Монументална скулптура на Ѓорче Петров со висина од 9 метри која ќе биде поставена на крстосницата кај трговскиот центар СП Планет во Општина Ѓорче Петров, ќе ја работи Дамјан Ѓуров од Гевгелија. Неговиот труд ја доби втората награда на конкурсот за идејно решение којшто во ноември, лани го распиша Општина Ѓорче Петров. Општинарите информираат дека од пристигнатите 14 трудови, специјално формираната комисија одлучила да не додели прва награда, туку со поединечно изјаснување на сите членови едногласно било одлучено да се доделат една втора и три трети награди.
- Втората награда ја доби Дамјан Ѓуров од Гевгелија а третонаградени се трудовите на авторите Благоја Анѓелковски, Дарко и Елена Дуковски и Марија Јанкуловска сите од Скопје. Одборот одлучи второнаградениот конкурсен труд на авторот Дамјан Ѓуров да биде изведбен, а комплетен извештај за неговата работа доставил и до Советот на Општината Ѓорче Петров и истиот бил усвоен, информираат од Општината.

Монументална скулптура на Ѓорче Петров ќе биде поставена на крстосницата кај трговскиот центар СП Планет. Општинарите информираат дека споменикот ќе гледа кон Водно, од неговата јужна и западна страна ќе биде поставен грбот на општината, а на скверовите на сите четири улици ќе има по една фонтана и клупи за одмор. Споменикот, симболично ќе претставува капија на општината која ќе ги потсетува минувачите дека влегуваат во општина која гордо го носи името на македонскиот револуционер.

Багери деновиве го раскопаа плоштадот Македонија

Багери деновиве го раскопаа плоштадот Македонија на местата каде што ќе се поставуваат постаментите за спомениците на Гоце Делчев и на Даме Груев.

Постаментите ќе бидат од бетон, обложени со мермер, со релјефни прикази, а спомениците на револуционерите се излеани во бронза. Тие пред еден месец пристигнаа во Македонија и ќе бидат поставени штом Општина Центар ќе ги изгради постаментите.

Ма­ди­ња­та стиг­наа