Македонска Филхармонија

зошто велиш не само на шопен лслс, за мене пример стравински има поголема вредност и убеден сум доколку побараме од русија истите веднаш ќе ни испорачаат за поклон во филхармонија десет негови бисти во секаква форма... мора под итно да се пресече и со време културно да им се извиниме на пољаците што шопеновата биста нема да биде во фоајето на филхармонијата! може да се направи еден павиљон-музеј во продолжение на филхармонијата кој може да биде пример од тензилна архитектура а таму да се начука креативно низ скулптура, слика и видео цала светска и македонска историја на класичната музика... ало луѓе не смееме да си дозволиме ни политички гаф а не смее па во никој случај други да ни кажуваат што каде како сакаат да ни донираат и постават, за тоа има одговорни и доволно паметни во државава се надевам кои ќе искубурат некое компромисн решение, но никако од типот еве и едниот и другиот ќе ги акнеме во фоаје...

како што реков шопен нека го сместат онака културно кај тасино чешмиче каде се наоѓа и улица Шопенова! што да кажам само на нас можат вакви неверојатни ситуации да не спотераат! дефинитивно imposible city не запира во ниедна минута, ја билдаме етикетава како диго квасец секој месец со некое ново импровизирано чудо...

Валентина Стојанчевска

Уметниците од Македонската филхармонија бараат итно довршување на изградбата на Концертната сала на Филхармонијата и нејзино издвојување од контроверзниот проект „Скопје 2014“. Иако, според првичните најави на Министерството за култура, карабината на објектот требаше да биде готова во мај минатата година, изградбата се уште тапка во место. Додека од Министерството за култура, сепак, убедуваат дека работите се одвиваат според предвидените рокови, уметниците, преку својот заеднички профил на социјалната мрежа „фејсбук“ отворија петиција со која бараат поддршка за довршување на објектот како самостоен проект, независен од „Скопје 2014“. - Концертната сала на Македонската филхармонија е проект што датира уште од седумдесеттите години на дваесеттиот век, но својата реализација ја добива дури во последните неколку години. Изградбата почна во 2009 година и, според плановите, карабината требаше да биде готова до мај 2010 година. Во меѓувреме, Концертната сала беше неоправдано вметната во проектот „Скопје 2014“, иако таа беше планирана и нејзината реализација беше почната многу порано. Од засега нејасни причини овој проект е запрен - се вели во петицијата на оркестарските уметници. Тие ги повикуваат граѓаните да се потпишат на нивната петиција со која бараат изградбата на Концертната сала да биде приоритет на Министерството за култура и на државата воопшто. Од Министерството за култура, пак, велат дека изградбата не доцни и дека работите се одвиваат според предвидените рокови. - Се оди во согласност со планот и со динамиката, а до јуни се очекува да биде завршена карабината. Важно е да се нагласи дека станува збор за сложена изградба и за специфичен објект. Исто така, се работи и надвор од локацијата, односно во посебни погони каде што се изработува челичната покривна решетка, во форма на харфа, која со кранови треба да биде монтирана на покривната конструкција - велат од Министерството за култура. Зградата на Македонската филхармонија е една од поскапите во проектот „Скопје 2014“. Иако првично беше најавено дека објектот ќе чини 5,8 милиони евра и тоа до карабина, со последниот тендер цената надмина седум милиони евра. За негова изградба е ангажирана австриската фирма „Алпине“. Во меѓувреме, не запираат реакциите за проектот „Скопје 2014“. Според колумната на архитектот Филип Марјановиќ, напишана во стручното списание за градежништво, архитектура и екологија „Порта 3“, проектот е панаѓур на кичот. - Креаторите на оваа карикатура од проект наречена „Скопје 2014“ се луѓе што немаат допирна точка со архитектурата. Тие со него не само што демонстрираат краен дилетантизам и невидена ароганција, туку покажуваат и дека се временски и просторно загубени во вселената. „Архитектите“ што учествуваа во ова големо сквернавење на просторот, се луѓе што на кој и да е регуларен меѓународен конкурс не би можеле ниту откуп да освојат, а не, пак, да добијат прва или втора награда. Напротив, нивните проекти би биле предмет на јавно исмевање поради „визиите“ што ги нудат, како што впрочем е случајот со овој проект - пишува архитектот Марјановиќ во „Порта 3“. Марјановиќ, во колумната, додава дека во целата збрка има еден светол момент, а тоа, според него, е објектот на Македонската филхармонија. - Таа дејствува како едно осамено парче модерна архитектура, кое апсолутно не припаѓа во овој панаѓур на кичот. Познавајќи го демократскиот капацитет на оваа власт, воопшто не очекувам дека нешто ќе се промени во блиска иднина - вели Марјановиќ.