Автопат Демир Капија - Смоквица

Originally posted by Bojan10 Звучам како да бранам некого, ама очигледно дека постојат луѓе кои би прифатиле и ништо да не се работи само да нема со што да се пофалат партиите пред избори, па не е ни битно што ништо не е направено. Кој ќе ги слуша додека се фалат, не дека има нешто премногу за фалење... Проектов треба реално да се гледа. Скап е, премногу, се гради со кредит, не го гради наша фирма, не е нешто многу од корист за Македонија и ќе служи што побрзо да се помине низ Македонија западњаците кога ќе одат на море во Грција. Да видиме дали Европа би ни дала пари да направиме автопат Охрид-Ресен-Битола-Прилеп-Велес.

Како прво, дали треба за секое асфалтирано сокаче да одат по 100 реклами на телевизија?

Како второ, дали ти би дал пари на сосед кој ти бара пари бидејќи има непокриена плоча и нема водовод в куќи, туку потрошил огромни пари купувајќи си статуетки и вазни?

Edited by marko.kostoff - 29-Jan-2014 at 20:13

Originally posted by daci92 Дали тоа на последната слика се гледа дека едниот правец е почнат и делумно асфалтиран ?

Тоа може да е само прв слој, избори се ближат мора да се кажува дека се работи со полна пареа

Дали тоа на последната слика се гледа дека едниот правец е почнат и делумно асфалтиран ?

Премиерот рече дека трасата е пробиена 95% а 30 и нешто % се завршени работите од целиот проект

*Сликите се од денешната посета на градилиштето од страна на Премиерот Груевски.

Преземени се од Фејсбук страницата на СГИП (Синдикат за градежништво, индустрија и проектирање на РМ)

Повели линк https://www.facebook.com/sekcija.mladisgip/media_set?set=a.528731920536515.1073741829.100001991353251&type=3

ГРЧКИ АКТОР РАСПИША ОГЛАС ЗА ИНЖЕНЕРИ, КРАНИСТИ И РАБОТНИЦИ


Се бараат 250 градежници за изградба на автопатот Демир Капија-Смоквица

Градежната компанија Актор, која е изведувач на изградбата на делницата од автопатот Демир Капија - Смоквица, преку оглас бара да вработи 259 градежни работници, меѓу кои и градежни инженери, кранисти и други работници. Компанијата во моментов на проектот во Македонија има ангажирано 330 работници, но за да ги комплетира своите планирани проектни активности и задачи во периодот кој следи, а кој опфаќа изградба на повеќе мостови, надвозници и патни јазли, има потреба од дополнителна работна сила. Работниците треба да имаат повеќегодишно работно искуство на проекти за поставување и изведба на високи конструкции до 100 метри, работа на висина, работа со големи челични и бетонски конструкции, транспорт и просторна манипулација на габаритни конструкции и нивно соодветно поставување.
- Вработените треба да имаат работно искуство на проекти на кои се поставувани мостови со Герберова греда односно конзолни носачи, засводени мостови, мостови со преднапрегнати греди, мостови лиени и обликувани со бетон, мостови со фина оплата и висина до 95 метри. Работните активности ќе се одвиваат на големи висини така што вработените треба да бидат во добра/одлична психофизичка состојба, да немаат страв од висини и да бидат подготвени да работат во ветровито опкружување - се бара во огласот.

Зависно од работната позиција вработените ќе треба да бидат подготвени да работат во смени, и во зависност од темпото на активностите кои треба да се резимираат да се подготвени да работат по неколку прекувремени часови во работните денови како и за време на викенди. Воедно во огласот се повикуваат и вработени кои немаат работно искуство, а се заинтересирани за работа на проектот да се пријават на овој оглас, а одбраните ќе добијат соодветна обука за заштита при работа.

Проектот за изградба на автопатот на Коридорот 10, на делницата Демир Капија - Смоквица е проект со кој се предвидува изградба на нова модерна автопатска делница во должина од 28,18 километри, во согласност со европските стандарди со што ќе се комплетира главната оска од Коридорот 10 која поминува низ Македонија. Заради комплексноста на теренот на кој ќе се извршуваат градежните работи, проектот е оценет како доста сложен.

(Ал.С.)
http://www.vecer.com.mk/?ItemID=7FB30A1EC5B8B448B08871EA2ABA1F8F

Originally posted by gjoko танкс.значи она е излезот на тунелот одма на почетокот на делницата

не не,

ова е базата: https://maps.google.com/?ll=41.409281,22.268949&spn=0.003456,0.006968&t=h&z=18

а овдека се тунелите (2-та), над стариот:
https://maps.google.com/?ll=41.40599,22.262941&spn=0.001642,0.003484&t=h&z=19

редовно возам навака па следам ситуација ... само не сум имал време да застанам и да сликам.