ЕВН (бивша Градска куќа)

Истите фотографии се објавени и во темата за нова зграда за Водовод

Ако е вистина ова горе, тогаш претставува уште еден доказ дека најголем дел од зградите на Скопје 2014 се еден срамен плагијат без трошка архитектонска вредност.

Проект за офицерскиот дом, Загреб, 1927


Проект за градска куќа, Скопје, 2011


Edited by Staro Skopje - 28-Nov-2015 at 00:20

Тука долго време работите не мрднале од мртва точка. Нека не залажува поставеното скеле.

ТРАЈАНОВСКИ НЕМА ПАРИ ДА ЈА ДОИЗГРАДИ ГРАДСКАТА КУЌА ПОД КАЛЕ Месеци се одбројуваат до истекот на рокот предвиден за изградба на Градската куќа под Кале, а објектот е стигнат само до фаза на карабина. На терен едвај се видливи механизација и понекој работник. Во изминативе месеци дури имаше и денови кога на објектот не се работеше ништо. Проектот кој беше најавен на голема врата требаше да биде готов до крајот на годинава, но извесно е дека ќе треба да помине уште најмалку една година за градската администрација да може да се всели во новите простории. Ако до скоро од Град Скопје кажуваа дека на терен се' тече според планот, сега признаваат дека проектот е забавен. Немањето пари е главна причина за задоцнетата изградба на Градската куќа. „Не е тајна дека финансиите се главен проблем за пробивањето на рокот за изградба на објектот. Неколку пати градоначалникот и пред градските советници објасни дека проблемите за застој на работите се од финансиска природа. Изградбата на административната зграда не ни е приоритетен проект. На неа се работи, но не со планираната динамика. Видливо е на терен дека се работи забавено, а во одредени денови и воопшто нема активности. Инаку, зградата е стигната до карабина“, велат од Град Скопје и додаваат дека поради објективните причини, не сакаат ниту приближно да посочат кога објектот ќе биде готов. Инаку, изградбата на Градската куќа под Кале почна во јуни 2011 година. Објектот се гради по идејно решение на Иван Кокалановски и Борче Стојковски и се простира на парцела со површина од 1.274 квадратни метри. И овој објект е еден од многуте нови административни кои се градат во стилот на „Скопје 2014“. Во негова непосредна близина никнуваат и новите работни простории на „Водовод и канализација“. Проектот за Градската куќа предвидува тој да биде во барокен стил, да има работен простор за 650 лица и да биде на шест надземни и три подземни нивоа. Во план е администрацијата да се смести во океански простории распоредени од првиот до четвртиот кат. На петтиот кат се планирани канцеларии за кабинетот на градоначалникот и за секретарот на Градот, како и сала за Советот и неговиот претседател. На приземјето, пак, ќе се наоѓа архивата, како и други простории наменети за директните корисници на услугите на Градот Скопје. Во подземните нивоа е планиран паркинг со капацитет за 170 возила. Главниот пристап до зградата ќе биде од новопроектираната улица која ќе води по кејот на реката Вардар, а влез во објектот ќе биде обезбеден и од страната на улицата „Лазар Личеноски“. Градските власти најавија дека изградбата ќе ги чини речиси 15 милиони евра.

http://utrinski.mk/default.asp?ItemID=A79F945568C5504BBE5BA8A38EDF4162

бреј лапсус пандатифи изгледа конечно ми истече времето на билдов, се надевам за арно, а таман на ваква тема и да го најавам повлекувањето од форумов иако ко незавршен објект може истото важи и за мене дека имам некој незавршен муабет тука

нема некои нови фотки

патем не ми е јасно зошто пандатифите ги оставаат празни и кај владата и тука, или може допрва имаат намера да им пуштат кров, можеби зелен со стакленик в среде

Седиштето на Град Скопје ќе се преименува во Градска куќа „Мајка Тереза“

Објектот каде што се сместени градските власти ќе се преименува во Градска куќа „Мајка Тереза“. Градоначалникот Коце Трајановски, предлог-одлуката за преименување на административниот објект на Град Скопје, ќе ја образложи пред советниците следната недела.

„Името на објектот во кој ќе бидат сместени органите на Град Скопје и администрацијата на Град Скопје се предлага поаѓајќи од фактот што Мајка Тереза претставува една од најистакнатите личности родена во Град Скопје. Со именувањето на административиот објект, Градот Скопје ја изразува својата почит во одбележувањето на нејзиниот лик и дело и го потенцира значењето што на светско ниво го има Мајка Тереза. На овој начин, со донесувањето на оваа одлука Градот Скопје ќе придонесе кон зачувување и негување на споменот, ликот и делото на Мајка Тереза и нераскинливата врска што ја има со Градот Скопје, како најистакната личност од историјата и културата на Градот Скопје и воопшто на Република Македонија“, стои во образложението од Градот Скопје.

Инаку градската администрација за неколку години ќе биде сместена и во нов објект што се гради под скопско Кале. Зградата е на пет ката, со фасада во неокласичен стил и се простира на површина од 1.300 метри квадратни, во близина на поранешните бараки на ЈП “Водовод и канализација”. Автори на идејното решение се архитектите Иван Кокалановски и Борче Стојковски.Во новиот објект ќе биде сместен кабинетот на градскиот татко, Архивата на Град Скопје, сала за Советот, како и други простории во кои ќе се смести градската администрација, а се планира да се изгради и нова сала за венчавки и подземна гаража. Објектот предвидува работен простор за 650 вработени. Вредноста на објектот е нешто повеќе од 14,6 милиони евра.

Градската куќа почна да се гради во летото 2011 година, а требаше да биде готова за четири години. Но изградбата на објектот се одвива бавно. Пред извесен период имаше информација дека изградбата е стопирана поради подземниот паркинг кој треба да биде заеднички со ЈП „Водовод и канализација“, со оглед на тоа дека и ова претпријатие гради нов објект во близина на Градкската куќа. Според опозициските советници застојот е поради тоа што градскиот буџет е во лоша финансиска кондиција. Сепак градските власти уверуваат дека нема проблеми, а изградбата ќе продложи согласно финансиските можности. Од годинешниот буџет на градот за изградба на Градската куќа се предвидени над 340 илјади евра.

Уште еден објект кој ќе биде за потребите на Градот Скопје, е Офицерскиот дом на плоштадот Македонија, заедно со хотелот веднаш до домот. Иако земјиштето е подготвено, темелите уште не се удрени. Инвеститор на двата објекти е грчкиот бизнисмен Димитрис Кондоминас, кој го купи земјиштето за 630.000 евра. Идејното решение во неокласичен стил, го избра Министерството за транспорт и врски. Изградбата почна лани, но градежните работи се во застој откако грчкиот бизнисмен на почетокот на годинава во својата матична земја Грција беше притворен и обвинет за перење пари. Тогаш од македонското Министерство за транспорт и врски тврдеа дека тоа нема да ја загрози изградбата. Предвидено е Офицерскиот дом градските власти да го користат за свечени приеми и коктели.

За овој објект не се кажува скоро ништо, има некој информации до каде е стигнато и дали се работи?

a uste ne mi e jasno zosto e celiot objekt od beton napraven, a ne od tula. cenata mu e porasnata uste od start troduplo. dali se raboti za perenje pari ili?