Започна реконструкцијата на локалниот пат Драчево-Мотел Китка делница село Црвена Вода „Китка’’ во Општина Студеничани









https://www.facebook.com/VladaMK

ПРОБНО ЌЕ СЕ ЗАТВОРИ УЛИЦАТА 8 СЕПТЕМВРИ ВО ЦЕНТАРОТ ВО ВЕЛЕС ЗА ДА СЕ ПРОВЕРИ ДАЛИ ФУНКЦИОНИРА ПРОЕКТОТ ЗА СООБРАЌАЈНО РЕШЕНИЕ

Улиците Страшо Пинџур и Гоце Делчев во центарот на Велес ќе бидат двонасочни кога ќе заврши уредувањето на тротоарите на улицата 8 Септември. Двонасочниот сообраќај ќе биде во одреден период од годината. Откако деновиве се изврши хоризонтално обележување на овие две улици, се создаде дилема во јавноста зошто такво решение кога беше најавено дека тие ќе бидат двонасочни само преку лето, и тоа навечер.

Од локалната власт најавија дека годинава може да се случи главната улица 8 Септември да се затвори од Сармаале до Коњаникот како проба во краток период и тогаш улиците Страшо Пинџур и Гоце Делчев да бидат двонасочни, за да се увидат позитивните страни и слабостите на планираниот и предвиден сообраќаен режим.

„Прво треба да се заврши со уредувањето на тротоарите на улицата 8 Септември, зафат кој е во тек. Потоа треба да се изврши нејзино хоризонтално обележување, по што инвеститор од канцеларијата на ЕУ ќе направи увид дали може таа да се пушти во сообраќај. Поточно, да стапи на сила проектот за регулирање на сообраќајот во централното градско подрачје, донесен во 2017 година“, кажа Славче Велков, сообраќаен инженер во Општина Велес.

Предвидено е улицата 8 Септември догодина да се затвори за сообраќај во јуни, јули и август од 18 до 3 часот.

„Со проектот од 2017 година, предвидено е по улицата 8 Септември, која треба да биде затворена, да сообраќаат само возилата на градскиот јавен превоз. Во однос на компаниите кои имаат вработени и имаат сопствен автобуски превоз, ќе се разговара како тие патници да се качуваат во нивниот превоз. Возило во должина до 6 метри може да мине по улиците Страшо Пинџур и Гоце Делчев во правец од Сармаале до Коњаникот, а од Коњаникот до Сармаале може да се движи превозно средство во должина до 10 метри. И тоа само во вечерните часови, кога ќе биде затворена улицата 8 Септември. За проектот веќе се барани и направени одредени отстапки, улицата не е целосно затворена како што беше предвидено, туку само неколку месеци во ноќните часови“, вели Велков.

Реакции има и за пристапот на возилата од правец на центар, од споменикот Коњаникот кон паркингот пред Основен суд, каде што е исцртана непрекината сообраќајна линија, која покажува дека не може да се влезе на просторот.

„Доколку се дозволеше таквата можност, ќе се создаваше голема колона возила на кружниот тек. Затоа, ако некој сака да влезе на паркингот од правец на Коњаникот, треба да дојде до плоштадот Сармаале, да заврти на кружниот тек и да се врати назад“, објасни Велков.

За пешачките премини пред некогашното кино „11 Октомври“ кон НА-МА и од НА-МА кон кафеаната „903“, кои сега ги нема, реагираа незадоволни жители, но пешачкиот премин кон месноста Дворови останува.

„Пред Европската куќа, некогашното кино, нема да се црта пешачки, бидејќи ги има погоре кај пешачките острови и долу кај Стопанска банка. Пешачки кон Дворови ќе се црта кога киоскот ќе биде отстранет, а сопственикот најавил дека тоа ќе го стори набргу“, кажа Велков.

Незадоволни се и легалните таксисти, кои останаа без стојалиштата за своите возила во Центар, кај Коњаникот и на Сармаале.

„Кај Коњаникот се нацртани четири такси стојалишта, близу Европска куќа. Тие ќе бидат наскоро и во функција. Кај Сармаале нема можност за паркинг за такси возила бидејќи ако останеа досегашните локации, го отежнуваат сообраќајот кон улиците Архиепископ Михаил и Страшо Пинџур и тука нема да има такси стојалиште“, рече Велков.

Уредувањето на улиците во центарот на Велес беше дел од проектот со кој градот требаше да добие пешачка зона и да се затвори за сообраќај главната улица сите 365 дена, бидејќи Велес е единствен поголем град во Македонија кој нема пешачка зона. Но, проектот претрпе повеќе промени, за кои се бараше согласност од финансиерот ЕУ, бидејќи наместо решение, се создадоа големи колони возила и сообраќаен метеж во центарот на Велес.

https://sdk.mk/index.php/dopisna-mrezha/probno-ke-se-zatvori-ulitsata-8-septemvri-vo-tsentarot-vo-veles-za-da-se-proveri-dali-funktsionira-proektot-za-soobrakajno-reshenie/

(ВИДЕО) Зошто 11 години од почетокот на градбата, патот од Скопје за Сопиште преку Водно служи само за пешаци и моторџии



https://360stepeni.mk/video-zoshto-11-godini-od-pochetokot-na-gradbata-patot-od-skopje-za-sopishte-preku-vodno-sluzhi-samo-za-peshatsi-i-motordhii/

ПУШТЕН ВО УПОТРЕБА НОВИОТ ПАТЕН ПРАВЕЦ КАЈ МИЛЦИ
Гевгелија доби ново поврзување со автопатот и Коридорот 10 со изградбата на патниот правец Милци. Со пресекување лента од градоначалникот на општина Гевгелија, Андон Сарамандов и новиот претседател на Владата на Република Македонија, проф. д-р Христијан Мицковски, во присуство на бројни гости, беше означена завршницата на овој капитален проект.
- По поставувањето на хоризонтална и вертикална сигнализација, патниот правец кај Милци ги исполни условите за пуштање во употреба. Должината на делницата изнесува вкупно 850 метри со кружен тек. Реализацијата на оваа делница се реализираше во две фази, со средства од Буџетот на Општина Гевгелија во износ од 18.917.780 денари. Гевгеличани покрај тоа што добиваат нова сообраќајна врска со граничниот премин Богородица, истовремено со реализацијата на овој патен правец се зголемува и можноста за нови потенцијални инвестиции во месноста - Милци, истакна градоначалникот Сарамандов во своето излагање за медиумите.











https://www.facebook.com/profile.php?id=100071471694876

(ФОТО+ВИДЕО) Се урна дел од потпорен ѕид над Клиниката за детски болести, од ЦУК велат дека во прашање се часови кога ќе падне целиот

Ангелов вели дека под улицата која го разграничува Клиничкиот центар со куќите има шахти и подземни канали кои се во лоша состојба и не ја собираат подземната вода што доаѓа од падините на Водно што, пак, е причина таа да избива на самиот ѕид и дополнително ја нарушува неговата стабилност

Дел од потпорен ѕид на улицата „Белградска“, која поминува над Клиничкиот центар „Мајка Тереза“ над Клиниката за детски болести, утринава се урнал, информираат од Центарот за управување со кризи (ЦУК).

Информацијата дека е ѕидот се урнал денеска од страна на граѓани стигнала на единствениот број за итни случаи 112.

Директорот на ЦУК Стојанче Ангелов, денеска во видеообраќање од местото каде што се урна ѕидот апелираше до Министерството за здравство, до Град Скопје и до Општина Центар итно да се зафатат со надминување на оваа опасност за граѓаните. Тој вели дека е прашање на ден, а можеби и на час кога ќе се урне и преостанатиот дел од ѕидот под кој се паркираат возила, но се движат и лица кои влегуваат во кругот на Клиничкиот центар.

Во најлошо сценарио, рече Ангелов, постои можност возила што се движат по оваа тесна улица, која е проодна во два правци, да дојде до уривање не само на ѕидот туку и на дел од улицата и да дојде до поголема трагедија во која ќе бидат опфатени и возила.

Според него, за проблемот со лошата состојба со ѕидот, кој бил накосен и постоела опасност да падне, пријава имало уште во ноември 2022 година. Тогаш, како што рече Ангелов, биле информирани сите надлежни институции вклучително и Министерството за здравство, Град Скопје, како и Општина Центар, а запознаени биле и во Министерството за внатрешни работи за преземање на потребните мерки за заштита на животот и здравјето на граѓаните.







[URL]https://360stepeni.mk/foto-video-se-urna-del-od-potporen-zid-nad-klinikata-za-detski-bolesti-od-tsuk-velat-deka-vo-prashane-se-chasovi-koga-ke-padne-tseliot//URL]

СЕ ГРАДИ КЕЈОТ ДО СТАР МОСТ

Продолжи изградбата на кејот од десната страна на река Вардар. Градежните работи се во тек за изградба на кејот на потегот од Мало мовче до Стар мост. Граѓаните на Велес добиваат уште едно модерно уредено катче за релаксација.







https://www.facebook.com/photo?fbid=841424031359022&set=pcb.841424721358953

Еј, баш ме потсети дека имам и јас фотки, вчера се шетав натаму:

СТОПИРАН ПРОЕКТОТ ЗА ЦЕНТАРОТ НА ВЕЛЕС ДА БИДЕ ПЕШАЧКА ЗОНА, ГРАДОНАЧАЛНИКОТ КОЛЕВ БАРА ТОА ДА ВАЖИ САМО ВО ЛЕТО



Стопиран е проектот за реконструкција во пешачка зона на улицата 8 Септември во центарот на Велес. Проектот, кој е финансиран од европски фондови, предвидува улицата до плоштадот Сармаале кај споменикот на Коњаникот да биде затворена за возила во текот на цел ден. Единствено во одредени делови на денот низ неа да минуваат само автобусите на големите компании кои превезуваат работници.

Велес е единствен поголем град во Македонија кој нема пешачка зона во центарот.

Градоначалникот на Велес Марко Колев објаснува дека проектот е стопиран, бидејќи Општината бара измена односно улицата да биде пешачка зона само во лето.

„Кога дојдов на оваа позиција кажав дека ќе ги продолжам сите проекти кои ги наследив. Ова сообраќајно решение е подготвено многу порано пред јас да дојдам. Се обидуваме со сообраќајните инженери да докажеме на финансиерот дека делумно тоа што е пишано во апликација е можно, делумно не. Се трудиме да објасниме дека ни е потребна пешачка зона, но во период кога народот е раздвижен, а тоа е во топлите месеци. Нашиот концепт не е да се затвори целосно улицата 8 Септември, туку во летните месеци кога децата се на распуст. И тоа во одреден дел од денот, тоа е попладне, како што беше порано корзото. Тие два, три, четири часа, улицата 8 Септември да биде затворена, а улиците Гоце Делчев и Страшо Пинџур да бидат двонасочни“, вели Колев.

Градоначалникот вели дека постои опасност ако не се реализира проектот да се вратат 700-800 илјади евра кои се обезбедени од фондовите на ЕУ.

Според проектот, предвидено е намалување на кружниот тек кај споменикот Коњаник, изградба на друг на Сармаале, што е реализирано. Потоа, улицата Архиепископ Михаил да биде еднонасочна што исто така се случи, а улицата 8 Септември да биде пешачка зона, освен за автобусите, во период кога ги превезуваат работниците на работа. Исто така, завршено е поставувањето на одводна мрежа за атмосферската вода од центарот на градот, од Сармаале до мостот Гемиџии. Предвидено е улиците Гоце Делчев и Страшо Пинџур да бидат двонасочни.

https://sdk.mk/index.php/dopisna-mrezha/stopiran-proektot-za-tsentarot-na-veles-da-bide-peshachka-zona-gradonachalnikot-kolev-bara-toa-da-vazhi-samo-vo-leto/