Пешачки зони и помали плоштади (општо)

Ова е страшно! Секој ден минувам кога одам на работа и се плашам со потпетицата да не заглавам меѓу плочките и, не дај Боже, да не скршам или шинам нога. Кога ќе заврне, подлогата се полни со вода, па приморани сме да носиме патики. Но и од тоа нема спас. Изместените плочки се како живи и мрдаат под нозете, водата не прска, а ние паничиме, вели повозрасна скопјанка која секојдневно врви по шеталиштето на кејот 13 Ноември", зад ГТЦ

Некогаш најрепрезентативното шеталиште во центарот на Скопје, кејот 13 Ноември", годинава, а и таа по неа, тешко дека ќе добие две лопати песок за санација на размрданите и упропастени бекатон-плочки. Градските власти, иако запознаени со овој проблем, велат дека санацијата ќе почека подобри времиња. Тие велат дека со неодамнешниот ребаланс на градскиот буџет за 2010, нема пари за реконструкција, поправка или каква било санација на ова френкфрентно место за скопјани.
- Градот Скопје постави хидраулични столпчиња на оваа локација со цел да ги
спречи несовесните возачи да поминуваат по шеталиштето и со возилата да го оштетуваат плочникот. Тие се главните виновници за неговата сегашна состојба. Градот нема предвидено финансиски средства за негова реконструкција во Будџетот за 2010 година. Се надеваме дека догодина ќе се одвојат средства за реконструкција на овој дел од кејот 13 Ноември", ни рекоа од Градот.

Од друга страна, скопјани, барем оние кои секојдневно минуваат оттаму, им се гневни на властите кои овој проблем го игнорираат повеќе од две години.
- Ова е страшно! Секој ден минувам кога одам на работа и се плашам со потпетицата да не заглавам меѓу плочките и, не дај Боже, да не скршам или шинам нога. Кога ќе заврне, подлогата се полни со вода, па приморани сме да носиме патики. Но и од тоа нема спас. Изместените плочки се како живи и мрдаат под нозете, водата не прска, а ние паничиме, вели повозрасна скопјанка која секојдневно врви по шеталиштето на кејот 13 Ноември", зад ГТЦ.

Ваков сличен проблем неодамна имаше со гранитните плочки на улицата Македонија". По објавувањето текстови во пишаните медиуми за размрданите плочки општинските власти на Македонија" бргу интервираа. Тој проблем, за разлика од овој на Кејот, беше предизвикан поради поставување оптички кабел и камери за потребите на МВР. Случајот на 13 Ноември", пак, е предизвикан од несовесните возачи кои со автомобли вршат дотур на стока на кафулињата сместени таму. До кога ќе остане размрдан Кејот, се прашуваат скопјани.

Реконструирана е и фонтаната што се наоѓа на платото пред црквата и таа е веќе пуштена во употреба.

Реконструкцијата на платото траеше еден месец, а за зафатот Градот Скопје потроши околу еден милион денари.

На терен работеа екипите на ЈП „Улици и патишта“.

Денеска /17.05.2010 година/ екипи на ЈП „Улици и патишта“ ја почнаа реконструкцијата на платото пред црквата „Св.Спас“.

Платото, коешто е со површина од 270 квадратни метри, ќе се реконструира со камена коцка за да добие автентичен лик и да се вклопи во амбиентот којшто го опкружува.

Се очекува реконструкцијата, односно редењето на камените коцки, да заврши за 15 дена. Градот Скопје за реализација на овој проект од буџетот има издвоено 940.000 денари.

Штиклите не одат по расклатени плочки

Кафеанџиите се жалат дека кога локалните власти сакаат публицитет, им ги уриваат терасите, а кога треба да ги сменат плочките, никаде ги нема

На некогаш атрактивниот Кеј 13 Ноември годинава има се' помалку шетачи, минувачи и гости што седнуваат во кафулињата на кафе. Неговата примамливост се намали откако пред една и пол година половина од шеталиштето беше претворено во улица, по која возат камиони и други тешки градежни машини за потребите на приватен инвеститор, кој гради објект на плоштадот. Се затвори погледот кон Камениот мост и реката Вардар, просторот за шетање и за седење се стесни, а бројот на приоди се намали откако од страната на плоштадот беше наместен импровизиран мост.

Граѓаните се жалат дека освен градилиштето, им пречи и тоа што плочникот кај кафулињата е многу оштетен, односно плочките се расклатени и искршени на многу места. Кафеанџиите, пак, се жалат дека проблем се и бучавата од камионите и правта што ја креваат, затоа што на тој дел од шеталиштето плочките се одамна извадени, а се вози по гола земја.

- Не можам да поверувам дека само пред една година пред нашите кафулиња беше метеж од дотерани девојки и момчиња, кои „се тепаа“ за празно место. Сега, особено девојките со високи потпетици не сакаат да минуваат оттука зашто им се оштетуваат од плочките. Одат каде што е рамно. Не знам зошто локалните власти не го гледаат проблемот со шеталиштето. Кога сакаат публицитет, ни ги уриваат терасите, а сега кога треба да ги сменат плочките, никаде ги нема. Најверојатно кога го правеле шеталиштето не инвестирале во квалитет, затоа и за краток период сите плочки се расклатија - вели еден менаџер на кафуле.

Од Град Скопје одговараат дека годинава немаат намера да инвестираат во шеталиштето.

- Во програмата за работа на Град Скопје за годинава не е предвидено реконструирање на партерот на кејот, затоа што се во тек градежни работи на дел од шеталиштето. Град Скопје, за да го спречи неовластеното влегување на возилата, постави хидраулични столпчиња и преку нив ќе може да се влегува само со посебно одобрение издадено од Град Скопје. Одобрението важи само за дотур на стока. Сообраќајната полиција е должна да ги казнува тие што ќе го злоупотребат одобрението или ќе возат по Кејот без дозвола - велат во одделението за односи со јавноста.