Железници (општо)

Во Европската година на железницата, со месеци не сообраќаат возовите за Кичево, Кочани и Приштина

Европската Унија ја прославува 2021 како Европска година на железницата, додека во Македонија се укинати или привремено не сообраќаат и малкуте патнички возови на пругите. Тековново лето нема експресни возови од Скопје кон Белград и Солун, а веќе неколку месеци не сообраќа ниту брзиот воз на релација Скопје-Приштина-Скопје.

Бројот на возови за превоз на патниците е редуциран и во внатрешниот железнички сообраќај. Од почетокот на мај, привремено не сообраќа патничкиот воз Скопје-Кочани-Скопје, кој секојдневно поаѓаше од главниот град попладне а од Кочани рано наутро.

Веднаш по привременото укинување на овој патнички воз, кон крајот на мај годинава престана да сообраќа и патничкиот воз на релацијата Скопје-Кичево-Скопје, кој од Скопје секој ден поаѓаше попладне а од Кичево во утринските часови.

Граѓаните со незадоволство коментираат на социјалните мрежи за несообраќањето на возовите кои се впишани во актуелниот возен ред на Железници на РСМ-Транспорт, а деновиве се објавуваат и фотографии од Железничката станица во Кичево, со поставено известување за патниците дека возот меѓу Скопје и Кичево нема да сообраќа.

Одговори на темава побаравме од Железници на РСМ-Транспорт и ги прашавме до кога нема да сообраќаат возовите кон Кичево, Кочани и Приштина и кои се причините поради кои не се одвива редовниот патнички железнички сообраќај кој е предвиден со важечки возен ред. „Мета.мк“ не доби одговори на поставените прашања.

Идентичните прашања ги поставивме и до Министерството за транспорт и врски, од каде што добивме одговор дека на прашањата во однос на возовите и возниот ред треба да одговорат од Железници на РСМ-Транспорт.

Од Министерството за транспорт и врски за „Мета.мк“ велат дека државата преку буџетот дава финансиска поддршка на ова железничко претпријатие за покривање на трошоците во патничкиот сообраќај.

„За 2021 година предвидени се 380 милиони денари, а до сега исплатени се 201 милион денари“, објаснуваат од Министерството за транспорт и врски.

Патничкиот железнички сообраќај во земјава е во постојано опаѓање од година во година, со намалување на бројот на возови, но и на патниците кои го користат овој превоз. За разлика од кај нас, Европската Унија токму 2021 година ја прогласи за Европска година на железницата, за да ги стимулира граѓаните да го користат ова превозно средство.

Покрај тоа што возот е најевтин превоз и им овозможува најголем комодитет при патувањето на граѓаните, железничкиот сообраќај е убедливо најмал загадувач со штетни издувни гасови на воздухот, но и најмал емитер на стакленички гасови, споредено со патниот превоз, авиосообраќајот и бродскиот транспорт.

„Мета.мк“ подолг период наназад пишува за проблемите со функционирањето на патничкиот железнички сообраќај во земјава.

https://meta.mk/vo-evropskata-godina-na-zheleznicata-so-meseci-ne-soobrakjaat-vozovite-za-kichevo-kochani-i-prishtina/

Proposal of the night train net by the German Green Party

Кај нас воз = сиромаштија. 99% од корисниците на железниците се возат поради тоа што им е најевтино превозно средство, а 1% бидејќи се вљубеници во железницата. Тажна е реалноста, но тоа е.

Не се разбирам многу во возови,дали нашиве пруги можат да издржат брз воз ? Не мора да биде булет трејн како во Јапонија ама сепак да биде значително побрз,односно да не мора да се возам по 4 и пол саати од Скопје до Битола.. ?

Реално експресниот (утрински) воз стигаше за точно 2 часа и 50 минути кога работите беа во најдобар ред. Некогаш за жал во Прилеп мораше да се чека другиот воз од Скопје кон Битола кој доцнеше барем 25 пати месечно, а бидејќи пругата е со еден колосек, немаше каде да се разминат.

Исто така, поентата на експресен воз од Битола до Скопје не е да застанува и Богомила и Рајко Жинзифов и пичкесиматерине. Битола-Прилеп-Велес-Скопје, толку. Ако се прашувам јас, можеби не треба ни Велес, бидејќи има преку 10-15 воза дневно меѓу Скопје и Велес. Е тогаш ќе се стига за 2 часа и 20 минути.

А пак конкуренцијата на железници... кај нас ниту еден автобуски превозник во државата не е доволно паметен да воведе директна експресна линија до Скопје (некој спомена дека имало таква линија од Струмица едно време!?). Значи еден автобус денот може да вози од Битола за Скопје без да застанува во Прилеп и Велес, макар биле картите и 100 денари поскапи. Никој не се сетил ниту да понуди подобри седишта за 200-300 денари плус. Реално човек кому му е важно да заврши работа на еден ден во „метрополата“ во ова наше централизирано државиче би платил и 800 денари за повратна ама да патува пристојни. 4-6 такви седишта се повеќе од доволно, и онака автобусите се ретко наполнати до крај. И тоа би го имало на 1-2 автобуси во флотата, максимум.

На евролинии од по 3-4-5 часа има „бизнис класа“. Барем малку повеќе простор, или малку пошироко седиште.

Толку разбираат кај нас.

Edited by гитардемон - 18-Sep-2021 at 12:11

не знам зошто си толку опседнат со Југославија друже, гитар посочува реален проблем што општо е проширен низ цела македонија и сите бизниси, а тоа е лошата услуга и не толку цената, колку што е нелогично да платиш било што за такви ужасни опции и услови ... еве џабе и да е превозот 10 денари ако држава што е минијатурна по површина треба да ја патауваш пола ден, без разлика кое ти е превозното средство
еве да речеме во Македонија влезе фирма што ќе лета со спејс шатлови од град до град, џабе ако треба да застанува во секое забаталено село со 2 жители, луѓето нема да сакаат да плаќаат и да веруваат во тоа дека им се продава којзнае што

Не сме го споменале FlixBus, а треба да се спомене. Додека не дојде некој таков да ги потресе медиокритетите, едноставно е џабе да се очекува било каква промена од постоечките влезени во длабока комфорт зона.

Originally posted by mon Дали некој знае која локомотива ја влечеше оваа композиција низ Македонија? .

Originally posted by mon Originally posted by gorazd konecno nekoj normalen voz da pomine niz stanicava ... meta.mk  i @EUWB6_TCT . Дали некој знае која локомотива ја влечеше оваа композиција низ Македонија? .

Возна 442-003 (напред) и потискувалка 461-119 (позади на крај на возот)

Реално ако збориме, веќепостоечките лини и шини не се погодни за брзи возови. Реално највеќе што можеме да извлечеме од веќепостоечката инфраструктура е брзина од 130 километри на час, повеќе не ни верувам. Ако погледнеме на OpenRailwayMap може убаво да се види како ни изгледаат железничките линии, трасите, колкава брзина има на самата линија (ова не е 100% точно) , дали се електрифицирани линиите и со колкава волтажа.
[img]https://i.imgur.com/jdtGPu1.png[/img]
И еве брзината која е на оваа линија (пруга према тетово)
[img]https://i.imgur.com/pstfVWt.png[/img]
Е сега како факторираат дека брзината е 100 км/ч тоа незнам. Ама можеби за време Југославија кога пругата се одржавала почесто, била во подобра ситуација, возовите оделе 100 км/ч, ама сега не верувам. Делот Зелениково - Велес е 80 км/ч. Незнам дали возовите одат толку (треба некој да измери и да напише следна пат), ама јас не би верувал гледајки колку и таа пруга е во лоша состојба. Приметувате нешто идентично кај овие пруги?
Гледате дека повеќето пруги се градени покрај реки. Тоа е така бидејки уште во времето на османлиската и австро - унгарската империја повеќето пруги се граделе покрај реки. Таква е и линијата од Загреб до Љубљана, делови од Београд до Загреб исто така и многу други...

Имам изгледано доста видеа од железницата во Норвешка, навистина преубаво место, убава природа, песаж, итн...
Интересна работа е тоа што они имаат доста линии на кои што има станици на секои 400 - 500 метра, а нивните брзи линии (зборам за брзини од 160 км/ч и нагоре) немаат толку често станици, и имаат посебни шини одделени за поспори возови и за оние линии со по - фреквентни станици.

Затоа ние прво треба да отпочнеме со реновирање на веќепостоечката инфраструктура, која што во иднина би ги обслужувала помалите градови и села, а после тоа да отпочнеме со изградба на нови линии, кои што ќе одат по сосема нова траса, модерна и како што треба. Надоградување на веќепостоечките линии (двојни колосеци) е една голема глупост, освен исклучоци Велес - Демир Капија каде што постоечката траса може да се искористи и да се дуплира, а кривините да се исправат. И одреден ден од Скопје према Куманово исто така.

Најголемиот проблем после брзината и инфраструктурата во нашата држава е тоа што возовите застануваат на доста непотребни станици. Да знам дека има експресни возови, но реално колку често сообраќаат таквите возови?

За нас тоа е најдоброто решение. Ако некој очекува од веќепостоечката железничка инфраструктура која што е направена (повеќето) за време на османлиската империја да достигнеме нешто големо, нема шанси. Еве ги Србите, 6 милијарди инвестираат во железница. Београд - Нови сад каде можеше се дуплираше, се исправија повеќето кривини, и на другата линија каде што не можеше се направи сосем нова линија по нова траса со вијадукти, тунели, за да можат да се достигнат тие 200 км/ч. Треба и ние да го следиме сличниот пример на Србија. Но мораме и веќепостоечките линии да ги зачуваме. Има доста села кои што се лошо врзани со патната инфраструктура (дури немаат ни земјени патишта) а се добро врзани со железничката инфраструктура. Има такво село измеѓу Скопје и Велес, одма до вардар има една железничка станица и неколку земјени патишта. Значи има и доста селани кои што зависат од железницата.

Тоа е реалното решение. Треба да се сменат политиките кон самата железница, да се средат проблемите кои што постојат, и вакви политичари кои што со прст нејќат да мрднат не ни ни требаат...

Можеме многу лесно да си го решиме проблемот со железницата. Како можат Србите? Што ги спречува нив? Па еве и они не се во Европската Унија.