Верски објекти (општо)

Карта на цркви низ Македонија

Досега, во склоп на проектот „Викиекспедиции“ за документирање на македонските села со помош на Википедија, имаме мапирано 1.066 цркви низ цела Македонија, но базата уште се надополнува (да не речам секојдневно).

Воедно, многу од овие нови цркви низ градовите, ги немаме воопшто.

Нова, постара, поисконска, и повистинска.

Чегране

Претходно



Сега

На аеродромот во Стенковец - Осветување на црква Св. Ава Сисој Велики















https://www.facebook.com/wingairteam/?__tn__=kC-R&eid=ARAiSgY54W9SUCovaEy_n7Z1AqBfJ-hXTNGGinQRgtJTNoXSoQodanUK8heVyMbw8oLtG-Ksk_Dx7qSV&hc_ref=ARQEWHmbn3z41ZP5kczJHEUgUB0OwPjKp7gFiT1MOoBGoPCAJkz1zUF23ggA8LTA0TY&fref=nf

Поглед кон црквата Св.Илија од една од новоградбите во Стар Аеродром

Обновата на Исхак-беговата џамија на Бит Пазар. Ова е гробницата/турбето. Патем, целата џамија е обновена со сличен камен и нов (лимен?) покрив.



Еве како изгледаше претходно (од Википедија):



Edited by Џоле - 21-Oct-2019 at 09:31

Еве го целиот текст тука...

Политичарите ги предадоа, на верниците само им остана да се крстат
Отец Ванчо од Скопската епархија уверува дека за четири години ќе бидат изградени сите започнати храмови. Во црквата „Свети Константин и Елена“ што се наоѓа до Домот на АРМ се работи на фрескоживописот, а во наредните четири години ќе се прави иконостасот и ќе се цртаат иконите. Во најскоро време ќе продолжи доизградбата на црквата Света Софија во Ново Лисиче

Онаму каде што се граделе училишта, таму секогаш постоеле и цркви. Барем така било во минатото. Но сега е поинаку. Во Скопје има недостиг од верски објекти, затоа на седум локации во главниот град започната е изградбата на црковни храмови кои, како што уверува отец Ванчо од Скопската епархија при Македонската православна црква, би требало верниците да ги примат за три–четири години.

Иако досега требаше да биде осветена црквата „Свети Константин и Елена“ што се наоѓа до Домот на АРМ, отец Ванчо вели дека ќе бидат потребни околу четири години таа комплетно да се заврши и да биде осветена.

– Пред еден месец започнаа работите на фрескоживописот. Тој е голем и потребно е внимание и посветеност, а со тоа и подолг временски период. Засега 50 до 60 проценти од него се завршени. Освен тоа, треба да се работи и на иконостасот, да се исцртаат иконите и затоа се потребни три до четири години за да се заврши комплетно и да се освети – информираше отец Ванчо.

Оваа црква започна да се гради на 11 ноември 2012 година кога беше извршено осветувањето на темелите, лично од поглаварот на МПЦ, г.г. Стефан. Идејното решение и основниот проект на црквата се изработени од архитектите Искра и Владимир Лековски од студиото „Лелелеле“, додека за изградбата беше задолжена градежната фирма „Бетон“. Инвеститор на изградбата на храмот е МПЦ кој за таа цел ја основа Фондацијата „Свети цар Константин“. За да собере пари за изградба на црквата, фондацијата одржа три донаторски конференции.

Освен оваа, во изградба е и црквата „Света Софија“ во Ново Лисиче, кај трговскиот центар „Лиса“. Изградбата на оваа црква, како што истакна отец Ванчо, веќе две години е во застој.

– Во најскоро време изградбата на црквата ќе продолжи. Постоеше пречка од страна на ктиторот Скопски Пазар, со кој заедно ја градиме црквата. Пречката е веќе надмината – истакна отец Ванчо, не сакајќи да ги образложи причините за застојот.

Според него, изградбата на оваа црква започнала во 2013\2014 година. Работите се одвивале до 2017 година, а потоа две години тие биле во прекин.



– Црквата е изградена до фаза на карабина. Сега ќе се започне со втората фаза. Ќе треба да се донесе решение за фасадата на црквата, а потоа ќе се работи и на внатрешното уредување и уредување на партерот – вели отец Ванчо.

Тој додаде дека ќе се работи фазно.

– Прво да се заврши надворешната конструкција, да се покрие црквата, а потоа ќе се премине на внатрешниот дел. Сè ќе се решава според можностите – уверува отец Ванчо.

И црквата „Свети Три Ерарци“, кај меѓуградската автобуска станица во Мичурин, посветена на свети Василиј Велики, свети Јован Златоуст и свети Григориј Богослов чија изградба почна во 2014 година, не е доизградена. Според отец Ванчо оваа црква е во завршна фаза.

Во моментов се работи на фрескописот внатре и се очекува да биде осветена до крајот на оваа година или на почетокот на наредната – дециден е отец Ванчо.

И црквата „Свети Јован“ во Бутел се очекува да биде осветена во октомври годинава. Според отец Ванчо, останува да се доработат иконите на иконостасот. Оваа црква почна да се гради во 2013 година.

Црквата „Свето Преображение„ во населбата Даме Груев во општина Ѓорче Петров, пак е до фаза на карабина, а почна да се гради во 2015 година. Таа е покриена и се очекува пролетта, наредната година да започне втората фаза, поточно фасадата и внатрешното уредување (малтерисување, електриката). Отец Ванчо очекува оваа црква да биде комплетно завршена за две години и да биде осветена.

Во изградба е и црквата „Света Нина“ во Сопиште чиј камен-темелник беше поставен на 30 декември 2015 година.

– Оваа црква е во фаза на карабина. Кровната конструкција е завршена. Втората фаза, односно внатрешното уредување се очекува да започне есенва или до крајот на годината. Бидејќи се работи за огромен храм, треба време да се направи внатрешното уредување и фрескоживописот. Потребни се четири до пет години сето тоа да биде завршено – цени отец Ванчо.

Следна црква која сè уште се гради на територијата на град Скопје е „Христос Спасител“ лоцирана на аголот од булеварот „Илинден“ и улицата „Љубљанска“. Камен-темелникот на оваа црква е поставен на 19 декември, на Свети Никола.

– Доколку се продолжи со истата динамика оваа црква треба да биде готова за две до три години, бидејќи и таа е голема – информира отец Ванчо.

Две од црквите „Христос Спасител“ лоцирана на аголот од булеварот „Илинден“ и улицата „Љубљанска“, како и „Свети Јован“ во Бутел имаат ктитори. На црквата „Христос Спасител“ ктитор е Зоран Антиќ, додека на црквата „Свети Јован“ е Мите Јовановски. Останатите цркви ги гради Скопската епархија.

Од Скопската епархија се надеваат дека ќе има доволно средства за да се завршат до крај црквите во предвиденото време.

– Во моментов се работи според предвидената динамика. Се надеваме дека за три до четири години сите цркви ќе бидат готови – дециден е отец Ванчо.

(А.П.) – Фото: Ѕ.П.

https://www.vecer.press/политичарите-ги-предадоа-на-верницит/

Маџир Маало









извор: твитер

Edited by kiriOK - 02-Jun-2019 at 07:03