Охрид - град на УНЕСКО

Eve vi nekolku sliki od Plaosnik:

Јас имам стан во Охрид, и редовно плаќам комуналии за вода и ѓубретарина, исто како и Охриѓани а кумулативно сме цело семејство помалку од месец ипол годишно во Охрид. Со кое право ќе бара од мене 100-200 евра годишно такса за станот за кој освен данок на имот се плаќа и се останато. А економски не би рекол дека е така мал нашиот допринос во економијата на Охрид. Барем 2-3 кафиња/пива дневно, барем по едно јадење во ресторан за време на викенд, и обавезно пазарење од маалско маркетче. Се надевам дека ќе се свестат овие во советот, дека ќе у најдат и некоја уставна закачка како онаа која ја истакна ЛСЛ и ќе го пензионираат градоначалников на следните избори.

Аха значи и Скопје треба ова да го спроведе за сите што не се од Скопје, поготово за охриѓаните кои ќе треба да платат 1000-2000 евра годишна такса заради тоа што само тие ќе можат да уживаат во убавините и благодетите на двата града. Него шала на страна, неќам да го сведам ова на локал-патриотизам, но кога ќе размислам дека овој човек некој го гласа два пати по ред.............................луѓево дефинитивно скренале.

Устав на РМ
Член 27

Секој граѓанин на Република Македонија има право слободно да се движи на
територијата на Републиката и слободно да го избира местото на своето живеа-
лиште.
Секој граѓанин има право да ја напушти територијата на Републиката и да се
врати во Републиката.
Остварувањето на овие права може да се ограничи со закон, единствено во
случаите кога е тоа потребно заради заштита на безбедноста на Републиката,
водење на кривична постапка или заштита на здравјето на луѓето.

Правото на слободно движење неможе да го ограничи, за по ниеден основ не спаѓа оваа неговата намера, а за кон на кој може да се повика нема. Каква е таа такса зашто малку пари оставале туристите. Каква е таа дополнителна такса кога веќе еднаш сопствениците платиле данок на имот на општината. Многу си имаат во глава, кловнови како овој, зартано дека се сите должни нив да им ги полнат џебовите, како да е тоа некоја обврска. Ништо не понудиле да за да ги извлечат парите од туристите, прозивод и цена на кој неможе да се оддолее, услуга за која вреди да се плати, дали во кафана, дали за смештај сеедно. И не е прв пат ова имало и поголеми глупости.


Edited by lslcrew - 19-Nov-2011 at 15:38

ваква зелена одамна некој нема скинато,а и се коси со уставот на РМ за слободно движење на луѓе.уште ова му треба на Охрид па катастрофата во туризмот не му бега.


ОХРИДСКИОТ ГРАДОНАЧАЛНИК ЌЕ СТАВИ НАПЛАТНИ РАМПИ НА ВЛЕЗОТ ВО ГРАДОТ


Едно евро за влез во Охрид!


Според Петрески викендашите не трошеле ништо и си носеле храна од дома, а тие пак со станови и викендички ќе плаќале годишна такса од 100 до 200 евра, бидејќи ако имале пари да си купат имот во Охрид, ќе имаат и да плаќаат такса

Едно евро дневно за влез во Охрид. Туристите кои сакаат да го посетат нашиот најголем туристички центар за новата давачка ќе треба да платат на трите рампи кои ќе бидат поставени кај Подмолје, Косел и Пештани. Ваква е замислата на охридскиот градоначалник Александар Петрески во борбата со викенд-туристите, кои, според него, уживале во градот, а не биле големи потрошувачи.
-Ќе поставиме рампа во Подмолје, една рампа во Косел и трета рампа во Пештани и секој кој влегува во Охрид, а не живее тука, да плаќа туристичка такса. Има многу викендаши кои доаѓаат во Охрид на еден ден, а не трошат пари. Значи си носат храна од дома, зафаќаат место со автомобилите, седат на плажа, јадат и пијат од она што го донеле и ќе го остават ѓубрето кое некој треба да го крене. Тоа општината ја чини многу, ако го земеме предвид фактот не оставаат ниту еден денар тука, ниту пак купуваат нешто во продавниците, вели Петрески.

За оние пак гости кои имаат свои викенд-станови градоначалникот им предвидел годишна такса од 100 до 200 евра во зависност од квадратурата и местоположбата. Цената на таксата би била според македонските стандарди, а оној кој имал пари да купи стан во Охрид, сигурно има пари да плати, објасни Петрески.
-Исто така јас сум на мислење да се воведе друг вид давачка за оние кои имаат имот во Охрид, а не живеат во него - да плаќаат годишна такса. Така е секаде во светот, така треба да биде и во Охрид. На тој начин ќе постигнеме неколку работи, нема да има толку голем интерес на граѓаните од други градови да купуваат станови во Охрид, што исто така е битно за развој на туризмот. Значи ќе собираме и средства кои ние повторно ќе можеме да ги вложиме во туристички цели за да привлечеме повеќе туристи, смета охридскиот градоначалник.

За новитетите кои ги најави Петрески експертите сметаат дека контролираниот влез во Охрид преку рампи е психолошка бариера која штетно ќе влијае врз имиџот на градот.
-Што се однесува до посетителите кои доаѓаат од другите градови и наплатата преку рампи сметам дека е тешко изводливо, затоа што многу од нив можеби не се туристи и можеби доаѓаат од други причини во градот. Сметам дека тоа ќе има негативен ефект. Рампите не доаѓаат предвид, а оние кои имаат станови треба да имаат зголемени давачки како дополнителна такса. Такви примери има секаде, но како контролиран влез во некој град со рампи делува како психолошка бариера која би била лоша за имиџот на градот. Оние кои имаат викенд-станови треба да плаќаат данок на луксуз, затоа што станот не се користи за живеење. Сепак, претходно ќе треба да се расчисти тоа кој е викенд, а кој стан за живеење. Процесот не е едноставен, вели Сашо Коруноски, декан на Факултетот за туризам во Охрид.

Според Ана Чукалеска, менаџер на туристичка агенција, рампите само ќе го намалат бројот на туристите.
-Ваков начин наплаќање на нова туристичка такса најверојатно е уште една иновација на градоначалникот. Реално тоа лошо ќе се одрази врз туристичката сезона. Домашните гости и онака го избегнуваат Охрид поради високите цени, па доколку треба да плаќаат и нова давачка, тогаш ќе го оставиме градот без туристи. Од друга страна, во поголемите светски метрополи нема рампи на улиците, а туристичката такса им е пресметана во самат цена, вели Чукалеска.
Најавата за рампи на трите влеза во Охрид ги вознемири и приватните станоиздавачи. Според нив градот кој секоја година се соочува со се помалку домашни гости треба да изнајде начин за привлекување а не за бркање на гостите.

Од друга страна, проблемот со наплатата на туристичката такса од 40 денари која е пресметана во цената која туристот ја плаќа за престој локалните власти ќе го решаваат со паушално плаќање.
-Сметам дека единствен лек за зголемување на наплатат да се направи пресметка на паушална туристичка такса. Еве, ние веќе се подготвуваме да донесеме соодветни одлуки, кои подоцна ќе треба да поминат и на Советот на Општина Охрид. Потоа врз основа на тоа треба да се донесе измени во законските одредби, кои треба да поминат и на Парламент, смета Петрески.

Инаку заклучно со септември во Охрид остварени се 426.603 ноќевања од кои над 389.320 во поголемите туристички објекти. Што се однесува до туристичката такса прибрани се 10, 8 милиони денари.
-Имаме зголемување на наплатата во однос на минатата година од 17 %, но сепак проблемите со затајувањето на туристичката такса е се уште присутен кај сите станоиздавачи вели Танас Тнасоски, раководител на Инспекторатот при Општина Охрид.

Сузана Вренцовска
http://www.vecer.com.mk/?ItemID=91E57BF5254B9543945146CEFC90FF09

Група туристи (?), Охрид, Св. Јован Канео, 1942 год.

Охрид, куќи под Самоиловата тврдина, 1925 год. Очигледна опустошеност после две балкански и една светска војна.

Охрид, куќи под Самоиловата тврдина, 1925 год.


Охрид, пристаништето, 1925 год.

ќе ми простите што не се обидов да ги средам сликите по редослед