Промоција на Македонија

@SkyBoy

мислам дека погрешно ги перципираш моите ставови околу спотот со Косово и споредбите со Македонија.

Она што се обидувам да го кажам е дека во очите на нашите таргет туристи Македонија е многу поблиску до Косово отколку што е до Хрватска или Грција а не па подалеку. Треба да сме реални за тоа бидејќи на крајот на краиштата не е битно како самите се доживуваме себе туку како не доживуваат оние на кои се обидуваме да им продадеме туризам.

Од тој аспект Македонија многу лошо котира а оние кои знаат повеќе за нас, кои знаат дека сме сепак понапред од Косово и да ја прават дистинкцијата всушност не им ни треба спот за да дојдат тука.

Не би можел вака од ракав да кажам кои методи треба да ги искористиме да се промовираме пред се како нормална земја а и самиот горе нагласив дека немора да значи дека тоа би било спот кој што ете велиш дека може да е и чекор назад за нас. Но битно е да ја поместиме перцепцијата за нашата земја која не е позитивна (повторно ако зборуваме пред се за туризам) а не да ја држиме главата во песок по тоа прашање.

За другото се разбираме. И самиот реков дека она што недостасува во Охрид е додадена вредност, но фактот дека долги години каскаме на тоа поле ме прави песимист дека работата бргу ќе се смени. Инаку се сложувам и јас мислам дека Охрид е одлична дестинација можеби не за елитен но дефинитивно за повисок туризам од овој што моментално се практикува и во секој случај подоходовен.




Edited by pbanks - 25-Mar-2010 at 15:13

@SkyBoy

Прво за косовскиот спот. Во право си кога велиш дека тој има друга намена (градење позитивен имиџ а не туристичка промоција), но мислам дека токму од таа точка треба да тргнеме и ние. Ретко која земја има толку лоша репутација како Косово веројатно, но никако не смее да се лажеме дека во очите на еден западно европеец па дури и поголемиот дел источно европејци Македонија има специјално подобар имиџ. Реално да не беше спорот со името многу луѓе и немаше да знаат дека постоиме.

Затоа мислам дека и ние треба да се зафатиме прво со позитивниот имиџ (не велам дека треба да правиме спотови како Косовскиот ниту пак велам дека тоа треба да биде (исклучиво) со спотови) пред да рекламираме вина, археологија, традиции итн.

Дополнително мојата критика за македонските спотови (кои сами по себе се помалку или повеќе одлично изработени) е нивната предвидливост. На CNN се вртат дузина спотови од вакви "традиционално модерни" претенденти како Македонија. Толку многу ги има што мене ми се веќе досадни и го менувам каналот. А кога го гледам спотот за Азерјбеџан или Ерменија кои се подеднакво квалитетни и убави како македонските предрасудите кои ги имам (или немам) остануваат и не добивам порив веднаш да се качам на авион и да ги посетам тие земји.

За твојот втор пост.

Се тоа звучи прекрасно на хартија но елитниот туризам е мисловна именка за нас. Ние имаме дури проблем да направиме и масовен туризам каде позитивните амплитуди се најчесто манифестирани со наплив на средна накај социјална класа на гости од соседните земји и тоа најчесто во некоја комбинација каде Охрид бил последната варијанта (на пример Бугарите вовеле визи за Србите или пак Србите се лути на црногорците дека прогласиле независност). Со визната либерализација во регионот овој моментум и понатаму ќе го губиме (нека се потсети некој колку многу Бугари имаше во Охрид во 90те пред визната либерализација со ЕУ за нив).

Патиштата, патоказите, тоалетите се предуслов за елементарен туризам. За елитен туризам треба и многу повеќе од тоа. Услуги, хотели, содржини. Не само трчаница од црква до црква и прикаски која е постара, туку содржајна програма каде што конзументите во секој момент ќе имаат квалитетен избор на располагање секако со многу додадена вредност. Да не зборуваме и за туристичкиот кадар кој готово и го немаме.

Не викам дека немаме потенцијал да направиме нешто, секако сме убава земја но мислам дека копнеењето по некаков елитен туризам е во моментот утопија. Исто како што е утопија дека аеродромот во Скопје ќе бил регионален центар или пак дека ротирачката реклама на зградата на Пелагонија (која btw не ротира барем 7 години) е најголема на балканот. Уморен сум од тој наш комплекс дека сме "посебни".

Повторно како одличен пример за нас би ги посочил "досадните словенци" кои без некоја претенциозност дека ќе бидат следната ТОП дестинација, трпеливо изградија една релативно обична но разновидна туристичка понуда која им носи и по неколку милиони туристи годишно.


Edited by pbanks - 25-Mar-2010 at 12:09

Originally posted by pbanks Не е за Македонија но еден навистина освежувачки промотивен спот за земја кој деновиве се врти по светските медиуми. Додека секоја до една европска земја (вклучувајќи ја и Македонија) труе со веќе предвидливите памфлети со природни убавини, народни носии и танци, кујна, религиски објекти, урбани пејсажи и сл, во една трка да се докаже кој е постар и потрадиционален (а истовремено модерен и современ), Косово реши да ја промовира својата младост, потенцијал и иднина. Одлично направено. П.С. Само да предупредам дека незгодни коментари на сметка на Косово ќе бидат инстант санкционирани. Зборуваме исклучиво за спотот и за идејата зад него.

 

дополнителен мотив за кампањи како Македонија Вечна или Инвестирајте во Македонија! не би сакал да шпекулирам зошто ваква "заврзлама" но не е далеку од памет некој да направил намерен превид заради родбински врски!?! како и да е не е мала работа да излезе ваква статија во гардијан! без разлика што писаниево од нет има грешен мапа линк, што од друга страна на оние кои знаат или пак сакаат нешто повеќе да дознаат дополнително би им привлекло внимание! ниедна реклама не е лоша реклама, особено кога битно ти е да привлечеш какво такво вимание!

постојано има текстови наоколу но мислам никој не води евиденција за тоа!?

A dive into Macedonia’s past at Lake Ohrid http://www.guardian.co.uk/travel/2010/jan/30/macedonia-kapka-kassabova-lake-ohrid http://turkeymacedonia.wordpress.com/2010/02/02/a-dive-into-macedonias-past-at-lake-ohrid/

Добра емисија, особено што истата продолжува дебатно во студио во вториот дел... само можеле да поработат малку на диги шминка на тоа снимките, сепак ако сакаме ова утре да се продаде на некого како локален дигитално-туристички водич треба да се оди профи до крај... најблиску до профи документарна емисија од поновиве кај нас е мокош на алфа http://www.alfatv.com.mk/default.aspx?mId=71&articleId=35 но па тие ептен ја имаат затерано експериментално, всушност се е ок но тоа фонот е во аут, сепак битно се прави по некој блиску до профи материјал...

коктелијада Објавено на 30.09.2009, од шоком емисијата е ок, профи пристап во реализацијата, а со дигиталната опрема т.е. видео квалитет отскокнувате од останатите документаристи во МКД, но експериментот околу музиката и коктелите на аудио-видео атмосфера во репортажите на моменти е какафоничен спектакл од звуци и бои, особено кога станува збор за репортажите за црковни храмови, каде сето тоа кога ќе се зачини со расоблечена водителка во таков објект, неминовно е човек да остане збунет (сензационализам на квадрат) и јасно се си е кога е цело, нели, па на коктелијадата кога ќе се надоврзат картографските претопите помеѓу сцените во фон со лори андерсон, навистина документарциве се само за во циркуски музеј! ќе речам оригинално, но со оглед дека сме во дефицит со нешто поозбилни но продукциски квалитетни докоментарци по јавниве тв сервиси, ова навистина е штета што утре не би можело да се искористи во некоја повисока цел како презентација на МКД која би можело да оди и како англиска верзија, евентуално на некое мултимедијално издание

Да не е Катерина Ивановска?!

Не ми беше целта да го критикувам серијалот на спотови за МК кој го коментираме во нишкава. Во голема мерка тие спотови си се професионално одработени и тука нема дилема.

Едноставно ми беше освежувачки косовскиов концепт (спотот е инаку на израелскиот сачи и сачи) па мислев да го прокоментираме. Јас барем сум презаситен од шаблионскиот пристап кој го употребуваат европските (а особено источно европските земји).

Да се ставиме во кожа на еден западно европеец кој е генерално игнорантен за источна европа и сакаме на некој начин да го заинтересираме за нас. Кога ќе му се наредат 2-3 спота за Србија, Хрватска, Македонија, Ерменија, Грузија, Бугарија итн едно по друго исти како јајце на јајце... Дали мислиш дека нешто ќе успее да запамти од тој куп?

@ pbanks

Различни спотови имаат различна намена и цел. Не се слагам дека спотови „со природни убавини, народни носии и танци, кујна, религиски објекти, урбани пејсажи и сл“ се по дифолт лоши. Тоа се во најголема мерка спотови сконцентрирани на туристичка промоција и за таа цел мислам дека се сосема прикладни. Нормално, во тој опсег има и лоши и добри спотови, но тоа е индивидуално од спот до спот и зависи од редица фактори.

Спотов за Косово секако би го оценил со висока оценка, но од разбирливи причини тој е насочен кон поинаква промоција, па директни споредби се погрешни.

Па добро ипак секој што мука си иа тамо удира. Еве ние непто со идентитет. Косово е сеуште млада држава и се промовира како "новите европјани". А спотов ми е малку некако празен. Ипак и тука со мостот некако има историја, со реката природа. Но сепак преовладува моментот дека заедно луѓево лансирале нова земја.