Авиокомпании и линии

Во Европа преку Виена и Истанбул

 

 

Повеќе од половина патници што лани патувале од „Александар Велики“ ги искористиле редовните линии за да стигнат до друг аеродром, каде што фаќале лет до други европските градови

Најголемиот дел од европските метрополи како Париз, Лондон, Мадрид, Стокхолм, и со авион се' уште се многу далечни за македонските патници. Според најновите статистички податоци, повеќе од половина патници што лани патувале од „Александар Велики“ ги искористиле редовните линии за да стигнат до друг аеродром, од каде што има директни врски до европските градови. Македонците најчесто патуваат до Виена и Истанбул, од каде што фаќаат авион за скандинавските земји, Велика Британија, Италија, Франција, Германија, Шпанија, Америка, Австралија, Блискиот Исток. На ниво на научна фантастика е воведувањето директна линија до Њујорк, како што има од Тирана и од Приштина.

Годишната статистика за сообраќајот на скопскиот аеродром покажува дека минатата година биле превезени 599.519 патници, што е за 8,1 отсто помалку од 2008 година. Од вкупно превезените патници дури 53,8 отсто го продолжиле летот од друг аеродром до крајната дестинација. Тоа се 6,3 отсто повеќе трансфер-патници од 2008 година.

- Зголемувањето на индиректниот авионски сообраќај во земјава се должи на намалувањето на некои од директните маршрути, а делумно и на престанокот на оперирање на домашниот авиопревозник МАТ - објаснуваат од „Александар Велики“.

Сепак, на домашните патници летово ќе им бидат достапни неколку нови директни линии до Брисел, Хамбург, Верона, Берлин и до Копенхаген. Но, ќе останат и без авионски врски со Сараево и со Келн, кои беа укинати уште во зимскиот ред на летање. Летниот ред на летање од скопскиот и од охридскиот аеродром, кој трае од 28 март до 30 октомври, годинава ќе го дополнат две нови не многу звучни компании. Едната е италијанската „Меридијана“, која ќе лета до Верона и Рим, а швајцарската „Еделвајс ер“ ќе оперира со многу фреквентната линија до Цирих.

Речиси на сите нови линии ќе летаат чартер-компании кои планираат да оперираат со нив само во екот на летната сезона, кога има и најмногу патници. Според летниот ред на летање, дел од редовните превозници кои летаат на дестинациите кои се актуелни во текот на летото, имаат по еден до два лета повеќе неделно. Но, има и такви кои ги скратиле бројот на неделни летови, знаејќи дека од март до октомври им се намалува бројот на патници.

- Најфреквентни дестинации лани, според бројот на патници, беа Виена и Истанбул. Зголемување на бројот на патници има и на линиите за Будимпешта, Прага, Загреб, Истанбул и Диселдорф. Сепак, најголем подем во 2009 година имаше на новите дестинации Подгорица и Тиват, преку кои трансферираат голем број патници за Рим. Помалку патници летале за Цирих, Рим, Љубљана, сите германски дестинации, Софија, Тирана и Сараево- велат во скопскиот аеродром.

Во компанијата „Скај вингс“, која работи како чартер-компанија, најавуваат дека ќе го зголемат бројот на летови и на нови дестинации во екот на летната сезона. Освен воведување дополнителни летови за Цирих, Диселдорф, Брисел, Хамбург, Берлин, Рим, Виена и Истанбул, раководството најавува и воведување на две нови директни линии.

- Ќе се воведе директна линија за Копенхаген од 15 јуни до 15 септември, два пати неделно, поради големиот интерес за дестинацијата во тој период. Исто така, од 1 јули до 31 август ќе има директна линија од Охрид до Амстердам. Со туристичките агенции договорени се и над сто чартер-летови до туристичките места во Турција и Египет - вели Ајан Џафероски, претседател на бордот на директори на „Скај вингс“.

И покрај лошата состојба во авиосообраќајот, скапите билети и непостоењето директни врски, Македонија и натаму ќе остане без национален авиопревозник што ќе сообраќа на повеќе линии и би требало да придонесе за пад на цените. Иако менаџерите на новиот концесионер на аеродромите во Скопје и Охрид, турската компанија ТАВ, сугерираа дека националниот авиопревозник е клучен за поевтинување на летовите, Владата засега нема интерес да формира државна авиокомпанија. Наместо тоа, државата ќе субвенционира одредени линии за кои смета дека се во интерес на македонските патници. Според најавите од Владата, веќе се прават проценки за тоа кои линии би биле од најголем интерес за патниците од земјава.

Лето без изненадувања

 

И во летниот ред на летање отсуствуваат имињата на нискотарифни компании, кои со години ја заобиколуваат Македонија. Од позвучните имиња како и досега, „Малев“ ќе лета за Будимпешта секој ден, Чех ерлајнс за Прага, Аустријан ерлајнс за Виена и Туркиш ерлајнс за Истанбул. Продолжуваат и секојдневните летови на ЈАТ за Белград, Кроација ерлајнс за Загреб, Адрија ервејс за Љубљана и „Монтенегро“ за Подгорица. Најголем интерес има за линијата за Цирих на која ќе летаат Хелветик ервејс шест пати неделно и „Еделвајс ер“ четири пати. Според најавите, од 15 јуни на оваа релација ќе оперира и „Скај вингс“ со 16 лета во текот на неделата. „Бугарија ер“ ќе лета за Софија трипати неделно, а „Меридијана ер“ за Верона и Рим.

 

Даница Тунтевска

http://www.dnevnik.com.mk/?ItemID=1D1CDAB73B88D440AA781D1EFF92DDAA

Edited by SkyBoy - 22-Mar-2010 at 01:10

Нам така ни изгледаше, ама не џабе западњаците кажуваа дека JAT = joke about time

....демек да не пукнеме ич од среќа поради оваа вест... МИЗЕРИЈА!!!

А кои се тие Еирлифт? Зошто неможам од прва да ги најдам на интернет? Или се работи за поредната македонска НАЦИОНАЛНА компанија?

ДОЦ­НЕА ПОЛЕТУВАЊАТА ОД СКОПСКИОТ АЕРОДРОМ Снегот го изненади ТАВ Патниците во авионите на речиси сите авиокомпании со часови че­ка­ле да полетаат, оти Скопскиот аеродром имал проблем со недостиг на сред­ство за одмрзнување на воздухопловите Сне­гот вчера направи хаос на Скопскиот аеродром "Александар Велики". Ави­о­ни­те доцнеа со полетување по неколку часа. Најдолго чекаа пат­ни­ци­те во авионот на "Аустрија ерлајнс", кој во 14,20 часот требаше да полета за Виена, но и до затворањето на весникот не беше полетан. "Ве­ќе два часа сме во авион. Капетанот нe информираше дека, нај­ве­ро­јат­но, ќе полетаме околу 17 часот, ако времето се подобри", ни се јави една пат­нич­ка од авионот на "Аустријан". Со полетување доцнеа и авионите на "Малев", "Чех" и на "Туркиш". Од аеродромските служби информираа дека доцнењето на "Аустријан" би­ло одлука на пилотот на авионот. "Ави­о­нот беше третиран по процедура. Го испрскавме со соодветни сред­ства за вакви услови, но пилотот, поради големиот снег, одлучи да не по­ле­та", објаснија од Аеродромот. Но меѓу патниците се раширила информацијата дека има проблеми со средс­тво­то за одмрзнување на воздухопловите. Наводно, во текот на вче­раш­ни­от ден се користеле последните резерви од одмрзнувачот. Не­о­фи­ци­јал­но, периодот на примопредавање на управувањето на турски ТАВ направил вакуум во набавките, па залихите на средството за од­мрз­ну­ва­ње не само за авионите туку и за пистата, дошле на резерва. "'Ма­лев' полета во 16,30. 'Аустриан' одлучи да чека да се подобри времето, тоа е одлука на пилотот според компаниската политика. Средство за од­мрз­ну­ва­ње има за денеска и за утре. Потребните количина на одмрзнувач ве­ќе се нарачани и очекуваме да пристигнат", ни изјави вчера заменикот на глав­ни­от менаџер на ТАВ за Скопскиот аеродром Алпер Ерсој. Но во 17 часот не беше полетан ниту "Малев" ни "Кроација", а "Адрија" се от­ка­жа­ла од полетување. "Си­те чекаме. Има едно возило за одмрзнување, кај кој авион побрзо да оти­де. А и немало средство за одмрзнување, како што ми јавува оперејшн ме­на­џе­рот од Аеродром. Сега требало да чекаме пистата да се прска, па за авионот, кога ќе стигнеме на ред", реагираа вчера од една од стран­ски­те авиокомпании. http://vest.com.mk/?ItemID=FE3DBF7564C5A0449CFBA7E232EB517E

Во врска со претпоследната вест... За амбициите на Скајвингс...

Од компанијата негираат дека сакаат да станат втор МАТ. „Нема да станеме МАТ, ќе станеме сериозна авиокомпанија, која нема да прави никакви турбуленции, туку редовно ќе ги одржува авиолиниите“

Нели Скајвингс имаше цела низа скандали и еден тон извисени патници?

Првите луѓе на „Скај вингс“ велат дека за да ја остварат целта да станат редовен авиопревозник, работат подолго време, инвестирајќи во нови авиони. Тие моментно поседуваат еден, а веќе купиле и втор воздухоплов „боинг 737- 300“, кој треба да пристигне кон крајот на март

Со „нови“ авиони како Боинг 737 серија 300, иднината не е баш светла 

„Скај вингс“ бара да биде редовен авиопревозник

Од АЦВ велат дека до средината на март ќе се знае дали оваа авиокомпанија ги исполнува условите

Соња Маџовска

Авиокомпанијата „Скај вингс“ вчера доставила барање до Агенцијата за цивилно воздухопловство да биде редовен авиопревозник. Ова е прво вакво барање доставено до АЦВ откако МАТ ја изгуби функцијата на редовен авиопревозник во земјава. „Скај вингс“ засега лета на повеќе редовни чартер- линии, но сега бара да добие одобрување од АЦВ да биде редовен авиопревозник. Ова ни го потврдија и од „Скај вингс“ и од АЦВ.

Од авиокомпанијата, која е во сопственост на семејството Џафероски, очекуваат позитивна одлука, а од АЦВ, пак, велат дека до средината на март ќе се знае дали оваа авиокомпанија ќе добие одобрение, во согласност со тоа дали ги исполнува условите да биде редовен авиопревозник.

Оваа информација доаѓа еден ден по повикот на турски ТАВ дека на земјава и' е неопходен национален, односно редовен авиопревозник за да има поевтини и повеќе летови. Првиот човек на „ТАВ Македонија“, Мурат Орнелек, завчера отворено порача дека со модернизацијата на македонските аеродроми, ќе обезбедат услови, но дека зголемувањето на бројот на летовите зависи токму од интересот на авиокомпаниите. Тие и самите веќе преговараат да донесат авиокомпанија, бидејќи сметаат дека само така земјава ќе може да се бори со конкуренцијата во регионот, а патниците да добијат поевтини авиобилети.

Првите луѓе на „Скај вингс“ велат дека за да ја остварат целта да станат редовен авиопревозник, работат подолго време, инвестирајќи во нови авиони. Тие моментно поседуваат еден, а веќе купиле и втор воздухоплов „боинг 737- 300“, кој треба да пристигне кон крајот на март, со македонска регистрација и македонско знаме.

Од компанијата негираат дека сакаат да станат втор МАТ. „Нема да станеме МАТ, ќе станеме сериозна авиокомпанија, која нема да прави никакви турбуленции, туку редовно ќе ги одржува авиолиниите“, изјави вчера за „Утрински весник“, еден од сопствениците на „Скај вингс“, Алил Џаферовски и поранешен пратеник. Тој е уверен дека кога станува збор за бизнисот, нема да има влијание политиката.

Оваа авиокомпанија моментно лета на повеќе чартер-линии кон Дизелдорф, Цирих, Рим, Брисел, Истанбул. Овие линии сега може, но и не мора да ги одржува, но кога би го добиле одобрувањето за редовен авиопревозник, тогаш, имале-немале патници, ќе мора да летаат.

Од АЦВ потврдуваат дека ќе го разгледаат барањето на „Скај вингс“, за што очекуваат одлуката да падне до средината на март. Оттаму велат дека досега неколку компании побарале да станат редовни авиопревозници, но само на одредени линии, кои можат да ги добијат согласно со билатералните договори, но, главно, биле одбиени. „Досега имало 4-5 вакви апликации, две се одбиени, а две се во процедура. Има и две апликации за одобрувања чартер-летови на ’МАТ ервејс‘ и ’Монтер“, кои допрва ќе бидат разгледани. Секоја компанија треба да достави бизнис-план за кои летови аплицира и како ќе ги работи. Имаме европски пристап, а наша крајна цел е либерализација на авиосообраќајот“, вели директорот на АЦВ, Зоран Крстевски. Според него, од годинава се отворила можноста за одобрување редовни авиопревозници.

Крстевски најави дека веќе доставиле до Владата и нов закон со кој државата ќе може да одреди приоритетни линии, кои може да ги субвенционира, доколку се од интерес за државата.

Вчера контактиравме и со првите луѓе на „МАТ ервејс“, чии сопственици се српски „Контики“. Според нив, тие се' уште чекаат да добијат дозвола за летање, а аплицирале со бизнис-план за отворање чартер-линии, за дестинации за кои е заинтересирана компанијата „Контики“.

Инаку, Крстевски е уверен дека со модернизацијата на македонските аеродроми, ТАВ ќе создадат услови за побрз развој на авиосообраќајот во Македонија. Тој смета дека секаде во светот се напушта концептот на национални авиопревозници, каде што државата е сопственик, а тоа го барала и ЕУ. Инаку, речиси сите европски земји имаат вакви државни, национални авиопревозници и, иако секоја година прават огромни загуби, државите упорно им ги покриваат.                                                                                                                                           http://www.utrinski.com.mk/?ItemID=BF01BDE7397F5249A5BFCB01C500C34F  

Toa za Viktor Mizo, slabo e zastapen vo mediumite taka da neznam kolku e uspesen ili ne vo negovata agencija, sepak jas samo spomnav oti doslo do razgovori so direktorite na taa avstraliska kompanija. Se razbira oti od 100 razgovori samo 10 mozebi ke vrodat so plod a samo edna od niv ke bide realizirana. Bitno e kako makedonci da se trudime site da ja promovirame makedonia i moznostite koj taa gi nudi, no do pred malce koj moznosti mozevne da mu gi ponudime na stranskite aviokompanii? avtobuskata stanica vo skopje e poubava i pomoderna od aerodromot. So TAV barem nie vo dijasporata ke imame sto da im ponudime na aviokompaniite kako moznosti za letanje do makedonija.

Може би требало да смислат некаква подобра клаузула дека бројот на вработени 7 години ќе остане иста па тaв да си најде ист број само професионалци, а не токму овие истите што не знаат два плус два да соберат. За ова со диригирање број на вработени на личи на методата на Чавез што со војска диктраше цени по продавници, треба воопшто да нема таков тип обврски. Така не се лечи невработеност. Малку ни е искуството со акциите за вработување од Југославија што се направи попара и по фирми и по администрација. Што дека ќе седат 7 години, ког апосле тоа кога ќе престане обврската одма ќе ги отпуштат во пакет.


Edited by lslcrew - 22-Jan-2010 at 07:07

@ SaleSK

Не велам дека е невозможно, ама мој личен впечаток е дека е малку веројатно. Работите се отидени предалеку, во игра се стратешки државни интереси и којзнае што друго, а правните аргументи сепак се во една друга димензија (ова на нас во Македонија би требало да ни е особено јасно)

Не зум запознаен до која инстанца може Hochtief да поднесат тужба и кои се механизмите за целава работа да се врати назад. Ако имаш сознанија сподели.


Што се однесува до тоа дека помило би ти било аеродромите да ги добијат германците (Hochtief) или австриците (Виенски аеродром), за првите немам изградено некое мислење, ама вториве според мене ќе беа колосално промашување. Претпоставувам тие во соработка со Austrian Airlines така „фино“ ќе ги средеа работите за скопскиот аеродром да му слугува на виенскиот хаб, што ќе уништеа голем дел од потенцијалот за суштински развој на нашиот аеродром. Интересот на Austrian Airlines во овој правец беше веќе демонстриран.


А за превработеноста и небројните паразити по аеродромите, не мораш да ми ја кажеш бројката, и без тоа ми се крева косата
Но сепак не гледам како тоа суштински ја менува ситуацијата околу тендерот, сега отпосле.