Гаражни објекти (општо)

ПАРКИНГОТ НА КЛИНИЧКИ ЦЕНТАР ЌЕ ПОСКАПИ ОД 30 НА 50 ДЕНАРИ ОТКАКО ЌЕ ГО ПРЕЗЕМЕ АЛБАНСКАТА ФИРМА „ЃОКА“, РЕЧЕ ТАРАВАРИ

Паркирањето на Клиничкиот центар „Мајка Тереза “ во Скопје ќе поскапи од 30 на 50 денари за 1 час, кажа денеска министерот за здравство Арбен Таравари.

Призма вчера објави дека компанијата „Ѓока констракшн“ од Албанија ќе стопанисува со паркингот на Клиничкиот центар во Скопје. Таравари за БИРН потврдил дека оваа албанска фирма со јавно-приватно партнерство ќе стопанисува со паркингот во наредните 20 години.

На огласот, кој беше распишан на 15 ноември се јавила само „Ѓока констракшн“, која е формирана во Тирана во 1994 година, од 2022 има регистрирано подружница и во Скопје.

Таравари денеска кажа дека договорот сѐ уште не е потпишан, дека треба да поминат уште неколку филтри, но дека, ако има големи реакции во јавноста, или Владата не го одобри, тогаш нема да се потпише.

Доколку се потпише, Таравари смета дека во рок од 6 месеци до една година треба да се изградат катните гаражи.

„Морам да кажам дека не се однесува договорот за 20 години, туку услов во договорот е дека фирмата која ќе го добие тендерот ќе стопанисува со паркингот додека е на тоа место Клиничкиот центар. Јас не верувам дека повеќе од 7-8, еве и 10 години таму ќе остане Клинички. Затоа и немаше интерес од компаниите, да беше на подолг рок ќе се пријавеа повеќе“, рече денеска Таравари, одговорајќи на настан за промовирање на реновиран спрат на Инфективната клиника.

На новинарски прашања за висината на цената, министерот рече дека смета оти 50 денари е пристојна цена.

„Сметам дека не е цена која е многу висока. Паркирањето во ‘Рамстор’ чини 60 денари, а кај ‘Нова Македонија’ 40 денари. Има места во Скопје каде паркирање чини по 100, 150 денари од час“, кажа министерот, на што реагираа новинарите дека пациентите не одат за шетање на Клинички.

Приватниот партнер треба да изгради две катни монтажни гаражи, да стопанисува со целиот паркинг на Клиничкиот центар, а за возврат државата да добие еден отсто од вкупните остварени годишни приходи.

Според проценката на Министерството за здравство, инвестицијата би го чинела концесионерот нешто над десет милиони евра. Моментно, на Клиничкиот центар има 800 паркинг места, а со двете катни гаражи би се добиле уште 800 до 900.

„Ѓока констракшн“ во Албанија со години добива големи тендери. Еден од нив е изградбата на автопатот кој треба да го поврзе Дебар со Тирана. Покрај со градежништвото, семејството Ѓока има компании поврзани со енергетскиот бизнис.

https://sdk.mk/index.php/naslovna/parkingot-na-klinichki-tsentar-ke-poskapi-od-30-na-50-denari-otkako-ke-go-prezeme-albanskatka-firma-goka-reche-taravari/

КОМПАНИЈАТА „ЃОКА“ ОД АЛБАНИЈА ЌЕ СТОПАНИСУВА СО ПАРКИНГОТ НА КЛИНИЧКИ ЦЕНТАР ВО НАРЕДНИТЕ 20 ГОДИНИ

Компанијата „Ѓока констракшн“ од Албанија ќе стопанисува со паркингот на Клиничкиот центар во Скопје, објави Призма. Министерот за здравство Арбен Таравари за БИРН потврдил дека оваа албанската фирма со јавно-приватно партнерство ќе стопанисува со паркингот во наредните 20 години.

На огласот, кој беше распишан на 15 ноември се јавила само „Ѓока констракшн“, која е формирана во Тирана во 1994 година, од 2022 има регистрирано подружница и во Скопје.

Приватниот партнер треба да изгради две катни монтажни гаражи, да стопанисува со целиот паркинг на Клиничкиот центар, а за возврат државата да добие еден отсто од вкупните остварени годишни приходи.

Според проценката на Министерството за здравство, инвестицијата би го чинела концесионерот нешто над десет милиони евра. Моментно, на Клиничкиот центар има 800 паркинг места, а со двете катни гаражи би се добиле уште 800 до 900.

„Ѓока констракшн“ во Албанија со години добива големи тендери. Еден од нив е изградбата на автопатот кој треба да го поврзе Дебар со Тирана. Покрај со градежништвото, семејството Ѓока има компании поврзани со енергетскиот бизнис.

Сега со паркингот на Клинички центар стопанисува ЈП „Градски паркинг“.

https://sdk.mk/index.php/dopisna-mrezha/kompanijata-goka-od-albanija-ke-stopanisuva-so-parkingot-na-klinichki-tsentar-vo-narednite-20-godini/

ПО 30 ГОДИНИ НАЈАВИ, ОХРИД КОНЕЧНО ЌЕ ДОБИЕ КАТНА ГАРАЖА СО ПАРИ ОД ВТОРИОТ ВЛАДИН ПОВИК ЗА ПОМОШ НА ОПШТИНИТЕ

Охрид конечно ќе добие катна гаража, по тридецениски најави. За овој проект Општината аплицираше на вториот повик на Владата за добивање на финансиски средства за инфраструктурни проекти.

За изградбата на катната гаража ќе бидат потребни околу 165 милиони денари (2,7 милиони евра). Објектот се предвидува да биде во централното градско подрачје. Градежните активности ќе започнат на почетокот на летото, а рокот на градба е една година.

„Како и во првиот повик и овојпат ќе се фокусираме на инвестиции кои ќе придонесат за подобарување на квалитетот на живеење во целата општина. Тоа значи осовременување на сообраќајната и комуналната инфраструктура во приоритетните зони на урбаните и руралните населби. Посебен фокус е ставен на решавање на проблемот со паркирање во градот и проектот за изградба на катна гаража. Локацијата предвидена за катна гаража е на просторот кој сега ЈП ‘Градски пазар’ го користи за паркинг. Катната гаража ќе биде со доволен број на паркинг места и значително ќе доведе до намалување на сообраќајниот метеж особено во летниот период“, вели градоначалникот Кирил Пецаков.

Охриѓани се жалат дека во летниот период нема каде да ги остават своите автомобили, а нервоза има и кај гостите кои доаѓаат на одмор.

„Налето не може да се најде паркинг место, голем проблем е. Се градат уште згради, а и сѐ повеќе има апартмани кои се издаваат налето и има потреба од паркинг места. Изградбата на катна гаража е едно од можните решенија за овој проблем“, велат граѓаните.

Моментално градот располага со шесттотини слободни паркинг места, додека во летниот период се обезбедуваат дополнителни 200-300 слободни паркинг места со издавање на просторот кај поранешниот полигон за мали спортови, но во шпицот на сезоната треба многу повеќе.

На првиот повик за финанасирање на инфраструктурни проекти на Владата, Општина Охрид доби поддршка за сите 10 проекти со кои аплицираше.

Пецаков најави реализирање и на други проекти во наредните 12 месеци покрај катната гаража, како пречистителна станица во Трпејца, изградба на ново училиште, градинка и други. Најголемиот проект е новото водоснабдување на Охрид од Плакенска Планина, за кој се потребни осум милиони евра. Тој ќе го снабдува градот на територија од 60 проценти по гравитациски пат, без пумпи и без трошење електрична енергија. Првата фаза од овој проект ќе почне во февруари следната година кога ќе биде објавен тендерот, а според Пецаков, реализацијата би била не повеќе од три години.

https://sdk.mk/index.php/dopisna-mrezha/po-30-godini-najavi-ohrid-konechno-ke-dobie-katna-garazha-so-pari-od-vtoriot-vladin-povik-za-pomosh-na-opshtinite/?fbclid=IwY2xjawImvotleHRuA2FlbQIxMQABHfvv9J3IIrvreHNhsVOWQExVeCXBpbX0vKXJkrvzEVB6oqbi5-6yldy3BQ_aem_0126apHkxDUu97FzhpEFDg

Тема на ТВ 24: Ќе се стави ли крај на сообраќајниот хаос на скопскиот клинички центар?





Ќе се градат две катни гаражи во скопскиот клинички центар - звучи премногу добро, на дали и вистинито. Министерот за здравство Таравари за ТВ 24 тврди изградбата ќе започне следниот месец ако нема жалбени постапки. Со години проблемот со хаосот на клинички создава дополнителни нервози на пациентите, на лекар доаѓаат со такси или автобус.

https://24.mk/details/tema-na-tv-24-kje-se-stavi-li-kraj-na-soobrakjajniot-khaos-na-skopskiot-klinichki-centar

НАМЕСТО СТАНБЕНА ЗГРАДА - КАТНА ГАРАЖА ВО СРЦЕТО НА ЃОРЧЕ ДО ПАЗАРЧЕТО, НОВА КАТНА ГАРАЖА ВО ЃОРЧЕ – КОНЕЧНО РЕШЕНИЕ ЗА ПРОБЛЕМОТ СО ПАРКИРАЊЕ!

Со мнозинство гласови советот на Општина Ѓорче Петров изгласа отпочнување на постапка за измена и дополнување на ДУП за Градска четврт СЗ 15, Блок СЗ 15.03, за обезбедување локација за нова катна гаража!





https://www.facebook.com/photo/?fbid=839531471501397&set=pcb.839531648168046

Edited by stef4o - 27-Sep-2024 at 18:00

ПРЕКУ ЈАВНО-ПРИВАТНО ПАРТНЕРСТВО ЌЕ СЕ ГРАДАТ МОНТАЖНИ КАТНИ ГАРАЖИ НА КЛИНИЧКИОТ ЦЕНТАР ВО СКОПЈЕ

Со јавно-приватно партнерство ќе се градат монтажни катни гаражи на Клинички центар во Скопје, одлучи Владата. На денешната владина седница е донесена одлука за формирање Комисија за спроведување на постапката за доделување договор за воспоставување на Јавно приватно партнерство за изградба на катни монтажни гаражи во Универзитетски Клинички центар – Комплекс клиники „Мајка Тереза“ Скопје.

На тој начин, како што велат од Владата, ќе се реши сообраќајниот хаос кој владее во Клиничкиот центар.

Во моментов, со паркингот на Клиничкиот центар стопанисува скопското јавно претпријатие „Градски паркинг“ и секојдневно е хаос поради недостиг на паркинг места.

https://sdk.mk/index.php/makedonija/preku-javno-privatno-partnerstvo-ke-se-gradat-montazhni-katni-garazhi-na-klinichkiot-tsentar-vo-skopje/

Помпезна вест за обична монтажна гаража

Пуштена во употреба првата катна гаража во центарот на Штип



Пуштена е во употреба првата катна гаража на улицата „Ванчо Прќе“, која се наоаѓа зад Центарот за култура „Ацо Шопов“ во Штип.

Градоначалникот Иван Јорданов на денешната прес-конференција истакна дека просторот рационално е уреден за паркирање на две нивоа. Според него, станува збор за едно сообраќајно решение, со кое се дуплираа паркинг позициите и на оваа површина има 55 паркинг места, кои веќе се во функција.



Тој најави дека во текот на годината ќе се работи и на три локации, кои ќе бидат уредени, како катни гаражи во централното градско подрачје.

– Ќе се уредува паркинг простор на две нивоа, едната е веќе започната, веднаш до стоковна куќа „Нама“ и првата станбена зграда. Планираме во текот на оваа година да се започне и кај зградата „Промаја“, а којашто ќе биде за паркирање на три нивоа – изјави Јорданов.

Тој посочи дека општината со изградбата на новите катните гаражи ќе обезбеди повеќе од 150 паркинг места во централното градско подрачје, со што ќе може и да се реализира и проектот улицата „Ванчо Прќе“ да биде пешачката зона. Овој проект се очекува да почне со реализација во втората половина на 2024 година.

Прашан за тоа кога ќе почнат градежните активности на катната гаража кај стоковната куќа „Нама“, Јорданов одговори дека денеска или утре очекува да се отстрани подземната цистерната со нафта на оваа површина, по што економскиот оператор ќе почне со градежните активности. Вредноста на оваа катна гаража е околу пет милиони денари.

https://www.vecer.press/pustena-vo-upotreba-prvata-katna-garaza/


Edited by Џоле - 02-Apr-2024 at 20:42

Чаир, Аеродром и Кисела Вода добиваат монтажни катни гаражи и нови „пајаци“

Бројот на нови паркинг места ЈП „Градски паркинг“ ќе го зголемува со ваков тип монтажни катни гаражи. За да се овозможи подигнување на возила кои се наоѓаат на непристапен терен, предвидено е да се инвестира во едно помало специјално возило со броила за извлекување на возила кои се паркирани на места непристапни за стандардните пајак-возила и три големи специјални возила: две со проширена и продолжена платформа на кое би можело да се преместуваат две возила исто време и уште едно големо специјално возило за подигање комбиња, со спуштена платформа. Во овој тригодишен план, предвидено е да се набават и четири специјални возила „пајак“

Јавното претпријатие „Градски паркинг“ во наредниот период предвидува да поставени монтажни- демонтажни катни гаражи. Ваков тип монтажни катни гаражи претпријатието планира да постави во Чаир, Аеродром и Кисела Вода.

– Со воведувањето на фаст-парк систем односно, монтажно – демонтажни конструкции онаму каде што тоа го дозволува просторот или на веќе постојните паркиралишта, има можност за зголемување на бројот на места за паркирање дури до 100 проценти – се наведува во Развојниот план за одржување, изведба и стопанисување на јавните паркинг простори на подрачјето на градот Скопје за периодот 2023 – 2025 година кој е на дневен ред на наредната седница на Советот на Град Скопје што треба да се одржи в четврток.

Воедно, се планира и унапредување на системите за паркирање, а ќе се работи и на лоцирање на нови јавни површини на кои би се организирало и уредило паркирањето за потребите на граѓаните со нови сообраќајни решенија, на пример на одредени улици да се воведе еднонасочен режим на сообраќај, со што ќе се добијат доволен број места за улично паркирање на крајните десни коловозни ленти.

Годинава е предвидено ЈП „Градски паркинг“ да почне со поставување на читачи на регистрации. Наредната и во 2025 година во план е да се започне и инвестирање во имплементирање на паметни решенија на паркирање кои овозможуваат да се намали метежот во сообраќајот при барање слободно паркинг место низ улиците со што се придонесува во намалување на загадувањето.

– Паметниот систем на паркирање на возачите им овозможува преку апликација на „паметните телефони“ да го олеснат и направат удобен процесот на барање паркинг место (или дури и да резервираат место за паркирање, да платат за услугата итн.). Да се ​​знае точно колку возила се наоѓаат на паркиралиштето во точно определен момент е основата на паметното решение на паркирање. Откривајќи ја достапноста на паркинг-просторот во реално време, ќе помогне да се поврзат и оптимизираат сите три досега воведени начини на паркирање: зонско паркирање, паркирање во катни гаражи и „затворени“ јавни паркиралишта (оние кои употребуваат рампа на влезно- излезниот систем) – се објаснува во Развојниот план.

Една од целите на овој пристап е да се избегне метежот што се создава при барање слободно место за паркирање, многу возење наоколу согорува многу гориво и издувни гасови дневно. Информациите во реално време за слободни паркинг места во град Скопје граѓаните ги добиваат преку поставени информативни табли.

ЈП „Градски паркинг“ планира да го прошири својот возен парк со набавка на нови специјални возила „пајак“. Ќе се инвестира во едно помало специјално возило со броила за извлекување на возила кои се паркирани на места непристапни за стандардните пајак-возила и три големи специјални возила: две со проширена и продолжена платформа на кое би можело да се преместуваат две возила исто време и уште едно големо специјално возило за подигање комбиња, со спуштена платформа. Во овој тригодишен план, предвидено е да се набават и четири специјални возила „пајак“. Подигнатите возила би се чувале на нови депоа во Карпош и во Гази Баба.

Претпријатието планира и да работи на зачувување на животната средина и тоа со поставување соларни панели, сензори за детекција на движење, како и поставување на лед светилки во сите објекти со кои располага претпријатието (катни гаражи, куќарките на паркиралиштата, канцелариите, ходниците итн.) – велат од претпријатието.

Во најголем дел се планира инвестициите да се финансираат од сопствени извори на приходи на ЈП „Градски паркинг“, со вршење на својата основна дејност – давање на услуга паркирање, како и отстранување на непрописно паркирани возила.    

https://www.vecer.press/монтажно-демонтажни-гаражи-ќе-н/

Originally posted by stef4o Станарите на познатата штипска зграда „Промаја“ денес излегоа на протест Станарите на познатата штипска зграда „Промаја“ денес излегоа на протест. Сакаат да спречат изградба на објект на парцела која е продадена уште пред шест години. Пред десетина дена багери и градежни машини започнале да го расчистуваат просторот пред зградата. Тие изготвија петиција со стотина потписи и најавија дека ќе спречуваат какви било градежни активности на просторот пред зградата. Градоначалникот Јорданов – вели ги испитува процедурите во постапката. https://24.mk/details/stanarite-na-poznatata-shtipska-zgrada-promaja-denes-izlegoa-na-protest

Sho narod ke bese, sho vlast ke bese. kako tendjere i kapace. Stanarite blokiraat gradba na tugj imot so obrazlozenie tie tuka si gi parkiraat avtomobilite Toa sto imotot ne e nivni nema znacenie Gradonacalnikot, pak, gi podrzuva stanarite a istovremeno go ohrabruva investitorot da prodolzi vo gradenje

Kатната гаража заглавена во бирократски лавиринт

Предолго се чека да отпочне изградбата на катната гаража во Охрид. Граѓаните гледаат спас од сообраќајниот хаос со паркирањето во градот со изградбата на катната гаража која се најавуваше и од поранешниот градоначалник Константин Георгиески, а и од сегашниот Кирил Пецаков. Изградбата на катната гаража, од изјавата на градоначалникот Пецаков, по се изгледа е заглавена во бирократските лавиринти.

„Капиталните проекти се во процедура. Има проекти кои траат 1 година и осум месеци, други една година и еден месец друг проект 9 месеци, имаме проблем со конзерваторското одобрение. Станува збор за подрачје во контактната зона со заштитеното градско јадро. Потребно ни е конзерваторско одобрение за градба“.

Катната гаража треба да се изгради на површина од 1215 m2 со расположлив капацитет за гаражирање за повеќе од 150 возила. Локацијата е во близина на градскиот пазар.

„Последните 2-3 месеци се вршени измени за катната гаража и за плоштадот Крушевска Република. Очекувам во 2023 одбрение за градба за двата проекти. Подготвуваме документација за катна гаража на уште една локација, но повеќе деатли за тоа по завршување на процедурите“.

Инаку, за катната гаража која е изработена документација за градба од претходната градска власт кај градски пазар изработена е физибилити студија, извршена експропријација на земјиштето и има одлука за трајно користење на земјиштето. Изработен е проект за изградба на катната гаража и добиена е согласност од владата за распишување на повик за јавно приватно партнерство.

https://tvm.mk/news/ohrid/katnata-garaza-zaglavena-vo-birokratska-lavirint/