Изградба на крст во Драчево - Кисела Вода

Message Topic Search Topic Options Post Reply Create New Topic Printable Version

   Историјата се пишува за големи дела, а ние сме тие кои ги создаваме.

Од денес, ова е свето место.

Сигурен сум дека оваа локација ќе им биде омилена на нашите жители, дека ќе биде атрактивна дестинација за туристите, и секако, ќе биде значајно одбележје на Драчево, но и на цела Кисела Вода.

Почитувани, 

Во предвечерјето на големиот празник Велигден, на овој убав ден кога ја празнуваме Лазарева сабота, се собравме тука, во населбата Драчево за да го означиме почетокот на изградбата на крст кој ќе биде втор по големина во Македонија.

 Како нераскинлив дел од македонскиот идентитет и континуитет, како симбол за вербата во Бога, како сведок за страданието и воскресението, крстот е и религија и обединување, е заедништво и сплотеност за секој кој мирот го наоѓа во молитвата и добрите дела.

Бидејќи крстот е симбол за раширените раце кон Бога-за молитва, за утеха, за прошка, за благодарност.

Пред 20 години, се изгради Милениумскиот крст на Водно. Две декади подоцна време е да го препознаеме и искористиме потенцијалот и на оваа локација. За четири месеци, овде, во Паркот на бранителите во Драчево, ќе биде изграден и ставен во функција крст кој ќе има висина од 63,5 метри. Подножјето ќе биде уредено со содржини кои ја карактеризираат Македонската Православна Црква, а од врвот ќе има ненадминлив поглед на Скопје.

Почитувани,

Како градоначалник на општина Кисела Вода, како човек кој е роден и израснат во Драчево, сакам да ја изразам својата огромна благодарност кон Светскиот Македонски Конгрес, кон компаниите ФАКОМ АД и ДАБАР ДООЕЛ кои се ктитори на овој проект, да се заблагодарам на г.г. Стефан, на сите присутни владици и свештени лица кои со осветувањето на камен темелникот го даваат својот благослов за овој нов симбол на христијанскот и македонскиот континуум.

https://www.facebook.com/1OrceGj