Ај, да не го тупам премногу, кој сака повеќе да истражува, може на линков

https://www.skyscrapercity.com/threads/social-housing-low-income-housing.2115636/

Значи, кај нас проектирањето/дизајнот на зградите не мрднал од 1980-ти години, освен комиблокови ништо друго не можеме да добиеме, ниедна зграда што со својот изглед и смела архитектура би го облагородила просторот околу себе.

Бутел 2 (кај комплексот на Моди Ливинг)

Пробиштип





https://www.facebook.com/televizijastar/videos/711086649536226

Догодина социјални станови за 16 семејства во Демир Капија, вкупно се градат 579

До крајот на наредната година треба да заврши изградбата на социјалната зграда во Демир Капија со која ќе се реши станбеното прашање на 16 семејства од ранливите категории граѓани. Активностите на зградата со површина од 1.000 метри квадратни, според надлежните, не се запрени и покрај ковид кризата.

Преку Акционерското друштво за стопанисување со станбен и деловен простор во државава се градат вкупно 579 социјални станови, а за таа намена во буџетот на Министерството за транспорт и врски за следната година се одвоени 130 милиони денари.

-Ова претставува грижа на Владата заедно во координација со АД за стопанисување со станбен и деловен простор и со Општина Демир Капија за решавање на проблемите на граѓаните, поддршка и помош на оние на кои им е најпотребо да имаат свој кров на глава, изјави денеска министерот за транспорт и врски Благој Бочварски по увидот на активностите на терен.

Тој информираше дека е во тек изградба на 579 станови за социјално ранливи категории граѓани во повеќе градови низ државата.

Задоволен е плановите на АД за иден развој на инфраструктура во овој дел, што се прави во координација со општините кои ги дават параметри за потребите.

– Оваа координација ќе продолжи и наредната година во нашиот буџет имаме предвдиено над 130 милиони денари за реализација на ваков тип објекти. Во 2020 година од нашиот буџет се реализирани сите средства предвидени за изградба на вакви социјални згради, што, исто така, е благодарение на проактивниот однос на АДССДП и на целиот тим што работи на овој тип објекти, рече Бочварски.

Кристијан Трајковски, директор на АДССДП појасни дека зградата во Демир Капија е најмала од овој тип прилагодена согласно потребите на општината.

Очекува до крај на годината да ги заокружат постапките за планираните активности за изградба на социјалните згради.

-Во постапка се уште неколку згради што треба да се градат. Очекувам дека во наредните неколку дена ќе склучиме договор за избор на изведувач на зграда во Сарај, исто така во Кочани, а во тек е постапката и за Пехчево и за Дебар. Очекувам до крај на годинава да ги завршиме сите постапки за згради и ќе останат можеби уште две локации за кои постапките ќе ги завршиме наредната година, рече Трајковски.

Градоначалникот на Демир Капија Лазар Петров, се заблагодари за реализацијата на проектот, потенцирајќи дека со него ќе се реши станбеното прашање на 16 семејства.

-Ова е значаен инфраструктурен проект што не запре и покрај ковид крзиата и се одвива тековно. Градежните активности би требало да завршат за 10 до 11 месеци. Решавањето на станбеното прашање на сите граѓани е многу важно, потенцираше градоначалникот Петров.

https://nezavisen.mk/dogodina-socijalni-stanovi-za-16-semejstva-vo-demir-kapija-vkupno-se-gradat-579/

https://www.facebook.com/bochvarskiblagoj/videos/712542666039032

Edited by zorant - 24-Dec-2020 at 14:07

Во Свети Николе,во позадина се гледа зградава што е во завршна фаза,веднаш до неа има ископ за нова само незнам дали е повторно на АДСДП









https://www.facebook.com/vishtica2010

Edited by zorant - 18-Jan-2021 at 12:48

Рендерот од зградата во Гевгелија



https://www.facebook.com/adsdp.makedonija/

МЕРКО ИМ ВЕТИ СОЦИЈАЛНИ СТАНОВИ НА РОМИТЕ КОИ ЖИВЕАТ СРЕДЕ КУПИШТА ОТПАД НА ВЛЕЗОТ ОД СТРУГА

Ромските семејства од струшката населба „Весела долина“ ,на самиот влез од Струга, кои со години живеат во импровизирани куќи, калливи улици, услови под сите стандарди, ќе добијат социјални станови. По сторијата на САКАМДАКАЖАМ.МК во која жителите јавно проговорија за очајните услови во кои со години живеат, со живеалишта направени од плехови налик на колиби колку да не спијат под ведро небо, градоначалникот на Струга, Рамиз Мерко најави изградба на социјални станови.

Мерко вели дека со Деталниот урбанистички план предвидено е изградба на две згради во кој би се сместиле 30-те семејства кои моментално живеат опколени со купишта отпад.

„Делот каде е населена ромската популација има потреба од уредување на просторот за да тие граѓани на Струга не живеат во вакви мизерни услови. По барање на тие семејства кои живеат во времени диви објекти кои немаат никакви услови донесовме Детален план каде е предвидено две маркици од 50 до 60 станови можеби и повеќе, а веќе имаме барање од 40 семејства. Можеме сите тие семејства кои живеат во времени диви објекти во тој дел да ги сместиме во соодветни услови, во социјални станови“, вели Мерко.

Општината испратила извештај до Владата која дала ветување дека за брзо време ќе започне постапка за градба на социјалните станови.

Жителите гневни на долгогодишните ветувања на властите дека ќе им го решат проблемот велат дека ги посетувале само за избори, но ветувањата дека ќе добијат социјални станови досега ниту една власт не ги исполнила. Велат „останавме со години заглавени во фекалии, кал и сиромаштија, редно е некој да си го исполни ветеното“.

„Загадена е околинава нема никакви услови за живот. Излажани сме од секого, кој и да дојде од власта ни ветуваат дека ќе ни направат социјални станови, дека ќе нè сместат. Само лажат, само дојди гласај и пријатно. Ова место овде, во туристички град е срам за државата. Туристи застануваат да видат што е ова место, сликаат, не веруваат дека тука живеат луѓе. Во Дебар ќе има социјална зграда, а не е туристичко место. Како може таму да има згради, а во Струга не? Јас имам 45-години и ништо од ветувањата, само нè лажат“, изјави неодамна за САКАМДАКАЖАМ.МК, Шериф Шира жител на „Веселата долина“.

Неодамна се спроведе и петиција за обезбедување на соодветно социјално домување и елементарни услови, потпишано од лицата кои живеат крај „Црн Дрим“, преку Европскиот Центар за Правата на Ромите, во Брисел.

https://sdk.mk/index.php/dopisna-mrezha/merko-im-veti-sotsijalni-stanovi-na-romite-koi-zhiveat-srede-kupishta-otpad-na-vlezot-od-struga/