Фасади (општо)

Јас морам текстов да го ставам овде. Да признаам, сите гадотии што ги направиле со фасадата на МЕПСО не успеа да ги собере во текстот, едноставно Ревизорскиот извештај е преобемен со нив, немаше место сите да се внесат. Ама, накратко речено, „рефасадирањето“ на оваа зграда е исто како здрав и прав човек да му плати на лекар МОРЕ ПАРИ за овој да го направи траен инвалид во количка.

Ревизорите констатираа бројни пропусти при изведбата на „барокната“ фасада на МЕПСО

Објавено на 13.03.2018 во категорија Вести.
Facebooktwitterlinkedin


Работите врз објектот не се довршени, а вработените и понатаму, по речиси четири години од склучувањето на договорот за изведба, работат во тесен простор, во еден помал простор од зградата. Ова е резултатот од проектот за „барокизација“ на седиштето на МЕПСО во центарот на Скопје, кое е воочено во најновиот Конечниот извештај на овластениот државен ревизор за работењето на МЕПСО во 2016 година. Ревизорите откриваат дека е склучен договор за изведба на реконструкција и адаптација на фасада, за чија реализација се констатирани повеќе недостатоци и пропусти.

„Извршени се редовни работи и вишоци во износ од 87.879 илјада денари кои претставуваат предмет на судска постапка, дополнителни работи во износ од 1.200 илјади денари кои не се регулирани со анекс договор, непредвидени работи во износ од 13.111 илјади денари кои не се уредени со договор, а според информациите од надзорот за завршување на наведените работи потребни се уште 27.558 илјади денари и не е извршено осигурување на објектот“ констатира Ревизорскиот извештај.



Првиот проблем со изведбата на „барокната“ фасада на МЕПСО настанала уште при распишувањето на Конкурсот за избор на идејно решение во март 2012 година. Предмет на овој конкурс била изведбата на нова фасада на целиот објект, иако МЕПСО во тој момент не ја поседува целокупната површина на зградата. На конкурсот биле избрани три идејни решенија за да се искористат за натамошна разработка. „Поради наведеното идејното решение не било прецизно утврдено, а истото претставува основа за изработка на основен проект“ се вели во Ревизорскиот извештај.



Ревизорите утврдиле дека основниот проект не содржи елаборат за енергетска ефикасност, иако самиот договор за „реконструкција“ на фасадата бил со цел да се подобри енергетската ефикасност. Издаденото одобрение за градење не било наменето за подобрување на енергетската ефикасност на објектот, така што ваквата состојба не била во согласност со членот 29 од Законот за градење. Но, и не само тоа.



При изведбата на „барокната“ фасада на МЕПСО не било предвидено вршење на проектантски надзор, но за него била утврдена потреба уште во првата година од изведбата. За таа цел, ангажиран за проектантски надзор е самиот проектант, којшто дал согласност да ја изврши услугата без надомест. Ревизорите сметаат дека ваквиот начин на вршење проектантски надзор упатува на неодговорно постапување со можност за настанување штети и финансиски импликации за МЕПСО. По ова, надзорот е избран на тендер и е потпишан договор со него во февруари 2014 година. Во исто време, Државниот завод за ревизија открива дека за „барокната“ фасада на МЕПСО не е спроведена постапка, ниту е склучен договор, за ревизија на изменување и дополнување на основниот проект, што не е во согласност со Законот за градење.



Ревизорите откриле дека реконструкцијата на надворешниот лик на МЕПСО не била завршена во првично предвидениот рок од 18 месеци. Но, и не само тоа. Објектот не е предаден во употреба до денот на известување од извршената ревизија, односно дури 24 месеци по истекувањето на првичниот рок. Државниот завод за ревизија му препорачува на МЕПСО да изврши преиспитување на досега преземените активности и да издаде задолженија за надминување на состојбата, целосно довршување на објектот, обезбедување на одобрение за употреба, примопредавање на објектот и ставање на истиот во функција.



Ревизорите констатираат дека активностите, финансиските трансакции и информации рефлектирани во финансиските извештаи на МЕПСО не се во согласност со релевантната законска регулатива, упатства и воспоставени политики. Оттука, Државниот завод за ревизија изразува неповолно мислење за реалноста и објективноста на финансиските извештаи на МЕПСО за 2016 година.


http://build.mk/revizorite-konstatiraa-brojni-propusti-pri-izvedbata-na-baroknata-fasada-na-mepso/

Вчера поминав покрај објектов ТЦЦ Плаза. Ме интересира - планираат ли да поклопат со земја објектов? Можеби се обидуваат да ја доведат калта во еден од ретките делови на Скопје каде ја нема?

Од Твитер профилот на Град Скопје

Гостивар

Проширувањето на терасите е една голема грешка што сериозно го нагрди овој и без тоа грд град. Погледнете на што личи зградата, иако има обновена фасада.

Koga bi go eliminirale potkrovjeto i pretposledniov kat,togas bi bilo mnogu podobro. Aj potkrovjevo ne ja unistuva samo ovaa zgrada tuku ne ja razbiram poentata so fasadata nad stakleniot del.

Дебар Маало. Очигледно зградата е надградена.

Originally posted by skopskodete Не, треба тие што се започнати да си се довршат како што треба - во барок, а останатите да се направат поинаку. Паралелно со тоа да се направи план за фасадите од задната страна, со тоа што ако е барок од предната страна, тогаш да биде барок од задната страна и сл. И од предната страна да си бидат осветлени, а од задната страна да бидат неосветлени фасадите, само може делумно колку да нема голем контраст во однос на предната страна. На ваков начин би се добила целосната слика, а прекинување на градежни зафати, што некои се дури и пред крај, е тотална глупост, да не речам реваншизам...

Skopskodete, фасадите за кои ти велиш дека се барок, се една обична налудничава гомнарија од решетки, шупливи столбови и грди украсни елементи. Осветлувањето што викаш дека треба да се стави не ја намалува потрошувачката на енергија, туку значително ја зголемува. Налудничавиот изглед на фасадите ги прекршува авторските права на архитектите кои ги изработија респектибилните објекти од Модерната.

И те молам, дај ми ја твојата дефиниција за реваншизам. Некако многу химлерски ми звучи.

Во однос на фасадите од проектот „Скопје 2014“, мислам дека новото раководство на Град Скопје веќе треба да почне да реагира. Прекинот на изведбата на „барокните“ фасади беше одличен потег, но не смее да се заврши единствено на тоа. Проблемот е комплексен и ќе мора да се решава. За разлика од изградбата на нов објект, каде што имаме инвеститор и изведувач многу често ист субјект, или, пак, само два субјекта, во случајот на „барокните“ фасади се инволвирани изведувачи, инвеститор (Град Скопје), сопственици на објектите, надзор...

Ќе биде исклучително тешко да се задоволат сите страни истовремено, а притоа ниту еден од нив да не почне да се тужи по судови со другите страни. Плус, сите овие градилишта ги окупираат јавните пешачки зони во строгиот центар. Затоа, мора што побрзо да се дејствува.

Градската администрација треба да ги собере изведувачите на овие објекти, со кои претходното раководство веќе потпишало договори за изведба на „барокните“ фасади. Наместо „барок“, би било добро да се издејствува изведба на енергетско ефикасни фасади од предната и од задната страна на објектите. На тој начин, сопствениците на овие објекти ќе бидат задоволни, изведувачите ќе ги добијат сумите од договорите за изведба на објектите, а Градот Скопје ќе добие освежен лик на центарот на Скопје, со згради кои сепак ќе ги почитуваат авторските права на нашите архитекти.