ПРЕМИЕРОТ МИЦКОСКИ СТАВИ КАМЕН-ТЕМЕЛНИК ЗА ИЗГРАДБА НА ВЛЕЗОТ ВО БИТОЛА, НО ДОПРВА СЛЕДИ ЕКСПРОПРИЈАЦИЈА НА ПРИВАТНОТО ЗЕМЈИШТЕ



Приватни сопственици на земјиште кое е опфатено со трасата за изградба на нов булеварски влез за Битола побарале судски увид на лице место, за да обезбедат докази со цел да бидат обесштетени од Општината. Судскиот увид на лице место бил извршен на први август, или шест дена откако на 26 јули започнаа градежните зафати на влезот на кои камен-темелник стави и премиерот Христијан Мицкоски. Изградбата почна, а експропријација на дел од трасата допрва ќе следи.

„Увидот на лице место од страна на судот беше направен во две постапки за обезедување на доказ, кои се однесуваат на утврдување на надоместок за експропријација на земјиште опфатено со трасата, а по предлог на приватни сопственици“, изјавија од Основниот суд во Битола за САКАМДАКАЖАМ.МК.

При нашата посета на терен, на први август и повторно на 5 август, на местото кое е означено за реконструкција не затекнавме поголеми градежни зафати.

Премиерот Мицкоски на ставањето камен-темелник рече дека очекува „брзо да се заврши овој влез, со што ќе биде заокружена една целина“ и најави дека „до крајот на оваа година и следната околу 14, 15 милиони евра ќе бидат инвестирани во проекти овдека во Битола, надвор од буџетот којшто го има самата Општина“.

Од Општина Битола на нашето прашање дали станува збор за недозавршена експропријација и како тоа ќе се решава откако почна реконструкцијата на патот, ни одговорија дека реализацијата се одвива фазно, согласно утврдената динамика во проектната документација. Во оваа фаза, велат дека се работи на изградба на атмосферска канализација, а паралелно Општината ги спроведува потребните правни процедури за обесшетување на сопствениците на земјиштетио на дел од трасата.

Од Општина Битола велат дека пред почнувањето на работните активности на терен, завршени се потребните постапки за првата фаза од проектот – реконструкција со доградба на коловоз на дел од улица 8 Септември во Битола, од бензинската пумпа „Лукоил“ до границата на Генералниот урбанистички план (ГУП) на Град Битола.

„Во оваа фаза се работи на изградба на атмосферска канализација, а активностите во должина на трасата се одвиваат непречено. Паралелно, Општината ги спроведува потребните правни процедури со сопствениците на земјиште на дел од трасата, што поради јавен интерес е потребно да биде завршено за реализација на последната фаза од проектот, односно реконструкција со доградба на коловозот согласно деталниот урбанистички план. Во овој контекст и судскиот увид не е извршен на местото на кое беше поставен камен-темелник и каде што моментално се работи, туку на делот кој е поврзан со финализирање на проектот, после завршувањето на реконструкција на водоводна линија, мешовита канализација и изградбата на нова атмосферска канализација, до кога согласно законската регулатива ќе бидат комплетирани и правните постапки од последната фаза на проектот“, се вели во одговорот од Општина Битола.

Според најавата, делницата ќе опфаќа не само нов коловоз туку комплетен булеварски влез со ширина од 27,5 метри, ширина на двата коловози од по 7,5 метри, со урбано уредена површина која ќе ги разделува двата коловози со пешачки и велосипедски патеки од 5,5 метри од по страните.

https://sdk.mk/index.php/dopisna-mrezha/premierot-mitskoski-stavi-kamen-temelnik-za-izgradba-na-vlezot-vo-bitola-no-doprva-sledi-eksproprijatsija-na-privatnoto-zemjishte/

ЗА ДВА МЕСЕЦА СЕ ДЕФОРМИРАШЕ АСФАЛТОТ НА НОВИОТ КРУЖЕН ТЕК ВО БИТОЛА, А СПОМЕНИКОТ НА ВОЈВОДАТА ТУРУНЏЕВ УШТЕ ГО НЕМА



Споменикот на војводата Александар Турунџев никако да стигне до новиот кружен тек што кај старата Ветеринарска станица го изгради Општина Битола. Иако улицата беше асфалтирана во ноември, а во јануари беше констатирано дека има деформации на асфалтот, таа уште не е коригирана. Изведувач е компанија од Демир Хисар, а вредноста на договорот изнесува 11,7 милиони денари, плус анекс од 2,2 милиона денари. Од Општината велат дека изведувачот нема да биде исплатен додека не ги отстрани недостатоците.

„На кружниот тек се констатирани деформации на вториот слој асфалт и истиот треба да се извади и да се нанесе нов слој. Службите во Општината одржаа состанок со изведувачот, на кого му е даден рок за отстранување на недостатоците. Тој нема да биде исплатен за завршената работа додека не бидат отстранети“, соопштија од Општината за САКАМДАКАЖАМ.МК.

Градоначалникот Тони Коњановски рече дека ќе бара одговорност од сите изведувачи кои направиле пропусти.

„Нема да дозволам неодговорност и непродуктивно трошење на ниеден општински денар. Секој изведувач мора да гарантира и да изврши квалитетна работа, затоа што во спротивно, штетите нема да бидат на товар на граѓаните и општината, туку на изведувачите“, рече Коњановски.

На седница на Советот одржана деновиве имаше бурна дискусија за инстраструктурните зафати.

„Можеме да го видиме згрешениот кружен тек за кој ни се смее цела Македонија. Можеме да видиме дека се склучувани анекси, зашто очигледно, состојбата на терен не се совпаѓала со состојбата предвидена со проектот. Битола има нова населба која досега се викаше Недопирливи, а отсега може да се вика Недопраени“, рече Габриела Илиевска од Поинаку, претседателка на Советот.

Советниот од Пoинаку, Иван Чулакоски, на 7 февруари го објави записникот од извршениот технички преглед на кружниот тек, направен на 26 јануари, добиен преку барање за слободен пристап до инфорамции. Во записникот пишува недостатоците со асфалтот да се отстранат кога ќе има поволни временски услови за да не дојде до повторување на оштетувањата. До денес корекцијата не е направена.

За да се направи кружниот тек беа исечени повеќегодишни дрвја, а дел од возачите коментираат дека премините се тесни. Сличен проект планираше и ексградоначалникот Владимир Талески во 2017, но се откажа поради протестите на граѓаните кои се спротивставија на сечата. Тогаш се изработи споменикот на војводата Турунџев, кој остана во општинскиот двор.

https://sdk.mk/index.php/dopisna-mrezha/za-dva-mesetsa-se-deformirashe-asfaltot-na-noviot-kruzhen-tek-vo-bitola-a-spomenikot-na-vojvodata-turundhev-ushte-go-nema/

ОПШТИНА БИТОЛА ПЛАНИРА ДА ИЗГРАДИ КРУЖЕН ТЕК СО СПОМЕНИК НА АЛЕКСАНДАР ТУРУНЏЕВ КАЈ ВЕТЕРИНАРНАТА СТАНИЦА



Споменикот на Алексанадр Турунџев, по шест години поминати во општинскиот двор, ќе биде поставен на кружниот тек кој Општина Битола наскоро планира да го гради кај поранешната Ветеринарна станица, како што беше и првично замислен, но владата на ексградоначалникот Владимир Талески во 2017 се откажа поради протестите на околните жители.

Сегашната локална власт одново актуелизира ваков проект, кој исто како и претходно предвидува кружен тек на крстосницата меѓу улиците Прилепска и Баталјон Стив Наумов во Битола, а над кого ќе биде поставен споменикот на војводата висок 3 метри, за кој пред шест години Општината плати 28.000 евра.



Од Општина Битола преку писмено соопштение известија дека се подготвени за реализација на голем инфраструктурен проект, предвиден за оваа градежна сезона. Согласно подготвената проектна документација и склучениот договор со изведувачот, наскоро ќе започнат работните активности. Предвидени се 11.790.640 денари (193.289 евра), во кои е вклучена канализациона мрежа, коловоз и улично осветлување. Со завршувањето на овој проект, ќе се промени и режимот на сообраќај во овој дел на градот, а на кружниот тек ќе биде поставен и споменикот на Александар Турунџев.

Прв ваков проект во 2017 најави поранешниот градоначалник Владимир Талески. Но, се откажа од негова реализација откако се побуни месното население зашто тој предвидуваше да се сечат дрвјата од паркот пред зградите кои ги штитат од прашина и издувни гасови од сообраќајот. И покрај издаденото решение за сеча на комуналните служби, одлуката не се спроведе на дело.

На локалната власт предводена од Талески инфраструктурниот подем во Битола ѝ се состоеше од четири кружни текови за кои Општината даде многу пари, а беа украсени со филџан, клавир да ја отсликува музичката традиција токму во периодот кога тогашната државна власт се обидуваше да го продаде Офицерски каде е сместена најакустичната сала за концерти, па пајтон и креација слична на лампион. Турунџев требаше да се постави на петтиот кружен тек, но со промената на власта, СДСМ не го изгради текот, а споменикот остана во општинскиот двор.

https://sdk.mk/index.php/dopisna-mrezha/opshtina-bitola-planira-da-izgradi-kruzhen-tek-so-spomenik-na-aleksandar-turundhev-kaj-veterinarnata-stanitsa/

Во оваа видео снимка од седница на советот на Општина Битола (точно на timestamp-от кој го линкував) еден од членовите на тимот кој ја изработи новата сообраќјна студија за град Битола, објаснува зошто и како, и одговара на прашања.

Мислам дека многу ретко досега имаме јавно излагање и анализа зошто и како е избрано одредено сообраќајно решение не само во Битола, туку во цела држава. Кој сака да гледа 1.5-2.0х брзина, нема да погреши.

Edited by гитардемон - 14-Dec-2020 at 22:32

Треба да се заштитат старите градби а не да се рушат! Сите градови во Македонија имале одлични мали, живи, компактни маала и улички кои за време на СФРЈ се уништиле! Пример е Куманово каде центарот е уништен со подигање на „коцки“ кои денес се распаѓаат! Битола е редок пример за Македонија каде она што вреди, сѐ уште е на своето место!

Боље да се изнаредат стентони и чифлиганевци отколку да си остане како резерват на отоманска империја со примеси на нео-феудално урбано дивјаштво.

БИТОЛА НАПРАВИ СТУДИЈА ДА МУ СТАВИ КРАЈ НА КАБАДАЈЛУКОТ ПРИ ПРЕМИНУВАЊЕТО НА ШИРОК СОКАК КАЈ „ЕПИНАЛ“

Една од најфреквентните сообраќајници во Битола која го кочи сообраќајот, делот од улицата Димитар Илиевски-Мурато што минува кај хотел „Епинал“, односно го сече Широк Сокак, ќе стане пешачка зона и во иднина нема да минуваат возила. Ова се предлага со сообраќајната студија и идејниот сообраќаен проект што денес ги усвои Советот на Општина Битола, а се однесуваат на централното градско јадро.

Токму оваа делница е показател на кабадајлукот во Битола. Семафор не е поставен, а возилата чекаат да поминат пешаците кои се шетаат низ Широк Сокак и ги пропуштаат еден по еден, па се создава долга колона возила и сообраќајот се одвива тргни-застани. Воедно, и голем дел од битолчани со возилата секојдневно минуваат од таму, дел поради потреба, но и оние кои се шетаат или одат на кафе, па бараат паркинг што е можно поблиску до кафулето. Теренската анализа покажа дека дури 50 проценти од дневниот проток се автомобили кои транзитираат.

„Помалку од 50 проценти од возилата се на резидентни жители на централното подрачје и ја користат таа улична мрежа за да пристапат до дома. Во оние 50 проценти покрај резидентното население спаѓаат и оние кои одат со автомобили на Широк Сокак за изведување на одредени работни задачи, прошетки и слично. Останатите 50 проценти се транзит кои поминуваат низ градот, а целта на патување не им е центарот на градот“, рече Дарко Спасеновски од експертскиот тим на студијата.

Студијата чиј инвеститор е Општина Битола преку проекти ќе треба да се спроведе во следните десет до 20 години. Таа содржи две варијанти. Во првата предвидени се трансформација на паркиралиштето пред Центарот за култура во плоштад, сообраќај на улица Виенска само за жителите и посетители со сместувачки капацитети, затворање за сообраќај на моторни возила на дел од улицата Пеце Матичевски и Димитар Илиевски-Мурато на потег од влез за хотел Епинал до зграда на поранешна ЈАТ и трансформација во пешачка зона и други измени.

Во втората заријанта е запазена првата само со дополнувања. Таа содржи и воведување на еднонасочен сообраќај на улици во делот кај Митрополијата и Пиварата, контра велосипедски ленти на улици со еднонасочен сообраќај, затворање за сообраќај на потег од улица Јорго Османо до булевар Први Мај и трансформација во пешачка зона, односно спојување со Широк Сокак. Отстранување на уличното зонско паркирање на улиците Цар Самуил и Борка Левата. Ќе има и трансформација во пешачка зона на кракот кај училиштето Кирил и Методиј до крстосница со улица Никола Тесла.

„Заложбата во сообраќајната студија ни беше да обезбедиме најголем простор за пешаците, па за велосипедистите, јавниот превоз, па потоа сè останато. Се потрудивме да добиеме еден урбан град кој ќе го подобри квалитетот на живот, ќе го намали загадувањето во централното градско подрачје и ќе биде основа за понатамошен развој на градот“, рече Спасеновски.

Славчо Димовски, исто така експерт вклучен во проектот рече дека деталните и генералните урбанистички планови во Битола се стари, а и плус има промени во законската регулатива со староградско јадро па имаат потешкотии при планирањето и реализирањето на било кои идеи.

„Со сообраќајната студија се даваат насоки , тие не се решенија кои се спроведуваат утре, туку се насоки кои треба да се разработат со законски предвидени проекти“, рече Димовски.

https://sdk.mk/index.php/dopisna-mrezha/bitola-napravi-studija-da-mu-stavi-kraj-na-kabadajlukot-pri-preminuvaneto-na-shirok-sokak-kaj-epinal/

Originally posted by BITOLANEWS Усвоена сообраќајната студија за зголемување на површините за пешаци и велосипедисти во центарот ДЕКЕМВРИ 11, 2020 Советот на Општина Битола на денешната седница донесе одлука, со која се усвојува сообраќајната студија и идеjниот сообраќаен проект со динамичка микроскопска симулација и организирање на режим на сообраќај во централно градско подрачје на град Битола, со граници на опфат (на север Булевар 1 ви Мај, на запад улица Кузман Јосифовски,на југ улица Солунска и исток улица 4 ти Ноември). Со оваа студија се предвидува зголемување на површините за пешаци и велосипедисти, што ќе се реализира со изготвување на проектна документација, согласно законската регулатива. Во Централното градско јадро на град Битола, како заштитено културно наследство, приоритет треба да имаат пешаците и велосипедистите. Студијата дава генерални насоки на понатамошниот режим на сообраќајот во иднина. Како основа за нејзина изработка, земени се, претходни плански документации: сообраќајна студија од 2011, ГУП, детални урбанистички планови и законските прописи. Студијата е конципирана врз основа на извршена споредба на предвидените плански решенија и моменталната состојба на сообраќајот и содржи мерливи податоци за сегашното одвивање на сообраќајот во градот, сега и во иднина. Податоците треба континуирано да се ажурираат и да се постапува со конкретни мерки. Во процесот на изработка на студијата извршена е виртуелна симулација со софтверот VISSIM, при што идејните решенија, се проверени во виртуелниот модел. https://bitolanews.mk/2020/12/11/усвоена-сообраќајната-студија-за-зго

ПРИСТАП ДО СТУДИЈАТА (СТР. 124 ПА НАТАМУ): ТУКА

Добра вест, но ова е само студија, далеку од некква реализација, така што не би се залетувал.

Плоштадот "Гоце Делчев", да се направи целосно пешачка зона е стара и убава идеја, но неговата реализација треба да оди во насока на подземна улица и подземен паркинг, нешто налик на центарот на Струмица. Паралелно со та мора да се најде локација во непосредна близина на овој плоштад за изведување на катна гаража, бидејќи проблемот со паркирање е моментално еден од најголемите во Битола па и во сите останоати градови во Мк, што недоволно се третира. Исто така мислам дека имаше слична иницијатива пред 10-тин години.

Делот на отстранување на зонско паркирање и секакво движење на возила околу Саат Кулата исто така е потребен. Со што целиот тој дел кај плоштадот Магнолија и паркот околу саат кулата и галеријата ќе стане една целина. Тука има потеба и на отстранување на неколку времени објекти "трафики" се до коритото на река Драгор.

Околу едносмерните улици. За тесните улици во битолското старо Јадро (сокаци) мора да има добро разработен план. Не само која улица е еднонасочна, во кој правец туку и точно да се означи кој дел е за автомобили, кој за пешаци, велосипедисти или паркирање. Бидејќи се работи за старо јадро и рушењето не е посакувано и можно, смеам дека возилата и велосипедистите мора да го делат коловозот со некакво ограничување од 30км/ч. Да има задолжително на едната страна лента за паралелно паркирање, а на другата мал тротоар за пешаци. Овие улици се широки 5-6м, не гледам како е возможно да се изведи тука и велосипедска и колона за возила (камо пак и дво-смерна), а да не се наруши паркингот. Воопшто не сакам, лента обележна за велосипеди а да се користи за паркинг. Во овие улици најголем проблем е паркингот, а потоа потребите на пешаците, велосипедистите и на крај автомобилите што се дивжат. Зборуваме за голем број на куќи кои се лепенки и немаат свој двор или паркинг, па станарите се приморани да паркираат на улица. Дефинитивно, една лента паркинг, со тоа што тој што не е станар ќе плаќа скапо зонско. Во овој дел би одел и чекор потаму, дека не мора сите овие улици да се асвалтирни, туку дека е возможна и комбинација со павер елементи кај некои со што би добиле поголема "амбиенталност", бидејќи Битола не е само Широк Сокак, и овие улички имаат доста атрактивни стари куќи. Патем многу европски стари јадра на градови со големина како Битола се така решени, треба само волја а не некакви којзнае какви студии.




Edited by stratus - 09-Dec-2020 at 14:59