Гасификација

ЗАМЕНА ЗА ЈУЖЕН ТЕК
Путин: Новиот гасовод до ЕУ би одел преку Македонија
Ако сака ЕУ, ние ќе работиме, а преку Грција ние може да досегнеме и до Македонија, потоа до Србија, а потоа да одиме повторно до Баумгартнер во Австрија. Ако не се заинтересирани, ние нема да го правиме тоа, рече Путин.




Организирањето на новата европска гасоводна мрежа, на границата меѓу Турција и Грција, зависи од европските колеги, изјави претседателот на Русија Владимир Путин на денешната годишна прес-конференција, пренесе новинската агенција Тасс.

„Тоа во голема мера зависи од европските колеги. Дали тие сакаат да имаат стабилно, апсолутно загарантирано снабдување со енергија од Русија, без никаков ризик, кое им е потребно. Добро, ако сакаат, ние ќе работиме, а преку Грција ние може да досегнеме и до Македонија, потоа до Србија, а потоа да одиме повторно до Баумгартнер во Австрија. Ако тие не се заинтересирани, ние нема да го правиме тоа“, рече тој.

„Во моментов, а ни во блиска иднина, нема да има резерви поевтини и посигурни од оние од Русија“, рече тој.



Новата гасна дистрибуциска мрежа би била изградена на турска територија на границата со Грција. Таа би го заменила проектот Јужен тек, кој беше прекинат поради противењето на ЕУ. Во рамките на новиот проект, Турција може да стане главен посредник за снабдување на рускиот природен гас. Со изградбата ќе се избегне ризикот поврзан со транзитот на рускиот гас преку Украина, изјави генералниот директор на Газпром, Алексеј Милер.

http://www.mkd.mk/svet/vesti/putin-noviot-gasovod-do-eu-bi-odel-preku-makedonija

Strumica nosi gas so cisterni? Toa ne sum go znael.

Зошто не се потресов од одлуката на Путин да се откаже од Јужен тек



ГРУЈО, БУДЕН ЛИ СИ? Планираните гасоводи во регионов: барем еден да згрешеше да поминеше низ македонска територија!

Ако Македонија сака, и со и без Јужен тек, може да има пристап до доволни количества природен гас за своите енергетски потреби. Разликата е во тоа што без Јужен тек земјава не ќе мора да биде 100-отстотно зависна од Русија кога станува збор за гасот.


ВО СИТУАЦИЈА КОГА:

- Транс-јадранскиот гасовод (ТАП) ќе поминува 50 км јужно од Битола и ќе носи 10 милијарди кубни метри гас од Азербјеџан од 2018 (и двојно повеќе од тоа 5 години подоцна);

- Јонско-јадранскиот гасовод (ИАП) од Албанија по Јадранската магистрала ќе носи гас на север и од север;

- Италијанската компанија Energia Falcione планира да направи терминал за гасификација на албанскиот брег каде ќе стигнува втечнет гас од танкери;

- ЕУ планира да помогне во изградбата на регионален прстен низ Западниот Балкан за размена и трговија на гас;

- Струмица сосема безбедно (под низок притисок со помош на хемикалии) со цистерни носи гас од Бугарија и истото ова може лесно да се изведе и за другите градови во источна Македонија;

- постоечкиот гасовод е искористен само 20 отсто;

- на постоечкиот гасовод со компресорска станица кај Петрич многу лесно може да му се зголеми капацитетот за 50 отсто (од 800 милиони м3 на 1,2 милијарди м3 годишно);

- веднаш до постоечкиот гасовод може да се изгради уште еден со ист капацитет и вишоците да се продаваат во Јужна Србија (за што ГАМА веќе има план цела деценија наназад) и Косово;

- нема да треба да му даваме на Генадиј Тимченко, личниот пријател на Путин, на кого му е забранет влез во САД и ЕУ и на неговата фирма „Стројтрансгаз“ да гради гасоводна мрежа низ земјава без тендер, под којзнае кои услови и за којзнае кои пари;

- ќе беа потребни непознат број години најпрвин да се изгради целиот Јужен тек од рускиот брег на Црното Море во близина на градот Новорусиск, под морето до Бургас во Бугарија, низ Србија, Унгарија, Хрватска, Словенија и Австрија, за потоа низ Србија да се направат планираните три краци - едниот кон Република Српска во БиХ, вториот кон Црна Гора и третиот кон Косово и Македонија, и тоа во ситуација кога Србија и Косово не се признати меѓусебно и беше непознато како транспортот и продажбата на гасот ќе се изведеа формално-право, како и во ситуација кога не е ни јасно дали Косово сака да биде зависно од Србија за ваков стратешки енергенс или истиот би сакал да го добива од Албанија, и конечно во ситуација кога е непознато дали е исплатливо јужниот крак на Јужен тек воопшто и да се прави ако тој не го снабдува и Косово;

- многу лесно може да се обнови планот за изградба на гасоводот Набуко со поддршка на САД и 5 години подоцна да се направат краци кон Македонија и Србија;

- Бугарија испитува нови начини да добие гас од најголемото гасоносно поле на светот Шах Дениз II во Азербејџан (50-100 милијарди кубни метри гас - доволно во период од 270-540 години со сегашнава потрошувачка да се замени увозот на гас од Русија);

- Бугарија во меѓувреме откри и големи наслаги на гас од шкрилци во северо-источниот дел од земјата;

- нема да треба да бираме меѓу законодавството на ЕУ и болните замисли на Путин за доминација врз регионов;

- нема да треба да бидеме зависни од Русија 100 проценти кога станува збор за гасот;

МЕ ЗАБОЛЕ ОРГАНОТ ЗА ПОЛОВА РЕГЕНЕРАЦИЈА ШТО Е ОТКАЖАНА ИЗГРАДБАТА НА ЈУЖЕН ТЕК.

Извор: anfas.blogspot.com

Благодарам Ѓоко. Тоа е тоа на нас може да ни продава ЕУ муда за бубрези критериум, човекови права, корупции не ти знам шо арно ама ако ако интересот е геостратегиски ќе те преберат па ако треба и најголем партал да си. А токму тоа се случи со Бугарија и Романија се затворија сите влезови на Русија кон Балканот.

Edited by kultuzin - 07-Dec-2014 at 18:11

Originally posted by kultuzin Ако на некој не му беше јасно до сега зошто партал држава како Бугарија беше земена во Европа мислам дека после игрите со гасоводот дефинитивно на сите им е разјаснето.

На мен не ми е ясно , така че повели и ми обясни както на мен ,така и на другите..

Геостратешки игри слични на тие после 2 св. војна.Сега се цртаат границите на зоните на влијанија,а ние сме само пиуните кои последни ќе разберат што се случува.

Во вакви игри секое оружје е дозволено па и гасот

битно нели има и баби и жаби а дали јас ќе ги мешам или сами ќе се мешаат тоа времето ќе си каже, не дека сакам нешто да ти оспорам апропо твојов реализам туку само да дообјаснам цитираната романтика

мое мислење е дека секогаш до последно има простор за рокади и пишман работи, не бидејки русите не ве сакат вас бугарите или вие не обичате тјах математика, него се случуваат нали берзански шпекулации и остали филозофии па не ме чуди јужен ток конечно и да ги збратими бар економски турците и грците утре во европа, а потем да се отвори простор за трасирање цевката и кај нас па и потака, дали!?

претпоставувам по оваа логика на Николич му поставиле такво прашање, макар за истото за сега немало ни грчка запирка а не па три точки, но кој ги спречува пример кинезите на мала врата преку грците да им асистираат утре на русите, просто комбинации има мал милион а Македонија е в среде, само нека биде за арно

Кој настрада од откажувањето од Јужен тек Русија ја прекина изградбата на гасоводот Јужен тек поради позицијата на Бугарија. Според оценката на експертите, една од причините за откажувањето од проектот можеби е и неговото нагло поскапување. Во секој случај Бугарија ќе ги изгуби средствата од транзитот на гасот на својата територија, германските, јапонските и италијанските компании нема да добијат средства за склучените договори, а самиот гасовод ќе биде пренасочен преку Турција. Русија ја прекина изградбата на гасоводот Јужен тек поради позицијата на Бугарија. Ова го изјави рускиот претседател Владимир Путин за време на посетата на Турција, известува рускиот весник „Комерсант“. „Не можеме да ја започнеме изградбата на дното на морето сè дури нема разрешница со Бугарија. А, не е убаво ни да ја започнеме изградбата во морето, да дојдеме до бугарскиот брег и да прекинеме“, изјави шефот на државата на прес-конференција. Според него, руските енергетски ресурси ќе бидат пренасочени кон други пазари, меѓу другото и со помош на забрзување на реализацијата на проекти за компресирање на природниот гас. Според оценката на Владимир Путин, Бугарија поради прекинувањето на проектот нема да добива 400 милиони евра годишно за транзит. Сепак, загубите на Гаспром се посуштествени: во последниве три години компанијата во проектот вложи 4.66 милијарди американски долари. Основни причини Според податоци на оператерот на проектот, компанијата South Stream Transport, европските компании од прекинувањето на изградбата на гасоводот губат не помалку од 2.5 милијарди евра. А, загубите на јапонските компании, кои учествуваа во реализацијата на проектот, ќе изнесуваат 320 милиони евра: овој износ се однесува на нарачката за испорака на цевки од јапонскиот конзорциум Marubeni-Itochu и Sumitomo. „Моменталното запирање на проектот не предизвикува чудење, со оглед на тоа дека бугарската страна одамна зборуваше за забрана за поставување на цевките на својата територија. Ние никако не можевме да ја помрднеме позицијата на бугарските партнери“, вели доцентот на катедрата за државно регулирање на економијата при Руската академија за народно стопанство и државна администрација Иван Капитонов. Така, во август годинава Министерството за економија и енергетика на Бугарија ја запре реализацијата на проектот, зашто тој не е во согласност со нормите на Третиот енергетски пакет на ЕУ. Според овие правила, сопственик на гасовод на територијата на ЕУ не може да биде компанија која врши експлоатација на гас. Освен тоа, според Иван Капитонов, во октомври 2014 година беше објавено поскапувањето на проектот, што исто така не можеше, а да не влијае врз донесувањето на оваа одлука. Цената на морскиот дел на Јужен тек порасна од 10 на 14 милијарди евра, додека копнениот дел на територијата на Европа се покачи од 6.6 на 9.5 милијарди евра. Крајната сума на проектот може да се спореди со целата EBITDA на Гаспром за 2013 година, која изнесува 55 милијарди американски долари. Како резултат на тоа објавувањето на запирањето на Јужен тек акциите на Гаспром нагло се покачија за 1.1%. „Инвеститорите позитивно го оценија вчерашното откажување на концернот од продолжување на проектот Јужен тек“, вели директорот на одделот за аналитика на „Алфа-Форекс“ Андреј Диргин. Вклучување на Турција Подоцна првиот човек на „Гаспром“ Алексеј Милер изјави дека неговата компанија ќе го преориентира гасоводот од Бугарија во Турција. Според него, обемот на гасоводот 63 милијарди кубни метри гас годишно, од кои 14 милијарди се резервирани само за Турција, додека останатиот гас ќе се транспортира од границата на Турција во Грција, односно во Европската Унија. „Во таков случај Русија ќе го оствари планираниот (во Јужен тек) ефект: диверзификација на испораката и заобиколувањето на несигурните транзитери“, забележува Иван Капитонов. Според него, за европските земји изборот на маршрутата преку Турција може да биде неочекуван, со оглед на тоа дека во Европската Унија не претпоставуваа дека ќе бидат најдени компромисни решенија за еден ваков проект – особено поставувањето цевки на територијата на земја која не е во ниту еден блок. Впрочем, во ваков случај Русија станува зависна од Турција како земја-транзитер, но тоа е принуден компромис, вели Капитонов. Впрочем, според водечкиот експерт на УК „Финам Менаџмент“ Дмитриј Баранов, Јужен тек може да биде реанимиран во првичниот вид, доколку се измени позицијата на Европската Унија. „Сите актуелни договори за испорака на гас во ЕУ Русија строго ќе ги почитува“, вели тој. Според Дмитриј Баранов, Русија не се откажува од диверзификацијата на испораката на гас и е подготвена да го испорачува практично на која било држава, зашто има доволно резерви. „Источниот и западниот правец на испорака на гасот ќе остане, а имајќи предвид дека за рускиот гас е заинтересирана Индија, во следниве години може да се појави и јужен правец во испораката на рускиот гас“, вели Баранов. На крајот, како што изјави заменикот на претседателот на Европската комисија за енергетика Марош Шефчович, Европската Унија сè уште ја нема откажано средбата на државите-учеснички на проектот Јужен тек на 9 декември, без оглед на изјавата на Русија за прекинување на проектот. http://mk.rbth.com/economics/2014/12/03/koj_nastrada_od_otkazuvanjeto_od_juzen_tek_39303.html

ЕБОР СЕ ПОДГОТВУВА ДА ЈА ФИНАНСИРА ГАСИФИКАЦИЈАТА НА МАКЕДОНИЈА

Динамиката на тековните проекти од патната и железничката инфраструктура, кои се спроведуваат со поддршка од 305 милиони евра од ЕБОР и можностите за соработка на идни проекти, како што е воспоставувањето гасификациска мрежа, беа во фокусот на разговорите на премиерот Никола Груевски со претседателот на ЕБОР, Сума Чакрабарти.

- За овој проект имаме подолг период на разговори и веќе сме во очекување да видиме дали ќе ги издоговориме сите детали во наредниот период. Ние имаме контакти и со други можни поддржувачи на овој проект, така што наредниот месец до два ќе знаеме дали ќе го реализираме овој проект со ЕБОР или со други институции што би биле подготвени да го финансираат - изјави премиерот Груевски.

Претседателот на ЕБОР Чакрабарти, според соопштението од владината служба за информирање, изразил задоволство од досегашната соработка и ја истакнал подготвеноста за дополнителна поддршка на проекти што се од интерес за Република Македонија.

- Соработката со Македонија е едно од најпозитивните партнерства на ЕБОР. Оваа година е рекордна според нивото на инвестиции на ЕБОР во Македонија, кои се во вредност од 240 милиони евра и тоа инвестиции во два големи проекта во областа на градбата на патишта и градбата на железницата од Kоридорот 8 со кој се гордеам, бидејќи се работи за значаен проект за меѓуграничната и регионалната соработка со кој Македонија покажува лидерство. И за во иднина имаме многу добри проекти за соработка не само во инфраструктурата, туку и во областа на енергетиката, поточно во делот на гасификацијата - изјави Чакрабарти по средбата.

http://www.dnevnik.mk/?ItemID=BC459BCA41FEBE4EBB10B6A9BF68ED7C

Напис во врска со тоа што го кажуваше Инк. Малку штуро и неразбирливо, ама се тврди дека ние не сме погодени, можеби е така, поради малата побарувачка кај нас.

Датум: 31.10.2014, 16:56
НАМАЛЕНА ИСПОРАKАТА НА ПРИРОДЕН ГАС ВО ЗЕМЈИТЕ ОД РЕГИОНОТ

РУСИЈА ГИ ПОДЗАВРТУВА ВЕНТИЛИТЕ НА БАЛКАНОТ, МАКЕДОНИЈА ЗАСЕГА БЕЗБЕДНА




Испораката на природен гас во земјава не е загрозена, за разлика од дел од земјите во регионот што се соочуваат со намалени испорачани количини од Русија. Енергетските власти во Бугарија, Србија и во Босна и Херцеговина деновиве се загрижени поради тоа што изминатиот период добиваат помалку руски гас од договореното преку гасоводот кој поминува низ Украина, стравувајќи дека зимава може да се соочат со недостиг од неопходниот енергент. Луѓето од енергетскиот сектор во Македонија, пак, уверуваат дека состојбата кај нас е стабилна и оти не се очекуваат проблеми при испораката на гас.

Според домашните енергетичари, нема проблеми со гасот во Македонија. Тие може да настанат само ако Русија целосно ја прекине испораката во Украина, ситуација која е речиси неверојатна со оглед на тоа дека двете земји завчера постигнаа согласност за проблематичниот енергетски долг. Тие се договорија за привремено решение со кое ќе продолжи снабдувањето на Украина со руски гас, со што до март в година се обезбедува сигурност во снабдувањето на цела Европа.

Редуцирано снабдување во Бугарија

Бугарската енергетска власт е во паника поради намалениот притисок во гасоводниот систем од кој Бугарија се снабдува со природен гас од Русија преку Украина, што придонесе земјата да добива помали количини од договореното. Вицепремиерката за економски прашања, Екатерина Захариева, информира дека притисокот во системот е намален од 38 на 34 бари, што засега не предизвикува поголеми проблеми во транзитот на гасот и снабдувањето на крајните потрошувачи, но дека ситуацијата ќе стане проблематична ако притисокот продолжи да паѓа.

- Притисокот на смее да падне под 28 бари. Русија не н` предупреди за редуцираното снабдување, така што не знаеме точно на што се должи ова. Затоа постојано го надгледуваме притисокот во системот и сме подготвени за кризна ситуација. Обезбедувањето на енергетската сигурност е голема задача за нас, со оглед на тоа дека таа е главниот крвоток на бугарската економија и е клучна за сите сектори - изјави Захариева за бугарските медиуми.

Според министерот за економија и енергетика на Бугарија, Васил Штонов, с` уште немаат официјална информација на што се должи редуцираното снабдување.

- Неофицијалните информации се дека тоа се должи на технички проблеми во Русија, но тоа е тешко да се потврди бидејќи не постојат мерачи на границата меѓу Русија и Украина. Очекуваме проблемите да се надминат наскоро - изјави Штонов.

Србија должи 200 милиони долари

И енергетските власти во Србија се на слична мака. Српските медиуми објавија информација дека Русија ја намалува испораката на гас во земјата за третина од договореното, незадоволна од тоа што српскиот премиер Александар Вучиќ одбил да потпише протокол со кој се регулира враќањето на долгот од 200 милиони долари за рускиот гас до март идната година. Kако што објави весникот „Данас“, Вучиќ сметал дека барањето на рускиот претседател Владимир Путин Србија да го врати долгот во следните четири месеци не е фер, имајќи предвид дека Русија наголемо профитира преку Нафтената индустрија Србија (НИС), која од декември 2008 е сопственост на руската компанија „Гаспромњефт“.

БиХ, пак, се соочува со намалена испорака на руски гас од 35 отсто поради тоа што Русија складира поголеми количини во подземните складишта за да осигури сигурна испорака преку територијата на Украина кон европските потрошувачи во текот на зимата. Увозникот на гасот во Босна, компанијата „БХ гас“ во соопштение до јавноста информира дека добива помала количина гас од договореното, но оти се труди да ја надмине ситуацијата.

- Се обидуваме да пронајдеме решение за да се осигури нормално снабдување во Босна и Херцеговина. Ги повикуваме државните институции во БиХ да поработат на изградба на складишта на природен гас и да се обезбедат други извори на снабдување со овој енергент покрај Русија - пишува во соопштението на „БХ гас“.

Даница Тунтевска-Вујовиќ