Зелени покриви - Скопје

дури и да има зелен покрив горе, кој би го користел?
и по логика на тоа како се одвивале работите кај нас, ако не се користи, нема ни да се одржува

Добра можност за зелен покрив на голема површина



https://www.facebook.com/ShansaZaCentar/

Dali ima nekoj info koga ostanatite 90% od GTC ke pozelenat?

Originally posted by skopskodete Добра им е идеја во зелениве покриви. Малце оф топик: Таа куќата што е до Домот на градежници зошто е останата? Очигледно дека не се вклопува со околината.

па и дом на градежници не се вклопува со средината со оглед на тоа дека е дизајниран според кружниот тек што бил таму, а секаде околу него се блокови од градски ѕид и куќава до него е единствената што е останата освен него, а не е ни дел од блокот објекти што бил околу плоштадот... една од многуте постземјотресни глупости... сега е ок онака како историја и раритет во градот, ама нема никаква урбанистичка логика

Green roofs for a resilient Skopje

ГОТОВ ЗЕЛЕНИОТ ПОКРИВ НА ДОМ НА ГРАДЕЖНИЦИ ВО СКОПЈЕ, ЌЕ БИДЕ ЛЕТНО КИНО

Готов е зелениот покрив на Дом на градежници во центарот на Скопје, кој Градот Скопје го правеше во соработка со УНДП. На површина од речиси 400 квадратни метри се засадени над 30 различни видови садници – дрвја, средно и ниско зеленило, тревна површина и вертикално зеленило на ѕидовите, а поставени се и клупи и канделабри.

Како што најави градоначалникот Петре Шилегов, еден дел од покривот ќе биде летно кино.

„По фантастичното искуство што го имавме со отворањето на зелениот покрив на Градскиот трговски центар, ова е втора ваква површина што како јавен простор ја ставаме на користење за граѓаните. Таа се наоѓа во Малиот ринг, онаму каде што и тоа како ни е потребно зеленило. Постарите генерации скопјани се сеќаваат дека токму на овој простор се наоѓало летно кино, а граѓаните од околината можеле да уживаат во кино претстави. Тоа е всушност и идејата на Градот, на оваа површина во текот на летниот период да организираме мини отворено кино, таканаречено ‘немо’ кино, во кое со слушалки ќе се гледа претставата за да не пречиме на соседството. Ем ќе ги вратиме спомените, ем ќе го облагородиме овој простор“ рече Шилегов.

Проектот чини од околу 18,5 милиони денари. Како донација на Холандската амбасада во земјава на еден од ѕидовите на зградата насликан е мурал инспириран од големиот холандски сликар Карел Апел. Муралот го изработи уметникот Дени Рамбл.

https://sdk.mk/index.php/dopisna-mrezha/gotov-zeleniot-pokriv-na-dom-na-gradezhnitsi-vo-skopje-ke-bide-letno-kino/

Железничката е преголема во однос на платформите кои освен како грда слика и апсорбер на топлина немаат некоја функција,ама некако тешко дека некој ќе се зафати со зелен покрив на овој потег,тотално е замрен и пуст овој потег а се нема ни волја да се среди.Многу е важно да живне железницата,ептен е мизрено горе жив човек нема,само понекогаш кога се снима некој спот има повеќе народ. Мислам дека попрво би се одлучиле за зелен кров на катната кај Беко отколку тука.За жал целиот потег околу Железничката и автобуската станица е во асфалт и бекатон,паркинзи на секој чекор(кога би биле подземни би останал горе простор за повеќе содржини но ете).Колку што знам имаше најави за зелен потег на паркингот спроти Пошта но ќе видиме дали и како ќе се реализира.

Може и сите овие паркинзи околу Железничка некогаш да се направат подземни, а горе да има солиден парк од кеј до Мичурин.

Освен ГТЦ, чијашто локација и покрив е совршен за „зелен покрив“, ми упаѓаат во очи уште два објекти во Скопје кои се како скроени за оваа намена и кадешто може да се добие сериозна квадратура зеленило.


1. Катната гаража кај Министерството за Финансии - рамниот дел на покривот е околу 2500 метри квадратни, а сопственик е Град Скопје. Со оглед дека е обична катна гаража, претпоставувам дека и изведбата на наводнување и дренажа ќе биде многу поедноставна. Пенал на празен гол!







2. Главната железничка станица - огромна гола бетонска површина, а сопственик е државно претпријатие.

Железничката станица за наши потреби е предимензионирана, вклучувајќи ја тука должината на пероните, и особено ширината на патничките платформи. Со ширина од 12 метри на платформите, ние сме во самиот врв на светската елита . Пребарав многу станици, тоа беше горната граница (на која наидував ретко). Од друга страна многу огромни станици со над 100 милиони патници годишно, функционираат со значително потесни платформи. Ние просторен проблем немаме, ниту ќе имаме. Напротив, имаме многу неискористен простор.

Затоа мислам дека може едноставно да се направат соодветни високи жардињери за дрвореди помеѓу колосеците. Земам во предвид дека треба да има добра прегледност за сигналите, а и дека контактната мрежа е ограничувачки фактор за бројот и големината на дрвјата. Исто така дека треба да има доволно простор помеѓу крошните на дрвјата и столбовите за осветлување, за осветлувањето добро да функционира. Во секој случај, со сите овие ограничувања, плус ако земеме оптимистичко долгорочно сценарио, па да врачунаме дека покривот над пероните ќе има потреба да се продолжи до 200 метри и плус да ги опфати колосеците 7 и 8, повторно останува простор за над 100 дрвја со солидна големина, со што ќе се редуцира овој огромен топлински остров, а дрвјата ќе служат и како бариера за намалување на бучавата од возови. И секако станицата ќе биде попријатна и ќе изгледа многу поубаво.





Edited by Cloverstack - 18-Apr-2021 at 03:23

Преголема жртва за општинските буџети е откажување од комуналии за мала естетска добивка што еве се постигнува и со неколку туи во саксии. Не е ова никаков зелен кров, него се само многу саксии и жардињери. Ама нека, и ова е напредок од ич.

Edited by user8642 - 11-Apr-2021 at 15:12