Св. Константин и Елена - Центар

ЌЕ СЕ ТРГА ОГРАДАТА ОД ГРАДИЛИШТЕТО НА ЦРКВАТА „СВ. КОНСТАНТИН И ЕЛЕНА“ ВО ЦЕНТАРОТ НА СКОПЈЕ, ПОМИНАТ Е РОКОТ ЗА ГРАДБА ОД 10 ГОДИНИ



Инспекцијата на Општина Центар ќе ја отстрани металната ограда од градилиштето на црквата „Св. Константин и Елена“ на улица Македонија во најстрогиот центар на Скопје. Како што велат од Општината, поминат е рокот за градба од 10 години и сега просторот ќе го расчистат и ослободат од тарабите.

„Таму нема никакви градежни работи, ниту пак има најава до Општината дека тие ќе продолжат со оглед на тоа дека е поминат рокот за градба. Затоа во наредниот период оградата ќе биде тргната, просторот ќе биде исчистен и овој дел од центарот на градот ќе биде ослободен од лимените бариери“, вели Мирослав Богдановски, раководител на Инспекторатот на Општина Центар.

Црквата „Св. Константин и Елена“ почна да се гради во ноември 2012, а на почетокот на изградбата присуствуваше и тогашниот премиер Никола Груевски. Инвеститори се Македонската православна црква (МПЦ) и Фондацијата „Св. Цар Константин“, која што беше формирана од МПЦ за изградба на црквата. Груевски организираше три донаторски конференции со македонски компании за да се соберат пари за изградба.

Во 2013 имаше насилни протести пред Општина Центар, организирани од фантомска организација со цел да спречат наводно уривање на црквата тогашниот градоначалник Андреј Жерновски. За протестите имаше долго судење, кое што заврши во септември 2020 со затворска казна од 1,5 години за Груевски како нарачател на насилствата.

Црквата ја градеше компанија „Бетон“. Пред година и пол, приватната болница „Ре-Медика“ го презема преостанатиот долг на МПЦ и Фондацијата „Св. Цар Константин“ од околу 3,5 милиони евра за да работи подобро, без милионскиот долг за изградба на црквата.

А. АНТЕВСКА

https://sdk.mk/index.php/dopisna-mrezha/ke-se-trga-ogradata-od-gradilishteto-na-tsrkvata-sv-konstantin-i-elena-vo-tsentarot-na-skopje-pominat-e-rokot-za-gradba-od-10-godini/?fbclid=IwAR0mdoQymd6qAC74o7avm5zC25Qbzd8Kaz62rV-T3g7Zw7BjBr_5ZCaPk-w#.Y8ZVXWSyqe4.facebook

Повеќе за богобојазливите ктитори на црквата:

https://irl.mk/mjordanov/

Амин.

Edited by hcitrS - 25-Feb-2022 at 04:58

Црквата во Центар 10 години таложи долгови, Јорданова: МПЦ ја има обврската да ја догради и да ги исплати долговите



Со години црквата Свети Константин и Елена во центарот на Скопје стои недоградена со кранот покрај камбанаријата и не се знае што ќе се прави со неа понатаму. Неа почна да ја гради фондацијата свети Цар Константин но поради тоа што западна во долгови се откажа.


Во ноември 2012 година овде пред платото на Домот на Армијата започна изградбата на црквата Свети Константин и Елена. Црквата требаше да биде готова за три години. Но и до ден денеска таа е оградена со лимена ограда и нема најава дека работите ќе продолжат.

Во септември минатата година директорката на болницата Ремедика Елица Јорданова, која е и сопруга на бизнисменот Минчо Јорданов го презеде црковниот храм и долговите од околу 4 и пол милиони евра што беа направени кон Бетон кој ги изведуваше работите. Јорданова за ТВ21 вели дека сите обврски ги има Македонската православна црква.


„Црквата си е на Црквата таа ќе си ја отплаќа на рати и тие ќе ги преземат обврските и се што треба во врска со неа. Се е во тек, договорено е уште кога јас ја презедов, тие да ги продолжат работите односно да ја доизградат. 10 години Бетон бара да и се плати за она што го работеше, но изведувачите и подизведувачите си тужеа си добија, а Бетон остана во долгови“, вели Јорданова.

Досега ниту еден градоначалник на Скопје не се ангажираше да се помрднат работите од мртвата точка. За ова побаравме и став од градоначалничката Данела Арсовска но одговор не добивме. Изградбата на црквата ја следат контроверзи, најпрво преку продажбата на државното земјиште на МПЦ кое го купило по неверојатно ниска цена од 1.800 денари за метар квадратен, а потоа и преку одржаните собири на бизнисмени но и банкари од кои се бараше да донираат пари и на тој начин да се финансира градењето. Беа одржани три донаторски конференции организирани од тогашниот премиер Никола Груевски при што се собраа околу 2 милиони евра.

https://mk.tv21.tv/tsrkvata-vo-tsentar-10-godini-talozhi-dolgovi-jordanova-mpts-ja-ima-obvrskata-da-ja-dogradi-i-da-gi-isplati-dolgovite/?fbclid=IwAR1k_VGwimMxeGFGDenJcxVcE2oromDTniPqTE40Ve1WO2VjH5js-Do2Lok

За црквата МПЦ може да продаде некој имот и да си ги отплати долговите и да ја доврши но секако, како и секогаш чекаат некој друг да им ги заврши работите. МПЦ ДОО не го интересира ништо ако некој друг не го отвори паричникот.

Мислам дека внатре Музеј на ГРад Скопје солидно е реновиран, однадвор не е чепнат веројатно уште од 1963 г.

Како шо спомнав пред нркпк ден во пост барем музејот можрше да ср уфрли како обврска на лимак (секако лимак им узурпира дел од парцелата, ама никому ништо). Мислам дека со музејот ќе биде баш така ко шо викаш, фасада негибната, и пвц на 70% од столаријата, а останатата не сменета. Пред 1-2 год., имаше некојси скоро 1 мил еур проект наводен (некои странску фондови за сиромашни), и идеен се изработи и основен беше во тек ко бајаги, ама чим до сега не се појави ништо во јавноста пропадна и тоа изгледа.

Ja nigde ne procitav dali ke se dogradi uopste i koga

АКЦИОНЕРИТЕ НА БЕТОН ГЛАСАА ЗА: Црквата Св. Константин и Елена оди кај Ре-Медика

Акционерите на градежната компанија „Бетон“ ја усвоија одлуката за префлување на долгот за црквата Св. Цар Константин и Елена во центарот на Скопје кон приватната здравствена установа Ре-медика. На вчерашното собрание гласаа за оваа одлука со што, сега оваа црква веќе ќе и припаѓа на болницата. Станува збор за долг кој кон Бетон го имаат фондацијата Св. Константин и Македонската православна црква (МПЦ) од точно 270 милиони денари (4,4 милиони евра). Како ќе се отстапи долгот така и сопственота на црквата ќе се префрли од Бетон кон Ре-медика. Сега по усвјувањето на одлуката таа ќе треба да се спроведе односно болницата ќе треба на „Бетон“ да му го исплати целиот износ со што ќе стане доверител. Овој долг, како што знае јавноста е за изградбата на црквата Свети Цар Константин и Елена која „Бетон“ ја градеше во центарот на град Скопје.

„Се одобрува склучување на зделка со заинтересирана страна – склучување на Договор за отстапување на побарувањето со Приватна здравствена установа општа болница РЕ – МЕДИКА Скопје, во вкупен износ од 269.918.842 денари. Побарувањето, ДГ БЕТОН го побарува од Фондацијата Св. Цар КОнстантин и Македонската Православна Црква – Охридска Архиепископија, согласно Спогодба за регулирање на меѓусебните права и обврски 25.12.2020 година, стои во одлуката.

Фактор дозна дека само една рата им платиле на „Бетон“ фондацијата Св. Цар Константин и Македонската православа црква (МПЦ) за црквата која недоградена стои во центарот на Скопје и до ден денешен упорно тврделе дека немаат пари за да ја платат. Менаџментот на градежната компанија, како што веќе објавивме, во безизлезната ситуација, а во обид да ги исчисти долговите, сега ова побарување го префрлува на поврзаната фирма ПЗУ Ре-Медика.


Елица Јорданова, управител на Ре-медика за Фактор минатиот месец не даде подетално објаснување за случајот. Потврди само дека има одлука за префрлање на долгот од Бетон кон Ре медика и дека се додека долгот не се исплати тие ќе бидат сопственици на црквата.

„Така е Ре-медика си купи црква. Бетон требаше да ја продаде таа црква а не да ги моли да плаќаат, вели Јорданова за Фактор.

Лани во ноември „Бетон“ побара да се отвори стечајна постапка затоа што не можеше да наплати 1,1 милион евра од фондацијата.

Во декември 2014 година тогашната Влада предводена од екс премиерот Никола Груевски објави дека политичари, стопанственици, владици од Македонската православна црква – ОА, учествувале на донаторска конференција за доизградба на црквата „Св. Константин и Елена“ во Скопје, чие возобновување со повторна изградба почнало во 2012 година

На акционерското собрание усвоени се и другите одлуки. Меѓу нив продажбата на Хотелот на Бетон во Дојран на Репро 21 ДООЕЛ за 1,3 милиони евра.

Постапките за чистење на компанијата некои познавачи ги толкуваат како обид компанијата да стане поконкурентна и покомпетитивна.

https://faktor.mk/akcionerite-na-beton-glasaa-za-crkvata-sv-konstatnin-i-elena-odi-kaj-re-medika

Јорданова за „Св. Константин и Елена“: Си купувам црква и ќе си палам свеќи за здравје

Директорката на болницата Ре-медика и сопруга на бизнисменот Минчо Јорданов, Елица Јорданова, во изјава за Телма околу префрлањето на долгот за изградбата на црквата „Свети Константин и Елена“ од Бетон во болницата, вели дека „си купува црква и ќе си пали свеќи за здравје“.

Јорданова го коментираше преземањето на долгот од 4,4 милиони евра на Фондацијата „Св. Цар Константин“ и МПЦ кон Бетон, натрупан низ годините во кои се градеше храмот во центарот на Скопје, кој и натаму стои недовршен. Болницата ќе треба на „Бетон“ да му го исплати целиот износ, со што ќе стане доверител во стечајната постапка за Фондацијата, која беше отворена лани. Одлуката за преземањето на долгот треба да ја усвојат акционерите на Бетон на вонредното собрание на 18 октомври.

Досега Бетон требаше да ја продаде, а не да ја моли црквата да си ги плати долговите. Дали некој досега се запраша дали споменикот на Мајка Тереза е платен како и други објекти од „Скопје 2014“. Тој што ги нарачал тие инвестиции требало да ги плати, не е во ред со години да должат. Бетон треба да си ги наплати долговите“, вели Јорданова во изјавата за Телма.

Црквата „Св. Константин и Елена“ требаше да почне да се гради во 2009-тата година, кога тогашната власт на ВМРО-ДПМНЕ го претстави планот таа да биде подигната на Плоштадот „Македонија“. По реакциите во јавноста, протестите и барањата за реципрочна изградба на џамија на скопскиот плоштад, беше предложена актуелната локација на црквата, во дворот на Домот на Арм.

Изградбата почна во 2012 година, но запре откако почнаа да се таложат долговите. Во декември 2014-тата, тогашната Влада објави дека политичари, стопанственици и владици од Македонската православна црква – ОА, учествувале на донаторска конференција за доизградба на црквата.

https://www.slobodenpecat.mk/jordanova-si-kupuvam-crkva-i-kje-si-palam-svekji-za-zdravje/

Сумљиво 100%....