Јавен автобуски превоз (општо)

Жолтите минибуси се распоредени во општините низ Македонија за превоз на ученици. А црвените ни јас ги немам видено

Луѓе дали некој има инфо што се случува со МИНИ-АВТОБУСИТЕ ??

Долгот на ЈСП - Скопје е пресметуван врз основа на неговата загуба плус субвенциите што ги добива или пак се работи за минус којшто е создаван низ годините?

СОВРЕМЕН СЕРВИСЕН ЦЕНТАР НА ЈСП ВО ЃОРЧЕ ПЕТРОВ Градоначалникот на Град Скопје, Коце Трајановски, градоначалникот на Општина Ѓорче Петров, Сокол Митревски и  директорот на Јавното сообраќајно претпријатие Скопје, Мишо Николов, денеска /06.04.2012 година/ ја пуштија во употреба реновираната хала на Јавното сообраќајно претпријатие Скопје, којашто е преадаптирана во современ сервисен центар за автобуси. - Оваа хала којашто ја пуштаме во употреба е реновирана во современ сервисен центар  со капацитет истовремено да опслужува најмалку 5 единечни или 3 зглобни автобуси, а за да може да се сервисираат и двокатните автобуси е зголемена висината.  Во наредните месеци треба да се реновира и втората хала којашто ќе биде опремена со современа перална, а за реализација на овој проект Градот од Буџетот одвои 15 милиони денари - изјави градоначалникот Трајановски. Во оваа реновирана хала  заменети се влезно/излезните врати со нови роло-алуминиумски врати, на електричен погон, со рачно и далечинско управување и со сигурносни сензори за заштита од незгоди, коишто овозможуваат брз и безбеден проток на возилата.Поставен е  современ уред за проверка на  системот за кочење со оперативен систем за целосна детекција и графички приказ на сите податоци од оваа област. Монтиран е систем за замена на различни флуиди во автобусите што опфаќа соодветни резервоари, пумпи и систем за електронска евиденција.Ископани се долнителни попречни канали-џепови, на два од постојните канали за специфични механичарски работи и изградена е нова просторија за техничко-административниот персонал којшто ќе работи во сервисот. Директорот на Јавното сообраќајно претпријатие Скопје, Мишо Николов,   истакна дека со отворањето на овој сервис, што е опремен со современ систем за контрола на маслото и соодветни резервоари за негово складирање, ќе се продолжи векот на автобусите, и нагласи дека ова е прва инвестиција во  халите на ЈСП од 1995 година наваму.

http://www.skopje.gov.mk/ShowAnnouncements.aspx?ItemID=4956&mid=482&tabId=1&tabindex=0

тие автобуси првенствено беа наменети за наши потреби за возење на локани линии во околина на кочани, мегутоа во мегувреме излезе тендер за набавка на половни автобуси кои овие ги исполнуваа условите и се понудија и бидејки беа со поволна цена нашата понуда се профати и заминаа за жал за кичево. имам детални слики од сите 4 автобуси кои ке ги прикачам на форумот 

ne ne .. ovie avtobusi se kupani od avto atom pa se prodadeni vo kicevo stie 4 vo petokot ili cetvrtokot gi odnesoa 

Originally posted by Тркало Моделот е Setra 315 NF, марката е во автобускиот свет како Мерцедес во автомобилскиот.Нормално, германска Со 4 исти вакви модели и со иста колор шема се поднови и Авто Атом - Кочани, Санос_а би знаел нешто плус информации.Прво помислив дека ги зеле од Кочани, ама сигурно се други 4 возила. Инаку, Симекс возат Кичево - Охрид со нешто слично на ова. Вториот модел е Sanos S-415, произведувани од 1983 - 1992.Со оглед на шарата (фабричка од Санос), двокрилните врати и состојбата би требало да е најкасно од 1988/9, после почнаа еднокрилни врати.По некоја случајност се имам возено во Кичево со ова или со тој до него - уште постар модел Санос S-314, прекинат со п-во во 1984...Очигледно воопшто не се одржувани пали вози

Значи, официјално овие се автобусите купени од Авто Атом - Кочани и се препродадени во Кичево.

`ФОРД`(фабрика за резервни делови-мислам така нешто беше) во склоп на РЕК Осломеј Кичево кое е дел на ЕЛЕМ,задолжено покрај другото за превоз на вработените на електраната за превоз на патниците,се `поднови` со половни 4 нископодни автобуси купени од Германија по цена 24 000 евра по автобус.автобусите делуваат многу очувани,во состојба каква што нема шанса да бидат ако биле користени во РМ,поради нашиот менатлитет на унишување на заедничката имовина.на секој од држачите каде би се држеле со рака патниците има прекинувачи,кои ако некој го притисне прекинувачот автобусот застанува ако после 50 метри возачот не го застане автобусот.е сега можам да замислам што ќе се дешава во автобусот знаеејќи што се се случувало во старите автобуси(зафрканции од најголем степен рамни на скриена камера)





а вака изгледа еден од автобусите што досега се употребуваше

Веста е постара од 6 месеци.

http://www.build.mk/forum/forum_posts.asp?TID=14&PID=110949#110949

Останува нејасно дали е потпишан договорот.

ден исполнет со добри вести од ЈСП. се надевам дека ќе се оствари се што е тука спомнато

Автобусите ќе ги мијат во германска пералница

Пералницата се очекува да биде готова за три месеци, а ќе има капацитет да измие 30 автобуси за еден час


Рачното миење на автобусите на ЈСП наскоро ќе стане минато. Цревото и четките ќе се заменат со современа германска пералница која ќе гарантира за чистотата на новиот возен парк на јавниот превоз. Во интерес на подобрување на условите за работа, од ЈСП деновиве привршуваат со активностите за изградба на модерна пералница во базата што се наоѓа во Ѓорче Петров.

Во фабриката во Германија од каде што ќе се набавува пералницата ги испратиле потребните димензии и нацрти за објектот чија изградба ќе ја финансира Јавното претпријатие со помош на градските власти. Се очекува пералницата да биде готова за три месеци.

Мишо Николов, директор на ЈСП, вели дека новиот начин на миење на возилата ќе биде од голема корист за вработените во базата во Ѓорче Петров, бидејќи во голема мера ќе го заштеди времето потребно за миење, а истовремено ефектите ќе бидат далеку поголеми од сегашните што ги нуди рачното одржување на автобусите.

„Пералницата ќе биде полн погодок, зашто новите и модерни возила бараат и соодветно одржување. Таа ќе биде германско производство, а ќе се изработува по нарачка. Ќе има капацитет да измие 30 возила за еден час. Неделава треба да го потпишеме договорот и да дадеме аванс. Очекуваме пералницата да биде готова за два-три месеци“, вели Николов.

Со изградбата на пералницата за потребите на автобусите што ги должи базата во Ѓорче Петров, ЈСП практично ќе заврши со модернизација на базата која се користи и за таканаречената дневна нега. Таму веќе е завршена санација на халата, во неа е вграден модерен систем за проверка на сопирачките, а се користи и систем за електронско досипување масло во возилата. Во оваа хала се третираат околу 200 автобуси од кои 130 секојдневно се пуштаат во сообраќај. За обнова на халата ЈСП потроши речиси 115.000 евра. Парите се од субвенции што ги доби од Град Скопје. Иако не се изгради наполно нова хала, туку само се реконструираше постојната, сепак, надлежните велат дека таа ги има сите нишани потребни за тековно одржување на подновениот возен парк.

Инаку, од ЈСП планираат да ја подноват и другата база, онаа што се наоѓа во Автокоманда. Сепак, велат, таа ќе стаса на дневен ред в година.

http://www.utrinski.com.mk/default.asp?ItemID=6C02F09C40687945BC67B86B1DB52B19

Вест број 2:

ПРЕТПРИЈАТИЕТО-ЗАГУБАР ГО СИТНАТ KОНЦЕСИИ

Половина ЈСП под приватна капа

По приватизацијата на продажбата на билети и на 275 стојалиштата с` повеќе фирми заинтересирани и за преземање други дејности, како на пример службата на контролорите


Домашна фирма е заинтересирана за приватизација на Службата за контрола на патници во Јавното сообраќајно претпријатие „Скопје“, сметајќи дека менаџментот не ја води оваа служба добро и таа му носи загуби. Со давањето во приватни раце, велат претставници од „Лоза прес“ кои воделе разговори со ЈСП, ќе се зголеми не само ефикасноста во казнувањето на несовесните граѓани туку и ќе му тргнат голем товар на претпријатието од грб. Раководството на ЈСП, како што потврдуваат оттаму, идејата ја оценило како добра, но с` уште е на два ума околу конечната одлука.

Наспроти овој сектор, неколку други, профитабилни во перспектива, се веќе дадени, како на пример продажбата на билети, стојалиштата, а за гаражите и сервисирањето се размислува. Раководството ќе добива само мал дел од профитот.

Менаџментот негира дека работи со загуби

- Оваа служба не работи по светски теркови. Имаме во план ЈСП да го ослободиме од годишна загуба од 300.000 евра. Службата во летниот период речиси и да не работи. Имавме средби, но допрва ќе бидеме информирани дали претпријатието има намера да се ослободи од оваа служба - појаснуваат од „Лоза прес“, една од заинтересираните фирми.

Нивната идеја е да преземат оптимален број вработени контролори, но не и администрацијата, која е дел од овој сектор. Со секој контролор би одел и полицаец кој би бил платен од фирмата според тарифата за изнајмување во МВР. Сметаат дека на тој начин нивната работа ќе биде поефикасна во казните за несовесните граѓани што не плаќаат билети.

- Во сегашните услови, од казнениот билет кој чини 200 денари, 150 денари одат за контролорот. а 50 за ЈСП, сума со која е невозможно да работи профитабилно. Полицаецот би ги легитимирал граѓаните и би казнувал - сметаат од „Лоза прес“.

Директорот на ЈСП, Мишо Николов, потврди дека се разговарало, но не се сложи дека службата му носи загуби на ЈСП. Не ја исклучи можноста за приватизација, но рече дека тоа нема да се случи набрзо.

- Не знам колку е паметно во моментов да се дава оваа служба. Приходите на претпријатието зависат од неа. Kолку приватникот би се согласил приходите да одат кај нас е друга работа. Не е точен впечатокот дека е голем бројот на луѓе што не плаќаат. На пример, средношколците имаат обезбедено билети од државата преку Министерството за образование и наука, а возрасните граѓани се срамат да не плаќаат. Немаме проблем со наплата на билети - тврди Николов.

Во оваа служба, како што рече, работат 60 контролори. Се согласи дека во лето таа не е целосно функционална, односно половина од нив се на одмор, бидејќи тогаш има и помал број патници.

Билетите приватизирани, за гаражите се размислува

Договорот за приватизација на продажбата на карти се очекува да се потпише набрзо, а за вакво нешто интензивно се размислува и околу гаражите во Автокоманда и во Ѓорче Петров, рече Николов. Тоа ќе значи дека приватна фирма ќе ги сервисира автобусите на претпријатието, но ќе може и други. Под концесија на 15 години им беа дадени и 275 автобуски стојалишта на грчка компанија „Ремеди адвертајзинг“. До крајов на годинава таа има обврска да ги уреди и да ги опреми со урбана опрема и информативни електронски табли.

- Словачката фирма „Ем-тест“, која го доби тендерот за воспоставување систем на електронска наплата и на системот на автоматска локација на автобусите, ќе ја преземе продажбата на билети. Има обврска да постави 40 автомати за купување билети на постојките, кои ќе работат на принципот „внеси паричка-земи билет“. Тоа би профункционирало заедно со електронскиот систем на наплата, кој на почетокот од 2013 година ќе биде инсталиран во 450 автобуси - објасни директорот на ЈСП.



Четири милиони евра долг

На почетокот од оваа година долгот на ЈСП кон фирмите од кои набавува делови и нафта беше околу 4 милиони евра, информираше на седница на Советот самиот директор на претпријатието, Мишо Николов, одговарајќи на советничко прашање од опозицијата. Од овие долгови само на „Макпетрол“ за гориво и за нафтени деривати отпаѓаа околу 740.000 евра. Се работи за трошоци што стасале во форма на фактури, а не се намирени. Николов тогаш не појасни колку е силата на ЈСП од своја каса да намири дел од оваа сума, а за колку од неа ќе бара субвенции од Градот.

Kако што е познато, долговите на ЈСП веќе четврта година ги покрива градската власт од своја каса. Лани дупките во претпријатието беа закрпени со 2,5 милиона евра

http://www.dnevnik.com.mk/default.asp?ItemID=104504FB1C0AA74CBC5CFECFBA8D69DF