Интернет и телекомуникации

Најголемиот увозник на интернет во Македонија, компанијата Телесмарт ја претстави својата улога на телекомуникацискиот пазар во земјата и нивните бизнис планови за иднината на компанијата.

Многу скоро, корисниците на MaxTV ќе имаат можност да гледаат и содржини со висока резолуција. Очекуваме, до крајот на овој месец, во соработка со една национална телевизија да почнеме да ги прикажуваме натпреварите од Лигата на шампиони во висока резолуција, попозната како HD (High Definition). Дополнително ќе се вклучат уште еден ТВ-канал и содржини во видеотеката со висока резолуција, вели Фирфов

Неодамна ги објавивте финансиските резултати за 2009-та. Како директор на продажба колку сте задоволни од остварените компаниски цели и како зголемената конкуренција се одрази врз продажбата на Т-Home?
- Минатата година се покажа како исклучително тешка во светски рамки, како последица на рецесијата. Телекомуникацискиот бизнис не беше директно погоден, но сепак влијанието од кризата се почувствува во одредени сегменти и на нашето работење. Како компанија секогаш се стремиме да бидеме во тек со светските технолошки трендови и да ги примениме на македонскиот пазар. Конкуренцијата, всушност, е таа која не прави подинамични и придонесува уште повеќе да се фокусираме на корисничките потреби и на креирање на врвни услуги. Наспроти кризата и во услови на зголемена конкуренција на пазарот, успеавме да ги оствариме и надминеме зацртаните проекции и цели за 2009-та, а со тоа и да одговориме на очекувањата на акционерите, вработените и на корисниците. Од продажен аспект би нагласил дека очекуваните резултати за сите поважни услуги беа постигнати и надминати. Квалитетот на услугите, а особено грижата кон нашите корисници, ни помогнаа Т-Home да ја задржи лидерската позиција на пазарот.
Кои сегменти покажаа позитивни резултати во рамките на планираното, а кои потфрлија?
- Со MaxTV како вистински телекомуникациски хит на пазарот, направивме револуција во сегментот на дигиталната телевизија. Воведовме нови стандарди, но истовремено и ги зголемивме критериумите на македонските граѓани за квалитетот на телекомуникациските решенија. За една година од воведувањето на 3 Max услугата имаме над 16.000 корисници, бројка која сама по себе зборува дека на пазарот понудивме производ кој совршено ги погоди и ги задоволи потребите и барањата на граѓаните. Создадовме и таргетирани пакети и услуги како што се: Call & Surf , т.н. дабл-плеј пакет за корисниците на интернет и телефонија со поволност за бесплатни разговори помеѓу себе, потоа 2 Max пакетите, за корисници кои не се заинтересирани за интернет, но истовремено се заинтересирани за нашата ТВ-понуда и фиксна телефонија, со кои привлековме завидна бројка на корисници, кои не можеа да се пронајдат во понудите на нашата конкуренција. Основниот фокус секако се Интернетот и дигиталната телевизија, телекомуникациски решенија кои поради интересот и потребите на корисниците придонесуваат за остварување на позитивни резултати. Овде ќе напоменам дека фиксната телефонија е во опаѓање, но тоа е нормален тренд кај фиксните оператори насекаде во светот. Со оглед на појавата на понапредните телекомуникациски решенија, зголемените кориснички барања и денешниот динамичен живот, приматот го зазема мобилната телефонија и го налага начинот на комуникација.

Каков е пазарниот удел на Т-Home телевизијата? Колкав дел од колачот им зедовте на кабелските телевизии?
- Секојдневно работиме на збогатување на содржината на 3 Max пакетите. Освен оригиналните карактеристики по кои MaxTV е различна од телевизиите на останатите провајдери (премотување, снимање, закажување однапред, вртење напред назад, слушање радио и сл.), интерактивноста и забавните содржини е она кое дополнително влијае за преземање на корисници од нашата конкуренција. Кабелските оператори нудат интернет и говорни услуги, покрај нивниот основен ТВ-бизнис. Пакетите 3 Max во себе ги вклучуваат сите овие понуди, но со таа разлика што нудат целосно легализирано портфолио на ТВ-програми, кои не ги исфрлуваме или заменуваме, туку напротив програмските содржини постојано ги збогатуваме. Токму поради тоа, околу 40 отсто од нашите постоечки 3 Маx корисници се дојдени од кабелските оператори. Оваа бројка е доказ за супериорната понуда која ја нуди Т-Home на пазарот.

Зборувајќи за дигиталната телевизија на Т-Home, какви новитети се подготвуваат во тој сегмент?
- Од воведувањето на услугата па до денес, МаxТV содржината ја збогативме со радио, игри, телефонски именик, речник, мојата сметка на МаxТV, а од неодмна го воведовме и популарниот HBO филмски пакет (два ТВ-канала и HBО видеотека). Многу скоро, корисниците на МаxТV ќе имаат можност да гледаат и содржини со висока резолуција. Очекуваме до крајот на овој месец во соработка со една национална телевизија да почнеме да ги прикажуваме натпреварите од Лигата на шампиони во висока резолуција, попозната како HD (High Definition). Дополнително ќе се вклучат уште еден ТВ-канал и содржини во видеотеката со висока резолуција. Во тек е и функционално проширување на МаxТV платформата. Новата верзија ќе донесе многу нови можности за интеракција, нови интерактивни апликации и содржини. Една од поинтересните функционалности е можноста со МаxТV да се вратите наназад во времето. Замислете ситуација: вклучувате МаxТV, менувате по каналите и наоѓате интересен филм кој е пред самиот крај. Притискајте на копчето за враќање наназад и филмот само за вас започнува од почеток!

Дали се работи на тоа секаде кајшто е можно, каналите да бидат со македонски превод?
- Секаде каде што е можно да се дистрибуира македонската локализирана верзија, МаxТV ги преведува каналите. Локализираната верзија е дел и зависи директно и од самиот ТV-канал кој одлучува дали ќе обезбеди македонски превод. Деновиве Т-Hоmе ќе обезбеди уште еден многу интересен новитет. Сите корисници, ќе имаат можност голем број канали од MaxTV понудата да ги следат преведени на повеќе јазици. Покрај македонскиот превод, ќе бидат достапни албански, српски, хрватски или други опции. Притоа, сега корисникот сам ќе може да го одбере јазикот на кој ќе го гледа каналот.

Колкава е покриеноста на Македонија со оптичко влакно во моментов?