Автопат Демир Капија - Смоквица

Босна и Херцеговина и Црна Гора не ги сметам како региони кои би можеле да се споредуваат со нас. Едноставно, цената на километар автопат во овие региони е драстично поголема од било кој друг дел од регионов. И не само во однос на тоа колку вијадукти и тунели има. Доволно е да се пресмета колку би чинело да се доведе сета механизација на теренот на Морача или долината на Неретва. Едноставно, тоа чини!

Фала богу дека има и поскапи. Цената пред се зависи од самата теренот. Така на пример Босна е претежно планинска земја и нормалн е да биде поскап 1км автопат отколку во Македонија или Унгарија на пример.

Еве до каде е стигнато со изградбата на мостот по тунелите во Демиркаписка клисура, како дел од автопатот Демир Капија-Смоквица. За жал, сонцето удираше директно во возот, така што излезе слабо фото:

Можеби затоа што беше стопирана градбата на автопатов па сега забрзуваат за да се запази рокот на изведба.

Браво за репортажата, фалат вакви работи директнно од терен.

Ексклузивна репортажа на Алфа од новиот автопат Демир Капија - Смоквица

Грчките плажи и гевгелиските казина 8 километри поблизу, а до нив ќе се стигнува и до 30 минути побргу. Новиот автопат од Демир Капија до Смоквица не го следи Вардар низ клисурата туку премостува реки и пробива ридови речиси во права линија.

Алфа ексклузивно ја мина целата должина од 28.2 километри на проектот кој треба да биде готов до крајот на 2016-та.

Ова е најтешкиот дел од Коридорот 10. Самата траса почнува со мост преку Вардар кој директно влегува во карпите, во тунел.

Грубите работи на овој прв тунел се речиси завршени. Едната цевка е ископана, а и другата е пред самиот крај.
Пред само неколку минути овде имаше контролирана експлозија. Преку 600 се потребни за да се пробие целата должина на тунелската цевка од 1.2 километри.

На секое детонирање му претходи внимателна пресметка, јачината се прилагодува на цврстината на карпата, ни објаснија изведувачите. Поради безбедносни причини сообраќајот по стариот пат времено се запира.

„Работата се одвива многу добро, мораме да ги отвориме останатите 350 метри од левата цевка, но во истата цевка веќе се прави бетонската облога. Очекуваме тунелот да биде готов со бетонска облога до крајот на годинава“ вели Христос Заркадис, градежен инженер – Актор.

Тунелот почнува, но и завршува со мост. Автопатот овде ќе ги прескокнува стариот пат и реката и ќе се качи на спротивниот рид кој веќе е зарамнет.

За да ја расчистат целата траса, машините и градежниците отстраниле 600 милиони кубни метри земја. Изведувачите горди на потфатот – велат тоа е како секој Македонец да ископал по 300 кубици.

Мост и повторно тунел, овој пат од 1.3 километри, па повторно мост. Природните бариери ги надминува инженерската остроумност.

Во моментов се наоѓам на 14-от километар од почетокот на трасата кај Демир Капија. Се качувам на најдолгиот мост од 600 метри со столбови високи над 30 метри.

Кога ќе биде готов ќе биде и најдолгиот во Македонија, а и прв со ваков тип на носечка конструкција.

„Проценуваме дека ќе биде готов до крајот на годината за да можеме да минуваме со автомобили околу Божик. Тој е еден од највисоките мостови на проектот, а е и најдолгиот од другите четири слични мостови. Изградбата оди добро“ објаснува Заркадис.

Сега градежните машини и работниците патуваат по над 60 километри пристапни патишта кои беа пробиени само за нив.

Последните неколку километри се речиси комплетирани, поставен е и првичниот слој асфалт кај Смоквица. Тука новиот ќе се поврзе со постоечкиот автопат.

Речиси половина од вкупните градежни работи се завршени. Кога ќе биде готов, за две и пол години, проектот ќе има 2 двојни тунела, 6 двојни мостови, 12 надвозници и подвозници, две клучки и сообраќаен контролен центар. Тогаш и старата делница Демиркаписката клисура ќе стане само регионален пат кој ќе ги поврзува околните населени места.

„Сите активности се одвиваат согласно динамиката и очекуваме зацртаната за завршување на градежните работи 2016-та година да се испочитува. Потоа, се надеваме дека ќе го користиме новиот автопат во должина од 28 километри“ изјави Љупчо Георгиевски, директор на ЈП за државни патишта.

Во моментов во изградбата се вклучени 700 градежници – 200 од Грција, од главниот изведувач Актор, и 500 од Македонија. Голем дел од нив се сместени во двата кампови крај Демир Капија кои се вистински мали гратчиња.

Делницата ќе чини 210 милиони евра, 45 милиони се од европските фондови, 6 милиони од буџетот, а останатите кредити од Европската инвестициска и Европската банка за обнова и развој.

Никола Крстиќ

Еве го и линкот ради најважното - видеото

Edited by Superman - 27-Jul-2014 at 18:35

Edited by koska - 23-Jul-2014 at 15:48

ПРОБИЕН ТУНЕЛОТ НА АВТОПАТОТ ДЕМИРА КАПИЈА -СМОКВИЦА

Вчера напладне беше пробиен тунелот кај Демир Kапија во рамките на градежните работи што грчката компанија „Актор“ ги изведува на новата делница Демир Kапија-Смоквица, која е дел од автопатот Скопје - Атина, дознава „Дневник“. На тунелот долг околу 1.200 метри се работи околу една година и по пробивањето останува тој да се доуреди.

Изградбата на автопатот. кој е дел од Kоридорот 10, се очекува да заврши во 2016 година.

Според проектот, новиот дел од автопатот се гради веднаш по Демир Kапија и продолжува од десната страна покрај Вардар. Понатаму се движи кај селото Миравци и ќе заврши кај селото Смоквица. Новата автопатска делница ќе биде долга 28,2 километри, ќе има по три ленти од двете страни и зеленило во средишниот дел. Планирана е изградба на две клучки кај селата Миравци и Смоквица, два тунела и шест моста. (С.Д.)

http://www.dnevnik.mk/default.asp?ItemID=4F6120E953D5CB48AFE098A75B9885A0

а бе дечки имаше еден сајт за вакви градежни работи, како му беше линкот, гледам дека и таму има од вас активни, сакам да сум во тек со настаните од регионов посебно

Јас поминав минатиот викенд, работите се со страшно брзо темпо.
Почнат е да се гради мостот на излез, кај тунелите. Како и клучката кај Смоквица е видлива од патот.