Моторни гарнитури

Денес имав прилика да пробам еден од новите дизел „Кинези“ на релација Битола-Скопје и со вас би го споделил моето искуство. Притоа би споменал дека се имам возено со доста возови низ Европа, како на пример Siemens Desiro, вклучително и супербрзиот воз во Шпанија Renfe, поради што како корисник се сметам за доволно компетентен да споредувам и оценувам.

- Вузуелно, возот (гарнитурата) изгледа модерно од надвор и од внатре и доста ми се допаѓа, во тој поглед воопшто не заостанува. Но тука за жал, завршувааѕт и позитивните критики.
- Возот е крајно НЕУДОБЕН. Амортизацијата е лоша, се осеќаат сите нерамнини, можеби е и заради пругата. Меѓутоа на пр. во постарите Сименси Словенија имаат подобро потпирање иако и таму не се баш реновирани пругите.
- Седиштата се УЖАСНИ. Како за во гратски автобус. Многу се тврди, со кус наслон (за кинези), со мал простор за нозете (помал и од во автобус) и со неможност за нивно навалување и адаптирање.
- Моторот е доста бучен, речиси како кај „Шпанците“, иако како за дизел тоа и се очекува.
- За време на возењето цело време се слушаат звуци на тропање, крцкање, шуштење. Такви звуци не сум слушнал досега кај друг воз, вклучително и нашите стари. Нешто слично, а и полошо како кај украинските гратски автобуси. Имав чувство како сите компоненти да не се соодветно заштрафени и како во секој момент ќе падни некој панел.
- Има некои нелогичности. На пример на сите столици од назад има расклоплива масичка, вклучително и на тие кои се така поставени да не може да се отвори. А такви има доста.
- Отварањето на сите врати е електронско. Но една врата не секое отварање/затварање имаше проблем со што на секое доаѓаше еден од кондуктерите рачно да ја дозатвора. Вратата од вецето е многу не квалитетна.
- Од не знам која причина. Во возот имаше специјално техничко лице (кинез) кој им објаснуваше на вработените во МЖ на секое за како функционираат и некои банални работи. Патем од други информации истиот кинез на секое патување бил во возот. Толку ли се ови вработните од МЖ да не речам какви, за да не можат со еден кинески воз да се справат.
- Дисплеите за дестинација (следна, крајна) цело време покажуваа грешни информации.
- Со помош на андроид апликација измерив макс 87км/ч.

Со еден збор од возот сум крајно РАЗОЧАРАН. Квалитетот и ергономијата се ужасни и не сакам ни да помислам како ќе изгледаат овие возови за 5-10 години. Камо да грешам. Чекавме 40 години нови возови и добивме нашминкано ѓубре. Ако некој знае. Колку е цена на една ваква гарнитура од европско производство? Толку ли е голема разликата?

И за капак на се. Низ возот има поставено 6-7 екрани (телевизори) на кои обично би требало да се прикажуваат информации за патувањето. Меѓутоа имаше нон-стоп „владини“ пропагандни документарци (знаете на кој мислам), дури и политички обраќања (со звук) на министерката за култура и поранешниов ни премиер (знаете кој). Жално!

За овие неколку дена по трет пат ја откорнуваат - вадат од шини вратата од тоалетот, пробувајќи „врата без квака“ насила да ја отворат.
Електричната врата иако има симболи - дугмиња за нејзино отварање и затварање, мораше додатно да се назначи како се употребува.
Се надеваме дека ова ќе биде последен пат за да не останеме и без тоалет.

Значи ти си се возел со деловниот воз "Пелагонија" , а втората дизелка ќе му дојде дека сеуште не е пуштена у сообраќај или како?

Edited by mr bombastic - 21-Mar-2016 at 04:16

Само во 17:10 оваа гарнитура сообраќа кон Битола? Има ли друг термин? Така ќе остане до наредниот закуп на гарнитури или сите линии ќе се покријат со новите?

Originally posted by Џоле ПОЧНА ДА СООБРАЌА И НОВИОТ ДИЗЕЛ КИНЕСКИ ВОЗ Новиот кинески патнички воз почна да сообраќа во редовниот железнички сообраќај. Од вчера попладне сообраќа на релацијата Скопје - Битола и обратно. Така, популарниот „Пелагонија експрес“ по неколкумесечен застој повторно вози по македонските пруги. Новата дизел моторна гарнитура нуди современи, модерни и квалитетни услуги за патниците. „Станува збор за супер модерна кинеска дизел моторна гарнитура со 120 места за седење. Одлично ја искачува делницата кон Богомила, каде другите возови имаа проблеми поради угорнината. Оваа гарнитура е идентична како и електричната која сообраќа на релација Скопје - Велес и обратно, само што за движење користи гориво наместо електрична енергија“, велат од ЈП Македонски Железници Транспорт. Возот сообраќа како деловен со доплата и не сопира на секоја станица, туку само на поголемите, Велес, Чашка, Богомила и Прилеп. Така, патувањето од Скопје до Битола трае 2 часа и 40 минути, многу помалку отколку со автобус. „Пелагонија експрес“ трнува од Скопје во 17,10, а во Битола стигнува во 19,50часот. Наутро од Битола за Скопје тргнува во 5,18, а стигнува во 8 часот. Првите патници кои се возеа со новата кинеска дизел моторна гарнитура до Битола беа задоволни. „Супер е во возот, чисто, брзо, немам забелешки. Добро е што пуштија и нов воз така што можеме до Скопје за секоја пригода и потреба. Конечно добивме одлични услови за патување“, рече помлада битолчанка, на кратката пауза додека возот стоеше на железничката станица во Велес. Ова е втор од новите патнички возови кои Владата ги набави од Кина и сообраќаат по македонските пруги од почетокот на годинава. Деновиве стигна и третата, откако ќе биде тестирана, се најавува да вози на релацијата од Скопје до Кичево и до Кочани. http://www.utrinski.mk/?ItemID=6979429F28777646ADEE1ACA038C5E8B

Кој кого лаже тука не ми е јасно...Според официјалната страна на МЖ транспорт пуштени се и двете нови дизел гарнитури кон Битола, а овие од Утрински треба да знаат дека третата дизелка не стигна баш деновиве него доста порано..


Тргнаа двата нови воза кон Битола
14.03.2016 година
Од денес, Понеделник 14 март, пуштени се во комерцијална работа современите кинески дизел-моторни гарнитури на релацијата Скопје-Битола-Скопје. Имено, во 1.40 часот по полноќ од Скопје кон Битола тргна новововедениот патнички воз 941. Истовремено во сообраќај повторно е пуштен и популарниот деловен воз „Пелагонија“.
Пелагонија, како што информиравме, ќе вози по важечкиот возен ред - што ќе рече дека од Битола ќе тргнува во 5.18 часот, а во Скопје ќе пристигнува во 8.02. Од Скопје за Битола ќе тргнува во 17.10, а во Битола ќе пристигне во 19.51 часот. Новововедениот воз 941 од Скопје ќе тргнува во 1.40 по полноќ, а во Битола ќе пристигнува во 4.30 часот. Од Битола за Скопје возот 940 ќе тргнува во 20.50, а во Скопје ќе пристигне во 23.39 часот.
Двата воза ќе возат под задолжителна резервација на место за седење.



http://mztransportad.com.mk/index.php?option=com_content&view=article&id=462%3A2016-03-14-13-15-10&catid=1%3A2013-08-29-12-07-13&lang=mk

Кон повеќето од селата не само што не сообраќа автобус туку и некои не се нити со пат поврзани. Возот им е единствена врска со светот. Не е никаков проблем да застануваат возовите во овие места. Единствено е потребно повеќе линии на „обични“ возово и „експресни“. А кој не се возел со воз, пропуштил многу. Дури и старите возови нудат поудобно и поинтересно искуство и патување од кој и да е автобус.

Заборавате дека за многу од овие села не сообраќаат никакви автобуси.

За да бидат било каква конкуренција на автобускиот превоз, сметам дека новите возови кон Кичево и Кочани би требало да бидат брзи по категорија, односно да не застануваат на железничките стојалишта. Колку што сум патувал кон Кичево со воз, брз воз би можел да застанува единствено на железничките станици: Скопје-Север, Ѓорче Петров, Радуша, Јегуновце, Тетово, Гостивар, Падалиште, Зајас и Кичево.

Моите инсајдерски информации говорат дека дизел моторната гарнитура ќе ги нема проблемите на постоечките возови со прегревање/застој на возовите на секцијата Велес-Прилеп.

Еден мотор од кинезот има околу 600 коњски сили, а гарнитурата се состои од два мотори. За споредба, „Шпанецот“ има 260 коњски сили по мотор. Искачувањето од Велес кон Прилеп можело комотно да се совлада и со само еден мотор.

Е сега останува да се пресмета колкава би била потрошувачката на гориво, која сигурно не би била помала од „Шпанецот“, но дефинитивно помала од дизел локомотивите.