Автопат Демир Капија - Смоквица

Message Topic Search Topic Options Post Reply Create New Topic Printable Version

Обвинител од грчко Обвинителство за корупција ја казни градежната компанија „Актор“ која е дел од „Боболас“ за перење пари и измама во висина од околу 50 милиони евра поврзани со изградбата на автопатот во Македонија, објавија грчки медиуми.

Измамата, според обвинителот, е против интересите на Европската Унија, а случајот е отворен откако, тогашниот лидер на опозицијата, претседателот на СДСМ, Зоран Заев обвини за нерегуларности во изградбата на автопатот Демир Капија-Смоквица, пишува грчки „Катимерини“.  

Европската канцеларија за борба против измами ОЛАФ започна истрага и открила дека, меѓу другото во периодот 2012-2013 година се префрлале пари во готовина наменети за плати, кои не завршувале кај луѓе вработени во компанијата туку кај трети лица или пак, се користеле за „пумпање“ на цената на проектот.

Аферата „Актор“ ја обелодени СДСМ пред повеќе од три години кога објави дека грчката фирма „Актор“ преку грчки државјани кои ја поминувале организирано границата, од филијала на Стопанска банка во Неготино во кеш се испумпале повеќе од три милиони евра и ги повика државните институции да го расветлат случајот. Тогаш официјалните претставници на „Актор“ во Скопје и во Демир Капија молчеа и кусо соопштија дека ги почитуваат законските прописи на Македонија.

По објавувањето на скандалот Управата за финансиско разузнавање извести дека „навремено, уредно и согласно ингеренциите, ги има преземено сите мерки, активности, процедури и дејствија согласно законот“.

Една година подоцна се огласија и грчките и европските институциии кои објавија дека сепак, имало нечесни работи за добивањето на тендерот и најавија голема истрага.

Грчката компанија „Актор“  го доби на тендер договорот за изградба на новата делница од автопатот низ Македонија од Демир Капија до Смоквица, која е дел од паневропскиот коридор 10. Оваа делница е долга 28,2 километра и има два тунела за двосмерен сообраќај, шест мостови, две раскрсници, пет надвозници и седум подвозници. Договорот е вреден 270 милиони евра.

Лидерот на ВМРО-ДПМНЕ Никола Груевски лани во август, заедно со тогашниот министер за транспорт и врски и со директорот на ЈП за државни патишта изврши увид во градежните активности, а раководството на компанијата „Актор“ која го гради овој автопат го информирала дека по Нова година останува да се заврши електрификацијата на тунелите и на мостовите, па се најавуваше автопатот да биде пуштен до мај годинава.

На почетокот на годинава, пак српските медиуми јавија дека српскиот дел од Коридорот 10 нема да заврши годинава, како што беше планирано, бидејќи грчки „Актор“ ја прекинал изградбата.

„Фирмата „Актор“, на која ѝ е доверена изградбата на четири делници од источниот крак во Србија, го напуштила градилиштето, а сметката една година ѝ е блокирана за десет милиони евра“, пишуваше тогаш во извештајот на работната група на српското Министерство за градежништво, транспорт и инфраструктура.

http://www.mkd.mk/makedonija/politika/grchki-aktor-kaznet-za-perenje-pari-i-izmama-za-izgradbata-na-avtopatot-vo