Образовни институции (општо)

Проект за реконструкција на ССОУ „Коле Неделковски“, Велес

Со овој проектот на УСАИД за меѓуетничка интеграција во образованието, компонента 4- обезбедување на стимул за училиштата и локалната заедница ќе се реконструира училиштето со буџет од 1.200.000 денари. Во соработка со Општина Велес, односно со учество од минимум 15% од вкупната вредност на реновирањето, која ќе биде придонес на општината во реализирањето на активностите за меѓуетничка интеграција во образованието и во процесот на реновирање со што самото училиште веќе по неколку децении добива нов современ лик.

Реконструкцијата на фасадaта во ССОУ “Коле Неделковски” - Велес” што е финансиски поддржано од Министерство за локална самоуправа – Биро за регионален развој.





извор: фејсбук страницата на Општина Велес

Реновираниот блок на студентскиот дом „Гоце Делчев“. Извор: @dolnacrta (твитер)

Нови лифтови за студентските домови во Скопје



Министерството за образование и наука објави тендер за замена на осум лифтови во студентските домови во Скопје. Проектот не го опфаќа домот „Гоце Делчев“ каде што лифтовите се заменуваат при реконструирањето на блоковите.

- Со исклучок на домот „Гоце Делчев“ каде што лифтовите се менуваат паралелно со реконструкцијата на блоковите, во сите останати студентски домови предвидено е да се променат осум лифта. За оваа намена се планирани околу 15 милиони денари од буџетот. Очекувам по завршувањето на целата постапка, во втората половина од оваа година лифтовите да бидат наместени и ставени во функција. Со тоа, по неколку децении ќе се изврши комплетна промена на лифтовите во студентските домови - изјави заменик-министерот за образование и наука Спиро Ристовски.

За студентските домови во другите градови во Македонија нема потреба за лифтови, но тие ќе бидат опфатени со проектот за реконструкција и целосна промена на мебелот.

а дали реконструкцијата предвидува плус 5 ката и своеволна орнаментација? ...just sayin'

Edited by zabegan - 20-Feb-2016 at 19:43

Неговото Височество Никола I Градителот најави дека ќе се реконструира учителската школа, зграда срушена во земјотресот, 75 години по нејзината изградба. Земајќи ги како пример досегашните реконструкции (со тоа имајќи ги предвид нивниот квалитет, цена и израз), ова уште еден во долгата низа лоши проекти. Тој, човек кој „не“ знае што е партија, а што држава, рече дека во објектот ќе се смести високообразовна установа. Не верувам дека помислил дека подобро би било таму да се смести Општина Центар, а бараките да се претворат во парк, каков што постоел пред 128 години.


Кога веќе реконструира, може да го опфати и Уметничкото училиште, кое имало сличен животен пат како соседното Учителско. Тука би се сместиле Матично и слични органи.

Може да се премалтериса со тенок слој на малтер, кај нас познат како Абриб (не знам како е на англиски) и да се добие сличен ефект како нов бруталистички објект. За изборот на боите се согласувам со Џоле, но исто така може во делови да се примени и дрво, како што го прави студиото Stone Design. На оример нивниот објект спроти универзална, е типичен пример како може да излгеда еден реновиран бруталистички објект.

мислам дека кога се работи за брутализмот во форма како што го има кај нас, тие што се архитекти одма би рипнале да објаснуваат за филозофијата позади изборот на бетонот и како тоа не требало да се чепка...
ама брутализмот си ја задржува својата поента и без да се гледа како е лиен бетонот и без толку крупни зрна кај него

Во брзо време ќе отпочне реализацијата на студенскиот дом Невена Георѓиева-Дуња (сегашен Медицинар). Ќе биде поделен во три ламели засебни споени со топли премини, спортска сала и монтажна катна гаража. Повеќе инфо после почетокот на градба.

За шест месеци ќе биде реконструиран блокот А од домот „Гоце Делчев“

Тетовската градежна фирма „НБ Цомпану“ ќе ја реализира санацијата и адаптацијата на блокот А од студентскиот дом „Гоце Делчев“. Активностите е предвидено да се завршат во рок од шест месеци, така што студентите од наредната учебна година ќе имаат хумани услови за живот. Реконструктивниот зафат опфаќа замена на прозорците, подовите, вратите, плочките и осветлувањето во објектот. Молеро-фарбарските работи ќе се изведат во внатрешните простории на објектот, но нема да се менува неговата функција и надворешниот изглед. Министерството за образование и наука од државниот буџет за оваа намена одвои 89.044.122 денари, односно околу 1,4 милиони евра.



За остварување на претстојниот градежен зафат е изготвена целокупната техничка документација. За студентските соби е планирано да се распише и посебен тендер за соодветно опремување на просториите. Од надлежното министерство во моментов ја подготвуваат документацијата за реконструкција на блоковите В и Г, со чија обнова треба да се започне во наредниот период. Блокот Б од овој сместувачки капацитет беше пуштен во употреба на почетокот од ноември минатата година.

Студентскиот дом „Гоце Делчев“ во скопската населба Тафталиџе е изграден во текот на 70-те години на XX век, врз основа на проект изработен од архитектот Георги Константиновски. За вложената инвентивност во творечкото дело, тој ја има добиено архитектонската награда на водечкиот југословенски весник „Борба“. Самото здание е поделено на четири блока, кои се состојат од 544 двокреветни соби, 64 еднокреветни соби и 54 соби за студенти во брак.

http://www.build.mk/?p=48340

Стартува реконструкцијата на блокот А во Гоце Делчев

Заменик министерот за образование Ристовски истакна дека континуирано ќе се работи на реконструкција на сите блокови од овој студентски дом за да се обезбедат подобри услови за престој на студентите.

Деновиве ќе стартува реконструкцијата на блокот А во студентскиот дом Гоце Делчев. По примерот на веќе реновираниот блок Б и тука ќе бидат модернизирани собите за студентите, ќе бидат заменети прозорците, ќе се стави нов мебел, нови кујни и нови тоалети. Заменик министерот за образование Ристовски истакна дека континуирано ќе се работи на реконструкција на сите блокови од овој студентски дом за да се обезбедат подобри услови за престој на студентите. Обновата на Блокот А треба да финишира во Септември кога во него ќе се вселат новите станари.

Студентите презадоволни, велат во новите соби во блокот Б имаат одлични услови за живот. Со новите прозорци и доброто греење за нив веќе нема зима.

Ристовски денеска ги посети студентите кои од старите дотраени соби, новата учебна година ја започнаа во новите реновирани соби во блокот Б, чија реконструкција ја чинеше државата 85 милиони денари.

Извор