Проблем со диви депонии

Како што богатсвото е наследно, така и сиромаштијата е наследна. Мораме да им помогнеме, или да ги "натераме" со сила, како сакаш кажи го, да го прекинат овој циклус кој што добро го опиша кадешто генерациски се наследува таквиот минд-сет и повторно и повторно општеството не успева да ги интегрира. Јас понудив модел како тој ланец да се прекине во една генерација, отсечно и одлучно. Со ставање на делови од население под присилен патронат, и тоа не мислам по етничка линија него баш по оваква егзистенцијална линија. И ќе повторам, ЗА НИВНО ДОБРО, И НАШЕ ДОБРО.

А тоа што најбогатиот ром во Македонија и до неодамна нивни национален лидер, си го остави синот со основно образование сосема доволно кажува во каков менаталитет се заглавени. А другиот син го направи газда на перална за автомобили, зашто нели циганите природно местото им е во перална за коли, ама кога си јак е тогаш си газдата на пералната. Епа такви потези повеќе зборуваат за нив самите отколку што можам јас да сум заблуден. Да не правиме муабет дека еден не се најде да стипендира негови сонародници, и место молење гинеколог да дојде во Шутка 20 години, до сега ќе изшколуваа генерации доктори и сами ќе ги произведеа.

Не сум јас тој што така седејќи од чиста мира ми паднале фашистички идеи на памет, самите ги предизвикуваат и ствараат слики кои доведуваат до тоа кај луѓе да се развијаат вакви ставови. И повторно ќе кажам, ниакде не реков да ги правиме сапун, туку ДА ИМ ПОМОГНЕМЕ и одлучно ВО ЕДНА ГЕНЕРАЦИЈА да се прекине овој постојат циклус од кој сега никој не им помага да најдат излез!

Edited by user8642 - 14-Sep-2021 at 21:24

1. Арно беше забранет откуп на старо железо и бакар едно време.

2. На Шилегов дронот од 100.000 евра за ловење загадувачи испадна дека е само за сликање на нов асфалт по улиците и постирање на Facebook.

3. Државата има толку погрешни приоритети, а воедно и нејзиното население, што единствениот начин да се се реши било каков проблем е некој друг во ЕУ да ни го реши. Чарето за овие луѓе е да влеземе во ЕУ (оти бугарски пасош нема да добијат) и да одат да живеат таму (како бугарските и романските Роми) за некој друг со повеќе мозок од нас да им даде шанса да се еманципираат.

Маџир Маало зад Народна Банка,со месеци е вака...(од твитер)

Хорор глетка на Вардариште: Живеат десетина семејства со деца, чуваат крави, собираат и палат отпад



Кабли се палат под отворено небо за да се дојде до бакарна жица, што е еден од највносните бизниси во дивото селектирање отпад. Од горењето се создава темносив чад, исклучително токсичен и животозагрозувачки ако директно се вдишува. Каблите најчесто се украдени, но полицијата речиси никогаш не реагира на Вардариште.

За четириесеттемина што живеат на улица „Зенден Џемаил“ број 76, тоа беше само уште еден од вообичаените денови во некогашната градска депонија Вардариште.

Импровизираното живеалиште, изградено од штици, тули и најлони, ни оддалеку не може да биде дом за толку луѓе, но за државата сите овие нејзини жители се водат на оваа адреса. Поштарот неуморно доставува сметки, писма, судски покани, опомени, тужби…

– Луѓето се коректни кон мене, никогаш со нив не сум имал проблеми, уредно им ја доставувам поштата – вели поштарот во чиј реон спаѓа и дивата населба сместена на работ на Вардариште.

Куќите среде ѓубрето се дом на повеќе семејства со деца, а најголем дел од нив се издржуваат токму од собирање отпад. Еден од влезовите во Вардариште поминува точно покрај оваа населба и секогаш има по неколку пара очи, кои будно следат кој влегува на депонијата и што носи со себе.

Сведоштвата од Дифтар маало
Некогашната скопска депонија Вардариште се наоѓа од левата страна на Вардар, во близина на населбата Маџари и се протега на 42 хектари. Била во функција од 1976 до 1996 година, кога под притисок на жителите на Аеродром, кои тогаш се жалеле на ужасна и неподнослива смрдеа што им доаѓаше од преку реката, била конечно затворена.

За жал, со нејзиното затворање не завршија еколошките проблеми на жителите на Скопската Котлина, предизвикани од Вардариште. Напротив, од таа локација и натаму континуирано се загадува со нелегално горење отпад, а неколку научни студии сведочат и за загадувањето на подземните води предизвикано од натрупаниот отпад.

Жителите на околните населби, на пример од Дифтар маало, раскажуваат дека на Вардариште постојано се истура секаков отпад. Локалните босови им наплаќаат тарифа на камионите со градежен шут, расипана храна, отпадна пластика, земја од ископ за да „си завршат работа“. Исто како што си има своја цена и бакарот од изгорените кабли, кои се „преработуваат“ под ведро небо, односно се горат некаде на широкиот простор на депонијата, а потоа се продаваат по отпади. Неканетите гости се недобредојдени. Чадот од запалените кабли, носен од ветерот, преку Вардар, ги труе жителите на Аеродром, Ново Лисиче, Лисиче, Маџари…

– Од каде ви се кабливе? – прашуваме двајца помлади мажи, кои со неколку дечиња нѐ одминуваат качени на запрежна кола, претоварена со изгорени кабли.

Нивните лица се исцрнети, како да седеле над отворен оган. Иако беа видливо нерасположени да одговорат, како и да бидат сликани и снимани, ни рекоа дека „ги нашле“ случајно на депонијата.

Не вреди да се ставаат чувари, ќе ги поткупат
„Баравме од Град Скопје да ја огради депонијата, да постави бариери на приодните патишта, да стави чуварска служба, некаков мониторинг, но бевме одбиени со образложение дека нема пари. Дури ни беше кажано дека не вреди да ставаат чувари, бидејќи тие лесно можат да бидат поткупени за да не си ја работат својата работа “, велат локалните жители.

Се продава ли млекото од кравите што пасат на депонијата?



Неколку десетици метри подалеку, среде ѓубрето, затекнавме стадо со педесетина крави и стотина овци.

Информацијата што ја имавме дека на отпадот се напасува стока, се покажа точна. Но кога го погледнавме сопственикот на стоката што пасе на депонијата, тој прекина со молзењето на животните и тргна накај нас. Бидејќи претходно бевме предупредени дека е агресивен и непријателски расположен кон неканетите гости, не му се приближивме да разговараме. Така остана неодговорено прашањето – дали го продава млекото од своите крави и овци?

https://www.slobodenpecat.mk/video-chadot-od-zapaleni-kabli-na-vardarishte-go-true-polovina-skopje/

Ме потсети на најпознатата депонија во Африка. Се наоѓа во Гана, електронски отпад од цел свет пристигнува тука на "рециклирање" и вработените имаат животен век ~40-тина години. Многу интересна документарка, ако не сте ја гледале да ја погледнете.

Ѓорѓиевски: На местото од депонијата во Дупки правиме парк од 4.000 м2

Општина Кисела Вода денес започна со чистење на дивата депонија во месноста викана Дупки во населбата Драчево. Ова е првиот чекор кон финалното отстранување на сите депонии во општина Кисела Вода, изјави градоначалникот Орце Ѓорѓиевски, кој беше на терен заедно со службите.



https://www.facebook.com/1OrceGj

Ги мапираа и им објавија војна на дивите депонии, граѓаните скептични

Новите градоначалници на скопските општини им објавија војна на дивите депонии. Прво ги мапираа, па отидоа со механизација да го подигнат отпадот и шутот, и веднаш се пофалија на„Фејсбук за завршената работа.

Токму тоа го направи градоначалникот на Гази Баба, Бобан Стефковски кој спроведе еколошка акција во населбата Ченто во која комплетно е исчистена дивата депонија кај гробиштата Камник.

Граѓаните на Гази Баба ја поздравија акцијата бидејќи е исчистена една од 15 поголеми депонии на територијата на општината. Но, сметаат дека „една ластовичка не прави пролет“ ако овој проблем не почне да се решава системски затоа што депонијата за брзо време ќе биде вратена или ќе се создаде нова.

Не ракоплескајте за исчистена депонија. Секоја состојба која превенира лечење, а не спречување е осудена на брз пропаст. Ние активистите со години се бориме да се смени законот за инспекциски надзор што секоја влада поради популизам и губење на гласачи, го става под тепих. Впрочем на тоа укажа и Прибе на едно интервју со министерот за животна средина. Ако не сте знаеле секој граѓанин кој фрла отпад доколку биде фатен од инспектор како прво не може да биде легитимиран (а со тоа да добие казна). Полицијата нема изречено казна за комунален прекршок со години, и како трето, пред некое време се повлекоа мандатните казни. Тоа знаци дека секој прекршител по закон за животна средина, инспекторот ја пишува казната, па таа потоа оди на суд, па потоа ако во меѓувреме сторителот не фати врски, ќе му стигне некоја симболична казна. За разлика од претходно кога директно се извршуваше. Друго што треба да се знае е фактот дека камион што исфрла шут ќе биде казнет со 50 евра противвредност, а од целиот камион што ќе го исфрли шутот има заработка од најмалку 200 евра – објаснува Дејан Димитровски, екоактивист и поранешен советник во општина Гази Баба.

Хајди Стерјова-Симоновиќ смета дека наместо прекршок за одлагање отпад на недозволено место, тоа да биде кривично дело и тогаш ќе може и одземање на возило, а ќе може и затвор.

– Затоа што низ годиниве видовме снимки од граѓани од неколку исти комбиња/камиончиња како фрлаат отпад и создаваат диви депонии. Има многу „приватњаци“ кои се рекламираат по огласи дека чистат подруми, шут и кабаст отпад, им наплаќаат на граѓаните и потоа го фрлаат каде ќе стигнат! Мора ред да се воведе во комуналните дејности. Ако врши таква дејност да има лиценца од градот/општината, да има склучено договор со легална депонија или да има капацитети за преработка на отпад (зависи каков отпад ќе собира) и сите возила да му бидат обележани! Ако се фати необележано возило да собира или фрла отпад, кривично да одговара тој што го врши директно дејствието, ама ако има органи, и за тоа да одговара и тој. Има начини како се да се реши, потребна е само политичка волја. И се разбира камери за да се фатат сите кои ќе фрлаат на диви депонии – смета таа.

Никола Велевски, пак, предлага на секој 40. ден општината да организира Акциски ден за изнесување на кабаст отпад пред зграда или куќа.

– Граѓаните се сами должни на тој ден да го изнесат пред куќа. Секое изнесување на друг ден да е строго забрането и казниво. Општината треба јавно да ги истакнува кои се тие акциски денови во текот на годината, треба да има дежурен телефон на кој ќе може да се договори изнесувањето на отпадот и во рок од 3 дена тој отпад да биде подигнат. Градежниот шут е друга работа, секој претприемач е должен на крајот од работата да го отстрани на место каде што ќе го одреди општината, а понатаму каде ќе го носи тоа е нејзина работа. Не може ако живеам во Црешево, едно тамче градежен шут да го однесе во Дрисла и да ми наплати 100 евра – смета Велевски.

Тале Трпкоски предлага пак, во Гази Баба да се постават станици за рециклирање на отпад.

– Потребни се нај малку 20-30 станици за рециклирање на отпад и една поголема каде ќе можеме да исфрламе се и сешто, па дури и опасен отпад. Ова не е голема инвестиција, а ќе ни помага на сите нас, по секако најмногу на животната средина – вели Трпкоски.

Во општина Кисела Вода, се чисти дивата депонија во месноста викана Дупки во населбата Драчево. Ова е првиот чекор кон финалното отстранување на сите депонии во општина Кисела Вода, изјави градоначалникот Орце Ѓорѓиевски, кој беше на терен заедно со службите.

– По целосното расчистување на ова место, на површина од околу 4.000 квадратни метри ќе се направи зелен парк кој ќе нуди и многу дополнителни содржини. Ќе се изгради детско игралиште, катче за пензионери, ќе се постават клупи и корпи за отпадоци. Ова е првиот чекор кон финалното отстранување на сите депонии во оваа општина. Кисела Вода мора да биде чиста општина, затоа што тоа го ветивме и на тоа се обврзавме – подвлече градоначалникот Ѓорѓиевски.

https://www.vecer.press/ги-мапираа-и-им-објавија-војна-на-дивит/

Општините и градот годишно издвојуваат доста средства за механизација и чистење на овие депонии но џабе ефектот е нула бидејќи за кратко време повторно е исто. Се додека не се сузбие изворот преку надзор и казнување на тие неколку критични точки во секоја општина,формирање комунална полиција ништо не правиме. Само привремено се подобрува состојбата. За жал сме предалеку од современи начини за третман на отпадот,има 50-тина огромни депонии за кои во догледно време нема решение. Изведбата регионални депонии ќе чини стотици милиони евра и тешко е изводлива од финансиски аспект.

Денес Вардар полн со пластични шишиња, стиропор и други отпадоци, беше гадно да се шета на кеј, фуј! Освен тоа, градов никогаш не ми изгледал понечист одошто денес, буквално секаде каде што поминав со велосипед кантите беа преполни, расфрлано ѓубре околу нив, неизметени лисја од патеките, нечисти тротоари, отпад и ѓубре на сите страни покрај булеварите и поглавните улици. За Градски парк ич да не зборам.

Edited by Џоле - 07-Nov-2021 at 15:36

Originally posted by Џоле Денес Вардар полн со пластични шишиња, стиропор и други отпадоци, беше гадно да се шета на кеј, фуј! Освен тоа, градов никогаш не ми изгледал понечист одошто денес, буквално секаде каде што поминав со велосипед кантите беа преполни, расфрлано ѓубре околу нив, неизметени лисја од патеките, нечисти тротоари, отпад и ѓубре на сите страни покрај булеварите и поглавните улици. За Градски парк ич да не зборам.

Баш и јас прееска видов на кеј, кај ПИОМ, еден куп пластични шишиња.