Паркови (општо)

Да бидеме реални, ова не е парк туку паркЧЕ.

Општина Кисела Вода гради самоодржлив парк кај кружниот тек меѓу Припор и Кисела Вода



За осветлување ќе се користат фотоволтаици, а за зелените површини ќе биде поставен систем за самонаводнување

Паркот „Иднина“ во Општина Кисела Вода кој во моментов се гради кај кружниот тек меѓу Припор и Кисела Вода ќе биде самоодржлив, најавуваат од оваа скопска општина.

– Следејќи ги најновите светски трендови, паркот, кој носи симболично име, „Иднина“, ќе биде самоодржлив. За осветлување ќе се користат фотоволтаици, а за зелените површини ќе биде поставен систем за самонаводнување – информираат од Општина Кисела Вода од каде што објаснуваат и дека работите на терен се одвиваат непречено а изградбата на паркот е во напредна фаза.

Имено, на терен се работи на оплеменувањето на просторот кој се протега на површина од 4.000 м2, а на кој, според најавите, по финализацијата на проектот, ќе се нудат најразлични содржини за сите генерации.

Покрај зеленило, дрвца, хортикултурно уредување, во паркот ќе има урбана опрема, клупи, летниковец, патеки за шетање, воден ѕид, a за најмладите ќе се изгради детско игралиште. На влезот, на јарбол ќе биде поставено македонското знаме.

– Ветувањата од предизборната кампања за мене се обврска. Непосредно до кружниот тек кај Припор, од неуреден и неосветлен простор, од депонија поради која сите ја вртеа главата настрана, оваа пролет граѓаните ќе добијат прекрасно урбано катче за одмор, рекреација и дружење. Внимававме да предвидиме содржини за сите генерации, а притоа за одржување на новиот парк да користиме обновливи извори на енергија, со што и заштедуваме и ја заштитуваме животната средина. Паркот „Иднина” е одговор на потребите и барањата на нашите жители. Како еден од првите реализирани проекти и остварени ветувања, тој ќе биде симбол на иднината што им ја ветивме на нашите сограѓани – изјави градоначалникот Орце Ѓорѓиевски.

https://www.slobodenpecat.mk/opshtina-kisela-voda-gradi-samoodrzhliv-park-kaj-kruzhniot-tek-megju-pripor-i-kisela-voda/

АЕРОДРОМ И СКОПЈЕ ДОБИВААТ НОВ МЕГАПАРК ОД 100 ИЛЈАДИ КВАДРАТНИ МЕТРИ

Градоначалникот на Општина Аеродром, Тимчо Муцунски и градоначалничката на Град Скопје, Данела Арсовска денеска ја посетија локацијата на која ќе се гради нов мегапарк, предвиден во програмите на двајцата кандидати.
Паркот ќе опфаќа површина од околу 100 илјади квадратни метри и ќе се протега на потегот од паркот кај последна петка сè до паркот „Авион“. Предвидено е мегапаркот да стане еден од најголемите паркови на територијата на Град Скопје, претворајќи го ова заборавено место во вистинска локација за релаксирање на жителите.
📢„На оваа локација до пред десетина дена имаше дива депонија на која секојдневно противзаконски се истураше ѓубре без никаква санкција и без никаков надзор. Сега веќе тоа е минато. Оваа локација почнува да се чисти. Санкционирани се неколку трговски друштва и веќе и тие знаат дека во Аеродром не се толерираат нови диви депонии. Уште во кампањата заедно со градоначалничката Арсовска зборувавме за нов мегапарк од околу 100 илјади квадратни метри со зелена површина и разни рекреативни содржини,“ изјави градоначалникот Муцунски, потенцирајќи дека мегапаркот е од интерес на сите жители на Аеродром и Скопје.

https://www.facebook.com/OpstinaAerodrom/

Парк Нинберг - Аеродром - Скопје



https://www.facebook.com/aerofoto.mk

Скопјани и скопјанки добиваат уште едно место за спорт и рекреација, отворен е новиот спортско-адреналински парк лоциран покрај кејот на Вардар во Карпош.







https://www.facebook.com/p.shilegov

Тоа е таа македонска страст, или се сака до бескрај, или се мрази до бескрај, балансирана средина не постои

Ова турни ме да кинисам со социјалните мрежи веќе сите граници ги надмина. Уште малку ќе треба на твитер редовни постови да се пишуваат за струја да се произведува, оти нели ако некој не побара на твитер или фб нема што тие да се замараат и самоиницијативно да превземат што и да е.

Паркот во Мичурин,здравје ќе озелени по првите посилни дождови.Незнам зошто е толку тешко да се пуштат прскалките кои чинам пролетва ги монтираа.(од твитер)

Карпош сè уште го чека ветениот парк од 60.000 м2



Повеќе од една година помина како беше најавен парк во Карпош 4. Просторот е израмнет и се подготвени околу 60.000 квадратни метри. Градоначалникот, Богоев, вели – сè е во рацете на Град Скопје кој треба да избере фирма за изведување на работите.

Таму започнавме активности со меѓу општинска соработка со градот Скопје. Градот Скопје и општината го најавија паркот, започна таму расчистувањето и беше објавен конкурс од страна на Град Скопје за најдобар проект којшто ќе треба да биде усвоен понатаму од Комисијата и беше во тој период усвоен“, рече Стефан Богоев, градоначалник на Карпош.

Скопскиот градоначалник Шилегов вели проектот доцнел поради истрага. Имено, МВР во април поднело кривична пријава за загрозување на животната средина откако местото било затрупано со градежен шут и смет од Инфективната болница.

„Па може до крајот на јуни веќе и официјално да започнеме само треба да ги до расчистиме формалностите со Министерство за внатрешни работи со оглед на поднесената кривична пријава“, рече Шилегов.

ВМРО-ДПМНЕ бараше да се стопира градбата на паркот, кој инаку треба да се наоѓа меѓу Илинденска и кејот на Вардар. Според партијата, со него може да се загрозат бунарите со вода за пиење кои се користат за потребите на градот.

https://alsat.mk/mk/karposh-se-ushte-go-cheka-veteniot-park-od-60-000-m2/

Судбина ќе има бетер од она со памп-траковите стази, никој нема да го користи...се утепаа од кај нас луѓе во потрага на адреналин.

Адреналинскиот парк чека да стивне пандемијата

Доколку состојбата со коронавирусот биде стабилна и може да им се гарантира безбедност на посетителите, новиот адреналински парк во Карпош ќе биде пуштен во употреба во мај. Од локалната власт информираат дека во крајна фаза е постапката за технички прием и предавање на паркот од Светска банка на Општина Карпош, со оглед на фактот што за овој проект се користат средства – грант од Европската Унија, а постапката ја спроведуваше Светска банка.

– Содржинскиот дел и изведбените активности на Спортско-адреналинскиот парк се целосно завршени. Инфраструктурно се завршени игралиштата за фудбал и одбојка на песок, детското игралиште, адреналинскиот дел, мини скверот, скејт-паркот, како и пристапните патеки низ паркот. Исто така, засадени се и нови дрвја, тревна површина и поставен е систем за наводнување – велат од Карпош

Отворањето на новата рекреативна зона градоначалникот Стефан Богоев ја најави за минатото лето, кога беше веќе завршен содржинскиот дел на паркот.

– Десетина луѓе веќе се обучени за инструктори, во рамките на адреналинскиот дел. Ќе бидат ангажирани и лица од Спортско-качувачката федерација на Македонија. Во рамките на паркот се засадија и 70 висококвалитетни дрвја, 30 украсни растенија, а поставен е и систем за наводнување – информираше уште летото Богоев.

Оттогаш до денес состојбата не е променета и паркот иако изграден, сѐ уште не е пуштен во употреба. Општина Карпош за изградбата на овој парк доби грант од 38.100.000 денари од Европската унија, а Општината партиципираше со околу пет милиони денари.

Во подготовка е уште еден голем проект, реконструкцијата на спортската сала „Партизан“ во Карпош.

– Во завршна фаза е основниот проект, кој го подготвува Агенцијата за млади и спорт, по што ќе започнат активностите за реконструкција на салата „Партизан“.Минатата недела, во теренска обиколка на салата беа стручни лица – статичари, кои извршија дополнителен увид за потребите за подготовка на проектот – велат од Карпош.

Колку за потсетување, уште во мај 2020 година, експертски тим предводен од Страшо Поповски, дипломиран градежен инженер и компанијата „АДИНГ“ АД Скопје, според тогашните информации од Општината, извршиле процена на статичката стабилност и употребливост на салата „Партизан“. Притоа, тие утврдиле дека објектот е направен од армирано бетонска конструкција, која е во генерално добра состојба, по што се констатирало дека нема значајни оштетувања на бетонот, што значи дека со санација на објектот и неговите инсталации „Партизан“ може повторно да се врати во функција.

https://www.slobodenpecat.mk/adrenalinskiot-park-cheka-da-stivne-pandemijata/