче Петров и од денеска /01.06.2011 година/ и официјално го отвори за сообраќај. Новата сообраќајница се градеше на потегот од крстосницата со улицата Ѓорче Петров кон стадионот на ФК „Македонија Ѓорче Петров“.

На официјалното отворање за сообраќај на вториот дел од булеварот Македонска војска присуствуваа градоначалникот на Град Скопје, Коце Трајановски, претседателот на Собранието на Република Македонија, Трајко Велјановски, министерот за внатрешни работи, Гордана Јанкуловска и градоначалникот на општината Ѓорче Петров, Сокол Митровски.

- Пробивањето на вториот дел од булеварот Ѓорче Петров е еден од капиталните проекти на Градот Скопје кои што имаат особено значење за растоварување на сообраќајот во градот и овозможуваат лесно и безбедно поврзување со околните сообраќајници. Завршувањето на овој проект ги решава долгогодишните проблеми на жителите од овој дел на Ѓорче Петров и претставува пример за добрата соработка меѓу Градот Скопје, Владата на Република Македонија и општината Ѓорче Петров – рече градоначалникот Трајановски.

Со овој градежен зафат се пробиени 850 метри од сообраќајницата и е изграден коловоз широк седум метри, со по една коловозна лента во секоја насока. Асфалтирана е површина од 5.550 квадратни метри. По должината на улицата се оформени тротоари коишто се покриваат со бекатон-плочки.

Новата сообраќајница ја осветлуваат 26 светлосни столба.

Пробивањето на булеварот беше искористено за да се постави атмосферска канализација со променлив профил од 300, односно 400 милиметри, која што ќе ги одведува атмосферските води од сообраќајницата.

На изградба на вториот дел од булеварот Македонска војска работеа екипите на градежната компанија АД „Гранит“. Градот Скопје за реализација на овој капитален зафат потроши околу 25 милиони денари.