Универзална сала

УНИВЕРЗАЛНА САЛА ДА СЕ ГРАДИ НА ДРУГА ЛОКАЦИЈА, НА НЕЈЗИНО МЕСТО ДА СЕ НАПРАВИ ПАРК, ПРЕДЛАГА АСОЦИЈАЦИЈАТА НА АРХИТЕКТИ


Една од локациите за кои се размислува е просторот каде се наоѓаат стаклениците на ЈП „Паркови и зеленило“


Новата Универзална сала да се гради на друга локација бидејќи според предвидената големина, објектот е несоодветен за постојната, предлагаат од Асоцијацијата на архитекти на Македонија. Откако градоначалникот Петре Шилегов најави дека ја почнува постапката за изградба на нова концертна сала, дека постојната ќе се урива и ќе се гради објект според нов проект, архитектите предложиле да се размени за други локации.

Претседателот на Асоцијацијата на архитекти Мартин Пановски за САКАМДАКАЖАМ.МК вели дека она што се бара во програмата на новата Универзална сала е преобемно за оваа локација. Станува збор за густо изградел дел од градот, со булеварот Партизански одреди од една страна, од каде нема да може да се изведе влез во подземен паркинг. Од другата страна пак е улицата 29 Ноември која е тесна, со две сообраќајни ленти и нема да може да ги задоволи потребите за пристап кон ваков тип на објект. При секој концерт или настан ќе се создава хаос во сообраќајот, но ќе биде попречено и движењето на пешаците и локалните жители.

„Само реновирање на Универзална сала би чинело многу, па затоа според програмата на Градот се предвидува да се урне постојниот објект и да се гради поголем. Но, оваа локација е тотално несоодветна за такво нешто. Самата инфраструктура е премала за таков објект кој треба да прими голем број луѓе. Исто така во овој дел имаме големо движење на граѓани од населбите Капиштец и Буњаковец кон Дебар Маало и Градски парк. Од друга страна пак, постојано се зборува за потребата од нови паркови и зелени површини, па оваа локација може да прерасне во парк. Притоа нема да има никаков проблем за тоа бидејќи парцелата е државно земјиште. Значи не зборуваме за идеи да правиме паркови на приватни парцели, кои се нереални да се остварат“, вели Пановски.

Од Асоцијацијата на архитекти како прва варијанта каде може да се гради новата Универзална сала на Скопје, го предлагаат делот кај Спортскиот центар „Борис Трајковски“. Станува збор за просторот зад бензинската пумпа на „Макпетрол“ и салонот на „Хонда“ во Карпош 3. Според архитектите овој простор е соодветен бидејќи туку веќе се изградени вакви содржини и би се добила една целина, спортски објект, базен, хотел и концертна сала.

„Ја разгледувавме и идејата за просторот кај стаклениците на ЈП ‘Паркови и зеленило’ во Карпош, што е во близина на крајниот дел од Градски парк. Тоа не значи дека ќе се уништи паркот или зеленилото туку самиот објект да биде во паркот. Ова се само првични размислувања, ние ќе бидеме отворени за разни дискусии, каде е најдобро да се направи новата Универзална сала.“, вели Пановски.

Од Асоцијацијата сметаат дека и за новата Универзална сала и за паркот кој би се правел на местото на постојниот објект треба да бидат распишани конкурси за избор на идејно решение.

Универзална сала е затворена 5 години, односно од 10 март 2015, кога на партиската трибина лидерот на СДСМ Зоран Заев ја пушти бомбата број 8 за изборни измами. По завршување на трибината на Заев, парче од таванот се откорна и падна врз седиштата. Тоа беше причина да се одложат сите планирани настани во Универзална, а одговорните тогаш одлучија место да го санираат само таванот, да се почека целосната обнова на салата.

Тогаш беше актуелен проектот објавен во декември 2013, според кој салата требаше да се урне, а на нејзино да место да се изгради целосно нов објект во форма на јајце. Новата сала требаше да се гради според проектот на архитектите Стојан Павлевски и Иван Симеонов од „Стоун дизајн“, со голема сала со 2.500 до 3.000 седишта, мала за камерни изведби со околу 300 места и административни простории. Овој проект едногласно го избра деветчлена стручна комисија, под претседателство на архитектот Вангел Божиновски.

Во јануари 2015, Универзална сала беше преименувана во Конгресен центар Александар Македонски.

Но, во март 2016, од финансиски причини беше откажана изградбата на салата во форма на јајце, а Министерството за култура најави дека обновата на Универзална ќе биде по проектот од пред десетина години на „Архангел бојс“, според кој се задржува сегашниот изглед, но салата се надградува со застаклена галерија околу целиот објект и се зголемува бројот на седишта за 200.

Со доаѓањето на градоначалничката функција на Петре Шилегов ѝ беше вратено името Универзална сала, а со Министерството за култура беше потпишан договор за изградба на салата, односно парите да бидат обезбедени од Владата. Лани во декември Шилегов најави дека е обезбедени првиот дел од парите од Владата и заедно со Асоцијацијата на архитекти и Архитектонскиот факултет ќе работат на нов проект за Универзалната сала оти оние кои ги наследил од неговиот претходник Коце Трајановски, не чинеле.

А. АНТЕВСКА

https://sdk.mk/index.php/dopisna-mrezha/univerzalna-sala-da-se-gradi-na-druga-lokatsija-na-nejzino-mesto-da-se-napravi-park-predlaga-asotsijatsijata-na-arhitekti/

Како не се запали и нашава па да се решиме од тоа ругло у центар на град?!

Инаку многу личи на Скопската универзална, дури и на последната слика пожарните камиони личат на скопските двокатни автобуси!

Инаку сум слушнал дека е некаква донација од Бугарија после земјотресот, или па само проектот е донација, ама нешто беше поврзана Бугарија со скопската Универзална Сала, ама не сум знаел дека е копија на софијскиот циркус.

Edited by user8642 - 06-Jun-2020 at 19:32

и да не ја срушат, времето само ќе си ја изеде

Originally posted by hcitrS Па не е според мене само по инерција инстистирњто на локацијата. Прво, како шо гледам само ќе се рновира, а со оглед на локацијата се добива многу буст на популизам, со не премногу труд и не многу пари. Градење на нова сала на ново место ќе кошта повеќе и можеби нема да е толку видливо. Плус, ако градат на друго место нема да имаат изговор салата да биде со ист капаитет, ако веќе се гради ќе треба да биде бааги поголемо, земајќи предвид дека и Метрополис ја рушија. А парк...тешко, не верувам, поарно нека ја реновираат.

Kapacitetot od 1400 sedista e sosema ok za vakov tip na sala. Duri i da se zgolemi kapacitetot na salata ne bi smeel da pomine 2000 sedista.

Па не е според мене само по инерција инстистирњто на локацијата. Прво, како шо гледам само ќе се рновира, а со оглед на локацијата се добива многу буст на популизам, со не премногу труд и не многу пари. Градење на нова сала на ново место ќе кошта повеќе и можеби нема да е толку видливо. Плус, ако градат на друго место нема да имаат изговор салата да биде со ист капаитет, ако веќе се гради ќе треба да биде бааги поголемо, земајќи предвид дека и Метрополис ја рушија. А парк...тешко, не верувам, поарно нека ја реновираат.

Originally posted by Denko Edno ke kazam samo. Ovaa lokacija vo nikoj slucaj nema da stane park.

не коби сеа

не е ова еден од проектите за доградба на постоечката сала?

Извадок од ВЕЧЕР...

Шилегов предложи измена на распределбата на средства во буџетот за 2020 година во програмата за култура во износ од 45 милиони денари. Овие средства ќе бидат искористени за изградба на библиотека во Бит Пазар, бидејќи во тој дел, воопшто нема библиотека, но и за отпочнување на активностите за изградба на Универзалната сала.

– Прва постапка е распишување на тендер за избор на понудувач кој ќе ја изведе библиотеката, а исто така и распишување на јавен повик за идејно решение за изгледот на Универзалната сала. Кон крајот на годината ќе се урне стариот објект на Универзалната сала и ќе почне изградбата на новиот – изјави Шилегов.

https://www.vecer.press/шилегов-лани-ем-градел-ем-заштедил-30-ми/

НА КОНКУРС ЌЕ СЕ ИЗБИРА НОВ ПРОЕКТ ЗА УНИВЕРЗАЛНА САЛА ОТИ ПОСТОЈНИТЕ ДВА СЕ СМЕШНИ, ВЕЛИ ШИЛЕГОВ

Ќе се прави нов проект според кој ќе се гради Универзална сала. Во Град Скопје постојат два проекти за концертната сала, едниот за реконструкција, другиот за комплетно нов објект во форма на јајце, кои беа направени од минатото раководство. Градоначалникот Петре Шилегов на прашање на САКАМДАКАЖАМ.МК зошто ќе се прави нов проект, а постојат два, вели дека тие проекти не се добри, па затоа на јавен конкурст ќе се избере ново современо решение.

„Во Град Скопје постојат два смешни проекти. Едниот е оној јајце на Коце Трајановски, што беше предмет на исмевање во јавноста. Вториот е за проширување на Универзална сала кој чини 17 милиони ева, но со него ниту ќе се зголеми капацитетот, ниту квалитетот на концертната сала. Ќе добиеме едно фасадирање што беше карактиристика на мината власт“, вели Шилегов.

Конкурсот, како што кажа Шилегов, ќе се спроведе заедно со Здружението на архитекти и Архитектонскиот факултет, односно ќе биде формирана комисија која ќе го води процесот за избор на нов идеен проект. Ќе се бара проект за комплетно нова концертна сала, односно сегашната сала ќе се урива и ќе се гради нова.

„Во буџетот на Владата се предвидени средства за Универзална сала. Моите очекување се во втората половина на наредната година да завршат сите постапки и да почнеме со градба на објектот“, рече Шилегов.

Универзална сала е затворена 4,5 години, односно од 10 март 2015, кога на партиската трибина лидерот на СДСМ Зоран Заев ја пушти бомбата број 8 за изборни измами. По завршување на трибината на Заев, парче од таванот се откорна и падна врз седиштата. Тоа беше причина да се одложат сите планирани настани во Универзална, а одговорните тогаш одлучија место да го санираат само таванот, да се почека целосната обнова на салата.

Тогаш беше актуелен проектот објавен во декември 2013, според кој салата требаше да се урне, а на нејзино да место да се изгради целосно нов објект во форма на јајце. Новата сала требаше да се гради според проектот на архитектите Стојан Павлевски и Иван Симеонов од „Стоун дизајн“, со голема сала со 2.500 до 3.000 седишта, мала за камерни изведби со околу 300 места и административни простории. Овој преокт едногласно го избра деветчлена стручна комисија, под претседателство на архитектот Вангел Божиновски.
„Драго ми е што доби признание и можност за натамошна реализација едно барокно решение, кое барокот го третира на специфичен начин, во рамките на еден модерен израз. На проектот му претстои сериозна работа понатаму за да може да се доведе во фаза на изведба“, рече Божиновски, а архитектот Павлевски изјави дека јајцевидниот облик на новата сала симболизира раѓање зашто во Универзална се одржале многу детски фестивали од кои изникнале многу македонски музички ѕвезди.

Во јануари 2015, Универзална сала беше преименувана во Конгресен центар Александар Македонски.

Но во март 2016, од финансиски причини беше откажана изградбата на салата во форма на јајце, а Министерството за култура најави дека обновата на Универзална ќе биде по проектот од пред девет години на „Архангел бојс“, според кој се задржува сегашниот изглед, но салата се надградува со застаклена галерија околу целиот објект и се зголемува бројот на седишта за 200.

Со доаѓањето на градоначалничката функција на Петре Шилегов ѝ беше вратено името Универзална сала, а градоначалникот најави дека до крајот на неговиот мандат таа повторно ќе биде пуштена во употреба.

А. АНТЕВСКА

https://sdk.mk/index.php/dopisna-mrezha/na-konkurs-ke-se-izbira-nov-proekt-za-univerzalna-sala-oti-postojnite-dva-se-smeshni-veli-shilegov/