Возен парк (ЈСП - двокатни автобуси)

За 202 даблдекера од „Кинг лонг“ бараат 28 милиони евра, а „Јутонг“ четири милиони повеќе

И на петтиот едноподруго меѓународен тендер за набавка на двокатни автобуси за јавниот превоз во Скопје, бугарската компанија со централа во Кина, „Кинг лонг“, понуди најниска цена, која всушност, е и пресудна за одлуката. На тендерот, чии понуди се отворија вчера, освен Бугарите, конкурираше и кинеската компанија „Џенгџоу Јутонг групација“. За набавка на 202 „даблдекера“ Бугарите бараат речиси 28 милиони евра, а кинеската компанија четири милиони повеќе, цена речиси идентична како и на претходниот тендер. Ова, всушност, е и најниска цена досега, ако се има предвид дека првиот пат за истата набавка Бугарите побараа дури 45 милиони евра, додека „Јутонг“ 51 милион.

Овој пат набавката на 200 автобуси од „Кинг лонг“ би не' чинела 27.590.000 евра и 275.900 евра двата панорамски автобуси. Од „Јутонг“, пак, 200 „даблдекери“ ги ценат 31.922.400 евра, а 282.518 им чинат двата двокатни автобуса за панорамско разгледување.

И двете компании, според првичната оцена на надлежната комисија, доставиле комплетна документација. Бугарите овој пат имаат валидна банкарска гаранција, што не беше случај на претходните тендери. И двете компании се обврзуваат автобусите да ги испорачаат во рок од три години, односно по 68 автобуси во 2011 и 2012 година, а останатите 66 во 2013 година, динамика која е наложена од Министерството. Понудата и на двете компании во однос на техничките карактеристики е речиси идентична. И „Кинг лонг“ и „Јутонг“ нудат автобуси со мотор еуро 5, автоматска инвалидска рампа, 61, односно 60 седишта.

Венета Мирчева, генерална менаџерка во „Кинг лонг“, ја оцени постапката како транспарентна. Таа истакна оти очекува бугарската компанија, конечно, да го добие тендерот. „Овој пат понудивме и соодветна банкарска гаранција, што не беше случај претходно поради нејаснотии во тендерот, или несоодветно толкување од наша страна. Во секој случај, конечно, очекувам да биде успешен тендерот“, изјави Мирчева непосредно по отворањето на понудите, информирајќи дека неодамна компанијата произвела над 100 „даблдекери“ за Хонг Конг. (Дс.Т.)

Една бугарска и една кинеска фирма, се единствените кои доставија понуди до Министерството за транспорт и врски за тендерот за набавка на 202 двокатни автобуси.

Кинг Лонг Бугарија и Џенгџоу Јутонг Групација од Кина се фирмите кои се пријавија да изработат 200 двокатни автобуси од затворен тип и два панорамски автобуси за потребите на ЈСП “Скопје“.

Во следниот период Комисијата за спроведување на јавната набавка ќе изврши преглед на комплетноста и валидноста на доставената документација, како и евалуација на пристигнатите понуди, по што ќе биде одбран најповолниот понудувач, велат од Транспорт.

И двете фирми се пријавуваа и на претходните тендери кои од најразлични причини беа поништувани или неуспешни.

Ова е веќе петти тендер за набавка на двокатните автобуси.

http://netpress.com.mk/vest.asp?id=68173&kategorija=2

Министерството за транспорт и врски денеска по трет пат го распиша тендерот за набавка на 202 двокатни автобуси за потребите на Јавното сообраќајно претпријатие “Скопје“, информираше Министерството.

“Според искажаните потреби на Јавното сообраќајно претпријатие „Скопје“, а согласно одлуката на Владата на република Македонија, Министерството за транспорт и врски распиша јавен оглас за набавка на 202 новопроизведени двокатни автобуси, и тоа набавка на 200 новопроизведени двокатни автобуси од затворен тип и 2 новопроизведени двокатни автобуси од отворен тип“, се вели во информацијата од Транспорт.

Заинтересираните компании имаа рок до 15- декември да ги достават своите понуди. Досега тендерот за набавка на автобусите беше поништуван поради неисправна или нецелосна документација на фирмите кои конкурираа.